google-site-verification: googlefbfddf59e706b96b.html

Latest topics

» TUS KAB MOB CANCER TXOV HMOOB LOS TAU ZE 600 TAWM XYOO & TSEEM YUAV MUAJ NTXIV
by Liajntsuab 13th April 2018, 11:57 am

» Ib tsoom Phoojywg Nej Nyob Licas lawm
by Liajntsuab 24th March 2018, 2:14 pm

» ***UA NEEB***
by shung 8th March 2018, 5:49 pm

» Neeb Saub ua rau neeg vwm
by shung 4th February 2018, 2:58 pm

» Xiong Chang
by koobpovtxuj 10th December 2017, 11:00 am

» Koobpovtxuj.
by koobpovtxuj 19th November 2017, 1:34 am

» kuv cov duab.
by koobpovtxuj 18th November 2017, 11:30 am

» KHAWV KOOB
by koobpovtxuj 30th September 2017, 4:29 pm

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

» Kiab toom lauj npliaj yob lub qub tsev.
by Admin 1st August 2017, 5:04 pm

» Kawm LUS ROV
by koobpovtxuj 10th July 2017, 1:54 pm

» Hmong dance hiphop 2017 [ dance zoo siav heev li]
by zabyaj 15th June 2017, 12:05 pm

Tsev seev PajHuam

Hmong beauty nature

Compteur visitor

hnub 18/09/2010 los mus

    MayPaj ,Koojziagkabzaug,Hmoobntujqubqab ,Lubpajzoo thiab ntau tus Phooj ywg sib tham ...

    Share
    avatar
    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    MayPaj ,Koojziagkabzaug,Hmoobntujqubqab ,Lubpajzoo thiab ntau tus Phooj ywg sib tham ...

    Post  Hmoob ntuj qub qab on 9th March 2011, 8:47 pm


    Cov phooj ywg Nkauj Muam Nraug Nus...

    Maypaj tsim tau ib lub tsev tom Hmongza rau Maypaj ,Koojziagkabzaug,Hmoobntujqubqab, Lubpajzoo thiab ntau tus Phooj ywg sib tham yam lom zem xauv npo lub tsev no tshiab ci lis iab nra lis paug muaj me paj hmab paj xyoob paj ntoo txhua yam tawg zoo nkauj muaj ntau xim nyob txhua xab xeeb kaum , muaj me noog txhua yam me noog kaub kim yaj me noog qwv qw quaj ya ua npoj ntws tej phooj ywg tuaj sib saib sib xyuas sib tham yam lom zem xauv npo.
    Los tau ib phua no lub tsev no cia li nphob lis xuav tsis muaj neeg tuaj xauj li lawm
    Me paj hmab paj ntoos los zaus me noog txhua yam ya los los tsis tsaws li lawm muab xav mas zoo nkaus li sawv daws tawg teb chaws es tso qub vaj qub tsev tseg ntxim tu siab kawg li os yuam.


    http://www.hmongza.com/index.php?/topic/12237-niamlaus-koojziamkabzaug-los-wb-tham-ntawm-no-txog-tej-yam-txawv-seb/

    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: MayPaj ,Koojziagkabzaug,Hmoobntujqubqab ,Lubpajzoo thiab ntau tus Phooj ywg sib tham ...

    Post  koojziagkabzaug on 10th March 2011, 12:53 am



    Wow...! Hmoob Ntujqubqab, cas nws tseem mus xyuas tej qub zog thiab os...! Yog kawg, thaum i es peb nim nyob lom zem xauv npo, ib tug nto ntsoov ib tug tsis so...Zaum no ces cia tej qub zog ciaj quav poj...Hmoob leej tub, thaum ub ces peb tej chaw thiaj yog tej uas muaj qab muaj quag es leej twg tuaj txog los nim xav nyob xav xyuas...Zaum no luag muag coob tab sis twb tsis pom ib thaj chaw nyob lom zem kaj siab nroo ntws li peb thaum ub lawm...Lub caij dhau mus, txhua yam yuav hloov raws lub caij...Es txawm tej vaj tsev nov tsis zoo li qub los nws lam tuaj nrog peb zo tej tsev paas nawb...Maypaj tssi khoom li ces nws twb tssi tshua tuaj xyuas tsev....


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    MayPaj
    Spammer
    Spammer

    Messages : 488
    Date d'inscription : 2010-02-25

    Re: MayPaj ,Koojziagkabzaug,Hmoobntujqubqab ,Lubpajzoo thiab ntau tus Phooj ywg sib tham ...

    Post  MayPaj on 11th March 2011, 10:42 am

    Ab yuam, cas hnub no nim yuav los nag tim ub tshav ntuj tim no, yuav ua rau kuv nco nco kuv lub me qub zos, los nag tim no tshav ntuj tim ub, yuav ua rau kuv nco nco kuv tus me qub hlub....hahaha lolz! tsis muaj tus hlub lawm os lam seev xwb C:

    Cas hnub no niam leej ntxhais ncig yuj yeev mus txog kzkz tej me hav paj, tsis pom tsav yam num tus dab tsi, los yuav ntsib tau Hmoob ntuj qub qab nqa tau ib lub chaw sov siab mus zoo vaj, es yuav nqa looj tuaj mus taug tag lawm tus me xov tshaj, cia siab ntsuj ntsoov tias MayPaj thiab Kzkz yuav rov mus daj, los nim twb yog tag Hmoob meej nom meej tswv ua tus kav es luag twb muab wb tej me ntiv tes ntiv taw khi ruaj ruaj tsis pub pab es zaum no Hmoob ntuj qub qab tuaj seev yuj yees txog los ntshe wb yuav ceeb laj rov tau mus pab.

    Cas hnub no niam leej ntxhais ncig yuj yeev mus txog kzkz tej me hav taub, tsis pom tsav yam num tus dab tsi, los yuav ntsib tau Hmoob ntuj qub qab nqa tau ib lub chaw sov siab mus zoo zaub, es yuav nqa looj tuaj mus taug tag lawm tus me xov paub, cia siab ntsuj ntsoov tias MayPaj thiab Kzkz yuav rov mus xauj, los nim twb yog tag Hmoob meej nom meej tswv ua tus lauj es luag twb muab wb tej me ntiv tes ntiv taw khi ruaj ruaj tsis pub sau es zaum no Hmoob ntuj qub qab tuaj seev yuj yees txog los ntshe wb yuav ceeb laj rov tau mus dhau.

    Chim laj tsis chim xeeb, yuav chim laj xeeb xaus xi Hmoob ntuj qab thaj me paj yeeb tawg tuaj mus tsw qab A: J: x!
    avatar
    Lubpajzoo
    Developer
    Developer

    Messages : 126
    Date d'inscription : 2010-04-22

    Re: MayPaj ,Koojziagkabzaug,Hmoobntujqubqab ,Lubpajzoo thiab ntau tus Phooj ywg sib tham ...

    Post  Lubpajzoo on 11th March 2011, 11:35 am

    Wow!

    Zoo siab tshaj li uas hnub no kuv ncig tuaj pom nej tseem xam muaj kuv thiab os. Peb sib ncaim hauv Hmongza lawm ces los txog tav li no mam rov ntsib nej dua es nej nyob licas lawm os cov phoojywg?

    Tijlaug, Hmoob Ntuj Qub Qab,

    Ua tsaug nws tseem nco tau nws me muam lub npe thiab es tseem muab los tso phim rau nej thiab mog. Nws me muam ces ncaim mus nyob ib leeg poo luag qhua lawm ploj qab ntais tau ib ntus no twb tsis muaj nws nyob qhovtwg yuav tawm los nrog hais li lawm es zoo siab hnub no rov ntsib nws dua, vam tias nws yuav tuaj pab qhuab thiab pab ntuas dua no mog.

    avatar
    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: MayPaj ,Koojziagkabzaug,Hmoobntujqubqab ,Lubpajzoo thiab ntau tus Phooj ywg sib tham ...

    Post  Hmoob ntuj qub qab on 13th March 2011, 10:55 pm


    Nyob zoo os 3 me Viv ncaus Koojziagkabzaug,Maypaj thiab Lubpajzoo.

    Zoo siab kawg li os hnub no tuaj pom nej 3 me viv ncaus tuaj tham yam lom zem xauv npo hauv peb lub tsev tshiab no sov lis so ua rau Hmoobntujqubqab rov nco nco lub siab fab lis fo lub siab los kho ntxhov lis hnyo xav txog kua muag nrog nas 3 me viv ncaus txawj sib hlub uas nim txawj hais lus qhub nim zoo li tshav tsis txawj kub nim ua lub neej luag lis ntxhub nas yuam ...
    Nim txawj seev suab kwv txhiaj mus tsim txiaj
    Nim txawj seev suab lus taum mus sib haum
    Nim txawj hais kwv txhiaj plees mus ua lub neej kom pees
    Nim txawj hais kwv txhiaj ua nyab mus txhua fab
    Xav mas cas yuav kho siab ua luaj xav mus xav los cia li yuav quaj
    nas 3 me viv ncaus e...

