HMOOB QHIA TXOG HMOOB RAU LWM HAIVNEEG ROV MUS YUAV TEJ MENYUAM NTXHAIS TSIS TAU MUAJ HNUB NYOOG NYOB NTUJ QUB QAB

Muab lwm haivneeg coj los piv rau peb Hmoob mas tsuas yog peb pheej sib yuav thaum me me xwb tiamsis kev sib daj sib deev tseem deev li lub ntuj tsim teb raug los raws li kev Tibneeg UA NEEJ thiab COJ TAU ZOO KAWG NKAUS uas luag lwm haivneeg twb piv tsis tau. Luag lwm haivneeg mas txoj kev sib deev ntawd TEJ TSIAJ TSEEM DEEV TAU TSIS QIASNEEG THIAB ZOO SAIB DUA lawv, txawm tias luag lwm haivneeg ua QIASNEEG npaum li ntawd los luag twb tsis tau muab hais TAWM THIAB THUAM li peb Hmoob es pheej hais tias TXIVNEEJ HMOOB MAS NIM PHEM THIAB TXHOM MENYUAM NTXHAIS YUAV. Txhua haivneeg tej teebmeem zoo li Hmoob muaj txhua tiamsis luag totaub txog txoj kev ua neej vim tias muaj ntau level neeg thiab tus xeebceem tsis coj zoo ib yam.

Yog li no tej teebmeem no tsis yog TXHUA TUS TXIVNEEJ HMOOB LI, nws yog QEE LEEJ QEE TUS LI xwb. Yog peb ua hais xovxwm tsis paub CAIS kom meej mas TXHOB HAIS ZOO DUA.

Liajntsuab wrote:Nram no yog Hmoob nyob Minnesota, U.S.A. los muab Hmoob lub qe tsis zoo txog txoj kev tej Txivneej Hmoob rov mus tham thiab yuav tej menyuam/pojniam uas tsis tau muaj hnub nyoog nyob ntuj qub qab.  

Kuv ib txwm TSIS POM ZOO thiab TAWM TSAM txog peb Hmoob txoj kev TSIS NTSE uas pheej muab tej xovxwm no coj los tham piav qhia rau lwm haivneeg kom luag NTAUS NQI PHEM rau peb tsavneeg.  Qhov kuv tsis pom zoo mas vim tias tsis yog peb cov Hmoob xwb lwm haivneeg los muaj teebmeem ib yam nkaus hos tus Ameslika kiag los lawv niajhnub muab tej menyuam ntxhais thiab tseem muab tej menyuam tub tsis muaj hnub nyoog deev nyob lub tebchaws no lawv twb kho tsis tau.  Txawm peb yuav muab coj los tham rau lwm haivneeg los yeej pab tsis tau, yog leejtwg ho tsis mloog lus nws mus ua txhaum ces yog nws li teebmeem ua li tej laus hais NYUJ UA NYUJ THAUJ NEES UA  NEES RIS.

Yog thaum yus muab yus haivneeg coj los hais tawm li no yuav ua rau luag lwm haivneeg SAIB PEB HMOOB TXHUA TUS QIS HEEV li.  Qhov no yog ib qhov tswvyim TSIS NTSE los ntawm tej pojniam.  Yog vim licas lawv hais txog cov txivneej xwb lawv hos tsis hais txog cov POJNIAM HMOOB uas mus yuav Txiv Mos Ab thiab?  

Peb ua neeg nyob yog yus ntse tsis txaus thiab pom tsis deb txhob lam tau lam mus sau xovxwm txog yus haivneeg nws yuav muaj kev phomsij rau yus haivneeg lub koobmeej.

https://nonprofitquarterly.org/2015/11/02/hmong-community-advocates-take-on-the-divisive-issue-of-child-brides/


http://shrdo.com/index.php/suabhmong-news/2896-open-secret-of-child-brides-roils-twin-cities-hmong-community

Liajntsuab, txhob chim os. Yog yus tsis xav tau lub koobmeej phem ces luag hais muaj li los yus mam li ho txhab txhais yus sab kom lwm haiv neeg totaub ces yeej daws tau qhov teebmeem rhuav yus haiv neeg lub qe lawm. Tej no yog tsis muab hais ces cov niag thaub laus es twb yog yawmtxiv, yawg, yawgkoob lawm los pheej mus muab tej ntxhais mos ab tsuam li nws lub siab ntshaw tsis paub hlub tias luag twb tsis nyiam yus hlub tsis taus yus los yuav tau cia rau hlub vim neeg txomnyem tsis muaj kev xaiv. Ua neeg nyob yus yuav tau xaiv tus kom phim yus thiab es thiaj li tsis muaj muaj teebmeem li peb Hmoob. Peb yog ib haiv neeg tsawg tsawg tabsis teebmeem twb ntau npaum tej haiv neeg coob lawm vim peb muaj tus xeebceem comviab, khavtheeb, dag, tsis professional kiag li.