pajhuam nrhiav mekabnoog tuaj ploj dua twg lawm

hlubtastiam wrote:mekabnoog koj ncaim kuv tuaj rau tebchaws no

Me noog ncaim lawm
Me kab noog------------------koj ncaim kuv tuaj
Tso kuv quaj-------------------- rau tebchaws no
koj puas nco-------------------kuv nyob tom qab
ua luag nyab--------------------lawm los tsis tau

ncaim ntev dhau-----------ntshe muaj tug lawm
tsis pom tawm---------------------ua si qhov twg
tej phooj ywg----------------kuv nug txhua nrho
kuv tseem nco---------------------koj tej lus hais

Thaum ncaim pais--------------kuv siab dua rhe
Es koj ne!!------------------------puas zoo li kuv
Tej chaw thuv--------------thiab me chaw nyob
Nws twb nphob---------------nyob tuaj hav nroj

Ciaj zoov loj------------------hav zoov nuj txeeg
Tus zoo neeg----------------------ncaim kuv mus
Koj lo lus----------------------kuv tseem cim cia
Niaj hnub ntsia-----------------txoj kev yaig tag

Yeej tsis dag--------------------os me leej muam
Tej kev tshuam-----------------wb ib txwm taug
Lub zog qaug--------------------tsis xav ua neeg
Koj puas ntseeg-------------------tej lus kuv hais

Ncaim ploj ntais---------------tsis pom koj nyob
Lub siab mob---------------ib nthwv yuav poob
Leej muam Hmoob--------koj nrog lawv khiav
kuv thiaj nrhiav---------------koj thoob qab ntuj

kuv muaj txuj-----------------los yeej tsis kawm
tau koj lawm---------------------mam li mus pib
tsis sib ntsib----------------------kuv siab tsis kaj
nco koj tshaj------------------thiaj sau lus nrhiav

tshuav txoj siav-----------------tsis tu lawm xwb
kuv lub hlwb-------------------ces ua neeg vwm
thiaj tuaj tshwm-----------rau hmong tshav ntuj
Tuaj seev yuj------------------ua kua muag poob

Nco nkauj Hmoob------------tus me ntxim hlub
Neej thaum ub------------nyob teb chaws nplog
Tseem nco txog------------------koj txhua lo lus
Thaum wb mus--------------------ua si taug kev

Ncaim lawm ntev------------ntshe koj hnov qab
Ua luag nyab-------------------muaj tub muaj ki
Luag ntxhawv ntxhi----------koj tej nqaws tiab
Tsis kho siab-------------------li kuv lawm paub

Tsis hnov saub-----------------txog kuv li lawm
Hmoob nkauj ntxawm---------tus kuv nco tshaj
Yeej tsis daj---------------------neej pem toj siab
Me nplooj siab---------------nyob koom zej zos

Niaj hmo yos-------------------tuaj nyob sib zov
Sib xa xov--------------------txog txoj kev plees
Hais seev yees-------------------tsis xav tso tseg
Mob tej teg------------------ua plawv yuav nres

Yam tus ntses----------------tau pas dej ntshiab
Nyob kaj siab---------------mus lawm tag hnub
Tshav ntuj kub--------------lub ntiaj nrag qhuav
Cuag ntuj nchuav----------------lub ntiaj teb tig

Tam av nkig---------------------dej sib tw nphau
Sib ncaim tau----------------ntev niaj ntau xyoo
Koj lub moo----------------------twb ploj zuj zus
Wb tej lus--------------------------uas tau cog cia

Twb mob ntxhia---------------yuav rov qab zoo
Tseg tsis nroo---------------------ua siab tsis nco
Muaj ib hmo--------------------ho rov npau suav
Pom koj tuav---------------------kuv ib sab npab

Zaum ib sab-------------------tham txog kev nco
Sim neej no------------------------cas nco ua luaj
Pom koj quaj------------------kua muag ntws sis
Kuv khoov ntshis-------------muab kuv tes tsho

