Kawm Sau Pajhuam

Lubpajzoo 22nd April 2010, 2:19 pm

Lubpajzoo: Developer; Messages : 126
Date d'inscription : 2010-04-22

Post n°1

Kawm Sau Pajhuam

Lubpajzoo 22nd April 2010, 2:19 pm

Nyobzoo ib tsoom phoojywg Hmoob txhua tus,
Lubpajzoo xav tuaj nrog nej hais lus,

Nyobzoo ib tsoom phoojywg Hmoob txhua nrho,
Lubpajzoo xav tuaj nrog nej tham kev sibnco,

Nej txhua tus puas nojqab mus nyobzoo,
Lubpajzoo xav tuaj nrog nej tham kev sibnug moo,

Nej txhua tus puas nojqab mus nyobzoo os,
Lubpajzoo xav tuaj nrog nej tham kev sibnug xov,

Nej lub ntuj no cas yuav zoonkauj ua luaj li,
Tuaj tshwm kiag pom txhua tug nyob luag ntxhi,

Nej lub ntuj no cas yuav tshiab ua luaj,
Tuaj tshwm kiag ua rau kuv lub siab kaj nrig tuaj,

Kuv xav tias tus tsim lub ntuj no yuavtsum yog Maypaj,
Vim nws yog ibtug ntxhais txawj ntse thiab tshajlij tshaj,

Kuv xav tias tus pab yuavtsum yog koojziag kabzaug,
Vim tias nws yog ib leej niam uas tshajlij kawg nkaus,

Kuv thov qhuas neb mog, kuv ob tug me vivncaus siab zoo,
Hnub no kuv npaj siab tuaj nrog neb sib nug moo,

Lubpajzoo, nws ces twb tsis paub ib yam dabtsi li,
Vam tias neb yuav rub siab ntev qhia kuv neb tej txujci,

Last edited by Lubpajzoo on 16th November 2010, 5:02 pm; edited 2 times in total

**koojziagkabzaug** 22nd April 2010, 3:57 pm

koojziagkabzaug

koojziagkabzaug: Moderator; Messages : 3529
Date d'inscription : 2010-02-28

Post n°2

Re: Kawm Sau Pajhuam

koojziagkabzaug 22nd April 2010, 3:57 pm

Nyob zoo lub me Pajzoo,

Kuv me viv ncaus ntxim hlub
Yuav txawj hais txawj qhub
Kuv me niam hluas ntxim nyiam
Nws yuav txawj hais ua siab dai lias

Zoo siab pom nws tuaj
Tus me zoo niam hluas
Tus me neeg txawj xav
Lus zoo txhua yam tsav

Nws tuaj pom lub hnub ci
Yog tshav ntuj tawm tos nws tuaj ncig
Nws tuaj pom lub hnub tuaj
Yog tshav ntuj tawm tos nws tuaj xyuas

Nws me niam laus tshaj lij
Los yog vim muaj nws nplij
Nws me niam laus paub tab
Los yog nws nws pab nqa

Lub tsev teb nyuam qhuav ua
Vaj tsev nyob do cuas
Los nws lam tuaj nrog peb zov
Seb puas tau nroj luag noj...os mog.

Invité 22nd April 2010, 4:51 pm

Invité

Invité: Guest

Post n°3

Re: Kawm Sau Pajhuam

Invité 22nd April 2010, 4:51 pm

Nyob zoo os Lubpajzoo, cas ntev ua luaj hnub no mam pom nws tuaj seev seev nthuav nws li kev hlub ntawm no es ua li nws yuav tuaj nthuav kev hlub dab tsi pub me niam hluas mloog? kav tsij nthuav nws li kev hlub kom ntau thiaj tawg tshiab khiv cuag lub me paj ntshua nplaim tawg tsw qab tuaj peb hnia peb nyeem seb. Koj tuaj seev kuv kho kho siab lamw ces kuv ho seev wb mloog seb koj puas kho siab nawb kuv me niamlaus.

