Saib Duab Teb Chaws Toj Siab Sab Xeev Khuam.

koojziagkabzaug wrote:

Nyob zoo tub Nraug Liab Toj Siab,

Ua tsaug rau nws cov duab, yog ib cov duab muaj nqes. Pom tias cov neeg nyob txawm chaw, pom lawv tej tog vaj tog tsev dav fos, lawv saib tsis muaj nqes. Vim lawv ntsia av dav li dav teb ntau li ntau ua tsis tag siv tsis qeg. Tab sis lawv tsis paub tias lawv tau txoj hmoov zoo, lawv muaj av ntau zeem sos ho tsis muab txhim kho kom muaj nqes. Tsis zoo li cov nyob nroog loj, muaj ib xib av los nim zoo zoo siab, muab kho cog txhij toob puaj yam li Ntxawm cog qej xyaw tsawb. Yog tsoom neeg sawv daws muab nws tej ntiag tug txhim kho kom ruaj khov thiab ua kom zoo siv nrog rau zoo nkauj mas sawv daws yuav tsis ua ib cov neeg pluag lawm, yuav txia ua ib co neeg nplua nuj vim tej tog vaj tog tsev qab vag tsib taug zoo nkauj rhib ntxim nyiam. Kev nplua nuj tsis yog nyiaj txiag thiaj li muaj nqes; kev nplua nuj yog ntawm tus kheej thiab ib ncig ntawm nws nyob; nroj tsuag ntsuab xiab, vaj tsev tu huv si, tus kheej hnav tsoos tshos huv si, kho khov kho, ua neeg nrov nrees tsis txhob nyob tug mluas mlob so vias ces yog kev nplua nuj lawm. Tej kuv hais no tsis yog nyiaj txiag thiaj ua tau, yus tu yus xwb ces tau lawm; yuav tsis sem nyiaj thiab dag zog ntau.

Tub Nraug Liab, kuv muab nws qhov signature kho daim video me me ntsis thiab tso kob rau nws qhov ntawv lawm, seb puas nyiam, yog tsis nyiam no hais mam rov kho rau.

koojziagkabzaug wrote:
Tub Koob Pov Txuj,

Nws xav tau ces mus nrhiav tom cov tsev muag yub ntoo, muaj lub puav muaj thiab tab sis lawv muag kim tsawv. Tsis li cas nws mus yuav cov tshuaj rhau cag los ces nws mus txia ib tug ceg tsis laus heev los ntsw cov tshuaj rhau cag ces muab ntsaws av, muab ib lub hnab ci looj rau, ywg dej kom noo zaw rau xwb ces tsis ntev nws tau ib tsob lawm mas. Tsis li ntawd, thaum lub 10 rau 11 hlis ntawd cov maum txi txiv, nws mus khaws ib cov muab tev noob ziab kom qhuav cia txog lub 3 hlis xyoo tom qab ces muab tau dej ib hmos, muab faus av li 1 hlis tej ces tuaj yub cuag plaub hau; mam muab tshais cog xwb tiag. Nyob ntawm St.Paul MN, kuv twb pom nyob tom lub Park uas lub cetre commercial loj ib sab muaj ib tsob.

koojziagkabzaug wrote:Tub Koob Pov Txuj,

Yog nws xav tau ces order qhov chaw nov rau lawv xa tuaj rau nws cog xwb yooj yim dua.

Txhob yuav cov uas lawv muab cuam ua bonsaï lawm, cov nov lawv muab ua cob pob lawm ntshe yuav ntev mam li rov hlob tuaj. Yuav cov yub los cog ceg normal xwb. Kuv pom cov nqe hauv nov kuj yog pheej yig heev yog piv rau tom tsev muag yub ntoo.

http://www.ebay.com/bhp/ginkgo-tree

Qhov hauv nov, yog tsob uas 42,95$ tej zaud kuj zoo lawm thiab:

http://www.ebay.com/bhp/ginko-tree

koojziagkabzaug wrote:

Nyob zoo tub Nraug Liab Toj Siab,

Ua tsaug rau nws cov duab, yog ib cov duab muaj nqes. Pom tias cov neeg nyob txawm chaw, pom lawv tej tog vaj tog tsev dav fos, lawv saib tsis muaj nqes. Vim lawv ntsia av dav li dav teb ntau li ntau ua tsis tag siv tsis qeg. Tab sis lawv tsis paub tias lawv tau txoj hmoov zoo, lawv muaj av ntau zeem sos ho tsis muab txhim kho kom muaj nqes. Tsis zoo li cov nyob nroog loj, muaj ib xib av los nim zoo zoo siab, muab kho cog txhij toob puaj yam li Ntxawm cog qej xyaw tsawb. Yog tsoom neeg sawv daws muab nws tej ntiag tug txhim kho kom ruaj khov thiab ua kom zoo siv nrog rau zoo nkauj mas sawv daws yuav tsis ua ib cov neeg pluag lawm, yuav txia ua ib co neeg nplua nuj vim tej tog vaj tog tsev qab vag tsib taug zoo nkauj rhib ntxim nyiam. Kev nplua nuj tsis yog nyiaj txiag thiaj li muaj nqes; kev nplua nuj yog ntawm tus kheej thiab ib ncig ntawm nws nyob; nroj tsuag ntsuab xiab, vaj tsev tu huv si, tus kheej hnav tsoos tshos huv si, kho khov kho, ua neeg nrov nrees tsis txhob nyob tug mluas mlob so vias ces yog kev nplua nuj lawm. Tej kuv hais no tsis yog nyiaj txiag thiaj ua tau, yus tu yus xwb ces tau lawm; yuav tsis sem nyiaj thiab dag zog ntau.

Tub Nraug Liab, kuv muab nws qhov signature kho daim video me me ntsis thiab tso kob rau nws qhov ntawv lawm, seb puas nyiam, yog tsis nyiam no hais mam rov kho rau.