    Maypaj, cas nws nim txawj hais kwv txhiaj tsiv teb tsaws chaw nim ua rau txhua leej los ncawg
    Nim ncawg me leej ntxhais tus txawj hais
    Hais tau nim ntxim kho siab ua rau lub siab nyob tsis kiab
    Nws nim txawj tham ua rau txhua leej vam
    Me leej ntxhais nws niam nws txiv noj dab tsis yug yug tau nws loj hlob nim txawj coj lus tus
    Hais lus Hmoob nim meej meej txhua yam los nws nim keej
    Hais lus yam twg los dhos copj yam twg los tog
    Nws nim txawj hais zoo zaj zoo li lub ntuj es tsuas muaj kaj
    Me leej ntxhais cas nws nim txawj mus ua luag nyab es nim mus pab luag zoo lawm txhua fab
    Luag lub neej zoo los vim nws txoj hmoo
    Luag lub neej sawv los vim nws muaj plab plawv
    Luag lub neej ntseg los vim nws txawj leg
    cas yuav khuv xim nws cuag dej ntws
    tsis tau nws los ua nyab los sib pab
    nas Maypaj tus zoo mus txhua fab... e...






    avatar
    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: MayPaj ,Koojziagkabzaug,Hmoobntujqubqab ,Lubpajzoo thiab ntau tus Phooj ywg sib tham ...

    Post  Hmoob ntuj qub qab on 13th March 2011, 11:14 pm

    Lubpajzoo wrote:Wow!

    Zoo siab tshaj li uas hnub no kuv ncig tuaj pom nej tseem xam muaj kuv thiab os. Peb sib ncaim hauv Hmongza lawm ces los txog tav li no mam rov ntsib nej dua es nej nyob licas lawm os cov phoojywg?

    Tijlaug, Hmoob Ntuj Qub Qab,

    Ua tsaug nws tseem nco tau nws me muam lub npe thiab es tseem muab los tso phim rau nej thiab mog. Nws me muam ces ncaim mus nyob ib leeg poo luag qhua lawm ploj qab ntais tau ib ntus no twb tsis muaj nws nyob qhovtwg yuav tawm los nrog hais li lawm es zoo siab hnub no rov ntsib nws dua, vam tias nws yuav tuaj pab qhuab thiab pab ntuas dua no mog.


    Nyob zoo os leej muam Lubpajzoo

    Nws thiab tsev neeg puas nyob zoo os?
    Tij laug los nyob zoo thiab mas
    Nws thiaj yog me leej muam txawj tham txawj seev txawj hais saib nws tej paj huam mas ntxim siab thiab kho siab os leej muam e .
    Tus neeg txawj tham siab zoo ces saib nws tej ntsiab lus tham xwb ces paub lawm nas
    Tij laug hauj lwm ntau ntau ke ua hauj lwm ke mus ua liaj ua teb es tsis khoom tuaj nrog sawv daws sib txuas lus li nas.
    Tso siab tias muaj nws tuaj zov tsev lawm ces kaj siab nas.


    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: MayPaj ,Koojziagkabzaug,Hmoobntujqubqab ,Lubpajzoo thiab ntau tus Phooj ywg sib tham ...

    Post  koojziagkabzaug on 14th March 2011, 6:50 am



    Nyob zoo Hmoob Ntujqubqab, Maypaj thiab Lubpajzoo,

    Ab! Yuad, cas hnub no es peb nim rov los nyob ua ke li puag thaum peb nyuam qhuav sib ntsib, nim los tham tej me lus paj xyaw lus txhiaj, niam tham lub siab kaj mus rau lub laj xeeb...Cas yuav muab kuv tig ib ntxeev rov qab...Xav kom lub caij no txhob txawj tag, txhob txawj kawg...Es peb plaub leeg me phooj ywg yuav sib fim ncig ntuj li yav dhau los...Cas lub ntuj tig lub teb choj, nim yog ib pab los tsov hma nim yuj lias tej me qab vaj tsib taug, yuav tos ntshi rub ib leeg rau ib ceg kaum...Es cov me phooj ywg, mloog peb lub siab sib poog mog, txhob mus ntseeg luag haub nrog luag coj...Tsam ces luag muab peb ntxias sib tawg tag luag ho muab peb nrom ca tsis quav ntsej peb naj...Luag nyiam peb thaum peb nyob ua ib pab, luag ua txuj ua ci los cab...Cas tu siab ua luaj li...Thov kom peb txoj kev sib ntsib nyob ntev ntev kom txia ua ib zaj dab neeg rau lub caij tom ntej...mog cov me phooj ywg... Sad


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    MayPaj
    Spammer
    Spammer

    Messages : 488
    Date d'inscription : 2010-02-25

    Re: MayPaj ,Koojziagkabzaug,Hmoobntujqubqab ,Lubpajzoo thiab ntau tus Phooj ywg sib tham ...

    Post  MayPaj on 14th March 2011, 11:08 am

    Hmoob ntuj qub qab wrote:
    Nyob zoo os 3 me Viv ncaus Koojziagkabzaug,Maypaj thiab Lubpajzoo.

    Zoo siab kawg li os hnub no tuaj pom nej 3 me viv ncaus tuaj tham yam lom zem xauv npo hauv peb lub tsev tshiab no sov lis so ua rau Hmoobntujqubqab rov nco nco lub siab fab lis fo lub siab los kho ntxhov lis hnyo xav txog kua muag nrog nas 3 me viv ncaus txawj sib hlub uas nim txawj hais lus qhub nim zoo li tshav tsis txawj kub nim ua lub neej luag lis ntxhub nas yuam ...
    Nim txawj seev suab kwv txhiaj mus tsim txiaj
    Nim txawj seev suab lus taum mus sib haum
    Nim txawj hais kwv txhiaj plees mus ua lub neej kom pees
    Nim txawj hais kwv txhiaj ua nyab mus txhua fab
    Xav mas cas yuav kho siab ua luaj xav mus xav los cia li yuav quaj
    nas 3 me viv ncaus e...

    Maypaj, cas nws nim txawj hais kwv txhiaj tsiv teb tsaws chaw nim ua rau txhua leej los ncawg
    Nim ncawg me leej ntxhais tus txawj hais
    Hais tau nim ntxim kho siab ua rau lub siab nyob tsis kiab
    Nws nim txawj tham ua rau txhua leej vam
    Me leej ntxhais nws niam nws txiv noj dab tsis yug yug tau nws loj hlob nim txawj coj lus tus
    Hais lus Hmoob nim meej meej txhua yam los nws nim keej
    Hais lus yam twg los dhos copj yam twg los tog
    Nws nim txawj hais zoo zaj zoo li lub ntuj es tsuas muaj kaj
    Me leej ntxhais cas nws nim txawj mus ua luag nyab es nim mus pab luag zoo lawm txhua fab
    Luag lub neej zoo los vim nws txoj hmoo
    Luag lub neej sawv los vim nws muaj plab plawv
    Luag lub neej ntseg los vim nws txawj leg
    cas yuav khuv xim nws cuag dej ntws
    tsis tau nws los ua nyab los sib pab
    nas Maypaj tus zoo mus txhua fab... e...







    Wow....Tij laug es, koj mas cas yuav txawj hais ua luaj thiab lauj, koj muam ces twb tsis txawj kwv txhiaj paj ntsha lus taum li, lam kwv yees hais xwb, txheej nim no ces peb twb tsis paub ntsiab kwv txhiaj lawm, tsuas yog nyiam es lam sau ua si xwb... Smile


    Thaud twb vim yog koj me muam leej niam leej txiv noj tag tus me taum cej mus ntxuag taum dub, yug tau koj me muam tsis yog lawm ib leej tub, es lub ntsej lub muag thiaj li ntxim ntxub, zaum no koj me muam xav zoj tias yuav mus ua nyab los twb tsis muaj ib tug zoo xab yeeb xuam phoojywg hlub,ntshe yuav ceeb laj nrhiav tau ib tug zoo yawm yij rau tij laug Hmoob ntuj qub qab hu.


    Thaud twb vim yog koj me muam leej niam leej txiv noj tag tus me taum cej mus ntxuag taum pluav, yug tau koj me muam tsis yog lawm ib leej tub hluas, es lub ntsej lub muag thiaj li zuav, zaum no koj me muam xav zoj tias yuav mus ua nyab los twb tsis muaj tag ib tug zoo xab yeeb xuam phoojywg yuav ,ntshe yuav ceeb laj nrhiav tag lawm ib tug zoo yawm yij rau tij laug Hmoob ntuj qub qab qhuas.

    Koj muam ces lub cev nkauj xwb haj tseem ua nkauj qas yeev nyob tam leej niam leej txiv lub me paj teeb paj vuam tuaj mus tawg tshiab, yog tij laug Hmoob ntuj qub qab muaj tub seem tub so tub ntsoj tub ntsuag xav ntsiab, los koj muam yuav nrhiav kev zuj zeeg tuaj mus hnia, es seb puas yuav muaj lub neej nrog luag kaj siab.


    Koj muam ces lub cev nkauj xwb haj tseem ua nkauj qas yeev nyob tam leej niam leej txiv lub me paj teeb paj vuam tuaj mus tawg ci, yog tij laug Hmoob ntuj qub qab muaj tub seem tub so tub ntsoj tub ntsuag xav ntxhi, los koj muam yuav nrhiav kev zuj zeeg tuaj mus ntsib, es seb puas yuav muaj lub neej nrog luag kaj nrig.

    Ces nim yuav zoo lub laj xeeb xaus xi toj tug laim lub pas dej ntshiab , zaj no ces yuav hais xaus kiag rau tij laug hmoob ntuj qub qab tus me tub ntxawg uas kuv tseem muaj muaj kev cia cia siab ...hahaha C: A:



    avatar
    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: MayPaj ,Koojziagkabzaug,Hmoobntujqubqab ,Lubpajzoo thiab ntau tus Phooj ywg sib tham ...

