Dr. Tub Suav Lis thiab Col. Lis Teeb Los Teb Hmoob Tej Lus Iab Liam Lawv Tsev Xeem Lis Uas Tsis Zoo

Ua tsaug kwv Liaj Ntsuab,

Kuv tus kheej los yeej xav li Tub Suav hais, Peb Hmoob tos tsis vam meej los tus twg ib nyuag ntse me ntsis ces cov ruam tsis kam kawm kom paub li tus ntse los paub thiab txawj dua. Tus twg ntse ces cov ruam muab nws lauj, muab nws hiam kom poob qes tshaj cov ruam; txhais tias cov ruam muab cov ntse los tiag taw kom cov ruam siab tshaj cov ntse. Peb Hmoob mas ruam tshaj cov ruam thiab, yus nrog tus twg tham los tsua txawj khav theeb tsa hwj chim xwb, tus twg los hais tias nws mas yog tus xub txawj, xub pib, nws yog tus uas hais luag mloog tshaj, nws yog tus coj sawv daws. Tu siab kawg, tus ruam mas tsis nrhiav kawm kom paub li cov txawj, tus ruam tseem lob cov ntse kom poob es sawv daws ruam tib yam. Li nov mas mus tsis taus.

Nyob zoo ib tsoom Hmoob, qhov video ua muaj tus yawm Hmoob hais lus tsis zoo rau Tub Npis Lisfoom thiab cov Hmoob LIS hais tias lawv yog cov yuav muab General Vaj Pov tua thaum ub nyob Nplog teb.

saib thaum pib 17 : 30 mus.

Puas muaj leeg twg paub tus yawm Hmoob no thiab ? Nws yog leeg twg thiab vim li cas nws hais li no ?

Peb Hmoob tsis paub sib hlub sib pab...tu siab kawg...

Nyob zoo Tus Phoojywg HmoobTsab,

Zoo siab koj los nrog kuv tawm suab hauv no thiab. Kuv tsis paub tias ua li koj tus ua kwv los yog ua tij muaj hnub nyoog li cas lawm thiab ua li ne koj paub Hmoob tej keebkwm ntau npaum li cas txog tej lus uas tus kwvtij Neej Tsu Vaj ntawd hais hauv daim vdo koj muab tso. Ua li kuv hais los saum toj saud ntau ntau kuv tsis paub tiamsis kuv hnov thiab pom ntawm qhovmuag yam puav li hais los ntawd.

Cov kwvtij Hmoob Xeem Lis no cov zoo yeej zoo tsis txawj tag tiamsis yeej muaj ib cov uas tsim teebmeem rau peb tsevneeg Hmoob kawg li thiab uas zoo nkaus li tus kwvtij Hmoob Vaj ntawd hais nws cov lus yeej tsis yuam kev tsis ntau kiag nawb. Nyob li ntawm Yawg Lis Foom thiab Yawg Kiabtoom Lauj Npliaj Yob lawv tej teebmeem mas kuv xav tias Yawg Phanya ua yog lawm vim lub caij ntawd cov Hmoob Lauj ntxeev siab tuaj Fabkis tog qhia tswv8 txog Hmoob lub zog yuav ua cas Fabkis thiaj li tua yeej Vwj Paj Cai lawv pawg Hmoob uas sawv tawm tsam Fabkis kev sau se thiab coj tsis ncaj tua Hmoob ua lwj liam nyob sab Xeevkhuam. Vim txoj kev siab phem los ntawm Yawg Lauj Npliabyob lawv, Vwj Paj Cai los sis peb Hmoob thiaj li raug tua tuag coob heev swb ntsuj rog ntawd.
Tom qab no Yawg Phanyas sawv los coj peb Hmoob lub neej thiaj li zoo zujzus los mus lawm.

