1,Nia yai!!!!! Txiv nraug xyooj tsab thiab Maiv muam paj yeeb, ua nkauj ua nraug nyob, es tau tuav tes ruj rawv mus leg leej niam leej txiv lub mus luaj qoob, es tau teem caij nroos rau lub mus rooj tshoob, os daj tsis yuav deev tsis tau los vim yog, lub teb lub chaw lwj lam nyob tuaj ua zog thoob, es niam mab niam sua tua rab phom yaj toog, nrov doog duj daws tuaj mus yuav nto roob, es txiv nraug xyooj tsab leej niam leej txiv laj fab tswv yim tuaj ntaus thoob, es thiaj li coj tau txiv nraug xyooj tsab, tsiv teb coj tsaws chaw mus hla li plaws cuaj tsib yim lub mus laj roob, es thiaj tseg ncua maiv muam paj yeeb, rau leej niam leej txiv lub mus luaj qoob, ces zaum no txiv nraug xyooj tsab thiab maiv muam paj yeeb, me khaub plees nkauj nraum ces thiaj li plam li plaws me khaub xab yeeb xuam phooj ywg tuaj tus zoo Hmoob, ces txiv nraug xyooj tsab, yuam roj sua hneev mus nrog txiaj ntsim tuaj kuag muag poob, es thiaj tau tsa ncauj suab seev nrog niam kab tuaj tus me noog qhoob, os mog,
1,Nia yai!!!!! Txiv nraug xyooj tsab thiab Maiv muam paj yeeb, ua nkauj ua nraug nyob, es tau tuav tes ruj rawv mus leg leej niam leej txiv lub mus luaj nrog, es tau teem caij nroos rau lub mus rooj kos, os daj tsis yuav deev tsis tau los vim yog, lub teb lub chaw lwj lam nyob tuaj ua zog ko, es niam mab niam sua tua rab phom yaj toog, nrov doog duj daws tuaj mus yuav txog, es txiv nraug xyooj tsab leej niam leej txiv laj fab tswv yim tuaj ntaus nto, es thiaj li coj tau txiv nraug xyooj tsab, tsiv teb coj tsaws chaw mus hla li plaws cuaj tsib yim lub mus laj tog, es thiaj tseg ncua maiv muam paj yeeb, rau leej niam leej txiv lub mus luaj nrog, ces zaum no txiv nraug xyooj tsab thiab maiv muam paj yeeb, me khaub plees nkauj nraum ces thiaj li plam li plaws me khaub xab yeeb xuam phooj ywg tuaj tus zoo mos, ces txiv nraug xyooj tsab, yuam roj sua hneev mus nrog txiaj ntsim tuaj kuag muag nrog, es thiaj tau tsa ncauj suab seev nrog suav txiv nyuj twm tuaj lub suab nqo, os mog,
2, Nia yai!!!! Txiv nraug xyooj tsab, tsiv teb coj tsaws chaw tag, ces yuav tseg leej niam leej txiv txoj me qub kab tuaj nyob rov nphob, es thiaj nrauj ncua maiv muam paj yeeb leej niam leej txiv lub qab vaj los tsib taug rau qhua tauj yas ob cag tuaj ua chaw nyob, ces thiaj tseg ncua maiv muam paj yeeb thiab txiv nraug xyooj tsab me qub hneev tes coj hneev taw rau tus nroj tus tsuag hlob, ces thiaj li nrauj ncua rab me teb tuam rooj ntug ub rau maiv muam paj yeeb nrog niam kab tuam tus me noog nyob, os mog,
2, Nia yai!!!! Txiv nraug xyooj tsab, tsiv teb coj tsaws chaw tag, ces yuav tseg leej niam leej txiv txoj me qub kev tuaj nyob ntsu plua luaj, es thiaj nrauj ncua maiv muam paj yeeb leej niam leej txiv lub qab vaj los tsib taug rau qhua tauj yas ob cag nyob ua chaw tuaj, ces thiaj tseg ncua maiv muam paj yeeb thiab txiv nraug xyooj tsab me qub hneev tes coj hneev taw rau tus nroj tus tsuag tuaj, ces thiaj li nrauj ncua rab me teb tuam rooj ntug ub rau maiv muam paj yeeb nrog niam kab tuam tus me noog quaj, os mog,
3, Nia yai!!!!! Txiv nraug xyooj tsab, tsiv teb coj tsaws chaw nqus roj nqus hneev tuaj tas lawm tej mus sib niab, tuaj ua yim neej saub seev yuj yees ntuj ntsiag txiaj, teb ntsiag niab, rau niam mab niag suav kiab, txiv nraug xyooj tsab, tuaj pom luag muaj xab yeeb plees nkauj nraum tshiab, tuav luag tes lawm tas tej sib niab, ncig yuj yeev tuaj mus kav kiab, es thiaj mob tag txiv nraug xyoob tsab, tuaj ib ntsuas siab, txiv nraug xyooj tsab, xav zoj tias txawj yaj los lawm txawj txia, ces ntshe yuav txia lim ntshis ua twv paj suab oo iab, ya los auv maiv muam paj yeeb lawm tag tej mus sib niab, seb puas tau rov nrog maiv muam paj yeeb tuav tes ruj rawv mus leg leej niam leej txiv daim me teb tiag luj lias tiv tshav mus ntuj ziab, txiv nraug xyooj tsab thiab maiv muam paj yeeb, ho puas tau rov tham ntxuaj ntxog txiaj saub tuaj tus kev dai siab, zoo tam ntua niam kab tus me noog niab, saub luj laws los ntsauv tag ib cim mus paj ciab, rau lub qab mus ntuj tshiab, os mog,
3, Nia yai!!!!! Txiv nraug xyooj tsab, tsiv teb coj tsaws chaw nqus roj nqus hneev tuaj tas lawm tej mus sib loo, tuaj ua yim neej saub seev yuj yees ntuj ntsiag txiaj, teb ntsiag moo, rau niam mab tuaj niag suav nroog, txiv nraug xyooj tsab, tuaj pom luag muaj xab yeeb plees nkauj nraum zoo, tuav luag tes lawm tas tej sib loo, ncig yuj yeev tuaj mus kav nroog, es thiaj mob tag txiv nraug xyoob tsab, siab tuaj lawm tsis zoo, txiv nraug xyooj tsab, xav zoj tias txawj yaj los lawm txawj txia, ces ntshe yuav txia lim ntshis ua twv paj suab iab oo, ya los auv maiv muam paj yeeb lawm tag tej mus sib loo, seb puas tau rov nrog maiv muam paj yeeb tuav tes ruj rawv mus leg leej niam leej txiv daim me teb tiag luj lias tiv tshav mus ntuj ntxhoo, txiv nraug xyooj tsab thiab maiv muam paj yeeb, ho puas tau rov tham ntxuaj ntxog txiaj saub tuaj tus kev zoo, ces yuav zoo tam ntua niam kab tuaj tus me noog, saub luj laws los ntsauv tag ib cim mus paj ntoo, rau lub qab mus ntuj ntxhoo, os mog,
Chim laj xeeb laj luam cua, khuam nkaus tuaj lub ntsis tsuag, daj tsis yua deev tuaj tsis tau puag, los vim yog tsiv teb coj tsaws chaw mus lawm nqis dua ncua, ces thiaj muab maiv muam paj yeeb, seev nrum nraid lom txog hnub tuag, ces mam li mus teem caij nroos rau ntxwj xib nyoog lub hav paj mus zaub quag, es mam li mus txia lij ntshis ua suav txiv nyuj twm nqov quj qaws nrhiav maiv muam paj yeeb li koj ib zaug dua os mog,
Home