    Post  Hmoob ntuj qub qab on 14th March 2011, 9:24 pm

    MayPaj wrote:Wow....Tij laug es, koj mas cas yuav txawj hais ua luaj thiab lauj, koj muam ces twb tsis txawj kwv txhiaj paj ntsha lus taum li, lam kwv yees hais xwb, txheej nim no ces peb twb tsis paub ntsiab kwv txhiaj lawm, tsuas yog nyiam es lam sau ua si xwb... Smile


    Thaud twb vim yog koj me muam leej niam leej txiv noj tag tus me taum cej mus ntxuag taum dub, yug tau koj me muam tsis yog lawm ib leej tub, es lub ntsej lub muag thiaj li ntxim ntxub, zaum no koj me muam xav zoj tias yuav mus ua nyab los twb tsis muaj ib tug zoo xab yeeb xuam phoojywg hlub,ntshe yuav ceeb laj nrhiav tau ib tug zoo yawm yij rau tij laug Hmoob ntuj qub qab hu.


    Thaud twb vim yog koj me muam leej niam leej txiv noj tag tus me taum cej mus ntxuag taum pluav, yug tau koj me muam tsis yog lawm ib leej tub hluas, es lub ntsej lub muag thiaj li zuav, zaum no koj me muam xav zoj tias yuav mus ua nyab los twb tsis muaj tag ib tug zoo xab yeeb xuam phoojywg yuav ,ntshe yuav ceeb laj nrhiav tag lawm ib tug zoo yawm yij rau tij laug Hmoob ntuj qub qab qhuas.

    Koj muam ces lub cev nkauj xwb haj tseem ua nkauj qas yeev nyob tam leej niam leej txiv lub me paj teeb paj vuam tuaj mus tawg tshiab, yog tij laug Hmoob ntuj qub qab muaj tub seem tub so tub ntsoj tub ntsuag xav ntsiab, los koj muam yuav nrhiav kev zuj zeeg tuaj mus hnia, es seb puas yuav muaj lub neej nrog luag kaj siab.


    Koj muam ces lub cev nkauj xwb haj tseem ua nkauj qas yeev nyob tam leej niam leej txiv lub me paj teeb paj vuam tuaj mus tawg ci, yog tij laug Hmoob ntuj qub qab muaj tub seem tub so tub ntsoj tub ntsuag xav ntxhi, los koj muam yuav nrhiav kev zuj zeeg tuaj mus ntsib, es seb puas yuav muaj lub neej nrog luag kaj nrig.

    Ces nim yuav zoo lub laj xeeb xaus xi toj tug laim lub pas dej ntshiab , zaj no ces yuav hais xaus kiag rau tij laug hmoob ntuj qub qab tus me tub ntxawg uas kuv tseem muaj muaj kev cia cia siab ...hahaha C: A:



    Nyob zoo Koojziagkabzaug,Maypaj thiab Lubpajzoo

    Koojziagkabzaug yog li nws hais lawm peb hmoov thiaj sawm
    los ua nus npaws muam npo peb thiaj sib nco
    los ua nus npo muam npaws peb thiaj sib ncawg
    Ib leej nim nyob ib sab ntuj los peb nim nyias muaj nyias zoo txuj
    Ib leej nim nyob ib sab chaw los nyias nim muaj nyias ci zoo ntxaws
    Peb thiaj tuaj sib tshuam tuaj sib zeem ua muam
    peb yuav nyob luag nyav tam kev neej kev tsav
    yuam 3 me viv ncaus...


    Maypaj me muam tus txawj ntuas leej twg pom los qhuas

    Nws niam zoo nkauj nws txiv zoo nraug yug tau nws loj hlob los tiaj nkauj tus me caj soob lis xais kwv tij neej tsa ntiaj tog qaum pes pom nws los xav tuaj hais

    Nws niam zoo nkauj nws txiv zoo nraug yug tau nws loj hlob los tiaj nkauj tus me caj zuag lis plias kwv tij neej tsa ntiaj tog qaum pes pom nws los xav tuaj ntxias

    Nws niam nws txiv noj dab tsi cas yuav yug tau nws zoo nkauj kwv tij neej tsa ntiaj tog qaum pes pom nws los xav tuaj xauj xav nrog nws tsa lub ncauj

    Nws niam nws txiv noj dab tsi cas yuav yug tau nws zoo zoo hlub kwv tij neej tsa ntiaj tog qaum pes pom nws los xav tuaj rub xav nrog nws qhub

    Me lau nquab nim tsuj me poj nquab taw nws niam nim txawj yug nws txiv nim txawj tu tu nws hlob tiav nkauj nim zoo zoo plab plaw leej twg pom los ntshaw

    Me lau nquab nim ntsis me poj nquab tw nws niam nim txawj yug nws txiv nim txawj hlub nws hlob tiav nkauj nws nim zoo zoo hlwb leej twg pom los yuav tsoj nws qab taug nws lw

    Noog liaj ntaus noog luv ya lis ntxiaj nws niam nim txawj yug nws txiv nim txawj qhuab nws hlob tiav nkauj nws nim nyob zoo mus tsim txiaj

    Noog liaj ntaus noog luv ya lis si nws niam nim txawj yug nws txiv nim txawj qhia nws hlob tiav nkauj nws nim nyob zoo mus tsim nqi mus zoo ci

    Nws nim txawj mus ua nyab ua nyab nrog tsev Hmoob nyob sab nraum ub leej twg pom los hlub

    Nws nim txawj mus ua nyab ua nyab nrog tsev Hmoob nyob sab nraum i leej twg pom los xav nrog nws hais lus luag ntxhi

    Lub dej nim teev lub lwg teev yuj yees tuaj saum daim me nplooj qos nws nim mus ua neej muaj koob mus muaj meej nws nim tuaj pab nws niam nws txiv mus txhua yam los txhua nrho

    Lub dej nim teev lub lwg teev yuj yees tuaj saum daim me nplooj qhua nws nim mus ua neej muaj koob mus muaj meej nws nim tuaj pab nws niam nws txiv ib puas tsav yam nyob mus txhua

    Nas me muam Maypaj tus txawj tham los txawj hais mus zoo zaj ...hahaha...Hihihi












    avatar
    Lubpajzoo
    Developer
    Developer

    Messages : 126
    Date d'inscription : 2010-04-22

    Re: MayPaj ,Koojziagkabzaug,Hmoobntujqubqab ,Lubpajzoo thiab ntau tus Phooj ywg sib tham ...

    Post  Lubpajzoo on 15th March 2011, 9:37 am

    Hmoob ntuj qub qab wrote:
    Lubpajzoo wrote:Wow!

    Zoo siab tshaj li uas hnub no kuv ncig tuaj pom nej tseem xam muaj kuv thiab os. Peb sib ncaim hauv Hmongza lawm ces los txog tav li no mam rov ntsib nej dua es nej nyob licas lawm os cov phoojywg?

    Tijlaug, Hmoob Ntuj Qub Qab,

    Ua tsaug nws tseem nco tau nws me muam lub npe thiab es tseem muab los tso phim rau nej thiab mog. Nws me muam ces ncaim mus nyob ib leeg poo luag qhua lawm ploj qab ntais tau ib ntus no twb tsis muaj nws nyob qhovtwg yuav tawm los nrog hais li lawm es zoo siab hnub no rov ntsib nws dua, vam tias nws yuav tuaj pab qhuab thiab pab ntuas dua no mog.


    Nyob zoo os leej muam Lubpajzoo

    Nws thiab tsev neeg puas nyob zoo os?
    Tij laug los nyob zoo thiab mas
    Nws thiaj yog me leej muam txawj tham txawj seev txawj hais saib nws tej paj huam mas ntxim siab thiab kho siab os leej muam e .
    Tus neeg txawj tham siab zoo ces saib nws tej ntsiab lus tham xwb ces paub lawm nas
    Tij laug hauj lwm ntau ntau ke ua hauj lwm ke mus ua liaj ua teb es tsis khoom tuaj nrog sawv daws sib txuas lus li nas.
    Tso siab tias muaj nws tuaj zov tsev lawm ces kaj siab nas.


    Nyobzoo Tijlaug,

    Zoo siab hnub no rov ntsib nws dua mog. Ua tsaug ntau rau nws cov lus zoo kawg li es tabsis nws lolus no uacas yuav zoo ua luaj li tiag, ua rau nws me muam xav tsis thoob thiab txhais tsis tau lub ntsiab kiag li es xav kom lolus no muaj qhov zoo kiag li nws hais xwb tsis txhob yog hais lus pajlug xwb ces zoo lub siab heev li lawm os mog.

    Tej lus pajhuam ces seev raws yus lub neej tu siab xwb es nws txhob xav licas mog. Txawm nws tsis muaj sijhawm los tsis uacas tsuav nws noj qab nyob zoo ces yog qhov zoo heev lawm os mog.

    Kuv thiab tsevneeg los puavleej nojqab nyobzoo es ua nws tsaug nws tseem nug txog thiab mog.

    Kuv pom koj daim duab Pajncaimtoj mas ua rau kuv nco kuv niam kuv txiv heev li os. Koj yuavtsum nco ntsoov mus thiaj cov pajncaim toj tuaj rau kuv saib thiab thaij thaum uas cov txiv ncaimtoj siav siav tuaj rau kuv saib nawd mog. Vim kuv nco heev li os, tijlaug.

