HMOOB TSAV NTUJ

Would you like to react to this message? Create an account in a few clicks or log in to continue.

google-site-verification: googlefbfddf59e706b96b.html

Latest topics

» Ib tsoom Phoojywg Nej Nyob Licas lawm
by Liajntsuab 7th October 2019, 9:45 am

» NCIG XYUAS HMOOB NYAB LAJ TEB TSEEM UA LUB NEEJ NYOB TOJ SIAB
by Tub kev deb 3rd October 2019, 7:19 am

» Tshuaj Ntsuab
by PIJPAUJ 27th November 2018, 11:17 am

» NYOB ZOO OS
by cwjmemdub 10th October 2018, 9:37 pm

» TUS KAB MOB CANCER TXOV HMOOB LOS TAU ZE 600 TAWM XYOO & TSEEM YUAV MUAJ NTXIV
by Liajntsuab 13th April 2018, 11:57 am

» ***UA NEEB***
by shung 8th March 2018, 5:49 pm

» Neeb Saub ua rau neeg vwm
by shung 4th February 2018, 2:58 pm

» Xiong Chang
by koobpovtxuj 10th December 2017, 11:00 am

» Koobpovtxuj.
by koobpovtxuj 19th November 2017, 1:34 am

» kuv cov duab.
by koobpovtxuj 18th November 2017, 11:30 am

» KHAWV KOOB
by koobpovtxuj 30th September 2017, 4:29 pm

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

Tsev seev PajHuam

Tshuaj Ntsuab Nraug_11

Hmong beauty nature

Tshuaj Ntsuab Dsc08613

Compteur visitor

hnub 18/09/2010 los mus

+13
maivliag
mayvang
vanglo
NkaujNag
shung
xiongchang
Nraug Liab Toj Siab
LS
Hmong ntuj tshiab
MayPaj
Hmoob ntuj qub qab
koobpovtxuj
koojziagkabzaug
17 posters

    Tshuaj Ntsuab

    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Tshuaj Ntsuab Empty Tshuaj Ntsuab

    Post  koojziagkabzaug 26th July 2010, 10:17 pm


    TSHUAJ NTSUAB



    KOJ MOB QHOV TWG
    tuaj
    PEB MUS DE TSHUAJ


    Pib sau tim 27 lub 2hli 2010





    LUS FAJ SEEB:


    Cov tshuaj teev rau hauv nov, ntawm cov tshuaj Hmoob, kuv tso cov lus faj seeb rau, vim tsis tau sim dua. Tsuas qhia li Hmoob niam Hmoob txiv ib txwm sib qhia los mus xwb. Tub txawj ntxhais ntse tseem tsis tau muab ntsuam xyuas. Li ntawd, yog leej twg coj mus siv, muaj teeb meem los peb yuav tsis muaj kev thaj tsob.

    Dua li lwm hom tshuaj uas tsis yog tshuaj Hmoob mas yeej yog Kws Soj Ntsuam yeej muab tshawb xyuas meej thiab yeej yog Tsev tshuaj tshaj tawm tuaj mus. Tab txawm ntsuam tag lawm los yuav tau ceev faj tsam nej ho muaj lwm yam mob ces cov tshuaj tsis haum rau nej tus mob.

    LUB VAS SAB HMOOB TSHAV NTUJ THIAB COV TSWV CUAB TSHUAJ YUAV TSIS LEES PAUB TXOG TXHUA YAM KEV THAJ TSOB TXOG KEV SIV COV TSHUAJ NTSUAB HAUV NOV.



    Qej zoo tshuaj

    L'ail : découvrez ses qualités médicinales Lire la suite l'article
    Photos/Vidéos liées
    L'ail : un atout santé Agrandir la photo

    Plus de photos Santé
    Articles liés

    * Cancer du col: comment le dépister?
    * Cancer du poumon : traiter même après 70 ans
    * Villejuif et Jérusalem s'unissent contre le cancer
    * Plus d'articles sur : Cancer

    Discussion: Cancer

    La petite gousse blanche est pleine de ressources. Riche en vitamine C, en magnésium, en calcium, en potassium, en phosphore et en oligoéléments, les phytothérapeutes lui reconnaissent les vertus suivantes:

    Antiseptique, l'ail combat les infections, peut servir d'antibiotique, d'antihypertenseur, de désinfectant intestinal.

    II chasse les parasites (tiques et vers) ; il prévient le rhume et la grippe et aussi le cancer gastrique, intestinal ou de la prostate.

    Il diminue les risques de récidive en cas de troubles cardiaques.

    Il régule le taux du glucose sanguin chez les diabétiques, et permet de réduire légèrement la tension artérielle. Il réduit légèrement les taux de lipides sanguins (triglycérides et de cholestérol).

    Il est aussi diurétique.

    L'ail : une source de de vitamine C

    Cette vitamine de l'énergie, l'ail en contient 30 mg pour 100 grammes. La vitamine C est recommandée pour renforcer le système immunitaire, protéger les cellules, garder en bonne santé tendons, ligaments, cheveux, gencives. Elle permet la bonne assimilation du fer... Ne pas hésitez à ajouter à vos petits plats de l'ail cru ou cuit.

    L'ail : une source du magnésium

    Coup de fatigue, baisse de tension. Le magnésium est souvent recommandé pour combattre ses maux. Il sert à protéger le coeur et réguler le rythme cardiaque.

    L'ail : une source de calcium de potassium et de phosphore

    Pour la bonne santé de votre squelette et de vos dents, il est important de lui fournir du calcium. Pour se prévenir des soucis cardiaques et des attaques cérébrales, il est recommandé de ne pas manquer de potassium qui permet le bon fonctionnement aussi du système rénal. Quand au phosphore concentré dans les os et les dents il est très efficace contre la fatigue et permet la conversion en énergie des graisses.

    L'ail : une source de vitamines et d'oligoéléments

    Vitamine B, E, K, l'ail permet ...Lire la suite sur TopSante.com

    * Faites un geste éco-citoyen avec Spontex
    * Nourrissons: rappel de 3 lots d'antibiotiques TEVA
    * Alzheimer : de nouvelles découvertes
    * Cancer du col: comment le dépister?
    * Compléments alimentaires: les Français aiment les consommer

    Tshuaj Ntsuab Ailb

    Khoom mam tuaj txhais ua lus Hmoob thiab tso lwm yam ntxiv.


    Last edited by koojziagkabzaug on 4th February 2013, 6:59 am; edited 5 times in total
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Tshuaj Ntsuab Empty Re: Tshuaj Ntsuab

    Post  koojziagkabzaug 30th September 2010, 4:35 pm


    TSHUAJ NTSUAB
    Sau 1991
    tu sau
    Txiab Pov Tsab



    LUS FAJ SEEB

    Cov hauv tshuaj Hmoob ntawm nov, tau muab los teev cia, tab sis tseem tsis tau sim dua lo,
    yog leej twg coj mus siv, muaj dab tsi nram qab nram ntsis los peb tsis lees thaj tsob.




    Tshuaj Ntsuab, Tshuaj Hmoob


    Mob nkeeg, tshuaj ntsuab, thiab kev siv.


    Yav neej thaum ub Hmoob nyob rau pem tej toj roob siab hav zoov. Feem ntau Hmoob siv tshuaj ntsuab coj los kho mob. Nram qab no yog tej hom mob thiab cov tshuaj kho. Cov nyeem sawv daws yog leej twg tsum kev siv nej mam mus nrhiav nej coj los siv seb puas kho tau nej tus mob, feem ntau ib txhia ntawm cov tshuaj no hmoob txawm yuav nyob rau lub teb chaws twg los hmoob yeej nyiam cog rau qab vag tsib taug. Feem ntau cov nroj tsuag no hu raws cov npe uas cov neeg nyob rau teb chaws los tsuas xwb.


    1. Tshuaj kho mob plab zag:

    Cov tshuaj kho:  
    1.Tus cag ntoo huab ncua.
    2. Cov nplooj huab ncua.
    Kev kho: Muab tus cag thiab lub ntsis los rhaub kom kub rau haus kom ntau ib hnub yuav tsum haus kom txog 5 zaug thiaj li yuav zoo tau thiab tus kab yuav tsum tawm los.


    2. Tshuaj kho mob hnoos:
    Cov tshuaj kho:
    1. Lub qe qaib.
    2.Hwj txob.
    3.Nplooj zaub iab.
    4.Zaub nplaig yaj.
    Kev siv: Muab plaub yam li hais los no, sib tov muab cub ua ke rau noj ua ntej thaum tsis tau noj mov.



    3. Tshuaj kho mob pob ntseg uas cov laus hais tia hli hlais:
    Cov tshuaj kho:  
    -Paj hnub hlis.
    Kev siv: Muab cov noob coj los xo kom mos rau lub qhov txhab ntawd kom txog 3 hnub yuav tsum zoo.


