Home
“ Zaj hais txog tus txiv xaiv thiab muam phauj tuaj zaum tsum es yuav sib nug yog nqe hais cob nkaus rau muam phauj es kom muam phauj nug ”
1. Zoo li koj muam phauj laug, zoo li wb laj lig tub txiv xaiv wb khom vam mus xob vam, khom vam koj tuaj
ces yog yuav tuaj txheeb luag tsoos ua luag lwj txheeb luag tsiaj ua luag tuag.
Zoo li txheeb lawm tsiaj qab nkuag seb puas tua txhua, txheeb lawm tsoos qab pha seb puas hnav tas.
Zoo li 9 nploog tsis sib nte los yuav vam koj tuaj rub, 8 nploog tsis sib luag los yuav vam koj tuaj
ntsuas.
2. Zoo li wb kom koj txheeb (txhim)koj tsis txheeb (txhim) nyob tsam koj rov fij seeb rov txog lawm tej
yas kab (kev) tsev xyom cuab plaub xaiv ncej ntug ntxhov nyho tuaj tom qab (tsev).
3. koj muam phauj laug zoo li koj yuav tuaj txheeb luag nyiaj qab nas seb puas siv tas, txheeb luag tsiaj qab
nkuag seb puas tua txhua, 9 nploog tsis sib nte yuav vam koj tuaj rub, 8 nplooj tsis sib luag yuav vam koj
tuaj ntsuas.
4. Zoo li kev tiaj ces wb tso koj rag nyuj kev tav wb tso koj rag nees,rag nyuj tsis dawm nyuj hlua, rag nees
tsis kom dawm nees rau, zoo li rag nyuj tsis kom npub nyuj kub,rag nees tsis kom dawm nees rau.
5. Zoo li muaj nqaig cia koj ntxus muaj lus cia koj nug muaj txiag cia koj ntaim muaj lus cia koj hais,nob lias
koj muam phauj laug…
• Nqe no mas yog nqe cob nkaus rau nws, npaj no nws yuav txheeb ces nws tsaws cawv rau cov zaum tsum ib leeg ib khob cawv tas, ces ho tsaws rau ob tug txiv xaiv ib leeg ib khob cawv tas ces nws mam li sawv ces hais tias: tshaj hlo tseg nej sawv daws ov los yog nws mam hais ib tug zuj zus hais li ntawv tas ces nws thiaj hais li no:
I. Muam phauj sawv hais zaj nug li no:
1.Hais zoo lug neb laj lig tub txiv xaiv neb nyob neb 9 (8 niaj)hnub mus kev sib zus (zag) vim luag tsev xyom cuab luag ploj luag tuag luag li nqa khob cawv dej txiag tuaj yuav neb lub zog txus (tas).
2.Zoo li neb xav tias neb tsis leg (ua), neb xav tib ywm ua neej txoos lis yees lawm ntiaj teb, ib leeg muaj ib daig zeb lag nyob mus tais tes (duav).
3.Zoo li neb mam li coj kwv coj tij coj neej coj tsav tuaj txog tim toj (dawm) neb pab maj tim xyoob raws neb tuaj lawm tsheej npoj (nkawm).
4.Neb tuaj txog lis ntua luag tsev xyom cuab ua qav liaj quaj xaub dej li lias tuaj qab pas (qho), luag tso plhuav luag niam luag txiv tus qauv lwj rau neb nta kom tas (nto).
5.Zoo li luag tsev xyom cuab muab khob cawv dej txiag nrom nroos tuaj chav tag (txuas)luag txaum yim los neb haus tas (txhua)luag qaug lawm tsheej teb (tsuag) ces luag tso plhuav luag plaub xaiv ncej ntug rauneb leg kom ntseg (duav).
6.Zoo li neb laj lig tub txiv xaiv zoo li neb mam tuaj txib neb nkawm tub txib, khaiv neb nkawm tub khaiv tuaj hu kuv muam phauj laug sis zim rov nraum toj (txhais taug), neb tsis yog hu kuv muam phauj laug tuaj txws ploj (txws qaug) hos neb hu kuv tuaj nrog kuv nyaj cawm txiv dab laug haus lawm lub hawm theeb noj (hawm theeb haus).
