Hmoob Ntuj Tshiab lub tsev PAJ HUAM & kab lis kev cai Hmoob

Rub rooj es yuav los tiam mej koob

( Yuav nyab ) los yog tub yuav nyab mas koj yuav tsum muaj npaum li no lub rooj zaum thiaj yuav txaus, 1. Niam txiv lav tshoob. 2. Txiv tuam mej koob. 3. Txiv lwm mej koob. 4. Phij laj. 5. Niam txais ntsuab. 6.tub tshoj phaj. 7. Tub laub cawv. 8. Kev neej kev tsav. 9. Niam txiv hauv tsev.

( Qua ntxhais ) los yog ntxhais yuav mus txiv mas muaj xws li nram no, 1. Niam txiv tsawb tshoob tsawb kos. 2. Txiv tuam mej koob. 3. Txiv lwm mej koob. 4. Txiv cob txheeb. 5. Txiv dab laug cob txheeb. 6. Nus tij. 7. Nus npaws. 8. Tub tshoj phaj. 9. Tub laub cawv. 10. Kev neej kev tsav. 11. Niam txiv hauv tsev.

Ob tog ces kaum rooj yuav tsum rub ob leeg los zaum rau tog hauv paus rooj, ua ob tug tub tsa cawv. Ho rub ob leeg los zaum rau tog ntsis rooj ua ob tug tub txoos cawv.

Mam li rub cov kev neej kev tsav los zaum rau sab nrad kom txhij zog rau kom puv nkwb nkaus rau tag ces koj mam los pib.

Koj mam los teev cawv ib leeg no yog ob khob cawv kom txhua tus kiag tas ces koj los coj lawv sawv daws txhua tus kab ib lwm cawv tag ces ho rov teev rau kom puv nkwb nkaus rau kiag ces koj ho los coj lawv sawv daws cub ib lwm cawv meej, ces koj mam los ce ob khob cawv rau hauv lub phaj thiab cov nyiaj uas koj yuav muab los tiam mej zeeg tso rau lub phaj thiab tus ntses uas koj yuav muab rau lawv ntawd npaj los kom txhij zog rau ntawm koj ib sab ntawd tag ces mam los teev cawv kom txhua nrho rau cov uas muaj feem cuam uas koj yuav tiam ntawd, ces koj mam muab thawj lub phaj cev rau niam txiv lav tshoob lav kos ua ntej los mus zuj zus, ces koj yuav tau pib zeeg lus piam sam no.


1.Thawj nceeg lus tshoob lus kos tiam mej zeeg

thaum koj muab lub phaj cev rau niam txiv lav tshoob ces koj hais li no rau.

( 1. Niam txiv lav tshoob ) - Lus tshoob lus kos mas yuav hais li no rau koj tus ua niam ua txiv pab mus nrog lav tshoob lav kos, luag tej laus niaj txhis piv txoj lub hais tias tij yug yuav vam kwv lav, kwv yug yuav tij txais, tij yug yuav vam kwv tsawb, kwv yug yuav tij qua.

Yeeb vim koj yog kwv yog tij thiaj tau vam vam koj lub dag lub zog tuaj nrog pab mus nrog lav tshoob lav kos, hnub no koj kuj nrog mus muab tus plaj tshoob ntsig kos lav ntseg lis log puav tam tus ncej xyoob, coj tau tub tau nyab rais lis lees los poob, mas zoo siab tshaj plaws nawb.

Tsis muaj dab tsi los ua koj ib los tsaug, tsuas muab ob khob me dej dawb, ib nploog txhav txheej thiab ib tug me ntses los ua koj ib los tsaug xwb, yuav tsav tsis nyog koj lub meej xyuam tsis nyog koj lub txheej los thov koj zam txim pub rau peb cov kwv tij txiv tub thiab, cuag li vam koj lub zog qhuav qhuav xwb nawb mog.

( 2. Txiv tuam mej koob ) - Lus tshoob lus kos mas hais li no rau koj ua txiv tuam mej koob, yeeb vim luag tsa luag ntxhais yim los nkawd yuav tau tsa nkawd tub yim thiab, vim lub zej zog kuj txawm tau dav los vim leej tib neeg kuj txawm nqaim, tus txib tus khaiv los kuj txawm tsis muaj, es thiaj vam koj lub dag coj lub zog tuaj, pab muab tus plaj tshoob ntsig kos ntos kom meej, koj kuj tuaj pab muab nkawd tus plaj tshoob ntsig kos ntos tam ntua caj tshuab ceg ntos, ntos lis zus nyob mus nto txeej. Nkawd tub kuj tau nyab los nrog luag tab lub zoo neej.

Tsis muaj dab tsi los ua koj ib los tsaug, tsuas muab ob khob me dej dawb, ib nploog txhav txheej thiab ib tug me ntses los ua koj ib los tsaug xwb, yuav tsav tsis nyog koj lub meej xyuam tsis nyog koj lub txheej los thov koj zam txim pub rau peb cov kwv tij txiv tub thiab, cuag li vam koj lub zog qhuav qhuav xwb nawb mog

( 3. Txiv lwm mej koob ) - Lus tshoob lus kos mas hais li no rau koj ua txiv lwm mej koob, yeeb vim luag tsa luag ntxhais yim los nkawd yuav tau tsa nkawd tub yim thiab, vim lub zej zog kuj txawm tau dav los vim leej tib neeg kuj txawm nqaim, tus txib tus khaiv los kuj txawm tsis muaj, es thiaj vam koj lub dag coj lub zog tuaj, pab muab tus plaj tshoob ntsig kos ntos kom meej, koj kuj tuaj pab muab nkawd tus plaj tshoob ntsig kos ntos tam ntua caj tshuab ceg ntos, ntos lis zus nyob mus nto txeej. Nkawd tub kuj tau nyab los nrog luag tab lub zoo neej.

Tsis muaj dab tsi los ua koj ib los tsaug, tsuas muab ob khob me dej dawb, ib nploog txhav txheej thiab ib tug me ntses los ua koj ib los tsaug xwb, yuav tsav tsis nyog koj lub meej xyuam tsis nyog koj lub txheej los thov koj zam txim pub rau peb cov kwv tij txiv tub thiab, cuag li vam koj lub zog qhuav qhuav xwb nawb mog

( 4. Tus tub phij ) - Lus tshoob lus kos mas hais li no rau koj tus ua tub phij laj, yeeb vim luag tsa luag ntxhais yim los nkawd yuav tau tsa nkawd tub yim thiab, vim lub zej zog kuj txawm tau dav los vim leej tib neeg kuj txawm nqaim, tus txib tus khaiv los kuj txawm tsis muaj, es thiaj vam koj lub dag coj lub zog tuaj, pab nrog nkawv tub mus pe qhua kos fim qhua tshoob kom meej, koj kuj tuaj pab nrog nkawd tub mus pe qhua kos fim qhua tshoob tus plaj tshoob ntsig kos pe ntseg log tam ntua caj tshuab ceg ntos, ntos lis zus nyob mus nto txeej. Nkawd tub kuj tau nyab los nrog luag tab lub zoo neej.

Tsis muaj dab tsi los ua koj ib los tsaug, tsuas muab ob khob me dej dawb, ib nploog txhav txheej thiab ib tug me ntses los ua koj ib los tsaug xwb, yuav tsav tsis nyog koj lub meej xyuam tsis nyog koj lub txheej los thov koj zam txim pub rau peb cov kwv tij txiv tub thiab, cuag li vam koj lub zog qhuav qhuav xwb nawb mog

( 5. Niam txais ntsuab ) - Lus tshoob lus kos mas hais li no rau koj tus ua niam txais ntsuab, yeeb vim luag tsa luag ntxhais yim los nkawd yuav tau tsa nkawd tub yim thiab, vim lub zej zog kuj txawm tau dav los vim leej tib neeg kuj txawm nqaim, tus txib tus khaiv los kuj txawm tsis muaj, es thiaj vam koj lub dag coj lub zog tuaj, pab nrog nkawv nyab mus saib qhua kos fim qhua tshoob kom meej, koj kuj tuaj pab nrog nkawd nyab mus saib qhua kos fim qhua tshoob tus plaj tshoob ntsig kos feeb ntseg log tam ntua caj tshuab ceg ntos, ntos lis zus nyob mus nto txeej. Nkawd tub kuj tau nyab los nrog luag tab lub zoo neej.

Tsis muaj dab tsi los ua koj ib los tsaug, tsuas muab ob khob me dej dawb, ib nploog txhav txheej thiab ib tug me ntses los ua koj ib los tsaug xwb, yuav tsav tsis nyog koj lub meej xyuam tsis nyog koj lub txheej los thov koj zam txim pub rau peb cov kwv tij txiv tub thiab, cuag li vam koj lub zog qhuav qhuav xwb nawb mog

( 6. Tub tshoj phaj ) - Lus tshoob lus kos mas hais li no rau koj ua tub tshoj phaj, yeeb vim luag tsa luag ntxhais yim los nkawd yuav tau tsa nkawd tub yim thiab, vim lub zej zog kuj txawm txawm tau dav los vim leej tib neeg kuj txawm nqaim, tus txib tus khaiv los kuj txawm tsis muaj, es thiaj li vam khom koj lub dag coj lub zog tuaj, Koj kuj pab nrog mus leg dej leg num nyob mus ntseg meej, nkawv tub lub rooj tshoob rooj kos ntos tam ntua caj tshuab ceg ntos, ntos lis zus nyob nto txeej. Nkawd tub kuj tau nyab los nrog luag tab lub neej.

Tsis muaj dab tsi los ua koj ib los tsaug, tsuas muab ob khob me dej dawb, ib nploog txhav txheej thiab ib tug me ntses los ua koj ib los tsaug xwb, yuav tsav tsis nyog koj lub meej xyuam tsis nyog koj lub txheej los thov koj zam txim pub rau peb cov kwv tij txiv tub thiab, cuag li vam koj lub zog qhuav qhuav xwb nawb mog

( 7. Nus Tij ) - Lus tshoob lus kos mas hais li no rau koj ua nus tij, yeeb vim luag tsa luag tub yim los nkawd ua niam ua txiv yuav tau tsa nkawd ntxhais yim thiab, yeeb vim lub zej zog los kuj txawm txawm tau dav los leej tib neeg kuj txawm nqaim, tus txib tus khaiv los kuj txawm tsis muaj, es thiaj li vam khom koj lub dag coj lub zog tuaj, pab, nrog phij cuam nrog laj tshooj laj kos, koj kuj tuaj tsa koj nkauj koj muam lub cuab lub yig, tuaj muab tus plaj tshoob ntsig kos ntos tam ntua caj tshuab ceg ntos, ntos lis zus nyob nto txeej. Koj nkauj koj muam kuj tsheej cuab ntseg neej.

Tsis muaj dab tsi los ua koj ib los tsaug, tsuas muab ob khob me dej dawb, ib nploog txhav txheej thiab ib tug me ntses los ua koj ib los tsaug xwb, yuav tsav tsis nyog koj lub meej xyuam tsis nyog koj lub txheej los thov koj zam txim pub rau peb cov kwv tij txiv tub thiab, cuag li vam koj lub zog qhuav qhuav xwb nawb mog

( 8. Nus npaws ) - Lus lus tshoob lus kos mas hais li no rau koj ua nus npaws , yeeb vim luag tsa luag tub yim los nkawd ua niam ua txiv yuav tau tsa nkawd ntxhais yim thiab, yeeb vim lub zej zog kuj txawm tau dav los leej tib neeg kuj txawm nqaim, tus txib tus khaiv los kuj txawm tsis muaj, es thiaj li vam khom koj lub dag coj lub zog tuaj, pab, nrog phij cuam nrog laj tshooj laj kos, koj kuj tuaj tsa koj nkauj koj muam lub cuab lub yig, tuaj muab tus plaj tshoob ntsig kos ntos tam ntua caj tshuab ceg ntos, ntos lis zus nyob nto txeej. Koj nkauj koj muam kuj tsheej cuab ntseg neej.

Tsis muaj dab tsi los ua koj ib los tsaug, tsuas muab ob khob me dej dawb, ib nploog txhav txheej thiab ib tug me ntses los ua koj ib los tsaug xwb, yuav tsav tsis nyog koj lub meej xyuam tsis nyog koj lub txheej los thov koj zam txim pub rau peb cov kwv tij txiv tub thiab, cuag li vam koj lub zog qhuav qhuav xwb nawb mog

Koj rov los coj sawv daws kab Ib tug cawv tas ces koj rov teev kom puv nkwb nkaus rau ces rov coj lawv sawv daws cub ib lwm cawv tag ces koj mam los ua lawv tsaug mus raws li nram no

Nceeg lus ua tsaug tiam mej zeeg
1. tiam tus niam txiv mus nrog lav tshoob lav kos

Koj yuav tsum los hais ib lo lus ceeb toom ua ntej hais tias kuv yuav los ua tsaug ntawm tus no mus kom txog rau tus no mas thov nej sawv daws pab zam txim rau kuv thiab mog.

ua tsaug nawb niam txiv lav tshoob lav kos, hnub no ---------- nkawd ua niam ua txiv, tus plaj kos ntsig tshoob ncig li yeev pem liaj lwg rais los poob, tus plaj tshoob ntsig kos ncig li yeev pem rhwv mwg rais los txog.

Nkawd tub hlob li yuj los paub tab, thiaj sawv kev lis zees mus coj nyab, los rau nkawd lub qab mus plaj xab, tus plaj tshoob ntsig kos ntxhov li nyho rau nkawv tej mus quav npab, nkawv ceeb laj nyob mus leg tshab, thiaj yuav vam kom koj lub lub dag coj lub zog tuaj nrog pab.

Los vim yog lub zej zog kuj txawm tau dav leej tib neeg kuj txawm tau npaim, tus txib tus khaiv los kuj xam tsis muaj, thiaj yuav vam koj lub dag lub zog tuaj, los vim leej tub txawg kuj txawm tau tsawg, leej tub ruag los kuj txawm taub coob, thiaj li vam khom tau koj lub dag coj lub zog tuaj pab ua niam ua txiv mus lav kos lav tshoob.

Hnub no koj nrauj qav tseg num, nrauj qoob tseg loo lis zus tuaj rau nram roob koj tuaj muab nkawv tus plaj kos ntsig tshoob lav ntseg lis log puav tam tus ncej xyoob, tis neej tis tsav rau txoj kev do, tis ntsuab tis ze rau txoj kev coob, coj tau tub tau nyab rais lis lees los poob.

Mas zoo siab tshaj plaws tsis muaj ib yam dab tsi yuav los pauv tau, tsim nyog peb tsoom kwv tij txiv tub yuav npaj kom tau cuaj phaj yim ntim los rau saum lub rooj ntoo, los tiam lawm koj tus dag tus zog zoo, nrog nco koj tus txiaj tus ntsig ib txhiab niaj kom txog ib puas xyoo.