    4. Tshuaj kho mob pob sawv hlwv:
    Cov tshuaj kho:  
    -Zaj xaws nyeg.
    Yam ntxwv tus neeg mob: Cov mob pob sawv hlwv uas cov laus tias mob raug dab zag.
    Kev siv: Muab cov noob xo kom mos los pleev rau kom puv 3 hnub. Zoo thiab tsis zoo los tso tseg txhob pleev lawm.


    5. Tshuaj lov txha:
    Cov tshuaj:
    1.Ko taw os.
    2.Pawj qaib.
    3.Ntiv.
    Yam ntxwv lov: Lov tshiab kho tau yog cia ntev mus txog 6-7 hnub yuav kho tsis tau.
    Kev siv: Muab los sib tim tsoo kom mos muab xwv kom sov so tso mam muab coj los qhwv.

    Tshuaj Ntsuab Sa407010
    Tshab xyoob

    6. Tshuaj kho mob txeeb zig:
    Cov tshuaj kho:  
    -Qaub nraug. Ib txhia hu (nroj zoo nraug).
    Yam ntxwv mob: Cov neeg uas mob txeeb zig tso tsis tau zis.
    Kev siv: Muab tus cag coj los tsau dej rau haus. Tsau dej txiag xwb. Yog mob txeeb zeb nrog no muab tim tsev mos siav av rhaub rau haus.


    7. Tshuaj kho neeg phais plab:
    Cov tshuaj kho:
    -Nplooj nyab.
    Kho tau cov neeg phais plab thiab cov neeg rau riam raug phom.
    Kev siv: Muab cov nplooj coj los tsoo xwv qhwv sov so rau xwb lub qhov txhab ntawd yuav nqawm zoo thiab tsis ua paug.


    8. Tshuaj kho cov poj niam uas tsis tau me nyuam:
    Cov tshuaj:
    -Txiv ntoo qaib liab.
    -Paj cos ntiv.
    Kev mob uas siv cov tshuaj no: Siv rau cov poj niam uas nws mob plab yug me nyuam twb mob ntev pheej tsis txawj tau.
    Kev siv: Muab lub txiv paj cos ntiv los sis yog tsis muaj lub txiv no mus de 3 daim nplooj. Tab sis yuav tsum de raws li no (de xuab los  rau hauv xib teg kom tau 3 daim nplooj tsis pub cia li de) thiab 3 daim nplooj txiv ntoo qaib coj los tsau  dej sov so rau haus tam sim ntawd.


    9. Tshuaj kho cov me nyuam plam hlab ntshav hauv tus niam lub cev es yuav poob los:
    Cov tshuaj kho: 1.Cag vaj khaum los yog cag hmab uas hlauv tej txoj.  2.Kuab nplais taub. 3.Kuab nplais dib.
    Kev siv: Muab tus cag coj los rhaub rau haus ua ntej uas tsis tau noj mov yuav tsum haus kom txog li 5-6 zaug kev rhaub yuav tsum rhaub raj xyoob xwb. Tab sis rov paus rau paus ntsis rau ntsis.


    10. Tshuaj kho cov tsis muaj me nyuam kom muaj:
    Cov tshuaj:1.Paj ntshua nplaim. 2.Ncas liab.
    Kev siv: Muab los sib tov tsau dej kom sov so rau tus poj niam haus txhua hnub li.

    Tshuaj Ntsuab Sa407011

    Cib taw nees


    11. Tshuaj kho cov muaj me nyuam sib kom tuab tuaj:
    Cov tshuaj kho:  -Cov hws tsu mov.
    Kev siv: Muab cov hws no coj los haus yuav tsum muaj tuab tuaj xav kom muaj tuab tuab yuav tsum kib lub paj pob kws thiab tim poov xab ntse cov hws tsu noj ces muaj tuab.


    12. Tshuaj tiv thaiv kom txhob mob kas cees:
    Cov tshuaj:
    1.Tshab xyoob.
    2.Muaj tsuas.
    3.Txiv siav.
    4.Vas khoos.
    5.Nceb liab tuaj hauv cav ntoo.
    Kev siv: Vas khoos muab los chais noj hos lwm yam rhaub haus thiab rhaub da. Tab sis yuav tsum muab 3 teev zis tov rau.


    13. Tshuaj kho neeg mob txhab dab tog:
    Cov tshuaj kho:
    1.Txiv siav.
    2.Kuab ib (muab me me)
    3.Xyab txhim.
    4.Nplooj suab.
    5.Txhub qus.
    6. Quav dev.
    Kev siv: Muab coj los tsoo ua ke sib tim qhwv tis pub xwv cia li qhwv xwb. Lub qhov txhab no yuav tsum zoo xwb, yog tseem txhab dab tog.


    14. Tshuaj kho mob dab peg:
    Cov tshuaj kho:  
    -Tsawb ntug.
    Kev siv: Muab lub hauv paus coj los tsoo qhwv. Raws li kev qhwv yuav tsum yog cov laus qhwv, tsis pub cov hluas qhwv. Kev qhwv no yuav tsum yog qhwv tus ntiv tes nta, qhwv lub yis tes nkaus xwb. Tsis pub tus mob paub yam tshuaj no kiag li. Yuav tsum qhwv ib hlis no yog 3 zaug xwb.


    15. Tshuaj kho cov me nyuam tsis muaj sia nyob hauv tus niam lub plab:
    Cov tshuaj kho:
    1.Qe qaib puag ua ntshav.
    2. Rab koob ntxiv.
    Kev siv: Muab rab koob los chob lub qe mam muab hau kom siav yuav tsum muab ib txog xov coj los chob rau rab koob thaum siav muab rau noj, kev siv no tsis pub leej twg paub thiab txhob tham cia li ua twj ywm xwb.

    Tshuaj Ntsuab Sa407012
    Qos nplooj ntse

    16. Tshuaj kho mob ntxhia:
    Cov tshuaj kho:  
    -Kuab tua nyhuv.
    Kev siv: Coj los hov pleev qhov mob no xwb. Txwv tsis pub noj.


    17. Tshuaj kho cov neeg raug qe zeb:
    Cov tshuaj kho:  
    -paj yeeb nkab.
    Kev siv: Muab coj los tsoo xwv kom sov so qhwv qhov mob, kev qhwv yuav tsum siv sij hawm qhwv cia kom txog 1 teev mus txog 2 teev mam li daws. Thaum daws pob tshuaj muab kib kom nkig coj los thuav saib puas pom lub qe zeb. Yog pom yuav zoo.


    18. Tshuaj kho cov mob yeeg dub thiab mob raws plab:
    Cov tshuaj kho:
    1.Zaub txig taum paj.
    2.Zaub txig theem.
    3.Nkaj liab.
    4.Dos raj.
    5.Tus qaib dawb.

    Kev siv: Muab tus qaib tua cug cov ntshav, muab tus qaib hlawv kom kub nyhiab mam plhws rau hauv cov tshauj. Thaum cov tshuaj sib xyaws tas lawd muab kav tus mob pem taub hau mus txog rau nram ko taw, kav tag yuav tsum kuam rau tes rau taw.



    19. Tshuaj sav duav lov duav:
    Cov thauj kho:
    1.Xyoob ko riam.
    2.Xyoob tuam tswm.
    3.Ntsuas nce ntoo(hmab).
    4.Mos hav (ntoo pos ntshav)
    Kev siv: Txiav cov hauv paus xyoob tuab coj los tshum kom tau cov plhaws dawb coj los tsau dej haus kom ntau thiab tsoo qhwv qhov lov los yog sav ntawd tsis txhob xwv.


    20. Tshuaj kho mob hniav dub los yog cov neeg hniav dub:
    Cov tshuaj kho:
    1.Zaug ntswg npua dub.
    2.Siv txham.
    3.Nplooj qhaib xyoob.
    Kev siv: Yuav cov nplooj xwb. Muab 3 yam no coj los tsoo mos kav tus hniav thiab rhaub ua kua rau yaug ncauj 1 hnub 3 zaug.

    Tshuaj Ntsuab Sa407013
    Los his kws

    21. Tshuaj kho mob qhua maj qhua pias:
    Cov tshuaj kho:
    1.Noob pias.
    2.Txhuv daj.
    3.Noob zaub txhwb qaib.
    4.Noob maj.
    5.Noob zaub ntsuab.
    6.Noob zaub txhwb nyug.
    Kev siv: Muab 6 yam no coj los kib nkig tuav mos xaws ua ib lub hnab rau coj, thiab muab cog rau 4 ceg kaum tsev thiab 2 sab qhov rooj. Cov tshuaj no tiv thaiv tau tab sis siv tau lub 9 hli xiab thiaj li thaiv tau.


    22. Tshuaj kho mob qaug txhaj nkees pw tas hnub:
    Cov tshuaj kho:  
    1.Yas dub.
    2.Txiv qhov muag nas.
    3.Txiv daw zeb.
    4.Txiv siav nyeg.
    5.Nplooj ntse nyeg.
    6.Kab yeeb tshuaj.
    Kev siv: Muab 6 yam no rhaub rau haus 1 hnub yuav tsum haus 3 zaug. Thiab zoo tsaws qaib noj.