7.Zoo li kuv muam phauj laug kuv mam li tuaj yuas, kuv tuaj txog toj taim toj roob nqeeb (nram hav) kuv xav tib ywm tias zaum no kuv yuav tuaj nrog kuv nyaj cawm txiv dab laug haus lub cawv xeeb (cawv hlav).
8.Vim li cas hmo no kuv tuaj txog lis ntua huab los ces huab ntsauv ntuj (tsuag), hmo no kuv tuaj txog neb laj lig tub txiv xaiv neb hais tias yog kuv nyaj cawm txiv dab laug pluj (tuag).
9.Ua li muaj tseeb li neb hais muaj tiag li neb ntxhua yog kuv nyaj cawm txiv dab laug nws ua lub neej mus tsiv siab (plawv) es nws tes lauj caum hauv tshuaj iab rau ntawm ncauj (lo)es nws nrog hauv tshuaj iab mus sib pug nrauj (hlo).Los yog nws tau zaj mob qas tsi mob tsav ntxhia qas tsi ntxhia, txhia lis ntxhi kuv nyaj cawm txiv dab laug tej npoo ncauj (lo) es kuv nyaj cawm txiv dab laug nrog lawm zaj mob sib pus nrauj (do). Nob lias neb laj lig tub mus txiv xaiv yuas.
Tas no tus txiv xaiv ho teb li no.
II. Hais zoo lus koj muam phauj laug es, zoo li koj nyaj cawm txiv dab laug tsis ploj los ploj los lawm tseeb tsis tuag los tuag los lawm tiag, tsis yog nws ua lub neej mus tsiv siab (plawv)es nws tes lauj caum hauv tshuaj iab tuaj ntawm ncauj (lo) es nws nrog hauv tshuaj iab mus sib pus nrauj (puag so) yua.
Yeeb vim nws tau zaj mob qas tsi mob tsav ntxhia qas tsi ntxhia ntxhia lis ntxhi nws tej npoo ncauj (lo) es nws nrog lawm zaj mob mus sib pus nrauj (so).Nob lias koj muam phauj laug es.
III. Muam phauj teb. Hais zoo lus neb laj lig tub mus txiv xaiv yua. Muaj tseeb li neb hais muaj tiag li neb ntxhua, kuv nyaj cawm txiv dab laug tsis ploj los ploj los lawm tiag tsis tuag los tuag los mus tseeb.
Zoo li nws ua neej txoos lis yees lawm ntiaj teb,Nws tub ntsuag yuaj ces muaj pes tsawg txij ne, ntsuag yas muaj pes tawg nkawm ? nob lias neb nkawm laj lig tub mus txiv xaiv.
Muam phauj nug tias tus dab laug muaj tub nyab pes tsawg nkawm.
IV.Txiv xaiv teb.Hais zoo lus koj muam phauj laug, koj nyaj cawm txiv dab laug nws ua neej txoos lis yees lawm ntiaj teb nws tu tau ntsuag yuaj ces muaj 2 txig, ntsuag yas ces muaj 2 nkawg os.
V. Muam phauj nug. Zoo lug neb nkawm laj lig tub txiv xaiv, muaj tseeb li neb hais muaj tiag li neb ntxhua, ua li kuv nyaj cawm txiv dab laug tsis ploj los ploj los lawm tseeb tsis tuag los tuag los lawm tiag, ua li kuv nyaj cawm txiv dab laug qaij qaug lis yeev los lawm yeeb tim teb (nrag), tshuav nws ntsuag yuaj ntsuag yas ua neej txoos lis yees nyob ntiaj teb (nrag) zoo li ntsuag yuaj ntsuag yas muaj nplooj xyoob zeeg pes tsawg nplooj rau kuv nyaj cawm txiv dab laug coj mus tiv kauv av lawm yeeb tim teb (nrag).