Tsim nyog peb tsoom kwv tij txiv tub yuav npaj kom tau cuab phaj cawv tsav yim phaj cawv ntxuag los rau saum lub rooj qiaj, los tiam lawm koj tus dag tus zog nyob mus tsim txiaj, nrog nco koj tus txiaj tus ntsig ib puas xyoo txog rau ib txhiab niaj.

Tiam sis yeeb vim peb cov kwv tij txiv tub los kuj ua lub neej tuaj qab tsag, neej zoo tsis xws luag, yam twg los kuj npaj tsis txhij tsis txhua, rooj nqaig rooj hno los kuj tsis raug ntsej raug muag, los vim peb ua lub neej zoo tsis xws luag neej, yam twg thiaj npaj tsis tsheej.

Los vim peb poob teb poob chaw, tuaj qiv luag toj yug yaj, qiv luag tais rau ntxhai, qiv luag vaj nyob, qiv luag tsev zo, thiaj ua lub neej saub kev sis pluag zoo li no, thiaj cuag tsis paub tab lam muab tej qub nqaij qub hno los ua ntxuag rau koj noj, los thov koj ho zam lub txim loj, lam muab tej qub dej qub cawv, los ua dej rau koj haus, los thov koj ho zam lub txim ntau.

Nyob li hnub qab nram lub ntsis, kaj ntug nag kis, xeeb theeb lwm hnub koj ua niam ua txiv lav tshoob lav kos ho tso noog liaj mus sib tw yuj noog liaj nyob nthuav txuj, noog liaj tsaws lis ntua rau zoov pem laj tus ntsis xyoob, koj ho khom vam tsis txog peb tsoom kwv tij txiv tub los puj sis tseg mog, yog koj ho khom vam txog peb tsoom kwv tij txiv tub los nyaj peb yuav tsis rauj koj tus txiaj tus ntsig yuav tsis tso koj pov tseg, yeej yuav tuaj pab ua koj tus tub tshaj koob, txawm tias tuaj tshaj tsis tau koj lub koob, los koj ho muaj tub muab nyab muaj ntxhais qua los peb yeej yuav yeej cuam lis zus tuaj pab koj haus lawm ib lub mus cawv tshoob, txawm haus tsis tau koj tus cawv tshoob, los yeej yuav yeej cuam lis zus tuaj nrog koj leg dej leg num ncig yeev tom yias dhau tom thoob, txawm tias leg tsis taus koj dej koj num los yeej yuav yeej cuam lis zus tuaj paj koj ua tub txib tus txuas tub txib tub khaiv rau koj txib koj khaiv, ncig yeev qab vaj mus rau qab roob, no laus mog.

Nyob li ntawm luag tus tub txawg coj tub ntse ces luag ncauj txhais nyob mus txawj hais ces luag vam vam koj lub dag coj lub zog tuaj mus nrog lav tshoob lav kos, nce toj nqes taug, luag ua lawm koj ib los tsaug ces luag yuav hais tawg paj lis zees zoo puav tam tau niam mab niag suav rev paj teeb paj vuam tawg ntsa lis vus tuaj rau tim tsua, los vim luag ncauj zuag nyob mus suab nqua, luag thiaj hais txhij nyob mus seev txhua.

Ho nyob li ntawm peb cov kwv tij txiv tub ces tub u kus tub ruag ces ncauj tsis zuag suab tsis nqua, ces txawm vam vam koj lub dag coj lub zog mus lav tshoob lav kos nce toj nqes taug, peb ua lawm koj ib los tsaug, los twb hais tsis muaj qab txawb tsis muaj luag, hais tawb kev neej txoj kev txaj, hais tawb kev tsav txoj kev luag, xwb los thov koj zam lub txim rau peb tsoom kwv tij txiv tub thiab no mog, es muab ib lo lus qhua qhua los ua koj ib los tsaug xwb nawb mog.

Hais tag li no ces pe nws xwb nawb mog.

( xaus li no xwb )

2. tiam tus txiv tuam mej koob

ua tsaug nawb txiv tuam mej koob, hnub no ---------- nkawd ua niam ua txiv, tus plaj kos ntsig tshoob ncig li yeev pem liaj lwg rais los poob, tus plaj tshoob ntsig kos ncig li yeev pem rhwv mwg rais los txog.

Nkawd tub hlob li yuj los paub tab, thiaj sawv kev lis zees mus coj nyab, los rau nkawd lub qab mus plaj xab, tus plaj tshoob ntsig kos ntxhov li nyho rau nkawv tej mus quav npab, nkawv ceeb laj nyob mus leg tshab, thiaj yuav vam kom koj lub lub dag coj lub zog tuaj nrog pab.

Los vim yog lub zej zog kuj txawm tau dav leej tib neeg kuj txawm tau npaim, tus txib tus khaiv los kuj xam tsis muaj, thiaj yuav vam koj lub dag lub zog tuaj, los vim yog leej tub txawg kuj txawm tau tsawg, leej tub ruag los kuj txawm taub coob, thiaj li vam khom tau koj lub dag coj lub zog tuaj pab ua txiv tuam mej koob.

Coj nkawv tub thiab nkawv nyab mus txaus kos xaus tshoob, koj kuj nrauj qav tseg num, nrauj qoob tseg loo lis zus tuaj rau nram roob koj tuaj muab nkawv tus plaj kos ntsig tshoob ntos ntseg lis log puav tam tus ncej xyoob, tis neej tis tsav rau txoj kev do, tis ntsuab tis ze rau txoj kev coob, coj tau tub tau nyab rais lis lees los poob.

Mas zoo siab tshaj plaws tsis muaj ib yam dab tsi yuav los pauv tau, tsim nyog peb tsoom kwv tij txiv tub yuav npaj kom tau cuaj phaj yim ntim los rau saum lub rooj ntoo, los tiam lawm koj tus dag tus zog zoo, nrog nco koj tus txiaj tus ntsig ib txhiab niaj kom txog ib puas xyoo.

Tsim nyog peb tsoom kwv tij txiv tub yuav npaj kom tau cuab phaj cawv tsav yim phaj cawv ntxuag los rau saum lub rooj qiaj, los tiam lawm koj tus dag tus zog tsim txiaj, nrog nco koj tus txiaj tus ntsig ib puas xyoo kom txog rau ib txhiab niaj.

Tiam sis yeeb vim peb tsoom kwv tij txiv tub los kuj ua lub neej tuaj qab tsag, neej zoo tsis xws luag, yam twg los kuj npaj tsis txhij tsis txhua, rooj nqaig rooj hno los kuj tsis raug ntsej raug muag, los vim peb ua lub neej zoo tsis xws luag neej, yam twg thiaj npaj tsis tsheej.

Los vim peb poob teb poob chaw, tuaj qiv luag toj yug yaj, qiv luag tais rau ntxhai, qiv luag vaj nyob, qiv luag tsev zo, thiaj ua lub neej saub kev sis pluag zoo li no, thiaj cuag tsis paub tab lam muab tej qub nqaij qub hno ua ntxuag rau koj noj los thov koj ho zam lub txim loj, lam muab tej qub dej qub cawv ua dej rau koj haus los thov koj ho zam lub txim ntau.

Nyob li hnub qab nram lub ntsis, kaj ntug nag kis, xeeb theeb lwm hnub koj ua txiv tuam mej koob ho tso noog liaj sib tw yuj noog liaj nyob mus nthuav txuj, noog liaj tsaws lis ntua rau zoov pem laj tus ntsis xyoob, koj ho khom vam tsis txog peb tsoom kwv tij txiv tub los puj sis tseg mog, yog koj ho khom vam txog peb tsoom kwv tij txiv tub los nyaj peb yuav tsis rauj koj tus txiaj tus ntsig, yuav tsis tso koj pov tseg, yeej yuav tuaj pab ua koj tus tub tshaj koob, txawm tias tuaj tshaj tsis tau koj lub koob los, koj ho muaj tub muab nyab muaj ntxhais qua los peb yeej yuav yeej cuam lis zus tuaj pab koj haus lawm ib lub mus cawv tshoob, txawm haus tsis tau koj tus cawv tshoob los yeej yuav yeej cuam lis zus tuaj nrog koj leg dej leg num ncig yeev tom yias dhau tom thoob, txawm tias leg tsis taus koj dej koj num los yeej yuav yeej cuam lis zus tuaj paj koj ua tub txib tus txuas tub txib tub khaiv rau koj txib koj khaiv, ncig yeev qab vaj rau qab roob no laus mog.

Nyob li ntawm luag tus tub txawg coj tub ntse ces luag ncauj txhais nyob mus txawj hais ces luag vam vam koj lub dag coj lub zog tuaj mus yawb tshoob yawb kos, nce toj nqes taug, luag ua lawm koj ib los tsaug, ces luag yuav hais tawg paj lis zees zoo puav tam tau niam mab niag suav rev paj teeb paj vuam tawg ntsa lis vus tuaj rau tim tsua, los vim yog luag ncauj zuag nyob mus suab nqua, luag thiaj hais txhij nyob mus seev txhua.

Ho nyob li ntawm peb cov kwv tij txiv tub ces tub u kus tub ruag, ncauj tsis zuag, suab tsis nqua, ces txawm vam vam koj lub dag coj lub zog mus yawb tshoob yawb kos nce toj nqes taug, peb ua lawm koj ib los tsaug, los twb hais tsis muaj qab txawb tsis muaj luag, hais tawb kev neej txoj kev txaj, hais tawb kev tsav txoj kev luag, xwb los thov koj zam lub txim rau peb tsoom kwv tij txiv tub thiab no mog, es muab ib lo lus qhuav qhuav los ua koj ib los tsaug xwb nawb mog.

Hais tag li no ces pe nws xwb nawb mog.

( xaus li no xwb )

3. tiam tus txiv lwm mej koob

ua tsaug nawb txiv lwm mej koob, hnub no ---------- nkawd ua niam ua txiv, tus plaj kos ntsig tshoob ncig li yeev pem liaj lwg rais los poob, tus plaj tshoob ntsig kos ncig li yeev pem rhwv mwg rais los txog.

Nkawd tub hlob li yuj los paub tab, thiaj sawv kev lis zees mus coj nyab, los rau nkawd lub qab mus plaj xab, tus plaj tshoob ntsig kos ntxhov li nyho rau nkawv tej mus quav npab, nkawv ceeb laj nyob mus leg tshab, thiaj yuav vam kom koj lub lub dag coj lub zog tuaj nrog pab.

Los vim yog lub zej zog kuj txawm tau dav leej tib neeg kuj txawm tau npaim, tus txib tus khaiv los kuj xam tsis muaj, thiaj yuav vam koj lub dag lub zog tuaj, los vim yog leej tub txawg kuj txawm tau tsawg, leej tub ruag los kuj txawm tau coob, thiaj li vam khom tau koj lub dag coj lub zog tuaj pab ua txiv lwm mej koob.

Coj nkawv tub thiab nkawv nyab mus txaus kos xaus tshoob, koj kuj nrauj qav tseg num, nrauj qoob tseg loo lis zus tuaj rau nram roob koj tuaj muab nkawv tus plaj kos ntsig tshoob ntos ntseg lis log puav tam tus ncej xyoob, tis neej tis tsav rau txoj kev do, tis ntsuab tis ze rau txoj kev coob, coj tau tub tau nyab rais lis lees los poob.

Mas zoo siab tshaj plaws tsis muaj ib yam dab tsi yuav los pauv tau, tsim nyog peb tsoom kwv tij txiv tub yuav npaj kom tau cuaj phaj yim ntim los rau saum lub rooj ntoo, los tiam lawm koj tus dag tus zog zoo, nrog nco koj tus txiaj tus ntsig ib txhiab niaj kom txog ib puas xyoo.

Tsim nyog peb tsoom kwv tij txiv tub yuav npaj kom tau cuab phaj cawv tsav yim phaj cawv ntxuag los rau saum lub rooj qiaj, los tiam lawm koj tus dag tus zog tsim txiaj, nrog nco koj tus txiaj tus ntsig ib puas xyoo kom txog rau ib txhiab niaj.

Tiam sis yeeb vim peb tsoom kwv tij txiv tub los kuj ua lub neej tuaj qab tsag, neej zoo tsis xws luag, yam twg los kuj npaj tsis txhij tsis txhua, rooj nqaig rooj hno los kuj tsis raug ntsej raug muag, los vim peb ua lub neej zoo tsis xws luag neej, yam twg thiaj npaj tsis tsheej.

Los vim peb poob teb poob chaw, tuaj qiv luag toj yug yaj, qiv luag tais rau ntxhai, qiv luag vaj nyob, qiv luag tsev zo, thiaj ua lub neej saub kev sis pluag zoo li no, thiaj cuag tsis paub tab lam muab tej qub nqaij qub hno ua ntxuag rau koj noj los thov koj ho zam lub txim loj, lam muab tej qub dej qub cawv ua dej rau koj haus los thov koj ho zam lub txim ntau.

Nyob li hnub qab nram lub ntsis, kaj ntug nag kis, xeeb theeb lwm hnub koj ua txiv lwm mej koob ho tso noog liaj sib tw yuj noog liaj nyob mus nthuav txuj, noog liaj tsaws lis ntua rau zoov pem laj tus ntsis xyoob, koj ho khom vam tsis txog peb tsoom kwv tij txiv tub los puj sis tseg mog, yog koj ho khom vam txog peb tsoom kwv tij txiv tub los nyaj peb yuav tsis rauj koj tus txiaj tus ntsig, yuav tsis tso koj pov tseg, yeej yuav tuaj pab ua koj tus tub tshaj koob, txawm tias tuaj tshaj tsis tau koj lub koob los, koj ho muaj tub muab nyab muaj ntxhais qua los peb yeej yuav yeej cuam lis zus tuaj pab koj haus lawm ib lub mus cawv tshoob, txawm haus tsis tau koj tus cawv tshoob los yeej yuav yeej cuam lis zus tuaj nrog koj leg dej leg num ncig yeev tom yias dhau tom thoob, txawm tias leg tsis taus koj dej koj num los yeej yuav yeej cuam lis zus tuaj paj koj ua tub txib tus txuas tub txib tub khaiv rau koj txib koj khaiv, ncig yeev qab vaj rau qab roob no laus mog.

Nyob li ntawm luag tus tub txawg coj tub ntse ces luag ncauj txhais nyob mus txawj hais ces luag vam vam koj lub dag coj lub zog tuaj mus yawb tshoob yawb kos, nce toj nqes taug, luag ua lawm koj ib los tsaug, ces luag yuav hais tawg paj lis zees zoo puav tam tau niam mab niag suav rev paj teeb paj vuam tawg ntsa lis vus tuaj rau tim tsua, los vim yog luag ncauj zuag nyob mus suab nqua, luag thiaj hais txhij nyob mus seev txhua.