    23. Tshuaj kho mob pob khaus:
    Cov tshuaj kho:
    1.Txiv plhauv lauv
    2. Npuas dej.
    Kev siv: Muab 2 yam no coj los rhaub dej rau da ib hnub 3 zaug yuav tsum zoo tau.

    24. Tshuaj kho cov neeg mob tsam chim:
    Cov tshuaj kho:
    1.Npuas dej.
    2.Plaub nraj.
    3.Lub qab zeg npua.
    4.Lub qab zeg dav.
    5.Kab laug sab loj.
    6.Tsawb tuaj qhov ntoo.
    Kev siv: Muab 6 yam no rhaub dej rau da xwb, Ib hnub yuav tsum da txog 3 zaug thiaj li zoo.

    25. Tshuaj nab tom:
    Cov tshuaj: 1.Plawv kav theej.
    2.Pum tshis. 3.Kuab lom tsuag.
    Kev siv: Muab kuab lom tsuag los tav ua ntej mam li muab 3 yam los sib tim tsoo qhwv ntawm lub qhov nqaij ntawd.

    Tshuaj Ntsuab Sa407014
    Zaub iab hlwv

    26. Tshuaj kem dab ntxaug thiab raug dab es tsob ntshav ntswg:
    Cov tshuaj kho:
    -Luam laws zoov.
    Kev siv: Muab cov tshuaj no los tsau dej rhaub muab hliv rau qhov ntswg 3 tee tas, muab rau haus yog tseem raug dab no yuav zoo. Tab sis tsis pub tus mob paub cov tshuaj.


    27. Tshuaj kho cov neeg ciam quav:
    Cov tshuaj:
    -Kav qeej(qhaus).
    -Thoob huab(ntoo).
    Kev siv: Muab tsau dej haus ib hnub 3 zaug.


    28. Tshuaj kho poj niam nyob nruab hlis tus txiv nrog pw hlauv duav:
    Cov tshuaj kho:
    -Kua kab nceb.
    -Nceb liab.
    Kev siv: Muab cov kua kab nceb los yog nceb liab no los ua kua lim kom huv rau tus poj niam haus ib hnub haus 3 zaug.


    29. Tshuaj kho cov neeg qaug dab peg:
    Tus tshuaj:  
    -Nplaig nees dab.
    Tus nplaig nees dab no yog cov ncaim nees uas xya thawj phaum me nyuam. Tus me nyuam tshuab tawm hauv lub qhov ntswg los, los yog hauv qhov ncauj los, maj me ntsis tsam me nyuam nees muab noj lawm tsis tau.
    Kev siv: Muab tus nplaig nees dab no los chais peb riag rau tus mob haus.


    30. Tshuaj kho cov poj niam qaug qav:
    Cov tshuaj:
    -Tsawb ntug ntsuab.
    -Cag nqeeb.
    Kev siv: Muab tsaws qaib rau noj, tab sis yuav tsum noj lub taub hau ua ntej tuaj.

    Tshuaj Ntsuab Sa407015
    Ncaug dub

    31. Tshuaj kho hnoos hawb pob:
    Cov tshuaj:
    1. Yas dub.
    2. Cag kua txob.
    3. Cag lws.
    Kev siv: Muab rhaub haus xwb.


    32. Tshuaj kho poj niam khub cev:
    Cov tshuaj:
    1.Txiv puaj kaum.
    2.Haws
    3.Hwj txob dub-dawb.
    4.Teeb pheem.
    5.Txiv siav.
    6.Foob xeeb.
    7.Tshab xyoob.

    Kev siv: Muab cov tshuaj no los rhaub rau haus thiab tsaws qaib noj yuav pab tau kom rov coj khaub ncaws tuaj tau li qub.


    33. Tshauj kho cov neeg raws plab liab:
    Cov tshuaj:  
    1.Xwb cob.
    2.Qhiav dub
    3.Tsheej kub tshis.
    4.Ciab ntab.
    5.Qhiav daj.
    6.Zaub txig taum paj.
    7.Me nyuam qaib mos.
    Kev siv: Muab cov ciab ntab kib kom yaj, muab tus qaib tua muab tsuav mos, hliv ib qhov dej thiab muab cov tshuaj hau ua ke kom siav muab rau noj. Thaum noj tas yuav caiv li no: -Yog noj 3 rab diav caiv 7 hnub. -Yog noj 7 rab diav caiv 3 hnub.


    34. Tshuaj kho cov neeg mob caus yaum:
    Cov tshuaj:  
    1.Tshab xyoob.
    2.Muaj tsuas
    3.Txiv kos.
    4. Peb Lub pob zeb.
    5. Txiv siav.
    Kev siv: Muab 3 lub pob zeb coj los hlawv kom kub. Muab cov tshuaj rhaub kom npau mam muab 3 lub pob zeb coj los tso rau. Muab zaws ib ce thiab muab me me rau haus los tau.


    35. Tshuaj ua luag mus hav zoov tsiaj qus tsis kov:
    Cov tshuaj:
    -Xyooj fab.
    -Lawj faj.
    -Xwb cob.
    Kev siv: Thaum twg uas koj poob siab heev koj muab 3 yam no coj los hlawv kom tsw yuav ua rau cov tsiaj ntshai koj.

    Tshuaj Ntsuab Sa407016
    Aub luag ntxuam = Tw ntses

    36. Tshuaj txuas me nyuam siav:
    Cov tshuaj:    
    1. Txiv ncaim toj.
    2.Kab yeeb tshuaj.
    3.Txiv khau tawv.
    Kev siv: Ib yam tshuaj muab 3 tug cag coj los rhaub rau tus poj niam haus kom puv 3 zaug yuav tsum rov txuas tau xwb.


    36. Tshuaj kho poj niam tau me nyuam tsho tsis pluam:
    Cov tshuaj:  
    1.Plav ntxaiv.
    2.Pum hub dawb.
    Kev siv: Muab ib yam 3 daim nplooj coj los tsoo qhwv tus ntiv tes nta xwb yog txog thaum kawg tsis tau ces khawv koob.


    Ua tsaug rau tus neeg siab zoo qhia tshuaj rau peb tau kawm thiab khaws cia rau tej xeeb leej xeeb ntxwv.


    Tshuaj Ntsuab Sa407017
    Txiv siav


    Last edited by koojziagkabzaug on 9th February 2014, 12:32 am; edited 6 times in total
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Tshuaj Ntsuab Empty Re: Tshuaj Ntsuab

    Post  koojziagkabzaug 4th October 2010, 2:32 pm

    TSHUAJ TSAWS QAIB




    PAWJ QAIB



    TSHAB XYOOB


    CIB TAW NEES




    UAB LUAG NTXUAM


    NCAUG DUB


    QAUB NRAUG




    DIB YIS


    KO TAWS OS


    KOB NTSUAB = Nrhab koob nyeg




    KUAB HMA


    KOB LIJ XEEB


    NKAJ LIAB





    KUAB NPLAIS DIB



    QHAUS


    SAM MUAS KAB





    NTIV



    TSHAIS QAV


    LAJ VAG





    Last edited by koojziagkabzaug on 5th November 2013, 12:52 am; edited 5 times in total
    avatar
    koobpovtxuj
    Sponsor
    Sponsor


    Messages : 1318
    Date d'inscription : 2010-04-05
    Age : 64
    Localisation : USA

    Tshuaj Ntsuab Empty Re: Tshuaj Ntsuab

    Post  koobpovtxuj 25th December 2010, 7:01 pm

    kuv muaj 1 tsob tshuaj yog nroj qus xwb kuv tsis paub npe zoo tshuaj mob taw vwm o pob.

    Tshuaj Ntsuab Img_0110
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Tshuaj Ntsuab Empty Re: Tshuaj Ntsuab

    Post  koojziagkabzaug 16th March 2011, 7:29 am



    Tshuaj ntaus me nyuam.


    Yuav hais ib qho tsis zoo rau txoj kev ntseeg...Thov txim ntawm Tswv Ntuj xub ntiag...

    Tus uab luag ntxuam zoo ua tshuaj ntau me nyuam, yam tsis muaj kev plhom sij rau tus niam. Lub neej txheej tshiab, neeg tsis tuag siav, tsis txuag neeg, niam txiv kiag los twb tsis hlub tsis txuag tsis hlub yus tej roj ntsha kiag lawm. Xav txog yus tus kheej nkaus xwb. Suab me nyuam, tsis kam yuav, tsis kam cia yug ua neeg, nyiam mus rau Kws Tshuaj kaus...Raug luag muab tso kua ntsev rau kom me nyuam tuag es muab tshuab nqus lis nqus tsev tawm los, los yog muab tshuab mus ntau hauv tus niam lub cev li ntau qe thaum yuav kib noj...Ua rau tus niam sab heev...Yog leej twg ho xav txiav siab tsis xav yuav nws tej me nyuam tiag no los Txiv laus puaj tiam Hmoob kuj muaj zoo hmoob tshuaj thiab...Tab sis Hmoob zais ntshis ces tsis muaj coob tus paub txog...Li no hnub no kuv yuav qhia ib hau tshuaj rau tus uas nws ho xav siv, kom ho siv tau zoo tsis muaj kev plhom sij thiab poob nyiaj txiag, poob dag zog...

