xiongchang 30th April 2012, 7:34 pm
Hmoob ntuj qub qab wrote:Nyob zoo Koojziagkabzaug
Ua neej nyob muaj ib txhia xam khib pom lwm tus zoo xav tshum kom liam li nws tab sis neeg phem yuav tsis yeej neeg zoo mus ib txhis.
Li yav ntuj qub qab thaum ub muaj tug puav txawj tso dab tom neeg pom luag muaj luag txawj ntse luag muaj tub ki coob cia li tso dab tom luag tej no los puav yog neeg siab phem lim hiam cov no yuav tsis tau ntuj ntoo thaum kawg tuag yuav luag zoo li D.ev tuag...
- Luag tej laug, Piv ntuj nrag lug tias; Caij nees....Tsum pob ntau, Luag ntsia zoj; Tsam yug tsi xyaum zoo....Tsi tsim txiaj, Tsam thov luag noj haus hnav siv; Txhua leej hais....Txhua tug cem, Tab sis ceev faj; Thaum yug lub neej zoo zuj zug....Nce nto tsag, Txhua tug ntxub; Txhuaj leej lauj thau rhuav tshem....Yug tau poj niam phem, Tsi zoo nkauj....Tau txiv tsi zoo nraug, Txob thuam cem ib zaug; Txoj hmoo zoo....Yug yuav tau poj niam zoo mog, Tau txiv zoo nraug; Mob luag siab....Cuag rho riam hlais daig zug, Ho haub ntxias dag; Kom yug nrauj....Nws tau yuav, Tseg txoj kev yos hav zoov; Plob hav tsuag....Tsam luag tua, Yug pov tseg; Luag yuav yug poj niam....Zaj lug no, Kuv pom coob leej; Paub ntau tug....Rau tua li hais, Thiaj muab tshaj sam fwm tseg; Suav daws nyeem....Khaws ua pov haum, Kuv tug kheej kiag; Twb ntsim lawm....Lub sij hawm, Nyuam qhuav yuav poj niam; Raug luag haub ntxias dag....Ntau tsav yam, Tab sis kuv tug kheej tswj nreeg; Tug kheej khov kho....Tsi ua neeg, Pob ntseg sib; Tsi ua ntoo pheeb raws cua....Kuv saib meej, Kuv xyuas tseeb; Kuv xyuam xim....Tsi ntseeg leej twg? Tsi mloog luag tej lug, Haub ntxias dag; Vim yug tau poj niam zoo nkauj txaus....Tsi muaj tug zoo tshaj, Yug poj niam lawm; Txhua tsav yam....Ntseeg tug kheej, Txhob ntseeg sab nraum; Yug lub cuab tsi plam....Yug lub yig tsi puag, Ib tug txiv neej yawg; Yuav tau faj seeb....Tug kheej ua ntej, Thaum muaj teeb meem tshwm sim, Thiaj daws tau; Keeb hauv paug....Yog tim yug ntas, Vim yug pob ntseg sib; Ua ntoo pheeb raws cua....Mloog lug xaiv, Ntseeg lug sab nraum; Nrov qhov twg? Dhia qhov ntawd, Thaum yug cuab yig plam; Tsi muaj leej twg leeg paub.....Txhua tug cem tsauj zi, Tim yug ruam qauj; Coj tsi tog....Mloog tsi tug, Saib tsi meej; Xyuas tsi tseeb....Tsi xyuam xim, Ua neeg dog dig; Plam tes hlauv qhov saus....Plam taw poob qhov ntuj, Raug luag haub ntxias dag; Ua liaj yug nraub qaum....Kaus yug nyiaj daus las du lug, Raug luag lom; Raug luag ntes....Raug luag nplua, raug luag tua; Tim yug ruam li npua.