Home
Kwvtij Hmoob,
Qhov xovxwm nram no kuv mus muab lwm thaj chaw los tso no rau peb tau sib tham xwb. Yog ib tug kwvtij Hmoob nyob Lostsuas muab coj tuaj tso rau sawvdaws tau saib. Caw nej mus nyeem cov xwm txheej tshwmsim nram qab no tau.
Yog tim lub ntuj ua los yog tim kev siv yeebtshuaj ua rau peb tibneeg tsis hais nyob nyob lub tebchaws twg tej siab ntsws yuav dhau zujzus los mus ua Neeg Siab Phem coob ua luaj li lawm yog tias muab lub neej Thaum Ub los piv rau lub neej txheej nimno. Yog muab saib los thiab kev tshawb fawb xws li kev kawm ntawm tej neeg txawj ntse uas tsis yog ntseeg los ntawm lub ntuj ua ntshe tej teebmeem no yuav yog tshwmsim los rau ntawm ntiajteb tibneeg txoj kev nyiam mus siv tej yam YEEB TSHUAJ uas muaj zog xws li tej tshuaj VWM, TSHUAJ NEES thiab lwm yam li peb sawvdaws tau hnov thiaj li ua rau tej neeg HLWB PUAS, TSIS ZOO THIAB TSIS NCO QAB rau tej yam nws yuav ua thiaj li ua rau nws mus ua tej yam kev phem zoo li no.
Feem ntau cov neeg uas siv tej tshuaj tsis zoo ntawd yog los ntawm nws txoj kev coj tsis zoo lam mus muab los siv ua kev lomzem hos ib txhia yog siv los daws kev nyuaj siab. Yog li no thaum siv ntau tuaj lawm tus neeg ntawd thiaj li dhau los mus ua ib tug neeg MUAJ YEES los sis Ameslika hais tias ADDICTED. Feem ntau cov neeg siv tej tshuaj no yog lawv cov HLWB TSAWG TSIS MUAJ KEV TXAWJ NTSE thiaj li mus siv tej tshuaj hais los. Nimno nyob hauv tebchaws Lostsuas muaj cov neeg siab phem muab tej tshuaj phem no tuaj muag rau tej neeg tsis muaj kev kawm txawj dag tias yog zoo rau tshuaj kho mob kom tej Neeg coj mus siv ces lawv lub neej thiaj li puas mus uas zoo nkaus li txheej thaum ub Fabkis/France thiab Askiv/England lawv coj cov YAJYEEB tuaj rau peb sab tebchaws Indochina siv thiaj li ua rau peb cov Neeg lub neej puas tag thiab ua rau 2 LUB TEBCHAWS NTAWD MUAJ YEEJ TSOV ROGG hos peb cov tebchaws thiaj li dhau los mus muaj kev cog YAJYEEB thiab QUAV YEEB los txog niajhnub no tso tsis taus tseg. Tom qab peb cov tebchaws raug tej teebmeem li ntawd lawm 2 lub tebhaws xws FABKIS thiab ENGLAND mus rau U.S. thiaj li muab tej txim thiab tej kev phem nog rau peb cov neeg kom tau lub npe phem uas zoo nkaus li Dr. MccCoy qhia ntawv nyob Madison, WI thiab cov Nomtswv nyob tebchaws U.S. IAB HIAM TIAS HLOB VAJ POV UA LUAM YAJYEEB rau ncua tsovrogg Vietnam War kom nws lub koob lub npe phem raug lwm cov neeg tsis totaub thiab tsis paub nws ciali ntxub nws thaum kawg lawv tseem muab nws ntes kaw qees.
Kwvtij Hmoob, thov sawvdaws muab kuv tej lus thiab keebkwm hais los no khaws tseg zwm rau nej tej hlwb nyob mus tsis ploj rau yus txoj kev tsis ntse thiab cov neeg siab phem txoj kev ua phem. Ib leeg hais dhau ib leeg thov tso tseg thiab qhia rau tej menyuam kom paub txhob mus kov thiab siv lawm. Yog nej paub leejtwg coj tej tshuaj phem, muaj yees hais los ntawd tuaj ze nej zej zog yeej meem muab laij tawm khiav mus thiab qhia rau tub ceevxwm muab ntes mus kaw txawm tias yog koj tus txheebze los tsis txhob hlub nws. Yog nej ua tau li kuv hais los no thiaj li yuav dim txoj raug luag haub ntxias yus mus siv tej yam tshuaj phem ntawd.
Pab tusiab thiab hlub 2 niamtub thiab tsevneeg uas tau txais tej xwm txheej tsis zoo no.