    Mam sib ntsib dua mog.
    avatar
    Lubpajzoo
    Developer
    Developer

    Messages : 126
    Date d'inscription : 2010-04-22

    Re: MayPaj ,Koojziagkabzaug,Hmoobntujqubqab ,Lubpajzoo thiab ntau tus Phooj ywg sib tham ...

    Post  Lubpajzoo on 15th March 2011, 9:39 am

    Tijlaug, koj tseem nyob lub neej tim qub qab thiab tseem siv tej qub txujci ces kuv muab zaj khawvkoob no rau koj mog.

    Zaj Kem Dab Ntxhwg Nyoog

    Hu txog Nkauj Cuam Ntuj muaj zoo txuj
    Hu txog Nraug Cuam Hli muaj zoo ci
    Pab nqa ntaj xob los rau tooj nchai siv yis
    Pab nqa ntaj xob cig ua ntsa niab
    Pab kem tau cov tub nyob nruab thiab
    Pab nqa ntaj xob cig ua ntshua zawv
    Pab kem tau cov tub nyob nruab plawv
    Pab kem liaj liaj tsis pub ntab
    Pab kem tau plaub caug yim yam dab
    Pab kem iav iav tsis pub ntws
    Pab kem tau plaub caug yim yam tshws
    Liaj rooj kom khov yuam dab qus kom rov
    Liaj rooj kom zoo yuam dab qus kom mloog

    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: MayPaj ,Koojziagkabzaug,Hmoobntujqubqab ,Lubpajzoo thiab ntau tus Phooj ywg sib tham ...

    Post  koojziagkabzaug on 15th March 2011, 1:08 pm



    Wow...! Lub me Paj Zoo,

    Ua tsaug rau nws zaj khawv koob nawb, zoo tiag tiag li.

    Yog ib qho tseem ceeb heev, kuv thov muab khaws cia nram lub Tsev kawh koob nawb. Nws mas tshaj lij tiag tiag li...

    Xav kom hnub txhob txawg poob, xav kom peb nyob ua ke li nov txhua hnub
    Xav kom ntuj txhob txawj tsaus, xav kom peb cov phooj ywg ib txwm nyob li nov tsis muaj hnub pauv.
    Xav kom lub hnub txhob ploj lub hli txhob nraim, xav kom peb nyob ua ke li nov tsis txhob sib ncaim...



    Nyob nrog koj kuv lom zem,
    Nyob ua ke peb sov siab



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    MayPaj
    Spammer
    Spammer

    Messages : 488
    Date d'inscription : 2010-02-25

    Re: MayPaj ,Koojziagkabzaug,Hmoobntujqubqab ,Lubpajzoo thiab ntau tus Phooj ywg sib tham ...

    Post  MayPaj on 15th March 2011, 4:11 pm

    Hmoob ntuj qub qab wrote:

    Nyob zoo Koojziagkabzaug,Maypaj thiab Lubpajzoo

    Koojziagkabzaug yog li nws hais lawm peb hmoov thiaj sawm
    los ua nus npaws muam npo peb thiaj sib nco
    los ua nus npo muam npaws peb thiaj sib ncawg
    Ib leej nim nyob ib sab ntuj los peb nim nyias muaj nyias zoo txuj
    Ib leej nim nyob ib sab chaw los nyias nim muaj nyias ci zoo ntxaws
    Peb thiaj tuaj sib tshuam tuaj sib zeem ua muam
    peb yuav nyob luag nyav tam kev neej kev tsav
    yuam 3 me viv ncaus...


    Maypaj me muam tus txawj ntuas leej twg pom los qhuas

    Nws niam zoo nkauj nws txiv zoo nraug yug tau nws loj hlob los tiaj nkauj tus me caj soob lis xais kwv tij neej tsa ntiaj tog qaum pes pom nws los xav tuaj hais

    Nws niam zoo nkauj nws txiv zoo nraug yug tau nws loj hlob los tiaj nkauj tus me caj zuag lis plias kwv tij neej tsa ntiaj tog qaum pes pom nws los xav tuaj ntxias

    Nws niam nws txiv noj dab tsi cas yuav yug tau nws zoo nkauj kwv tij neej tsa ntiaj tog qaum pes pom nws los xav tuaj xauj xav nrog nws tsa lub ncauj

    Nws niam nws txiv noj dab tsi cas yuav yug tau nws zoo zoo hlub kwv tij neej tsa ntiaj tog qaum pes pom nws los xav tuaj rub xav nrog nws qhub

    Me lau nquab nim tsuj me poj nquab taw nws niam nim txawj yug nws txiv nim txawj tu tu nws hlob tiav nkauj nim zoo zoo plab plaw leej twg pom los ntshaw

    Me lau nquab nim ntsis me poj nquab tw nws niam nim txawj yug nws txiv nim txawj hlub nws hlob tiav nkauj nws nim zoo zoo hlwb leej twg pom los yuav tsoj nws qab taug nws lw

    Noog liaj ntaus noog luv ya lis ntxiaj nws niam nim txawj yug nws txiv nim txawj qhuab nws hlob tiav nkauj nws nim nyob zoo mus tsim txiaj

    Noog liaj ntaus noog luv ya lis si nws niam nim txawj yug nws txiv nim txawj qhia nws hlob tiav nkauj nws nim nyob zoo mus tsim nqi mus zoo ci

    Nws nim txawj mus ua nyab ua nyab nrog tsev Hmoob nyob sab nraum ub leej twg pom los hlub

    Nws nim txawj mus ua nyab ua nyab nrog tsev Hmoob nyob sab nraum i leej twg pom los xav nrog nws hais lus luag ntxhi

    Lub dej nim teev lub lwg teev yuj yees tuaj saum daim me nplooj qos nws nim mus ua neej muaj koob mus muaj meej nws nim tuaj pab nws niam nws txiv mus txhua yam los txhua nrho

    Lub dej nim teev lub lwg teev yuj yees tuaj saum daim me nplooj qhua nws nim mus ua neej muaj koob mus muaj meej nws nim tuaj pab nws niam nws txiv ib puas tsav yam nyob mus txhua

    Nas me muam Maypaj tus txawj tham los txawj hais mus zoo zaj ...hahaha...Hihihi






    Hahahaha.....Tij laug Hmoob ntuj qub qab aj!

    Peb 3 leeg viv ncaus lawm koj ib leeg xwb, zoo li koj sau ntawv tsis tshuam yeej peb lawm sub <img src=" longdesc="61" />

    Koj maj mam teb peb ib leeg zuj zus es thiaj txhua peb nawb, nkawv ob tug hlob ces paub txuj Hmoob ntau yam tsav, nkawv muaj lus nrog koj tham nrog koj qhia, hos kuv ces lawv nej txhua tus qab txuam lus xwb es nws maj mam teb kuv thiab ov J: ...nws tsob me paj saum toj no yog hu li paj ncaim toj no los? wow....tawg lub caij twg? paj hmab paj ntoo lostsuas teb mas zoo nkauj tiag tiag li os yuam C:

    Tij laug cia kuv teb koj zaj kwv txhiaj seb, qhov twg tsis phim no qhia kuv kho nawd:

    Poj ncuab qua lawm toj suab, lauv ncuab teb lam luj lug poj mus ncuab ntseeg, kheev lam kuv niam kuv txiv txawj yug kuv zoo npaum li Hmoob ntuj qub qab hais mas tuag tsawg tias los kuv yuav nco ntsoov rov los thawj thiab ua Hmoob ntuj qub qab tus me tub ntxawg neeg.

    Poj ncuab qua lawm toj suab, lauv ncuab teb lam luj lug poj mus ncuab ntug, kheev lam kuv niam kuv txiv txawj yug kuv zoo npaum li Hmoob ntuj qub qab hais mas tuag tsawg tias los kuv yuav nco ntsoov rov los thawj thiab ua Hmoob ntuj qub qab tus me tub ntxawg tug.

    Toj pob toj los txhub deg, kuv niam kuv txiv yug tau kuv txhoj pob los ntaub ntawv ces twb cia tag rau kuv ib leeg leg, cia kuv mam nyob hlub kuv niam kuv txiv txawm tsis muaj leej twg yuav lawm los tseg.

    Toj pob toj los txhub ia, kuv niam kuv txiv yug tau kuv txhoj pob los ntaub ntawv ces twb cia tag rau kuv ib leeg qhia, cia kuv mam nyob hlub kuv niam kuv txiv txawm tsis muaj leej twg yuav lawm los kav liam.

    Ces yuav zoo tag lawm lub laj xeeb xaus xi lub ntsis hmab, txawm tsis muaj xab yeeb xuam phooj ywg tuav kuv txhais npab,los kuv mam li peem ciaj peem tuag seb puas tau los ua Hmoob ntuj qub qab tus me nyab...hahaha !!! tijlaug hais ua si xwb txhob xav li cas nawd....cas kawm kwv txhiaj mas nyuaj tiag li od yuam, sau ntau npaum no tseem zoo tsis txaus thiab


    avatar
    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: MayPaj ,Koojziagkabzaug,Hmoobntujqubqab ,Lubpajzoo thiab ntau tus Phooj ywg sib tham ...

    Post  Hmoob ntuj qub qab on 15th March 2011, 8:28 pm

    Lubpajzoo wrote:Nyobzoo Tijlaug,

    Zoo siab hnub no rov ntsib nws dua mog. Ua tsaug ntau rau nws cov lus zoo kawg li es tabsis nws lolus no uacas yuav zoo ua luaj li tiag, ua rau nws me muam xav tsis thoob thiab txhais tsis tau lub ntsiab kiag li es xav kom lolus no muaj qhov zoo kiag li nws hais xwb tsis txhob yog hais lus pajlug xwb ces zoo lub siab heev li lawm os mog.