Zoo li kuv nyaj cawm txiv dab laug qaug lis yeev tuaj saum zeb tshuav ntsuag yuaj ntsuag yas ua neej txoos lis yees lawm ntiaj teb, nws muaj txiv qos zeeg pes tsawg lub rau kuv nyaj cawm txiv dab laug coj mus ua yaig ua luag lawm yeeb tim teb? Nob lias neb nkawm laj lig tub mus txiv xaiv.
VI.Txiv xaiv teb. Hais zoo lus koj muam phauj laug, zoo li koj nyaj cawm txiv dab laug qaij qaug lis yeev tuaj saum tsag (zeb) nws tub ntsuag yuaj ntsuag yas ces muaj nplooj xyoob (txiv qos) zeeg lis tshaws 2 nploog (2 lub) rau koj nyaj cawm txiv dab laug hnav coj mus tiv av lawm yeeb tim nrag (teb). Nob lias koj muam phauj laug.
VII. Muam phauj nug.Zoo li neb nkawm laj lig tub txiv xaiv,Puas muaj tseeb li neb hais puas muaj tiag li neb ntxhua, muaj tseeb neb li los ua tsev xyom cuab tus tseeb xeeb, yog muaj tiag neb li los ua tsev xyom cuab tus tseeb nyiaj yua, yog tsis muaj tseeb tsis txhob lam ua tsev xyom cuab tus tseeb xeeb, tsis muaj tiag tsis txhob lam ua tsev xyom cuab tus tseeb nyiaj yua, nob lias neb nkawm laj lig tub mus txiv xaiv.
Hais li no tas yog muam phauj teb tias muaj no ces muam phauj mam li rov qab nug dua.
VIII.Muam phauj nug dua. Zoo lug neb nkawm laj lig tub mus txiv xaiv, zoo li kuv nyaj cawm txiv dab laug nws qaij qaug lis yeev tuaj saum zeb (tsag) tshuav ntsuag yuaj ntsuag yas ua neej txoos lis yees lawm ntiaj teb (nrag) nws muaj xyab hlawv pes tsawg tswm ntawv hlawv pes tsawg nplooj rau kuv nyaj cawm txiv dab laug coj ua lub kaus kwv lis yeev lawm yeeb tim teb (nrag). Nob lias neb nkawm laj lig tub mus txiv xaiv.” Yog tias nyuj los tua twm los tua no mas yus mam li hais ob qho yog tua nyuj xwb tsis tua twm no ces yus hais li no.
IX.Txiv xaiv teb. Zoo lus koj muam phauj laug,zoo li koj nyaj cawm txiv dab laug qaij qaug li yeev los lawm yeeb tim teb (nrag) nws tshuav ntsuag yuaj ntsuag yas ua neej txoos lis yees lawm ntiaj teb, nws muaj xyab ces hlawv 2 tswm ntawv ces tsis muaj hlawv, hlawv 2 tswm xyab plhis plho ua lub kaus tsuj rau koj nyaj cawm txiv dab laug kwv yoj cev yees lawm yeeb tim teb (nrag).
X. Muam phauj nug.Zoo lus neb nkawm laj lig tub txiv xaiv, muaj tseeb li neb hais muaj tiag li neb ntxhua kuv nyaj cawm txiv dab laug, nws tsiaj ua luag tuag los nws tau txhij, nws tsoos ua luag lwj los nws tau txhua.
Zoo li hmo no ces ceeb tsaus ntuj yua kaj ntug tag kis kaj, kuv nyaj cawm txiv dab laug nws yuav mus ua tsev txooj taug qas lias tuaj nram roob (tiaj), nws yuav mus nrog lawm caj hmoob qas tsi xeem hmoob li cas ua lub neej mus puag xyoo (niaj). Nob lias neb nkawm laj lig tub mus txiv xaiv.
Nug tias hwm txiag yog hwm ntoo dab tsi.
