Tso Plig***

Hmoob ntuj qub qab wrote:Zaj Nug Plig & Foom Plig


A.Npoj Txoos Tsev Tub Tos Plig


Zaj #1: Xa Niam Nkauj Qas Plig Dua Twg Lawm (Txiv Nraug Qas Plig)
Saub vaig es… saub vaig os… ntxuaj yaig tis yua… txum vim Phooj ywg Tub Xa Plig, npuam tag mus lauv tsaws os… Kooj ziag Kab zaug Tub coj Kab, Teej Tug Tub Tuav Npab…
Zoo li niam noog tuag ces_ niam noog tso lawm niam noog tub nyob mus xyaw Nplooj eS_ Ntuj lig mus thaum ntxov ub… Num Plhaub Num Plig nqes tuag tag_ Num Plhaub Num sis Plig tso lawm nws tub coj nws kiv… ua luag Tub ntsoj ntSuag_ nyob ua luag puab Rooj nes…
Niam nas tuag_ niam nas tso lawm niam nas tub_ nyob mus xyaw Av os_ Ntuj lig mus thaum ntxov ub… Num Plhaub Num sis Plhis nqes tuag tas… Num Plhaub Num Plig_ tso lawm nws tub coj nws kiv… uaTub ntsoj ntSuag _ nyob ua luag puab ntSa nes_ Phooj ywg Tub Xa Plig_ npuam tag mus lauv tSaw os!
Zoo li os, Num Plhaub Num Plig ceS_ nyob nqes tuag tag_ tshuav lawm Num Plhaub Num sis Plig_ nws tub… coj nws kiv nyob mus muaj Nyab eS… Num Plhaub Num sis Plig_ tshaj koob lis ntsaws rau lawm_ Num Plhaub Num sis Plig_ nws tub_ coj nws kiv nyob los daws_ nws lub lis kauj-Vab yuas… Num Plhaub Num Plig_ nyob nqes tuag tas_ tshuav lawm Num Plhaub Num sis Plig_ nws tub… coj nws kiv nyob mus muam Se ceS_Num Plhaub Num sis Plhi_ tshaj koob ntau xov lis ntsoov rau lawm_ Num Plhaub Num sis Plig_ nws tub coj nws kiv_ nyob los daws_ nws lub lis kauj-Lev nes… Zoo li os, Num plhaub Num sis Plig_ nws tub coj nws kiv_ yuav mus npaj qoob npaj loo los puv txhab eS_ txhawm tau dej mus tau cawv ces… yuav mus tos_ yuav mus tos ceS_ yuav vam khom kawm neb nkawm_Kooj ziag Kab zaug tub coj kab… teej tug tub tuav Npab_ neb mus tos tau lawm_ Num Plhaub Num sis Plig rau lawm tej yas kab_ li los daws tau lawm_ Num Plhaub Num Plig_ nws lub lis kauj-Vab…
Num Plhaub Num sis Plig_ nws tub coj nws kiv_ yuav mus npaj qoob npaj loo los puv tSev eS_ txhawm tau dej mus tau cawv es…
yuav mus tos_ yuav mus tos ceS_ yuav vam khom neb nkawm_Kooj ziag Kab zaug tub coj kev… teej tug tub tuav Teg_ neb mus tos tau lawm Num Plhaub Num sis Phlig rau lawm tej yas kev eS… li los daws tau lawm Num Plhaub Num sis Plig lub lis kauj-Li ni… Kooj ziag Kab siZaug!
Ntshe lawm_ Num Plhaub Num sis Plig ceS_ los daws nws lub lis kaujVab_ los nyob tau_ niam Nkauj hhnub qaim lis Das_ ua ncauj lis ntsug taS nws yuav rov fib Qab_Num Plhaub Num sis Plig ceS_ los daws nws lub li kaujLiv eS_ los nyob tau_ niam Nkauj hhnub qaim lis De_ ua ncauj lis ntsug taS nws yuav rov fib Kev ni…
Zoo li os_ Npoj txoos tSev Tub Tos Plig_ muab lawm Num Plhaub Num sis Plhi_ lub lis kaujVab_ daws los tso li plhuav rau lawm tej yas kab_ Num Plhaub Num sis Plig_ Nws tub coj nws ki_ yuav vam vam kom neb nkawm_ Kooj ziag Kab zaug tub coj kab… teej tug tub tuav Npab_ neb xa Num Plhaub Num sis Plig nqes rov fib Qab_
Zoo li os_ Npoj txoos tSev Tub Tos Plig_ muab lawm Num Plhaub Num sis Plig_ lub lis kaujLi daws los tso li plhuav rau lawm tej yas keveS… Num Plhaub Num sis Plig_ Nws tub coj nws ki_ yuav vam vam kom neb nkawm_ Kooj ziag Kab zaug tub coj kev… teej tug tub tuav Teg_ neb xa Num Plhaub Num sis Plig nqes rov mus tSev ni... Kooj ziag Kab siZaug!
Zoo li os… neb xa lawm Num Plhaub Num sis Plig mus tso li plhuav tuaj rau nraum TOJ eS neb puas xa Num Plhaub Num sis Plhi mus cuag tau nws Npoj _ yuas Neb xa lawm Num Plhaub Num sis Plig mus txog tim Dawm_ es neb puas xa Num Plhaub Num sis Plig mus cuag tau nws nKawm_ yuas… Kooj ziag Kab siZaug!
Zoo li os_ Num plhaub ceS_ Num Plhaub nyob tsis txawj hais Lub eS_ Num Plig nqes tsis txawj hais Npe_ Npoj txoos tSev Tub Tos Plig_ tSev Tub mus Yeej nCuab_ yuav vam vam kom_Neb Nkawm_ Kooj ziag Kab zaug tub coj kab… teej tug tub Npab… Kooj ziag Kab zaug tub comKe eS… teej tug tub tuav tEg_ neb los hais LUB coj rov tXhais NPE no nas_ Kooj ziag Kab siZaug eS!


