HMOOB TSAV NTUJ

Would you like to react to this message? Create an account in a few clicks or log in to continue.

google-site-verification: googlefbfddf59e706b96b.html

Latest topics

» Ib tsoom Phoojywg Nej Nyob Licas lawm
by Liajntsuab 7th October 2019, 9:45 am

» NCIG XYUAS HMOOB NYAB LAJ TEB TSEEM UA LUB NEEJ NYOB TOJ SIAB
by Tub kev deb 3rd October 2019, 7:19 am

» Tshuaj Ntsuab
by PIJPAUJ 27th November 2018, 11:17 am

» NYOB ZOO OS
by cwjmemdub 10th October 2018, 9:37 pm

» TUS KAB MOB CANCER TXOV HMOOB LOS TAU ZE 600 TAWM XYOO & TSEEM YUAV MUAJ NTXIV
by Liajntsuab 13th April 2018, 11:57 am

» ***UA NEEB***
by shung 8th March 2018, 5:49 pm

» Neeb Saub ua rau neeg vwm
by shung 4th February 2018, 2:58 pm

» Xiong Chang
by koobpovtxuj 10th December 2017, 11:00 am

» Koobpovtxuj.
by koobpovtxuj 19th November 2017, 1:34 am

» kuv cov duab.
by koobpovtxuj 18th November 2017, 11:30 am

» KHAWV KOOB
by koobpovtxuj 30th September 2017, 4:29 pm

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

Tsev seev PajHuam

Koobpovtxuj. Nraug_11

Hmong beauty nature

Koobpovtxuj. Dsc08613

Compteur visitor

hnub 18/09/2010 los mus

2 posters

    Koobpovtxuj.

    avatar
    koobpovtxuj
    Sponsor
    Sponsor


    Messages : 1318
    Date d'inscription : 2010-04-05
    Age : 64
    Localisation : USA

    Koobpovtxuj. Empty Koobpovtxuj.

    Post  koobpovtxuj 22nd September 2017, 7:38 pm


    KOOB POV TXUJ MOB.

    Lub 9/9/17 dhau los kuv thaum sawv ntxov kuv 6:00Am kuv twb sawv los noj tshuaj tag zoo li kuv muaj ntsis nkees ces kuv cia li rov mus pw lawm.1 nyuag pliag txog 8:30 Am kuv rov sawv los zaum ua cas zoo li kuv txawm hnov ua no ntxiag li yuav ua npaws ces kuv rov mus muab 2 lub tshuaj los noj tag ces kuv rov mus pw txog 1:30Pm kuv hnov dim zis kuv sawv mus tso zis no ua cas kuv cia li sawv tsis taus li lawm.

    Kuv thiaj hu tias los pab kuv os ces kuv poj niam thiaj li los kiag ntawm txaj nug tias ua cas os kuv tias muab 1 lub taub yas los cug kuv yuav tso zis os.
    Ces kuv poj niam tias koj sawv tsis taus lawm lod?
    kuv tias aws no ces kuv poj niam mus muab tau 1 lub taub yas los cug kuv tso zis saum txaj ces nws tias coj koj mus hoos mom yom.
    Kuv tias aws no ces nws coj kuv cov zis mus hliv pov tseg tom hoob nab tag nws rov los txog ces kuv twb ua tsis taus pa li lawm kuv taw tes rau lub taub Oxygen ces kuv poj niam mus qeb tsis tau cua Oxygen rau kuv li nws thiaj li hu kuv tus tub los ces nws los qib tsis tau li thiab nkawd thiaj li hu mus nug kuv tus tub hlob tias kom nws los tsev kuv mob nyhav ua tsis taus pa li lawm thiab kom nws qhia nkawd qib lub taub Oxygen ces nkawd thiaj li qib tau cua Oxygen rau kuv ces ku ho ua pa tus zog.
    Nkawd mam li hu rau Ambulance kom tuaj tos kuv mus hoos mom ces lub tsheb Ambulance tuaj txog thaum 2:30Pm ces lawv tias kuv twb tsis muaj pa lawm lawv tuaj muab 1 lub taub cua nyem rau kuv qhov ncauj thiab nias kuv hauv siab 2-3 teg ces kuv rov ua taus pa tuaj.Lawv thauj kuv mus txog tim tsev kho mob thaum 2:55Pm ces kuv poj niam thiab cov me nyuam kuj caum lawv qab mus txog tim tsev kho mob ua ke tib lub sijk hawm. Tib pliag ces kws kho mob los hais rau kuv poj niam thiab cov me nyuam tias tu siab uas nej txiv tuaj txog lig zog lawm peb pab tsis tau nej txiv lawm. Nej muaj kwv tij xav pom ces kom tuaj saib tam sim no 1 pliag no ces peb coj mus tso rau chav cia neeg tuag tos tsev txias lawm xwb.

    Kuv poj niam thiaj li hu kiag rau kuv niam tij Ntxoov Vag tias hais rau nej paub kuv tus txiv tuag tim hoos mom no lawm kom koj hais rau cov kwv tij tuaj saib tuaj pab seb yuav uas li cas. Ces niam tij thiaj li hu rau cov kwv tij lub sij hawm ntawd cov kwv tij tseem noj mov tom tus tub Xaiv Looj yaj tsev ces cov kwv tij hnov tias kuv tuag tim hoos mom lawm ces tus yuav fiv yeem li cas los muaj tus yuav thov ntuj li cas los kuj muaj. Thiab cov kwv tij tug puav kuj cia li khiav tuaj saib kuv tim hoos mom.hos kuv tus tub hlob thiab tus nyab los tseem nyob tim tsev ces thiaj li hu rau nkawd kom cia li tuaj kuv tuag lawm ces nkawd thiaj li thauj tag nrho cov me nyuam cov xeeb ntxwv tuaj txog tim tsev kho mob.