XI. Txiv xaiv teb. Zoo lus koj muam phauj laug, zoo li koj nyaj cawm txiv dab laug tsiaj ua luag tuag los tau txhij, tsoos ua luag lwj los tau txhua, hmo no tsaus ntuj kaj ntug tag kis koj nyaj cawm txiv dab laug yuav mus ua tsev txooj taug qas lias tuaj nram roob (tiaj), koj nyaj cawm txiv dab laug nws yuav mus nrog tsev hmoob xyooj ua lub neej mus puag xyoo (niaj)os.
Hais tsev hmoob xyooj no mas hwm txiag yog txiag ntooj.
XII. Muam phauj nug.Zoo lug neb nkawm laj lig tub txiv xaiv zoo li tsev hmoob xyooj ces puas yog kuv nyaj cawm txiv dab laug tus cag caj (kub) ne, kuv nyaj cawm txiv dab laug mus nrog tsev hmoob xyooj ua neej puas yuav huaj vam ( li yav ntuj los thaum ub). Nob lias neb nkawm laj lig tub txiv xaiv yua.
XIII. Txiv xaiv teb. Zoo lus koj muam phauj laug,zoo li tsev hmoob xyooj ces yog koj nyaj cawm txiv dab laug tus cag caj (thaum ub)yua, koj nyaj cawm txiv dab laug mus nrog tsev hmoob xyooj ua neej ces huaj vam (vam ntws li yav ntuj los thaum ub).
XIV.Muam phauj nug lub looj mem seb txiv dab laug nws yog ntxa hmoob los ntxa suav. Zoo lug neb laj lig tub txiv xaiv, hmo no ceeb tsaus ntuj kaj ntug rov tag kis kaj ne luag tsev nyom cuab puas yuav kum nyog lub thawj es puas yuav thov nyog lub thij os,puas yuav kum thawj los thov tim 2 tug txwj los 3 tug laus tes lauj nqa looj yeeb tes nag nqa looj tsom yuav mus tsom lis zus kuv nyaj cawm txiv dab laug lub mem toj rau lawm toj taim sab tim ub (ij), ua li kuv yuav coj lawm kuv nyaj cawm txiv dab laug mus yuav tso lawm ntsuj plig mus tav hli (hnub)los yuav tso lawm ntsuj duab mus lawv hnub (hli). Nob lias neb nkawm laj lig tub txiv xaiv.
XV. Muam phauj nug, yog lub ntxa ntawv yog ntxa hmoob no txiv xaiv teb li no: Zoo lus koj muam phauj laug, hmo no ceeb tsaus ntuj cia kaj ntug rov tag kis kaj ne
luag tsev xyom cuab yuav kum nyog lub thawj thov nyog lub thij os, yuav kum thawj los thov tim 2 tug txwj los 3 tug laus tes lauj nqa lawm looj yeeb tes nag nqa lawm looj tsom, yuav mus tsom lis zus koj nyaj cawm txiv dab laug lub looj yeeb rau toj taim sab tim ub (ij), yuav coj koj nyaj cawm txiv dab laug tus ntsuj duab mus tav hli (hnub) tso lawm ntsuj plig mus tav hnub (hli). Nob lias koj muam phauj laug.
XVI. Muam phauj txheeb tas li no lawm tsis muaj dab tsi txheeb lawm, ces yus mam li rov qab hais dua li no: Zoo lus neb nkawm laj lig tub txiv xaiv, luag txawj cog yeeb luag cog yeeb lis zus rau teb av luaj dub (liab),luag kab paj luam yeeb qab mus muaj ntxhub (ntxhiab), luag txawj txheeb mus txawj txhim luag txheeb luag txhim mus muaj lub (ntsiab).
Zoo li kuv muam phauj laug tsis txawj cog yeeb kuv tsis cog yeeb rau teb av luaj dub (liab), ces kuv kab paj luam yeeb qab tsis muaj ntxhub (ntxhiab), kuv tsis txawj txheeb kus tsis txawj txhim ces kuv txheeb kuv txhim tsis muaj lub (ntsiab). Nob lias neb nkawm laj lig tub mus txiv xaiv.