Zaj #2: Thov Plig Qoob Plig Loo / Plig Tsiaj Plig Txhu.Sauv vaig es… Sauv vaig om… ntXuam yaig tis yuA… txum vim_ Phooj ywg Tub Xa Plig_ npuam tas mus Lauv tsaws os… Kooj ziag Kab zaug tub coj kab_ teej tug tub tuav Npab eS_
Zoo li os_ Xyoo No_ Npoj txoos tSev Tub Tos Plig_ muab lawm Num Plhaub Num sis Plig_ lub lis kauj-Vab_ los daws tas_ kauj Lev_ nyob nqes daws tXhua… Num Plhaub Num sis Plig_ yuav los mus_ Num Plhaub Num si Plig_ muab lawm nws noob qoob coj lawm noob loo_ faus lis Zog tuaj lawm tej mus qab txhab eS… Peb, Npoj txoos tSev Tub Tos Plig_ nws tub coj nws ki_ ua neej txoos lis yees nyob los, peb haj tseem nrhiav los twb nrhiav tsis pom Qab nes_ Kooj ziag Kab Zaug tub coj kab_ teej tug tub tuav Npab!
Zoo li os_ ntuj txoos los Xyoo No_ Npoj txoos tSev Tub Tos Plig_ muab lawm Num Plhaub Num si Plig_ lub lis kauj-Vab_ los daws tas_ kauj Liv_ nyob nqes daws tXhua… Num Plhaub Num si Plig_ yuav los mus_ Num Plhaub Num si Plig_ muab lawm nws noob tSiaj coj noob tXu_ faus lis ntsoov tuaj lawm nraub Cub-tShau eS_ Peb, Npoj txoos tSev Tub Tos Plig_ nws tub coj nws ki_ ua neej txoos lis yees nyob los peb haj tseem nrhiav los nrhiav twb tsis Tau no nas_ Kooj ziag os Kab zaug tub coj Ke_ teej tug tub tuav Tes!
Zoo li os_ Num Plhaub ceS_ Num Plhaub_ nyob tsis txawj hais LUB eS_ Num Plig nqes tsis txawj hais NPE es_ Npoj txoos tSev Tub Tos Plig_ nws Tub coj nws Ki_ yuav vam, vam kom_Neb nkawm_ Kooj ziag Kab zaug tub coj Kab_ teej tug tub mus tuav Npab… nej yuav los hais LUB coj rov txhais NPE no yuaS_ Kooj ziag os Kab siZaug eS!


Zaj #3: (Niam Nkauj {tXiv nRaug} qoPlig tSeg Puas tau Koob Hmoov Cia)Sauv faig es… Sauv faig om_ ntXuam yaig tis yuA… txum vim_ Phooj ywg Tub Xa Plig_ npuam tas mus Lauv tsaws os… Kooj ziag Kab zaug Tub coj kab_ teej tug tub tuav Npab_Xyoo No_ Npoj txoos tSev Tub Tos Plig_ tSev mus lawm Yeej nCuab_ nws Tub coj nws Ki_ muab lawm Num Plhaub tso tas nRho eS_ Num Plhaub dim lis Plho… Peb muab lawm Num Plig tso tas nrhawv_ Num Plig dim lim pLhawv ni….
Npoj txoos tSev Tub Tos Plig_ nws Tub coj nws Ki_ vam vam kom neb nkawm_ Kooj ziag Kab zaug Tub coj kab_ teej tug tub tuav Npab… neb xa Num Plhaub Num sis Plig nrov fib Qab eS_ Neb xa lawm Num Plhaub Num sis Plig_ txog lawm tej yas kab_ Num Plhaub Num sis Plig_ muab lis tsi rau lawm neb nkawm_ Kooj ziag Kab siZaug_ Tub coj Kab_ teej tug Tub tuav Npab… coj los rau lawm peb_ Npoj txoos tSev Tub Tos Plig_ nws Tub coj nws Ki_ yug ncauj yug lo nyob txoos lis yees tuaj rov tom Qab no es_ Kooj ziag Kab siZaug?
Xyoo No_ Npoj txoos tSev Tub Tos Plig_ peb tSev mus Yeej nCuab_ nws Tub coj nws Ki_ muab lawm Num Plhaub tso tas nRho eS_ Num Plhaub dim li Plho… Peb muab lawm Num Plig tso tas nrhawv Num Plig dim lim Plhawg tag ni…
Npoj txoos tSev Tub Tos Plig_ nws Tub coj nws Ki_ vam vam kom neb nkawm_ Kooj ziag Kab zaug tub comKe_ teej tug tub tuav tEg… neb xa Num Plhaub Num sis Plig rov fib Ke_ Neb xa tau lawm Num Plhaub Num sis Plig_ txog lawm tej yas kev eS_ Num Plhaub Num sis Plig xa tau lis tsi_ lis tsi… rau neb nkawm_ Kooj ziag Kab siZaug_ com los hais qha rau lawm peb_ Npoj txoos tSev Tub Tos Plig_ nws Tub com nws Ki_ yug ncauj yug lo ua neej txoos lis yees nyob tuaj rov tom tSev no es_ Kooj ziag Kab siZaug_ Tub coj kab_ teej tug tub tuav Npab?

Zoo li os_ Num Plhaub ceS_ Num Plhaub nyob tsis txawj hais LUB eS_ Num Plig nqes tsis txawj hais NPE es_ Npoj txoos tSev Tub Tos Plig_ nws Tub coj nws Ki_ vam vam kom neb nkawm_ Kooj ziag Kab siZaug_ neb los hais LuB com rov tXhai Npe no es_ Kooj ziag os Kab siZaug!


