google-site-verification: googlefbfddf59e706b96b.html

Latest topics

» TUS KAB MOB CANCER TXOV HMOOB LOS TAU ZE 600 TAWM XYOO & TSEEM YUAV MUAJ NTXIV
by Liajntsuab 13th April 2018, 11:57 am

» Ib tsoom Phoojywg Nej Nyob Licas lawm
by Liajntsuab 24th March 2018, 2:14 pm

» ***UA NEEB***
by shung 8th March 2018, 5:49 pm

» Neeb Saub ua rau neeg vwm
by shung 4th February 2018, 2:58 pm

» Xiong Chang
by koobpovtxuj 10th December 2017, 11:00 am

» Koobpovtxuj.
by koobpovtxuj 19th November 2017, 1:34 am

» kuv cov duab.
by koobpovtxuj 18th November 2017, 11:30 am

» KHAWV KOOB
by koobpovtxuj 30th September 2017, 4:29 pm

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

» Kiab toom lauj npliaj yob lub qub tsev.
by Admin 1st August 2017, 5:04 pm

» Kawm LUS ROV
by koobpovtxuj 10th July 2017, 1:54 pm

» Hmong dance hiphop 2017 [ dance zoo siav heev li]
by zabyaj 15th June 2017, 12:05 pm

Tsev seev PajHuam

Hmong beauty nature

Compteur visitor

hnub 18/09/2010 los mus

    Lwm Qaib Ntawm Qhov Rooj

    Share
    avatar
    koojziagkabzaug
    Moderator
    Moderator

    Messages : 3529
    Date d'inscription : 2010-02-28

    Lwm Qaib Ntawm Qhov Rooj

    Post  koojziagkabzaug on 5th June 2010, 11:50 am



    Lwm Qaib Ntawm Qhov Rooj



    Yog peb muaj ib tug tub mus coj tau ib tug ntxhais sab nraud los ua txij ua nkawm, raws li cov Hmoob tseem coj qub kev cai, mas niam txiv yuav tsum muab tus tub thiab tus nyab tshiab lwm qab tso mam li cia nkawd los tau rau hauv niam txiv lub tsev. Tus sau yuav qhia txog cov kwv tij Hmoob uas tseem coj txoj kev cai qub tias yuav lwm qaib li cas rau tus tub thiab tus nyab tshiab? Tus sau kuj yuav qhia txog cov Hmoob uas ho coj txoj kev cai tshiab tias ho yuav ua txawv li cas?

    Raws li txoj kev cai qub, tus txiv tsev mus ntes ib tug lau qaib ciaj ciaj los lwm tus tub thiab tus nyab. Ib qho tuaj, yog tus txiv tsev tsis nyob hauv tsev los sis nws tsis txawj lwm qaib no ces nws mus thov cov kwv tij ib tug tuaj pab nws lwm. Tus txiv tsev kom tub thiab nyab los sawv nraum qhov rooj tag tig xub ntiag rau hauv tsev. Tus tub thiab tus nyab ob txhais tes sib npuab yuav tsum sib tuav rwb rawv lub sib hawm tus txiv tsev tab tom lwm qaib. Qhov no yog ib lub cim hais tias nkawd ob leeg ib tug yeej nyiam thiab txaus siab yuav ib tug tiag tiag. Tsis yog lwm leej lwm tus yuam kom nkawd sib yuav. Yog tus nyab tsis kam tuav tus tub tes mas niam thiab txiv yuav tsum paub tau tias yog tus tub yuam tus nyab los tsev xwb. Tus nyab yeej tsis tshua nyiam tus tub tag nws lub siab lub ntsws.

    Tus txiv tsev tuav tus lau qaib ob txhais ko taw ua ke thiab yoj kiv ncig tus tub thiab tus nyab ob lub taub hau. Nws yoj thiab ntuas zoo li tus piv txwv nram no:

    "Vuav! Hnub no kuv lwm tub thiab nyab no kuv tsis lwm nkawd plig tub plig kiv. Kuv tsis lwm nkawd plig nyiaj plig kub. Tsis lwm plig qoob plig loo. Tsis lwm plig tsiaj plig txhuv. Hnub no kuv lwm tub thiab nyab no kuv lwm nkawd cuaj haiv mob yim haiv nkeeg, cuaj txog kev ploj yim txoj kev ntsoog, cuaj txog kev quaj yim txoj kev ntshai, cuaj txog kev plaub yim txoj kev lus, cuaj txog kev nyuaj siab yim txoj kev khwv kom mus ploj lis ntshis lawm puag zaj qho. Kuv lwm mus rau hluav taws kom hluav taws kub yaj lis ntshis ntsej tsis hnov muag tsis pom. Kuv lwm mus rau dej kom dej tshoob mus lawm puag ntuj txias teb tsaus. Txij hnub no lawm tom hauv ntej kom tub thiab nyab los ua lub neej noj sib hlub haus sib ce. Hnub no kom nkawd los ua lub neej ib nqag nto ntuj ib nploog nto ntsis, nkawd tu tub tu kiv kom los puv vaj, khwv nyiaj khwv txiaj kom los puv tsev. Tub thiab nyab ua lub neej nyob txhiab niaj tsis muaj mob, pua xyoo tsis muaj nkeeg nawj!"


    Tom qab tus txiv tsev lwm qaib tag, nws muab tus lau qaib cuam sis rau nraum zoov. Tus lau qaib ya plaws quaj tsiag lias dua tom qab tsib taug lawm. Tub thiab nyab nkawd mam li sib tuav tev los hauv tsev. Niam thiab txiv hu nkawd hais tias:
    "Me tub thiab me nyab e! Neb los lawm los. Los tsev lau mog!"