    Tej lus pajhuam ces seev raws yus lub neej tu siab xwb es nws txhob xav licas mog. Txawm nws tsis muaj sijhawm los tsis uacas tsuav nws noj qab nyob zoo ces yog qhov zoo heev lawm os mog.

    Kuv thiab tsevneeg los puavleej nojqab nyobzoo es ua nws tsaug nws tseem nug txog thiab mog.

    Kuv pom koj daim duab Pajncaimtoj mas ua rau kuv nco kuv niam kuv txiv heev li os. Koj yuavtsum nco ntsoov mus thiaj cov pajncaim toj tuaj rau kuv saib thiab thaij thaum uas cov txiv ncaimtoj siav siav tuaj rau kuv saib nawd mog. Vim kuv nco heev li os, tijlaug.

    Mam sib ntsib dua mog.

    Nyob zoo os leej muam Lubmepajzoo

    Hnub no zoo siab tsis muaj ib yanm dab tsi yuav los pauv tau vim ntsib nws lawm lauj.
    Nws yeej txawj seev paj huam tau kho siab thiab muaj tseeb li nws hais lawm tiag cov txawj twm yeej twm kho siab zim cov txawj xav lub kuag muag los lawg li nas Lubmepajzoo.
    Zoo siab nws thiab tsev neeg noj qab nyob zoo os, lub caij no ntawm nws nyob puas pib sov nas .
    Ntuj qub qab ces tau ob peb hnub no ntuj los los nag li ntuj nag 7 hli os leej muam .
    Yog lawm duab paj ncaim toj pom yeej nyiam thiab saib kuj zoo nkauj phim nws hom paj yuam, muaj caij mam li mus yees duab rau peb saib os.


    avatar
    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: MayPaj ,Koojziagkabzaug,Hmoobntujqubqab ,Lubpajzoo thiab ntau tus Phooj ywg sib tham ...

    Post  Hmoob ntuj qub qab on 15th March 2011, 8:36 pm

    Lubpajzoo wrote:Tijlaug, koj tseem nyob lub neej tim qub qab thiab tseem siv tej qub txujci ces kuv muab zaj khawvkoob no rau koj mog.

    Zaj Kem Dab Ntxhwg Nyoog

    Hu txog Nkauj Cuam Ntuj muaj zoo txuj
    Hu txog Nraug Cuam Hli muaj zoo ci
    Pab nqa ntaj xob los rau tooj nchai siv yis
    Pab nqa ntaj xob cig ua ntsa niab
    Pab kem tau cov tub nyob nruab thiab
    Pab nqa ntaj xob cig ua ntshua zawv
    Pab kem tau cov tub nyob nruab plawv
    Pab kem liaj liaj tsis pub ntab
    Pab kem tau plaub caug yim yam dab
    Pab kem iav iav tsis pub ntws
    Pab kem tau plaub caug yim yam tshws
    Liaj rooj kom khov yuam dab qus kom rov
    Liaj rooj kom zoo yuam dab qus kom mloog


    Leej muam Lubpajzoo

    Zoo kawg li os tij laug kawm tau coj mus siv lawm nawj Nkawm qhua neeb no zoo heev os zoo siv rau dab phem kawg li ua tsaug nws qhia mog leej muam siab zoo.


    avatar
    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: MayPaj ,Koojziagkabzaug,Hmoobntujqubqab ,Lubpajzoo thiab ntau tus Phooj ywg sib tham ...

    Post  Hmoob ntuj qub qab on 15th March 2011, 9:26 pm

    MayPaj wrote:Hahahaha.....Tij laug Hmoob ntuj qub qab aj!

    Peb 3 leeg viv ncaus lawm koj ib leeg xwb, zoo li koj sau ntawv tsis tshuam yeej peb lawm sub <img src=" longdesc="61" />

    Koj maj mam teb peb ib leeg zuj zus es thiaj txhua peb nawb, nkawv ob tug hlob ces paub txuj Hmoob ntau yam tsav, nkawv muaj lus nrog koj tham nrog koj qhia, hos kuv ces lawv nej txhua tus qab txuam lus xwb es nws maj mam teb kuv thiab ov J: ...nws tsob me paj saum toj no yog hu li paj ncaim toj no los? wow....tawg lub caij twg? paj hmab paj ntoo lostsuas teb mas zoo nkauj tiag tiag li os yuam C:

    Tij laug cia kuv teb koj zaj kwv txhiaj seb, qhov twg tsis phim no qhia kuv kho nawd:

    Poj ncuab qua lawm toj suab, lauv ncuab teb lam luj lug poj mus ncuab ntseeg, kheev lam kuv niam kuv txiv txawj yug kuv zoo npaum li Hmoob ntuj qub qab hais mas tuag tsawg tias los kuv yuav nco ntsoov rov los thawj thiab ua Hmoob ntuj qub qab tus me tub ntxawg neeg.

    Poj ncuab qua lawm toj suab, lauv ncuab teb lam luj lug poj mus ncuab ntug, kheev lam kuv niam kuv txiv txawj yug kuv zoo npaum li Hmoob ntuj qub qab hais mas tuag tsawg tias los kuv yuav nco ntsoov rov los thawj thiab ua Hmoob ntuj qub qab tus me tub ntxawg tug.

    Toj pob toj los txhub deg, kuv niam kuv txiv yug tau kuv txhoj pob los ntaub ntawv ces twb cia tag rau kuv ib leeg leg, cia kuv mam nyob hlub kuv niam kuv txiv txawm tsis muaj leej twg yuav lawm los tseg.

    Toj pob toj los txhub ia, kuv niam kuv txiv yug tau kuv txhoj pob los ntaub ntawv ces twb cia tag rau kuv ib leeg qhia, cia kuv mam nyob hlub kuv niam kuv txiv txawm tsis muaj leej twg yuav lawm los kav liam.

    Ces yuav zoo tag lawm lub laj xeeb xaus xi lub ntsis hmab, txawm tsis muaj xab yeeb xuam phooj ywg tuav kuv txhais npab,los kuv mam li peem ciaj peem tuag seb puas tau los ua Hmoob ntuj qub qab tus me nyab...hahaha !!! tijlaug hais ua si xwb txhob xav li cas nawd....cas kawm kwv txhiaj mas nyuaj tiag li od yuam, sau ntau npaum no tseem zoo tsis txaus thiab

    Wow...Me muam Maypaj e nws txawj hais kwv txhiaj dhau lawm tij laug tsis paub teb nws lawm nas ...hahahaha
    Nws txawj hais lus tas lauv txawj tham txawj seev nws tej lus muaj Xim lab pab Music kawg li nas saib nws cov ntawv mas twm tsis dhuav twb tas ua ntej lawm ...hahahah.

    Cia tij laug seev rau nws seb yuam...

    Dej teeg dej nim txaws ntxhee nws niam nws txiv nim txawj yug yug tau nws hlob tiav nkauj nws nim txawj paj huam los paj ntsha seev

    Dej teeg dej nim txaws ntxhee ntxhee yees tuaj lub pas dej nws niam nws txiv nim txawj yug yug tau nws hlob tiav nkauj nws nim txawj seev paj huam los paj ntsha rau ib tsoom zej

    Me noog kaub kim yaj me noog qwv qws nim ntxuaj tis thawv tuaj saum cav nws loj hlob tiav nkauj es leej twg qhia nws cas nws nim yuav paub mus txhua tsav

    Me noog kaub kim yaj me noog qwv qws nim ntxuaj tis thawv tuaj saum tsua nws loj hlob tiav nkauj es leej twg qhia nws cas nws nim yuav paub mus txhua

    Cas nim los nag tshauv nag ntxiaj ntxaum nim ntxaum ntxiav daim me nplooj ntse cas nws lub ncauj nim npliag lias lub siab nim ntse nws nim tsis qiv leej twg tes

    Cas nim los nag tshauv nag ntxiaj ntxaum nim ntxaum ntxiav daim me nplooj thuv cas nws lub ncauj nim npliag lias lub siab nim ntse nws nim tsis qiv leej twg lus

    Chim laj xeeb rau lub sam xeeb cas nws nim yog me leej ntxhais yug los keej
    Hahahaha.






    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: MayPaj ,Koojziagkabzaug,Hmoobntujqubqab ,Lubpajzoo thiab ntau tus Phooj ywg sib tham ...

    Post  koojziagkabzaug on 16th March 2011, 3:44 am


    Nyob zoo Hmoob Ntujqubqab, Maypaj thiab Lubpajzoo,

    Wow...Cas nej txawj hais kwv txhiaj ua luaj li...! Kuv tsis txawj ces cia kuv tuaj mloog nej tham xwb lauj...Kwv txhiaj Hmoob mas thiaj hais tau lub ntsiab hauv neeg lub siab...Hmoob tej txuj zoo no yuav tsum sib pab ceev cia...Txhob hais tias cia luag mam khaws xwb...Peb yog Hmoob tib yam, peb yuav sib pab ceev, sib pab khaws peb thiaj li yuav khaws tau Hmoob txuj tsis poob. Yog peb tssi sib koom tes ces ib ya cav taws ua tssi tau ib lauj kaub mov siav, ib leeg paub tssi tag txhua yam...Yog cia ib leeg khaws xwb ces nws khaws tau ib yam los yuav tshua ib yam...Li no thiaj li Nquag Hu kom Peb Yog Hmoob, Peb txhua leej yuav tuaj nthuav peb tej laj lim tswv yim tso rau hauv lub Vas Sab nov kom nyob tsis muaj caij kawg ua Peb Hmoob teeg tug...