Zaj #4: (Thov Plig Nom Plig Tswv)Sauv faig es… Sauv faig om_ ntXuam yaig tis yuA… txum vim_ Phooj ywg Tub Xa Plig_ npuam tas mus Lauv tsaws os… Kooj ziag Kab zaug Tub coj kab_ teej tug tub tuav Npab_
Xyoo No_ Npoj txoos tSev Tub Tos Plig_ tSev mus lawm Yeej nCuab_ nws Tub coj nws Ki_ muab lawm Num Plhaub tso tas nRho_ Num Plhaub dim li Plho… Peb muab lawm Num Plig tso tas nrhawv_ Num Plig dim lim pLhawv ni….
Npoj txoos tSev Tub Tos Plig_ nws Tub coj nws Ki_ vam vam kom neb nkawm_ Kooj ziag Kab zaug Tub coj kab_ Neb xa Num Plhaub Num sis Plig nrog fib Qab_ Neb xa lawm Num Plhaub Num sis Plig_ txog lawm tej yas kab_ Num Plhaub Num sis Plig_ muab lis tsi rau neb nkawm_ Kooj ziag Kab siZaug_ Tub coj Kab_ coj los rau lawm peb_ Npoj txoos tSev Tub Tos Plig_ nws Tub coj nws Ki_ yug ncauj yug lus tus lis yees rov tom Qab…
Npoj txoos tSev Tub Tos Plig_ nws Tub coj nws Ki_ vam vam kom neb nkawm_ Kooj ziag Kab zaug tub comKe_ teej tug tub tuav tEg… neb xa Num Plhaub Num sis Plig rov fib Ke_ Neb xa tau lawm Num Plhaub Num sis Plig_ txog lawm tej yas kev eS_ Num Plhaub Num sis Plig_ muab lis tsi_ lis tsi… rau neb nkawm_ Kooj ziag Kab siZaug_ com los hais qha rau lawm peb_ Npoj txoos tSev Tub Tos Plig_ nws Tub com nws Ki_ yug ncauj yug lus tus lis yees rov tom tSev no es_ Kooj ziag Kab siZaug?
Zoo li oS_ Num Plhaub Num sis Plig_ yuav los mus_ Num Plhaub Num sis Plig tseg tau lawm_ nws qaib ntSuag nyob eS_ me qaib ntSuag puas yuav hlob los ciaj taus Lau oS… Tshuav lawm_ Num Plhaub Num sis Plig_ nws tub coj nws kiv… nyob eS_ puas yuav sawv los ciaj tau luag tus xeev-Laug no ni_ Kooj ziag Kab siZaug?
Zoo li oS_ Num Plhaub Num sis PligS_ yuav los mus_ Num Plhaub Num sis Plig tseg tau lawm_ nws me nyuj ntSuag cia eS… nyuj ntSuag puas yuav… hlob los ciaj Pwg es… Tshuav lawm_ Num Plhaub Num sis Plig_ nws tub coj nws kiv nyob eS_ puas yuav sawv los ciaj taus luag tus xeev-tXwj no oS… Kooj ziag Kab siZaug_ Npuam tas mus lauv tsaws eS!
Zoo li os_ Num Plhaub ceS_ Num Plhaub nyob tsis txawj hais LUB_ Num Plig nqes tsis txawj hais NPE es_ Npoj txoos tSev Tub Tos Plig_ nws Tub coj nws Ki_ vam vam kom neb nkawm_ Kooj ziag Kab siZaug_ neb los hais LuB com rov tXhai Npe no es_ Kooj ziag os Kab siZaug!


B. Kooj ziag Kab siZaug {Cov Zaaj Qhuab Qha}


Zaj #1: {Xa Tau Nkauj Plig Rov Mus Tsev}Sauv faig es… Sauv faig om_ ntXuam yaig tis yuA… txum vim_ Npoj txoos tSev Tub Tos Plig_ Tub tSeg lawm Yeej nCuab!
Zoo li… oS_ Npoj txoos tSev Tub mus Tos Plig_ Tub tsev lawm Yeej Ncuab:
o Nej mus npaj qoob npaj loo los puv txhab_ txhawm tau dej tau cawv es_ Nej ua tau lawm ncuav Nplej ncuav Nplaum tuaj rau nraub vab, Nej mus tos tau lawm_ Num Plhaub Num sis Plig_ los daws tau lawm nws lub lis kauj Vab tag yuas…
o Nej mus npaj qoob npaj loo los puv tsev es, txhawm tau dej tau cawv es, nej ua tau lawm ncuav Nplej ncuav Nplaum tej lub ntev es, nej mus tos tau lawm Num Plhaub Num sis Plig rov los daws tau lawm nws lub lis kauj Lev tag es… Npoj txoos tSev Tub Tos Plig!
Zoo li os_ Num Plhaub Num sis Plig ces nws los daws nws li Kauj-Vab, los nyob tau niam Nkauj Hnub qaij lis yees tus tshav Ntab_ nws ua ncauj lis zus yuav rov fib Qab_ Num Plhaub Num si Plig ceS_ los daws nws lub li Kauj-Lev eS_ los nyob tau_ niam Nkauj Hnub qaij sis yees tus duab tshav Ntev… Num Plhaub Num sis Plig ceS ua ncauj lis zus taS… nws yuav rov fib Ke es_Zoo li oS_ nej vam vam kom:
o Wb nkawm_ Kooj ziag Kab zaug tub coj kab_ teej tug tub tuav Npab… wb coj lawm Num Plhaub Num sis Plig Kab… Wb xa tau lawm Num Plhaub Num si Plig nrog rov fib Qab_
o Wb nkawm_ Kooj ziag Kab zaug tub coj Ke_ teej tug tub tuav Teg_ wb coj tau lawm Num Plhaub Num Plig Kev eS_ Wb xa tau lawm Num Plhaub Num si Plig nrog rov fib tSev lawm no ni_ Npoj txoos tSev Tub Tos Plig_ Tub tSeg lawm Yeej nCuab!
Zoo li oS_ wb nkawm_ Kooj ziag Kab zaug_ tub coj kab_ teej tug tub tuav Npab… wb xa tau lawm Num Plhaub Num si Plig_ mus dlhau li plawg tuaj rau nraus TOJ es_ Tsis yog wb com nws mus tua Noj oS_ yog wb coj nws kab tuav nws npab_ xa tau lawm Num Plhaub Num sis Plig mus cob li nkaus rov rau nws Npoj lawm no oS_Wb nkawm_ Kooj ziag Kaagzaug_ tub coj Ke… teej tug tub tuav Tes_ wb ces wb coj lawm Num Plhaub Num sis Plig kev ces_ tuav nws tes_ wb xa tau lawm Num Plhaub Num si Plig_ mus dhau lis plaws tuaj rau nraum Dawm_ wb coj tau lawm Num Plhaub Num si Plig mus cuag tau nws txij_ cob li nkaus rov rau nws Nkawm lawm no lau_ Npoj txoos tSev Tub To Plig!