Thaj tsam hnub tim 26,27 July dhau los no tau muaj teeb meem tshwm sim nyob thaj tsam ntawm txoj kev No: 1D ntawm Xeev mus rau sab Nas Haub, Nas Cas, Thaj Thoos Thaj Vias. Qhov teeb meem no yog muaj 1 tug tub hmoob rov tua nws tus poj niam thiab tus me nyuam muaj 1 xyoo ntau tuag, ntawm ntug kev uas yuav txog zos Nas Haub-Nas Cas ntawv. Tus txiv yog hmoob Lauj, tus niam yog hmoob Xyooj.
Teeb meem mas yog li no: tus txiv nyob zos Naj Theem, sab Thaj Vias, kev mus Moo Oo ntawv, 2 niam txiv no sib yuav tau muaj li 2 xyoo tej, ces zoo li txawm muaj teeb meem tsis sib haum siab, ces txawm sib nrauj lawm. Nyuam qhuav nrauj kiag tsis ntev xwb, txog hnub uas muaj teeb meem tshwm sim no ces tus niam muaj 1 tug niam laus nyob sab US sub, txawm xa tau 1 qho nyiaj los 6 nws, ces nws txawm coj nws tus me nyuam tuaj lav(nqa) tom Xeev, Mouengkhoune, tus txiv txawm paub, los xyov yog tuaj ncaj los li cas, ces nws txawm lawv qab tuaj nrog tus niam sib ceg, 2 tug sib txeeb nyiaj, ua mus ua los zoo li ho haum siab me me lawm, ces tus txiv txawm muab nws thauj taug txoj kev No: 1D los mus tsev, thaum los txog ntawm ntu kev hais lo no, tus txiv cia li xuas riam los xyov yog chais los muab 2 niam tub kem hlab pas tua pov tseg nram qab ke ze lub zos Nas Cas raws li hauv daim duab 3 pom no xwb. Tam sim no tus txiv khiav lawm, tseem ntes tsis tau laib.
Pab hlub 2 niam tub no kawg, thov kom lub ntujtsom kwm nkawv 2 niam tub mus nyob kaj siab lug, thov kom ntes tau tus neeg phem no los 6 txim kom tsim nyog.
Ua tsaug.
Attached Thumbnails
1899939_238162259726955_6229547745930720405_n.jpg 10552575_238162363060278_80625578906490870_n.jpg 10570416_238162183060296_2223972736584034720_n.jpg
http://www.hmongza.com/index.php?/topic/90783-txiv-siab-dub-tua-2-niam-tub-pov-tseg/
Qhov xovxwm nram no kuv mus muab lwm thaj chaw los tso no rau peb tau sib tham xwb. Yog ib tug kwvtij Hmoob nyob Lostsuas muab coj tuaj tso rau sawvdaws tau saib. Caw nej mus nyeem cov xwm txheej tshwmsim nram qab no tau.
Yog tim lub ntuj ua los yog tim kev siv yeebtshuaj ua rau peb tibneeg tsis hais nyob nyob lub tebchaws twg tej siab ntsws yuav dhau zujzus los mus ua Neeg Siab Phem coob ua luaj li lawm yog tias muab lub neej Thaum Ub los piv rau lub neej txheej nimno. Yog muab saib los thiab kev tshawb fawb xws li kev kawm ntawm tej neeg txawj ntse uas tsis yog ntseeg los ntawm lub ntuj ua ntshe tej teebmeem no yuav yog tshwmsim los rau ntawm ntiajteb tibneeg txoj kev nyiam mus siv tej yam YEEB TSHUAJ uas muaj zog xws li tej tshuaj VWM, TSHUAJ NEES thiab lwm yam li peb sawvdaws tau hnov thiaj li ua rau tej neeg HLWB PUAS, TSIS ZOO THIAB TSIS NCO QAB rau tej yam nws yuav ua thiaj li ua rau nws mus ua tej yam kev phem zoo li no.