    -Muab cov uab luag ntxuam rhaub haus xwb ces tus poj niam cev tsis tab seeb tus me nyuam yuav poob kiag.


    Kuj zoo tshuaj: ntaus cev, mob laug, rhaub haus.

    Tshuaj Ntsuab Sa407016

    UAB LUAG NTXUAM

    Tshuaj Ntsuab Sa407910

    NKAJ LIAB,
    Tshuaj ntau cev
    Coj khaub ncaws tsis zoo.
    Yog cev xeeb tub txhob siv,
    yuav ntau tau me nyuam poob.




    Last edited by koojziagkabzaug on 28th October 2012, 10:49 am; edited 4 times in total
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Tshuaj Ntsuab Empty Re: Tshuaj Ntsuab

    Post  koojziagkabzaug 16th March 2011, 7:36 am




    Ntxhuav pob kws


    Ntxhuav pob kws, thaum nyuam qhuav txhawv kiag ces muab coj los ziab kom qhuav, los sis siv kiag thaum mos mos
    zoo ua tshuaj:

    -Ntxuav raum
    -Phob vog
    -Tso zis nyuaj (thaum mob txeeb zig)
    -Tshuaj yuag
    -Tshuaj yaug cev

    Muab rhaub haus.

    Tshuaj Ntsuab Dyn00210
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Tshuaj Ntsuab Empty Re: Tshuaj Ntsuab

    Post  koojziagkabzaug 16th March 2011, 7:46 am



    QHEB DAWB


    Ntoo Qheb yog ib hom ntoo zoo heev, siv tau ntau yam...
    Ua rooj ua tog, ua vaj tsev, ua taws rauv sov tsev thiab tseem zoo tshuaj li koj hais thiab tiag Samx!

    Kuv nrhiav los tau zoo ib yam koj nrhiav thiab xwb Samx.
    Koj tseem paub qhov tias rau poj niam hlauv duav thiab no...Zoo heev.

    *Daim tawv Qheb zoo tshuaj:

    - Rhaub haus zoo:

    -Mob plab zawv ( zawv plab heev)
    -pab kom lub plab thiab tej nyuv zom tau zaub mos zoo

    *poj niam yug me nyuam hlauv duav (Samx hais).


    - Rhaub ntxuav:

    Nqaij voos, liab tej thaj voos, o li ua npuag, mob qhov ncauj, pos hniav lwj, thaum raug no tej ntiv tes ntiv taw o liab ploog.

    Tshuaj Ntsuab Chene10
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Tshuaj Ntsuab Empty Re: Tshuaj Ntsuab

    Post  koojziagkabzaug 16th March 2011, 7:47 am



    ZAUB QHWV



    * Nplooj zaub qhwv siv sab nraud.

    -Muab tus kav hlais tawm, muab daim nplooj tsoo me ntsi muab coj los npuab rau qhov mob:

    -Qhwv qhov txhab, voos, mob laug ( mob tej dab teg, dab taws, leeg), leeg tu, leeg caws, pob kab ntxau,
    me nyuam noj mis txham mis txhaws muab daim nplooj zaub tso hauv lub tsho khiab mis, .

    * Rhaub haus zoo tshuaj zawv plab ntswj.

    - 60g nplooj zaub qhwv nrog 50cl dej, rhaub 1h.
    Haus ib zaug ib khob.

    Tshuaj Ntsuab Choux10
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Tshuaj Ntsuab Empty Re: Tshuaj Ntsuab

    Post  koojziagkabzaug 16th March 2011, 9:55 am



    Nplooj txiv pos nphuab


    Nplooj txiv pos nphuab{Raspberry leaves} zoo ua ntau yam ntshuaj:

    Zoo rau pojniam cev xeeb tub, thaum lub sij hawm pib qaug qav mus txog thaum tau tus menyuam, haus mus ntxuav tej hlab tshav kom tshav
    khiav zoo, pab cov leeg kom muaj zog, rhaub lub raum kom lim tau tej yam phem tawm mus, pab lub zais zis kom muaj zog, ntaus tej yam
    phem tawm mus, zoo mob txeeb zis. Haus xyaw tea haj yam zoo, muab xyaw me ntsi green tea haus los tau.
    Tom qab yug menyuam tag lawm haus kom lub cev yaug huv sai. Txivneej, pojniam los haus tau zoo rau txhua tus uas nws tej roj ntsha haum.

    Kev siv cov nplooj txiv pos nphuab. Haus ib hnub 3 zaug, ib zaug haus ib khob, muab siab kom qhuav, mam muab nrhuab kom npau mam li haus,
    yuav huas zov, haus txias los tau.
    By: Samx USA

    Tshuaj Ntsuab Frambo10
    Txiv pos nphuab


    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Tshuaj Ntsuab Empty Re: Tshuaj Ntsuab

    Post  koojziagkabzaug 16th March 2011, 10:01 am


    Qhia daj qus nyob USA


    Tsob qhaus hav zoo daj. Zoo ua tshuaj rau mob ncauj plab ulcer, ua riam raug tes taw muab pleev los qhwv kom nqaij nqawm sai, zoo rau
    pojniam hlauv duav, hlauv nyuv, haus mus komcov neeg muaj tshav siab qes tau, zoo rau mob nyhuv, kom nyhuv ruaj zoo, zoo mob plab kem,
    zoo rau mob ncauj tawm, mob pos hniav lwj, zoo rau mob txeeb zis, txob ib ce, thiab ntau ntau yam, muaj caij mam piav nxtiv.

    KEv siv. Muab rhaub haus los tau, muab zom mos mos pleev, muab qwv thaum nyoos los tau. Tus cag thiab cov nplooj yeej zoo hu si.

    Txwv tsis pub pojniam xeeb tub siv.

    Tsob tshuaj no muaj nyob rau North America xwb, nyob rau saum tej toj roob siab xwb. Thaum lub caij ua civil war es cov neeg khab
    American Indian siv los qwv cov neeeg rau mob tej qhov txhab zoo tas. Tam sim no tom tej taj laj muaj muag thiab tab sis tsawg tsawg.

    Tsob Tshuaj no Hu ua Gold root or yellow Root

    Tshuaj Ntsuab 74009910

    Qhiav daj USA,Gold root or yellow Root

    Paj koj tsi nyob tsev ces tshauv kuv xwb ces tsis muaj neeg tuaj cuav zos li es.

    Sam
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Tshuaj Ntsuab Empty Re: Tshuaj Ntsuab

    Post  koojziagkabzaug 21st March 2011, 4:24 pm



    Tshuaj Ntsuab Abrico10


    Ntoo txiv Abricot


    Siv ua tshuaj:

    - Tawv, noob thiab lub txiv

    Lub txiv Abricot siv ua zaub mov noj.

    Tawv ntoo rhaub haus zoo rau mob, kub taub hau, qhov txhab voos, nqaij voos.

    Lub noob muaj kuab, lawv siv ua tshuaj tua kab, tab sis Suav muab me me coj los noj
    zoo tshuaj hnoos thiab tshuaj hawb pob thiab tshuaj ciam qua v.

    Muab cov noob tuav mos mos tso kua, lawv siv pleev qog.

    Cov noob muab tuav mos mos, zoo tshuaj pleev poj niam chaw mos voos.

    Cov noob muaj kuab lom, txhob noj
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Tshuaj Ntsuab Empty Re: Tshuaj Ntsuab

    Post  koojziagkabzaug 21st March 2011, 4:33 pm



    Paj kuab tub sab.ib txhia hu ua paj kub.


    yog tshuaj zoo mob ncauj plab.
    zoo mob plab kem.

    muab lub hauv paus ntug li qos los txhoov noj.tab sis muaj ntsis tom ncauj.thiab yog noj ntau no muaj ntsis raws plab.yuav tsum noj me me xwb.

    By: Koobpovtxuj

    Tshuaj Ntsuab Paj_ku10

    Tshuaj Ntsuab Paj_ku11
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Tshuaj Ntsuab Empty Re: Tshuaj Ntsuab

    Post  koojziagkabzaug 29th March 2011, 3:15 pm





    Nplooj qhaib xyab


    Txoob ntug ib txhia hu ua qhaib xyab.yog tshuaj zoo mob txeeb zig zoo mob txeeb zeb.muab los rhaub haus.

    Tshuaj Ntsuab Nplooj10

    Tus sau: Koobpovtxuj
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Tshuaj Ntsuab Empty Re: Tshuaj Ntsuab

    Post  koojziagkabzaug 29th March 2011, 3:19 pm





    Paj Hnub hlis


    TSHUAJ MOB POB NTSEG, cov laus hais tias hli hlais:

    Cov tshuaj kho:

    -Paj hnub hlis.

