Home
1. Zoo li koj muam phauj laug hmo no ceeb tsaus ntuj kaj ntug tag kis xav ntuj tag kis ntxov, tav tau niam puj rhwb tus txiv lau qaib qua lawm niaj peb suab (zag) ces koj yuav coj lawm koj pab maj tim xyoob yuav mus tooj txoj hlua ntuag (maj).
2. Hmo no tsaus ntuj kaj ntug tag kis ntxov, koj yuav txib koj pab maj tim xyoob tes lauj caum rab riag tes nag caum rab txuas, nce hlo lawm toj siab mus txiav nrawv tsis txiav nru txiav nrawv nru tus ceg ntseej los ib tug ib riag ob tog tu, pem ntuj cia lub pob (caus) pem teb cia lub caus (pob),Pem ntuj cia pam thawj I tej chaw khob
(ntaus) pem teb cia qab tseeb qab xo tej chaw xaus (chob).
3. Zoo li koj muam phauj laug hmo no kus ceeb tsaus ntuj ne neb mus npuj tswg los npuj kom ruaj hos, txhos tswg txhos kom khov neb yuav cab lawm tsiaj zeb dub kus cav zeb daus laim sis txias xws daim nplooj nqeeb (ciab),nyob tsam ua wb laj lig tub txiv xaiv tej chaw txhob xeeb (ntxhov siab).
4. Zoo li neb coj cav zeb dub kus cav zeb daus mus khi li nkaus, neb yuav xaus qab tseeb xaus kom ntom ntub (nti), xaus qab xo xaus kom ntom nti (ntub) tsis ua qab tseeb kus qab xo tsa lis ntsheeb (ntshuas) nyob tsam ua wb laj lig tub mus txiv xaiv tej chaw txhob xeeb (luag).
5. Zoo li koj muam phauj laug, zoo li neb ua zaj twg ua kom ruaj ua tsav twg ua kom qoos yuav qaij lawm koj lub ko kaus ntxheb (cav), koj hais wb laj lig tub mus txiv xaiv wb hais rau kev neej mus kev tsav txav zog rau txoj kev deb (dav).
6. Zoo li koj coj lawm tsiaj zeb dub kus cav zeb daus mus khi nkaus laim sis txias xws daim nplooj nqeeb (ciab), ua zaj twg ua kom ruaj ua tsav twg ua kom qoos nyob tsam ua wb laj lig tub txiv xaiv tej chaw txhob xeeb (ntxhov siab).
7. Zoo li koj muam phauj laug ua zaj twg ua kom ruaj ua tsav twg ua kom qoos, zoo li neb tsis tim rov lawm txheej xeeb txaug (ncaws) neb rov lawm pheej xeeb ntaus (laws), yog neb rov txheej xeeb txaug (ncaws) nyob tsam luaj dub luaj dag ri lis niab (tshaws), neb rov pheej xeeb ntaus (laws) kom paj tawg ri lis chiab (haws).
8. Zoo li neb ua tsiaj zeb dub cav zeb daus nphau npog tuaj nram hav, wb yuav txheeb tau wb nkawm tshwj kab tuaj nrog neb nqa ntshav,wb yuav txheeb tau wb nkawm kav xwm tuaj nrog neb ntxus tav.
Zoo li phav puj ces cia neb dov (tsaws), hlab tsuj hlab npuag wb pab maj tim xyoob coob mam tuaj nrog neb rho (laws).
9. zoo li koj muam phauj laug,wb laj lig tub mus txiv xaiv ces wb yuav ntxuav pas liaj huv lis si (lias),yuav vam koj muam phauj laug koj ntses nuj ntses nias rag lis rhi (ntxiag), nob lias koj muam phauj laug.
10. (Nqe no yog hais qhov tsam luag muaj cawv su)
zoo li koj muam phauj laug zoo li hmo no tsaus ntuj kaj ntug rov tag kis kaj xav ntuj tag kis ntxov, zoo li
qab ntuj kaj nrig ua ntawv daj (ntsuab), koj muam phauj laug yuav coj lawm koj pab maj tim xyoob mus ntxais
lawm lub paj lag (ntsuab).
11. (Nqe no yog hais cwb tuag).
Zoo li koj muam phauj laug, hmo no tsaus ntuj kaj ntug rov tag kis xav ntuj tag kis ntxov, txiv yawm thaj xyoob tes lauj nqa nees zaj dab (tes), koj muam phauj laug ces yuav ntswj nyog nws ncauj nees lawv txiv yawm thaj xyoob qab (mus ua ke).