    Lawv tuaj txog tag tim hoos mom tib pliag xwb ces kws kho mob rov los hais tias zoo siab uas nej tus neeg xeev lawm nej mus nyob saum xab 7 chav ICU tos peb yuav coj los rau saum chav ICU nyob saum xab 7 no ces kuv tsev neeg thiaj li zoo siab thiab lawv mus nyob saum xab 7 chav ICU tos ces tib pliag lawv coj kuv los rau saum xab 7 Chav ICU li hais.Hos thaum kuv hnov ces twb txog 6:30pm lawm. Kuv pom kuv tus tub hlob los tuav nkaus kuv sab tes laug thiab hu txiv koj puas hnov kuv os. Kuv teb tsis tau lus li kuv ncaws ncaws hau rau xwb. Kuv pom kuv niam tij num khais thiab tij laug num khais los sawv ntawm kuv sab xis thiab hu kuv tias koj puas pom peb os.Kuv kuj ncaws ncaws hau rau niam tij xwb.Kuv poj niam los hais kuv tias tag nrho koj cov me nyuam nyob ntawm no huv si lawv hlub hlub koj os.Kuv kuj ncaws ncaws hau rau kuv poj niam xwb.Kuv tus tub xeeb ntxwv thiab tus ntxhais xeeb ntxwv los tuav kiag kuv 2 sab tes laug thiab sab tes xis hu tias yawm kuv hlub koj os.koj hais tsis tau lus lod?.kuv tsuas yog ncaws ncaws hau rau nkawd thiab xwb.
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Koobpovtxuj. Empty Re: Koobpovtxuj.

    Post  koojziagkabzaug 23rd September 2017, 6:43 am



    Nyob zoo me tub Koob Pov Txuj,

    Zoo siab uas nws txawj mog los txawj zoo mog.
    Yus yog ib tug neeg zoo, Tswv Ntuj Yawm Saub, poj koob yawm txwv yuav pov hwm yus, yuav tsis pub yus tso tej kwv tij neej tsa, tej poj tub se cia, lub neej tseem hluas hluas, yuav cia nws nyob ntev ntev kom nyob plaub dawb nres caug, kom nyob ua luag txwj sawv ua luag laus nawb mog.

    Zoo siab rau nws kev yeej zaum no.
    avatar
    koobpovtxuj
    Sponsor
    Sponsor


    Messages : 1318
    Date d'inscription : 2010-04-05
    Age : 64
    Localisation : USA

    Koobpovtxuj. Empty Re: Koobpovtxuj.

    Post  koobpovtxuj 23rd September 2017, 4:39 pm

    Koojziagkabzaug.
    Xyov yog tim li cas tib pliag xwb kuv twb tuag 1 tsig sawv rov los lawm.Cov neeg tuag ces zoo nkaus li yus pw tsaug zog tsis hnov dab tsi li lawm.
    avatar
    koobpovtxuj
    Sponsor
    Sponsor


    Messages : 1318
    Date d'inscription : 2010-04-05
    Age : 64
    Localisation : USA

    Koobpovtxuj. Empty Re: Koobpovtxuj.

    Post  koobpovtxuj 23rd September 2017, 8:32 pm

    Xyov yog ua cas kuv tuaj tso tsis tau kuv cov duab rau ntawm no li lawm ne.
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Koobpovtxuj. Empty Re: Koobpovtxuj.

    Post  koojziagkabzaug 25th September 2017, 6:23 am


    Tub Koob Pov Txuj,

    kuv tseem tso tau duab li qub os. Xyuas seb ntshe yog tej thaum lawv khov hauv cab sab xwb os.


    Koobpovtxuj. 12039510
    avatar
    koobpovtxuj
    Sponsor
    Sponsor


    Messages : 1318
    Date d'inscription : 2010-04-05
    Age : 64
    Localisation : USA

    Koobpovtxuj. Empty Re: Koobpovtxuj.

    Post  koobpovtxuj 25th September 2017, 10:00 am

    Koobpovtxuj. 18485511
    Tsis paub tias xyov yog ua cas kuv tso tsis tau cov duab uas kuv mus pw hoos mom kuv ho sim tso lwm yam duab no kuj tau li qub thiab kuv coj mus tso rau lwm lub web no ho tau.saib mas zoo li lawv tias kuv cov duab loj dhau lawm no xyov yuav kho li cas thiaj tau.
    avatar
    koobpovtxuj
    Sponsor
    Sponsor


    Messages : 1318
    Date d'inscription : 2010-04-05
    Age : 64
    Localisation : USA

    Koobpovtxuj. Empty Re: Koobpovtxuj.

    Post  koobpovtxuj 19th November 2017, 1:34 am

    Koobpovtxuj. 21432712
    Koobpovtxuj. 21430315
    Nov yog cov duab uas thaum lub 9/9/17 kuv mob mus pw hoos mom.

    Sponsored content


    Koobpovtxuj. Empty Re: Koobpovtxuj.

    Post  Sponsored content


      Current date/time is 19th March 2024, 1:32 am