Paj hmab paj ntoos tawg zom zaws
tawm rooj plaws tshav ntuj ci iab
lub ntuj tshiab me kab noog quaj
paj txiv duaj nim tawg puv hav
paj vaum tsav los tawg puv roob
me ntsuag xyoob los hlav mos nyoos
tej qab ntoos nroj tsuag ntsuab xiab
lub caij tshiab kuv nyiam tshaj plaws
kab noog tsaws ya ua npoj ntws
noog qwv qws kau kho siab zim
tag ib cim me paj tsib hli
nim tawg plhis ua tswb dawb vog
ntsia mus txog puag tim qab ntug
nag tshau lug tiam sis zaj sawv
ntuj yuas lawv nej puas kho siab
roob dub nciab los tshav ntuj nrig
sawv tuaj ncig txog tej chaw no
cas yuav nco kuv tej me nraug hmoob
tus caj soob thiab cev yiag ntxiag
lub suab nkiag ntxim hlub tshaj plaws li os lawv aw!........hahaha seev ua si xwb os, puas haib thiab?

Kawm Sau Pajhuam 0

Lubpajzoo 23rd April 2010, 2:50 pm

Lubpajzoo

Lubpajzoo: Developer; Messages : 126
Date d'inscription : 2010-04-22

Post n°4

Re: Kawm Sau Pajhuam

Lubpajzoo 23rd April 2010, 2:50 pm

Nyobzoo hnub tshiab os, ob tug me vivncaus,

Kuv ob tug me vivncaus siab zoo,
Kuv npaj siab tuaj nrog neb sib nug moo,
Kuv ob tug me niamhluas thiab niamlaus,
Kuv npaj siab tuaj nrog neb ua vivncaus,

Neb cov lus pajhuam hais tau ntxim siab,
Kuv ces lam sau xwb twb tsis paub thiab,
Neb cov lus sibdhos hais tau kho siab kawg,
Kuv ces lam sau xwb twb tsis tau kawm,

Xyov luag sau pajhuam sau licas,
Vim kuv lam sau xwb twb tsis thwj li nas,
Xyov luag sau lus sibdhos sau licas thiaj yog ne,
Vim kuv tsis tau sau dua li ces tsis paub teb neb,

Niamlaus, koj mas hais tos txais kuv zoo heev,
Kuv yeej xav xav tuaj nrog koj seev,
Niamhluas, koj mas sau lus sibdhos tau khosiab ua luaj,
Nyeem tag los xav nyeeem dua vim koj seev tau kho siab khuav,

Kuv xav kom kuv paub li neb xwb lau,
Uali yuav kawm ntev npaum licas thiaj kawm tau,
Kuv xav kom kuv paub sau pajhuam thiab lus sibdhos,
Yog kuv tsis paub, sau tsis raug los thov zamtxim mog,

Lubpajzoo 26th April 2010, 12:38 pm

Lubpajzoo

Lubpajzoo: Developer; Messages : 126
Date d'inscription : 2010-04-22

Post n°5

Re: Kawm Sau Pajhuam

Lubpajzoo 26th April 2010, 12:38 pm

Lubpajzoo tsis txawj sau pajhuam,
Los thov nej tsis txhob thuam,
Lubpajzoo tsis paub sau lus sibdhos,
Los thov nej tsis txhob hnyos,

Lubpajzoo tuaj kawm sau pajhuam uasi,
Vim roojteb no muaj nej coob tus nyob luagntxhi,
Lubpajzoo tuaj kawm sau lus sibdhos thiab,
Vim roojteb no muaj nej coob tus ntshe yuav kajsiab,

Lubpajzoo tuaj nrog nej sib pauv tswvyim,
Yog Lubpajzoo tuaj hais tau lo siab lo nqes los thov nej zamchim,
Lubpajzoo tuaj nrog nej tham laug hnub,
Yog Lubpajzoo tuaj tham tau lo twg tsiv mloog los thov zamchim pub,