    Tshwj xeeb cov kwv tij neej tsa uas nej tuaj sau npe tshab thiab tuaj xyuas peb txhua hnub...Thov nej koom tes nrog peb mog...Txhob ua siab deb...Yog nej tssi tawm ntsej tawm muag ces peb yuav tssi muaj hnub sib paub...Yog nej tshwm plaws los ces nej thiab peb yog ib tse neeg xwb. Thov nej rho nej txuj qab pha, ci qab hub, tswv yim nruab siab los pab txhawb Peb Hmoob zaum no nawb mog...Yog peb tiam no tsis los koom tes khaws, Peb Hmoob txuj yuav ploj mus tsis muaj hnub yuav raws tau li lawm nawb...Vim lub neej hloov lawm...Tsis nyob lub bneej qub thaum ub, tej txuj ci yuav ploj zuj zus vim peb tssi siv ces yuav tssi nco qab zuj zus lawm....

    Thov ua s d tsaug...


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    MayPaj
    Spammer
    Spammer

    Messages : 488
    Date d'inscription : 2010-02-25

    Re: MayPaj ,Koojziagkabzaug,Hmoobntujqubqab ,Lubpajzoo thiab ntau tus Phooj ywg sib tham ...

    Post  MayPaj on 16th March 2011, 3:15 pm

    koojziagkabzaug wrote:
    Nyob zoo Hmoob Ntujqubqab, Maypaj thiab Lubpajzoo,

    Wow...Cas nej txawj hais kwv txhiaj ua luaj li...! Kuv tsis txawj ces cia kuv tuaj mloog nej tham xwb lauj...Kwv txhiaj Hmoob mas thiaj hais tau lub ntsiab hauv neeg lub siab...Hmoob tej txuj zoo no yuav tsum sib pab ceev cia...Txhob hais tias cia luag mam khaws xwb...Peb yog Hmoob tib yam, peb yuav sib pab ceev, sib pab khaws peb thiaj li yuav khaws tau Hmoob txuj tsis poob. Yog peb tssi sib koom tes ces ib ya cav taws ua tssi tau ib lauj kaub mov siav, ib leeg paub tssi tag txhua yam...Yog cia ib leeg khaws xwb ces nws khaws tau ib yam los yuav tshua ib yam...Li no thiaj li Nquag Hu kom Peb Yog Hmoob, Peb txhua leej yuav tuaj nthuav peb tej laj lim tswv yim tso rau hauv lub Vas Sab nov kom nyob tsis muaj caij kawg ua Peb Hmoob teeg tug...

    Tshwj xeeb cov kwv tij neej tsa uas nej tuaj sau npe tshab thiab tuaj xyuas peb txhua hnub...Thov nej koom tes nrog peb mog...Txhob ua siab deb...Yog nej tssi tawm ntsej tawm muag ces peb yuav tssi muaj hnub sib paub...Yog nej tshwm plaws los ces nej thiab peb yog ib tse neeg xwb. Thov nej rho nej txuj qab pha, ci qab hub, tswv yim nruab siab los pab txhawb Peb Hmoob zaum no nawb mog...Yog peb tiam no tsis los koom tes khaws, Peb Hmoob txuj yuav ploj mus tsis muaj hnub yuav raws tau li lawm nawb...Vim lub neej hloov lawm...Tsis nyob lub bneej qub thaum ub, tej txuj ci yuav ploj zuj zus vim peb tssi siv ces yuav tssi nco qab zuj zus lawm....

    Thov ua s d tsaug...


    Hahaha....KZKZ aj!

    cas pheej tuaj qhuas xwb tsis los sau ib zaj nyuag kwv txhiaj li ne koj mas, kag kag lug wb kawm sau meb los?

    Ntuj sua kab tuaj cua sua hneev tuaj rau poj mab yawm suav tus me zoov dub ,cas me koojziagkabzaug leej niam leej txiv nim txawj noj los txawj yug yuav yug tau koojziagkabzaug tus me caj soob xais zoo nkauj tuaj mus ntxim hlub, txawj ntse tis txawj qhub, yuav qhub li qhawv leej hlob leej yau sawv ua khub, ntiv tes ntiv taw nkiag nkuj nki mos tib nywj nyoos mus phim tag leej niam leej txiv nkawm me ntiv nplhaib kub.

    Ntuj sua kab tuaj cua sua hneev tuaj rau poj mab yawm suav tus me zoov tiaj ,cas me koojziagkabzaug leej niam leej txiv nim txawj noj los txawj yug yuav yug tau koojziagkabzaug tus me caj soob xais zoo nkauj tuaj mus ntxim nyiam, txawj ntse tis txawj qhia, yuav qhia li qhawv leej hlob leej yau sawv ua phiaj, ntiv tes ntiv taw nkiag nkuj nki mos tib nywj nyoos mus phim tag leej niam leej txiv nkawm me ntiv nplhaib nyiaj.

    Ces nim yuav zoo siab luaj no xaus li xi toj taim tuaj txiv ntoo ntseej, Kzkz tsis txawj hais los rau siab kawm es sau tau li cas los peb yeej tsis xyeej.

    Teb tuaj nawb niamlaus Kzkz ....txawj li cas teb li ntawv ntag, peb thiaj sawv daws sib pab khaws txuj ov nawd A:
    avatar
    MayPaj
    Spammer
    Spammer

    Messages : 488
    Date d'inscription : 2010-02-25

    Re: MayPaj ,Koojziagkabzaug,Hmoobntujqubqab ,Lubpajzoo thiab ntau tus Phooj ywg sib tham ...

    Post  MayPaj on 16th March 2011, 4:18 pm

    Hmoob ntuj qub qab wrote:

    Wow...Me muam Maypaj e nws txawj hais kwv txhiaj dhau lawm tij laug tsis paub teb nws lawm nas ...hahahaha
    Nws txawj hais lus tas lauv txawj tham txawj seev nws tej lus muaj Xim lab pab Music kawg li nas saib nws cov ntawv mas twm tsis dhuav twb tas ua ntej lawm ...hahahah.

    Cia tij laug seev rau nws seb yuam...

    Dej teeg dej nim txaws ntxhee nws niam nws txiv nim txawj yug yug tau nws hlob tiav nkauj nws nim txawj paj huam los paj ntsha seev

    Dej teeg dej nim txaws ntxhee ntxhee yees tuaj lub pas dej nws niam nws txiv nim txawj yug yug tau nws hlob tiav nkauj nws nim txawj seev paj huam los paj ntsha rau ib tsoom zej

    Me noog kaub kim yaj me noog qwv qws nim ntxuaj tis thawv tuaj saum cav nws loj hlob tiav nkauj es leej twg qhia nws cas nws nim yuav paub mus txhua tsav

    Me noog kaub kim yaj me noog qwv qws nim ntxuaj tis thawv tuaj saum tsua nws loj hlob tiav nkauj es leej twg qhia nws cas nws nim yuav paub mus txhua

    Cas nim los nag tshauv nag ntxiaj ntxaum nim ntxaum ntxiav daim me nplooj ntse cas nws lub ncauj nim npliag lias lub siab nim ntse nws nim tsis qiv leej twg tes

    Cas nim los nag tshauv nag ntxiaj ntxaum nim ntxaum ntxiav daim me nplooj thuv cas nws lub ncauj nim npliag lias lub siab nim ntse nws nim tsis qiv leej twg lus

    Chim laj xeeb rau lub sam xeeb cas nws nim yog me leej ntxhais yug los keej
    Hahahaha.



    Hahahaha...Tijlaug,

    Kuv niam qhia kuv hais tias, kwv txhiaj ces yuav tsum txawj teb kom phim luag thiab es luag thiaj xav teb rov rau yus no naj, nyob tom tshav pob mas muaj ib txhia pojniam txawj kwv txhiaj suab zoo kawg, thaum luag hais kwv txhiaj sib hlub nrog nws lawm mas nws tsuas mus hais nws cov kwv txhiaj nws kawm txws xwb ces tsis phim luag lawm ces luag tsis xav nrog nws hais pes tsawg... hos cov es luag zaj tuaj los nws zaj tag, luag zaj tag los nws zaj tuaj, sib raws nrwb nroos, txaus luag txaus teb txaus lom zem mas luag thiaj zov coob thiab luag thiaj xav mloog, thaum luag hais kev hlub mas yus txhob mus hais tsiv teb tsaws chaw, taug luag hais hlub kom tau yus mas yus txhob mus hais ua kev ntsoj kev ntsuag. Maj mam mloog luag zaj es li hais kom dhos luag lus teb yus no mas zoo kawg li no od. Kuv tseem tsis tau txawj pes tsawg, kuv tseem kawm, tseem xyaum , li no kuv thiaj xav kawm ntawm Kzkz nej txhua tus ...hehehe.

    Mloog nawb tijlaug:



    Qaum ntuj ces luag nim tsuas cav tau tus paj huab ncua thiaj li tawg tau tshiab, ntiaj teb no xyoov luag puas cas tias nkauj muam maiv paj li kuv no yuav seev paj ntsha lus taum mus tau kho siab.


