Saib Duab Teb Chaws Toj Siab Sab Xeev Khuam.

Nraug Liab Toj Siab 20th November 2013, 5:24 am

Nraug Liab Toj Siab

Nraug Liab Toj Siab: Sponsor; Messages : 774
Date d'inscription : 2011-05-31
Age : 37
Localisation : Nyob ntawm koj ib sab.

Post n°376

Re: Saib Duab Teb Chaws Toj Siab Sab Xeev Khuam.

Nraug Liab Toj Siab 20th November 2013, 5:24 am

Saib Duab Teb Chaws Toj Siab Sab Xeev Khuam. - Page 16 13766110

Nroog Moos Cab

Saib Duab Teb Chaws Toj Siab Sab Xeev Khuam. - Page 16 10116210

Npaj qaib ua 30.

xiongchang 20th November 2013, 6:47 am

xiongchang

xiongchang: Moderator; Messages : 5005
Date d'inscription : 2012-04-16

Post n°377

Re: Saib Duab Teb Chaws Toj Siab Sab Xeev Khuam.

xiongchang 20th November 2013, 6:47 am

......Nyob zoo....Hnub tshiab os?....Tub nraug liab toj siab aws?....Zoo siab pom obdaim duab nroog....{Moos cab}....Tub nraug liab toj siab....Qhov teb chaws nplog....Tsi vam meej....Vim nom tswv....Tsi muaj zeem muag txaus....Kev yuav vam meej taug....Los ntawm tub lag luam....{Txhim kho - Kiab khw - Ci ntsa iab}....Muaj peb yam kev taug xws li:

Nqe:........1./.......Kev tsheb khiav nruab hnub hmo ntuj...."24:00 Hours"....Sib cuag mus los....Tsi tu ncua.
Nqe:........2./.......Nkoj taug dej....Muaj nkoj tas nrho....DEj me....Dej yau....Dej nrab....Dej loj...."River - Me kong"
Nqe:........3./.......Tshav nkoj cua....Tshav dav hlau tsaws....Txhua lub nroog....Txhua lub zog.

......Peb txoj kev no....Muaj tas nrho....Thaum plamib qho....Tshuav ib qho....Txhua lub nroog....Tsi muaj tshav dav hlau loj....Muaj tshav dav hlau me....Teb chaws....Thiaj vam meej taug nawb....Tub nraug liab toj siab aws?....Yog hais tias?....Nom tswv nplog....Muaj zeem muag....Xam pom txog....Lub hom phiaj....Kuv piav no....Teb chaws nplog....Thiaj yuav vam meej sai raws cuag....Lwm haiv neeg....Hos yog nom tswv nplog....Tseem coj siab nqaim li....Yav tas lawm txog....Niaj hnub no....Teb chaws nplog....Yuav vam meej....Tshauv ntev nawb....Vim peb cov tshav dav hlau xyoo 1961 - 1975....Nom tswv nplog....Kaw tas....Ciaj hav fab....Tsuas siv tsheb khiav...."Tab sis"....Caij ntuj nag nqeg....Tsheb khiav tsi tau....Tsheej hli....Lub rau xya yim cuaj kaum hli ntuj....Xya lub hlis ntawd....Tsheb khiav nyuaj kawg nkaug....Yuav tsum siv dav hlau li....Yav ntuj thaum ub....Peb nyob xyoo 1961 - 1975....Peb tawm khiav teb chaws lawm....Lub nroog....{Moos cab}....Twb tsim nyog....Muaj tshav nkoj cua li....Yav ntuj thaum ub....Peb nyob ntawd....Lub caij ntuj nag nqeg....Tsheb khiav tsi tau....Muaj dav hlau xam khoom lag luam mus los sib cuag....Tsi tu ncua....Nej thiaj yuav pom teb chaws vam meej sai nawb....Tub nraug liab toj siab aws?

xiongchang 21st November 2013, 10:19 am

xiongchang

xiongchang: Moderator; Messages : 5005
Date d'inscription : 2012-04-16

Post n°378

Re: Saib Duab Teb Chaws Toj Siab Sab Xeev Khuam.