Coj mus so---------------------koj cov kua muag
Kuv khawm puag--------------koj rau xub ntiag
Ib me pliag-----------------------koj kua muag tu
Hnov koj hu---------------kuv npe khaws khiam

hlub tag tiam---------------------yog tiag los dag
Zaum no ntag------------------xav kom yog tiag
Kuv tig kiag--------------------los tuav nws plhu
Tsa ncauj hu---------------------tus me sim xeeb

Yeej yog tseeb----------------tsis yog npau suav
Wb tham dhuav-----------------ces wb mus tsev
Taug tej kev-----------------------nce toj qis hav
Ntoo siv lav------------------tawg paj dawb vog

Noog poog pog-------------ntxais paj zom zaws
Me noog tsaws----------------------rau ub rau no
Wb tig hlo---------------------saib rov pem roob
Pom hav xyoob----------------hav ntoo kaj nrig

Hnov nraj yig----------------quaj suab xiv nqiab
Nyaj cuam liab--------------suab kau zom zaws
Me paj raws---------------tawg txhij tawg txhua
Hnov cuab npua-------------puag pem lawv zos

Suab kab nqos---------------quaj kho siab tshaj
Txiv nqos ntsaj----------------siav kawg kiag li
Wb luag ntxhi---------------------mus de los noj
Kuv saib koj---------------------tseem zoo li qub

Tseem ntxim hlub---------------li ntuj yav dhau
Kuv tseem yau---------nyuam qhuav tiav hluas
Wb tham txuas----------------tsis muaj tsawg lo
Ces wb ho--------------------mus nram teb nplej

Txiv ntxuag dej----------------ho txi tsheej ntoo
Cua tuaj loo---------------------ua ntoo rawv tag
Wb tso dag------------------tham luag mob plab
Tau sib thab-----------------------sib zeg tau kev

Pom txiv cev--------------------siav daj pes vog
Wb mus txog------------puag nram roob npoob
Me ntsuag xyoob------------sam leej zom zaws
Wb tshwm plaws----------nram dej cawm siav

De nplooj txhiav------------------los ce dej haus
Sib tham txaus-------------mus txog dej tshuam
Pom noog ntxuam--------------ya taug kwj deg
Hnub tuaj ntseg----------------tshav kub sov so

Tham kev nco----------------yav ntuj thaum ub
Txoj kev hlub----------------tsis tau ncaim mus
Wb tham lus------------------ncig mus yuj yeev
Hnov koj seev----------------suab hais lus taum

Wb mus zaum-------------nram roob xyuam yaj
Ib cev laj--------------------cua tuaj ntxuj ntxiag
Suab nrov ziag--------------------ib ce txias zias
Nplooj laim txias----------ntxeev dawb pes vog

Pom Hmoob cog--------------nplej cuag dab tsi
Wb thiaj li-------------------ntsia pem roob ntev
Hmoob ncaws kev----------ntuag toj ntuag pes
Wb sawv nres---------------ntsia pem nab phoo

Pom hav ntoo--------------ntsuab xiab tsaus nti
Zoo xws li--------------------zoov nuj txeeg daj
Kho siab tshaj---------------tsis xav ncaim mus
Koj tej lus---------------------tham seev yuj yees

Txog kev plees----------------yav puag thaum i
Kev ua si---------------------nyob zos phu npiab
Zoo ntxim siab------------------sib pab ev nplej
Caij kwv dej-------------------tej chaw sib tawb

Hav paj dawb-----------------------fab ti kwj tse
Tim ncauj ke-------------------kev ncaim nce toj
Kuv thiab koj------------------mus dob teb zaub
Noog puj daub------------quaj nrov ntsho nrooj

Hmoob tshuab nplooj--------nrov kho siab zim
Sab puag tim--------------------zos tiaj kuj yem
Nyob puag pem------------lawv roob teb npleg
Tshuab tsis tseg-------------nrov kho siab tshaj

Siab tsis kaj----------------koj hais khawv txhiaj
Saib nram tiaj---------------lawv daim teb taub
Me paj zaub---------------------tawg nra li paug
Muv tsheej tsaug--------------ya mus ntxais zib