**koojziagkabzaug** 26th April 2010, 1:38 pm

koojziagkabzaug

koojziagkabzaug: Moderator; Messages : 3529
Date d'inscription : 2010-02-28

Post n°6

Re: Kawm Sau Pajhuam

koojziagkabzaug 26th April 2010, 1:38 pm

Lub me paj zoo me viv ncaus siab zoo
Tsav txawj hais txawj qhoob
Nws me niam laus yeej tsis thuam
Txhua hnub tsuas muaj qhuas
Nws niam laus tsis teb nws
Los yog lub caj maj caij khwv
Nws niam laus tuaj nyeem nws tej lus
Ua rau nws kaj siab lawm ci tub
Nws niam laus saib nws tej ntawv
Ua rau nws zoo siab tshaj plaws
Yuav hnub puav mam khoom rov tuaj zov tsev
Vim muaj hauj lwm khuam tes
Ntshe yuav ntev hnub mam xyeej tuaj sau
Vim tseem tshuav hauj lwm ntau...

Kawm Sau Pajhuam Victor-Hugo-demain-des-l-aube

Kawm Sau Pajhuam Victor-Hugo-demain-des-l-aube

Lubpajzoo 30th April 2010, 10:09 am

Lubpajzoo

Lubpajzoo: Developer; Messages : 126
Date d'inscription : 2010-04-22

Post n°7

Re: Kawm Sau Pajhuam

Lubpajzoo 30th April 2010, 10:09 am

Nyobzoo hnub tshiab rau koj os, kuv tus me niamlaus,
Ua tsaug ntau nws tuaj seev nws tej kev khwv qhia kuv paub,
Cas nws yuav khwv ua luaj es kuv hlub nws heev,
Vim nyob deb kuv pab tsis tau nws ces ntshe yuav cia nws ibleeg seev,

Me niamlaus tus uas kuv hlub thiab tshua nco txhua hnub,
Nws lub me siab zoo zoo hais lus mos mos thiab txawj txawj qhub,
Lubpajzoo thiaj nco nco nws tos ntsoov nws yuav rovqab tuaj,
Yog thaumtwg nws xyeej haujlwm los rovqab tauj wb mam tham dua,

Lubpajzoo ces yuav tsis mus qhovtwg li lawm mog,
Yuav tuaj pab nws zov tsev thiab tos qhua os,
Es yog tshuav tes haujlwm twg ntxim Lubpajzoo pab nws tau,
Nws txhob ua lub siab deb, ho tham qhia Lubpajzoo nrog nws paub mog.

Tuj Nplug 3rd May 2010, 10:54 pm

Tuj Nplug

Tuj Nplug: Visitor; Messages : 13
Date d'inscription : 2010-04-11

Post n°8

Cov muam txhua tus

Tuj Nplug 3rd May 2010, 10:54 pm

Lubpajzoo wrote:Nyobzoo hnub tshiab rau koj os, kuv tus me niamlaus,
Ua tsaug ntau nws tuaj seev nws tej kev khwv qhia kuv paub,
Cas nws yuav khwv ua luaj es kuv hlub nws heev,
Vim nyob deb kuv pab tsis tau nws ces ntshe yuav cia nws ibleeg seev,

Me niamlaus tus uas kuv hlub thiab tshua nco txhua hnub,
Nws lub me siab zoo zoo hais lus mos mos thiab txawj txawj qhub,
Lubpajzoo thiaj nco nco nws tos ntsoov nws yuav rovqab tuaj,
Yog thaumtwg nws xyeej haujlwm los rovqab tauj wb mam tham dua,

Lubpajzoo ces yuav tsis mus qhovtwg li lawm mog,
Yuav tuaj pab nws zov tsev thiab tos qhua os,
Es yog tshuav tes haujlwm twg ntxim Lubpajzoo pab nws tau,
Nws txhob ua lub siab deb, ho tham qhia Lubpajzoo nrog nws paub mog.

