hmoobleejtub wrote:Hmong ntuj tshiab wrote:15- Tub tshwj xeeb
Tus ntawm no..…………….yog tub tshwj xeeb
Yuav los teeb….……..……kev nyob vam meej
Peb txhua leej………………yuav tau koom tes
Sawv los nres………………peb lub npe hmoob
Txhawb lub koob……………….coj lub moo nto
Txoj kev no………………..yuav tsum koom tes
Sawv los nres…………………..txoj kev coj noj
Koom los coj…………….peb haiv neeg hmoob
Tuav lub koob………………kom nyob nto moo
Ua qauv zoo……………….rau cov ruam kawm
Sib pab cawm………………..lub neej poob qab
Nyob yaj sab………………….tsis tau vam meej
Peb txhua leej…………………..los sib pab qhia
Tsis txhob cia……………..luag tsim peb hmoob
Nyob toj roob………………txoj kev nrhiav noj
Xaiv thawj coj………………….tus uas siab zoo
Sawv los tsoo…………………..tho peb txoj kev
Lub siab ntev…………………..los nrog tuav cai
Kom txhob ntshai…………….txoj kev tsuj caij
Luag txawm laij…………..peb nqis nyob nroog
Peb sib poog…………………….koom ua ib siab
Nrhiav kev tshiab…………los xyaum nrhiav noj
Sib cog soj……………………..kev ua lag luam
Qhia cov ruam………………..kom nrog to taub
Es thiaj paub…………………..nrog luag sib tw
Raws tus lw…………………txoj kev vam meej
Peb thiaj yeej………………txoj kev quab yuam
Luag tsis thuam……………….txog peb leej twg
Nrhiav phooj ywg…………kom nrog muaj coob
Txhawb peb hmoob………txoj kev kawm ntawv
Xyaum nrog lawv…………nrhiav kev vam meej
Coj hmoob neej…….………..nyob rau pem suab
Sib cog qhuab………………peb cov tub ntxhais
Kom tau txais………………..kev kawm qib siab
Los nrog ntiab………………tej mob nkeeg tawm
Thiaj yuav cawm……………...tau kev muaj mob
Peb thiaj nyob……………………noj qab pw sov
Hos peb cov……………………...ua niam ua txiv
Tsis txhob chiv…………………kev ua plaub tug
Yog luag tug…………………los tsis txhob txeeb
Kev thaj yeeb………………..thiaj tshwm sim los
Yuav thov ntos……………….txog cov thawj coj
Txhob lam ntoj……………qhov uas txhaum cai
Uas tsis ntshai………………pheej noj luag nyiaj
Txeeb luag liaj………………..thiab nam luag av
Nws pheej cav……………….tias nws tsis ntshai
Lam yuam cai………………………ua ub ua no
Yuav raug txo…………………nws lub fwj chim
Kev tswm sim………………thiaj tsis muaj ntxiv
Hos cov chiv…………………..ua luam yas mab
Yuav raug cab……………….coj mus kaw nkuaj
Txoj kev quaj………..……….raug mus pw txim
Yuav tsis dim……………….mus txog hnub tuag
Poj ua ntsuag……………...nyob mus lawm xwb
Vim nws twb………………..ua txhaum txoj cai
Yuav tsum ntshai………………..kev cai li choj
Kev nyob noj………………..thiaj pw tsaug zog
Yuav piav txog……………….cov deev luag poj
Saub yuav coj………………..nws tus ntsuj plig
Coj mus khi………………..rau ntuj ceeb tsheej
Thiaj qhia meej…………..….rau nej paub tseeb
Kom nej feeb………………los nrog soj ntsuam
Yog cov ruam …………………thiaj lam ua xwb
Saub yeej twb…………………piav los hais qhia
Nws txoj sia…………………….tuag tsis tu siav
Luag twb nyiav…………….nyob mus ncha tsev