Ho nyob li ntawm peb cov kwv tij txiv tub ces tub u kus tub ruag, ncauj tsis zuag, suab tsis nqua, ces txawm vam vam koj lub dag coj lub zog mus yawb tshoob yawb kos nce toj nqes taug, peb ua lawm koj ib los tsaug, los twb hais tsis muaj qab txawb tsis muaj luag, hais tawb kev neej txoj kev txaj, hais tawb kev tsav txoj kev luag, xwb los thov koj zam lub txim rau peb tsoom kwv tij txiv tub thiab no mog, es muab ib lo lus qhuav qhuav los ua koj ib los tsaug xwb nawb mog.

Hais tag li no ces pe nws xwb nawb mog.

( xaus li no xwb )

4. Tiam tus tub phij laj

ua tsaug nawb me tub phij laj, hnub no ---------- nkawd ua niam ua txiv, tus plaj kos ntsig tshoob ncig li yeev pem liaj lwg rais los poob, tus plaj tshoob ntsig kos ncig li yeev pem rhwv mwg rais los txog.

Nkawd tub hlob li yuj los paub tab, thiaj sawv kev lis zees mus coj nyab, los rau nkawd lub qab mus plaj xab, tus plaj tshoob ntsig kos ntxhov li nyho rau nkawv tej mus quav npab, nkawv ceeb laj nyob mus leg tshab, thiaj yuav vam kom koj lub lub dag coj lub zog tuaj nrog pab.

Los vim yog lub zej zog kuj txawm tau dav leej tib neeg kuj txawm tau npaim, tus txib tus khaiv los kuj xam tsis muaj, thiaj yuav vam koj lub dag lub zog tuaj, los vim leej tub txawg kuj txawm tau tsawg, leej tub ruag los kuj txawm tau coob tshaj, thiaj li vam khom tau koj lub dag coj lub zog tuaj pab ua tub phij laj, nrog nkawv tub thiab nkawv nyab mus txaus kos xaus tshoob, koj kuj nrauj qav tseg num, nrauj qoob tseg loo lis zus tuaj rau nram roob koj tuaj nrog nkawv tub mus pe qhua kos fim qhua tshoob, tus plaj kos ntsig tshoob ntos ntseg lis log puav tam tus ncej xyoob, tis neej tis tsav rau txoj kev do, tis ntsuab tis ze rau txoj kev coob, coj tau tub tau nyab rais lis lees los poob.

Mas zoo siab tshaj plaws tsis muaj ib yam dab tsi yuav los pauv tau, tsim nyog peb tsoom kwv tij txiv tub yuav npaj kom tau cuaj phaj yim ntim los rau saum lub rooj ntoo, los tiam lawm koj tus dag tus zog zoo, nrog nco koj tus txiaj tus ntsig ib txhiab niaj kom txog ib puas xyoo.

Tsim nyog peb tsoom kwv tij txiv tub yuav npaj kom tau cuab phaj cawv tsav yim phaj cawv ntxuag los rau saum lub rooj qiaj, los tiam lawm koj tus dag tus zog tsim txiaj, nrog nco koj tus txiaj tus ntsig ib txhiab niaj kom txog ib puas xyoo txog rau ib txhiab niaj.

Los yeeb vim peb ua lub neej tuaj qab tsag, neej zoo tsis xws luag, yam twg los kuj npaj tsis txhij tsis txhua, rooj nqaig rooj hno los kuj tsis raug ntsej raug muag, los vim peb ua lub neej zoo tsis xws luag neej, yam twg thiaj npaj tsis tsheej.

Los vim peb poob teb poob chaw, tuaj qiv luag toj yug yaj, qiv luag tais rau ntxhai, qiv luag vaj nyob, qiv luag tsev zo, thiaj ua lub neej saub kev sis pluag zoo li no, thiaj cuag tsis paub tab lam muab tej qub nqaij qub hno ua ntxuag rau koj noj los thov koj ho zam lub txim loj, lam muab tej qub dej qub cawv ua dej rau koj haus los thov koj ho zam lub txim ntau.

Nyob li hnub qab nram lub ntsis, kaj ntug nag kis, xeeb theeb lwm hnub koj me tub phij laj ho tso noog liaj sib tw yuj noog liaj nyob mus nthuav txuj, noog liaj tsaws lis ntua rau zoov pem laj tus ntsis xyoob, koj ho khom vam tsis txog peb tsoom kwv tij txiv tub los puj sis tseg mog, yog koj ho khom vam txog peb tsoom kwv tij txiv tub los nyaj peb yuav tsis rauj koj tus txiaj tus ntsig yuav tsis tso koj pov tseg, yeej yuav tuaj pab ua koj tus tub tshaj koob, txawm tias tuaj tshaj tsis tau koj lub koob los, koj ho muaj tub muab nyab muaj ntxhais qua los peb yeej yuav yeej cuam lis zus tuaj pab koj haus lawm ib lub mus cawv tshoob, txawm haus tsis tau koj tus cawv tshoob los yeej yuav yeej cuam lis zus tuaj nrog koj leg dej leg num ncig yeev tom yias dhau tom thoob, txawm tias leg tsis taus koj dej koj num los yeej yuav yeej cuam lis zus tuaj paj koj ua tub txib tus txuas rau koj txib koj khaiv, ncig yeev qab vaj rau qab roob no laus mog.

Nyob li ntawm luag tus tub txawg coj tub ntse ces luag ncauj txhais nyob mus txawj hais ces luag vam vam koj lub dag coj lub zog tuaj mus yawb tshoob yawb kos, nce toj nqes taug, luag ua lawm koj ib los tsaug ces luag yuav hais tawg paj lis zees zoo puav tam tau niam mab niag suab rev paj teeb paj vuam tawg ntsa lis vus tuaj rau tim tsua, los vim luag ncauj zuag nyob mus suab nqua, luag thiaj hais txhij nyob mus seev txhua.

Ho nyob li ntawm peb cov kwv tij txiv tub ces ncauj tsis zuag suab tsis nqua ces txawm vam vam koj lub dag coj lub zog mus yawb tshoob yawb kos nce toj nqes taug, peb ua lawm koj ib los tsaug los twb hais tsis muaj qab txawb tsis muaj luag, hais tawb kev neej txoj kev txaj, hais tawb kev tsav txoj kev luag, xwb los thov koj zam lub txim rau peb tsoom kwv tij txiv tub thiab no mog, es muab ib lo lus qhuav qhuav los ua koj ib los tsaug xwb nawb mog.

Hais tag li no ces pe nws xwb nawb mog.

( xaus li no xwb )

5. Tiam tus niam txais ntsuab

ua tsaug nawb niam txais ntsuab, hnub no ---------- nkawd ua niam ua txiv, tus plaj kos ntsig tshoob, ncig li yeev pem liaj lwg rais los poob, tus plaj tshoob ntsig kos, ncig li yeev pem rhwv mwg rais los txog.

Nkawd tub hlob li yuj los paub tab, thiaj sawv kev lis zees mus coj nyab, los rau nkawd lub qab mus plaj xab, tus plaj tshoob ntsig kos ntxhov li nyho rau nkawv tej mus quav npab, nkawv ceeb laj nyob mus leg tshab, thiaj yuav vam kom koj lub lub dag coj lub zog tuaj nrog pab.

Los vim yog lub zej zog kuj txawm tau dav leej tib neeg kuj txawm tau npaim, tus txib tus khaiv los kuj xam tsis muaj, thiaj yuav vam koj lub dag lub zog tuaj, los vim leej ntxhais txawg kuj txawm tau tsawg, leej ntxhais ruag los kuj txawm nyob tsiv cuab, thiaj li vam khom tau koj lub dag coj lub zog tuaj pab ua niam txais ntsuab, ua nkauj nyab luag mus txaus kos xaus tshoob, koj kuj nrauj qav tseg num, nrauj qoob tseg loo lis zus tuaj rau nram roob koj tuaj pab ua yaig ua luag mus saib qhua kos fim qhua tshoob, mus nrog leg tus dej tus num tus plaj kos ntsig tshoob kuj ntseg lis log puav tau tus ncej xyoob, nrog coj tau nkauj nyab rais lis lees los poob.

Mas zoo siab tshaj plaws tsis muaj ib yam dab tsi yuav los pauv tau, tsim nyog peb tsoom kwv tij txiv tub yuav npaj kom tau cuaj phaj yim ntim los rau saum lub rooj ntoo, los tiam lawm koj tus dag tus zog zoo, nrog nco koj tus txiaj tus ntsig ib txhiab niaj kom txog ib puas xyoo.

Tsim nyog peb tsoom kwv tij txiv tub yuav npaj kom tau cuaj phaj cawv tsav yim phaj cawv ntxuag los rau saum lub rooj qiaj, los tiam lawm koj tus dag tus zog nyob mus tsim txiaj, nrog nco koj tus txiaj tus ntsig ib puas xyoo kom txog rau ib txhiab niaj.

Tiam sis yeeb cov kwv tij txiv tub ua lub neej tuaj qab tsag, lub neej zoo tsis xws luag, yam twg los kuj npaj tsis txhij tsis txhua, rooj nqaig rooj hno los kuj tsis raug ntsej raug muag, los vim peb ua lub neej zoo tsis xws luag neej, yam twg thiaj npaj tsis tsheej.

Los vim peb poob teb poob chaw, tuaj qiv luag toj yug yaj, qiv luag tais rau ntxhai, qiv luag vaj nyob, qiv luag tsev zo, thiaj ua lub neej saub kev sis pluag zoo li no, thiaj cuag tsis paub tab lam muab tej qub nqaij qub hno ua ntxuag rau koj noj, los thov koj ho zam lub txim loj, lam muab tej qub dej qub cawv los ua dej rau koj haus, los thov koj ho zam lub txim ntau.

Nyob li hnub qab nram lub ntsis, kaj ntug nag kis, xeeb theeb lwm hnub koj me niam txais ntsuab, ho tso noog liaj sib tw yuj, noog liaj nyob mus nthuav txuj, noog liaj tsaws lis ntua rau zoov pem laj tus ntsis xyoob, koj ho khom vam tsis txog peb tsoom kwv tij txiv tub los puj sis tseg mog, yog koj ho khom vam txog peb tsoom kwv tij txiv tub, los nyaj peb yuav tsis rauj koj tus txiaj tus ntsig yuav tsis tso koj pov tseg, yeej yuav tuaj pab ua kom tau koj tus tub tshaj koob, txawm tias tuaj tshaj tsis tau koj lub koob los, koj ho muaj tub muab nyab muaj ntxhais qua los peb yeej yuav yeej cuam lis zus tuaj pab koj haus lawm ib lub mus cawv tshoob, txawm haus tsis tau koj tus cawv tshoob los yeej yuav yeej cuam lis zus tuaj nrog koj leg dej leg num ncig yeev tom yias dhau tom thoob, txawm tias leg tsis taus koj dej koj num, los yeej yuav yeej cuam lis zus tuaj paj koj ua tub txib tus txuas tub txib tub khaiv rau koj txib koj khaiv, ncig yeev qab vaj rau qab roob, no laus mog.

Nyob li ntawm luag tus tub txawg coj tub ntse ces luag ncauj txhais nyob mus txawj hais ces luag vam vam koj lub dag coj lub zog tuaj pab ua nkauj nyab luag mus nce toj nqes taug, luag ua lawm koj ib los tsaug ces luag yuav hais tawg paj lis zees zoo puav tam tau niam mab niag suav rev paj teeb paj vuam tawg ntsa lis vus tuaj rau tim tsua, los vim luag ncauj zuag nyob mus suab nqua, luag thiaj hais txhij nyob mus seev txhua.

Ho nyob li ntawm peb cov kwv tij txiv tub ces tub u kus tub ruag ncauj tsis zuag suab tsis nqua ces txawm vam vam koj lub dag coj lub zog tuaj pab ua nkauj nyab luag mus nce toj nqes taug, peb ua lawm koj ib los tsaug, los twb hais tsis muaj qab txawb tsis muaj luag, hais tawb kev neej txoj kev txaj, hais tawb kev tsav txoj kev luag, xwb los thov koj zam lub txim rau peb tsoom kwv tij txiv tub thiab no mog, es muab ib lo lus qhuav qhuav los ua koj ib los tsaug xwb nawb mog.

Hais tag li no ces pe nws xwb nawb mog.

( xaus li no xwb )

6. Tiam tsoom kev neej kev tsav

ua tsaug nawb nej tsoom neej tsoom tsav, muam phauj yawg laus, niam dab laug txiv dab laug, niam tais yawm txiv, niam hlob txiv hlob, niam ntxawm txiv ntxawm, tsoom kwv tsoom tij, muam yawm yij, tsoom phooj tsoom ywg nej sawv daws txhua tus nawb.

Hnub no ---------- nkawd ua niam ua txiv, tus plaj kos ntsig tshoob ncig li yeev pem liaj lwg rais los poob, tus plaj tshoob ntsig kos ncig li yeev pem rhwv mwg rais los txog.

Nkawd tub hlob li yuj los paub tab, thiaj sawv kev lis zees mus coj nyab, los rau nkawd lub qab mus plaj xab, tus plaj tshoob ntsig kos ntxhov li nyho rau nkawv tej mus quav npab, nkawv ceeb laj nyob mus leg tshab, thiaj yuav vam kom nej sawv daws lub lub dag coj lub zog tuaj nrog pab.

Los vim yog lub zej zog kuj txawm tau dav leej tib neeg kuj txawm tau npaim, tus txib tus khaiv tus vam khom los kuj xam tsis muaj, thiaj yuav vam nej sawv daws lub dag lub zog tuaj, los vim leej txheeb neej tsav kuj txawm tau tsawg, qhua tauj yas kuj txawm taub coob, thiaj li vam khom tau nej sawv daws lub dag coj lub zog tuaj pab nta nkawv tub lub mus rooj tshoob.

Hnub no nej sawv daws kuj nrauj qav tseg num, nrauj qoob tseg loo lis zus tuaj rau nram roob nej tuaj pab tsa nkawv tub lub cuab lub yig ntseg log puav tam tau tus ncej xyoob, tis neej tis tsav rau txoj kev do, tis ntsuab tis ze rau txoj kev coob, nkawv tub nkawv nyab rais lis lees rov poob.

