koojziagkabzaug wrote:Lubpajzoo wrote:Ua cas sijhawm yuav dhau mus ceev ua luaj li,
Ib pliag xwb twb yuav rovqab tag ib lub hlis,
Yog tsis muaj dabtsi ua zoo li sijhawm kuj nyob ntev,
Yog muaj ntau yam ua cas zoo li sijhawm khiav dhau heev li ned,
Tej hnub mas twb ua tsis tau ib yam dabtsi ntuj twb tsaus,
Tej hnub mas ntev heev li, ib sij saib lub moos ib zaug,
Tej hmo ces pw tsis txaus ntuj twb yuav kaj,
Tej hmo mas pw npaum licas los pheej pw tsis tsaug zog li naj,
Uali nej puas hnov zoo li kuv thiab ne, cov phoojywg,
Los yog kuv no ib leeg thiaj nyob zoo li tus neeg puas hlwb,
Nyob zoo me viv ncaus Lubpajzoo,
Ib hnub twb tsis ntev
Los tsuas xav nyob yus lub tsev
Ib hmo twb tsis ntau
Los tsuas xav kom tau zaum
Lub caij khiav ceev
Pw twb tsis tau tau ntub
Txawm siv tsim dhawv dheev
Vuag tsuag tsi txawm siv yuav mus
Nyob ib hnub hauv tsev tsis dhuav
Yus lub tsev ces los txog li npau suav
Pw ib hmos li npau suav txog
Pom yus lub chaw li cuav zos
Niaj hnub kuv nrhiav kev kaj siab
Tsis muaj hnub dab ntub khiav
Niaj hmo kuv siab puv npo
pw kiag ces qaj qaug nyos...lawm xwb las...!
Wow! Niamlaus aj, koj seev tau zoo heev li os.
Uatsaug koj tuaj nrog kuv tham laug hnub,
Uali koj puas tseem nojqab nyobzoo li qub,
Uatsaug koj tuaj qhia ib zaj pajhuam rau kuv mloog,
Uali koj puas tseem nojqab mus nyobzoo,
Kuv mas nco koj tshaj tabsis vim sijhawm tsawg tsawg,
Kuv tuaj ib zaug ces mus lawm ntev mam tau tuaj nawd,
Ua cas ib leeg yuav nyob ib sab ntuj deb ua luaj,
Ntev ntev mam rovqab tau tuaj sib cuag dua,
Ua cas ib leeg yuav nyob lawm ib sab ntuj deb,
Ntev ntev mam rovqab tau tuaj sib tham uake,
Txawm li ntawd los yeej zoo tshaj qhov peb tsis sib paub,
Tuaj sibn tsib li no xwb los yeej zoo lub siab lawm ntau,
Zoo siab tau nrog koj tham li no thiab mog,
Thov kom vajtswv yawmsaub povfwm koj zoo os,