Xovxwm hais nram no tias lub 11 hlis tim 23 thiab 24 xyoo 2015 no muaj ib pab neeg tsis nyiam Tsoomhwv Nplog txoj cai tau sawv los nrog Tsoomhwv cov tub Peebzeej/Thabham sib tua nyob rau lub zos Nab Nyoo, Xeev Xaysomboun los yog sab nroog Moos Cab. Ua ntej li 1 lub lwm tiam ntawd twb muaj neeg los zov kev tua tsheb nyob rau sab Loob Xas qaum pas dej tauv hauv sab Xeev Xaysomboun ib yam nkaus ua rau 1 tug Pejxeem tau tag txoj sia thiab raug mob 6 leej. Hos nyob rau ib lub sijhawm ua ntej 1 lub lwm tiam ntawd los Tsoomhwv ntes tau 1 pab neeg muaj 8 leej thiab muaj phom AK thiab M16 nyob rau nram tus choj loj Mivtabphaj hla rau Thaibteb hauv lub zos Nas Leeb. Pab neeg hais los raug Tub Ceevxwm muab ntes tau coj mus kaw lawm. Dhau li lawm nyob rau sab Xeev Moos Loob/Luang Prabang hauv lub nroog Moung Goy Tsoomhwv Nplog kuj ntes tau ib pab neeg 6 leej uas yog sawv tawm tsam thiab lawv muaj riam phom zoo nrog rau hoobpob huv tib si. Ib tug neeg ntawm pab uas 6 tus hais los ntawd nws yog 1 leej tub ntawm tus Thawj Tub Ceevxwm.
KEV XAV
Lub tebchaws Nplog hais los tej xwmtxheej thiab tus Qauv Coj tsis zoo, noj teb, noj chaw thiab tsimtxom Tsoom Pejxeem nyob rau hauv los tau 40 xyoo no neeg ntiajteb yeej nrog paub txhij thiab hnov txhua lawm. TSIMNYOG kawg kiag thiab TXOG LUB CAI DHAU lawm ua yuav tsum RAUG HLOOV txoj kev coj communist los siv nyob rau hauv lub lub techaws Nplog thiab lub ntiajteb no lawm. Vim tias nyob rau tiam 21 no lub ntiajteb pauv/hloov yuav luag txhua lub tebchaws los coj kev cai Democracy/Ywjpheej thiab Tsoomneeg muaj kev TXAWJ NTSE pom deb tsis zoo li 100 xyoo dhau los lawm. Yog lub tebchaws twg tseem coj txoj kev cai KOOJSAM/communist ces lub techaws ntawd txoj kev kub ntxhov tsuas yuav muaj loj hlob thiab poob qab raws tsis cuag lub ntiajtebc no txoj kev vammeej.
Ib lub tebchaws UA NTEJ TSHAJ yuav vammeej taus yuav tsum yog Tsoom Nomtswv muaj lub zeemmuag zoo, hlub tsoom Pejxeem thiab lub techaws tiagx dhau li lawm sawvdaws mam li los tawm tswv8 thiab koom tes los txhim kho kom raws li SAWVDAWS TEJ KEV NPAUSUAV nyob hauv nws lub tebchaws. Vim tias lub techaws tsis yog KOJ/Nomtswv IB LEEG LI XWB, NWS YOG TAG NRHO TXHUA LEEJ NEEG NYOB HAUV LUB TECHAWS NTAWD LI. Dhaul li lawm txhua yam khoom MUAJ NQIS nyob hauv lub tebchaws yuav tsum yog muab muag coj los TXHIM KHO lub tebchaws li luag cov tebchaws vammeej ua mas thiaj li vammeej taus. Hos yog ua li tus Nomtswv Nplog no coj thiab ua xwb ces lub tebchaws Nplog TSIS YOG VAMMEEJ TUAJ MUS HOS TSUAS MUAJ YUAV TXOMNYEM mus tag ib txhim tsis hais tsawg tiam tom ntej no vim tias TXHUA YAM KHOOM MUAJ NUJNQIS RAUG LUAG LWM HAIVNEEG MUAB NQA TAG mus txhim kho luag lub techaws lawm. Tej khoom muaj nujnqis hais los tsis yog zoo li tej qoob loo koj yuav cog tau thiab txawj hlob tuaj, daim av ntawd TXAWM MUAJ LI CAS CES MUAJ LI NTAWD XWB YOG KOJ SIV TAG CES TAG TSIS MUAJ NTXIV. Yog li no luag tej tebchaws vammeej uas muaj kev txawj ntse nyob li lub techaws U.S.A. thiab lwm lub thiaj li TSIS RHO NWS LI SIV, NWS MUS YUAV LUAG LWM LUB TECHAWS LOS SIV UA NTEJ. Tej no yog luag PAUB TSEG thiab HLUB rau lub tom ntej tej MENYUAM THIAJ LI MUAJ NOJ.
Txoj kev txomnyem twb txaus dhau rau tsoom Neeg nyob hauv Lostsuas lawm TIAMSIS Tsoomhwv Lostsuas thiab cov tebchaws uas tuaj ua tubsab ntawd tseem MUAB TSHUAJ NEES, TSHUAJ VWM nrog rau lwm yam kev phem coj tuaj rau hauv Lostsuas kom ua rau Tsoom Neeg coj mus siv ntxiv thiab. Tej no yog luag tus Neeg Tubsab thiab Tsoomhwv lub Niam Tswv8 los yog luag siv kas moos (political) thiab tseem zoo rau LAG LUAG uake kom ua rau Tsoom Neeg nyob hauv Lostsuas PW TSAUGZOG, LUB NEEJ LIAM TAG KOM THIAJ TSIS POM TSIS PAUB lub ntiajteb no tej kev vammeej mus tag IB SIM NEEJ. Yog li no ziag no peb thiaj li pom tias muaj neeg vwm, neeg phem tua neeg, huab noj huab haus, sib tua tag tsheej tsev vim tej tshuaj no ua rau lawv tsis nco qab txog tias lawv yog leejtwg lawm. Ua neej nyob txoj sia luv heev li, nws tsuas yog zoo li npausuav los nyob ib vuag hauv lub ntiajteb no xwb tsis txhob cia luag muab yus TSIM TAG MUS IB SIM, yuav tsum MUAJ QHOVMUAG saib lub ntiajteb no seb luag ua thiab coj li cas.
Xovxwm tau hauv rfa.org
http://www.rfa.org/lao/daily/politics/laos-authorities-arrested-8-seized-war-weapons-12042015144031.html
Hnub tim 6 lub 12 hlis xyoo 2015 no Nplog nyob Australia sawv tawm tsam tus Thuj Nplog nyob rau Australia ntawm nws qhov chaw ua haujlwm. Nplog tau hais tias lawv xav kom tus Tsoomhwv Nplog uas noj teb noj chaw, xa tej tubki mus ua Niam Ntiav nyob rau Thaibteb thiab muab lub tebchaws Nplog muag los yog tso rau Suav thiab Nyablaj tuaj nyob hauv Lostsuas lntawd kom ciali khiav tawm mus. Tsis xav kom muaj ntxiv lawm los yog tswj lub techaws mus ntxiv lawm.
http://www.rfa.org/lao/daily/politics/lao-australians-protest-lao-embassy-canberra-12062015233133.html
Nram no yog tawm hauv tsev kho mob 103 hauv tuamceeb Viang Chan. Cov duab zoo ib yam tiamsis xovxwm muaj qee yam hais sib txawv.
https://www.facebook.com/photo.php?fbid=966019453456886&set=a.186450674747105.45870.100001465214914&type=3&theater