1. Zoo li koj muam phauj laug, zoo li wb laj lig tub txiv xaiv wb khom vam mus xob vam, khom vam koj tuaj
ces yog yuav tuaj txheeb luag tsoos ua luag lwj txheeb luag tsiaj ua luag tuag.
Zoo li txheeb lawm tsiaj qab nkuag seb puas tua txhua, txheeb lawm tsoos qab pha seb puas hnav tas.
Zoo li 9 nploog tsis sib nte los yuav vam koj tuaj rub, 8 nploog tsis sib luag los yuav vam koj tuaj
ntsuas.
2. Zoo li wb kom koj txheeb (txhim)koj tsis txheeb (txhim) nyob tsam koj rov fij seeb rov txog lawm tej
yas kab (kev) tsev xyom cuab plaub xaiv ncej ntug ntxhov nyho tuaj tom qab (tsev).
3. koj muam phauj laug zoo li koj yuav tuaj txheeb luag nyiaj qab nas seb puas siv tas, txheeb luag tsiaj qab
nkuag seb puas tua txhua, 9 nploog tsis sib nte yuav vam koj tuaj rub, 8 nplooj tsis sib luag yuav vam koj
tuaj ntsuas.
4. Zoo li kev tiaj ces wb tso koj rag nyuj kev tav wb tso koj rag nees,rag nyuj tsis dawm nyuj hlua, rag nees
tsis kom dawm nees rau, zoo li rag nyuj tsis kom npub nyuj kub,rag nees tsis kom dawm nees rau.
5. Zoo li muaj nqaig cia koj ntxus muaj lus cia koj nug muaj txiag cia koj ntaim muaj lus cia koj hais,nob lias
koj muam phauj laug…
• Nqe no mas yog nqe cob nkaus rau nws, npaj no nws yuav txheeb ces nws tsaws cawv rau cov zaum tsum ib leeg ib khob cawv tas, ces ho tsaws rau ob tug txiv xaiv ib leeg ib khob cawv tas ces nws mam li sawv ces hais tias: tshaj hlo tseg nej sawv daws ov los yog nws mam hais ib tug zuj zus hais li ntawv tas ces nws thiaj hais li no:
I. Muam phauj sawv hais zaj nug li no:
1.Hais zoo lug neb laj lig tub txiv xaiv neb nyob neb 9 (8 niaj)hnub mus kev sib zus (zag) vim luag tsev xyom cuab luag ploj luag tuag luag li nqa khob cawv dej txiag tuaj yuav neb lub zog txus (tas).
2.Zoo li neb xav tias neb tsis leg (ua), neb xav tib ywm ua neej txoos lis yees lawm ntiaj teb, ib leeg muaj ib daig zeb lag nyob mus tais tes (duav).
3.Zoo li neb mam li coj kwv coj tij coj neej coj tsav tuaj txog tim toj (dawm) neb pab maj tim xyoob raws neb tuaj lawm tsheej npoj (nkawm).
4.Neb tuaj txog lis ntua luag tsev xyom cuab ua qav liaj quaj xaub dej li lias tuaj qab pas (qho), luag tso plhuav luag niam luag txiv tus qauv lwj rau neb nta kom tas (nto).
5.Zoo li luag tsev xyom cuab muab khob cawv dej txiag nrom nroos tuaj chav tag (txuas)luag txaum yim los neb haus tas (txhua)luag qaug lawm tsheej teb (tsuag) ces luag tso plhuav luag plaub xaiv ncej ntug rauneb leg kom ntseg (duav).
6.Zoo li neb laj lig tub txiv xaiv zoo li neb mam tuaj txib neb nkawm tub txib, khaiv neb nkawm tub khaiv tuaj hu kuv muam phauj laug sis zim rov nraum toj (txhais taug), neb tsis yog hu kuv muam phauj laug tuaj txws ploj (txws qaug) hos neb hu kuv tuaj nrog kuv nyaj cawm txiv dab laug haus lawm lub hawm theeb noj (hawm theeb haus).