    Kev siv:

    Muab cov noob coj los xo kom mos rau lub qhov txhab ntawd kom txog 3 hnub yuav tsum zoo.


    Tshuaj Ntsuab Tourne10
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Tshuaj Ntsuab Empty Re: Tshuaj Ntsuab

    Post  koojziagkabzaug 29th March 2011, 3:25 pm



    Soov

    Tsob no yog soov.tshuaj zoo phob vog.muab rhaub ntxuav los yog rhaub ntau ntau da kiag los zoo.

    Tshuaj Ntsuab Soov10

    Qos Nphoom


    Tshuaj Ntsuab Phoov10

    Tsob nov yog qos nphoom nyeg.yog tshuaj zoo mob rwj mob qog.muab lub hauv paus los hov pleev.

    Tus sau: Koobpovtxuj
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Tshuaj Ntsuab Empty Re: Tshuaj Ntsuab

    Post  koojziagkabzaug 29th March 2011, 3:29 pm




    LUS FAJ SEEB:


    Cov tshuaj teev rau hauv nov, ntawm cov tshuaj Hmoob, kuv tso cov lus faj seeb rau, vim tsis tau sim dua. Tsuas qhia li Hmoob niam Hmoob txiv ib txwm sib qhia los mus xwb. Tub txawj ntxhais ntse tseem tsis tau muab ntsuam xyuas. Li ntawd, yog leej twg coj mus siv, muaj teeb meem los peb yuav tsis muaj kev thaj tsob.

    Dua li lwm hom tshuaj uas tsis yog tshuaj Hmoob mas yeej yog Kws Soj Ntsuam yeej muab tshawb xyuas meej thiab yeej yog Tsev tshuaj tshaj tawm tuaj mus. Tab txawm ntsuam tag lawm los yuav tau ceev faj tsam nej ho muaj lwm yam mob ces cov tshuaj tsis haum rau nej tus mob.

    LUB VAS SAB HMOOB TSHAV NTUJ THIAB COV TSWV CUAB TSHUAJ YUAV TSIS LEES PAUB TXOG TXHUA YAM KEV THAJ TSOB TXOG KEV SIV COV TSHUAJ NTSUAB HAUV NOV.

    Siv toj

    Tsob si toj yog zoo tshuaj mob ntsej rag.de daim nplooj coj los tsoo kom mos mos muab tso kua rau hauv pob ntseg.3 zaug xwb pob ntseg zoo hlo lawm.

    Tshuaj Ntsuab Siv_to10

    Tus sau: Koobpovtxuj


    Last edited by koojziagkabzaug on 4th February 2013, 6:59 am; edited 1 time in total
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Tshuaj Ntsuab Empty Re: Tshuaj Ntsuab

    Post  koojziagkabzaug 29th March 2011, 3:38 pm



    Tshuaj me nyuam xaub:


    Tshuaj me nyuam xaub los yog plam hlab ntsha kuv li yig tsob kuab plais dib kuab nplais taub.thiab yog tsob suv ntsim nyeg. Muab do xyaw qe, cub noj.

    Tshuaj Ntsuab Senega10

    suv ntsim nyeg

    Tshuaj Ntsuab Sa408410

    Kuab Nplais dib

    Tshuaj Ntsuab Sa408510

    Sam muas kab


    Tus sau: Koobpovtxuj



    Last edited by koojziagkabzaug on 5th November 2013, 12:50 am; edited 3 times in total
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Tshuaj Ntsuab Empty Re: Tshuaj Ntsuab

    Post  koojziagkabzaug 29th March 2011, 3:47 pm



    Tshuaj poj niam qaug qav


    Tshuaj Ntsuab Gingem10
    - qhiav muab rhaub haus.

    Los yog


    Tshuaj Ntsuab Sa407010
    - Ncaug Dub muab ua qe noj los raub haus.
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Tshuaj Ntsuab Empty Re: Tshuaj Ntsuab

    Post  koojziagkabzaug 29th March 2011, 3:55 pm



    Tsob ntoo Chaste Tree. Tsis muaj luv hmoob.

    Tsob tshuaj no zoo ua tshuaj rau cov pojniam nchuav cev kom cov ntsav tu sai, pab kom lub tsev me nyuam txhob poob qes,
    zoo rau cov neeg muab kev nyuaj siab kom siab nyob tau tus thiab zoo ntau ntau yam. Tsis tas li tseem cog los ua tsob paj
    zoo nkauj thiaj.

    Tshuaj Ntsuab Chaste10

    By: Cheeb Xyooj
    p2#58
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Tshuaj Ntsuab Empty Re: Tshuaj Ntsuab

    Post  koojziagkabzaug 30th March 2011, 4:04 pm

    TSHUAJ HMOOB thiab SUAV
    *
    Vaj Liaj Ntsuab,
    USA,3hlis 2011






    LUS FAJ SEEB

    Cov hauv tshuaj Hmoob ntawm nov, tau muab los teev cia, tab sis tseem tsis tau sim dua lo,
    yog leej twg coj mus siv, muaj dab tsi nram qab nram ntsis los peb tsis lees thaj tsob.



    1-Hauv Tshuaj Cawm Seej


    Tshuaj Zoo Phiv, Thaiv Dab & Zoo Rau Neeg Lojleeb Kom Rov Los Tsev
    Puamsem:
    Muab chais 3 riag tsau dej haus zoo tshuaj phiv
    Muab coj zoo thaiv dab
    Muab cov quav tsau de pleev cov neeg ua lojleeb nws yuav rov qab los tsev

    2-Tshuaj Zoo Raug Qezeb
    1. Muab xyoob hlawv es khaws cov hluav los pleev qhov mob
    2. Muab lotion pleev qhov mob
    3. Vaskhoos coj los qhwv qhov mob
    4. Diaper qhwv qhov mob
    5. Roj zaj npuas pleev qhov mob
    6. Hais ib taig dej muab ib daim ntawv nyiaj los npog ces tho ib lub qhov hauv nruab nrab muab 3 tug xyab thiab nqa tais dej coj los ntuas nram qhov rooj li koj txawj hais tom qab ntuas tag muab tes 3 tug xyab ntsw hauv tais dej mam li coj los pleev rau qhov mob.

    3-Tshuaj zoo Plab Kiav Txhab (ulcer)
    Nplooj Tuaj kaug: 1 tagkis de 3 daim noj nyoos, noj li 1-2 hlis ces zoo

    4-Tshuaj Zoo Ntsws Qhuav
    1. Pawjqes /Ob qaus
    2. Cag txiv nqosvias( yuav tus cag loj ntsia av )
    3. Cag paj ntshua nplaim (yuav tus cag loj ntsia av)
    Muab tus cov cag saumtoj no los txhoov xyaw tim rau tus Pawjqes muab ncu noj ces zoo.

    5-Mob Duav
    Tswj ntug: coj los tsaws xyaw qaib noj ces zoo

    6-Tshuaj Zoo Mob Qab Xibtaws (ua haujlwm sawv mob)

    Muaj ib poom tshuaj nyob khw Walgreen ua txhais kotaw rau ntawd, coj los pleev ces zoo

    7-Tshuaj Zoo Mob Laug, Mob Duav, Raug Mob & Mob Qhov Txhab

    Tawv Ntoo Kauv cov dawb thiab liab (yam liab zoo dua): Muab coj los rhaub haus yog tias mob hauv nrog cev hos yog mob sab nraud xws li qhov txhab raug mob doog muab hov pleev.

    8-Mob Plab & Mob Hauv Siab & Mob Nyhuv Menyuam
    Kua txob liab: De los tso hauv lub ntim ces tsau dej kub haus zoo,

    9-Txivneej kem cev, Mob, txeebzig & tso zis heev, Mob plab Pojniam coj khaub ncaws tsis zoo, Qhovmuag khaus khaus.

    Txiv Nrua Tawv: Muab tus cag, tus kav rhaub haus zoo mob:


    10-Tshuaj Zoo Khaus Qhovmuag, Khaus ib ce

    Nplooj Txiv Ntoo Qaib Liab: Muab cov nplooj los rhaub ntxuav zoo

    11-Tshuiaj Zoo Qoob Zwm & Hnoos
    Qaub Nraug Ntoo: Muab tus cag los rhaub haus zoo

    12-Mob Plawv & Txivneej Nqhis Nqhis Dej Qhuav Siab Qhawv

    Kuab Hma: Muab rhaub haus zoo

    13-Dib Iab

    Zoo tshuaj mob ntshav siab
    Zoo kho mob ntshav qabzib
    Muaj vitamins ntau yam
    Muab los qha qhuav ua tea haus

    14-Tshuaj Zoo Cawm Qaug Yeeb

    Tawv txiv tsawb uas tseem ntsuab tsis tau siav ntawd muab nws coj los tsoo mos mos mam muab tso kua rau tus Neeg noj yeeb ntawd haus ces zoo. Yog tshuaj 12 lag nyiaj nyob Nplogteb.

