Saib Duab Teb Chaws Toj Siab Sab Xeev Khuam.

xiongchang wrote:......Nco ntsoov tias?....Nplooj qhau liab....De xwv nqaij nas nkais....Nqaij lij tsw quav qab kawg nkaug li os?....Txhua yam nqaij nruab nrag muaj mtsis tsw ntxhiab....De nplooj qgau liab xwv taus nplooj los tau....Qhw ci npos qhov tshauv....Tau ib yam nkaug nawb tub nraug liab toj siab aws?

*Tub Loj Leeb wrote:Nyob zoo tus phooj ywg Liab Toj Siab thiab ib tsoom phooj ywg txhua tus hauv lub vas sab no,


     Kuj yog thawj zaug uas kuv tuaj tsham ncig pom nej lub vas sab no ces thiaj tau los nrog nej sau ntawv sib nug moo thiab koom kev lom zem hauv no. Kuj yog hais tias nyias muaj muaj nyias dej num leg ces khoom thaum twg mam tuaj thaum ntawd xwb thiaj li tsis muaj caij nyeem nej cov zaj (topics) thiab cov lus (comments) hauv no kom txhij txhua. Tab li ntawd los yeej muaj ntau yam nej sau, nej piav zoo coj mus siv rau lub neej qhov tseeb thiab.

     Ua ke no kuj muaj lus ua koj tsaug ntau tus phooj ywg Nraug Liab Toj Siab uas koj tseem tau yees tej qub teb qub chaw, tej duab kho kho siab li no pub rau peb suav daws tau saib. Thaum pom koj cov duab no kuj ua rau kuv ras nco dheev peb tej qub teb qub chaw uas ib txwm nyob tau kho siab zim yam nkaus li cov duab koj yees ko. Tus phooj ywg Liab Toj Siab, kuv kuj yog ib tug Hmoob uas tau nyob tej teb chaws koj piav tias koj yug nyob Pham Laib Khee Khaib ntawd thiab. Kuv kuj tau mus pom nej tej qub zog ntawd ntev xyoo dhau los lawm. Thaum koj piav li ntawd kuv kuj xav tias tej zaum koj thiab kuv wb sib paub thiab los sis tej zaum kuv yuav paub koj thiab vim rau qhov tias kuv paub koj tus tij laug Caiv Yaj Hawj uas koj piav txog ib zag KWV HUAM hais txog nws ntawd zoo. Yog muaj sib hawm no sau ntawv nug kuv moo thiab sib tham pem seb puas sib paub vim kuj xws li peb nyob ib teb ib chaws los. Kuv nyuam qhuav ncaim tej zos toj siab koj yees ko tsis tau ntev pes tsawg li ntawm 10 tawm xyoo xwb, kuj tseem nco thiab xav mus nyob kawg. Tseem vam thiab cia siab ntsoov tias nyaj ib hnub yuav tau rov mus nyob. Ziag no kuv nyob rau tuam ceeb Vees Cas.

     Tuaj thawj zaug xwb ces tsuas los sau 2-3 npe ntawv no rau nej sawv daws xwb, tuaj tsham lwm niaj lwm zaus mam li nrhiav tej zaj dab tsi tuaj piav rau nej sawv daws tau mloog. Thov kom peb txhua tus tsuas ntsib kev noj qab nyob zoo, mam sib ntsib dua.

(kuv twb sau ib tsab ntawv rau tom koj tus email, nraugliabxkhherr lawm, koj check ces nyaj koj yuav paub kuv)
Tub Loj Leeb