7.Zoo li kuv muam phauj laug kuv mam li tuaj yuas, kuv tuaj txog toj taim toj roob nqeeb (nram hav) kuv xav tib ywm tias zaum no kuv yuav tuaj nrog kuv nyaj cawm txiv dab laug haus lub cawv xeeb (cawv hlav).
8.Vim li cas hmo no kuv tuaj txog lis ntua huab los ces huab ntsauv ntuj (tsuag), hmo no kuv tuaj txog neb laj lig tub txiv xaiv neb hais tias yog kuv nyaj cawm txiv dab laug pluj (tuag).
9.Ua li muaj tseeb li neb hais muaj tiag li neb ntxhua yog kuv nyaj cawm txiv dab laug nws ua lub neej mus tsiv siab (plawv) es nws tes lauj caum hauv tshuaj iab rau ntawm ncauj (lo)es nws nrog hauv tshuaj iab mus sib pug nrauj (hlo).Los yog nws tau zaj mob qas tsi mob tsav ntxhia qas tsi ntxhia, txhia lis ntxhi kuv nyaj cawm txiv dab laug tej npoo ncauj (lo) es kuv nyaj cawm txiv dab laug nrog lawm zaj mob sib pus nrauj (do). Nob lias neb laj lig tub mus txiv xaiv yuas.
Tas no tus txiv xaiv ho teb li no.
II. Hais zoo lus koj muam phauj laug es, zoo li koj nyaj cawm txiv dab laug tsis ploj los ploj los lawm tseeb tsis tuag los tuag los lawm tiag, tsis yog nws ua lub neej mus tsiv siab (plawv)es nws tes lauj caum hauv tshuaj iab tuaj ntawm ncauj (lo) es nws nrog hauv tshuaj iab mus sib pus nrauj (puag so) yua.
Yeeb vim nws tau zaj mob qas tsi mob tsav ntxhia qas tsi ntxhia ntxhia lis ntxhi nws tej npoo ncauj (lo) es nws nrog lawm zaj mob mus sib pus nrauj (so).Nob lias koj muam phauj laug es.
III. Muam phauj teb. Hais zoo lus neb laj lig tub mus txiv xaiv yua. Muaj tseeb li neb hais muaj tiag li neb ntxhua, kuv nyaj cawm txiv dab laug tsis ploj los ploj los lawm tiag tsis tuag los tuag los mus tseeb.
Zoo li nws ua neej txoos lis yees lawm ntiaj teb,Nws tub ntsuag yuaj ces muaj pes tsawg txij ne, ntsuag yas muaj pes tawg nkawm ? nob lias neb nkawm laj lig tub mus txiv xaiv.
Muam phauj nug tias tus dab laug muaj tub nyab pes tsawg nkawm.
IV.Txiv xaiv teb.Hais zoo lus koj muam phauj laug, koj nyaj cawm txiv dab laug nws ua neej txoos lis yees lawm ntiaj teb nws tu tau ntsuag yuaj ces muaj 2 txig, ntsuag yas ces muaj 2 nkawg os.
V. Muam phauj nug. Zoo lug neb nkawm laj lig tub txiv xaiv, muaj tseeb li neb hais muaj tiag li neb ntxhua, ua li kuv nyaj cawm txiv dab laug tsis ploj los ploj los lawm tseeb tsis tuag los tuag los lawm tiag, ua li kuv nyaj cawm txiv dab laug qaij qaug lis yeev los lawm yeeb tim teb (nrag), tshuav nws ntsuag yuaj ntsuag yas ua neej txoos lis yees nyob ntiaj teb (nrag) zoo li ntsuag yuaj ntsuag yas muaj nplooj xyoob zeeg pes tsawg nplooj rau kuv nyaj cawm txiv dab laug coj mus tiv kauv av lawm yeeb tim teb (nrag).
