1.Zoo li txog siav tuaj lias koj muam phauj laug, zoo li huab los ces huab ntsauv ntuj ne ntsauv sis zus toj lug taim tej huab yag (duag), hmo no tsaus ntuj sib zus wb laj lig tub hais xaiv khom vam kus xov vam khom vam koj muam phauj laug los kaw nkaus nws laus lub qhov rooj tag (txuas).
2. Zoo li hmo no qab koob (xo) yuav tis qab xo (koob),qab xo yuav tis nkaus koj muam phauj laug tej nqaws tsho (Nrhoob).
3. Hmo no tsaus ntuj kaj ntug tag kis kaj nws laus yuav caij nees ntws los lawm toj taim sab tim ub (ij), yuav vam koj muam phauj laug los qaim lawm nws laus lub ko kaus kub (ci).
4.Zoo li koj muam phauj laug ob xyoo nram ntej ub nws laus ua lawm lub neej nyob, neb koom lawm ib lub mis mus ncau yas npab (pu), xyoo no nws laus qaij qaug lis yeev los lawm koj muam phauj laug tuaj ua lawm nws laus lub chaw mus tu qab (qab tu).
5.Ob xyoo nram ntej ub neb ua ntses nuj rag rhi tuaj nruab khab (qab thu), neb koom noj ib lub mis mus ncau yas npab (pu).
6.Zoo li txheeb (txhim) ces yog koj txheeb (txhim) yuav vam koj tuaj qaij nws laus lub ko kaus tseeb (ntsig).
7.Koj muam phauj laug zoo li koj yuav qaij lis nkaus nws laus lub ko kaus kub (ci) rau nws laus kwv nce hlo lawm ntxwj nyug sab ntuj saum ub (ij), mus rau nws laus roos hnub (hli).nob lias koj muam phauj laug. Hais no tas rov hais dua thiab.
8.Hais zoo li txog siav tuaj lias koj muam phauj laug, zoo li koj qaim nws laus lub ko kaus kub (kos),es yuav tsis tu kev neej kev tsav siab nrug nrug luaj lub hnub (tog).
9.Koj tsis qaij nws laus lub ko kaus kub (kos),ces yuav tsaus wb laj lig tub txiv xaiv lawm tsheej tag hnub (hmo).
10.koj muam phauj laug koj qaij nws laus lub ko kaus kub (kos), ces yuav tshav wb nkawm laj lig tub txiv xaiv lawm tsheej tag hnub (hmo).
11.Zoo li wb npuj tswg tsis tshais tswg npuj tswg lis nrawv tuaj nruab luaj (teb), wb yuav ib lis aiv nws laus lub ko kaus kub rau koj muam phauj laug ces ib kom ruaj (ruaj nreb).
12.zoo li koj muam phauj laug cwj qhaub ces nyob deb lawm cwj tsiag ces nyob ze,ces caws vuj tsis caws vos caws vuj vos tuaj saum cav (zeb),yuav khom vam ku xob vam koj muam phauj laug los qaij lis nkaus nws laus lub ko kaus dav (ntxheb).
13.koj yuav qaij nws laus lub ko kaus kub (ci) ces tsis tu kev neej kev tsav siab nrug nrug luaj lub hnub (hli).Nob lias koj muam phauj laug.
## Hais li no ces ho hais txog qhov yuav thov nws nyiaj,taij kom nws tso nyiaj.
14.Zoo li txog siav tuaj lias koj muam phauj laug,zoo li koj yuav yeej cuam tuaj qaij lis nkaus nws laus lub ko kaus kub (nyiaj), yog koj muaj cab koj coj muaj txiag muaj ntsig tuaj ces koj sawv los nrom kub (txiaj).
15.Zoo li koj yuav nrom txiaj kus nrom ntsig koj yuav nrom txiaj lis zus tuaj nruab phiab (lub tais mus tooj dag),koj yuav nrom txiaj ntsig ces koj nrom txiaj lawm 3 txiag mus quav tooj liab (dag).
16.Zoo li koj muam phauj laug, koj nrom txiaj mus nrom ntsig koj nrom nroos tuaj nruab vab (le),yog lub teb chaws choj yeeb es tim fab choj yeeb ces koj txiaj koj ntsig li rais fib lawm koj qab (cev).Nob lias koj muam phauj laug.
Hais li no tas ces nws nrom txiaj nws tso nyiaj tas,ces yus mam li ua tsaug,yus ua nws tsaug tas ces yus rov qab hais ib nqes ua nws tsaug li no:
17.Zoo li txog siav tuaj lias koj muam phauj laug,zoo li koj nrom txiaj mus nrom ntsig koj nrom txiaj lis zus tuaj nruab vab (le), nyob teb chaws choj yeeb tim fab choj yeeb, koj txiaj koj ntsig rais lees fib lawm koj qab (ce).