    Tus tub thiab nyab teb niam thiab txiv hais tias:
    "Niam thiab txiv! Wb los lawm os."
    Tus tub thiaj li mus tuaj tom tag pe niam thiab txiv ob pe:
    "Niam thiab txiv lauj! Hnub no kuv ua tub txob plaub txob ntug. Neb ob tug ua niam ua txiv yuav tau txob txhawj xwb lauj mog. Kuv ua tub tso siab rau neb ob tug ua niam ua txiv nrog nta kuv rooj tshoob rooj kos kom tsheej tshoob tsheej kos, kom hnub no kuv tau poj tau sev. Kuv muaj lus ua neb ob tug ua niam ua txiv tsaug lau mog."

    Niam thiab txiv teb li no:
    "Sawv lauj mog! Tsis txhob pe. Hnub no tseem muaj wb ob tug ua niam ua txiv nres nroos rau ntawm no wb yeej yuav pab koj xwb mog. Txij no lawm tod koj tau txij tau nkawm lawm ces teej qa teej num hauv lub tsev no wb ob tug laus yuav tso plhuav rau nyab neb ob leeg leg nawj. Peb tsev neeg yuav noj qab noj tsuag, yuav noj ntxov noj lig los tso plhuav rau tub thiab nyab neb xwb nawj mog."

    Yog hais tias tsis muaj ib tug lau qaib ciaj ciaj tom thawj lub sib hawm yuav lwm qaib no. Tus txiv tsev yuav ua li cas? Raws li lub neej Hmoob nyob teb chaws Los Tsuas thiab Thaib Teb mas tus txiv tsev cia li mus nthos nkaus ib tug tw taws hauv qhov cub los lwm. Tus tw taws no tseem tab tom cig ciaj ncaig. Tus txiv tsev muab tus tw taws lwm ncig tus tub thiab tus nyab thiab ntuas cov lus li saum toj no tag ces nws muab tso rau ntawm tog tsev. Tus txiv tsev thiaj muab ib tshob dej los txawb rau ib sab ntawm tus tw taws. Nws cev tes mus daus cov dej hauv lub tshob los ntov rau tus tw taws. Tag ntawd ces tub thiab nyab cia li sib tuav tes los tsev xwb.

    Ntawm no mus ho yuav hais txog cov Hmoob uas coj txoj kev cai tshiab lawm. Tus sau tsuas yog piav me me txog qhov txawv ntawm cov coj kev cai qub thiab kev cai tshiab xwb. Qhov txawv yog cov Hmoob uas coj txoj kev cai tshiab (Catholic) tsuas taws ib lub teeb los sis ib tug tswm ciab tos tus tub thiab tus nyab lub sib hawm nkawd sib pus los yuav txog niam txiv lub vaj lub tsev. Thaum tub thiab nyab los txog ntawm niam txiv tsev lawm, yog tus txiv tsev twb taws tau lub teeb los sis tus tswm ciab ua ntej lawm, nkawd cia li los nqa lub teeb thiab sib tuav tes los tsev xwb. Tus txiv tsev xav ntuas ob-peb lo lus ntiab sub tawg sub ntsha, kev phem kev tsis zoo, los yeej tau. Nws ho tsis ntuas los kuj tsis ua li cas. Tus sau ntseeg tias cov xib hwb tseem tsim tsis tau muaj ib zaj nkauj paj nruag los hais tos tub thiab nyab lub sib hawm nkawd sib pus los ua txij ua nkawm.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: Lwm Qaib Ntawm Qhov Rooj