    15Tso Quav Los Ntshav

    Tawv Twjkum: Muab kuam 3 menyuam riam tsau dej rau haus ces zoo.

    16-Mob & Dias Tauhau & Zoo Daus No

    Lemonin(shuav suav/luam): Muab noj rau zoo

    17-Raug Dab ( Ua Dab Tuaj Tom)

    1. Muab poskaus Ntsaj qhwv.
    2. Thaum tsawv yog tuav lawm cia ib tug mus nraum qhov rooj xuas roob taus ntaus thiab xuas phom tua los yog muab lub tshob khwb mam li xuas roobtaus ntaus tus neeg tso dab thiaj li tuag.
    3. Hais ib taig dej rau ntawm qhovrooj tuav tus mob los hla ces luag ua dab tuaj tsis raug lawm.
    4. Muab quavdev nqa mus tso rau tus Neeg ua dab tuaj tom ntawd lub tais ntim dej zag ces tus Neeg phem ntawd ciali vwm kiag lawm los yog muab quavdev qhwv rau tus Neeg mob ces zoo.

    18-TshuajTxiv Neej Muaj Zog & Haus ua Tea

    Qaub Nraug ( Tsis yog qaub losyaj): Cov nplooj loj loj thiab kheej kheej.Muab cov cag los yog cov nplooj coj los ziab qhuav qhuav haus ua tea (tshuaj yej) qab xis khawv thiab zoo rau txivneej muaj zog heev.

    19-Zaj Ntshai cov khoom hauv qab no

    1. Txiv kabntxwv qaub, Lemon: Muab pav los yog nqa nrog yus hla dej
    2. Kaujtoog Liab los yog Toojliab muab ua kaujtoog coj

    20-Kab Nqe (Nab Tom) & Kab 3 Txiag Yeeb (Roob Ris Nqhuab)

    1. Muab cawv 70% (alcohol 70%) hno rau
    2. Nqa zebqaub nrog yus nab thiab lwm kab ntshai tom yus
    3. Muab cov tshuaj phom (power gun) hauv lub platoon(shell) los nchuav rau lub qhov nqaij kab nqe ntawd ces xuas hluav taws hlawv kom cig plaws ntshawb ces zoo
    4. Muab qavkaws (toast) cov kua mis (poison ) los yog muab tus uas koj twb muab coj los qha qhuav lawm hov pleev ces zoo. Qhov muab kuab tshaj no ces txhom cov qavkaws uas koj pom lub caij ntuj qhuav coj los qha thiaj li yog cov muaj kuab tshaj.

    21-Tshuaj Tsam Plab

    1.Kua txob ntsuab, Tshais qav, Sabtxhim, Zaub ntswg npua liab. Muab tsaws qaib noj ces
    plab zoo.
    2. Hmab dag thiab hmab iab sib xyaws rhaub haus.

    22-Alergy Medicine For Eye Drop

    Lub npe li nram no:
    Alcon
    Naphcon
    A
    Eye allergy releave

    23-Tshuaj Nais Phoos- muaj 2 yam

    1. Yee-Tin Tong- yog hom lub kav lo ntawv ntsuab zoo dua.
    2. Yee -Tin Tong- ua hmoov.
    Zoo mob taubhau, mob plab, los ntshav muab pleev, mob plab kem, kab kiav txhab thiab tau khaubthuas. WWW.SOSUSA.COM

    24-Tshuaj Nyhuv Qhoquav Hlauv

    Khaws lub qe uas yog nteg THAWJ ZAUG los ntawm tus NKAUJ QAIB YUG THAWJ ZAUG QE ES LO LO NTSHAV ntawd coj los, mam li muab lub qe ntawd los maj mam nias txoj nyhuv kom ploj/nkaum rov qab ces txoj nyhuv tsis tawm los lawm.

    25-Tshuaj Zoo Mob Duav, Leeg, Cajnpab

    1. Hydrocodone-Atat 75-500: Lub tshuaj no yog tshuaj luam noj xwb.
    2. Cawv tsau pob txha tsov: Zoo moblaug heev, 1 hnub haus 2 zaug tsis txhob haus dej lawv

    26-Qhov Ntswg Los Ntshav

    1. Muab kub twm dawb thiab faj los hlawv ntshawb ces zoo.
    2. Muab liab npogmuag txhais tes los pos ces zoo
    3. Muab ntoo siskos los tsau dej/rhaub haus ces zoo.

    27-Tshuaj Zoo Kub Nyhiab

    1. Penecilin (Tshuaj Pleev Ntsis Plaubhau) Lub poom tshuaj muaj 2 khawm tes hos ntev li 1 noos thiab yog hom ntsuab.
    2. AUTICULTEL: Zoo kub nyhiab thiab
    3. Nplooj Tshuaj Txaij (Nyuj Taug Yaim): Muab tsoo qhwv
    4. Pwmtshis qus muab tsoos qhwv
    5. Qhiav muab tsoo qhwv
    6. Cov zoo txiv puvluj txaij txaij nyob tom khw muab coj los tsoo tso kua pleev
    7. Cawv los yog cawv 90 zoo muab tso rau phuam coj los npuab zoo heev
    8. Kua pob zeb nyob hauv lub hwj dawb, daim label xiav nws lub npe hu ua valu bo los yog erobo.

    28-Tshuaj Zoo Ntuav & Mob Ncauj Plab

    Ncas Dawb los yog Zaub Tseg Nyuj Dawb:
    1. Muab rhaub rau menyuam haus zoo ntuav
    2. Muab rhaub haus zoo mob plab kiavtxhab

    29-Orange RockFish Zoo tshuaj rau ntshav muaj roj (cholestrol)

    1. Muab nqaij ntses ci kom siav ces noj.
    2. Fugy or Golden Apple
    3. 1 cup/khob dej haus lawv
    1 hnub noj 1 zaug, noj 3 hnub xwb tom qab 3 hlis mam li noj dua. Noj nqaij ntses xwb tsis txhob noj mov ntxuag.

    30-Tshuaj Zoo Raum & Mob Txeebzig

    Muab taubtwg zom mos mos tso kua haus ces tso zis los loj loj yaug zoo

    31-Daj Ntseg & Muaj Mob

    Saib saum daim nplooj ntseg yuav pom ib txoj hlab ntshav liab liab los yog qee tsam twb ua hlwv ntshav dub dub lawm. Muab txoj hlab ntsha dig ces tus neeg ntawd zoo.

    32-Tshuaj Zoo Tsib Muaj Pobzeb

    Txhub dub. Coj los rhaub haus ces pobzeb tawm los

    33-Xais Ceeb
    Muab xyab txob, haws thiab qhiav tsoo kom mos los sib tim uake coj los zaws.
    1. Xub zaws ntawm lub hauvpliaj nce mus rau saum tiajhau mam li xais 3 teg saum lub tiajhau. (Zaws 3 zaug)
    2. Xais nraum xwbqwb 3 teg
    3. Xais ncig 2 lub pobntseg 3 teg
    4. Xais tes. Yog txiv neej no xub xais phab tes laug ua ntej. Xub xais tus ntiv ntes nta nram ntsis ntiv tes los xaus rau hauv xibteg ces axis 3 teg hau, dhau li mam li xais lwm tus ntiv ntes ib yam nkaus
    5. Xais ncig caj dabteg los xaus rau ntawm txoj leeg loj hauv dabteg, xais 3 teg hauv
    6. Xais taug cajnpab mus rau hauv qhovtso, mam li muab ntivtes mus tshum hauv 3 teg
    7. Xais kotaw. Xub xais tus ntivntes nta los xaus rau hauv qab xibtaws xais 3 teg hauv, ces mam li xais lwm tus ntivtaw ib yam nkaus li thiab
    8. Xais nce toj los rau hauv puabtais raws coj leeg loj

    34-Tshuaj Zoo Mob Plab Kem, Mob Raum

    Txiv lom hiab/txiv plhauv lauv: Muab rhau haus

    35-Tshuaj Mob Ntsws, Mob Raum & Ntaus Cev rau pojniam

    Kuab pog: Rhaub haus???????

    36-Tshuaj Zoo Mob Plab Kua Txob

    Cag txiv pobkws: Muab rhaub haus.

    37-Tshuaj Zoo Moblaug

    Qhaus rau qaib/Tshuaj tsw cawv & Muab tim rau Kuatxob Ntsuab&Liab: Tsaws qaib noj zoo moblaug heev.

    Tshuaj Zoo Haus Cawv Phiv???????????