Zaj #2: {Nkauj Plig Xa Plig Qoob Plig Loo Rov}.Sauv faig es… Sauv faig om_ ntXuam yaig tis yua… txum vim_ Npoj txoos tSev Tub Tos Plig_ Tub tSeg lawm Yeej nCuab!
Zoo li oS… Xyoo No_ nej muab lawm Num Plhaub Num sis Plig_ lub kauj-Vab_ tso tas nRho_ kauj-Le_ daws los plam lawm tej sis Plaws_Nej vam vam kom… wb nkawm_ Kooj ziag Kab zaug_ Tub coj Kab_ teej tug Tub tuav Npab_ wb xa Num Plhaub Num sis Plig rov fib Qab… Wb xa… wb xa tau lawm Num Plhaub Num sis Plig_ mus cuag tau nws pom es_ cob li nkaus rov rau nws Yawg lawm no lau_ Npoj txoos tSev Tub Tos Plig!
Zoo li os_ Num Plhaub Num sis Plig ceS_ nws tsis muab lis tsi es_ Num Plhaub Num sis Plig_ nws muab xov lis ntsees rau lawm wb nkawm_ Kooj ziag Kab zaug_ Tub Coj Xo_Wb coj los rau_ Npoj txoos tSev Tub Tos Plig_ nws tub coj nws ki ceS_ cia wb ua zoo coj los kom txog no yuaS_ Npoj txoos tSev Tub Tos Plig!
Num Plhaub Num si Plig ceS_ nws tsis muaj lis tsi kom_ Num Plhaub Num si Plig… tseg zoo lawm_ Noob Qoob coj Noob Loo_ cia li nkaus tuaj rau nruab Txhab es_ Npoj txoos tSev Tub Tos Plig_ nej ua neej txoos lis yees nyob tom Qab ceS_ nej yuav nco lis ntsoov mus Saib ni… Nej ua neej tus lis yees nyob_ Npoj txoos tSev Tub Tos Plig_ nws Tub coj nws Ki_ nej thiaj li yuav tsis tau txais lawm txoj mus kev Tshaib no es_ Npoj txoos tSev Tub Tos Plig!
Num Plhaub Num sis Plig ceS_ nws tsis muaj lis tsi es_ Num Plhaub Num si Plig… tseg zoo lawm_ Noob tsiaj coj noob txhu_ kaw li nkaus tuaj rau nraum nkuaj eS_ Npoj txoos tSev Tub Tos Plig_ nej ua neej txoos lis yees nyob tuaj tom Qab ces_ nej yuav nco lis ntsoov mus saib mus tu lawm plhws lis ntShis_ Nej uam neej txoos lis yees nyob_ nej thiaj li yuav tsis tau txais lawm txoj kev tshaib coj mus kev Nqhis no yuas_ Npoj txoos tSev Tub mus Tos Plig eS!


