Home
Hmoob ntuj qub qab wrote:
Hihihhihi...me muam Maypaj e nws txawj tav lauv dhau tij laug luag mob plab tas lawm nas , kwv txhiaj ces yog li nws niam qhia nws mas nws hais tau nkaus li nws niam qhia ntag hos.
Tij laug ces nyuj quaj nyuj twm quaj twm xav npaum li cas los tsis tshwm li nas me muam txawj seev tas lauv e nws mas tsis nkim tij laug qhuas nws tiag li hos hahahaha.
Ntiaj teb ces luag nim tsuas cav tau me paj yeeb ntsha thiaj li tawg tau tshiab, me nkauj Hmmob ces luag tsuas cav me muam maiv paj maiv paj li nws no thiaj li seev paj ntsha lus taum mus tau kho siab.
Ntaij teb ces luag nim tsuas cav tau me paj yeeb dawb thiaj li tawg tau ntsawv, me nkauj Hmoob ces luag tsuas cav me muam maiv paj li nws no thiaj li seev paj ntsha lus taum mus tau kho plawv.
Cas kho me noog qwv qws siab me noog qwv qws quaj tsis muaj sab ces yuav tsis xav mus nrhiav kab, kho nraug laus Hmoob li kuv siab ces nraug laus hmoob tawm rooj plaws seev suab los ua tom ntej tom qab es me muam maiv paj puas yuav pab.
Cas kho me noog qwv qws siab me noog qwv qws quaj tsis nrov ces yuav tsis xav mus nrhiav kab los xo , kho nraug laus Hmoob li kuv siab ces nraug laus hmoob tawm rooj plaws seev suab los ua tom qab rau tom ntej es me muam maiv paj puas hnov.
Tshav tuaj tshav nim ziab tas ib cim me teb nplej , nraug laus hmoob li kuv twb tsis txawj saub los txawj seev es thiaj li ua ciaj ua tuag caum seb puas tau nrog me muam maiv paj tus txawj txuj los txawj ci mus lawm ib ncuas ntej.
Tshav tuaj tshav nim ziab tas ib cim me paj huab ncua , nraug laus hmoob li kuv twb tsis txawj saub los txawj seev es thiaj li ua ciaj ua tuag caum seb puas tau nrog me muam maiv paj tus txawj txuj los txawj ci mus lawm ib ncuas.
Ces yuav zoo laj xeeb tsis txawj xaus , sim cia seb koojziagkabzaug thiab lubpajzoo nkawv puas yuav tuaj nrog wb taug ...hihihihhi
hehehe!... Tijlaug ,koj luag ces twb zoo, muam maiv paj ntshai tsam sau tau tsis muaj txws tsis muaj paus muaj ntsis tij laug tsis xav nyeem xwb od. Kuv tseem tsis tau keej pes tsawg , kuv nyiam sau tej zaj kwv txhiaj luv luv li tijlaug cov coj los kawm ua ntej tso. Sau kwv txhiaj mas yog sau tej zaj ntev ntev ces laj laj nyeem tas, tab txawm yus mus mloog lawv hais hauv tshav pob los yog tej tug hais ntev dhau lawm yus twb ceeb laj mloog lawm thiab, cia peb kawm sau thiab hais tsawg tsawg yuav txaus nyeem tsis txaus, tseem xav nyeem los twb tas lawm mas thiaj nquag tuaj zov hauv no od...haha
" longdesc="61" /> Qab tsua txawm nplooj mus tsawb sua, qaum tsua txawm nplooj mus tsawb liab.... xyoo no zoo niaj los zoo xyoo maiv paj rov ntsib nrhiav tau tijlaug hmoob ntuj qub qab txawj tham txawj qhuas ua rau muam maiv paj muaj muaj siab.
Qab tsua txawm nplooj mus tsawb sua, qaum tsua txawm nplooj mus tsawb txhawv.... xyoo no zoo niaj los zoo xyoo maiv paj rov ntsib nrhiav tau tijlaug hmoob ntuj qub qab txawj tham txawj qhuas ua rau muam maiv paj nim xav xav tuaj sau ntawv.
Kho txiv nyuj twm siab ces txiv nyuj twm hee luj laws tsis xav noj zaub.....yog kho kho tij laug hmoob ntuj qub qab siab no ces tij laug hmoob ntuj qub qab kav tsij tuaj hais paj ntsha lus taum qhia es muam maiv paj thiaj li nrog tij laug paub.
Kho txiv nyuj twm siab ces txiv nyuj twm hee luj laws tsis xav noj zaub lov.....yog kho kho tij laug hmoob ntuj qub qab siab no ces tij laug hmoob ntuj qub qab kav tsij tuaj hais paj ntsha lus taum qhia es muam maiv paj thiaj li nrog tij laug hnov.
Cas nim yuav los kob me nag tshauv nag ntxiaj ntxaum, yuav ntxaum li ntxiav tij laug hmoob ntuj qub qab daim me teb nplej....xyoo no nim zoo niaj mus zoo xyoo es muam maiv paj thiaj li sawv li tsees mus caum tij laug hmoob ntuj qub qab tuaj hais paj ntsha lus taum mus qhia nej.
Cas nim yuav los kob me nag tshauv nag ntxiaj ntxaum, yuav ntxaum li ntxiav tij laug hmoob ntuj qub qab daim me teb nroj....xyoo no nim zoo niaj mus zoo xyoo es muam maiv paj thiaj li sawv li tsees mus caum tij laug hmoob ntuj qub qab tuaj hais paj ntsha lus taum mus qhia koj.
Zoo lub laj xeeb xaus xi lub ntsis tsuag....zoo niaj los zoo xyoo maiv paj thiaj ua tau rau tij laug luag.