ib zej tsoom cov me npoj muam
siab dai dhuam twb vim nej xib
tsav pib pib tsis pom teeb liab
vim kho siab nco nej txhua tus
me leej nus nyob zos sib tshab
toj roob ntxhab pos huab zig niab
nyob kho siab tsis muaj tus hlub
txiv leej tub thiaj raws tuaj tsham
nej puas kam kuv nrog nej thiab
tham kho siab ces kuab muag poob
nce saum roob hnov kab noog quaj
nplooj taug ntxuaj twb vim cua hlob
lub siab txob twb vim nco nej
caij cog nplej lub ntuj nag tshia
nuam yaj ntsia roj tsuag pib hlav
tej roob hav kuj zoo xis nyob
roob toj pob puav leej xyuam yaj
zoo lub paj nws tuaj seev seev
thiaj li deev may paj lub siab
kooj ziag thiab pib hu nrov nrov
tuj nplug hnov thiaj li tig ntsia
nplooj siab dhia kho siab heev tshaj
zoo lub paj puas muaj tus hlub
txiv leej tub xav nrog tuav tes
pw lub zes tam qaib ib cooj
hos kab kooj thiab muam may paj
nyob deb tshaj rau ntuj sab ub
nkawv yog hnub ces wb yog hmo
thiaj tsav nco ua niaj ua hnub
nkawv muaj hlub nrog nraim lub cev
thiaj ncaim ntev tseg ntau lub hli
chaw ua si thiaj tseg tsis ntoj
tso roob toj rau kab noog saub
me paj zaub tsis nco tshuam nplooj
hos kab kooj khwv tsis tau so
thaj chaw no yog kab kooj rheeb
may paj feeb rau kooj kab zov
paj zoo hnov ces tawm plaws tuaj
ua kab quaj teb rau tuj nplug
yuav tsis nrug ntawm thaj chaw nov
paj zaub hnov los txhob tuaj ros
tsa suab mos hais tuaj sib dib
kom tsav pib nco pom teeb liab thiab mas yuad

Last edited by Tuj Nplug on 4th May 2010, 2:05 pm; edited 1 time in total

**koojziagkabzaug** 4th May 2010, 9:12 am

koojziagkabzaug

koojziagkabzaug: Moderator; Messages : 3529
Date d'inscription : 2010-02-28

Post n°9

Re: Kawm Sau Pajhuam

koojziagkabzaug 4th May 2010, 9:12 am

TubNplug,

Thov tshaj ib tsab xov rau ib tug phooj ywg,
Yog koj pom kuv tsab xav nov, no ces koj mus xyuas tom kev tshuam, muaj neeg tshuam plooj tsis sub.

Thov ua tsaug.

Tuj Nplug 4th May 2010, 8:06 pm

Tuj Nplug

Tuj Nplug: Visitor; Messages : 13
Date d'inscription : 2010-04-11

Post n°10

Re: Kawm Sau Pajhuam

Tuj Nplug 4th May 2010, 8:06 pm

koojziagkabzaug wrote:
TubNplug,

Thov tshaj ib tsab xov rau ib tug phooj ywg,
Yog koj pom kuv tsab xav nov, no ces koj mus xyuas tom kev tshuam, muaj neeg tshuam plooj tsis sub.

Thov ua tsaug.

zoo tshaj qhov xav tau, thov qhuas may paj neb lub peev xwm.

**koojziagkabzaug** 5th May 2010, 6:46 am

koojziagkabzaug

koojziagkabzaug: Moderator; Messages : 3529
Date d'inscription : 2010-02-28

Post n°11

Re: Kawm Sau Pajhuam

koojziagkabzaug 5th May 2010, 6:46 am

Tuj Nplug wrote:

koojziagkabzaug wrote:
TubNplug,

Thov tshaj ib tsab xov rau ib tug phooj ywg,
Yog koj pom kuv tsab xav nov, no ces koj mus xyuas tom kev tshuam, muaj neeg tshuam plooj tsis sub.

Thov ua tsaug.

zoo tshaj qhov xav tau, thov qhuas may paj neb lub peev xwm.

Hahahah...! Twb yog muaj lawm zoo phooj ywg, thiaj muaj ntsej muaj muag nrog luag tshwm
Twb yog muaj zoo lawm me kwv luag, thiaj muaj lub peev xwm nrog luag nruam paj nruam nruas
Tsis yog wb tshaj lij, yog muaj zoo lawm xib hwb txawj nthuav txuj nthuav ci
Tsis yog wb muaj peev xwm, yog wb muaj zoo lawm tim xyoob coj xwm....Hahhaahah...! Ua tsaug rau ib tug phooj ywg zoo tsis txawj tag...Ua nws tsaug ib zaug ntxiv...Nws puas zeem tau nws tej neeg thaum i thiab? Muaj tus puav yeej tau nrog nws mus tuav noog thiab cuab tawb khwb...Nws puas nco lawv lawm?