Zaj #3: {Nco Teev Tiam Poj Koob Yawm Txwv, / Xeeb Tub Xee Ki Sawv Huaj Vam Ciaj Hwv}Sauv faig es… Sauv faig om_ ntXuam yaig tis yuA_ txum vim_ Npoj txoos tSev Tub Tos Plig_ Tub tSeg lawm Yeej nCuab!
Xyoo no_ nej muab lawm_ Num Plhaub tso tas nrho… Num Plhaub dim lis Plho_ Nej muab lawm Num Plig tso tas nrhawv… Num Plig dim lis plhawv ni…
Zoo li os_ Num Plhaub Num sis Plig ces_ txia lis ntshis ua lawm kab Npauj_ Kab Xiv Xi es_ ya lawm pluj plaws mus tsaws lis plhuav tau lawm daim_ Nplooj Nplaig_ Num Plhaub Num sis plig ceS_ tsis muaj lis tsi es_ nws tsuas xa xov li ntsoov rau lawm_ Npoj txoos tSev Tub Tos Plig_ nws Tub coj nws Ki_ nej ua neej tus lis yees nyob ceS_ noj lawm niam pluag tSuag_ tsis txog lawm txij twg, noj lawm ib pluag Qab… haus dej haus cawv nCha ceS_ nej nco lawm Num Plhaub Num sis Plig_ nej yuav nco lis ntsoov los Laig no ni… Npoj txoos tSev Tub Tos Plig!
Zoo li os_ Num Plhaub Num Plig ceS_ txia lis ntshis ua lawm_ Kab Npauj_ Kab Xiv Xi eS_ yaa lawm pluj plaws mus tsaws lis plhuav tau lawm daim nplooj txhiav es_ Num Plhaub Num sis Plig ceS_ tsis xa lis tsi oS_ nws xa xov lis ntsoov los rau lawm_ Npoj txoos tSev Tub Tos Plig_ nws Tub coj nws Ki_ nej ua neej tus lis yees nyob ceS_ noj lawm niam ib pluag tSuag_ tsis txog lawm txim twg yuas_ noj lawm niam ib pluag Qab_ noj nqaig_ noj hno ces… haus dej haus Cawv dav ceS_ nej yuav nco lis ntsoov los qaij lawm_ Num Plhaub Num sis Plig_ niam mus ib Dia eS_ ntShe lawm _Num Plhaub Num si Plig ceS_ noj tsis taus los_ nws twb yuav hnia lawm tus pa coj mus mus yug Siav lawm no yuaS_ Npoj txoos tSev Tub Tos Plig!
Num Plhaub Num si Plig ces_ txia lis ntshis ua lawm_ Kab Npliaj Liag_ Kab Xiv Xi eS_ ya lawm pluj plaws mus tsaws tau lawm nws 3-txheej 3-tis li txwv zeej los txwv koob… hauv muag ntxa eS_ Maj mam luj lim thaum twg_ Num Plhaub Num sis Plig_ li rov los nrog nws Tub coj nws Ki_ yuav tas lawm niam ib tug nyuj mus kub Nta no ni…
Num Plhaub Num si Plig ceS_ txia lis ntshis tau lawm_ Kab Npliaj Liag_ Kab Xiv Xi eS_ ya lawm pluj plaws mus tsaws lis nkaus tau lawm nws 3-txheej 3-tis li txwv zeej os txwv koob_ hauv muag tse es_ Maj mam luj lim thaum twg_ Num Plhaub Num sis Plig_ li rov los nrog nws Tub coj nws Ki_ yuav tas lawm niam ib tug nyuj mus kub Nte no es_ Npoj txoos tSev Tub Tos Plig!
Zoo li oS… Num Plhaub Num sis Plig ceS_ nws tseg zoo tug tXiv Pwj Nyug_ tuaj nraum Nkuaj eS_ Npoj txoos tSev Tub Tos Plig_ nej ua neej txoos lis yees nyob ceS_ nej maj mam ua zoo Tu… muaj lawm niam mus ib hnub twg_ tus tXiv Pwj Nyug yuav hlob lawm zuj zus los sawv mus Kub nKhaus_Tshuav lawm_ Npoj txoos tSev Tub Tos Plig_ Tub tSev lawm Yeej nCuab_ Tub ntsoj qas ntsuag nyob ceS… Tub tseg lawm ntsoj qas ntsuag_ muaj lawm niam ibhnub twg… Tub ntsuag yuav hlob lawm zum qas zus los ciaj nyog luag tus xeev txwj eS_ sawv tau los ua luag xeeb-Laug lawm no es_ Npoj txoos tSev Tub Tos Plig!
Zoo li oS… Num Plhaub Num sis Plig ceS_ nws tseg zoo tug txiv Pwj Nyug_ tuaj rau nraum vaj_ Npoj txoos tSev Tub Tos Plig_ nej ua neem txoos lis yees nyob ces_ nej maj mam ua zoo Tu… muaj lawm niam mus ib hnub twg_ tug txiv li pwj nyug yuav hlob lawm zuj zus los ciaj pwg eS_ nyob nqes los sawv Hee es_ Tshuav lawm_ Npoj txoos tSev Tub Tos Plig_ Tub tSeg lawm Yeej nCuab_ Tub tSeg ntsoj qas ntsuag nyob ces… Tub tseg lawm ntsoj qas ntsuag_ muaj lawm niam ibhnub twg_ Tub ntsuag yuav hlob lawm zuj zus los ciaj lawm luag tug XeevTxwj ces_ yuav sawv tau los mus zoo lawm niam ib yig NEEG lawm no lauS_ Npoj txoos tSev Tub Tos Plig!

hluasnraughmoob wrote:

yog tias muaj hais xim plig hais los ntawm xwbfwb vaj vammeej

1. hais zoo li e...txog siav tuaj lawm na nej niag lawv laus, laj lig los rov tim fab kev neej los kev tsav. puav pheej lees txiv nraug teej plig ces ceeb qaij qaug li yeev los lawm (ntxub/lem) tsaus ntuj li zus los hmo no puav pheej lees txiv nraug teej plig ces haj tseem sawv ruj raim teej lag tub hais xaiv wb tus nplaim (txhuv/dej) nas nej niag lawv laus

2. puav pheej lees txiv nraug teej plig ces ceeb qaij qaug li yeev los puag (niaj/xyoo) puav pheej lees txiv nraug teej plig cev cwj yas qas txha thiaj li mus pw li ko ntiaj teb tus me cag (liaj/ntoo) nas

3. puav pheej lees txiv nraug teej plig ces ceev qaij qaug li yeev los puag (niaj/xyoo) puav pheej lees txiv nraug teej plig twb tos tam ntiaj teb tos qas tsi, tam ntiaj teb tos tau lub ntuj tshiab los 3 hlis xia, yuav tos tau caj sub los hlav lawm caj sub, caj sub luag luaj lus mus twb li nkaus rau caj nqeeb, caj nqeeb twb laug luaj lus mus twb li nkaus rau puav pheej lees txiv nraug teej plig tus txha (nyiaj/kub) twb nkig tag tej sib li (nkuav/nkub) ces puav pheej lees txic nraug teej plig li tsim li dheev niaj dab tus npau (suav/ntub) nas

4. puav pheej lees txiv nraug teej plig twb tias ua neej los nyob tsis ciaj neeg, tuag nyob tsis ciaj dab, puav pheej lees txiv nraug teej plig me qaij ces twb xau tas, txhav xau txhua, puav pheej lees txiv nraug teej plig seev li yees tias yuav mus thawj (thiaj/xeeb) lawm niaj tus dab (nrag/teb) thiaj li muab lub toj roob los hauv pes mus (siv tw hla/sib laug nce) puav pheej lees txiv nraug teem pliag li xav zoj tias tsuav lawm puav pheej lees txiv nraug teem plig lub mus kauj (vab/leg) rau lub niag ntiaj (nrag/teb) nas