Zoo li kuv nyaj cawm txiv dab laug qaug lis yeev tuaj saum zeb tshuav ntsuag yuaj ntsuag yas ua neej txoos lis yees lawm ntiaj teb, nws muaj txiv qos zeeg pes tsawg lub rau kuv nyaj cawm txiv dab laug coj mus ua yaig ua luag lawm yeeb tim teb? Nob lias neb nkawm laj lig tub mus txiv xaiv.
VI.Txiv xaiv teb. Hais zoo lus koj muam phauj laug, zoo li koj nyaj cawm txiv dab laug qaij qaug lis yeev tuaj saum tsag (zeb) nws tub ntsuag yuaj ntsuag yas ces muaj nplooj xyoob (txiv qos) zeeg lis tshaws 2 nploog (2 lub) rau koj nyaj cawm txiv dab laug hnav coj mus tiv av lawm yeeb tim nrag (teb). Nob lias koj muam phauj laug.
VII. Muam phauj nug.Zoo li neb nkawm laj lig tub txiv xaiv,Puas muaj tseeb li neb hais puas muaj tiag li neb ntxhua, muaj tseeb neb li los ua tsev xyom cuab tus tseeb xeeb, yog muaj tiag neb li los ua tsev xyom cuab tus tseeb nyiaj yua, yog tsis muaj tseeb tsis txhob lam ua tsev xyom cuab tus tseeb xeeb, tsis muaj tiag tsis txhob lam ua tsev xyom cuab tus tseeb nyiaj yua, nob lias neb nkawm laj lig tub mus txiv xaiv.
Hais li no tas yog muam phauj teb tias muaj no ces muam phauj mam li rov qab nug dua.
VIII.Muam phauj nug dua. Zoo lug neb nkawm laj lig tub mus txiv xaiv, zoo li kuv nyaj cawm txiv dab laug nws qaij qaug lis yeev tuaj saum zeb (tsag) tshuav ntsuag yuaj ntsuag yas ua neej txoos lis yees lawm ntiaj teb (nrag) nws muaj xyab hlawv pes tsawg tswm ntawv hlawv pes tsawg nplooj rau kuv nyaj cawm txiv dab laug coj ua lub kaus kwv lis yeev lawm yeeb tim teb (nrag). Nob lias neb nkawm laj lig tub mus txiv xaiv.” Yog tias nyuj los tua twm los tua no mas yus mam li hais ob qho yog tua nyuj xwb tsis tua twm no ces yus hais li no.
IX.Txiv xaiv teb. Zoo lus koj muam phauj laug,zoo li koj nyaj cawm txiv dab laug qaij qaug li yeev los lawm yeeb tim teb (nrag) nws tshuav ntsuag yuaj ntsuag yas ua neej txoos lis yees lawm ntiaj teb, nws muaj xyab ces hlawv 2 tswm ntawv ces tsis muaj hlawv, hlawv 2 tswm xyab plhis plho ua lub kaus tsuj rau koj nyaj cawm txiv dab laug kwv yoj cev yees lawm yeeb tim teb (nrag).
X. Muam phauj nug.Zoo lus neb nkawm laj lig tub txiv xaiv, muaj tseeb li neb hais muaj tiag li neb ntxhua kuv nyaj cawm txiv dab laug, nws tsiaj ua luag tuag los nws tau txhij, nws tsoos ua luag lwj los nws tau txhua.
Zoo li hmo no ces ceeb tsaus ntuj yua kaj ntug tag kis kaj, kuv nyaj cawm txiv dab laug nws yuav mus ua tsev txooj taug qas lias tuaj nram roob (tiaj), nws yuav mus nrog lawm caj hmoob qas tsi xeem hmoob li cas ua lub neej mus puag xyoo (niaj). Nob lias neb nkawm laj lig tub mus txiv xaiv.
Nug tias hwm txiag yog hwm ntoo dab tsi.