Lubmepajzoo,

Thov nws zam txim nawb, uas tau muab nws lub tsev nov los xa moo me ntsis lawm.
Ua sw tsev me ntsis, nws mam rov tuaj tu nawb...

PAJ HUAM 60 XYOO TP. NEEJ VAJ NROG HMOOB NYOB

Sau Tim 1 /LUB 5 HLIS/2010

tu sau

Maypajlug
&
Maiv Tooj
&
Ntxoov L. Vaj

1___ntawm no wb..........yuav seev paj huam.............33" (Maypajlug)
2___hais cuam tshuam ....Txiv Plig neej Vaj
3___Hlub Hmoob tshaj ....hauv nws lub neej
4___tso nws teej ........nws niam tom qab
5___hlob pes nrab .......muaj kaum ib xyoos
6___ncaim lub moos ......tuaj mus kawm txuj
7___Vim Tswv Ntuj .......tau hu nws ntev
8___hauv nws tsev .......raug kev txom nyem
9___txoj kev phem .......yog nws txiv tuag
10__tseg ua ntsuag ......tsis muaj tus hlub!!!

music 1-----------------------------------------------------

11__pab niam tub ........muaj ob tug muam.............1,07"
12__los mus tshuam ......rau tus kwv ntxawg
13__nyob sib qawg .......nrog leej niam zoo
14__tau ntau xyoo .......lawv mus kawm ntawv
15__lub caij sawv .......lawv ci pob zeb
16__vim kev deb .........lub caij no no
17__lawv nqa hlo ........thwv cib taug kev
18__kom sov ntev ........thiaj li tsis txhav
19__vim lub lav .........lawv mus kawm ntxuj
20__nyob nroog nruj .....mas deb kawg nkaus
21__noj tsis txaus ......yoo tshaib yoo nqhis
22__ib lub hlis .........noj ob zaug nqaij
23__yog lub caij ........noj xaus xib xoos
24__Hauv koos txoos .....nws ob tug muam
25__kuj rhais ruam ......cev siab ua phauj
26__kwv ntxawg nkaus ....thiaj yuav poj niam
27__tseg lawv niam ......xyoo peb caug tsib (35)
28__Neej Vaj pib ........tuaj mus kawm txuj
29__Xaiv Tswv Ntuj ......thaum xyoo tsib caug (50)
30__nws kem caug ........txais ua Leej Choj!!!

music 1---------------------------------------------------

31__Ntuj thiaj coj ......tuaj txog Vees Cam...........2,07"(Maiv Tooj)
32__ncig Xeev Kham ......los rau moos loob
33__nws ncig thoob ......thiaj nce roob nyuj
34__kaum hli ntuj .......xyoo tsib caug ob (52)
35__nrog Hmoob nyob .....tu tsiaj tu txhuv
36__coj siab puv ........zoo tam leej txiv
37__txiv plig siv .......cob qhia Ntuj lus
38__Hmoob txhua tus .....muaj kev tso siab
39__yoog txuj tshiab ....mloog txiv plig qhia
40__Hmoob thiaj cia .....txiav dab zuj zus
41__Mloog Yes xus .......los txog hnub no
42__kom Hmoob nco........Txiv Plig Neej Vaj
43__tau muab tshaj.......rau caum lub xyoo
44__tuaj xa moo..........thiab cawm Hmoob dim
45__pub txiaj ntsim......ua ntej tsov rog
46__nyob sab nplog.......xyoo xya caum tsib (75)
47__teb chaws txhib......Hmoob thiaj tau khiav
48__los cawm siav........rau teb chaws thaib
49__Neej Vaj saib........peb Hmoob txom nyeem
50__Lub neej lem ........nyob tsis muaj av!!!