Mas zoo siab tshaj plaws tsis muaj ib yam dab tsi yuav los pauv tau, tsim nyog peb tsoom kwv tij txiv tub yuav npaj kom tau cuaj phaj yim ntim los rau saum lub rooj ntoo, los tiam lawm nej sawv daws tus dag tus zog zoo, nrog nco nej sawv daws tus txiaj tus ntsig ib txhiab niaj kom txog ib puas xyoo.

Tsim nyog peb tsoom kwv tij txiv tub yuav npaj kom tau cuaj phaj cawv tsav yim phaj cawv ntxuag los rau saum lub rooj qiaj, los tiam lawm nej sawv daws tus dag tus zog tsim txiaj, nrog nco koj tus txiaj tus ntsig ib puas xyoo kom txog ib txhiab niaj.

Tiam sis yeeb vim peb tsoom kwv tij txiv tub los kuj ua lub neej tuaj qab tsag, neej zoo tsis xws luag, yam twg los kuj npaj tsis txhij tsis txhua, rooj nqaig rooj hno los kuj tsis raug ntsej raug muag, los vim peb ua lub neej zoo tsis xws luag neej, yam twg thiaj npaj tsis tsheej.

Los vim peb poob teb poob chaw, tuaj qiv luag toj yug yaj, qiv luag tais rau ntxhai, qiv luag vaj nyob, qiv luag tsev zo, thiaj ua lub neej saub kev sis pluag zoo li no, thiaj cuag tsis paub tab lam muab tej qub nqaij qub hno ua ntxuag rau nej sawv daws noj los thov nej sawv daws ho zam lub txim loj, lam muab tej qub dej qub cawv ua dej rau nej sawv daws haus los thov nej sawv daws ho zam lub txim ntau.

Nyob li hnub qab nram lub ntsis, kaj ntug nag kis, xeeb theeb lwm hnub nej sawv daws ua neej tsav, ho tso noog liaj sib tw yuj noog liaj nyob mus nthuav txuj, noog liaj tsaws lis ntua rau zoov pem laj tus ntsis xyoob, nej ho khom vam tsis txog peb tsoom kwv tij txiv tub los puj sis tseg mog, yog koj ho khom vam txog peb tsoom kwvv tij txiv tub los nyaj peb yuav tsis rauj nej tus txiaj tus ntsig yuav tsis tso nej pov tseg, yeej yuav tuaj pab ua kom tau nej tus tub tshaj koob, txawm tias tuaj tshaj tsis tau nej lub koob los, nej ho muaj tub muab nyab muaj ntxhais qua los peb yeej yuav yeej cuam lis zus tuaj pab nej haus lawm ib lub mus cawv tshoob, txawm haus tsis tau nej tus cawv tshoob los yeej yuav yeej cuam lis zus tuaj nrog nej leg dej leg num ncig yeev tom yias dhau tom thoob, txawm tias leg tsis taus nej dej koj num los yeej yuav yeej cuam lis zus tuaj paj nej ua tub txib tus txuas tub txib tub khaiv rau nej txib nej khaiv, ncig yeev qab vaj rau qab roob no laus mog.

Nyob li ntawm luag tus tub txawg coj tub ntse ces luag ncauj txhais nyob mus txawj hais ces luag vam vam nej sawv daws lub dag coj lub zog tuaj pab khiav, nce toj nqes taug, luag ua lawm nej ib los tsaug ces luag yuav hais tawg paj lis zees zoo puav tam tau niam mab niag suav rev paj teeb paj vuam tawg ntsa lis vus tuaj rau tim tsua, los vim luag ncauj zuag nyob mus suab nqua, luag thiaj hais txhij nyob mus seev txhua.

Ho nyob li ntawm peb cov kwv tij txiv tub ces tub u kus tub ruag, ncauj tsis zuag suab tsis nqua ces txawm vam vam nej lub dag coj lub zog tuaj pab tsa cuab tsa yig khiav nce toj nqes taug, peb ua lawm nej ib los tsaug los twb hais tsis muaj qab txawb tsis muaj luag, hais tawb kev neej txoj kev txaj, hais tawb kev tsav txoj kev luag, xwb los thov nej zam lub txim rau peb tsoom kwv tij txiv tub thiab no mog, es muab ib lo lus qhuav qhuav los ua nej sawv daws ib los tsaug xwb nawb mog.

Hais tag li no ces pe nws xwb nawb mog.

( xaus li no xwb )

7. tiam tus nus tij.

ua tsaug nawb me nus tij, hnub no ---------- nkawd ua niam ua txiv, tus plaj kos ntsig tshoob ncig li yeev pem liaj lwg rais los poob, tus plaj tshoob ntsig kos ncig li yeev pem rhwv mwg rais los txog.

Nkawd ntxhais hlob li yuj los paub tab, thiaj sawv kev lis zees mus ua luag nyab, tus plaj tshoob ntsig kos ntxhov li nyho rau nkawv tej mus quav npab, nkawv ceeb laj nyob mus leg tshab, thiaj yuav vam kom koj lub lub dag coj lub zog tuaj nrog pab.

Los vim yog lub zej zog kuj txawm tau dav leej tib neeg kuj txawm tau npaim, tus txheeb tus ze los kuj xam tsis muaj, thiaj yuav vam koj lub dag lub zog tuaj, los vim leej txheeb neej txheeb nus los kuj txawm tau tsawg, tus mab tus sua, tus hmoob tus qhua kuj txawm muaj txhij, thiaj li yuav vam khom tau koj lub dag coj lub zog tuaj pab ua nus tij.

Tuaj nrog tsa koj nkauj koj muam lub cuab lub yig, nrog qhuab nrog ntuas, tuaj nrog phij cuam koj nkauj koj muam, hnub no koj kuj nrauj qav tseg num, nrauj qoob tseg loo lis zus tuaj rau nram roob koj tuaj pab tsa lub cuab lub yig ntseg log puav tam tus ncej xyoob, tis neej tis tsav rau txoj kev do, tis ntsuab tis ze rau txoj kev coob. Kev neej tau txoj kev ntoj, kev tsav tau txoj kev thuv.

Mas zoo siab tshaj plaws tsis muaj ib yam dab tsi yuav los pauv tau, tsim nyog peb tsoom kwv tij txiv tub yuav npaj kom tau cuaj phaj yim ntim los rau saum lub rooj ntoo, los tiam lawm koj tus dag tus zog zoo, nrog nco koj tus txiaj tus ntsig ib txhiab niaj kom txog ib puas xyoo.

Tsim nyog peb tsoom kwv tij txiv tub yuav npaj kom tau cuaj phaj cawv tsav yim phaj cawv ntxuag los rau saum lub rooj qiaj, los tiam lawm koj tus dag tus zog tsim txiaj, nrog nco koj tus txiaj tus ntsig ib puas xyoo kom txog rau ib txhiab niaj.

Tiam sis yeeb vim peb cov kwv tij txiv tub los kuj ua lub neej tuaj qab tsag, neej zoo tsis xws luag, yam twg los kuj npaj tsis txhij tsis txhua, rooj nqaig rooj hno los kuj tsis raug ntsej raug muag, los vim peb ua lub neej zoo tsis xws luag neej, yam twg thiaj npaj tsis tsheej.

Los vim peb poob teb poob chaw, tuaj qiv luag toj yug yaj, qiv luag tais rau ntxhai, qiv luag vaj nyob, qiv luag tsev zo, thiaj ua lub neej saub kev sis pluag zoo li no, thiaj cuag tsis paub tab lam muab tej qub nqaij qub hno ua ntxuag rau koj noj, los thov koj ho zam lub txim loj, lam muab tej qub dej qub cawv los ua dej rau koj haus, los thov koj ho zam lub txim ntau.

Nyob li hnub qab nram lub ntsis, kaj ntug nag kis, xeeb theeb lwm hnub koj u anus tij ho tso noog liaj sib tw yuj noog liaj nyob mus nthuav txuj, noog liaj tsaws lis ntua rau zoov pem laj tus ntsis xyoob, koj ho khom vam tsis txog peb tsoom kwv tij txiv tub los puj sis tseg mog, yog koj ho khom vam txog peb tsoom kwv tij txiv tub los nyaj peb yuav tsis rauj koj tus txiaj tus ntsig yuav tsis tso koj pov tseg, yeej yuav tuaj pab ua koj tus tub tshaj koob, txawm tias tuaj tshaj tsis tau koj lub koob, los koj ho muaj tub muab nyab muaj ntxhais qua los peb yeej yuav yeej cuam lis zus tuaj pab koj haus lawm ib lub mus cawv tshoob, txawm haus tsis tau koj tus cawv tshoob los yeej yuav yeej cuam lis zus tuaj nrog koj leg dej leg num ncig yeev tom yias dhau tom thoob, txawm tias leg tsis taus koj dej koj num los yeej yuav yeej cuam lis zus tuaj paj koj ua tub txib tus txuas rau koj txib koj khaiv, ncig yeev qab vaj rau qab roob, no laus mog.

Nyob li ntawm luag tus tub txawg coj tub ntse ces luag ncauj txhais nyob mus txawj hais ces luag vam vam koj lub dag coj lub zog tuaj pab tsa cuab tsa yig, khiav nce toj nqes taug, luag ua lawm koj ib los tsaug ces luag yuav hais tawg paj lis zees zoo puav tam tau niam mab niag suav rev paj teeb paj vuam tawg ntsa lis vus tuaj rau tim tsua, los vim luag ncauj zuag nyob mus suab nqua, luag thiaj hais txhij nyob mus seev txhua.

Ho nyob li ntawm peb cov kwv tij txiv tub ces tub u kus tub ruag ncauj tsis zuag suab tsis nqua ces txawm vam vam koj lub dag coj lub zog tuaj pab tsa cuab tsa yig, khiav nce toj nqes taug, peb ua lawm koj ib los tsaug los twb hais tsis muaj qab txawb tsis muaj luag, hais tawb kev neej txoj kev txaj, hais tawb kev tsav txoj kev luag, xwb los thov koj zam lub txim rau peb tsoom kwv tij txiv tub thiab no mog, es muab ib lo lus qhuav qhuav los ua koj ib los tsaug xwb nawb mog.

Hais tag li no ces pe nws xwb nawb mog.

( xaus li no xwb )

8. tiam tus nus npaws.

ua tsaug nawb me nus npaws, hnub no ---------- nkawd ua niam ua txiv, tus plaj kos ntsig tshoob ncig li yeev pem liaj lwg rais los poob, tus plaj tshoob ntsig kos ncig li yeev pem rhwv mwg rais los txog.

Nkawd ntxhais hlob li yuj los paub tab, thiaj sawv kev lis zees mus ua luag nyab, tus plaj tshoob ntsig kos thiaj ntxhov li nyho rau nkawv tej mus quav npab, nkawv ceeb laj nyob mus leg tshab, thiaj yuav vam kom koj lub lub dag coj lub zog tuaj nrog pab.

Los vim yog lub zej zog kuj txawm tau dav leej tib neeg kuj txawm tau npaim, tus txheeb neej txheeb nus los kuj xam tsis muaj, thiaj yuav vam koj lub dag lub zog tuaj, los vim leej txheeb ntsuab txheeb ze los kuj txawm tau tsawg, tus mab tus sua, tus hmoob tus qhua los kuj txawm tau ntxaws, thiaj li yuav vam khom tau koj lub dag coj lub zog tuaj pab ua nus npaws.

Tuaj nrog tsa koj nkauj koj muam lub cuab lub yig, nrog qhuab nrog ntuas, tuaj nrog phij cuam koj nkauj koj muam, hnub no koj kuj nrauj qav tseg num, nrauj qoob tseg loo lis zus tuaj rau nram roob koj tuaj pab tsa lub cuab lub yig ntseg log puav tam tus ncej xyoob, tis neej tis tsav rau txoj kev do, tis ntsuab tis ze rau txoj kev coob. Kev neej tau txoj kev ntoj, kev tsav tau txoj kev thuv.

Mas zoo siab tshaj plaws tsis muaj ib yam dab tsi yuav los pauv tau, tsim nyog peb tsoom kwv tij txiv tub yuav npaj kom tau cuaj phaj yim ntim los rau saum lub rooj ntoo, los tiam lawm koj tus dag tus zog zoo, nrog nco koj tus txiaj tus ntsig ib txhiab niaj kom txog ib puas xyoo.

Tsim nyog peb tsoom kwv tij txiv tub yuav npaj kom tau cuaj phaj cawv tsav yim phaj cawv ntxuag los rau saum lub rooj qiaj, los tiam lawm koj tus dag tus zog tsim txiaj, nrog nco koj tus txiaj tus ntsig ib puas xyoo kom txog rau ib txhiab niaj.

Tiam sis yeeb vim peb cov kwv tij txiv tub los kuj ua lub neej tuaj qab tsag, neej zoo tsis xws luag, yam twg los kuj npaj tsis txhij tsis txhua, rooj nqaig rooj hno los kuj tsis raug ntsej raug muag, los vim peb ua lub neej zoo tsis xws luag neej, yam twg thiaj npaj tsis tsheej.

Los vim peb poob teb poob chaw, tuaj qiv luag toj yug yaj, qiv luag tais rau ntxhai, qiv luag vaj nyob, qiv luag tsev zo, thiaj ua lub neej saub kev sis pluag zoo li no, thiaj cuag tsis paub tab lam muab tej qub nqaij qub hno ua ntxuag rau koj noj, los thov koj ho zam lub txim loj, lam muab tej qub dej qub cawv los ua dej rau koj haus, los thov koj ho zam lub txim ntau.

Nyob li hnub qab nram lub ntsis, kaj ntug nag kis, xeeb theeb lwm hnub koj ua nus npaws ho tso noog liaj sib tw yuj noog liaj nyob mus nthuav txuj, noog liaj tsaws lis ntua rau zoov pem laj tus ntsis xyoob, koj ho khom vam tsis txog peb tsoom kwv tij txiv tub los puj sis tseg mog, yog koj ho khom vam txog peb tsoom kwv tij txiv tub los nyaj peb yuav tsis rauj koj tus txiaj tus ntsig yuav tsis tso koj pov tseg, yeej yuav tuaj pab ua koj tus tub tshaj koob, txawm tias tuaj tshaj tsis tau koj lub koob, los koj ho muaj tub muab nyab muaj ntxhais qua los peb yeej yuav yeej cuam lis zus tuaj pab koj haus lawm ib lub mus cawv tshoob, txawm haus tsis tau koj tus cawv tshoob los yeej yuav yeej cuam lis zus tuaj nrog koj leg dej leg num ncig yeev tom yias dhau tom thoob, txawm tias leg tsis taus koj dej koj num los yeej yuav yeej cuam lis zus tuaj paj koj ua tub txib tus txuas rau koj txib koj khaiv, ncig yeev qab vaj rau qab roob, no laus mog.