5. xyoo no txiaj lag tub lig twv oj (qab los nyob zoo/noj zoo los nyob qab) puav pheej lees txiv nraug teej plig li los yuj tag lawm txiaj lag tuv lig yuav ntaus tau niaj dab ntub tus npau suav tuaj ntawm (ncoo/lav) na

6. zaum no txiaj lag tub lig thiaj li sawv li tsees hais rau txiaj lag mog mim tias, txiaj lag mog mim ua cas xyoo no txiaj lag tub lig twb noj (qab los nyob zoo/zoo los nyob qab) los txiaj lag tub lig yuav ntaus tau niaj dab ntub tus npau suav tuaj ntawm (ncoo/lav) nas

7. zaum no txiaj laj mog mim twb xav zoj los lub siab txhooj nrog tsis tseev, txiaj lag mog mim li hais rau txiaj lag tub lig tias, txiaj lag tub lig koj mus ntoj lawm tooj yaig siv yig neeb.
*zaum no txiaj lag tub lig mus ntoj lawm tooj yaig los si yig neeb, tooj yaig siv yig neeb li tuaj txog li ntua, li tuaj ncoj neeb li (thawv/tho) tooj yaig siv yig neeb twb tias nyuj dab los tsis pom pua tai los tsis tawm twb yog nqia li tsees rau puav pheej lees tsiv nraug teej plig lub mus kauj (vab/leg) tsis tau (daws/tso) nas

8. zaum no txiaj lag tub lig li hais rau tooj yaig siv yig neeb tias koj hais rau puav pheej lees txiv nraug teej plig tias poo xav ces twb raug tsis muaj hos poo cawv raug tsis tau es kom puav pheej lees txiv nraug teej plig ua niaj siab nyob puag niaj hos ua siab ntev nyob puag xyoo tos lawm txiaj lag tub lig ua tau tus poo xav qab zib liaj xws zib (ntab/mes) li mus tos puav pheej lees txiv nraug teej pig los daws nws lus niag kuaj (vab/leg) nas

9. zaum no txiaj lag tub lig li ua poo xab niaj 3 hnub ziab li nkaus tuaj rau saum (nthab/tsev) poo xab qab zib li liaj xws ziab (ntab/mes) ces txiaj lag tub lig li mus tos lawm puav pheej lees txiv nraug teej plig los daws lawm nws lub mus kauj (vab/leg) na

10. zaum no poo xab tuaj nrog raug tau hos poo cawv tuaj nrog raug muaj lawm mog, noob qoob tuaj nrog raug tsis muaj, noob loo txhooj raug tsis tau na.
*zaum no txiaj lag tub lig li tos lawm lub ntuj tshiab los 3 hlis xiab, li muab tus noob (qoob/loo) nrom li nroos tuaj rau nruab (teb/av) lub 12 hlis ntuj tuaj ces tus noob qoob thiaj li daj li tsees los puv lawm qhov (zeb/cav) txiaj lag tub lig thiaj li mus sau tus noob (qoob/loo) coj los mus puv (tsev/txhab) nas

11. zaum no txiaj lag mog mim li muab lawm noob (qoob/loo) rom li nroos tuaj rau nruab (tsu/phiab) muab noob (qoob/loos) coj mus cub (siav kuv/ siav) txiaj lag mog mim li hais rau txiaj lag tub lig tias, txiaj lag tub lig koj yuav muab leej twg los nrog koj mus tuav ncuav nas, txiaj lag tub lig li tias, kuv li mus thov lawm txiaj lag tub kwv los tub tij tuaj nrog tuav ncuav, txiaj lag tub lig li hais rau txiaj lag mog mim tias, txiaj lag mog mim koj yuav muab lawm leej twg nrog koj lawm koj los mus qaws ncuav nas, txiaj lag mog mim li tias kuv li mus thov lawm kuv viv coj kuv ncaus tuaj nrog qaws ncuav nas, txiaj lag mog mim li los qaws ncuav li zus tuaj rau nruab (vab/lev) thiaj tau lub ncuav nplej tej niag (ncab/ntev) zaum no thiaj li tau mus tos lawm puav pheej lees txiv nraug teej plig los daws lawm nws lub niag kauj (vab/leg) nas

12. zaum no noob qoob twb tuaj nrog raug muaj, noob loo twb tuaj nrog rau tau, noob maj ces nrog raug tsis muaj hos noob ntuag tuaj nrog raug tsis tau, puav pheej lees txiv nraug teej plig ces nyob cuas luas rau tej mus hauv (qab/kev) puav pheej lees txiv nraug teej plig twb tsis los daws nws lub niag kauj (vab/leg) nas

13. zaum no txiaj lag mog mim tos lub ntuj tshiab los 3 hlis xiab, li muab tus noob (maj/ntuag) rom li nroos tuaj rau nruab (teb/av) lub 12 hlis tuaj ces tus noob (maj/ntuag) thiaj li hlob mos nyuj nyoos los puv (zeb/cav) tus noob (maj/ntuag) nyob mus yiag (ntev/ncaj) tus noob (maj/ntuag) thiaj nyob los tsis nrhau (ceg/cag) na

14. zaum no txiaj lag mog mim li tej lauj caum rab liag laum nas caum rab riag mus muab tus noob (maj/ntuag) txiav li nrawv muab tus noob (maj/ntuag) ziab li zog tuaj rau saum (cub/tshuab) tus noob (maj/ntuag) ces twb nkig noob (maj/ntuag) lawm tej niag sib li (nkub/nkuav) nas