    Post  xiongchang on 16th June 2012, 6:06 pm

    - Cov phooj ywg! Nej xav li cas? Rau lub sij hawm, Luag tuaj nqeg tsev; Zawj nej tug hluas nkauj uas....Nej tham zoo tshaj plawg, Swm siab kawg kiag; Ob leeg cog lug tas....Npaj sib yuav xwb, Tog zoo caij; Tog zoo nyoog....Suav hnub rawv, Suav hmo nraim; Ob leeg yuav tau nyob ua ke....Muaj ib hmo, Nej mus txog; Cas hmoob tuaj puv nkaug tsev....Rub rooj ntawm hauv plag, Ob tug mej koob hauv tsev, Zaum sab pem; Ob tug mej koob tom ub....Zaum sab nram, Txawb khob dawb vog; Nraug vauv....Phij laj zaum mloog, Plaub tug mej koob tham; Tawm ncig saib nraum zoov hauv tsev....Tsi tu ncua, Tsam muaj tub hluas; Tuaj tham tug hluas nkauj ntawd....Saib kav khoo nraim, Tsi pub tawm rooj tso zig; Tawm ntsa tso quav....Tsam khiav caum hluas nraug, Lub neej ntawd; Tu siab kawg nkaug....Yug mus txog ntua ntug zog, Cov viv ncaus nruab zog; Pom dheev yug tshwm plawg....Txhua leej ntsej muag nphob xuav, seev kev tu siab; Txhua tug nteeg kev tu plawv....Kua muag ntwg si, Lub sij hawm ntawd; Yug ceeb ib plhaw....Ib ce tuag tas nrho, Roj ntshav sib ntswg pes dawg; Khiav nce taub hau....Ce fws tas, Ce fws tuaj; Mob siab ua luaj....Siav pa yaj ntshawv ntshig, Yuav tu tam sim; Ntshe kev nkauj nraug zoo....Yuav sib ncaim, Tsi sis ntsib; Tsi sib pom....Ib zaug ntxiv lawm, Cuag mag riam nkaug plawv; Dhia nruj nriaj....Ib ce tshee na; Tsa muag ntsia....Toj roob hauv peg....Kiv pes leeg, Ib tog ntuj yuav nphau; Pom hnub qub....Tawg paj paug, Zeeg tshaws saum ntuj; Yuav nyob los ntshai tsam raug iab liam tham luag poj niam....Raug ntes ntaus ncaws nplua nyiaj, Yuav tig rov qab; Deb ua luaj....Nyiag ntxhi twj ywm, Cov vivncaus nruab zog; Mus hais hluas nkauj nyiag kev tawm tuaj ntsib zaum kawg....Ib sim nkauj nraug zoo, Yuav sib ncaim; Seb hluas nkauj hais li cas? Hluas nkauj tuaj txog ntua, Me ntsej muag plaj plhu nphob xuav; Pos muag nti quaj ncia dhawv.....Ob leeg sib qawg quaj, Tsi pom qab ua zaj twg? Vim txhua txoj kev twg tas, Ciaj luag neeg; Tuag luag dab....Niam txiv neej nus, Txais nraj lum hmoob zeeg nyiaj tas; Tug ruam ua siab nyo hau yuav....Raws niam txiov neej nus quab yuam, Tug ntse muaj hlwb xum tuag; Muab yeeb tshuaj ua kev taug....Thiaj khiav dim, Kev nkauj nraug hlub nco tshua; Tsi khuv xim siav....Tsuav khiav dim xwb, Yug tug kheej kua muag ntwg; Tawm sib laub nrog sib lug....Tas kig kaj ntug txoog, Ob leeg sis ntsib zaum kawg; Ntuj kawg xub zeb....Ntiaj teb kawg xub ntoo, Hluas nkauj ploj pliag tim ntug zog li; Ib xuaj moos....Cas suab quaj nrov puv tsev, Suab nyiav ncha puv zog; Zaum no hluas nkauj tuag lawm laus....Kuv me nplooj siab hlub, Yuav ncaim tas ib txhis; Me nplooj ntsws nco....Yuav ploj ntais, Tas ib sim neej laug tuag; Tsi pom ib muag....Lub neej ntawd, Tu siab kawg nkaug; Ob tog niam txiv....Sib pab nta, Tshwm tsiaj txhu tua pam; Txiv nraug vauv....Suav cwj ntas, Ob tog plam; Poob nyiaj ib cag....Tau npe phem, Ua yawg ntsuag; Poj niam ploj tuag....Tsi tau khawm puag pw ua si ib zaug, Xyov zoo li cas?
    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: Lwm Qaib Ntawm Qhov Rooj

    Post  xiongchang on 19th August 2012, 9:39 pm

    - Kwv lwm sub ntawm qhov rooj, Tsi yooj yim li; Suav daws xav....Tsi yog ua neej ib pliag, Ua neej ib txhis; Yuav tau nrhiav....Tug tib neeg, Ib tug txiv tsev; Tsim tiaj ncus....Muaj koob nto npe, Ncha hmoo lug; Ntiaj taug qaum peg....Tug niam tsev zoo, Kib cuab vij zeej; Tu tub puv vaj.... Muaj tub yuav nyab lawm, Yug ntxhais puv tsev; Ciaj nraj lum hmoob zeeg sev....Nyob laug nkoog....plaub hau dawb paug, Cheb olaj tse qawj; Ntxuav yias to....Ib nqaj nto ntuj, Ib ploog nto ntsig; Tub nyob txhij....Ntxhais nyob txhua, Tsi yog niam txais tog; Yog poj nrauj....Yog poj ntsuag, Txiv txais nta; Ua yawg fav....yog yawg ntsuag, Thaum thov mej koob; Mus xaus tshoob....Los tib yam li, Piav saum toj no; Tub nyab ua neej zoo....Muaj koob nto npe, Ncha hmoo lug, Ntiaj taug qaum peg.

    - Tug tsi tau yuav poj nrauj, Yuav poj ntsuag, Ua tsi tau; Tug laug neeg....Coj yuav poj nrauj, Yuav poj ntsuag; Yuav ua tau....Yog tug nrauj, Dua poj niam, Thiaj coj yuav tsu "Poj nrauj nkauj fa" Poj niam tuag lawm, Ua ib zaug yawg ntsuag; Thiaj thov tau....Ua laug neeg, Yuav poj ntsuag; Yuav tai cais "Meej li no" Suav daws "Thiaj paub"

    - Kev thov niam ua mov, Tsi lam zoo thov dog dig; Ib me ntshis....Thov yuam kev "Txhaum plaub" Yog tsi paub, Yuav tau nug; Yog tsi nug "Tsam yuam kev" Mag cem, Mag nplua cawv mas zoo "Tsam poob nyiaj kho" Xav txog lig, Ho hais tias "Luag nkhaus" Tab poj nrauj, Nkauj fa; Twb thov tsi nyog....Yog tshwj kab, Kav xwm; Txiv cuab tsav....Tsi ua li cas? Kuv cov lug qhia, Kev ua neej xaus li no; Kom suav daws "Nrog nco" Ua pov haum.
    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: Lwm Qaib Ntawm Qhov Rooj