Txham dhuj dhev…….………..zoo li yuav sawv
Yawm saub hlawv……....muab hloov dua tshiab
Plig kub nyhiab……………tag lawm xwb nawb
Yuav thov tshawb……………cov deev luag txiv
Saub yeej chiv…………………mus zoo ib yam
Yeej tsis plam………………..txoj kev raug txim
Raug saub tsim…………..nyob ntuj ceeb tsheej
Thiaj qhia meej……………..rau nej paub tseeb
Kom nej feeb…………………los nrog ceev faj
Tsis txhob daj……………..lawm nawb os mog
Yuav hais txog…………….cov tub ntxhais laib
Saub tsis saib……………..txog nws txoj hmoo
Qhov ua zoo……………..nws pheej tsis nyiam
Ua neeg liam………………nyob tsis muaj tsev
Zoo li dev……………………lam noj pob txha
Lub koob ncha…………..mus thoob teb chaws
Hro pom raws…………………..tua li tej ntsiaj
Tsis tsim txiaj……………………tuag li tej dev
Nyob tom kev…………….mus lawm xwb tiag
Tub sab nyiag……………………yeej zoo li no
Thov nej nco………………..los nrog niam txiv
Xyaum mus chiv………………ua tus qauv zoo
Nyob nto moo……………..thiaj muaj vaj huam
Luag tsis thuam………….txog peb haiv hmoob
Peb lub koob………………..thiaj tsis poob npe
Koom ua ke……………….nyob mus vam meej
Peb thiaj tsheej………………..ib haiv neeg zoo
Nto lub moo………………….rau neeg ntiaj teb
Thiaj muab ntxheb……………kom ua qauv zoo
Tuav lub moo……………….lawm yav tom ntej
Khaw peb tej……………………me teej me tug
Sib coj pug…………………..cia ua puav pheej
Thiaj qhia meej……………..kom nrog koom tes
Sawv los nres………………coj tsob me hmoob
Kev ua tshoob……………….thiab nyob ua kos
Peb yeej ntos………………cia yuav raws xeem
Yuav tsum leem……………kom nyob raws phaj
Thiaj muab tshaj……………kom ua raws txhooj
Kev sib thooj……………………xws poj ua tseg
Yuav tsum leg …….…………raws yawm ua cia
Thiaj paub qhia …….……….lawm yav tom ntej
Hos peb tej……………………kev dab kev qhua
Yuav tsum ua………………kom raws keeb kwm
Txoj kev tshwm…….……….thiaj tsis tshooj xab
Txhob lam npab…….……….raws luag lwm pab
Kev txhaum dab…………….thiaj yuav tsis muaj
Txoj kev quaj……..………….thiaj yuav tsis ntsib
Txhob lam pib ….…………txog qhov kiav xeem
Tsis txhob yeem…….……..qhov pauv dab qhuas
Thiaj muab ntuas….………….kom peb nrog paub
Txoj kev haub…….………..xyaum mus twv txiaj
Coj tej nyiaj……..…….……………mus pov ua si
Zoo xws li…………....………tsis paub khuv xim
Ib me chim……….….……….neej yuav poob qab
Txhob lam npab……………..…ua raws siab nyiam
Neej yuav liam…………………tsis muaj cuab yig
Xav txog lig………………………ceeb laj rov kho
Zoo li no…………………....thiaj muab tshaj tawm
Tsoom tub kawm…………………yog nej dej num
Tsis txhob tshum…………….Hmoob tej nom tswv
Thov txhob twv….………….…….tej kev liam sim
Thiaj tsis nkim…….………………txoj kev ua neej
Thiaj li tsheej………………….…..ib pab neeg zoo
Nyob nto moo………………lug tiag peb Hmoob./.
Xaus li no
Text copyright © by Dee Vang in jun 04 / 2011.
All rights reserved by Hmoob ntuj tshiab kev sau txuj ci.