Nyob li ntawm luag tus tub txawg coj tub ntse ces luag ncauj txhais nyob mus txawj hais ces luag vam vam koj lub dag coj lub zog tuaj pab tsa cuab tsa yig, khiav nce toj nqes taug, luag ua lawm koj ib los tsaug ces luag yuav hais tawg paj lis zees zoo puav tam tau niam mab niag suav rev paj teeb paj vuam tawg ntsa lis vus tuaj rau tim tsua, los vim luag ncauj zuag nyob mus suab nqua, luag thiaj hais txhij nyob mus seev txhua.

Ho nyob li ntawm peb cov kwv tij txiv tub ces tub u kus tub ruag ncauj tsis zuag suab tsis nqua ces txawm vam vam koj lub dag coj lub zog tuaj pab tsa cuab tsa yig, khiav nce toj nqes taug, peb ua lawm koj ib los tsaug los twb hais tsis muaj qab txawb tsis muaj luag, hais tawb kev neej txoj kev txaj, hais tawb kev tsav txoj kev luag, xwb los thov koj zam lub txim rau peb tsoom kwv tij txiv tub thiab no mog, es muab ib lo lus qhuav qhuav los ua koj ib los tsaug xwb nawb mog.

Hais tag li no ces pe nws xwb nawb mog.

( xaus li no xwb )

9. tiam tus txiv cob txheeb.

ua tsaug nawb txiv cob txheeb, hnub no ---------- nkawd ua niam ua txiv, tus plaj kos ntsig tshoob ncig li yeev pem liaj lwg rais los poob, tus plaj tshoob ntsig kos ncig li yeev pem rhwv mwg rais los txog.

Nkawd ntxhais hlob li yuj los paub tab, thiaj sawv kev lis zees mus ua luag nyab, tus plaj tshoob ntsig kos thiaj ntxhov li nyho rau nkawv tej mus quav npab, nkawv ceeb laj nyob mus leg tshab, thiaj yuav vam kom koj lub lub dag coj lub zog tuaj nrog pab.

Los vim yog lub zej zog kuj txawm tau dav leej tib neeg kuj txawm tau npaim, tus txheeb tus ze los kuj xam tsis muaj, thiaj yuav vam koj lub dag lub zog tuaj, los vim leej txheeb niam txheeb txiv los kuj txawm tau tsawg, tus mab tus sua, tus hmoob tus qhua los kuj tsis txheeb, thiaj li yuav vam khom tau koj lub dag coj lub zog tuaj pab ua txiv cob txheeb..

Tuaj nrog nrog qhuab nrog ntuas, tuaj nrog phij cuam tus tub tus ntxhais, qab hlua muab nrom rau luag los hauv tso rau koj ua tus tswj tus tseem, kom tus ntxhais lub neej ho nrog xyom hauj xyom seem, hnub no koj kuj nrauj qav tseg num, nrauj qoob tseg loo lis zus tuaj rau nram roob koj tuaj pab qhuab pab ntuas pab phij cuab nrog tsa lub cuab lub yig ntseg log puav tam tus ncej xyoob, tis neej tis tsav rau txoj kev do, tis ntsuab tis ze rau txoj kev coob. Kev neej tau txoj kev ntoj, kev tsav tau txoj kev thuv.

Mas zoo siab tshaj plaws tsis muaj ib yam dab tsi yuav los pauv tau, tsim nyog peb tsoom kwv tij txiv tub yuav npaj kom tau cuaj phaj yim ntim los rau saum lub rooj ntoo, los tiam lawm koj tus dag tus zog zoo, nrog nco koj tus txiaj tus ntsig ib txhiab niaj kom txog ib puas xyoo.

Tsim nyog peb tsoom kwv tij txiv tub yuav npaj kom tau cuaj phaj cawv tsav yim phaj cawv ntxuag los rau saum lub rooj qiaj, los tiam lawm koj tus dag tus zog tsim txiaj, nrog nco koj tus txiaj tus ntsig ib puas xyoo kom txog rau ib txhiab niaj.

Tiam sis yeeb vim peb cov kwv tij txiv tub los kuj ua lub neej tuaj qab tsag, neej zoo tsis xws luag, yam twg los kuj npaj tsis txhij tsis txhua, rooj nqaig rooj hno los kuj tsis raug ntsej raug muag, los vim peb ua lub neej zoo tsis xws luag neej, yam twg thiaj npaj tsis tsheej.

Los vim peb poob teb poob chaw, tuaj qiv luag toj yug yaj, qiv luag tais rau ntxhai, qiv luag vaj nyob, qiv luag tsev zo, thiaj ua lub neej saub kev sis pluag zoo li no, thiaj cuag tsis paub tab lam muab tej qub nqaij qub hno ua ntxuag rau koj noj, los thov koj ho zam lub txim loj, lam muab tej qub dej qub cawv los ua dej rau koj haus, los thov koj ho zam lub txim ntau.

Nyob li hnub qab nram lub ntsis, kaj ntug nag kis, xeeb theeb lwm hnub koj ua txiv cob txheeb ho tso noog liaj sib tw yuj noog liaj nyob mus nthuav txuj, noog liaj tsaws lis ntua rau zoov pem laj tus ntsis xyoob, koj ho khom vam tsis txog peb tsoom kwv tij txiv tub los puj sis tseg mog, yog koj ho khom vam txog peb tsoom kwv tij txiv tub los nyaj peb yuav tsis rauj koj tus txiaj tus ntsig yuav tsis tso koj pov tseg, yeej yuav tuaj pab ua koj tus tub tshaj koob, txawm tias tuaj tshaj tsis tau koj lub koob, los koj ho muaj tub muab nyab muaj ntxhais qua los peb yeej yuav yeej cuam lis zus tuaj pab koj haus lawm ib lub mus cawv tshoob, txawm haus tsis tau koj tus cawv tshoob los yeej yuav yeej cuam lis zus tuaj nrog koj leg dej leg num ncig yeev tom yias dhau tom thoob, txawm tias leg tsis taus koj dej koj num los yeej yuav yeej cuam lis zus tuaj paj koj ua tub txib tus txuas tub txib tub khaiv rau koj txib koj khaiv, ncig yeev qab vaj rau qab roob, no laus mog.

Nyob li ntawm luag tus tub txawg coj tub ntse ces luag ncauj txhais nyob mus txawj hais ces luag vam vam koj lub dag coj lub zog tuaj pab tsa cuab tsa yig, khiav nce toj nqes taug, luag ua lawm koj ib los tsaug ces luag yuav hais tawg paj lis zees zoo puav tam tau niam mab niag suav rev paj teeb paj vuam tawg ntsa lis vus tuaj rau tim tsua, los vim luag ncauj zuag nyob mus suab nqua, luag thiaj hais txhij nyob mus seev txhua.

Ho nyob li ntawm peb cov kwv tij txiv tub ces tub u kus tub ruag ncauj tsis zuag suab tsis nqua ces txawm vam vam koj lub dag coj lub zog tuaj pab tsa cuab tsa yig, khiav nce toj nqes taug, peb ua lawm koj ib los tsaug los twb hais tsis muaj qab txawb tsis muaj luag, hais tawb kev neej txoj kev txaj, hais tawb kev tsav txoj kev luag, xwb los thov koj zam lub txim rau peb tsoom kwv tij txiv tub thiab no mog, es muab ib lo lus qhuav qhuav los ua koj ib los tsaug xwb nawb mog.

Hais tag li no ces pe nws xwb nawb mog.

( xaus li no xwb )

10. tiam tus txiv dab laug cob txheeb.

ua tsaug nawb txiv dab laug cob txheeb, hnub no ---------- nkawd ua niam ua txiv, tus plaj kos ntsig tshoob ncig li yeev pem liaj lwg rais los poob, tus plaj tshoob ntsig kos ncig li yeev pem rhwv mwg rais los txog.

Nkawd ntxhais hlob li yuj los paub tab, thiaj sawv kev lis zees mus ua luag nyab, tus plaj tshoob ntsig kos thiaj ntxhov li nyho rau nkawv tej mus quav npab, nkawv ceeb laj nyob mus leg tshab, thiaj yuav vam kom koj lub lub dag coj lub zog tuaj nrog pab.

Los vim yog lub zej zog kuj txawm tau dav leej tib neeg kuj txawm tau npaim, tus txheeb tus ze los kuj xam tsis muaj, thiaj yuav vam koj lub dag lub zog tuaj, los vim koj yog txhiaj txhim kuj ywm txhim, koj txheeb lis zus pem tus ceeb tim, txhiaj txheeb kuj ywm txheeb, txheeb lis zus pem tus ceeb xeeb, thiaj vam khom koj lub dag coj lub zog tuaj pab ua txiv dab laub cob txheeb,

Tuaj nrog nrog qhuab nrog ntuas, tuaj nrog phij cuam tus tub tus ntxhais, qab hlua muab nrom rau luag los hauv tso rau koj ua tus tswj tus tseem, kom tus ntxhais lub neej ho nrog xyom hauj xyom seem, hnub no koj kuj nrauj qav tseg num, nrauj qoob tseg loo lis zus tuaj rau nram roob koj tuaj pab qhuab pab ntuas pab phij cuab nrog tsa lub cuab lub yig ntseg log puav tam tus ncej xyoob, tis neej tis tsav rau txoj kev do, tis ntsuab tis ze rau txoj kev coob. Kev neej tau txoj kev ntoj, kev tsav tau txoj kev tuaj mus poob..

Mas zoo siab tshaj plaws tsis muaj ib yam dab tsi yuav los pauv tau, tsim nyog peb tsoom kwv tij txiv tub yuav npaj kom tau cuaj phaj yim ntim los rau saum lub rooj ntoo, los tiam lawm koj tus dag tus zog zoo, nrog nco koj tus txiaj tus ntsig ib txhiab niaj kom txog ib puas xyoo.

Tsim nyog peb tsoom kwv tij txiv tub yuav npaj kom tau cuaj phaj cawv tsav yim phaj cawv ntxuag los rau saum lub rooj qiaj, los tiam lawm koj tus dag tus zog tsim txiaj, nrog nco koj tus txiaj tus ntsig ib puas xyoo kom txog rau ib txhiab niaj.

Tiam sis yeeb vim peb cov kwv tij txiv tub los kuj ua lub neej tuaj qab tsag, neej zoo tsis xws luag, yam twg los kuj npaj tsis txhij tsis txhua, rooj nqaig rooj hno los kuj tsis raug ntsej raug muag, los vim peb ua lub neej zoo tsis xws luag neej, yam twg thiaj npaj tsis tsheej.

Los vim peb poob teb poob chaw, tuaj qiv luag toj yug yaj, qiv luag tais rau ntxhai, qiv luag vaj nyob, qiv luag tsev zo, thiaj ua lub neej saub kev sis pluag zoo li no, thiaj cuag tsis paub tab lam muab tej qub nqaij qub hno ua ntxuag rau koj noj, los thov koj ho zam lub txim loj, lam muab tej qub dej qub cawv los ua dej rau koj haus, los thov koj ho zam lub txim ntau.

Nyob li hnub qab nram lub ntsis, kaj ntug nag kis, xeeb theeb lwm hnub koj ua txiv dab laub cob txheeb ho tso noog liaj sib tw yuj noog liaj nyob mus nthuav txuj, noog liaj tsaws lis ntua rau zoov pem laj tus ntsis xyoob, koj ho khom vam tsis txog peb tsoom kwv tij txiv tub los puj sis tseg mog, yog koj ho khom vam txog peb tsoom kwv tij txiv tub los nyaj peb yuav tsis rauj koj tus txiaj tus ntsig yuav tsis tso koj pov tseg, yeej yuav tuaj pab ua koj tus tub tshaj koob, txawm tias tuaj tshaj tsis tau koj lub koob, los koj ho muaj tub muab nyab muaj ntxhais qua los peb yeej yuav yeej cuam lis zus tuaj pab koj haus lawm ib lub mus cawv tshoob, txawm haus tsis tau koj tus cawv tshoob los yeej yuav yeej cuam lis zus tuaj nrog koj leg dej leg num ncig yeev tom yias dhau tom thoob, txawm tias leg tsis taus koj dej koj num los yeej yuav yeej cuam lis zus tuaj paj koj ua tub txib tus txuas tub txib tub khaiv rau koj txib koj khaiv, ncig yeev qab vaj rau qab roob, no laus mog.

Nyob li ntawm luag tus tub txawg coj tub ntse ces luag ncauj txhais nyob mus txawj hais ces luag vam vam koj lub dag coj lub zog tuaj pab tsa cuab tsa yig, khiav nce toj nqes taug, luag ua lawm koj ib los tsaug ces luag yuav hais tawg paj lis zees zoo puav tam tau niam mab niag suav rev paj teeb paj vuam tawg ntsa lis vus tuaj rau tim tsua, los vim luag ncauj zuag nyob mus suab nqua, luag thiaj hais txhij nyob mus seev txhua.

Ho nyob li ntawm peb cov kwv tij txiv tub ces tub u kus tub ruag ncauj tsis zuag suab tsis nqua ces txawm vam vam koj lub dag coj lub zog tuaj pab tsa cuab tsa yig, khiav nce toj nqes taug, peb ua lawm koj ib los tsaug los twb hais tsis muaj qab txawb tsis muaj luag, hais tawb kev neej txoj kev txaj, hais tawb kev tsav txoj kev luag, xwb los thov koj zam lub txim rau peb tsoom kwv tij txiv tub thiab no mog, es muab ib lo lus qhuav qhuav los ua koj ib los tsaug xwb nawb mog.

Hais tag li no ces pe nws xwb nawb mog.

( xaus li no xwb )

11. Tiam tus niam txiv hauv tsev ( tub yuav nyab ).

ua tsaug nawb, niam txiv hauv tsev, neb ua niam ua txiv txoj kev tu tej tub tej ntxhais, ces neb noj txhais lo nti txhais lo, pub hnub thawm hmo, noj txhais hlub nti txhais ntxhub, pub hmo thawm hnub, niam hauv caug ua chaw zaum, caj npab ua chaw khaum, txiv caj npab ua chaw zuag, txiv xub ntiag ua chaw puag, tej me nyuam thiaj hlob tiav niam tiav txiv, tiav hlaub tiav ceg, los tseem txob lub cuab lub yig los rau neb leg. Los vim neb tus plaj kos ntsig tshoob ncig li yeev pem liaj lwg rais los poob, vim neb tus plaj tshoob ntsig kos ncig li yeev pem rhwv mwg rais los txog.

Neb tub hlob li yuj los paub tab, tub thiaj sawv kev lis zees mus coj nyab, los rau neb lub qab plaj xab, tus plaj tshoob ntsig kos ntxhov li nyho los rau neb tej mus quav npab, neb ceeb laj nyob mus leg tshab, los vim yog poj rhawv kev yawm rhawv kab, es thiaj yuav vam khom neb ua niam ua txiv lub dag lub zog nrog pab no laus mog.