    Post  xiongchang on 19th August 2012, 9:51 pm

    - Hmoob dawb hais tias "Lwm qaib" Hmoob ntsuab, Hmoob leeg; hais tias "Lwm sub" Lwm yam phem, Yam tsi zoo; Tsuj npuag....Tais hlais nyag, Hleb rag; Hleb rhaw....Kua muag iab, Kua muag daw; Khawv txiv....Khawv kum, Plig txaij; Plig nraug....Ntaub ntsoj, Ntawv ntsuag; Ntaub ploj ntawv tuag....Mus rau hnub coog, Hli xaus; Rau dej tshoob lawm zaj qho....Rau hluav tawg kub, Yaj ua hluav; Qhov ntsej....Tsi hnov, Qhov muag; Tsi pom....Kom tub nyab, Sib qaws ua neej; Noj qab nyob zoo....Tsi muaj mob, Tsi muaj nkeeg; Tu tub puv vaj....Loj hlob tiav nraug, Tau muab nyab; Yug ntxhais puv tsev....Loj hlob tiav nkauj, Ciaj nraj lum hmoob zeeg sev; Kev lwm qaib....Kev lwm sub, Yog li no.
    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: Lwm Qaib Ntawm Qhov Rooj

    Post  xiongchang on 19th August 2012, 10:05 pm

    - Kev lwm qaib, Kev lwm sub; Ntes ib tug lau qaib....Yog nrhiav tsi tau lau, Poj qaib los tau; Yog tsi tau qaib....Siv hlav hluav tawg, Yog hluav tawg; Tsi ciaj lawm....Siv peb tug "Tauj qaib" Tauj tu sub, Yom saum tub nyab taub hau "Peb lwm" Nqeg hauv ko taw, Tub nyab tuav tes; Ua ke nkag hauv tsev, Nkag tom txaj....Luag tej laug hais tias, Thaum tub coj nyab txog ntawm qhov rooj; Txiv yawg....Niam pog, Hu tsi tau nyab nkag tsev; Yog hu....Hu tau dab poj ntxoog nkag tsev, Yuav tau caiv ncauj zoo; Poj ntxoog....Tsi hnov, Dab tsov; Tsi paub....Txawm poj ntxoog, Los ciaj neeg; Txawm dab tsov....Los tsheej neeg, Luag tej laug "Hais li" Los ntsiag to, Tsi ntab ntw; Tsi ua suab sab....Tsam nruas nrov, Nruas to qhov; Tsam suav hnov....Suav hlais nplaig.
    avatar
    shung
    Sponsor
    Sponsor

    Messages : 578
    Date d'inscription : 2012-05-08

    Re: Lwm Qaib Ntawm Qhov Rooj

    Post  shung on 20th August 2012, 5:08 am

    Tij laug xiongchang.

    Kuv zoo siab hnub no pom koj qhia kev lwm qaib rau peb sawv daws. Tus tij laug kuv tuaj nrhiav ho no ntau yam tias sis tsis muaj cov no: ib kev ua tsaug rau txiv neeb txiv nyiag, tus fwj sawv, tus suav txwj suav laus, tsa thaj nrab, thiab tsa thaj loj; Ob kev ua tsaug rau txiv tuam mej koob lwm mej koob, txiv coj tshoob coj kos, tub phij laj niam tais ntsuab; Peb kev ua tsaub rau kab mob kev nkeeg. Tij laug xiongchang yog muaj sij hawm no koj puas kam qhia rau peb sawv daws tau kawm thiab. ua tsaug kwv shung
    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: Lwm Qaib Ntawm Qhov Rooj

    Post  xiongchang on 20th August 2012, 5:32 am

    - Nyob zoo:....Monday....Sawv ntxov os, Ua tsaug uas; Koj ua kwv nyiam tshawb nrhiav nyeem ntau yam txog....Kev ua tsauug, Txhua tug fwj; Yuav hais li cas? Koj ua kwv, Mus ncig saib thiab mloog; Npis yaj cov lug qhia nyob hauv no....Yog koj nrhiav tau no, Seb puas muaj txhij os; Yog muaj tsi txhij no....Tshuav qhov twg? Muaj tsi ntxawg, Kuv mam tshab txhais ntxiv os; Kwv ntxawg:...Shung.
    avatar
    shung
    Sponsor
    Sponsor

    Messages : 578
    Date d'inscription : 2012-05-08

    Re: Lwm Qaib Ntawm Qhov Rooj

    Post  shung on 20th August 2012, 5:59 am

    Tij laug xiongchang zoo li tus npis yaj no nws qhia txog ib siab ob qig xwb cov no kuv tuaj tsis tau vim kuv ua neeb lawm ces tej zaum yuav muab tso tom qab zog. ua tsaug shung
    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: Lwm Qaib Ntawm Qhov Rooj

    Post  xiongchang on 20th August 2012, 6:32 am

    - Au ua li mas, Kwv ntxawg....Shung....Muaj sij hawm no, Kuv mam piav hauv no os; Txhob maj tas....Kev cia siab ov, Kuv tseem muaj txoj sia nyob ntiaj teb no; Yuav tau nyeem ib hnub tom ntej os.
    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: Lwm Qaib Ntawm Qhov Rooj

    Post  xiongchang on 20th August 2012, 7:38 am

    - Kwv ntxawg:....Shung....Koj ua kwv, Yog txiv neeb; Koj xav li cas? Kev sib yuav, Ua niam txiv; Kev sib qaws....Ua txwj nkawm....Tug twg? Yog tug "Tseem ceeb tshaj" Ib khub txwj nkawm, Piv txwv li; Ua ib thaj neeb....Yog tsi muaj tug saib, Tsi muaj tug fwj; Tsi muaj tug mloog....Tsi muaj tug, Hlawv xyab ntawv; Thaj neeb ntawd "Puas tiav" Khub niam txiv, Los tib yam li; Tug txiv neeb....Tug saib neeb, Tug fwj neeb; Tug mloog neeb.....Tug hlawv xyab ntawv, Ib pab tub rog; Tsi muaj tug....Tswj saib pawg pua, Tg lwm pawg puas; Pab tub rog ntawd....Ua dab tsi? Tsi tau hauj lwm, Tsi tiav li; Yam lub tsheb....Muaj ob lub xws li:....Battery Keeping Electrical And Motor Production Electrical....Faib hluav tawg, Mus txhua qhov; Txhua lub teeb cig....Ua dab tsi? Luag pheej nrhiav ob leeg, Ua ke nraim; Tsi pub tu....Tsi pub nrug, Ib pliag li; Yam lub tsheb muaj:....Battery No Motor, Have Motor No Battery....Lub tsheb puas ciaj sia khiav taug....ha....ha.... Laughing Laughing Rolling Eyes Rolling Eyes. ts ts Question Question Cool Cool Evil or Very Mad Evil or Very Mad.
    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: Lwm Qaib Ntawm Qhov Rooj