12. Mus txog tej yas kab (kev),neb ua lawm koj muam phauj laug lub chaw mus qaij npab (tes) nob lias koj
muam phauj laug.
2. Hmo no tsaus ntuj kaj ntug tag kis ntxov, koj yuav txib koj pab maj tim xyoob tes lauj caum rab riag tes nag caum rab txuas, nce hlo lawm toj siab mus txiav nrawv tsis txiav nru txiav nrawv nru tus ceg ntseej los ib tug ib riag ob tog tu, pem ntuj cia lub pob (caus) pem teb cia lub caus (pob),Pem ntuj cia pam thawj I tej chaw khob
(ntaus) pem teb cia qab tseeb qab xo tej chaw xaus (chob).
3. Zoo li koj muam phauj laug hmo no kus ceeb tsaus ntuj ne neb mus npuj tswg los npuj kom ruaj hos, txhos tswg txhos kom khov neb yuav cab lawm tsiaj zeb dub kus cav zeb daus laim sis txias xws daim nplooj nqeeb (ciab),nyob tsam ua wb laj lig tub txiv xaiv tej chaw txhob xeeb (ntxhov siab).
4. Zoo li neb coj cav zeb dub kus cav zeb daus mus khi li nkaus, neb yuav xaus qab tseeb xaus kom ntom ntub (nti), xaus qab xo xaus kom ntom nti (ntub) tsis ua qab tseeb kus qab xo tsa lis ntsheeb (ntshuas) nyob tsam ua wb laj lig tub mus txiv xaiv tej chaw txhob xeeb (luag).
5. Zoo li koj muam phauj laug, zoo li neb ua zaj twg ua kom ruaj ua tsav twg ua kom qoos yuav qaij lawm koj lub ko kaus ntxheb (cav), koj hais wb laj lig tub mus txiv xaiv wb hais rau kev neej mus kev tsav txav zog rau txoj kev deb (dav).
6. Zoo li koj coj lawm tsiaj zeb dub kus cav zeb daus mus khi nkaus laim sis txias xws daim nplooj nqeeb (ciab), ua zaj twg ua kom ruaj ua tsav twg ua kom qoos nyob tsam ua wb laj lig tub txiv xaiv tej chaw txhob xeeb (ntxhov siab).
7. Zoo li koj muam phauj laug ua zaj twg ua kom ruaj ua tsav twg ua kom qoos, zoo li neb tsis tim rov lawm txheej xeeb txaug (ncaws) neb rov lawm pheej xeeb ntaus (laws), yog neb rov txheej xeeb txaug (ncaws) nyob tsam luaj dub luaj dag ri lis niab (tshaws), neb rov pheej xeeb ntaus (laws) kom paj tawg ri lis chiab (haws).
8. Zoo li neb ua tsiaj zeb dub cav zeb daus nphau npog tuaj nram hav, wb yuav txheeb tau wb nkawm tshwj kab tuaj nrog neb nqa ntshav,wb yuav txheeb tau wb nkawm kav xwm tuaj nrog neb ntxus tav.
Zoo li phav puj ces cia neb dov (tsaws), hlab tsuj hlab npuag wb pab maj tim xyoob coob mam tuaj nrog neb rho (laws).
9. zoo li koj muam phauj laug,wb laj lig tub mus txiv xaiv ces wb yuav ntxuav pas liaj huv lis si (lias),yuav vam koj muam phauj laug koj ntses nuj ntses nias rag lis rhi (ntxiag), nob lias koj muam phauj laug.
10. (Nqe no yog hais qhov tsam luag muaj cawv su)
zoo li koj muam phauj laug zoo li hmo no tsaus ntuj kaj ntug rov tag kis kaj xav ntuj tag kis ntxov, zoo li
qab ntuj kaj nrig ua ntawv daj (ntsuab), koj muam phauj laug yuav coj lawm koj pab maj tim xyoob mus ntxais
lawm lub paj lag (ntsuab).
11. (Nqe no yog hais cwb tuag).
Zoo li koj muam phauj laug, hmo no tsaus ntuj kaj ntug rov tag kis xav ntuj tag kis ntxov, txiv yawm thaj xyoob tes lauj nqa nees zaj dab (tes), koj muam phauj laug ces yuav ntswj nyog nws ncauj nees lawv txiv yawm thaj xyoob qab (mus ua ke).
12. Mus txog tej yas kab (kev),neb ua lawm koj muam phauj laug lub chaw mus qaij npab (tes) nob lias koj
muam phauj laug.