Hnub no neb kuj nrauj qav tseg num, nrauj qoob tseg loo lis zus tuaj rau nram roob los pab tsa neb tub lub cuab lub yig ntseg lis log puav tam tus ncej xyoob, tis neej tis tsav rau txoj kev do, tis ntsuab tis ze rau txoj kev coob, kev neej tau txoj kev ntoj kev tsav tau txoj kev thuv, neb tub kuj coj tau nyab rais lis lees los poob.

Mas zoo siab tshaj plaws tsis muaj ib yam dab tsi yuav los pauv tau, tsim nyog peb tsoom kwv tij txiv tub yuav npaj kom tau cuaj phaj yim ntim los rau saum lub rooj ntoo, los tiam lawm neb tus dag tus zog zoo, nrog nco neb tus txiaj tus ntsig ib txhiab niaj kom txog ib puas xyoo.

Tsim nyog peb tsoom kwv tij txiv tub yuav npaj kom tau cuaj phaj cawv tsav yim phaj cawv ntxuag los rau saum lub rooj qiaj, los tiam lawm neb tus dag tus zog nyob mus tsim txiaj, nrog nco neb tus txiaj tus ntsig ib puas xyoo kom txog rau ib txhiab niaj.

Tiam sis yeeb vim peb cov kwv tij txiv tub los ua lub neej tuaj qab tsag, neej zoo tsis xws luag, yam twg los kuj npaj tsis txhij tsis txhua, rooj nqaig rooj hno los kuj tsis raug ntsej raug muag, los vim peb ua lub neej zoo tsis xws luag neej, yam twg thiaj npaj tsis tsheej.

Los vim peb poob teb poob chaw, tuaj qiv luag toj yug yaj, qiv luag tais rau ntxhai, qiv luag vaj nyob, qiv luag tsev zo, thiaj ua lub neej saub kev sis pluag zoo li no, thiaj cuag tsis paub tab lam muab tej qub nqaij qub hno ua ntxuag rau neb noj los thov neb ho zam lub txim loj, lam muab tej qub dej qub cawv ua dej rau neb haus los thov neb ho zam lub txim ntau.

Nyob li hnub qab nram lub ntsis, kaj ntug nag kis, xeeb theeb lwm hnub neb ua niam ua txiv, ho tso noog liaj sib tw yuj noog liaj nyob mus nthuav txuj, noog liaj tsaws lis ntua rau zoov pem laj tus ntsis xyoob, neb ho khom vam tsis txog peb tsoom kwv tij txiv tub los puj sis tseg mog, yog neb ho khom vam txog peb tsoom kwv tij txiv tub los nyaj peb yuav tsis rauj neb tus txiaj tus ntsig yuav tsis tso neb pov tseg, yeej yuav tuaj pab ua neb tus tub tshaj koob, txawm tias tuaj tshaj tsis tau neb lub koob los, neb ho muaj tub muab nyab muaj ntxhais qua dua los peb yeej yuav yeej cuam lis zus tuaj pab neb haus lawm ib lub mus cawv tshoob, txawm haus tsis tau neb tus cawv tshoob los yeej yuav yeej cuam lis zus tuaj nrog neb leg dej leg num ncig yeev tom yias dhau tom thoob, txawm tias leg tsis taus neb dej neb num los yeej yuav yeej cuam lis zus tuaj paj neb ua tub txib tus txuas rau neb txib neb khaiv, ncig yeev qab vaj rau qab roob no laus mog.

Nyob li ntawm luag tus tub txawg coj tub ntse ces luag ncauj txhais nyob mus txawj hais ces luag vam vam neb lub dag coj lub zog pab tsa cuab yig khiav nce toj nqes taug, luag ua lawm neb ib los tsaug ces luag yuav hais tawg paj lis zees zoo puav tam tau niam mab niag suab rev paj teeb paj vuam tawg ntsa lis vus tuaj rau tim tsua, los vim luag ncauj zuag nyob mus suab nqua, luag thiaj hais txhij nyob mus seev txhua.

Ho nyob li ntawm peb cov kwv tij txiv tub ces tub u kus tub ruag ncauj tsis zuag suab tsis nqua ces txawm vam vam neb lub dag coj lub zog pab tsa tej tub lub cuab lub yig khia nce toj nqes taug, peb ua lawm neb ib los tsaug los twb hais tsis muaj qab txawb tsis muaj luag, hais tawb kev neej txoj kev txaj, hais tawb kev tsav txoj kev luag, xwb los thov neb ua niam ua txiv ho zam lub txim rau tej me tub me nyuam thiab peb tsoom kwv tij txiv tub thiab no mog, es muab ib lo lus qhuav qhuav los ua neb ib los tsaug xwb nawb mog.

Hais tag li no ces pe nws xwb nawb mog.

( xaus li no xwb )

12. Tiam tus niam txiv hauv tsev ( Ntxhais yuav txiv ).

ua tsaug nawb, niam txiv hauv tsev, neb ua niam ua txiv txoj kev tu tej tub tej ntxhais, ces neb noj txhais lo nti txhais lo, pub hnub thawm hmo, noj txhais hlub nti txhais ntxhub, pub hmo thawm hnub, niam hauv caug ua chaw zaum, caj npab ua chaw khaum, txiv caj npab ua chaw zuag, txiv xub ntiag ua chaw puag, tej me nyuam thiaj hlob tiav niam tiav txiv, tiav hlaub tiav ceg, los tseem txob lub cuab lub yig los rau neb leg. Los vim neb tus plaj kos ntsig tshoob ncig li yeev pem liaj lwg rais los poob, vim neb tus plaj tshoob ntsig kos ncig li yeev pem rhwv mwg rais los txog.

Neb ntxhais hlob li yuj los paub tab, ntxhais thiaj sawv kev lis zees mus ua luag nyab, tus plaj tshoob ntsig kos thiaj ntxhov li nyho los rau neb tej mus quav npab, neb ceeb laj nyob mus leg tshab, los vim yog poj rhawv kev yawm rhawv kab, es thiaj yuav vam khom neb ua niam ua txiv lub dag lub zog nrog pab no laus mog.

Hnub no neb kuj nrauj qav tseg num, nrauj qoob tseg loo lis zus tuaj rau nram roob neb los pab tsa neb ntxhais lub cuab lub yig ntseg lis log puav tam tus ncej xyoob, tis neej tis tsav rau txoj kev do, tis ntsuab tis ze rau txoj kev coob, kev neej tau txoj kev ntoj kev tsav tau txoj kev tuaj ntaus chaw poob.

Mas zoo siab tshaj plaws tsis muaj ib yam dab tsi yuav los pauv tau, tsim nyog peb tsoom kwv tij txiv tub yuav npaj kom tau cuaj phaj yim ntim los rau saum lub rooj ntoo, los tiam lawm neb tus dag tus zog zoo, nrog nco neb tus txiaj tus ntsig ib txhiab niaj kom txog ib puas xyoo.

Tsim nyog peb tsoom kwv tij txiv tub yuav npaj kom tau cuaj phaj cawv tsav yim phaj cawv ntxuag los rau saum lub rooj qiaj, los tiam lawm neb tus dag tus zog nyob mus tsim txiaj, nrog nco neb tus txiaj tus ntsig ib puas xyoo kom txog rau ib txhiab niaj.

Tiam sis yeeb vim peb cov kwv tij txiv tub los ua lub neej tuaj qab tsag, neej zoo tsis xws luag, yam twg los kuj npaj tsis txhij tsis txhua, rooj nqaig rooj hno los kuj tsis raug ntsej raug muag, los vim peb ua lub neej zoo tsis xws luag neej, yam twg thiaj npaj tsis tsheej.

Los vim peb poob teb poob chaw, tuaj qiv luag toj yug yaj, qiv luag tais rau ntxhai, qiv luag vaj nyob, qiv luag tsev zo, thiaj ua lub neej saub kev sis pluag zoo li no, thiaj cuag tsis paub tab lam muab tej qub nqaij qub hno ua ntxuag rau neb noj los thov neb ho zam lub txim loj, lam muab tej qub dej qub cawv ua dej rau neb haus los thov neb ho zam lub txim ntau.

Nyob li hnub qab nram lub ntsis, kaj ntug nag kis, xeeb theeb lwm hnub neb ua niam ua txiv, ho tso noog liaj sib tw yuj noog liaj nyob mus nthuav txuj, noog liaj tsaws lis ntua rau zoov pem laj tus ntsis xyoob, neb ho khom vam tsis txog peb tsoom kwv tij txiv tub los yog tej ntxhais tej vauv los puj sis tseg mog, yog neb ho khom vam txog peb tsoom kwv tij txiv tub los yog tej ntxhais tej vauv los nyaj peb yuav tsis rauj neb tus txiaj tus ntsig yuav tsis tso neb pov tseg, yeej yuav tuaj pab ua neb tus tub tshaj koob, txawm tias tuaj tshaj tsis tau neb lub koob los, neb ho muaj tub muab nyab muaj ntxhais qua dua los peb yeej yuav yeej cuam lis zus tuaj pab neb haus lawm ib lub mus cawv tshoob, txawm haus tsis tau neb tus cawv tshoob los yeej yuav yeej cuam lis zus tuaj nrog neb leg dej leg num ncig yeev tom yias dhau tom thoob, txawm tias leg tsis taus neb dej neb num los yeej yuav yeej cuam lis zus tuaj paj neb ua tub txib tus txuas rau neb txib neb khaiv, ncig yeev qab vaj rau qab roob no laus mog.

Nyob li ntawm luag tus tub txawg coj tub ntse ces luag ncauj txhais nyob mus txawj hais ces luag vam vam neb lub dag coj lub zog pab tsa cuab yig khiav nce toj nqes taug, luag ua lawm neb ib los tsaug ces luag yuav hais tawg paj lis zees zoo puav tam tau niam mab niag suab rev paj teeb paj vuam tawg ntsa lis vus tuaj rau tim tsua, los vim luag ncauj zuag nyob mus suab nqua, luag thiaj hais txhij nyob mus seev txhua.

Ho nyob li ntawm peb cov kwv tij txiv tub ces tub u kus tub ruag ncauj tsis zuag suab tsis nqua ces txawm vam vam neb lub dag coj lub zog pab tsa tej ntxhais lub cuab lub yig khia nce toj nqes taug, peb ua lawm neb ib los tsaug los twb hais tsis muaj qab txawb tsis muaj luag, hais tawb kev neej txoj kev txaj, hais tawb kev tsav txoj kev luag, xwb los thov neb ua niam ua txiv ho zam lub txim rau tej me tub me nyuam thiab peb tsoom kwv tij txiv tub thiab no mog, es muab ib lo lus qhuav qhuav los ua neb ib los tsaug xwb nawb mog.

Hais tag li no ces pe nws xwb nawb mog.

( xaus li no xwb )

13. tiam poj koob yawm koob ( yuav nyab xwb )

ua tsaug nawb niam txiv poj koob yawm txwv, hnub yuav mus ua tshoob ua kos, tau hu kom nej nrog mus ntis luag ncauj xai ncauj lug, ncauj plaub ncauj ntug.

Nej ua niam ua txiv poj koob yawm txwv kuj nrog mus ua kaus tooj roos ua kaus hlau thaiv kev mus xaus tw tshoob tw kos.

hnub no kuj coj tau tub tau nyab los rau hauv vaj hauv tsev, lawm mas noj los yuav npws hau los yuav npws rau nej tuam cuab sawv daws nrog noj nrog haus, kom tub nyab mus laj fab los tsis ntsib mob mus toob fab los tsis ntsib nkeeg.

Kom tub nyab los tu tub tu kiv kom los puv vaj puv tsev, ua qoob ua loo kom los puv txhab, tu tsiaj los puv nkuaj, khwv nyiaj khwv kub kom los puv nas.

Kom noj tsis tag, txaus ntiav dag, haus tsis txog, txaus ntiav zog, noj kav ib txhiab hauv kav ib txhis, noj tsis kawg qub, haus tsis kawg ntsis, noj kav ib txhis hauv kav ib txhiab, noj tsis kawg qub haus tsis kawg ntsiab.

Kom tub ki vam ntws xws xub ntab, kom neej zoo xws lub neej mab, kom vam ntws xws xub mes, kom neej zoo xws lub neej cev ntag nawb.

Hais tag li no ces pe nws xwb nawb mog.

( xaus li no xwb )

14. tiam ncej dab ncej qhua ( yuav nyab xwb )

ua tsaug nawb niam txiv ncej dab ncej qhua hauv vaj hauv tsev, hnub yuav mus ua tshoob ua kos, tau hu kom nej nrog mus ntis luag ncauj xai ncauj lug, ncauj plaub ncauj ntug.

Nej ua niam ua txiv ncej dab ncej qhua xws li xwm kab los yej, txhiaj meej li pov txhiaj, niam txiv dab roog dab hluas, txos seej los nyaj nyab, tuam tshooj laj lwm tshooj kab, tuam tshooj kab lwm tshooj tswm, loog txwj loog laus kuj nrog mus ua kaus tooj roos ua kaus hlau thaiv kev mus xaus tw tshoob tw kos.

hnub no kuj coj tau tub tau nyab los rau hauv vaj hauv tsev, lawm mas noj los yuav npws hau los yuav npws rau nej tuam cuab sawv daws nrog noj nrog haus, kom tub nyab mus laj fab los tsis ntsib mob mus toob fab los tsis ntsib nkeeg.

Kom tub nyab los tu tub tu kiv kom los puv vaj puv tsev, ua qoob ua loo kom los puv txhab, tu tsiaj los puv nkuaj, khwv nyiaj khwv kub kom los puv nas.

Kom noj tsis tag, txaus ntiav dag, haus tsis txog, txaus ntiav zog, noj kav ib txhiab hauv kav ib txhis, noj tsis kawg qub, haus tsis kawg ntsis, noj kav ib txhis hauv kav ib txhiab, noj tsis kawg qub haus tsis kawg ntsiab.

Kom tub ki vam ntws xws xub ntab, kom neej zoo xws lub neej mab, kom vam ntws xws xub mes, kom neej zoo xws lub neej cev ntag nawb.

Hais tag li no ces pe nws xwb nawb mog.