    38-Tshuaj Zoo Mob Qa, Hnoos

    1. Txiv Puajkaum: Muab rhaub haus, haus thaum kub lug uas hlw haus tau
    2. Qhiav: Noj nyoo nqos mus rau tom qa

    39-Tshuaj Zoo Mob Ntshav Qabzib, Ntshav Siab & Mob Raum

    Red Banded Mushroom & Artist Conk Mushroom: 2 Hom nceb no nws color liab thiab dawb, Muab txhoov rhaub haus ces zoo. Lub liab mas iab iab. Hom nceb no tuaj saum ntoo thiab muaj lub loj lub me thiab muaj ntsib liab hos hauv lub qab nceb mas tsis ua nre li tej nceb tsuas zoo pom muaj tej lub menyuam qhov me me li qhov koob xwb hos nws tawv heev yuav tsum yog xuas riam txhoov xwb. Cov nceb no muaj cov loj li tej lub phaj hais mov noj hos tuab txog li 1 xib.

    40-Tshuaj Zoo Ntshav Liab Qis/Tsawg

    Vitamin B 12: hno ces zoo
    -Noj siab me nyuam nyuj (khib los ci)

    41-Tshuaj Zoo Mob Taw Vwm

    Tsis txhob noj zaub Txigtheem & noj Soy Been sauce ces tsis muaj mob taw vwm.

    42-Tshuaj Zoo Mob Ntxhia

    1. Muab roj zaj npuas pleev
    2. Muab lub tsuaj txws dawb pleev thiab muab lub hair dryer los tshuab kom kub kub rau ces zoo

    43-Tshuaj Zoo Mob Tes, Cajdab Tes

    1. Woodlock: Tshuaj Suav kua ntsuab ntsuab thiab lub hwj pluav thiaj yog hom zoo
    2. Tsau dej kub li 10 minutes
    3. Nplooj txiv ntoo qaib rhaub tsau mas hajyam zoo
    4. Rhaub taujdub tsau mob duab los zoo kawg thiab



    Last edited by koojziagkabzaug on 13th April 2011, 2:51 pm; edited 1 time in total
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Tshuaj Ntsuab Empty Re: Tshuaj Ntsuab

    Post  koojziagkabzaug 31st March 2011, 2:46 am


    Nyob zoo cov phooj ywg thoob tsib,

    Kwv Liaj Ntsu muab tau ib cov hauv tshuaj nov rau kuv, tab sis muaj ntau yam kuv tsis paub, kuv thiaj tuaj teev ib cov npe rau qhov nov, yog nej leej twg paub tias yog dab tsis rau dab thiab thiab zoo li cas no thov nej pab qhia rau peb paub kom meej. Vim kev siv tshuaj, yuav tsum paub meej thiaj tsis yuam kev.

    Ua tsaug.


    1- Puam sem:

    -Puam sem yog dab tsi?

    Es tsis yog ib cov tsiaj zoo li plis nyob tom hav zoov, pheej niam mus so quav rau ntawm tej ntoo kom tsw ua ciam rau nws kav lov?
    Ua cas ho yuav muab chais tau, puas yog muab qhov ntoo uas puam so sem rau coj los chais?


    2-Tshuaj Zoo Raug Qezeb

    -nqe 3-Vas Khoos yog dab tsi?


    4-Tshuaj Zoo Ntsws Qhuav

    1. Pawjqes /Ob qaus yog dab tsi, yog ib hom nroj lov, qus los nyeg?

    5-Mob Duav

    -Tswj ntug: yog dab tsi?


    9-Txivneej kem cev, Mob, txeebzig & tso zis heev, Mob plab Pojniam coj khaub ncaws tsis zoo, Qhovmuag khaus khaus.

    Txiv Nrua Tawv, yog zoo li cas?

    11-Tshuiaj Zoo Qoob Zwm & Hnoos
    Qaub Nraug Ntoo:



    23-Tshuaj Nais Phoos- muaj 2 yam

    1. Yee-Tin Tong- yog hom lub kav lo ntawv ntsuab zoo dua.
    2. Yee -Tin Tong- ua hmoov.
    Zoo mob taubhau, mob plab, los ntshav muab pleev, mob plab kem, kab kiav txhab thiab tau khaubthuas. WWW.SOSUSA.COM

    Ua cas ho hu ua TSHUAJ NAIS PHOO?



    28-Tshuaj Zoo Ntuav & Mob Ncauj Plab

    Ncas Dawb los yog Zaub Tseg Nyuj Dawb yog dab tsi?


    35-Tshuaj Mob Ntsws, Mob Raum & Ntaus Cev rau pojniam

    Kuab pog yog zoo li cas?

    36-Tshuaj Zoo Mob Plab Kua Txob

    Cag txiv pobkws yog ntoo los dab tsi?


    koobpovtxuj wrote:
    koojziagkabzaug wrote:


    Hmoob Ntujqubqab, Koobpovtxuj thiab LiajNtsu,

    Yog nej tuaj txog hauv nov no thov nej pab mus saib cov Hauv tshuaj Ntsuab, es qhia cov npe uas kuv tsis paub rau kuv puas tau?

    Thov ua tsaug.

    https://hmoobtshavntuj.forumotion.com/t177p15-tshuaj-ntsuab#2898

    #21


    Koojziagkabzaug'
    koj cov tshuaj koj tuaj nug nov kuv paub yam puav tab sis kuv tsis muaj tsob tshuaj tuaj qhia koj xwb hos muaj yam puav kuv kuj tsis tau hnov dua.
    puam sem yog tus tsiaj li koj hais tab sis tsis paub tias lawv muab li cas yeej tau tej niag thooj zoo li yeeb xyaw plaub pes ntsuav.
    pawj qes yog tug uas thaum ub peb nyob nplog teb pheej hnov quaj taub qes taub qes no tim tej ntug teb tuaj xwb.
    tswj ntug yog 1 tsob tshuaj hmoob cog kuv yeej cog tau thiab tab sis peb hu ua tseej ntug.
    txiv pob kws yog cov nyuag zoo li tsob pob kws thaum dauv tw qaib tsem tsawv.
    kuab pog kuv tsis paub tab sis kuv niam paub.
    ncas dawb kuv yeej pom dua lawm tab sis tsis nco qab lawm kuv poj niam paub zoo.
    qaub nraug ntoo mas kuv tsis tau hnov dua li.
    cia thaum twg yog kuv pom cov kuv paub kuv mam thaij duab koj saib ntxiv.
    lub tshuaj nai phoo yog cov tshuaj suav lub hwj me me muab zaws 1 ce yam li tej nyuag tshuaj thaib thiab xwb lawv hu tshuaj nai phoo no mas yog nai phoo vaj pov siv nraim es siav npe li ntawd xwb.


    Last edited by koojziagkabzaug on 15th May 2012, 10:59 pm; edited 1 time in total
    Hmoob ntuj qub qab
    Hmoob ntuj qub qab
    Sponsor
    Sponsor


    Messages : 687
    Date d'inscription : 2010-03-30

    Tshuaj Ntsuab Empty Re: Tshuaj Ntsuab

    Post  Hmoob ntuj qub qab 31st March 2011, 3:58 am


    koojziagkabzaug
    Nyob zoo cov phooj ywg thoob tsib,

    Kwv Liaj Ntsu muab tau ib cov hauv tshuaj nov rau kuv, tab sis muaj ntau yam kuv tsis paub, kuv thiaj tuaj teev ib cov npe rau qhov nov, yog nej leej twg paub tias yog dab tsis rau dab thiab thiab zoo li cas no thov nej pab qhia rau peb paub kom meej. Vim kev siv tshuaj, yuav tsum paub meej thiaj tsis yuam kev.

    Ua tsaug


    Nyob zoo Koojziagkabzaug

    Zoo siab nws muab Hmoob tshuaj ntsuab los cia rau nws lub tsev khaws Hmoob txuj kuv yuav teb nws yam uas kuv yuav teb nws tau



    1- Puam sem:

    -Puam sem yog dab tsi?



    Es tsis yog ib cov tsiaj zoo li plis nyob tom hav zoov, pheej niam mus so quav rau ntawm tej ntoo kom tsw ua ciam rau nws kav lov?
    Ua cas ho yuav muab chais tau, puas yog muab qhov ntoo uas puam so sem rau coj los chais?



    Yog li nws hais Puam sem yog ib yam tsiaj zoo li tus plis tab sis zoo li loj zog plis tab sis tsw ntxhiab heev , muab nws cov nqaij los pob txha uas ziab qhuav ntawv los chais ces kuj tau xwb.


    2-Tshuaj Zoo Raug Qezeb

    -nqe 3-Vas Khoos yog dab tsi
    ?


    Vas khoos yog ib yam tshuaj ua qos tej lub daj daj zoo li lub kiv lis tob , thaum muab cog ib lub tab sis thaum nws tawg kaus hlav kaus tuaj ua nplooj tawg paj liab zoo nkauj heev thaum nws cov paj zaus thiab kav qhuav tas mus hlib hauv hauv paus cog ib lub mas muaj li 3-4 lub sib luag thiab muaj ib co me nyuam qos me me li noob taum los yog noob pob kws los yog li maj npib me ntau ntau lub nyob ncig lub qos loj ntawv lawv thiaj hu ua Vas khoos los yog Vaj puag qe, muaj caij mam yees duab nws saib.