Nplooj kab tsib----------------suab yi dauv niab
Nco xyoo tshiab-----------sib yaum sawv ntxov
Mus nrog lov---------------------nej cov kab tsib
Coj los pib-----------------------cub ua suab thaj

Txaus siab tshaj--------------------lub caij ua ke
Yav thaum me------------------tuav tes yuj yeev
Tsis nco seev----------------------txog leej twg li
Tham lus ntxhi-------------txog lus tseem tseeb

Lus meej xeeb--------------wb tham khee kawv
Wb mus sawv---------------puag nram chaw so
Koj thiaj ho------------------tuav rawv kuv npab
Tig rov qab ---------------------los txog ntug zos

Hmoob tuav cos -----------suab nrov doog diaj
Hnov suab tsiaj----------------sib tog zom zaws
Wb tshwm plaws------------ntawm nej tog tsev
Sib tham ntev-----------------tsis xav sib ncaim

Koj nyob nraim-------------hauv kuv nruab siab
Cia xyoo tshiab---------------wb mam sib yuav
Kuv quaj zuav-------------------tsis xav rov qab
Koj siab fab----------------------tsis xav sib nrug

Siab kub lug-------------------txoj kev sib tshua
Ob leeg ua -------------------kua muag ntws nto
Sim neej no----------------------sib nco luaj tiag
Quaj kawg kiag----------------vim sib nco dhau

Lawv thiaj tau--------------sawv phov txaj nrov
Kuv thiaj hnov----------------tsim dheev los no
Ua cas ho--------------------yog npau suab xwb
Kua muag twb-----------ntxaum hauv ncoo tag

Hais cuag dag---------------ntub tog hauv ncoo
Nws ntub loo-------------npaum xuas dej tsuag
Rov qi muag-----------------kom npau suav dua
Lawv sawv ua---------------tshais ntxov los noj

Dab ntub ploj---------------mas chim siab dhau
Zaum tsaws npau-----------kho siab tshaj plaws
Tim teb chaws--------------koj thiaj ncaim mus
Wb tej lus--------------------tau hais qhov tseeb

Thiaj khuam xeeb------------ua kua muag nrog
Nco los txog--------------------niaj hnub nim no
Kuv thiaj nco------------------------koj ua luaj li
Hnub thawm hli-----------thiaj tshem tsis tawm

Kev txij nkawm--------plam thaum ntawd kiag
Koj tig ntiag----------------mus ploj ntsiag niab
Mob kuv siab---------------cuag kua txob ntsim
Lub siab chim-------------------mob tag ib tiam

Vim koj niam----------------coj koj khiav lawm
Tau khiav tawm---------------mus rau thaib sab
Txoj kev tab---------------------lub cuab lub yig
Nws thiaj tig--------------------mus rau lwm tus

Hmoob leej nus-----------------thiaj tsis tau nws
Nplooj siab ntsws-----------mob cuag yuav yaj
Nco nws tshaj------------------nyob rau tiam no
Xyov yuav nco--------------mus txog hnub twg

Me phooj ywg-------------------tus kuv hlub e!!
Es nws ne!!-------------------puas nco kuv thiab
Hmoob dej liab--------------------tus cev tsis loj
Nws niam noj--------------------dab tsi yug nws

Thiaj zoo xws--------------me ntxhais nkauj hli
Es thiaj ci---------------------mus thoob ntiaj teb
Ua rau peb----------------------nco nws tag hnub
Vim tus hlub----------------tau khiav mus lawm

Kev txij nkawm----------------thiaj ncav tsis tau
Nws thiaj dhau---------------------mus zoo li no
Wb thiaj nco-----------------------mus tag ib sim
Yeeb yog vim----------------zuag tau ntawv nco

Nyob tiam no-----------------tsis tau ntawv hlub
Kuv thiaj rub-------------------tsis tau nws npab
Ua kuv nyab-----------------mus nrog kuv nyob
Siab thiaj mob----------------cuag dej kub npau