    Post  xiongchang on 20th August 2012, 11:16 am

    ......Nqe:....Ib ua txiv neeb tsaug, Aub yaus, Ua tsaug os, Txiv hlob aws; Vam khom txog....Koj lub dag zog, Raws koj nce toj; Caum koj nqeg hav....Koj tug luj loog, Hwj huam; Neeb niam....Neeb txiv, Qhua nom; Qhua tswv....Neeb txwj, Neeb laug; Tuaj ua neeb; Raws nws ntsuj....Caum nws hlauv....Tig fib qab, Rov los ncaws vaj; Tig feb lw....Rov los ncaws tsev, Los nrog ib tse, Cuaj tsib kaum rau leej; Tug ntsuj duab....Cuaj tsib kaum rau, Tug ntsuj noog; Rov los nrog ncej cub....Sib puag ntub, Nrog ncej txos; Sib puag pw....Nrog ncej txag, Ua kwv luag; Tsi muaj mob....Tsi muaj nkeeg, Noj qhau poob plab; Haus dej poob cev....Nyob ntsej liab muag tshiab laus.

    ......Nqe:.....Ob Yog txawj ua lub neej xws luag, Yuav muab kab me; Paj luam yeeb ntsuab....Chob koj saj, Yuav muab kab me yaj yeeb tsw qab; Chob koj haus....Muaj ib raws ntxuag, Rau koj khaws; Muab ib khob me dej zoo tshuaj....Ce pub koj haus, Tsi txawj ua lub neej; Ua neej tuaj qab tsag....Tsuas muab khob me dej qaub....Deev koj siab xwb los, Thov zam lub txheej pub nawb; Ua koj tsaug mog.

    ......Nqe:.....Peb ua tug siv sawv tsaug, Aub yaus; Ua tsaus os....Vam khom txog, Koj lub dag zog; Tuaj saib neeb....Tuaj saib yaig, Txoj nws ntsuj; Taug nws hlauv....Rov los ncaws txaj, Los ncaws chaw os; Hais tib yam li....Nqe ob saum toj no.

    ......Nqe:.....Plaub ua suav txwj, Suav laug tsaug; Aub yaus....Ua tsaug os, Koj yawm suav txwj; Tub lag luj....Tub ncig ntuj, Koj yawm suav laug; Tub luj lag....Tub ncig nrag os, Koj los ntsib peb txiv tej yas kab; Coj peb txiv rais fib qab....Koj ntsib peb niam tej yas kev, Coj peb niam rais fib tsev os; Txij hnub no....Yav tom ntej, Neb ua niam; Ua txiv....Muaj zoo tub, Nyob hauv tsev tog; Muajzoo nyab....Ua zaub mov siav, Ncho pa log; Txhob seev li yeeg....Mus nrhiav nram hmab, See nram suav; Luag tsi yog neb tub....Luag tsi hlub, Luag tsi yog neb nyab; Luag tsi npaj zaub mov tog....Txij hnub no, Neb rov los nrhiav tau tub siab zoo; Nrhiav tau nyab siab dawb....Noj tsi tshaib, Haus tsi nqhis laus; Hais mov niam txiv noj....Dua ncej puab qaib faib leeg tug, Noj sib txhob; Haus sib cev luag ntxhi.
    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: Lwm Qaib Ntawm Qhov Rooj