    Qaum ntuj ces luag nim tsuas cav tau tus paj huab ncua thiaj li tawg tau ntsawv, uas ntiaj teb no xyoov luag puas cas tias nkauj muam maiv paj li kuv no yuav seev paj ntsha lus taum mus tau kho plawv.


    Cas kaub kim yaj laug xav tias tsis quaj los yuav kho kaub kim yaj laug siab seev yuj yees mus tuaj tsis cev kab, kho kuv nkauj hmoob siab ces kuv nkauj hmoob tawm rooj plaws seev seb tij laug hmoob ntuj qub qab puas yuav pab.

    Cas kaub kim yaj laug xav tias tsis quaj los yuav kho kaub kim yaj laug siab seev yuj yees mus tuaj tsis cev txiv, kho kuv nkauj hmoob siab ces kuv nkauj hmoob tawm rooj plaws seev seb tij laug hmoob ntuj qub qab puas yuav tuaj qhia ntxiv.

    Los nag tshauv nag ntxiaj ntxaum nim ntxaum ntxiav daim me nplooj ntse, nkauj hmoob li kuv twb tsis txawj saub los txawj seev es thiaj li ua ciaj ua tuag caum seb puas tau nrog tij laug hmoob ntuj qub qab tus txawj txuj no kawm ua ib ke.

    Los nag tshauv nag ntxiaj ntxaum nim ntxaum ntxiav daim me nplooj thuv, nkauj hmoob li kuv twb tsis txawj saub los txawj seev es thiaj li ua ciaj ua tuag caum seb puas tau nrog tij laug hmoob ntuj qub qab tus txawj txuj no tuaj mus qhia kuv.

    Ces yuav zoo laj xeeb tsis txawj tag, sim cia seb koojziagkabzaug thiab lubpajzoo nkawv puas yuav tuaj nrog wb tso dag A:
    avatar
    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: MayPaj ,Koojziagkabzaug,Hmoobntujqubqab ,Lubpajzoo thiab ntau tus Phooj ywg sib tham ...

    Post  Hmoob ntuj qub qab on 16th March 2011, 9:33 pm

    koojziagkabzaug wrote:
    Nyob zoo Hmoob Ntujqubqab, Maypaj thiab Lubpajzoo,

    Wow...Cas nej txawj hais kwv txhiaj ua luaj li...! Kuv tsis txawj ces cia kuv tuaj mloog nej tham xwb lauj...Kwv txhiaj Hmoob mas thiaj hais tau lub ntsiab hauv neeg lub siab...Hmoob tej txuj zoo no yuav tsum sib pab ceev cia...Txhob hais tias cia luag mam khaws xwb...Peb yog Hmoob tib yam, peb yuav sib pab ceev, sib pab khaws peb thiaj li yuav khaws tau Hmoob txuj tsis poob. Yog peb tssi sib koom tes ces ib ya cav taws ua tssi tau ib lauj kaub mov siav, ib leeg paub tssi tag txhua yam...Yog cia ib leeg khaws xwb ces nws khaws tau ib yam los yuav tshua ib yam...Li no thiaj li Nquag Hu kom Peb Yog Hmoob, Peb txhua leej yuav tuaj nthuav peb tej laj lim tswv yim tso rau hauv lub Vas Sab nov kom nyob tsis muaj caij kawg ua Peb Hmoob teeg tug...

    Tshwj xeeb cov kwv tij neej tsa uas nej tuaj sau npe tshab thiab tuaj xyuas peb txhua hnub...Thov nej koom tes nrog peb mog...Txhob ua siab deb...Yog nej tssi tawm ntsej tawm muag ces peb yuav tssi muaj hnub sib paub...Yog nej tshwm plaws los ces nej thiab peb yog ib tse neeg xwb. Thov nej rho nej txuj qab pha, ci qab hub, tswv yim nruab siab los pab txhawb Peb Hmoob zaum no nawb mog...Yog peb tiam no tsis los koom tes khaws, Peb Hmoob txuj yuav ploj mus tsis muaj hnub yuav raws tau li lawm nawb...Vim lub neej hloov lawm...Tsis nyob lub bneej qub thaum ub, tej txuj ci yuav ploj zuj zus vim peb tssi siv ces yuav tssi nco qab zuj zus lawm....

    Thov ua s d tsaug...

    Nyob zoo Koojziagkabzaug

    Nws cov lus muaj nuj qis rau sawv daws coj mus ib txhis
    Nws cov lus tsim nuj txawj siv ces yuav zoo txuj

    me muam Mayoaj mas hlwb zoo heev txawj tham los txawj tham tas lauv los txawj tas lauv muaj qee chim luag mob plab tas li os ....


    avatar
    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: MayPaj ,Koojziagkabzaug,Hmoobntujqubqab ,Lubpajzoo thiab ntau tus Phooj ywg sib tham ...

    Post  Hmoob ntuj qub qab on 16th March 2011, 10:08 pm

    MayPaj wrote:Hahahaha...Tijlaug,

    Kuv niam qhia kuv hais tias, kwv txhiaj ces yuav tsum txawj teb kom phim luag thiab es luag thiaj xav teb rov rau yus no naj, nyob tom tshav pob mas muaj ib txhia pojniam txawj kwv txhiaj suab zoo kawg, thaum luag hais kwv txhiaj sib hlub nrog nws lawm mas nws tsuas mus hais nws cov kwv txhiaj nws kawm txws xwb ces tsis phim luag lawm ces luag tsis xav nrog nws hais pes tsawg... hos cov es luag zaj tuaj los nws zaj tag, luag zaj tag los nws zaj tuaj, sib raws nrwb nroos, txaus luag txaus teb txaus lom zem mas luag thiaj zov coob thiab luag thiaj xav mloog, thaum luag hais kev hlub mas yus txhob mus hais tsiv teb tsaws chaw, taug luag hais hlub kom tau yus mas yus txhob mus hais ua kev ntsoj kev ntsuag. Maj mam mloog luag zaj es li hais kom dhos luag lus teb yus no mas zoo kawg li no od. Kuv tseem tsis tau txawj pes tsawg, kuv tseem kawm, tseem xyaum , li no kuv thiaj xav kawm ntawm Kzkz nej txhua tus ...hehehe.

    Mloog nawb tijlaug:


    Qaum ntuj ces luag nim tsuas cav tau tus paj huab ncua thiaj li tawg tau tshiab, ntiaj teb no xyoov luag puas cas tias nkauj muam maiv paj li kuv no yuav seev paj ntsha lus taum mus tau kho siab.


    Qaum ntuj ces luag nim tsuas cav tau tus paj huab ncua thiaj li tawg tau ntsawv, uas ntiaj teb no xyoov luag puas cas tias nkauj muam maiv paj li kuv no yuav seev paj ntsha lus taum mus tau kho plawv.


    Cas kaub kim yaj laug xav tias tsis quaj los yuav kho kaub kim yaj laug siab seev yuj yees mus tuaj tsis cev kab, kho kuv nkauj hmoob siab ces kuv nkauj hmoob tawm rooj plaws seev seb tij laug hmoob ntuj qub qab puas yuav pab.

    Cas kaub kim yaj laug xav tias tsis quaj los yuav kho kaub kim yaj laug siab seev yuj yees mus tuaj tsis cev txiv, kho kuv nkauj hmoob siab ces kuv nkauj hmoob tawm rooj plaws seev seb tij laug hmoob ntuj qub qab puas yuav tuaj qhia ntxiv.

    Los nag tshauv nag ntxiaj ntxaum nim ntxaum ntxiav daim me nplooj ntse, nkauj hmoob li kuv twb tsis txawj saub los txawj seev es thiaj li ua ciaj ua tuag caum seb puas tau nrog tij laug hmoob ntuj qub qab tus txawj txuj no kawm ua ib ke.

    Los nag tshauv nag ntxiaj ntxaum nim ntxaum ntxiav daim me nplooj thuv, nkauj hmoob li kuv twb tsis txawj saub los txawj seev es thiaj li ua ciaj ua tuag caum seb puas tau nrog tij laug hmoob ntuj qub qab tus txawj txuj no tuaj mus qhia kuv.

    Ces yuav zoo laj xeeb tsis txawj tag, sim cia seb koojziagkabzaug thiab lubpajzoo nkawv puas yuav tuaj nrog wb tso dag A:

    Hihihhihi...me muam Maypaj e nws txawj tav lauv dhau tij laug luag mob plab tas lawm nas , kwv txhiaj ces yog li nws niam qhia nws mas nws hais tau nkaus li nws niam qhia ntag hos.
    Tij laug ces nyuj quaj nyuj twm quaj twm xav npaum li cas los tsis tshwm li nas me muam txawj seev tas lauv e nws mas tsis nkim tij laug qhuas nws tiag li hos hahahaha.


    Ntiaj teb ces luag nim tsuas cav tau me paj yeeb ntsha thiaj li tawg tau tshiab, me nkauj Hmmob ces luag tsuas cav me muam maiv paj maiv paj li nws no thiaj li seev paj ntsha lus taum mus tau kho siab.


    Ntaij teb ces luag nim tsuas cav tau me paj yeeb dawb thiaj li tawg tau ntsawv, me nkauj Hmoob ces luag tsuas cav me muam maiv paj li nws no thiaj li seev paj ntsha lus taum mus tau kho plawv.

    Cas kho me noog qwv qws siab me noog qwv qws quaj tsis muaj sab ces yuav tsis xav mus nrhiav kab, kho nraug laus Hmoob li kuv siab ces nraug laus hmoob tawm rooj plaws seev suab los ua tom ntej tom qab es me muam maiv paj puas yuav pab.