( xaus li no xwb )

1. Kab tshoob kev kos ntawm tus txheej txheem uas nkauj pom nraug qab, nraug pom nkauj lw mas nws muaj txoj kev mus raws li hauv qab no thiaj yuav yog txoj kab tshoob kev kos ntawm liajlwg thiab rhwv mwg nkawd tus txheej txheem os
Yuav tau qhia rau tus tub uas yuav mus coj nyab ntawd paub txog txoj kev yuav mus coj poj niam, thaum mus txog rau tom tus ntxhais ntawd niam txiv tsev thiab yuav mus coj tus ntxhais uas yus xav tau nws los ua yus tus poj niam ntawd
Yuav tsum coj nws tawm ntawm niam txiv lub qhov rooj txuas xwb coj tsis tau tawm ntawm niam txiv lub qhov rooj tag,
Kev coj nyab los mas muaj ntau yam txwv tsis pub ua raws li nram no kiag li thiaj yuav plhuv rau nkawv lub neej nawb,
1. tsis pub nyab tig rov mus saib niam thiab txiv lub tsev
2. tsis pub tsheb muaj teb meem tom ib tog kev
3. tsis pub coj nyab los ua si tom ib tog kev
4. tsis pub nyab nqa tej niag tsuag khoom nrog nyab los
5. tsis pub nyab nqa nplooj ntsuab ntawm nyab txais tes nrog nyab los
6. tsis pub nyab lov tog khaub tog pas taug kev los
7. tsis pub nyab los zaum ib tog kev es pheej xuas pas khawb hauv av
8. tsis pub nyab ntog thiab dhia mus rau ub rau no
9. tsis pub nyab los es ho hlauv qhov ceg tom ib tog kev
10. tsis pub nyab seev seev taug kev los ua neej li kiag
11. tsis pub coj nyab los nyob puag tim tej phooj ywg tsev tau ob peb hnub es mam coj los yuav, cai ua tsis tau li ntawd
12. thaum los txog tsev lawm tsis pub nyab zaum tej rooj tog hauv tsev ua ntej yuav tsum tau coj nyab mus zaum tom tub lub txaj ua ntej tso mam los zaum qhov twg los thiaj yuav tau
Kev coj nyab los es yuav tsum tau ua kom raws li liaj lwg txoj kab rhwv mwg txoj kev thiab tub nyab yuav tsum tau ua xwb xwb li, mas muaj raws li nram qab no mus
1. nyab yuav tsum qaim tes qho nrog tub los xwb
2. txhua yam yuav tau qhia rau tus nyab ua ntej yus yuav coj nws los
3. nyab yuav tsum tau nco ntsoov cov lus uas tau qhia nyab tag lawm ntawd
4. thaum los txog hauv tus tub lub tsev lawm nyab yuav tsum los zaum hauv tus tub lub txaj ua ntej nyab mam mus zaum tau tom tej tog
5. tus tub yuav tau coj tus nyab mus txog rau tom txaj ces tub yuav tau hais cov lus no ua ntej nkawv yuav zaum hauv tub lub txaj xws nram no ( nov yog kuv lub txaj hos yog koj lub chaw wb tej me plig tub, plig ki, plig nyiaj, plig kub, plig qoob, plig loo, plig tsiaj, plig txu los nyob nov nawb ) tas ces nkawv mam zaum saum txaj tau
nyob rau cov lus no yuav tau qhia rau tus tub los tus uas yuav mus yuav poj niam ntawd kom nws to taub txog txoj kev uas yus yuav mus yuav poj niam tso mam mus coj nyab nawb
Yog thaum yus tsev neeg los yog ib tug kwv tij twg muaj ib tug tub xav yuav poj niam, yog li yuav tau qhia yus tsev neeg los yog tej kwv tij kom es thiab nrhiav kom tau li 2 tug kev txwj laus neeg mus fiv xov raws li txoj kev txoj cai tus txheej txheem kab tshoob kev kos.
Yuav tsum npaj tej khoom yuav siv raws li nram qab no, yog npaj tau yuav tau npaj ib tug lau qaib coj los lwm nkauj nyab, yog tias npaj tsis tau qaib muab 3 tswm xyab los yog ib tug tw taws coj los lwm los tau.

Kev lwm qaib ntawd, Yog thaum coj nkauj nyab los txog lawm kom nkauj nyab thiab tus tub txhob rawm nkag los tsev, yuav tsum los sawv sab nraum qhov rooj tag thiab muab tus lau qaib coj los lwm 4 ncig mus thiab hais li hauv qab no.


Sis laud!!!!!!!! Hnub no kuv lwm no kuv tsis lwm nkauj nyab plig niam plig txiv, plig tub plig kiv, plig nyiaj plig kub, kuv lwm no tsuas lwm nkauj nyab txoj kev nkauj kev nraug , dab peg dab ntxaug, kev plees kev yi dab ntxoog dab tso , xyob txhiaj pem hwv kom poob nthav rov nraum rooj tu nrho rov nraum ntsa, poob nthav rau hluav taws kub, tu nrho rau dej tshoob mus rau lawm zaj qho, ntxeev npho rau ntxeev ntuj nraum ub, kom ntsej tsis hnov muag tsis pom, tsis pub txoj nkauj nyab qab tsis tseev kom taug nkauj nyab lw, luag muaj txig muaj nkawm lawm ,


Thaum hais tag li no ces ho rov lwm 4 ncig rov qab thiab hais li hauv qab no.


Sis Laud!!!!!!! Hnub no kuv lwm no kuv yuav lwm nkauj nyab los rau hauv vaj, rau hauv tsev, zaum no txiv los txiv coj niam, niam los niam coj tub coj kiv, tub los tub coj nyab, nyab los nyab coj plig nyiaj plig kub , plig tsiaj plig txhuv, plig qoob plig loo, coj kev neej kev tsav, plhu nom plhu tswv, rooj ntaub rooj ntawv los nrog tub nyab ua neej ib nqaj kom nto ntuj ib ploog kom nto ntsis niaj txhiab ib txhis kom noj tsis kawg qub haus tsis kawg ntsis no laud.


Thaum koj lwm qaib nkawv tag lawm ces koj tus uas lwm qaib ntawd yuav tsum sawv sab qhov rooj ntawm sab lauj nyob rau sab hauv tsev ces koj muab koj txhais tes sab lauj tuav tus qaib ntawd coj mus tuav sab qhov rooj sab xis ces koj siv koj sab tes xis mus rub tus tub ces kom tus tub tuav tus nyab tes ces nkawv nkag los hauv koj lub qhov tsos los rau hauv tsev xwb.

Thaum tus tub thiab tus nyab nkag los hauv tsev, tus tub yuav tsum coj tus nyab nkag mus lawm tom txaj thiab coj tus nyab mus zaum rau saum tus tub mam rov sawv rau ntawm hauv plag tsev ces mam los pe niam pe txiv yuav tsum muaj ib tug laus qhia tus tub pe. Cov lus hais li hauv qab no
Pe txiv ua ntej,

txiv ov!!! Thov saum koj nawb, hnub no kuv yog ua tub mus coj tau nyab los txog vaj txog tsev, coj tau txoj kab tshoob kev los rau koj txob koj txhawj yuav vam koj tig los nrog pab kuv ua tub kom kub tsheej cuab ntseg yim tsheej yim nyob ntseg neej nawb kuv ov



Pe niam, niam ov!!!!! thov saum koj nawb niam os mog, hnub no Kuv ua tub mus yuav poj yuav sev coj tau nyab los txog vaj txog tsev coj tau txoj kab tshoob kev kos los rau koj txob koj txhawj, thov koj ua niam tig los nrog pab kuv kom kuv tsheej cuab ntseg yim, tsheej yim nyob ntseg neej no laus mog.

tas ces pe niam hlob txiv hlob, pe niam ntxawm txiv ntxawm, pe ib tsoom niam tij tij laug, pe ib tsoom muam yawm yij, pe muam phauj yawg laus, pe niam dab laug txiv dab laug, pe niam tais yawm txiv, pe poj koob yawm koob, pe niam txiv ncej dab ncej qhua,



Pe tus coj tshoob, thov Saum koj ua niam ua txiv coj tshoob coj kos, hnub no kuv ua tub coj tau nyab los txog vaj txog tsev lawm coj tau txoj kab tshoob kev kos los rau koj ua tus coj txob txhawj thov koj tig los pab kuv kom kuv ua tub tsheej cuab ntseg yim tsheej yim nyob ntseg neej no laus mog.


Thaum pe tag li no lawm ces tus tub yuav tau coj nyab mus zaum tom tus tub lub txaj ua ntej li ib pliag lawm mam los zau qhov twg los tau nawb.

Thaum mus txog hauv tus tub lub txaj mas tus tub yuav tau hais li no ua ntej tas mas tus tub thiab tus nyab nkawv mas zau saum txaj nawb.

Koj niam !! ntawm nov yog kuv lub txaj thiab koj lub chaw, me plig tub plig kiv, me plig nyiaj plig kub, plig qoob plig loo, plig tsiaj plig txhuv, los rau zaum txaj saum chaw nawb.

Nkawv mas li zaum saum txaj nawb vim tias kev yuav poj yuav sev no yog kev los ua neej mus ib txhis tsis yog kev ua si mas thiaj qhia li no rau nej sawv daws xwb.

Yog tus nyab los zaum rooj zaum tog ua ntej ces tus nyab pheej tsis tshua nyoo niam pog txiv yawg, luag thiaj kom tus nyab mas thawj zaug nws los yuav tus tub mas yuav tsum kom nws mus zaum tom tus tub lub txaj ua ntej xwb.
Ib txwm li txiaj keeb qauv cim tseg rau tsev neeg Hmoob mas hmo los yogh nub uas coj tau nyab los ntawd thiab thawj pluas mov noj hmo ntawd los yogh nub ntawd mas yuav tsum tau noj nqaij xwb.
Thiaj raws li poj ua tseg yawm ua cia yuav tau tua qaib ua zaub ua mov noj tag nkauj nyab nraug vauv mam mus nrhiav chaw pw.

Nkauj nyab los txog tsev lawm yuav tau nrhiav ib cev khaub ncaws tshiab los rau nkauj nyab hnav kom zoo li poj ua tseg yawm ua cia.

Kev mus thov tus neeg mus qab fi xov thiab coj lub xo mus rau niam thiab txiv nyab neej nus
Tsis tag li ntawv yuav tau thov ob tug ( kev txwj laus neeg) mus fi xov, thiab yuav npaj cov khoom fi xov li hauv qab no .


Kev mus thov ob tug neeg uas pab mus fi xov mas koj yuav tau hais li hauv qab no nawb vim tias kev mus thov yus tej kwv tij xwb los yuav tau hais ib yam nkaus nawb.

Thov koj ua __________ hnub no wb tus tub hu ua __________ mus suab rau Niam thiab txiv ___________ nkawv tus ntxhais hu ua __________los txog vaj txog tsev lawm mas xav thov koj lub dag lub zog mus pab coj lub xo rau niam rau txiv kom niam thiab txiv tsis txhob quaj txhob nrhiav, vim yog wb tus me tub coj los ua neej yaj los kib txoob, nqaj nto ntuj nploog nto ntsis lawm no laus mog.

Ces koj sawv pe luag lawm xwb tas ces yog luag yuav pab koj ces luag yeej teb hais tias luag yeej pab tau koj no hos yog luag tsis kam pab koj ces luag yeej qhia koj paub.

1 txog siv ceeb khi ob lub pob ib tog khi $60.00 yog ntaus txhuv tsis paub faib hno 1 tog khi $20.00 yog ntaus ua lub xo.

Yog tias tus nyab niam thiab txiv muaj niam hlob niam yau, yuav tau npaj $300.00 ua 3 lub qe coj mus rau niam thiab txiv thiab niam yau yog tias ho tsis muaj niam yau ces npaj $200 xwb rau niam thiab txiv xwb.

Npaj $20.00 rau tus tuaj tsawb tshoob. Npaj li ntawm $100.00 to $200.00 cov nyiaj $20.00 tsam ho muaj neeg tuaj coob thiaj tau tus sawv daws npaj li 3-4 pob luam yeeb coj mus tsab rau niam rau txiv, neej nus sawv daws.

Thaum ob tug tub fiv xov mus txog tom niam tais yawm txiv tsev lawm yuav xyuas seb qhov rooj tag nyob qhov twg , yuav tau nug seb niam txiv lub qhov rooj tag yog lub twg . Thaum paub tseeb lawm ua ntej yus yuav nkag mus rau hauv tsev yuav tau nug tias

Lub tsev no puas yog niam thiab txiv hu ua ( _______________ ) lub tsev ne?

Thaum lawv teb hais tias lub tsev no lov yog los mas !! lawm no mam ho rov nug ntxiv li nram no.

niam thiab txiv nej tsev puas caiv os?

Thaum lawv teb hais tias lawv tsis caiv no ces koj ho rov nug hais tias nov puas yog nej lub qhov rooj tag os?
niam thiab txiv lub qhov rooj no puas yog neb lub qhov rooj tag os?

Yog lawv teb hais tias peb tsis caiv os los tsev, no ces yus mam nkag mus hauv tsev.

Thaum nkag mus txog hauv tsev lawm yuav tau hle yus txhais khau thiab pib pe pom niam pom txiv tam sis ntawd kiag lawm ntag yuav tsum nco pe txiv ua ntej tas ces pe niam, pe ib tsoom niam hlob txiv hlob, pe ib tsoom niam ntxawm txiv ntxawm pe ib tsoom muam phauj yawg laus, pe ib tsoom niam dab laug txiv dab laug, pe ib tsoom nus tij nus kwv, pe ib tsoom poj koob yawm koob, pe tus tuaj tsawb tshoob tsawb kos peb niam txiv ncej dab ncej qhua tib si thiaj yuav tsis txhaum luag nawb.

Cov lus pom niam pom txiv ces koj yuav tau hais li hauv qab no thiaj yuav tsis siab luag es luag thiaj yuav nrog koj tham txog ntawm qhov koj mus thoob xo ntawd os nawb.

1. Pe txiv : Txiv ov!!! Hnub no peb tsev hmoob vaj (_______)nkawv tus tub hu li no (________) tuaj coj tau koj tus ntxhais hu ua (_______) no lawm yog li koj ua txiv txhob quaj txhob nrhiav peb coj mus nyob muaj chaw lawm nawb mog.
2. pe niam
3. Pe ib tsoom niam hlob txiv hlob
4. ib tsoom niam ntxawm txiv ntxawm
5. ib tsoom muam phauj yawg laus
6. ib tsoom niam dab laug txiv dab laug
7. ib tsoom nus tij nus kwv
8. ib tsoom poj koob yawm koob
9. tus coj tshoob coj kos
10. niam txiv ncej dab ncej qhua

kev pe ces hais ib yam nkaus li hais rau txiv xwb tsuas yog tuav lawv npe xwb nawb. Thaum pe tag li no lawm ces los mus zaum zoj ib pliag li 2- los yog 3 minutes ces rov sawv mus tsab luam yeeb, thaum ntawd yog tias tsis tau muaj neeg tuaj no ces mus tsab rau txiv 2 tug luam yeeb tag ces tsab ib kab rau niam, ib kab rau txiv, ib kab rau poj koob yawm koob, ib kab rau niam hlob txiv hlob, ib kab rau niam ntxawm txiv ntxawm , ib kab rau muam phauj yawg laus, ib kab rau niam dab laug txiv dab laug, ib kab rau nus tij nus kwv ib kab rau ncej dab ncej qhua, ib kab rau tus coj tshoob coj kos.