Please call or writing to Hmoob ntuj tshiab kev sau txuj ci.
for permission of any reproduction. Att: Hmoob ntuj tshiab- kev sau txuj ci,
1167 Thorndale St Green Bay, WI 54304ab yuam cov --------------me hmoob lawv nyuag
tig los vuag -------------------txog kev txhim kho
raws li nco -----------------------lub neej tom qab
nyob yaj sab ----------------------tsis paub dab tsi
hnov luag ntxhi --------------tias yeeb zoo tshuaj
leej twg muaj ---------------------ces zoo ua luam
vim yeej ruam ------------------tsis paub lub txim
yuav raug tsim --------------------yog luag nte tau
haus tsis tsau ---------------------leej twg tau quav
plhu nphob xuav ------------ntsej muag daj tseem
lub peev feem ------------------tsis nrog luag muaj
txob yeeb tshuaj --------------tsis muaj tsoos hnav
pw yeeb lav ----------------tej nyuag khaub ncaws
ntuag ntshua zaws----------------mus ua tsheej kaj
txom nyem tshaj ---------------tsev twg haus yeeb
puas meem xeeb -----------------rau nej txhua leej
tas txiv neej -------------------poj niam sawv daws
peb yuav daws ---------------------li cas thiaj dhau
kom tej yau ----------------txhob xyaum haus yeeb
muab qhov tseeb -----------------coj los tham qhia
kom tig ntsia ---------------------txog lub txim tuag
ev yeeb muag ---------------------tsis zoo tswv yim
yeej tsis dim ----------------------txoj kev mag cuab
kuv thiaj muab ------------------coj los nthuav qhub
hmoob leej tub -------------------------xav hais li no
kom hmoob nco ----------------tseg txhob cog yeeb
thiaj meem xeeb -------------------lub neej tom ntej
kaus quav ntsej -------------------lam tig los mloog
hais tau toog----------------------pob ntseg lawm los
thov txhob nros---------------yuav mloog kom meej
koj tus kheej-------------------cuag tau phem ntawv
tuav plig rawv -------------------lub npe yog hmoob
tau lub koob ------------------tias neeg quav tshuaj
lag luam muaj ---------------------ntau yam mus ua
muab nrauj ncua ------------------txoj kev cog yeeb
tsis txhawj xeeb ----------------txoj kev raug cuab
vim yuav nyuab -------------tsaus ntuj rau hmoob
twg muaj koob --------------luag xuas yeeb pleev
muab zais hneev -----------------ploj tsis muaj lw
muaj tus xyw -------------------pom yeeb yaj kiab
neeg toj siab ---------------------rov cog yeeb tuaj
ntshe yuav nyuaj ---------------ib hnub nram ntej
peb thiab nej ---------------------xav tau zoo koob
lub npe hmoob ----------------kom yog neeg ncaj
ua tsheej thaj ------------------kom yog zoo qoob
me nyuam coob -------------muaj mov txaus noj
nyob koom npoj -----------sawv daws luag ntxhi
neej kaj nrig-------------------kom koob zoo dua
muab nrauj ncua-----------tsis txhob kov lawm
peem kev tawm----------------ua neeg tsim txiaj
neej sawm txhiaj-----------yog neeg mloog hais
noj tsis cais------------------haus yeej tsis ntxub
muaj kev hlub--------------thiaj raws cuag luag
lub neej ntsuag------------------li yuav tsis ntsib
thiaj paub pib------------------txoj kev vam meej
li tsheej cuab----------------mus nyob ntseg yim./.
