Home
SAIB KO TAWS QAIB.
Kev saib ko taw qaib yog saib tsawv ua ntej yuav mus ib txog kev deb, yuav mus ua laj luam, yuav yuav poj niam ( yuav nyab) lawv tua qaib saib ko taw ua ntej seb puas zoo, ua luam puas tau noj, yuav mus txoj kev deb puas yuav ntsib teeb meem. Hu plig saib seb plig puas los. _ Saib ko taw qaib mas muab ib tug qaib tiav rhaws, tsis laus heev, kom lub txhais taub hau tsis tau qoos.
_ Hu plig mas yuav tsum muab ib nkawm, ib tug poj ib tug lau. Yog ib tug qaib xwb ces sab taw xis yog poj niam sab, saib rau cov poj niam, sab taw lauj yog txiv neej sab, tshwm dab tsi ces yog raug txiv neej ( cov neeg nyob hauv yud tsev los pab neeg uas yuav mus ua ke) Yog muab ib nkawm ces tus lau qaib yog poj niam li, tus nkauj qaib yog txiv neej li. Tus qaib saib ko taw, muab ib tug xyab los ncwm qhov yus yuav xav kom paub ntawd tag ces muab tua, tib zoo txhob cia nws nte tsam nplawm rau ntawm tej ces taub hau ho suv..., muab vom kom siav kiag ces coj los saib.
SAIB TAUB HAU QAIB:
_ Yog qhov muag puv ntoob ces yog zoo
. _ Yog qhov muag tawm sab nraud los yog saus lawm ces yog tsis zoo.
A/ -Yog ob daim txhais taub hau kaj liag:
Zoo, yuav tsis muaj xwm txheej.
B/ Yog muaj tej teev txaij vog xwb...
Yog yuav tau nyiaj.
- Yog suv dub:
Yav tom ntej yuav tsaus ntuj, yuav muaj mob los muaj plaub ntug.
- Yog suv liab:
yog yuav muaj raug sub...raug qhov txhab los ntshav.
B/ Saib nplaim qaib:
yog saib ib yam khov kuam:
C/ Tus nplaig qaib nkhaus zoo zoo:
kauv ncaj ncaj tsis qaij, ces yog plig los.
D/ Tus nru tig ros sab raud, yog fee:
muaj kev tu siab. plig tu siab, tus neeg tu siab thiabkuj muaj.
SAIB KO TAWS QAIB:
1/ ntiv xoo = Txheem sawv= tus pab
2/ ntiv puas xoo = yus, los yus tus plig
3/ ntiv nta = nom tswv los yog ntsuj plig
4/ ntiv rwg = lawv, luag tej.
A/ Nyem zoo= Ntsuj plig puab cev, zoo siab.
B/ Nthuav = pla, plig tsis los...tseem mus pla ub pla no.
C/ Yog tus ntiv n°2 caij ntiv 3 & 4= Yus yuav yeej nom tswv los luag tej...Yus tuaj sab saud, yus caij luag.
D/ Ntiv 3 & 4 caij ntiv 2= luag yeej. Qhov zoo ces tsis thas yuav thov lwm tus pab li lawm. Los yog yuav tawm rooj ces tsis txhob mus xwb.
E/ Yog ntiv 3 nyo hauv qab, nti 2 & 4 tsa:
Zoo li thaum yuav khiav= Khaj muas ( nees tuag) = yuav muaj ploj muaj tuag hauv tsev neeg ntawd los nws cov txheeb ze.
F/ ntiv 2 cuam hauv ntib 3 & 4:
yuav muaj ploj tuag tib yam = tu tuag daim pam qhwv, ntauj npog. SAIB TXHA QAIB:
A/ To ib txub hauv plawv xwb:
Zoo ces txhob mus, nyob tij ywm hauv tsev, yeej ncuab tsiv nraim tos yus.
B/ To ob txub ( ib txwg), nrug deb, nyob ze tom ob tog zoo heev:
* yog txub ncauj loj dua mas yuav tau noj heev. *Yog txub taw loj dua, kuv yuav taug kev deb.
C/ Yog ob txub sib ti rau hauv plawv:
Kav tsij ua tsuag tsuag tej hauj lwm uas kuv muaj.
D/ Yog to ob txub ncauj sib ti:
yog yuav muaj tej laus tuaj xyuas yus.
E/ Yog ob txub taw nyob ua ke:
yog yus yuav mus xyuas niam xyuas txiv, niam tais yawm txiv.
F/ Yog to 3 txub sib cab nraws ( ib txub ncauj, ib txub taw thiab ib txub nruab nrab sib cab nrawd):
yog kuv yuav mus ntsib ib tug txheeb ze, phooj ywg tom tog kev.
G/ Yog to ib txub ncauj ib txub taw, ib txub nruab nrab tab sis zij ib sab:
yog luag yuav nyiag kuv khoom.
H/ Yog to ob txub ncauj ib txub taw:
Yog yuav muaj lus xaiv.
I/ Yog to ib txub ncauj, ob txub taw:
Yuav tau mus kev ( tawm rooj) sai sai no.