----------------------------------------------------------
music 2---------------------------------------------------

51__Txiv plig xav........tsim neej rau Hmoob...........3,16"(Maypajlug)
52__mus ncig thoob.......teb chaws Nkws Yas
53__mus xyuas tas........txiv plig thiaj nrhiav
54__coj Hmoob khiav......kom luag tso cai
55__yuav npaj sai........coj Hmoob mus sim
56__lub hwj chim.........Txiv Plig Neej Vaj
57__tau mus tshaj........rau neeg pej kum
58__Vim Yes Xus..........twb nrog nws nyob
59__muab Hmoob cob.......rau Txiv Plig tes
60__Ua txiv nres.........ces luag thiaj kheev
61__Txiv Plig Teev.......ces luag thiaj kam
62__Hmoob Thoj Nam.......xyoo xya caum xya (77)
63__lub suab ncha .......tuaj mus nkws yas
64__tham tsis tas........lus zos Kas Kaus
65__Hmoob tej laus.......xeem tuaj ntov zoov
66__luag looj koov.......cov neeg txum cuab
67__txawm ua nyuab.......los Hmoob siab ntev
68__muaj txiv tsev.......Txiv Plig Neej Vaj
69__coj siab ncaj........pab Hmoob tiv thaiv
70__kom lus xaiv.........Hmoob tsis txhob ntsib!!!

music 1-----------------------------------------------------

71__thiaj mus pib........tsim vaj tsa tsev..............4,15 (Maiv Tooj)
72__tsis tau ntev .......kas kaus ciaj nroog
73__hmoob xyaum yoog ....hauv luag txoj cai
74__tsis nco ntshai......thiab rau siab khwv
75__tes tawm hlwv .......los hmoob tsis quaj
76__neej hmoob ruaj......qoob loo puv teb
77__coj muag deb ........nyob txhua lub nroog
78__nom tswv poog .......qhuas tias hmoob ncaj
79__muaj Neej Vaj .......mob siab qhia hmoob
80__nrhiav noob qoob ....los rau hmoob cog
81__tsim zej zog ........qhia Hmoob ua kev
82__txhim muaj tsev .....Teev Ntuj huv si
83__Hmoob txuj ci........vam meej zuj zus
84__muaj ib ntus ........Txiv Plig Neej Vaj
85__kuj tau saj .........noob txiv lwm tsib
46__thaum nws ntsib......tub tsav dav hlau
87__uas nqa tau..........sab thaib los txog
88__Hmoob muab cog.......teb chaws Nkws Yas
89__kuj ciaj tas.........tawg paj txi txiv
90__Hmoob thiaj siv .....los txog hnub no!!!

music 1------------------------------------------------------

91__kom peb nco..........Txiv Plig Neej Vaj...............5,14" ( 2 leeg hais )
92__tus siab ncaj........Tswv Ntuj tso pub
93__nws los hlub.........cob qhia tsoom Hmoob
94__xyaum qhov zoo.......txhua yam txhua tsav
95__kom muaj hnav........li lwm haiv neeg
96__kom peb ntseeg.......Huab Tais Yesxus
97__hauv cov lus.........Txiv plig neej vaj
98__tuaj pub tshaj.......rau caum lub xyoo
99__thiaj li zoo los xaus li no!!!
100__thiaj li zoo los xaus li no!!!!

PAJ HUAM CAW XEEB RAU TXIV PLIG NEEJ VAJ 60 LUB XYOO NROG HMOOB NYOB

HMOOB TSAV NTUJ

Search

Hmoob Catholique Forum

Latest topics

Top posters

Tsev seev PajHuam

Hmong beauty nature

Compteur visitor

Kawm Sau Pajhuam

Kawm Sau Pajhuam

Re: Kawm Sau Pajhuam

Re: Kawm Sau Pajhuam

Re: Kawm Sau Pajhuam

Re: Kawm Sau Pajhuam

Re: Kawm Sau Pajhuam

Re: Kawm Sau Pajhuam

Cov muam txhua tus

Re: Kawm Sau Pajhuam

Re: Kawm Sau Pajhuam

Re: Kawm Sau Pajhuam

Search Query

Display results as : Posts Topics
Advanced Search