Nyob rau ntu Hlob Vaj Pov ho sawv los coj, tsevneeg Hmoob Lis yeej khwv tua Hlob Vaj Pov ntau zaus uas yog zaum kawg thiaj li tua raug Yawg sab tes thiab tuaj kho mob rau Thaibteb li kuv hais los saud. Thaum lub sijhawm Hlob Vaj Pov tseem tuaj kho mob rau Thaibteb lawm, muaj ib cov Thawj Tubrog xeem Lis lawv twb txhib lawv cov Tubrog nce cov hauv roob siab tag nrho thiab teeb phom taw rau hauv Looj Ceeb tos hnub twg Hlob Vaj Pov ya davhlau los tsaws ces lawv tua kom Hlob Vaj Pov tag simneej xwb tiamsis cov Thawj Hmoob Lis ntawd txoj Hmoov los tsis txog thiab tawv tsis txaus ho muaj neeg cheem lawv tias KOM LAWV TSUM, YOG TSIS TSUM CES HLOB VAJ POV XUAS DAVHLAU TUA ROG T-28 YA TIM THAIB TUAJ TUA CES LAWV TUAG TAG HOS TSIS TAG LI COV HMOOB VAJ NROG RAU IB COV HMOOB LIS THIAB LWM XEEM HO LOS SAWV KIAG TUAJ IB TOG TIVTHAIV HLOB VAJ POV NYOB LOOJ CEEB THIAB yog li kev sawv tawm tsam ntawm ib cov Thawj Tubrog Hmoob Lis nyob hauv nroog Looj Ceeb thiaj li tsis muaj tshwmsim os nawb. Lub tswv8 lawv ua li yog xav los txeeb Hlob Vaj Pov tus Nom ua xwb tsis muaj lwm yam dabtsi. Yog nej xav paub mus nrog cov Hmoob Laus tham lawv qhia tau rau nej kawg. Tej dabneeg no Hmoob tham ua ntuv zus los mus txog niajhnub no nawb.

Hos nyob U.S. los koj twb pom tej teebmeem nyob Qabteb, Qaumteb xws li St. Paul, Minnesota, Oshkosh Wisconsin, Fresno California los puavleej yog cov Hmoob Lis los sawv tawmtsam lwm Pejkum Xeem thiab xwb.

Tej teebmeem no muaj hnub tshwmsim los yeej yuav muaj hnub ploj mus tiamsis yuav siv sijhawm me ntsis sawvdaws thiaj li yuav sib nkag siab.

Ua tsaug

Kwv Liaj Ntsuab,

Yeej yog li nws hais, txheej no tsis zoo li txheej thaum ub lawm; vim sawv daws nyob muaj kev thaj yeeb lawm ces cov me nyuam tsis xib rau kev ua nom ua tswv, kev tswj kav li lub neeg ntuj qub qab uas muaj kav tsov rog, teb chaws lam uas yuav tsum xib rau phab tswj kav thiab kev tseev tsim. Teb chaws thaj yeeb lawm ces ua nom thiab tsis ua los tau noj tau haus tib yam ces tej me nyuam thiaj tsis xib rau phab yuav los coj lawv hais neeg. Thiab tej zaud yog tau kev txom nyem tsiv teb chaws ntau dhau los lawm ces tej me nyuam tsis xav hnov txog kam teb chaws lawm, lawv xav so me ntsis thiaj li kawm txawj xwb tsis ntse. Tab sis txhob ntaus siab me, txog caij txog nyoog Tswv Ntuj yawm saub yeej paub tso tej tug rov los coj hmoob dua ntxiv.

[size=18]Niamtij,

Yog mas txoj kev ua neej nyob ces YIM TAU ZOO YIM XAV KOM TAU ZOO NTXIV THIAB TSIS PAUB TXOB TXHAWJ TXOG TXOJ KEV TXOMNYEM TXOG NTUA HNUB YUS RAUG YAM PHEM LOS RAWS CUAG os. Ua li koj hais peb tej menyuam lawv tuaj nyob tebchaws no 1 tug me yoov twb tsis raug tom hos noj qab hnav zoo pluas mov noj thiab lub chaw pw ntawm nws tuskheej twb xav tu lawm. Thaum ua lub neej zoo li no lawv tsis muaj kev npausuav txog lub neej txomnyem thiab yuav sawv nrog luag sib tw los txhawb yus haivneeg os nawb. Tsis tag li peb cov uas twb raug luag tsim txom es tuag li 40% tej ntawd lawm peb tsuas dim 60% tuaj rau teb no 70% twb pw tsaugzog tag tsis nco txog txoj kev txomnyem yav dhau los yog li Hmoob thiaj li pheej niajhnub ua plaub ntxhov nyho rau txhua txhia qhov chaw li peb pom no.

Kavliam os nawb txhob muab xav ntau lawm, tsuav yus txaus noj txaus haus ces yuav li xwb. Muab xam tias tiam no peb cov no yug los yuav kev rau lub caijnyoog lawm yog tias lwm tiam ho muaj tiag los mam li los thawj dua seb puas muaj qhov txawv os.

Nyob zoo[/size]

Niamtij,

Nej ho los mus saib ntawm no seb nej xav li cas. Seb cov kwvtij Hmoob no puas los nrhiav tau av rau Hmoob xwb lau.
https://www.youtube.com/watch?v=VCZPTSKwKKo#t=1440