    Post  xiongchang on 20th August 2012, 1:09 pm

    - Kwv ntxawg:....Shung....Hais txog, Kev ua tsaug; Txiv tuam mej koob....Lwm mej koob, Tub phij laj; Tub ris kawm....Niam ua luag, Txiv lav tshoob kos; Suav txij li....Peb khiav tawm teb chaws:....May 14, 1975; Pauv hloov ntau lawm....Tsi hais ntau, Vim poob cov paub; Plam cov txawj....Ces hais tsawg, Hais raws li; Yug paub xwb....Txiv tuam mej koob, Los tsi koob lawm; Vim tsi paub zoo....Txawj txheej txheem tshoob tsi txaus lawm, Thiaj mus tsheej niag pab dawm ko taw; Ntxhov quav niam zoo li....Suav daws pom niaj hnub no, Yav ntuj thaum peb tseem nyob teb chaws nplog; Kuv me nyuam tub hluas....Kaum peb xyoos 1966 Tsoom kwv tij tuaj thov; Kuv mus ua tub phij laj....Nrog vauv pe niam txiv, Vim kuv txawj; Hais kwv txhiaj heev....Kuv raug thov ua tub phij laj cuaj zaug, Pab tub phij laj hais kwv txhiaj nteeg tshoob "Tsib zaug" Qhov kuv tsi ua mej koob, Vim lub sij hawm ntawd; Kuv haus tsi taug cawv....Kuv tsi nyiam, Ua mej koob; Kuv ub neej....Kuv nyiam ua laj kam, Nyiam fab nom tswv; Kuv kawm ntawv tas:...Grade: 6, May 23; 1968....Nroog looj ceeb, Kuvus ua hauj lwm nram nyus thas; Peb hlis nkaug....Rov mus kawm:....High School Sam Thong Three Week....Kuv yog tub ntsuag, Tsi muaj niam khwv nyiaj pab; Tu siab heev....Quaj ib pluag hmo tim 21 /9/ 1968, Thov ncaim kws qhia ntawv; Ib tsoom phooj ywg! Tub ntxhais rov looj ceeb, Nrhiav hauj lwm ua; Npaj tsa yug lub neej tub ntsuag....Tsam raws tsi cuag npoj yaig, Tsoom tub kwv tij; Kuv nkag ua hauj lwm....September 27, 1968; Noob nyoog kaum plaub xyoos....Thiab kaum hli txwm, Hauv:....Section: 2 Staff Office Region Part: 2....Ranking Master class: 2 Segeant....Ib hlis nyiaj hli:...7.700 kips Laos, Yog yuav tog; Yug lub nyiaj hli xwb....Ntshe ceeb laj zoo taug, Kuv tau cog lug; Rau yij ham choj pab txhawb nqa....Hauj lwm qhov twg? Tsoom phooj ywg! Ntshai tuag, Tsi kam ua; Kuv ua kiag....Xum tuag tam haiv neeg, Muab txoj sia pua teb chaws; Ua hauj lwm rau:...C.I.A....America....One Week Flying Plane Porter Three day Monday, Wednesday And Friday....Nce dav hlau looj ceeb 7:45 AM....Ib hnub twg? Nyob saum nruab ntug txog ntua 2:30 PM, Dav hlau:....Porter....Mam ya rov los tsaws looj ceeb tav su dua, Ib hnub twg?...C.I.A...America Payday 2.500.oo Bath Thailand....Ib hlis twg? 10.000.oo Bath, 9 Month 90.000.oo Bath....Lub neej ntawd, Yog ib ub neej tu siab tshaj plawg li os; Vim yog poob lub neej tub ntsuag ntsoj....Niam txiv tuag ntxov, Thaum noob nyoog; Ib xyoos plaub hlis thiab noob nyoog....Ib xyoos yim hli 1955, Txoj sia nyiag ntsais....Xyov dav hlau, yuav raug nplog liab nyab laj xuas phom txais poob sij hawm twg? Lub dav hlau:...Porter....Kuv zaum nrog:...Pilot America....Raug nplog liab, Nyab laj siv phom loj:...12,7 m/m Txais raug ob zaug, Ya yuav luas; Tsi txog looj ceeb....Tam sim no, Kuv rov pom tej:....Movies Viet Nam War....Cas yug ruam ua luaj li, Pom dheev tawm:....Television American....Kua muag ntswg si, Yog hmoov phem ntshe tuag lawm; Tuaj tsi txog teb chaws no.
    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: Lwm Qaib Ntawm Qhov Rooj

    Post  xiongchang on 20th August 2012, 1:21 pm

    - Kwv ntxawg:....Shung....Piav txog lub neej ntuj qub qab, Thaum me nyuam tub hluas thaum twg? Tu siab heev, Vim ntuj tsi nqug tes; Lub ntiaj teb nqug taw....Txiv xya niam yug, Tuag ntxov heev lawm; Niam txiv tom qab no....Yog niam saws, Txiv tu xwb; Yug ntshai rwg....Tsam niam txiv tsi hlub, Yug yog ib leeg tub; Los yug leg niam txiv pluag noj haus kaj ntug sawv ntxov....Tav su yav tsaus ntuj, Tam ib leeg ntxhais hlob; Hmoov tsi muaj niam saws tuag:....November 21, 1966; Kuv noob nyoog....Kaum ob xyoos xwb, Tshuav txiv niam yau, Los txiv hlub niam yau; Txiv ua tsi taug txiv....Niam yau hais li cas? Txiv nyo hau yuav xwb, Kuv lub neej; Suav txij li....Niam saws txoj sia yaj ntshig, Tu nrho; Kuv zoo li....Lub pob roj hmab ncaws tom tshav puam, Tug no ncaws xa tug tod; Tug tod ncaws xa tug puag tom ub....Ya dhia puv tiaj tham ntau kua muag poob, Tso tseg li nov os; Kwv ntxawg:...Shung.
    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: Lwm Qaib Ntawm Qhov Rooj

