Home
Liajntsuab.Liajntsuab wrote:Tijlaug Koobpovtxuj,
Kuv paub thiab pom tej koj tham yav dhau los ko kawg vim lub neej thaum ub tsis hais koj pab kuv pawg los sis tus Hmoob twg lawv ua nom yog muab nyiaj muas los thiab yog xaiv tus suab nrov xwb tsis yog xaiv tus ntse kom coj taus Hmoob mus rau txoj kev vammeej. Nyob rau tiam no peb sawvdaws txawj ntse thiab paub ib yam txog txoj kev coj tibneeg, koj los tsis ntshai kuv hos kuv los tsis ntshai koj lawm. Thaum peb ua neej VAJHUAM MUAJ SIB LUAG lawm peb yuav HLA TSIS DHAU TXOJ CAI thiab ntawm KEV SIB HWM yus tsavneeg thiab yus tus Thawj Coj mas peb thiaj li yuav muaj lub neej ua thiab luag lwm haivneeg thiaj li yuav saib taus yus tsavneeg. Nej twb pom lub tebchaws peb nyob no twb tsis coj li peb Hmoob ne!!!
Yog kuv hais tsis yuam kev mas zoo li koj muaj ntsis chim rau kuv los sis peb cov Hmoob Vaj thiab xav tias yog peb cov Hmoob Vaj tsis txaus siab rau yam uas Yaj Cib los sis nej cov kwvtij Hmoob Yaj ua, rau qhov tias lub koobtsheej 7 hli 22 no yeej yog Dr.Yang Dao, Col. Suav Yaj, Ham Choj, thiab Yaj Cib lawv cov no yog cov ua tiag thiab. Dhau li lawm thaum ua ntej lawv yuav tsa lub koobtsheej no Dr. yang Dao lawv twb xub los tsa muaj lub koomhaum Lao Coalition ua ntej thiab lub koomhaum no twb yog tus los tuav lub koobtsheej ntawd thiab lawv yeej tsis koom nrog tej Hlob lawm. Tiamsis kuv xav tias tej Hlob lawv yuav tsis tau xav li ntawd txog ntawm nej cov kwvtij Hmoob Yaj ua cov los tsa lub koobtsheej no. Qhov teebmeem LOJ TSHAJ mas ua li kuv hais los saum toj saud Hlob Vaj Pov twb yog tus uas Amelika ya puag tim U.S.A no mus ntsib nws tim Nplog thiab yog tus uas luag tuav tes sib khom kev cog lus nrog CIA ua npluav rog Secret War thaum pib txog thaum xaus ua cas thaum kawg no luag ho cia tej menyuam tom qab tom tw thiab ib txwm twb tsis nrog luag ua tsovrogg los mus tuav dej num no es mam li caw luag tus Hlob tuaj koom xwb? Nej sim ho ua tib zoo coj mus xav seb yog tias nej yog HLob Vaj Pov no nej ho xav licas? Nej puas yuav taus? Nej puas tuaj koom? Kuv xav tias ntshe mus tsis tau po lod!!!
Tej teebmeem no yog tias Yaj Cib thiab Yang Dao lawv paub cai, paub hwm lawv tus coj tiag kuv xav tias lawv tsis kam lees txais txoj haujlwm no ua os nawb yog tias TSEEMCEEB npaum li Yaj Cib tuaj hais no tiag. Kuv hais rau nej tias kuv tsis yog ib tug neeg kawm ntawv siab thiab txawj ntse tiamsis hais li kuv menyuam yaus xav xwb vim yog IB FEEM HMOOB PHEEJ COJ LI NO PEB HMOOB THIAJ LI PLAG NTSHAV TXHUA YAM THIAB TSIS MUAJ KEV VAMMEEJ mas tijlaug Koobpovtxuj. Yog sawvdaws paub cai mas NYIAS ROV TXAJ NYIAS COV QHOVMUAG THIAB XAV MUS HAUS TSHUAJ NTXUAV NYIAJ nawb vim tias ua li kuv hais los saud LUAG TUS DAJHAU MUAB POBTXHA LOS YOM KOM HMOOB SIB TOG thiab XAV SIM SEB UA LI HMOOB PUAS NTSE XWB na. Luag sim kiag tag ua cas HMOOB HLWB RWJ ua luaj thiab luag thiaj tso Hmoob tseg li niajhnub no leejtwg ua dabtsi los tsis sawv.