    Cas kho me noog qwv qws siab me noog qwv qws quaj tsis nrov ces yuav tsis xav mus nrhiav kab los xo , kho nraug laus Hmoob li kuv siab ces nraug laus hmoob tawm rooj plaws seev suab los ua tom qab rau tom ntej es me muam maiv paj puas hnov.

    Tshav tuaj tshav nim ziab tas ib cim me teb nplej , nraug laus hmoob li kuv twb tsis txawj saub los txawj seev es thiaj li ua ciaj ua tuag caum seb puas tau nrog me muam maiv paj tus txawj txuj los txawj ci mus lawm ib ncuas ntej.


    Tshav tuaj tshav nim ziab tas ib cim me paj huab ncua , nraug laus hmoob li kuv twb tsis txawj saub los txawj seev es thiaj li ua ciaj ua tuag caum seb puas tau nrog me muam maiv paj tus txawj txuj los txawj ci mus lawm ib ncuas.


    Ces yuav zoo laj xeeb tsis txawj xaus , sim cia seb koojziagkabzaug thiab lubpajzoo nkawv puas yuav tuaj nrog wb taug ...hihihihhi


    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: MayPaj ,Koojziagkabzaug,Hmoobntujqubqab ,Lubpajzoo thiab ntau tus Phooj ywg sib tham ...

    Post  koojziagkabzaug on 17th March 2011, 2:08 am

    Hmoob ntuj qub qab wrote:
    koojziagkabzaug wrote:
    Nyob zoo Hmoob Ntujqubqab, Maypaj thiab Lubpajzoo,

    Wow...Cas nej txawj hais kwv txhiaj ua luaj li...! Kuv tsis txawj ces cia kuv tuaj mloog nej tham xwb lauj...Kwv txhiaj Hmoob mas thiaj hais tau lub ntsiab hauv neeg lub siab...Hmoob tej txuj zoo no yuav tsum sib pab ceev cia...Txhob hais tias cia luag mam khaws xwb...Peb yog Hmoob tib yam, peb yuav sib pab ceev, sib pab khaws peb thiaj li yuav khaws tau Hmoob txuj tsis poob. Yog peb tssi sib koom tes ces ib ya cav taws ua tssi tau ib lauj kaub mov siav, ib leeg paub tssi tag txhua yam...Yog cia ib leeg khaws xwb ces nws khaws tau ib yam los yuav tshua ib yam...Li no thiaj li Nquag Hu kom Peb Yog Hmoob, Peb txhua leej yuav tuaj nthuav peb tej laj lim tswv yim tso rau hauv lub Vas Sab nov kom nyob tsis muaj caij kawg ua Peb Hmoob teeg tug...

    Tshwj xeeb cov kwv tij neej tsa uas nej tuaj sau npe tshab thiab tuaj xyuas peb txhua hnub...Thov nej koom tes nrog peb mog...Txhob ua siab deb...Yog nej tssi tawm ntsej tawm muag ces peb yuav tssi muaj hnub sib paub...Yog nej tshwm plaws los ces nej thiab peb yog ib tse neeg xwb. Thov nej rho nej txuj qab pha, ci qab hub, tswv yim nruab siab los pab txhawb Peb Hmoob zaum no nawb mog...Yog peb tiam no tsis los koom tes khaws, Peb Hmoob txuj yuav ploj mus tsis muaj hnub yuav raws tau li lawm nawb...Vim lub neej hloov lawm...Tsis nyob lub bneej qub thaum ub, tej txuj ci yuav ploj zuj zus vim peb tssi siv ces yuav tssi nco qab zuj zus lawm....

    Thov ua s d tsaug...

    Nyob zoo Koojziagkabzaug

    Nws cov lus muaj nuj qis rau sawv daws coj mus ib txhis
    Nws cov lus tsim nuj txawj siv ces yuav zoo txuj

    me muam Mayoaj mas hlwb zoo heev txawj tham los txawj tham tas lauv los txawj tas lauv muaj qee chim luag mob plab tas li os ....



    Nyob zoo Hmoob Ntujqubqab,

    Yog kawg, Maypaj yog ib tug me ntxhais zoo thiab ntxim nyiam heev...Nws tsa yus lub zog, nws txhawb yus lub siab. Nws ua rau yus muaj siab khwv thiab ua neeg xyiv fab.

    Hmoob leej tub, kuv lam xa ib los lus nrog huab nrog cua ya, vim kuv pom cov kwv tij Hmoob tuaj xyuas peb coob, tuaj sau npe coob heev...Tab sis tssi pom muaj neeg tuaj nrog peb pauv tswv yim. Kuv paub tias muaj coob tus muaj txuj zoo heev, tab sis yog lawv tsis rho los pub peb xwb...Lawv tej txuj zoo lawv tsis thau, lawv ho tuaj nyeem kuv cov txuj tsawg thiab ntiav heev...Kuv thiaj xa ib lo lus Nquag Hu rau tsoom Hmoob txhua leej...Thws koj npab los pab, rub koj tes tsho los npo mog...Kuv cov me kwv tij Hmoob...


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    Lubpajzoo
    Developer
    Developer

    Messages : 126
    Date d'inscription : 2010-04-22

    Re: MayPaj ,Koojziagkabzaug,Hmoobntujqubqab ,Lubpajzoo thiab ntau tus Phooj ywg sib tham ...

    Post  Lubpajzoo on 17th March 2011, 9:07 am

    Niamlaus, koj coj mus teev khaws cia los tau kawg li os. Kuv tseeem tshuav ob peb zaj ntxiv yog muaj sijhawm kuv mam sau cia tsam ntev mus kuv tsis siv ces kuv yuav ploj mus lawm os.

    koojziagkabzaug wrote:

    Wow...! Lub me Paj Zoo,

    Ua tsaug rau nws zaj khawv koob nawb, zoo tiag tiag li.

    Yog ib qho tseem ceeb heev, kuv thov muab khaws cia nram lub Tsev kawh koob nawb. Nws mas tshaj lij tiag tiag li...

    Xav kom hnub txhob txawg poob, xav kom peb nyob ua ke li nov txhua hnub
    Xav kom ntuj txhob txawj tsaus, xav kom peb cov phooj ywg ib txwm nyob li nov tsis muaj hnub pauv.
    Xav kom lub hnub txhob ploj lub hli txhob nraim, xav kom peb nyob ua ke li nov tsis txhob sib ncaim...



    Nyob nrog koj kuv lom zem,
    Nyob ua ke peb sov siab

    avatar
    Lubpajzoo
    Developer
    Developer

    Messages : 126
    Date d'inscription : 2010-04-22

    Re: MayPaj ,Koojziagkabzaug,Hmoobntujqubqab ,Lubpajzoo thiab ntau tus Phooj ywg sib tham ...

    Post  Lubpajzoo on 17th March 2011, 9:11 am

    Tijlaug, yog mas, yog koj ntseeg tias pab tau koj ces nws yog ib zaj tiv thaiv tau dab zoo heev li os. Wb siv zaj no los qhuas dab xwb es leej heev li nawd, koj twb txawj neeb, koj siv zaj no ces yuav pab tau koj lawm os.

    Hmoob ntuj qub qab wrote:
    Lubpajzoo wrote:Tijlaug, koj tseem nyob lub neej tim qub qab thiab tseem siv tej qub txujci ces kuv muab zaj khawvkoob no rau koj mog.

    Zaj Kem Dab Ntxhwg Nyoog

    Hu txog Nkauj Cuam Ntuj muaj zoo txuj
    Hu txog Nraug Cuam Hli muaj zoo ci
    Pab nqa ntaj xob los rau tooj nchai siv yis
    Pab nqa ntaj xob cig ua ntsa niab
    Pab kem tau cov tub nyob nruab thiab
    Pab nqa ntaj xob cig ua ntshua zawv
    Pab kem tau cov tub nyob nruab plawv
    Pab kem liaj liaj tsis pub ntab
    Pab kem tau plaub caug yim yam dab
    Pab kem iav iav tsis pub ntws
    Pab kem tau plaub caug yim yam tshws
    Liaj rooj kom khov yuam dab qus kom rov
    Liaj rooj kom zoo yuam dab qus kom mloog


    Leej muam Lubpajzoo

    Zoo kawg li os tij laug kawm tau coj mus siv lawm nawj Nkawm qhua neeb no zoo heev os zoo siv rau dab phem kawg li ua tsaug nws qhia mog leej muam siab zoo.


    avatar
    Lubpajzoo
    Developer
    Developer

    Messages : 126
    Date d'inscription : 2010-04-22

    Re: MayPaj ,Koojziagkabzaug,Hmoobntujqubqab ,Lubpajzoo thiab ntau tus Phooj ywg sib tham ...

    Post  Lubpajzoo on 17th March 2011, 9:14 am

    Nyobzoo hnub tshiab os, Hmoob Ntuj Qub Qab, Kooj Ziag Kab Zaug, thiab Maypaj,

    Tuaj pom nej tham lomzem li no, rov ua rau kuv nco txog nej heev li os. Kavtsij tham kom lub me tsev no nyob tau sovso es peb thiaj kajsiab mog.

    Thov vajtswv foom koob hmoov rau nej os.


    Sponsored content

    Re: MayPaj ,Koojziagkabzaug,Hmoobntujqubqab ,Lubpajzoo thiab ntau tus Phooj ywg sib tham ...

    Post  Sponsored content


      Current date/time is 23rd May 2018, 10:30 am