    Post  xiongchang on 20th August 2012, 3:26 pm

    - Kwv ntxawg....Shung....Kuv yuav piav me ntsis, Kuv tug kheej keeb kwm; Rau koj nyeem....Koj thiaj paub tias, Kuv lub neej zoo li cas? Los ua neeg, Tiam neej no os; Kuv txiv xya....Yog hmoob kwm npe hu "Kwm tuam" Yog yawg laug, Kuv niam yug; Ntxuav ntshav zog....Nkauj hmoob vaj npe hu "Vab" Yog phauj lawm, Kuv niam yug; Puag cev tuag lub hauv xyoo 1955....Lub sij hawm ntawd, Kuv noob nyoog; Ib xyoos Plaub hlis....Lub plaub hlis ntuj fab kis, Pob kws cauj dauv tis qaib zom zawg; Txij kib teeb....Tom qab niam tuag tas, Txiv tsi muaj cuab yig; Txiv ev kuv khaiv ncaim zog "Poom tab" Raws dab laug "Phuab toom txawj kum vaj" Sab thab lee me, Thaum mus txog zog; Thab lee me....Kuv txiv mob tuag lub yim hli ntuj fab kis xyoo 1955, Kuv noob nyoog; Ib xyoos yim hli....Dab laug txawj kum tshaj xo, Kwv tij hmoob kwm; Tsi tuaj pam nta....Kuv txiv lub cev tuag, Dab laug tua ob tug npua; Ua tsiaj ntiag hnub....Thov kwv tij txua hleb, Coj txiv mus faus; Kuv poob nyob ob tug nqis npua....Ib choj rau kis nyiaj dawb, Dab laug txawj kum tug ntxhais vauv hlob; Tsi muaj me nyuam....Nkawd thiaj ntxiv nqis npua, Ua ib tsum mov; Niam tais yawm txiv....Tug nus ntxoov tswb noj, Niam maiv saws; Kuv los ua tub....Txiv paj zeb tsab, Coj kuv los tu lub cuaj hlis xyoo 1955; Niam maiv saws, Tiv paj zeb tsab; Nrhiav neeb kho quas caj ceg dab qhuas tas....Muab kuv kiav xeem, Ua tub hmoob tsab qab xyoo 1955; Yuav luas xaug....Hloov dua npe tshiab ua "Vaj tsab lis pov" Lub npe txiv xya, Niam tis tseg hu "Ceeb" September 23, 1964; Kuv noob nyoog nce xyoo kaum....Mam tau kawm ntawv, KUv muab lub npe ntawd; Hloov dua tshiab ua "Tsab Pov" Txoj hmoo phem, Lub neej ntsuag zaum peb; Rov caum raws cuag dua....Kuv niam maiv saws, Tau mob ploj tuag nroog looj ceb:....November 21, 1966; Kuv noob nyoog....Kaum ob xyoos, Tshuav txiv niam yau; Txiv lam lub npe txiv....Txiv ua tsi taug txiv, Suav daws yeej paub zoo; Niam hlob tuag tas....Txiv hlub niam yau heev, Kuv lub neej zoo li; Lub pob npas roj hmab....Tug no ncaws, Ya tug tod; Tug tod ncaws ya....Tug tod ub, Pob npas dhia ya puv tiaj; Tsi muaj chaw xaus....Kuv ib ke kawm ntawv, Ib ke ua luam zaub; Yuav txiv puv luj....Yuav txiv taub thaj, Yuav txiv tsawb; Los xwv siav mam muag....Khw looj ceeb, Tau nyiaj yuav ntawv; Kua mem xiav....Cwj mem sau, Yuav ris tsho hnav; Yuav khau rau kawm ntawv....Them nqis ntawv ntiav, Ib hlis twg? 500 kips Laos, Txawm tsi muaj niam lawm; Los yuav tau peem yug lub neej....Tsi xyaum tias, Yuav tsi zoo; Tsi kawm tias....Yuav tsi paub, Thiaj rau siab ntso kawm; Cuag yuav vwm....Lub neej tub ntsuag ntsoj, Tu siab tshaj plawg; Tiam neej no....Thov tau ntawv ntuag, Ua peb plaub zaug ntsuag; Tub ntsuag ntsoj mam npaj tau nyiaj txaus....Them nis tshoob, Mam yuav poj niam:....December 3, 1973; Kuv noob nyoog....Kuam cuaj xyoos txwm os, Kwv ntxawg:...Shung....Tham ntau lawm, Xav txog lub neej qub thaum tu siab; Kua muag los lawm....Tso tseg li no, Mam sis ntsib dua nawb.
    avatar
    shung
    Sponsor
    Sponsor

    Messages : 578
    Date d'inscription : 2012-05-08

    Re: Lwm Qaib Ntawm Qhov Rooj

    Post  shung on 21st August 2012, 8:34 am

    Tij laug xiongchang.

    Hais txog koj lub neej yus los ua ntsuag ces kuv nrog koj tus siab kawg thiab, tiam sis hais rau koj tias txhob tus siab mog yus twb ua ib tus txiv tsev zoo kawg lawm,qhov siab qhov qis koj twb paub tag nrho,ua ib tug coj thiab hais lus haum koj ib pab kwv tij, muaj tub muaj ki muaj poj muaj sev zoo, ces yuav li no xwb zoo kawg li lawm os tij laug. Koj niam koj txiv laug yeej tsis xav tuag es tseg koj ua ntsuag tiam sis nws txoj hmoov tsuas los nyob txij li ntawv xwb ned. Koj sim xav thiab mas ua cas nyob nyob es koj ho hnov tias tus ub tus no tuag lawm, qhov no yog laug txoj hmoov thiab laug daim ntawv los ua neeg tsuas los nyob txog li ntawv xwb. Txob tus siab mog....kuv los kuj zoo li koj thiab; txiv muaj ntau tus poj niam ces txiv yeej hlub sawv daws tsis npaum li yuav ib tus niam xwb. Coob tus niam los laug tsuas hlub cov ua yog luag yug xwb kuv tsis yog ces kuv yeej txom nyem kawg li thiab. Tij laug xiongchang ua siab loj mog txhob xav ntau ntau es yus thiaj tsis muaj mob nawb; yam phem yam tsis zoo ua yus tau ntsib los lawm ces muaj tsuj nthi ntawm ko taw tseg es txhob xav tawm los lawm thiaj li yuav tsis ua yus lub kua muag los thiab thiaj tsis tu siab nawb tus zoo tij laug. kwv shung
    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: Lwm Qaib Ntawm Qhov Rooj