sib ntsib hauv kev npau suav
Tus ntawm no------------------yog xais phua vaj
yuav los tshaj-------------------ib tsab xov tawm
Lub keej khawm---------------txoj uas kev hlub
Ntuj thaum ub------------------nyob zos dej liab
Pem toj siab------------------nyob koom zej zos
Niaj hmo yos-------------------tuaj nyob sib zov
Sib xa xov--------------------txog txoj kev plees
Hais seev yees-------------------tsis xav tso tseg
Mob tej teg------------------ua plawv yuav nres
Yam tus ntses----------------tau pas dej ntshiab
Nyob kaj siab---------------mus lawm tag hnub
Lawv tsis pub--------------------wb los sib yuav
Cuag ntuj nchuav----------------lub ntiaj teb tig
Av thiaj nkig-------------------dej nyob li nphau
Sib ncaim tau----------nees nkaum tawm xyoo
Koj lub moo----------------------twb ploj zuj zus
Wb tej lus--------------------------uas tau cog cia
Twb mob ntxhia----------------yuav rov qab zoo
Tseg tsis nroo---------------------ua siab tsis nco
Cas nag hmo--------------------ho rov npau suav
Pom koj tuav---------------------kuv ib sab npab
Zaum ib sab-------------------tham txog kev nco
Sim neej no------------------------cas nco ua luaj
Pom koj quaj------------------kua muag ntws sis
Kuv khoov ntshis-------------muab kuv tes tsho
Coj los so----------------------koj cov kua muag
Kuv khawm puag -------------koj rau xub ntiag
Ib me pliag----------------------koj kua muag tu
Hnov koj hu-------------------kuv lub npe hluas
Vaj xais phuas-------------------yog tiag los dag
Zaum no ntag------------------xav kom yog tiag
Kuv tig kiag---------------------los tuav koj plhu
Tsa ncauj hu----------------------hais tias poj kag
Zaum no ntag-----------------tsis yog npau suav
Wb tham dhuav-----------------ces wb mus tsev
Taug tej kev------------------------nce toj qis hav
Ntoo siv lav-------------------tawg paj dawb vog
Noog poog pog-------------ntxais paj zom zaws
Me noog tsaws----------------------rau ub rau no
Wb tig hlo---------------------saib rov pem roob
Pom hav xyoob----------------hav ntoo kaj nrig
Noog nraj yig----------------quaj suab ntas ntua
Hnov cuab npua--------------puag pem peb zos
Suab kab nqos---------------quaj kho siab tshaj
Txiv nqos ntsaj----------------siav kawg kiag li
Wb luag ntxhi---------------------mus de los noj
Kuv saib koj----------------------yeej zoo li qub
Tseem ntxim hlub---------------li ntuj yav dhau
Kuv tseem yau---------nyuam qhuav tiav hluas
Wb tham txuas----------------tsis muaj tsawg lo
Ces wb ho-----------------------nqis mus paj cab
Hnov suab kab-------------quaj saum ntsis ntoo
Cua tuaj loo---------------------ua ntoo rawv tag
Wb tso dag------------------tham luag mob plab
Tau sib thab-----------------------sib zeg tau kev
Pom txiv cev--------------------siav daj pes vog
Wb mus txog------------puag nram roob npoob
Me ntsuag xyoob------------sam leej zom zaws
Wb tshwm plaws----------nram dej cawm siav
De nplooj txhiav------------------los ce dej haus
Sib tham txaus-------------mus txog dej tshuam
Pom noog ntxuam--------------ya taug kwj deg
Hnub tuaj ntseg----------------tshav kub sov so
Tham kev nco----------------yav ntuj nram qab
Taug kev ntxhab------------------tsis tiaj tsis tus
Wb tham lus-------------------ncig mus yuj yeev
Koj txawm seev--------------suab hais lus taum
Wb mus zaum-------------nram tsev cuab ntses