Yog teb chaws tsis choj yeeb tim fab tsis choj yeeb ces dej ntws tsis los sib ntsib zoov ntws tsis sib sua ces koj txiaj koj ntsig tu nrho nrog nplaim dej dag (ntsaws no ne).
2. Zoo li hmo no qab koob (xo) yuav tis qab xo (koob),qab xo yuav tis nkaus koj muam phauj laug tej nqaws tsho (Nrhoob).
3. Hmo no tsaus ntuj kaj ntug tag kis kaj nws laus yuav caij nees ntws los lawm toj taim sab tim ub (ij), yuav vam koj muam phauj laug los qaim lawm nws laus lub ko kaus kub (ci).
4.Zoo li koj muam phauj laug ob xyoo nram ntej ub nws laus ua lawm lub neej nyob, neb koom lawm ib lub mis mus ncau yas npab (pu), xyoo no nws laus qaij qaug lis yeev los lawm koj muam phauj laug tuaj ua lawm nws laus lub chaw mus tu qab (qab tu).
5.Ob xyoo nram ntej ub neb ua ntses nuj rag rhi tuaj nruab khab (qab thu), neb koom noj ib lub mis mus ncau yas npab (pu).
6.Zoo li txheeb (txhim) ces yog koj txheeb (txhim) yuav vam koj tuaj qaij nws laus lub ko kaus tseeb (ntsig).
7.Koj muam phauj laug zoo li koj yuav qaij lis nkaus nws laus lub ko kaus kub (ci) rau nws laus kwv nce hlo lawm ntxwj nyug sab ntuj saum ub (ij), mus rau nws laus roos hnub (hli).nob lias koj muam phauj laug. Hais no tas rov hais dua thiab.
8.Hais zoo li txog siav tuaj lias koj muam phauj laug, zoo li koj qaim nws laus lub ko kaus kub (kos),es yuav tsis tu kev neej kev tsav siab nrug nrug luaj lub hnub (tog).
9.Koj tsis qaij nws laus lub ko kaus kub (kos),ces yuav tsaus wb laj lig tub txiv xaiv lawm tsheej tag hnub (hmo).
10.koj muam phauj laug koj qaij nws laus lub ko kaus kub (kos), ces yuav tshav wb nkawm laj lig tub txiv xaiv lawm tsheej tag hnub (hmo).
11.Zoo li wb npuj tswg tsis tshais tswg npuj tswg lis nrawv tuaj nruab luaj (teb), wb yuav ib lis aiv nws laus lub ko kaus kub rau koj muam phauj laug ces ib kom ruaj (ruaj nreb).
12.zoo li koj muam phauj laug cwj qhaub ces nyob deb lawm cwj tsiag ces nyob ze,ces caws vuj tsis caws vos caws vuj vos tuaj saum cav (zeb),yuav khom vam ku xob vam koj muam phauj laug los qaij lis nkaus nws laus lub ko kaus dav (ntxheb).
13.koj yuav qaij nws laus lub ko kaus kub (ci) ces tsis tu kev neej kev tsav siab nrug nrug luaj lub hnub (hli).Nob lias koj muam phauj laug.
## Hais li no ces ho hais txog qhov yuav thov nws nyiaj,taij kom nws tso nyiaj.
14.Zoo li txog siav tuaj lias koj muam phauj laug,zoo li koj yuav yeej cuam tuaj qaij lis nkaus nws laus lub ko kaus kub (nyiaj), yog koj muaj cab koj coj muaj txiag muaj ntsig tuaj ces koj sawv los nrom kub (txiaj).
15.Zoo li koj yuav nrom txiaj kus nrom ntsig koj yuav nrom txiaj lis zus tuaj nruab phiab (lub tais mus tooj dag),koj yuav nrom txiaj ntsig ces koj nrom txiaj lawm 3 txiag mus quav tooj liab (dag).
16.Zoo li koj muam phauj laug, koj nrom txiaj mus nrom ntsig koj nrom nroos tuaj nruab vab (le),yog lub teb chaws choj yeeb es tim fab choj yeeb ces koj txiaj koj ntsig li rais fib lawm koj qab (cev).Nob lias koj muam phauj laug.
Hais li no tas ces nws nrom txiaj nws tso nyiaj tas,ces yus mam li ua tsaug,yus ua nws tsaug tas ces yus rov qab hais ib nqes ua nws tsaug li no:
17.Zoo li txog siav tuaj lias koj muam phauj laug,zoo li koj nrom txiaj mus nrom ntsig koj nrom txiaj lis zus tuaj nruab vab (le), nyob teb chaws choj yeeb tim fab choj yeeb, koj txiaj koj ntsig rais lees fib lawm koj qab (ce).
Yog teb chaws tsis choj yeeb tim fab tsis choj yeeb ces dej ntws tsis los sib ntsib zoov ntws tsis sib sua ces koj txiaj koj ntsig tu nrho nrog nplaim dej dag (ntsaws no ne).