    Post  xiongchang on 21st August 2012, 10:28 am

    - Yog las mav, Kwv ntxawg....Shung....Suav daws pom hmoob ua:....Movies....Hnov luag hais "Tab sis" Qhov kuv niam yug thiab kuv txiv xya nkawd tuag tib lub xyoos tseg, Kuv nyob ua ntsuag; Los thaum nkawd ua nkauj nraug....Nkawd ntshai tsam tsi sib tau ua niam txiv tiam neej no, Nkawd txhaj ntshav tes "Haus ua ke" Niam tuag ua ntej, Niam rov los kauj; Niam teev ntshav....Txiv haus poob hauv plab, Nkawd thiaj tuag tas lawm os; Hais txog lub neej ntsuag....Ces yog li, Koj ua kwv hais las mav; Kwv ntxawg....Thiaj ua siab dai txoj sia ua neej txog, Niaj hnub no; Yug tsi muaj kwv tij....Tsi muaj nkauj muam, Los ua siab ntev tu; Yug tej tub hlob....Ua kwv tij, Ua siab ntev tu yug tej ntxhais; Ua yug muam....Muab yug tug poj niam, Saib tam ntsuag nyiaj; Piv tam yug txoj sia....Ob leeg sib qaws ua neej, Thaum tub hluas; Kuv ua hauj lwm....Kuv tham nom, Tej ntxhais npaj yuav ua poj niam; Luag tsa yug lub neej "Tab sis" Yug twb ua taug txiv, Khwv muaj yug nyiaj; Txaus tsa yim....Yuav poj niam lawm, Tseem tshuav nyiaj; Chiv peev ua neej....Yug tsi txom nyem, Yuav tau luag tej ntxhais; Yog zoo, Ces luag qhuas; Luag tej ntxhais....Tsi txawj xav, Khiav ua nkauj fa; Khiav nrauj yug....Luag yuav cem tias, Vim muaj luag; Phij cuam nyiaj txiag....Tiab tsoog tsho txhua yam, Yug lub neej; Thiaj li zoo; Yug yeej khwv muaj yug....Los luag tsi xam, Luag phij cuam tsawg; Los luas tias....Luag phij cuam ntau, Txog thaum kawg; Kuv thiaj txiav txim siab....Yuav nkauj ntsuag nog, Yug zoo; Yog yug muaj cuab kav....Yug muaj peev xwm tias, Kuv poj niam; Yog nkauj ntsuag nog; Muaj txiv....Tsi muaj niam lawm os, Kwv ntxawg:...Shung.
    avatar
    shung
    Sponsor
    Sponsor

    Messages : 578
    Date d'inscription : 2012-05-08

    Re: Lwm Qaib Ntawm Qhov Rooj

    Post  shung on 21st August 2012, 11:48 am

    Tij laug xiongchang kuv xav tias qhov yog koj niam koj txiv txoj kev sib hlub xwb mog txhob tu siab. Yog kev hlub ces yuav tsis muaj leej twg tua tau los pab tau nawb mog es ua ib siab. Kuv li mas kuv xav tias yog tuag lawm no ces yog lub ntuj lub teb qee ho tias sis yus niam yus txiv tsis txawj sib hlub es cia yus ua ntsuag ciaj mas kuj tus siab kawg li thiab tiag tus tij laug..... Tijlaug laud tshe tsis txhob tham es thiaj li tsis mob lub siab thiab thiaj tsis tu siab laud....

    Hais txog ntawm yus ho xav tau tus muaj nyiaj muaj kub los pab yus los tij laug qhov no txoj hmoov nawb, yog tsis yog yus ntawv txij ntawv nkawm ces xav tau npaum li cas los yeej tsis mus li lub siab ntshaw os....Yus yug los ua ib tug tib neeg yus yeej coj yus txoj koob txoj hmoov los ua neeg nas; muaj nyiaj thiab tsis muaj nyiaj los yog yus txoj hmoov es yus ua tau li cas los yuav li ntawv xwb yeej zoo kawg li lawm os tus tij laug. Kuv muab xav hauv peb tsev neeg xwb zoo li kuj yog li ntawv tiag, tus muaj hmoov mas lam khwv lam muaj lam ua lam tau li lawm, nws khwv tsawg los yeej noj tsis tag li. yus ua npaum li cas los txog xyoo es yog yus ob niam txiv txawj txuag kawg mas yus tseg tau li 1-2 txhiab xwb ho tsis txuag ces noj tag siv tag yeej tsis tshuav dab tsi li...

    Kuv zoo siab rau koj ua tij tseem qhia kuv txog kev ua tsaug thiab, ua koj tij tsaug ntau3 kawg. shung
    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: Lwm Qaib Ntawm Qhov Rooj

    Post  xiongchang on 21st August 2012, 1:56 pm

    - Tsi tas ua tsaug os, Kwv ntxawg;....Shung....Vim hmoob muaj kev qia dub, Tsi kam qhia phaum yau; Thaum yug tuag....Lwj ua av, Muaj nqis dab tsi? Hmoob tej laug, Pheej hais ib txhej; Dhau ib tiam tias "Lo lug tseeb - Nyob qab phaj yeeb - Lo lug tseem ntsiab - Nyob qab phaj cawv" Yuav tsum yog "Ntiav yeeb cawv - Mam qhia" Qia dub npaum ntawd, Txawm kuv txiv paj zeb tsab; Tu kuv loj hlob....Los tseem hais tias "Tham tsi nyog" Yuav tham qhia tau mas, Thaum yuav tuag; Siav yuav tu....Plawv dhia nruj nriaj, Nrog pa sib huas; Mam qhia tau....Kuv teb tias, Txiv aws; Thaum ntawd lig dhau lawm os....Hwb....hwb.... Sad Sad Crying or Very sad Crying or Very sad.

    Sponsored content

    Re: Lwm Qaib Ntawm Qhov Rooj

    Post  Sponsored content


      Current date/time is 15th July 2018, 1:49 pm