15. zaum no txiaj lag mog mim li hais rau txiaj lag tub lig tias, txiaj lag tub lig ntuj nrim teb tag hmo los tav no es sawv mog, sawv li tsees yuav los muab tus noob (maj/ntuag) tswj li zog tuaj ntawm (npab/tes) tsam lub caij nyoog ti hnub nyoog txog, tsam puav pheej lees txib nraug teej plig nyob cuas (qab/kev) puav pheej lees txiv nraug teeb plig twb tsis los daws nws lub mus kauj (vab/leg) nas

16. zaum no noob maj ces twb tuaj nrog rau muaj hos noob ntuag tuaj twb nrog rau tau, hneev nta tuaj raug tsis muaj hos hneev taub tuaj raug tsis tau, txiaj lag tub lig li teg laum caum rab riam laum nas caum rab taus li ncig li yeev mus ntov lawm tus ntoo (pej/tob) mus ntov li to tus ntoo (pej/tob) li qaug li npho, thiaj li txiav li zog tus ntoo (paj/tob) niaj ob tog (rau/plam) thiaj li muab txws li zog los ua tau lawm (rab hneev taub/hneev taub nta) nas

17. zaum no hneev taub thiaj li nyob raug muaj hos hneev nta tuaj raug tau nas, nshe yas teev tuaj nraug tsis muaj yas txhiav tuaj nrog raug tsis tau, txhiaj lag tub lig li teg laum caum rab riag, laum nas caum rab ntaj li ncig li yeev mus txiav li nrawv tus yas (teev/txhia) tuaj lawm niaj 2 (phab/tog tseg) li coj los phua li phlawv tuaj rau nruab nrab ua li laws 2 (sab/deg) thiaj li tau lawm yas teev coj los txuas lawm puav pheej lees txiv nraug teej plig lus tuaj rau nruab kauj (vab/leg) txuas puav pheej lees txiv nraug teej plig nws kwv nws tij lus tuaj rov tom (qab/tsev) nas

18. zaum no yas teev tuaj nrog raug muaj hos yas txhia tuaj nrog raug tau, ntshe tshuav lawm txiv qeej tuaj nrog tsis muaj hos txiv nruas tuaj nrog raug tsis tau, txiaj lag tub lig thiaj li hais rau txiaj lag tub kwv los tuv tij tias, txiaj lag tub tij e koj mus thov lawm txiv qeej rau tej niag hauv zej, hos txiaj lag tub kwv e koj mus thov lawm txiv nruas rau tej niag qab zog, txiaj lag tub tij mus thov tau txiv qeej rau tej niag hauv zej tuaj txog, txiaj lag tub kwv mus thov tau txiv nruas rau tej niag qab zos tuaj poob,
*zaum no puav pheej lees txiv nraug teej plig ces twb tos ntiaj teb tos qes tsi, tos teb dav tos licas, puav pheej lees txvi nraug teej plig twb tos tau txiv qeej tshuab lawm niaj 33 zag qeej hos txiv nruas ntaus lawm niaj 33 zag nruag ncig li yeev rau tej niag yas (kab/kev) thiaj li yuav mus dag tau puav pheej leess txiv nraug teej plig los zaum tsuj tsaws rau lub niag mus kauj (vab/leg) nas nej niag los lawv laus..

xaus li no lawm xwb...

koojziagkabzaug wrote:

** Kev tso plig **

I. Thov cov qub neeg tuaj leg qav leg num thiab
npaj tsiaj khoom li cas.

1.Thov cov qub neeg.
- Cuab tsav.
- Kav xwm.
- Tshwj kab.
- Txiv qeej thiab ris lub nruas los.
- Tus nqa kauj.
- Thov tus hu nkauj plig qab cub.

2. Cov tsiaj thiab khoom.
- Tuav ib co ncuav.
- Ib lub qe hau nrog mov.
- Ib tug D.e.v
- Ib tug qaib uas yog tus qaib tsim.
- Ib tug npua los ib tug nyuj tso plig.

3. Txua 2 tug pas xyoob los txhos rau lub vab,muab lub
tsho los kho vov rau lub vab, yog tso txiv neej plig
yuav tsum muab tsho txiv neej los kho vov rau lub vab.
Muab 3 lub ncuav tso rau lub kauj vab, muab lub kauj
vab txawb saum lub tog tso rau pem hauv plag.
Muab ib txoj siv ceeb los yog ntaub dub, los Kho ib
qho hauv phuam rau lub kauj vab.

II. Ntuas nywj.

1. Muab tus D.e.v, tus qaib tsim khi hlua los rau ib tug
tuav, ua ke rau ntawm ib sab qhov rooj txuas.
Txua 2 tug nrua rau ib tug tuav sawv ua ke.
Muab lub vab tshaus los, rau ib co * kws liab hauv lub
vab.

2. Kev ntuas nywj tsuas ntuas txij phaj uas tus tso
plig los xwb.

Tus ntuas nywj, tuav lub vab tshaus yoj mus yoj los
ntuas li no:

Hmo no (hnub no), Yawg......, tso dab mus tso qhua,tso
dab mus tso plig os. Tus......, los daws nws kauj vab mus
kauj le, los daws nws kauj vab mus kauj cha os.
Kuv ntuas no kuv tsuas ntuas, yawg.....1 2 3...leej
hais cov npe uas nrog tus tso plig phaj, hais tus txiv
nrog tus niam.....,
tus nywj tuag saum txaj,ntuas tus aiv mus tuag saum chaw
-"- qab cub -"- tus tub
-"- qab cais -"- tus ntxhais
-"- ntshav tsuj -"- ntshav nrog
-"- poob nthab -"- poob tsev
-"- zeb ntaus -"- cav luam
-"- Xub zoo -"- xub tsuag
-"- hniav ntaj -"- hniav riam
-"- yas kab -"- yas kev

Kuv tsis ntuas coob mus tsis ntuas ntau, tsis ntuas
coob mus tsis ntuas caug. Kuv ntuas rau tus cua tus cua
coj rwg sis lawm zaj qho, tsis kom ntsej hnov los muag
pom tis yuas sauj.
Yus ntuas ntau leej, ntuas kom txhua phaj tus tso
plig, tas ntawv ho ntuas nyuag hlob nyuag hau tuag yas
kev yas ntsua tas.