Nkoj tuaj nres--------------hnov cua tuaj ntxiag
Wb tig ntiag--------------------saib rov phu xev
Hmoob ncaws kev----------ntuag toj ntuag pes
Wb sawv nres---------------ntsia pem nab phoo
Pom hav ntoo------------nplooj ntsuab tsaus nti
Wb thiaj li---------------------rov mus nuam yaj
Kho siab tshaj---------------tsis xav ncaim mus
Koj tej lus--------------------tham seev yuj yees
Txog kev plees--------------yav puag thaum ub
Kev sib hlub--------------------nyob zos dej liab
Zoo ntxim siab------------------sib pab ev nplej
Caij kwv dej-------------------tej chaw sib tawb
Hav paj dawb-----------------------fab ti kwj tse
Tim ncauj ke------------------kev ncaim nce toj
Kuv thiab koj------------------mus dob teb zaub
Noog puj daub------------quaj nrov ntsho nrooj
Hmoob tshuab nplooj--------nrov kho siab zim
Sab puag tim--------------------zos tiaj kuj yem
Nyob puag pem------------lawv roob teb npleg
Tshuab tsis tseg-------------nrov kho siab tshaj
Zaub tawg paj---------------ntab muv ntxais zib
Teb kab tsib--------------------nrog koj mus lov
Caij sawv ntxov-----------------wb kuj sib ntsib
Wb rov pib-----------------tham lus tseem tseeb
Lus meej xeeb--------------wb tham khee kawv
Wb mus sawv---------------puag nram chaw so
koj rov hlo------------------tuav rawv kuv npab
Tig rov qab ---------------------los txog ntug zos
Hmoob tuav cos -----------suab nrov doog diaj
Hnov suab tsiaj----------------sib tog zom zaws
Wb tshwm plaws------------ntawm nej tog tsev
Sib tham ntev-----------------tsis xav sib ncaim
Koj nyob nraim------------hauv kuv nruab siab
Cia xyoo tshiab---------------wb mam sib yuav
Kuv quaj zuav-------------------tsis xav rov qab
Koj siab fab---------------------tsis xav sib nrug
Siab kub lug-------------------txoj kev sib tshua
Ob leeg ua -------------------kua muag ntws nto
Sim neej no----------------------sib nco luaj tiag
Quaj kawg kiag----------------vim sib nco dhau
Lawv thiaj tau--------------sawv phov txaj nrov
Kuv thiaj hnov----------------tsim dheev los no
Ua cas ho--------------------yog npau suab xwb
Kua muag twb-----------ntxaum hauv ncoo tag
Hais cuag dag---------------ntub tog hauv ncoo
Nws ntub loo-------------npaum xuas dej tsuag
Rov qi muag-----------------kom npau suav dua
Lawv sawv ua---------------tshais ntxov los noj
Dab ntub ploj---------------mas chim siab dhau
Zaum tsaws npau-------------kho kuv siab tshaj
Lawv tsis ncaj--------------muab koj yuam mus
Wb tej lus--------------------tau hais qhov tseeb
Thiaj khuam xeeb------------ua kua muag nrog
Nco los txog--------------------niaj hnub nim no
Kuv thiaj nco------------------------koj ua luaj li
Hnub thawm hli----------thiaj tshem tsis tawm
Kev txij nkawm--------plam thaum ntawd kiag
Koj tig ntiag----------------mus nrog luag nyob
Kuv siab mob--------------cuag kua txob ntsim
Lub siab chim-------------------mob tag ib tiam
Vim koj niam----------------koj txiv siab phem
Tau rhuav tshem--------------wb txoj hauv kab
Txoj kev tab---------------------lub cuab lub yig
Nws thiaj tig--------------------mus rau lwm tus
Hmoob leej nus-----------------thiaj tsis tau koj
Lub plawv ntoj-----------------ces siav yuav yaj
Nco koj tshaj-------------------nyob rau tiam no
Xyov yuav nco--------------mus txog hnub twg
Me phooj ywg-------------------tus kuv hlub e!!
