PajHuamNrhiavTus KuvHlub

......Nyob zoo os...Me muam paj yeeb laim as...Kuv yuav piav...Ib zaj dab neeg...Kev nkauj nraug zoo...Zaum ntawd...Yog ib zaug...Tub siab kawg li...Zoo yam zaj npau suav...Xyov yog tias...Los yog tseeb...Lub sij hawm ntawd...Teb chaws ua tsov rog loj...September 19, 1972 11:47 AM...Yuav lus tav su hnub ntseg...Raug sib tua...Kuv raug mob...Kuv xav tias...Ntshe zaum no...Yuav raug tuag...Tso hluas nkauj...Pov tsem tom qab...Rau luag yuav...Ua poj niam...Tab sis hmoov zoo...Raug mob tsi saj...Tsoo pluav peem...Dim rov los txog...Thiaj xam tau tias...Zaum no...Dim qhov tuag...Cuag yug dua...Ib zaug tshiab...Hnub tom qab...September 20, 1972 9:34 AM...Dav hlau kooj tshuab dawb...Nrov npoj ntwg...Tuaj tog peb tsib leeg raug mob tom tshav rog...Nqeg nroog looj ceeb...Txuas ib tom dav hlau nqeg nas xu...Thaum mus txog nas xu...Tsaws kiag ib sab tsev kho mob...Cov nas muam tuaj tog...Peb nkag hauv tsev kho mob...Daws daim ntaub lo ntshav...Peev dua tshuaj...Kuv tsi raug pw tsev kho mob...Kuv pleev tshuaj...Ib as thiv nram nas xu...Kuv sau ntawv rau mos nram nroog...Vientiane...Qhia txog kev raug mob...Tom tshav rog...Muab ntawv rau tsheb..."Taxi"...Xa txog nram nroog...Vientiane...Mos t6xais tau ntawv...September 22, 1972...Mos txais tau ntawv...Teb ntawv rov qab los nas xu...September 24, 1972 2:35 PM...Mos hlub kuv kawg li..."Tab sis"...Los saib tsi tau...Txog caij noj peb caug...Mam sib ntsib...Sib yuav thaum ntawd...Dhau plawg...October 14, 1972 9:35 AM...Mos raug hmoob txhom zij yuav lawm...Wb kev nkauj nraug zoo...Plam plawg hnub ntawd...Tsi sib tau...Chim siab tshaj plawg...Ua neej kho suab khuav ntiaj teb no.

......Me muam paj yeeb laim...Kuv ntsib ib zaug...Kev nkauj nraug zoo...Teem sij hawm cia...Zoo Ib tsam zoo hmo...kuv mam tuaj coj koj...Teem nyoog tseg...Tas kis zoo nyoog...Wb mam sib yuav...Ua niam txiv txwj nkawm..."Tab sis"...Txoj hmoo tsi muyaj...Raug niam pog...Txiav tu nrho...Tsi pub sib yuav...Yuav nco tas tiam...Yuav tshua tas txhis...Tsi sib ntsib...Txawm wb koom ib lub ntuj nyob...koom ib daim luaj pua txoos...Cuag tuag lawm...Tsi sib cuag...Kuv thiaj muab piav us...Dab neeg qhia...Kuv poj niam...Tug nyab...Thiab tug nus...Nyob nplog teb xyoo 1997...Nkawd muaj ob tug ntxhais...Tiav nkauj tas...Muaj ib tug tub...Tiav nraug ntsug...Kom niam dab laug..."Yoo yeeb - Txhob haus tshuaj"...Tsam zoo li...Kuv lub neej ntawd...Yug txawj xya...Tub zoo nraug...Tsi tau poj niam yuav...Vim luag tsi nyiam...Niam haus tshuaj..."Yug txawj yug"...Ntxhais zoo nkauj...Tsi tau txiv puag...Vim luag xyeej..."Niam haus yeeb"...Thaum kuv xa..."Daim kas xev"...Mus txog nplog teb...Kuv poj niam tug nyab nkawd..."Mloog tas"...Nkawd quaj ib pluag...Txiav txim siab..."Yoo yeeb - Thum tshuaj"...Ob xyoos...Tom qab...Wb mam xa...Tiab tsho tshiab...Hlab siv...Khaub ncaws...Ris tsho zoo...Rau nkawd...Ob tug ntxhais...Yuav txiv tas xyoo qab...Tub tau poj niam lawm...Zaj dab neeg no...Kuv yog tug ntsib dua lawm...Kuv thiaj paub hais...Qhuab qhia...Tib neeg ua neej zoo...Txhob pov tseg...Khaws ua tshuaj.