Tsis yog kuv tsis txaus siab rau nej cov Hmoob vaj ho nyiam kuv tsev Hmoob yaj li koj xav no nawb.Kuv tsuas hais cov qub nom uas lim hiam ntais ntuj noj teb noj chaw xwb.Txawm yog xeem Hmoob dab tsi los leej twg yog tus qub nom uas noj teb noj chaw ces yog tus ntawd xwb.Yawg hlob vaj pov yog tus taw qhia kom cov nom mus hlub mus pab pej xeem tab sis tawm ntawm yawg loj xub ntiag rau tod lawm ces mus kaus pej xeem noj lawm.Kuv qhia 1 zaj dab neeg rau koj tias cov tub nom tub tswv uas txiv ua nai ua nom ces tub mus kawm ntawv tub yeej muaj nyiaj hli hnub qub 1 hnub qub 2 lav txhua lub hlis.Thaum 2 tug nom uas yawg loj tso tuaj nrog peb nyob peb zej peb zos ces nws cov kwv tij txhua tus tau muaj nyiaj hnub nyiaj hli noj huv si.Tau mov loom noj huv si.Lawv cov kwv tij cov phub thaub laus quav yeeb twb tsis tau kov dua phom tuag mob tuag ntsaj xwb twb tsis yog mus sib ntaus sib tua tuag los yeej tau nqe taub hau pem yawg loj huv si.Lwm cuab lwm xeem ces tsis yog tus tub peeb zeej tuav riam tuav phom tiag ces yeej tsis muaj nyiaj hnub nyiaj hli.Tus twg tsis yog tub nom ces txawm mus kawm ntaub kawm ntawv los yeej tsis muaj 1 kis nyiaj nrog luag lav.Muaj 1 xyoos tus nom uas lim hianm no nws kuj xav tias nws hwj chim loj txaus nws cia li ntaus peb tus nai koos 100 ces muab peb tus nai koos 100 khi tua phom ncig nws ua av tawg pleb nrees ces peb tus nais ban thiaj li thov thiab ntxias nws zoo siab nws muab nai koos 100 tso ces nai ban thiaj li tuaj mus cuag tub ceev xwm nplog hauv nroog moos loob ces tub ceev xwm thiaj li mus cuag tus tuam thawj tub peeb zeej phaj 1 thiab qhia tias yawg hlob Vaj pov cov nom uas vaj pov tso tuaj kav cov Hmoob yog tuaj ua phem rau Hmoob xwb.Thaum no tus tuam thawj phaj 1 thiaj lu hu rau Yawg hlob vaj pov tias khej no yog nws av phaj 1 cia nws mam tuaj saib kom yawg loj sau yawg loj cov nom rov qab ces txij hnub ntawd los peb nyob hauv nplog phaj 1 tuav ces nws thiaj li tso 1 tug nom tuaj nrog peb nyob cia peb ua peb nai kos 100 peb ua peb thab ham nyiaj hnub nyiaj hli leej twg yog thab ham tiag leej twg thiaj muaj nyiaj hli.Luag muab nyiaj tuaj muas rau thab ham noj tsis ua li niag nom hmoob huab noj huab haus es 1 sij mus ntes Hmoob 1 tug qaib 1 sij mus ntes Hmoob 1 tug npua lawm.
Cov qub nom coj li no niaj hnub no twb poob teb chaws tuaj nyob luag ntuj lawm tsim nyog yuav tau tuaj yoog luag txuj lawm. los lawv haj tseem qhuas tias lawv tseem muaj hwj chim tsis nco qab tias lawv thiab peb cov me nyuam yaus no muaj cai sib luag lawm.Tseem cav niaj hnub khav tias lawv muaj hwj chim tseem niaj hnub siv hwj chim li lawv yog nom yog tswv koj xav ne puas tsim nyog lawv niaj hnub nthe tias lawv thiaj yog cov muaj cai muaj hwj chim lawm.Kuv xav mas twb tsim nyog lawv txaj muag txog tej puag thaum ub lawv huab noj huab haus ntawm pej xeem kawg tsim nyog lawv pom peb mas lawv twb txaj muag rau peb cov me nyuanm yaus uas thaum ub lawv niaj hnub caij tsuj lawm.
Qhov Hmoob ua neej tsis vammeej ces yog coj li no os tijlaug Koobpovtxuj. Sawv daws ntse dhau lawm es cia nyias phov nyias kom kawg uas zoo nkaus li tus Noog kaw hauv pobtawb dhia kom tawv taubhau laws tag ces ho tsoo txha taubhau to ces hlwb tawm thiab yoov nteg qe rau peb thiaj li yuav tsis pom Hmoob tej nyuag teebmeem no tshwm lawm os.