Tsab tag nrho cov kab luam yeeb li hais los saum no puav leej muaj rau txiv huv tib si ces tag li ntawd rov muab ib kab rau txiv thiab mam li ntxig nug txiv hais tias.

lus mas yuav hais li no rau koj ua txiv koj zam txoj kev dav rau wb ob tug tub fiv xov thiab laud mog!!!

Luag tej laus piv txoj lus hais tias lub hnub tsis zoo twb lub hli lus tshoob lus tsis zoo twb niam twb txi, koj yog niam yog txiv lawm tsis tsim nyog wb yuav los nug koj lau!! tab sis thov koj txhob xav li cas es koj ho zam txoj kev dav rau wb ob tug tub thoob xo thiab es

Niam txiv tus coj noj coj ua coj tshoob coj kos nyob rau qhov twg yuav vam koj ua txiv ho qhia rau wb ob tug tub thoob xo es wb ho mus raws tuaj,

Hnub no niam thiab txiv ( ______ ) txooj xeem ( ______ ) nkawv tus tub hu ua ( __________ ) tuaj coj tau neb ua niam ua txiv tus ntxhais hu ua (_________ ) mus ua txij ua nkawm no lawm es niam txiv txooj xeem ( ____ ) thiaj thov kom wb tuaj pab thoob lub me xo rau neb ua niam ua txiv no mas yuav vam nws tus uas coj tshoob coj kos tuaj pab txais lub me xo rau neb, no lau mog .

Thaum yus muab lus li no tag rau yawm txiv lawm ces cia seb yawm txiv ho teb li cas, yog nws qhia rau yus los yus mam mus tos nws tuaj , hos yog hais tias nws mam tuaj nws no los yus zaum tos tuaj txog muaj lus dab tsi los mam li tham rau,

yog niam txiv qhia rau yus ces yus yuav tau mus tos tus coj tshoob coj kos, ces thaum yus mus txog rau tod tus coj tshoob tsev ces yus ho yuav hais li hauv qab no rau tus coj tshoob.

Yus mus txog rau ntawm qhov rooj ces yus yuav tau nug tias lub tsev no puas yog tus hu li no lub tsev ne yuad?.

Yog luag teb tias yog no ces yus yuav tau nug saib luag puas caiv?.

Yog luag teb tias luag tsis caiv no ces yus mam nkag mus rau hauv tsev.

Thaum mus txog hauv tus coj tshoob coj kos tsev ces yus yuav tau tsab luam yeeb rau tus coj tshoob coj kos ntawd xws li hauv qab no, tsab ib kab rau niam, ib kab rau txiv, ib kab rau poj koob yawm koob, ib kab rau niam hlob txiv hlob, ib kab rau niam ntxawm txiv ntxawm, ib kab rau muam phauj yawg laus, ib kab rau niam dab laug txiv dab laug, ib kab rau nus tij nus kwv, ib kab rau nus tij nus npaws, ib kab rau ncej dab ncej qhua, ib kab rau nws tus coj coj tshoob coj kos.

Lus mas yuav tham li no rau koj tus ua niam ua txiv coj tshoob coj kos, hnub no wb tuaj ntawm koj no mas yog niam txiv txooj xeem ( _______________ ) nkawv tus me tub npe hu ua ( _________) tuaj suab tau niam thiab txiv ( __________) nkawv tus me ntxhais npe hu ua ( _________ ) no coj mus ua poj ua sev, ua neej yaj los kib txoob nqaj nto ntuj nploog nto ntsis lawm mas yuav vam koj tus ua niam ua txiv coj tshoob coj kos mus pab txais lub xo rau niam rau txiv es kom niam thiab txiv tsis txhob quaj tsis txhob nrhiav no laus mog.

Tas ces pe tus coj tshoob coj kos ob pes
Tas ces seb nws hais li cas xwb, Yog nws hais tias nws mam tuaj no ces yus rov qab los tom niam txiv tsev xwb hos yog nws hais tias nws nrog yus tuaj no yus thiab nws ua kev tuaj rau tom niam txiv tsev xwb.

Thaum tus tsawb tshoob tuaj txog lawm ces muab luam yeeb los tsab rau ib kab rau niam, ib kab rau txiv, ib kab rau poj koob yawm koob, ib kab rau niam hlob txiv hlob, ib kab rau niam ntxawm txiv ntxawm, ib kab rau muam phauj yawg laus, ib kab rau niam dab laug txiv dab laug, ib kab rau nus tij nus kwv ib kab rau ncej dab ncej qhua, ib kab rau tus tsawb tshoob tsawb kos.

Tag nrho cov kab yeeb hais los saum no muab rau tus tuaj tsawb txhoob ib leeg nkaus xwb.

Tag li ntawv lawm ces rov tsab kiag ib kab rau thiab muab txoj siv ceeb coj los cev rau thiab hais rau tias

Lus mas yuav hais li no rau koj tus tsawb tshoob tsawb kos los yog tus coj noj coj ua, hnub no niam txiv txooj xeem (________) tus tub tuaj coj tau niam txiv tus ntxhais hu ua (_____________) no lawm yog li niam txiv txooj xeem ( _____ ) tau thov kom wb tuaj pab thoob lub xo rau niam rau txiv, yog li qhov me no yog txoj me siv ceeb tuaj thoob lub xo rau niam thiab txiv tom no.
.
Tog no yog $60.00 ntaus txhuv tsis paub fab hno rau ib tsoom muam phauj yawg laus, niam dab laug txiv dab laug, niam hlob txiv hlob, niam ntxawm txiv ntxawm , poj koob yawg koob, nus tij nus kwv, nus tij nus npaws, los niam laus niam hluas.

Hos tog tom no yog $20.00 ntaus lub me xo rau niam rau txiv kom niam thiab txiv tsis txhob quaj txhob nrhiav no laus mog.

Thaum hais tag li ntawv lawm ces ho muab kiag $200.00 los cev kiag rau niam txiv tus coj tshoob thiab hais tias

Qhov me no yog tam li ob lub me qe rau niam rau txiv xwb, txawm tias tsis raug ntsej raug muag los thov kom niam txiv txhob xav li cas txhob tu siab no laus mog,

ces ho muab $20.00 coj los cev rau tus tsawb tshoob thiab hais tias.

Qhov me no yog ib kab me yeeb rau koj tus uas tuaj pab txais lub me xo hnub no vam koj tuaj tsawb tshoob tsawb kos los cuag li tsis muaj ib kab zoo luam yeeb rau koj los thov koj tsis txhob tu siab, no laus mog.

Dhau li ntawv lawm ces xyuas seb muaj pes tsawg tus txiv neej tuaj koom nrog tsawb tshoob tsawb kos yuav tsum tus cov txiv neej tuaj hauv ib leeg $20.00. tsis tag li yog muaj cov me nyuam dab laug tsawg tus nyob rau ntawd los yuav tsum tau tus kom txhua.

Qhov me no yog ib kab me yeeb rau ib tsoom niam hlob niam ntxawm txiv ntxawm, los yog nus tij nus kwv txhua tus no laus mog.

Ces thaum koj cob nyiaj tag rau lawm ces sawv rov mus pom niam pom txiv dua ib lwm, pe niam pe txiv thiab rov pe ib lwm kom txhua raws li qhov pe los saum no. thiab hais li hauv qab no.

Pe txiv : Thov txiv Ov !!!! hnub no Niam txiv txooj xeem ( _____ ) tuaj coj tau koj ua niam ua txiv tus ntxhais lawm yog li yuav tsawg koj ib sab tes no nawb mog, koj ua niam ua txiv txhob quaj txhob nrhiav.

Yuav tsum pe kom txhua nrho ib yam nkaus li kab tshoob kev kos, koj pe leej twg los hais ib yam li no xwb.

Thaum ob tug tub thoob xo rov pom niam pom txiv tag lawm ces los zaum zoj ib pliag li 2- los yog 3 feeb ces rov qab tsab ib kab luam yeeb rau tus tsawb tshoob tsawb kos thiab rov tsa ncauj hais li hauv qab no.

Lus mas yuav tham li no ntxiv rau koj ua niam ua txiv ( los yog tus tsawb tshoob tsawb kos ) yuav kom yog txoj kab txoj ke raws li poj ua tseg yawm ua cia ces 3 hnub tom ntej no yuav tau tuaj nrog niam txiv ntsuas dej ntsuas txhuv,

Tab sis ib nyuag ntxig nug rau koj tus coj tshoob coj kos!!! ua li niam thiab txiv los yog nej tsoom kwv tsoom tij puas xyeej rau lub sij hawm twg no los yuav vam koj ho qhia es kom niam txiv tom ub ho paub tuaj nrog niam txiv tom no ntsuas dej ntsuas txhuv, no laus mog.

Ces thaum ntawd cia seb niam thiab txiv lawv ho sab laj li cas no los lawv mam teb rau ob tug tub thoob xo. Thaum niam txiv ho teb hais tias 3 hnub tom ntej no kom niam txiv txooj xeem ( _____ ) tuaj ntsuas dej ntsuas txhuv ntsuas tshoob ntsuas kos no ces mam ho rov hais rau niam txiv hais tias.

Yog li ntawd no ces wb ob tug tub thoob xo mam li coj lus nraim rau niam txiv tom ub nawb, tab sis yuav vam koj nrog hais rau niam rau txiv tom no thiab txog lub sij hawm ntawd no ces kom niam txiv tom no ho tso qav tso num tseg ,

thov niam txiv ho pab nrhiav ob tug laus neeg nyob hauv tsev tos hnub ntawd es niam txiv tom ub yuav tuaj ntsuas dej ntsuas txhuv, ntsuas tshoob ntsuas kos tis neej tsis tsav tis ntsuab tis ze, no laus mog.

Taum hais tag li no lawm ces zaum zoj ib pliag, mam rov tsa ncauj hais ntxiv li no rau niam txiv thiab.

Lus mas yuav tham li no ntxiv rau koj ua niam ua txiv tus tsawb tshoob tsawb kos thiab, yog ho muaj niam txiv neej nus, niam hlob txiv hlob niam ntxawm txiv ntxawm leej twg ho xav paub hais tias niam txiv tus ntxhais mus nyob rau qhov twg no los ho nug rau ntawm tus xov tooj 999-999-9999 thiab chaw nyob li no nawb,

Ces muab xov tooj thiab chaw nyob rau lawv lawm xwb, tag li no ces hais rau niam txiv tias nyob nawb mog!!!

Hais rau niam thiab txiv tias wb. Tuaj xab xeeb niam txiv xwb es wb rov mus tsev lawm muaj dab tsi ntxiv no los peb mam rov sib ntsib dua nawb niam thiab txiv nawb mog.

Ob tug tub thoob xo yuav tsum coj niam txiv neej nus cov lus coj los hais rau niam txiv poj yawm, thiaj li yuav paub mus hais tshoob.

Kev mus thoob xo ces tsuam muaj li no xwb, txhua tus yuav tsum tau coj kom raws li liaj lwg txoj kab tshoob, rhwv mwg txoj kev kos thiaj yuav tsis muaj tej yam teeb meem rau hnub rov mus xaus tshoob xaus kos ntawd xwb.

( Kev fi xov ces nws Xaus li no xwb kev thoob xo )

2. Cov lus khi nkauj nyab thiab nraug vauv tes thaum lub caij hu plig peb tag kis ntawd mas hais li nram no
Kev npaj nyuag txhij toob puaj yam es yuav los hu nkauj nyab plig ces muaj raws li nram no xwb

Nkauj nyab los nyob puv 3 tag kis ces yuav tau npaj ib khub qaib, ib ntig txhuv, ib lub qe los hu nkauj nyab plig, yog yus ua neej tuaj qaum tsag ces phem zoo los yuav tau nrhiav ib tug nyuag npua los hu plig los yeej haj yam zoo.

Thaum hu plig tag lawm ces yuav tau mus thov cov neeg li hauv qab no mus nrog niam tais yawm txiv ntsuas dej ntsuas txhuv

Yuav tsum muaj xov paj los khi nkauj nyab, nraug vauv tes nrog rau tuam mej koob, lwm mej koob, tub phij laj thiab niam txais ntsuab huv tib si kom raws li liaj lwg txoj kab tshoob rhwv mwg txoj kev kos.

Cov lus khi tes rau nkauj nyab thiab nraug vauv ces hais li hauv qab no xwb ho khi tes rau lwm tus mas yuav hais txawv me ntsis lawm thiab os

Hnub no yog hnub dawb hnub no yog hnub huv, hnub no yog hnub tub nyab tau txij tau nkawm, hnub no yog hnub niam txiv tau tub tau nyab, mas peb muaj ib leeg ib txog xov paj dawb tuaj sam tub nyab ntawv txij ntawv nkawm, ntawv nyiaj keeb puaj txwm kom cuaj nplooj sib luag yim nplooj sib txig

Kom tub nyab los ua neej yaj los kib txoob ib nqaj nto ntuj ib nploog nto ntsis, kom los nyob cheb qab plag tsev tiaj ntxuav qab yiag du, ua neej laus dawb hau paug cuag cag dos.

Kom los nyob ntxuav qab yiag du cheb qab plag tsev tiaj, plaub hau dawb paug cuag li xov nyiaj

Tu tub tu kiv kom los puv vaj, ua qoob ua loo kom los puv txhab, khwv nyiaj khwv kub kom los puv hnab, tu tsiaj tu txhuv kom los puv nkuaj,

Kom noj tsis tag txaus ntiav dag, haus tsis txog txaus ntiav zog, noj kav ib txhiab haus kav ib txhis, noj tsis kawg qub haus tsis kawg ntsis, noj kav ib txhis hauv kav ib txhiab, noj tsis kawg qub haus tsis kawg ntsiab, no lau!!

Kev yuav thov neeg pab coj nkauj nyab nraug vauv mus xaus tshoob xaus kos raws li liaj lwg txoj me kab tshob rhwv mwg txoj me kev kos.

Yuav tsum mus thov kom tau ob tug mej koob, ib tug tub phij laj, ib tug niam txais ntsuab, ib tug kwv tij ua tus yuav mus ua niam txiv mus nrog lav tshoob lav kos ntawd kom tiav log xws li nram no.