......Nrhiav tug hlub...Txhais tau tias...Yog txoj hmoo raug...Thiaj sis ntsib...Yog txoj hmoo...Tsi zoo...Yuav tsi sis ntsib...Ib zaug ntxiv lawm...Kev nkauj nraug zoo...Yam npau suav...Cas ib pliag ntshis...Twb yaj xam ploj lawm...Ntawv niam txiv txwj nkawm...Tiam tau ntawv hlub...Yuav tsi pub plam...Yog hais tias...Muaj tseeb tias...Mam nrhiav rov lwm tiam...Seb puas ntsib koj dua...Thiaj sib cuag...Ua nkauj nraug dua...Mam sib yuav...Tsi pub sib ncaim...Tuav koj tes nraim...Tsi pub plam...Nyob tas tiam...Noj sib hlub...Haus sib cev...Ua txwj nkawm...Tas ib txhis...Noj luag ntxhiav...Haus luag ntxhi...Zaum ua ke...Zaum sib tawb...Tham sib de...Kuv mam hais lug ntxhi ntawm koj pob ntseg...Tsi pub leej twg hnov...Tsi pub leej twg paub...Ntuj ceeb tsheej...Yog wb ob leeg li...Ntuj tsaus...Yog wb ob leeg lub...Txoj kev sib hlub...Niam nkauj hnub...Thiaj caum tau txiv nraug hli...Txiv nraug hli...Thiaj caum tau...Niam nkauj hnub...Qab ntuj...wb ob leeg kav...Qab ntuj kha...Yog wb ob leeg tswj...Ntuj tshav wb ob leeg nres...Ntuj nag...Wb mam yug ...Yub nroj tsuag...Kom ciaj sia...Tawg paj txi txiv...Kab noog tau chaw noj...Tsi tshaib nqhis mos...Me muam paj yeeb laim.

......Me muam paj yeeb laim...Lo lug mam tog...koj rov lwm tiam...Xyov puas muaj tseeb...Ntshe lam hais ntxias...Ntsuj tsuj plig...Zoo siab zov tog...Lub neej tseeb...Yog tiam no...Yuav hlub...Ces hlub kawg siab...Yuav plhw...Ces plhw kawg ntsws...Yuiav nco...Ces nco kawg plawv...Nyob tsim nyog...Tuag tsim yug...Ua niam txiv txwj nkawm...Kom txaus siab kiag...Noj sib hlub...Haus sib cev...Thiaj tsim nyog os mog...Txhob tog lwm tiam lawm...Tej ntawd yog lug dag...Li luag tej laug hais tias...Ci qos txias...Zov qhov cub...Ci pob zeb...Zov cub tshau...Cog qos...Los qos tsi ntug...Daj los tsi yuav...Deev los tsi txaus siab...Hlawv toj...Los tsi kub...Hlawv teb...Los tsi cig...Lub neej hnub no...Tsi zoo li...Tas kig kaj ntug...Thaum ua nkauj nraug...Tsi zoo li...Niam txiv txwj nkawm...Yog tsi muaj tiam no...Ces tu siab nrho...Txhob tog lawm nawb mog...Me muam paj yeeb laim.