Feem ntau cov neeg uas siv tej tshuaj tsis zoo ntawd yog los ntawm nws txoj kev coj tsis zoo lam mus muab los siv ua kev lomzem hos ib txhia yog siv los daws kev nyuaj siab. Yog li no thaum siv ntau tuaj lawm tus neeg ntawd thiaj li dhau los mus ua ib tug neeg MUAJ YEES los sis Ameslika hais tias ADDICTED. Feem ntau cov neeg siv tej tshuaj no yog lawv cov HLWB TSAWG TSIS MUAJ KEV TXAWJ NTSE thiaj li mus siv tej tshuaj hais los. Nimno nyob hauv tebchaws Lostsuas muaj cov neeg siab phem muab tej tshuaj phem no tuaj muag rau tej neeg tsis muaj kev kawm txawj dag tias yog zoo rau tshuaj kho mob kom tej Neeg coj mus siv ces lawv lub neej thiaj li puas mus uas zoo nkaus li txheej thaum ub Fabkis/France thiab Askiv/England lawv coj cov YAJYEEB tuaj rau peb sab tebchaws Indochina siv thiaj li ua rau peb cov Neeg lub neej puas tag thiab ua rau 2 LUB TEBCHAWS NTAWD MUAJ YEEJ TSOV ROGG hos peb cov tebchaws thiaj li dhau los mus muaj kev cog YAJYEEB thiab QUAV YEEB los txog niajhnub no tso tsis taus tseg. Tom qab peb cov tebchaws raug tej teebmeem li ntawd lawm 2 lub tebhaws xws FABKIS thiab ENGLAND mus rau U.S. thiaj li muab tej txim thiab tej kev phem nog rau peb cov neeg kom tau lub npe phem uas zoo nkaus li Dr. MccCoy qhia ntawv nyob Madison, WI thiab cov Nomtswv nyob tebchaws U.S. IAB HIAM TIAS HLOB VAJ POV UA LUAM YAJYEEB rau ncua tsovrogg Vietnam War kom nws lub koob lub npe phem raug lwm cov neeg tsis totaub thiab tsis paub nws ciali ntxub nws thaum kawg lawv tseem muab nws ntes kaw qees.
Kwvtij Hmoob, thov sawvdaws muab kuv tej lus thiab keebkwm hais los no khaws tseg zwm rau nej tej hlwb nyob mus tsis ploj rau yus txoj kev tsis ntse thiab cov neeg siab phem txoj kev ua phem. Ib leeg hais dhau ib leeg thov tso tseg thiab qhia rau tej menyuam kom paub txhob mus kov thiab siv lawm. Yog nej paub leejtwg coj tej tshuaj phem, muaj yees hais los ntawd tuaj ze nej zej zog yeej meem muab laij tawm khiav mus thiab qhia rau tub ceevxwm muab ntes mus kaw txawm tias yog koj tus txheebze los tsis txhob hlub nws. Yog nej ua tau li kuv hais los no thiaj li yuav dim txoj raug luag haub ntxias yus mus siv tej yam tshuaj phem ntawd.
Pab tusiab thiab hlub 2 niamtub thiab tsevneeg uas tau txais tej xwm txheej tsis zoo no.
Thaj tsam hnub tim 26,27 July dhau los no tau muaj teeb meem tshwm sim nyob thaj tsam ntawm txoj kev No: 1D ntawm Xeev mus rau sab Nas Haub, Nas Cas, Thaj Thoos Thaj Vias. Qhov teeb meem no yog muaj 1 tug tub hmoob rov tua nws tus poj niam thiab tus me nyuam muaj 1 xyoo ntau tuag, ntawm ntug kev uas yuav txog zos Nas Haub-Nas Cas ntawv. Tus txiv yog hmoob Lauj, tus niam yog hmoob Xyooj.
Teeb meem mas yog li no: tus txiv nyob zos Naj Theem, sab Thaj Vias, kev mus Moo Oo ntawv, 2 niam txiv no sib yuav tau muaj li 2 xyoo tej, ces zoo li txawm muaj teeb meem tsis sib haum siab, ces txawm sib nrauj lawm. Nyuam qhuav nrauj kiag tsis ntev xwb, txog hnub uas muaj teeb meem tshwm sim no ces tus niam muaj 1 tug niam laus nyob sab US sub, txawm xa tau 1 qho nyiaj los 6 nws, ces nws txawm coj nws tus me nyuam tuaj lav(nqa) tom Xeev, Mouengkhoune, tus txiv txawm paub, los xyov yog tuaj ncaj los li cas, ces nws txawm lawv qab tuaj nrog tus niam sib ceg, 2 tug sib txeeb nyiaj, ua mus ua los zoo li ho haum siab me me lawm, ces tus txiv txawm muab nws thauj taug txoj kev No: 1D los mus tsev, thaum los txog ntawm ntu kev hais lo no, tus txiv cia li xuas riam los xyov yog chais los muab 2 niam tub kem hlab pas tua pov tseg nram qab ke ze lub zos Nas Cas raws li hauv daim duab 3 pom no xwb. Tam sim no tus txiv khiav lawm, tseem ntes tsis tau laib.
Pab hlub 2 niam tub no kawg, thov kom lub ntujtsom kwm nkawv 2 niam tub mus nyob kaj siab lug, thov kom ntes tau tus neeg phem no los 6 txim kom tsim nyog.
Ua tsaug.
Attached Thumbnails
1899939_238162259726955_6229547745930720405_n.jpg 10552575_238162363060278_80625578906490870_n.jpg 10570416_238162183060296_2223972736584034720_n.jpg
http://www.hmongza.com/index.php?/topic/90783-txiv-siab-dub-tua-2-niam-tub-pov-tseg/