    4-Tshuaj Zoo Ntsws Qhuav

    1. Pawjqes /Ob qaus yog dab tsi, yog ib hom nroj lov, qus los nyeg?



    Pawj qes los yog pawj qaus , muaj kawg nws zoo li tus tav kes tab sis nws loj dua tus tav kes nws zoo li nab qa dej tab sis me dua nab qa dej nws luaj li cov roj teeb loj uas sawv daws taws teeb xais dawb i ntag, cov Pawj qes no yog los quaj hauv yus lub tsev quaj 7 suab rov sauv mas mas zoo heev yuav muaj hmoo yog nws quaj 5 suab nqes los xwb ces kav tsij muab tua sai li sai tau lub tsev ntawv yuav muaj mob los muaj teeb meem sai.



    5-Mob Duav

    -Tswj ntug: yog dab tsi?


    9-Txivneej kem cev, Mob, txeebzig & tso zis heev, Mob plab Pojniam coj khaub ncaws tsis zoo, Qhovmuag khaus khaus.

    Txiv Nrua Tawv, yog zoo li cas?



    Kuv pom lawm tab sis zoo li nco tsis zoo pes tsawg muaj caij mam yees duab saib tom qab.


    ]b]11-Tshuiaj Zoo Qoob Zwm & Hnoos[/b]
    Qaub Nraug Ntoo:



    qaub Nraug ntoo Hnov npe lawm thiab mam li tshawb xyuas


    ]b]
    23-Tshuaj Nais Phoos- muaj 2 yam[/b]
    1. Yee-Tin Tong- yog hom lub kav lo ntawv ntsuab zoo dua.
    2. Yee -Tin Tong- ua hmoov.
    Zoo mob taubhau, mob plab, los ntshav muab pleev, mob plab kem, kab kiav txhab thiab tau khaubthuas. WWW.SOSUSA.COM

    Ua cas ho hu ua TSHUAJ NAIS PHOO?



    tsis tau hnov dua


    28-Tshuaj Zoo Ntuav & Mob Ncauj Plab

    Ncas Dawb los yog Zaub Tseg Nyuj Dawb yog dab tsi?



    Hnov npe lawm mam li tshawb xyuas

    ]b]
    35-Tshuaj Mob Ntsws, Mob Raum & Ntaus Cev rau pojniam[/b]
    Kuab pog yog zoo li cas?


    Kuab pog hnov npe lawm mam li tshawb xyuas


    36-Tshuaj Zoo Mob Plab Kua Txob

    Cag txiv pobkws yog ntoo los dab tsi?



    Hnob npe lawm thiab mam li tshawb xyuas

    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Tshuaj Ntsuab Empty Re: Tshuaj Ntsuab

    Post  koojziagkabzaug 31st March 2011, 5:50 am



    Nyob zoo Hmoob Ntujqubqab,

    Ua tsaug rau nws cov lus teb, nws paub ntau yam heev, ua tsaug ntau.

    Ua li os nawb, yog nws muaj caij thiab ntsib tsum no ces nws yees daim puav duab tuaj tso rau kom peb paub meej thiab nco tau zoo dua. Vim dhau peb tiam nov lawm ces tej npe uas niaj hnub los ntshe yuav ploj zuj zus mus, yog tssi muaj duab ces ntshe yuav tssi paub lawm. Tab yog cov nroj theem zaum toj uas kuv tsis nug nws los yog nws pom muaj ces nws yees duab tuaj rau peb tau khaws cia mog.

    Hhahaha...! Cas qhov nov yuav txaus luag ua luaj li...Tej lub npe nov naj...!Hahhaah...!

    4-Tshuaj Zoo Ntsws Qhuav
    1. Pawjqes /Ob qaus yog dab tsi, yog ib hom nroj lov, qus los nyeg?



    Pawj qes los yog pawj qaus , muaj kawg nws zoo li tus tav kes tab sis nws loj dua tus tav kes nws zoo li nab qa dej tab sis me dua nab qa dej nws luaj li cov roj teeb loj uas sawv daws taws teeb xais dawb i ntag, cov Pawj qes no yog los quaj hauv yus lub tsev quaj 7 suab rov sauv mas mas zoo heev yuav muaj hmoo yog nws quaj 5 suab nqes los xwb ces kav tsij muab tua sai li sai tau lub tsev ntawv yuav muaj mob los muaj teeb meem sai.




    avatar
    Liajntsu
    Guest


    Tshuaj Ntsuab Empty Re: Tshuaj Ntsuab

    Post  Liajntsu 4th April 2011, 1:53 pm

    Hahaha tus kws tshuaj lam coj tuaj xwb nws twb tsis paub thiab os. Cia mam li qhia seb ho qhia tau npaum cas nawb.


    1- Puam sem:

    -Puam sem yog dab tsi?

    Nws yog ib hom tsiaj uas luaj li tej Aub, thiab txai tus kotw ua thi thoob yav daj, yav dub thiab dawb. Nws muaj ib qhov nqaij tsw tsw tais ntawm puabtais yog nws muab so rau tej nroj koj mus chwv ces tsw tsw ntxhiab luag thiaj hu ua puamsem no. Neb hauv no los twb yog lawm thiab mas.


    Es tsis yog ib cov tsiaj zoo li plis nyob tom hav zoov, pheej niam mus so quav rau ntawm tej ntoo kom tsw ua ciam rau nws kav lov?
    Ua cas ho yuav muab chais tau, puas yog muab qhov ntoo uas puam so sem rau coj los chais?


    2-Tshuaj Zoo Raug Qezeb
    -nqe 3-Vas Khoos yog dab tsi?

    Nws yog Qhiav Daj xwb os, Nplog hu ua Vas Khoos los yog Vas phais

    4-Tshuaj Zoo Ntsws Qhuav
    1. Pawjqes /Ob qaus yog dab tsi, yog ib hom nroj lov, qus los nyeg?

    Nws yog ib hom nab qa, nws lub cev ua pob ntau ntau tej teev daj, dub, dawb, xiav thiab liab. Nws yog cov uas quaj tim tej havzoov thiab pobtsuas es koj hnov PAWJ QES los yog PAWJ QAUS ntau zaus koj hnov quaj 4-5 suab ua ke.

    5-Mob Duav
    -Tswj ntug: yog dab tsi?

    Kuv tsis paub thiab os.

    9-Txivneej kem cev, Mob, txeebzig & tso zis heev, Mob plab Pojniam coj khaub ncaws tsis zoo, Qhovmuag khaus khaus.
    Txiv Nrua Tawv, yog zoo li cas?

    Kuv tsis paub thiab

    11-Tshuiaj Zoo Qoob Zwm & Hnoos
    Qaub Nraug Ntoo:



    23-Tshuaj Nais Phoos- muaj 2 yam
    1. Yee-Tin Tong- yog hom lub kav lo ntawv ntsuab zoo dua.
    2. Yee -Tin Tong- ua hmoov.
    Zoo mob taubhau, mob plab, los ntshav muab pleev, mob plab kem, kab kiav txhab thiab tau khaubthuas.

    Ua cas ho hu ua TSHUAJ NAIS PHOO?

    Yog Nais Phoos Vaj Pov qhia lawv siv thiaj tis npe li ntawd xwb.

    28-Tshuaj Zoo Ntuav & Mob Ncauj Plab
    Ncas Dawb los yog Zaub Tseg Nyuj Dawb yog dab tsi?

    Kuv tsis paub thiab

    35-Tshuaj Mob Ntsws, Mob Raum & Ntaus Cev rau pojniam
    Kuab pog yog zoo li cas?

    36-Tshuaj Zoo Mob Plab Kua Txob
    Cag txiv pobkws yog ntoo los dab tsi?

    Nws yog cov pobkws uas peb cog xwb os.

    Koojziagkabzaug, Koj mam li mus nug cov laus lawv yeej paub kawg mas. Cov tshuaj no tej laus paub kawg os. Kuv los thaum twg yuav siv mam li mus nrhiav thiab xwb hehehe.
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Tshuaj Ntsuab Empty Re: Tshuaj Ntsuab

    Post  koojziagkabzaug 5th April 2011, 8:19 am


    Ua tsaug kw LiajNtsu,

    Zoo kawg, nws tuaj qhia ntau yam ntxiv kom meej. Yog leej twg ho muaj chaw siv los thiaj li yuav paub meej...Ua tsaug rau nws lub siab zoo nawb mog. Yog nws ho nrhiav tau duab no coj tuaj tso rau kom peb khaws tau cov tshuaj Hmoob tseg...Vim ntev mus ces yuav ploj zuj zus mus...lawm.

    Sponsored content


    Tshuaj Ntsuab Empty Re: Tshuaj Ntsuab

    Post  Sponsored content


      Current date/time is 18th March 2024, 10:50 pm