3. Thaum ntaus ntsia kws.

Thaum ntuas tas lawm, yus ho ntuas li no mam li ntaus
ntsia kws :

Kuv tsis ntaus plig qoob plig loo
-"- maj plig ntuag
-"- tsiaj plig txhuv
-"- tub plig kiv
-"- Nyiaj plig kub
-"- niam plig txiv

kuv ntaus no, kuv ntaus suab qeej suab nruas
ntaus suab dab quag suab dab nyia
ntaus hleb rag hleb rhaws
ntaus kws txaij kws nraug
ntaus ntawv ploj ntawv tuag
ntaus ntawv puas ntawv ntsoog.

Ntuas li no tas, tus cab* thiab qaib ua ntej,tus ntaus nrua ntaus nrua lawv tus cab* qab mus zuj zus lawm tom qhov rooj tag.
Tus ntaus ntsia kws(tus ntuas nywj),tsuab ntsia kws
ntaus zuj zus mus lawm tom qhov rooj tag, nws hais li no:

Lub mob lub taug nyob qab cub lub ceg lub taug rub
-"- cais -"- hlais
-"- txaj -"- laj
-"- tsev -"- chev.

Ntaus mus zus ntawm qhov rooj tag,kuv ntaus mus tawm rooj ntaus mus tawm ntsa,ntaus rau hnub coog hli kawg lawm puag zaj zeg zaj qho kom ntsej tsis hnov muag tsis pom auj.
* Thaum no tawm plaws sab qhov rooj tag sab nrauv lawm,
tshuav me ntsis ntsia kws, yus muab tseb hais li no:

Auj! kuv tseb no,
npua khaws tau noj kom vam ntws puav tam teb dais.
D.e.v -"- -"- lwj hlw nees.
Qaib -"- -"- nraj yig lauv tsaw.

III. Ua rooj vag, ua txoj cawv tos plig tom
tog tsev.

1. txiav ntoo los ua rooj vag tos plig tom tog tsev.

2. Thaum tseb ntsia kws tas,coj tus D.e.v thiab tus qaib mus tua tom rooj vag, muab ntshav los lo rooj vag, muab siab* siab qaib los ci tos 2 tug mus tos plig los.
Hos ob tug tos plig mus tos plig ua ntej lawm, yog lub
ntxa nyob deb yuav tsum mus tos ua ntej los tso tom tog
kev uas nyob ze zos, thaum yuav tso plig li mus tos los.
Thaum fiv kauj mus tos plig tom tog tsev ntawv, yuav
tsum pib qeej hauv tsev mus kiag, mus dhau rooj vag, muab
lub kauj vab tso tig ntiag lawm tom ncauj ke, tos 2 tug
mus tos plig los txog, mam li ua txoj cawv rau.

3. Ua txoj cawv tos plig.

a. tuav 3 txoj cawv, rau dej ntxuav muag.
b. Tuav 3 txoj cawv, muab hno qhob tshaib rau noj, yog
lub qe hau xyaw mov.
c. Tuav 3 txoj cawv, muab siab qaib siab D.e.v rau noj.
Tas ntawv muab lub kauj vab tig xub ntiag los tom rooj
vag.
d. Thaum muab lub kauj vab tig xub ntiag los tom rooj
vag lawm, Tuav 3 txoj cawv, coj mus saib vaj saib tsev
saib qab cub qab cais.

IV. Tshwm tshav.

1.Tso plig tshwm tshav, yog muaj nyuj tua rau.Lub tshuav
ua zoo li, lub tshuav thaum txias, tab sis yog ua me xwb
muab ib lub rooj txawb rau hauv lub tshuav li muab lub
kauj vab txawb rau.

2. Thaum tawm hauv tsev mus thiab mus ncig tshuav.

a. Tso plig tsis muaj nyuj tua, es tsis tshwm tshav,thaum
tawm hauv tsev mus dov kauj, ncaj qha mus nkag rooj vag
ces ua txoj cawv rau tas li dov kauj.

b. Tso plig muaj nyuj tua,es tshwm tshav.

P

W

T

P - Lub tshuav.
W - Tus ncej nruas.
T - Tus tswg khi Nyuj.

Thaum tawm hauv tsev mus, ncaj qha mus nkag lub rooj vag li mus ncig tshuav, tus txiv qeej ua ntej,tus cuab tsav tuaj nrub nrab, tus nqa kauj lawv qab, ua ntej mus ncig sab xis mus rau sab laug, ncig tus ncej nruag los mus rau lub tshuav, mus 5 ncig yog txiv neej, hos 4 ncig yog poj niam.
Thaum ncig mus puv 5 ncig lawm, rov ncig los 4 ncig yog
txiv neej, hos 3 ncig yog poj niam, rov ncig los mus qaum
ncej nruag mus sab laug rau sab xis, los mus ncig lub
tshuav lawm xwb, thaum ncig puv lawm muab lub kauj vab
tso rau hauv tsev tshiab.
Ua txoj cawv los yog tuav 3 txoj cawv rau tas ces muab nyuj rau ib yam li thaum txias.
thaum ua noj ua haus tas, tuav 3 txoj cawv rau tas ces
cia li dov kauj xwb.

** Tus txhib ntawg thaum dov kauj tas muab pov
hauv qhov cub.

Me Hmoob leej ntxhais cas nws leej nus Post tsis tau duab nev...