Es koj ne!! -------------------puas nco kuv thiab
Hmoob dej liab--------------------tus cev tsis loj
Koj niam noj----------------------dab tsi yug koj
Zoo tam zoj----------------me ntxhais nkauj hli
Es thiaj ci--------------------mus thoob ntiaj teb
Ua rau peb------------------------nco mus ib sim
Yeeb yog vim---------------koj yuav txiv lawm
Kev txij nkawm---------------thiaj ncav tsis tau
Nws thiaj dhau-----------------mus ua dab neeg
Muab tham deeg---------------nrog huab cua ya
Li thov xa-------------------------ib tsab xov tuaj
Nrog suab quaj---------------saib koj puas hnov
Neej nram ntxov---------------nyob qub zej zos
Yog yuav tos------------------ntev npaum li cas
Siab khis ras------------------cuag rwj aws ncus
Tham lo lus------------------yeej hais tsis tawm
Kev txij nkawm---------------yog yuav rov pib
Saib puas ntsib-----------------nyob rau tiam ob
Neej pov plob----------------puas nphau rov los
Tej lus ntos-------------------------seev koj tas li
Zais tuag nthi---------------rau hauv nruab siab
Koj tus ntxhiab---------------kuv tseem cim cia
Ntsib mam qhia---------------rau koj lawm xwb
Hais txog wb------------------lub neej pem suab
Thov saub muab----------wb ntawv nyiaj keeb
Los nrog teeb--------------ua ntawv puaj txwm
Tuav keeb kwm-------------kom ho muaj ntxiv
Thiaj tsis chiv-----------------kev mob siab dua
Xws nthwv cua--------nplawm ntuj ntws lawm
Kom hmoov sawm------------wb txhob sib cais
Yog yuav hais--------------yeej tham tsis txhua
Thiaj li ua--------------------npau suav pom koj
Siab ntsws ntoj---------------nco koj heev dhau
Thiaj li tau-----------------muab los tham tawm
Kom plawv nqawm---------siab ntsws ho nqig
Tej tsuj plig---------------------rov los puab cev
Siab ho ntev------------------ua neeg mus ntxiv
Yog yuav chiv------------------npau suav li qub
puas muaj hnub--------------rov tau lawm mog
Tseem xav txog---------------lub neej yav dhau
Wb tseem yau-----------nco npaum nkauj hnub
Ntsib dab ntub-----------tseem tham luag ntxhi
Txiv nraug hli---------------nco koj tshaj plaws
Yog tham ntxaws-----------ces kua muag poob
Me nkauj Hmoob------------tus me ntxim hlub
Nkauj dab ntub------------txiv nraug npau suav
Tham tsis dhuav-----------------ua ke tsis txaus
Hais tsis xaus---------------------tej lus sib hlub
Nkauj dab ntub----------thiab nraug npau suav
Nws puas tshuav------------ib zaug lawm thiab
Hmoob dej liab-----------------tus me neeg zoo
Yog puag loo-----------------mus yeeb yaj kiab
Thiaj zoo siab------------------os me leej muam
Tej lus xuam---------------thov tsis txhob chim
Vim koj dim-------------------mus ua luag nyab
Kuv thiaj npab-------------nyob lwj siab ntsuav
Li noog puav---------------------ua neej dai taw
Tsis muaj chaw------------------li no lawm tiag
Lub xub ntiag-------------------thiaj pw txias to
Seev tag hmo-------------------rau tej npoo txaj
Lub ntuj kaj--------------------los tsis xav sawv
Ntuj yuas lawv--------------------tus me lus zoo
Tsis muaj hmoo-----------------thiaj tsis tau koj
Yog tuag ploj------------------wb puas sib ntsib
Nywj vag ib-----------------nyob rau nruab dab
Tuav koj npab---------------haus paj zaub quag
Rov tau puag----------------nyob kuv xub ntiag
Paj zaub qiag-----------------li kab npauj npaim
Ya nrog nraim---------------------ua ke ywj siab
Mus thawj thiab----------------xeeb rov los dua
Kom txhob tshua-------------koj li lawm tiag./.