XI. Txiv xaiv teb. Zoo lus koj muam phauj laug, zoo li koj nyaj cawm txiv dab laug tsiaj ua luag tuag los tau txhij, tsoos ua luag lwj los tau txhua, hmo no tsaus ntuj kaj ntug tag kis koj nyaj cawm txiv dab laug yuav mus ua tsev txooj taug qas lias tuaj nram roob (tiaj), koj nyaj cawm txiv dab laug nws yuav mus nrog tsev hmoob xyooj ua lub neej mus puag xyoo (niaj)os.
Hais tsev hmoob xyooj no mas hwm txiag yog txiag ntooj.
XII. Muam phauj nug.Zoo lug neb nkawm laj lig tub txiv xaiv zoo li tsev hmoob xyooj ces puas yog kuv nyaj cawm txiv dab laug tus cag caj (kub) ne, kuv nyaj cawm txiv dab laug mus nrog tsev hmoob xyooj ua neej puas yuav huaj vam ( li yav ntuj los thaum ub). Nob lias neb nkawm laj lig tub txiv xaiv yua.
XIII. Txiv xaiv teb. Zoo lus koj muam phauj laug,zoo li tsev hmoob xyooj ces yog koj nyaj cawm txiv dab laug tus cag caj (thaum ub)yua, koj nyaj cawm txiv dab laug mus nrog tsev hmoob xyooj ua neej ces huaj vam (vam ntws li yav ntuj los thaum ub).
XIV.Muam phauj nug lub looj mem seb txiv dab laug nws yog ntxa hmoob los ntxa suav. Zoo lug neb laj lig tub txiv xaiv, hmo no ceeb tsaus ntuj kaj ntug rov tag kis kaj ne luag tsev nyom cuab puas yuav kum nyog lub thawj es puas yuav thov nyog lub thij os,puas yuav kum thawj los thov tim 2 tug txwj los 3 tug laus tes lauj nqa looj yeeb tes nag nqa looj tsom yuav mus tsom lis zus kuv nyaj cawm txiv dab laug lub mem toj rau lawm toj taim sab tim ub (ij), ua li kuv yuav coj lawm kuv nyaj cawm txiv dab laug mus yuav tso lawm ntsuj plig mus tav hli (hnub)los yuav tso lawm ntsuj duab mus lawv hnub (hli). Nob lias neb nkawm laj lig tub txiv xaiv.
XV. Muam phauj nug, yog lub ntxa ntawv yog ntxa hmoob no txiv xaiv teb li no: Zoo lus koj muam phauj laug, hmo no ceeb tsaus ntuj cia kaj ntug rov tag kis kaj ne
luag tsev xyom cuab yuav kum nyog lub thawj thov nyog lub thij os, yuav kum thawj los thov tim 2 tug txwj los 3 tug laus tes lauj nqa lawm looj yeeb tes nag nqa lawm looj tsom, yuav mus tsom lis zus koj nyaj cawm txiv dab laug lub looj yeeb rau toj taim sab tim ub (ij), yuav coj koj nyaj cawm txiv dab laug tus ntsuj duab mus tav hli (hnub) tso lawm ntsuj plig mus tav hnub (hli). Nob lias koj muam phauj laug.
XVI. Muam phauj txheeb tas li no lawm tsis muaj dab tsi txheeb lawm, ces yus mam li rov qab hais dua li no: Zoo lus neb nkawm laj lig tub txiv xaiv, luag txawj cog yeeb luag cog yeeb lis zus rau teb av luaj dub (liab),luag kab paj luam yeeb qab mus muaj ntxhub (ntxhiab), luag txawj txheeb mus txawj txhim luag txheeb luag txhim mus muaj lub (ntsiab).
Zoo li kuv muam phauj laug tsis txawj cog yeeb kuv tsis cog yeeb rau teb av luaj dub (liab), ces kuv kab paj luam yeeb qab tsis muaj ntxhub (ntxhiab), kuv tsis txawj txheeb kus tsis txawj txhim ces kuv txheeb kuv txhim tsis muaj lub (ntsiab). Nob lias neb nkawm laj lig tub mus txiv xaiv.