Nws thiaj dhau------------------mus ua dab neeg
Muab tham deeg---------------nrog huab cua ya
Li thov xa-------------------------ib tsab xov tuaj
Nrog suab quaj--------------saib nws puas hnov

Neej nram ntxov---------------nyob qub zej zos
Yog yuav tos------------------ntev npaum li cas
Siab khis ras------------------cuag rwj aws ncus
Tham lo lus------------------yeej hais tsis tawm

Kev txij nkawm---------------yog yuav rov pib
Saib puas ntsib-----------------nyob rau tiam ob
Neej pov plob----------------puas nphau rov los
Tej lus ntos------------------------seev nws tas li

Zais tuag nthi---------------rau hauv nruab siab
Nws tus ntxhiab---------------kuv tseem cim cia
Ntsib mam qhia--------------rau nws lawm xwb
Hais txog wb------------------lub neej pem suab

Thov saub muab----------wb ntawv nyiaj keeb
Los nrog teeb--------------ua ntawv puaj txwm
Tuav keeb kwm-------------kom ho muaj ntxiv
Thiaj tsis chiv-----------------kev mob siab dua
Xws nthwv cua---------------tuaj ib cuag lawm

Kom hmoov sawm-----------wb txhob sib cais
Yog yuav hais--------------yeej tham tsis txhua
Thiaj li ua--------------------npau suav pom nws
Kuv siab ntsws---------------nco nws heev dhau

Thiaj li tau------------------muab los tham tawm
Kom plawv nqawm----------siab ntsws ho nqig
Tej tsuj plig----------------------rov los puab cev
Siab ho ntev-------------------ua neeg mus ntxiv

Yog yuav chiv------------------npau suav li qub
Puas muaj hnub--------------rov tau lawm mog
Tseem xav txog---------------lub neej yav dhau
Wb tseem yau-----------nco npaum nkauj hnub

Ntsib dab ntub-----------tseem tham luag ntxhi
Txiv nraug hli---------------nco nws tshaj plaws
Yog tham ntxaws-----------ces kua muag poob
Me nkauj Hmoob------------tus me ntxim hlub

Nkauj dab ntub------------txiv nraug npau suav
Tham tsis dhuav-----------------ua ke tsis txaus
Hais tsis xaus---------------------tej lus sib hlub
Nkauj dab ntub----------thiab nraug npau suav

Nws puas tshuav------------ib zaug lawm thiab
Hmoob dej liab-----------------tus me neeg zoo
Yog puag loo-----------------mus yeeb yaj kiab
Thiaj zoo siab------------------os me leej muam

Tej lus xuam---------------thov tsis txhob chim
Yeeb yog vim--------------ncaim mus thaib sab
Kuv thiaj npab-------------nyob lwj siab ntsuav
Li noog puav---------------------ua neej dai taw

Tsis muaj chaw------------------li no lawm tiag
Lub xub ntiag-------------------thiaj pw txias to
Seev tag hmo-------------------rau tej npoo txaj
Lub ntuj kaj--------------------los tsis xav sawv
Ntuj yuas lawv-----------------tus me neeg zoo

Tsis muaj hmoo----------------thiaj tsis tau nws
Lub siab ntsws----------------nrog nws ua npoj
Yog tuag ploj------------------wb puas sib ntsib
Nywj vag ib-----------------nyob rau nruab dab

Tuav nws npab--------------haus paj zaub quag
Rov tau puag----------------nyob kuv xub ntiag
Txhob nrug kiag-------------li kab npauj npaim
Ya nrog nraim---------------------ua ke ywj siab

Mus thawj thiab----------------xeeb rov los dua
Kom txhob tshua----------------ib zaug li lawm
Cev nkauj ntxawm-------------tus zoo sim xeeb
Kom muaj tseeb-------------raws kev npau suav

Kuv mam tuav-----------------tsis pub kom dim
Thiaj tsis chim--------------wb siab lawm mog./
( xaus li no )

thiaj tuaj tshwm rau hmong tshav ntuj no xwb os..