( xaus li no )
ab yuam cov ----------me hmoob lawv nyuag
tsis nco zuag --------------txog kev txhim kho
raws li nco --------------------lub neej qub qab
nyob yaj sab ------------------tsis paub dab tsi
hnov luag ntxhi ----------tias yeeb zoo tshuaj
leej twg muaj -----------------ces zoo ua luam
vim yeej ruam --------------tsis paub lub txim
yuav raug tsim ----------------yog luag nte tau
haus tsis tsau ----------------leej twg tau quav
plhu nphob xuav -------ntsej muag daj tseem
vim nws yeem----------------ua neeg quav roj
cuab yees loj---------------haus yeeb ntau tom
lub meej mom-------------tsis nrog luag muaj
txob yeeb tshuaj ---------tsis muaj tsoos hnav
pw yeeb lav---------------ncho cuag hav huab
neej vaub tsuab------------ces caum cuag nws
muaj yeeb txws---------------twj teeb kub lub
pw tas hnub------------------nrog yeeb ua neej
nws tus kheej--------------tsis nrog txhim kho
yeej tsis nco--------------nrhiav kev tsim txiaj
tej me nyiaj----------------------cia ua qab nas
muab muas tas--------------tsis nco khuv xim
tsis tej lim-------------------lub neej kob huam
tej me nyuam-----------------thiab poj tub sev
raug ua qhev-------------nrhiav yeeb rau haus
loj me laus------------------yeej tsis txaj muag
tsuav caum cuag-------------lub yees yeeb loj
mam nrhiav noj---------------mus ua luag zog
hws poob nrog------------tsuav tau yeeb haus
thaum haus txaus------------xav noj qhov qab
ua tub sab--------------------soj nyiag luag tug
thaum luag nrug-----------ces lauj luag lawm
luag txawm tsawm--------------ces cuag li cas
yeej tsis ras----------------txhim kho tus kheej
nws lub neej-----------nyiag pluag xam pluag
pluas me tsuag---------------yeej tsis cev diav
nws tsuas piav-------------hnov yeej qab tshaj
pw saum txaj------------hnub qaig hnub ntseg
tsis nco leg---------------------lub cuab lub yig
yeej tsis tig----------------caum neeg ntiaj teb
hais txog peb-------------cov me neeg Hmoob
lub neej poob---------------qab tshaj luag haiv
vim peb xaiv---------------txoj kev haus yeeb
neej khuam xeeb---------thiaj caum cuag tiag
zoo nraug ntxiag---------muaj lub meej mom
raug yeeb lom---------meej mom mluas mlob
saib yeeb hlob-------------kab yeeb tsim txiaj
neej xyob txhiaj------------qhuas tias zoo qav
muab yeeb txav---------------qhia rau nws saj
tseem ceeb tshaj--------------yog lus lav yeeb
qab phaj teeb-------------yog chaw txais nom
muaj meej mom---------------rub rau yeeb lav
muab yeeb txav-------------nws qhua tias zoo
neeg muaj hmoo-------------thiaj tau yeeb saj
lus teeb phaj---------------yog lus tseem ceeb
hmoob nom teeb-----------------txoj kev li no
raws li nco----------------------tej uas lus tawv
nyob phaj cawv------------yog lus ntshav siab
qhov tseem ntsiab---------peb yog neeg ruam
kev kob huam----------------los yeej tsis paub
thaum muaj plaub----muab yeeb xyuam phaj
nom thiaj maj-------------pab taug teeb meem
vim hmoob yeem-----------------txoj kev li no
raws li nco--------------------lub neej qub qab
nyob yaj sab------------rau Hmoob teb chaws
hmoob sawv daws-------------coj tib tug qauv
tsis hloov pauv------------thiaj raug yeeb tsim
yeeb muab lim---------------ua neej pluag tag
txhua tus mag-------------lub neej txom nyem
rau yeeb lem-------------muab yeeb saib hlob
ua neej nyob-----------------thiaj tau noj tsuag
hnav daim ntuag----khaub nciv khaub ncaws
ntuag ntshua zaws-----------mus ua tsheej kaj
txom nyem tshaj ----------tsev twg haus yeeb
puas meem xeeb ------------rau nej txhua leej
tas txiv neej --------------poj niam sawv daws
peb yuav daws ----------------li cas thiaj dhau
kom tej yau ----------txhob xyaum haus yeeb
muab qhov tseeb ------------coj los tham qhia
kom tig ntsia ---------------txog lub txim tuag
ev yeeb muag ---------------tsis zoo tswv yim
yeej tsis dim ----------------txoj kev mag cuab
kuv thiaj muab -----------coj los nthuav qhub
hmoob leej tub -------------------xav hais li no
kom hmoob nco ---------tseg txhob cog yeeb
thiaj meem xeeb -------------lub neej tom ntej
kaus quav ntsej -------------lam tig los mloog
hais tau toog---------------pob ntseg lawm los
thov txhob nros--------yuav mloog kom meej
koj tus kheej-------------cuag tau phem ntawv
tuav plig rawv ------------lub npe yog hmoob
tau lub koob -------------tias neeg quav tshuaj
lag luam muaj ---------------ntau yam mus ua
muab nrauj ncua ------------txoj kev cog yeeb
tsis txhawj xeeb -----------txoj kev raug cuab
vim yuav nyuab --------tsaus ntuj rau hmoob
twg muaj koob ----------luag xuas yeeb pleev
muab zais hneev -------------ploj tsis muaj lw
muaj tus xyw ---------------pom yeej yaj kiab
neeg toj siab -----------------rov cog yeeb tuaj
ntshe yuav nyuaj -----------ib hnub nram ntej
peb thiab nej -----------------xav tau zoo koob
lub npe hmoob ------------kom yog neeg ncaj
ua tsheej thaj ---------------kom yog zoo qoob
me nyuam coob ----------muaj mov txaus noj
nyob koom npoj -------sawv daws luag ntxhi
neej kaj nrig----------------kom koob zoo dua
muaj nrauj ncua----------tsis txhob kov lawm
peem kev tawm-------------ua neeg tsim txiaj
neej sawm txhiaj--------yog neeg mloog hais
noj tsis cais----------------haus yeej tsis ntxub
muaj kev hlub------------thiaj raws cuag luag
lub neej ntsuag----------------li yuav tsis ntsib
thiaj paub pib---------------txoj kev vam meej
li tsheej cuab-----------mus nyob ntseg yim./.
hmoob tshav ntuj--------------- tej lus kuv sau
ua tsaug rau------------------ qhov nws pab kho
kom peb nco--------------- txhob hais mob nqaij
lawv tsis taij---------------- yus teej yus tug
tuag sawv ntsug------------ los tsuav lawv yeem
lawv fab peem--------------- tsuas haus lawv li
pw tsis nti----------------- los vim lawv nyiam
peb kav liam--------------- tsuas hais qhov zoo
tsis txhob nroo-------------- tias lawv tub sab
txhob hais ntxhab----------- tias lawv yees loj
tsis tau noj-------------- los lawv tsis txhawj
yuav sawb lawj-------------- cuab yeej cuab tam
coj los txam------------------ rau lub lav yeeb
yeej meem xeeb--------------- txawm tag du dais
los txhob cais------------------ ua kev tu siab
lub neej tshiab------------- leej twg quav yeeb
tso khab theeb------------- nom tswv tsis txhib
txawm siab sib--------------- los yeej cuav xwm
tej hauj lwm----------------- uas nom tswv muab
vim yuav nyuab---------- thiaj yeem haus tshuaj
kom nom tuaj------------------- los pw tsis nti
xyoo dhau hli----------------- ces laus zuj zus
muaj zoo lus----------------- los hais tsis tau
hlawv yeeb tsau-------------- lus zoo mam tshwm
ua twj ywm------------------- txuag lawv lub qe
txhob lam nthe--------------- kom lawv tu plawv
hais lus tawv--------------- ces tau yeeb ncuab
kuv thiaj muab----------------- cov lus zas kob
muaj qee sob--------------- yuav tau muab tshem
txhob hais cem--------------- cia peb hais hlub
thiaj li rub---------------- kom lawv nkag siab
tias yeeb iab------------------ nws yog lub zog
yuav los npog------------- txhua yam txhua tsav
kom txawj xav---------------- mab mam tig hloov
yog looj koov-------------- lawv yuav hais pauj
ntxhais zoo nkauj------------ tsis pub yus tham
yuav sav tsam--------------- rau txoj kev hluas
yuav nyob mluas------------- thiab kho kho siab
ces muaj txiab--------------- rau peb sawv daws
tham yaws yaws------------- tsuas qhia lub txim
twg tij lim------------------ mam khaws mus xav
tias yeeb lav----------------- yuav ua kev liam
this yeeb piam------------- rau tej tub ntxhais
yus txawj hais------------ ces lawv txawj mloog
xyaum sib yoog------thiaj nyob sib haum nas lawv.