xiongchang 21st November 2013, 10:19 am

......Nyob zoo....Hnub tshiab os?....Tub nraug liab toj siab aws?....Yog muab hais qhov tseeb kiag....Txhais tau tias?....(Nroog moog - Moos cab}....Yog hmoob lub plawv ntas no mas yom?....Peb caug yim xyoo uas....Peb hmoob vaj pov khiav tawm txawv teb chaws....Yuav luag tas....Tshuav li....Kaum tsib feem pua....Nrog kwv tij hmoob nplog liab nyob tom qab....Yog tias mas....{Lub nroog - Moos cab}....Yuav tsum muaj tshav dav hlau loj luaj li....Lub qub tshav dav hlau nroog....(Looj ceeb)....Yav ntuj thaum xyoo 1967 - 1975....Nroog looj ceeb xyoo 1967 - 1968 - 1969....Pej xeem hmoob nyob coob txog 165,900....Leej neeg....Pub thawj....Nplog muaj li....4,000 leej neeg....Yog lub nroog....Pej xeem nyob coob thib: 2....Teb chaws nplog....Tuam nroog...."Vientiane"....260,500 leej neeg xwb os?....Lubhauvxyoo 1967 - 1968 - 1969....Pej xeem hmoob nyob ob lub nroog no....165,900 + 65,700 = 231,600 leej pej xeem hmoob....Peb nyob lom zem heev os?....Tub nraug liab toj siab aws?....Tom qab xyoo 1970....Tub rog....Aib noob nrog....Tub rog nyab laj....Txij peeb zeej tuaj tua nroog...."Sam Thong - Looj ceeb"....Tawg tas....Hmoob khiav tawm....Ob lub nroog no....Peb nyob tsi tshua lom zem pes tsawg....Vim hmoob tsawg lawm....Ua li....Tam sim no....Nej nyob tom qab tsawg dua....Thaum peb nyob lawm....Puas lom zem nas yuam....Tsi muaj tug coj zoo....{Muaj zeem muag - Xam pom deb}....Sau hmoob nyob ua ke coob li....Yav ntuj thaum lawm....Tub nraug liab toj siab aws?....Hmoob nyob xyaw hauj nplog tas lawm....Ntshe tsi tshua lom zem lawmos yom....Tub nraug liab toj siab aws?

xiongchang 21st November 2013, 10:53 am

xiongchang

xiongchang: Moderator; Messages : 5005
Date d'inscription : 2012-04-16

Post n°379

Re: Saib Duab Teb Chaws Toj Siab Sab Xeev Khuam.

xiongchang 21st November 2013, 10:53 am

......Ua ntej....Hmoob yuav zoo....Vam meej sai....Nce qeb deb....Raws cuag....Lwm haiv neeg....Hmoob cov nom....Txhob tub nkeeg....Nkaum hauv tsev li....Tam sim no....Kwv tij hmoob nplog....Niaj hnub no....Nquag tawm ncig....Saib xyuas niam txiv....Pej xeem hmoob....Txhua lub zog li....Yav ntuj thaum ub....Hlob vaj pov....Ua hmoob....Tug coj....Ua hmoob....Tug thawj nom....Hmoob thiaj vam meej taug....Tub nraug liab....Toj siab aws?....Tam sim no....Nej nyob tom qab zoo piv tam li....Tsob pob kws....Cog saum pov toj....Txooj nplej....Cog saum pob ntsaum....Av qhuav qhawv nkig nkuav....Tsi muaj tswv....Ncig saib xyuas xauj li....Cuaj hnub kaum hmo....Tsi muaj dej nag yug siav....Tshav tuaj....Tshav kub ntaiv fwv....Cuag nplaim tawg....Tshuav cig....Pob kws nplej nplooj ntsws ntsee....Kav qhuav daj tseem....Yuav tuag li....Xyov nej hmoob noj li cas?....Nyob li cas?....Nom hmoob nplog....Niaj hnub no....Ntsej lag....Qhov muag dig....Tsi paub dab tsi li....Ua neej....Ywj cua ntsawj....Kav liam cua....Tshoob nkoj ntaub....KUv ntsia mas....Nom hmoob nplog....Ua neej zoo li....Kooj txig ya...Tsi muaj hom phiaj tsawg....Taub hau ncaj twg?....Tsawg ntawd....Yeej peem nplog....Yuav ua li cas?....Hmoob thiaj zoo....Vam meej taug nas?....Tug nraug liab....Toj siab aws?

Nraug Liab Toj Siab 23rd November 2013, 3:11 am

Nraug Liab Toj Siab

Nraug Liab Toj Siab: Sponsor; Messages : 774
Date d'inscription : 2011-05-31
Age : 37
Localisation : Nyob ntawm koj ib sab.

Post n°380

Re: Saib Duab Teb Chaws Toj Siab Sab Xeev Khuam.

Nraug Liab Toj Siab 23rd November 2013, 3:11 am

Nyob zoo hnub tshiab 6 koj os txiv ntxawm Xiongchang, zoo siab thiab ua tsaug ntau 6 koj ua txiv cov lus tham txhua nqi nawb mog, kuv ces me yau tom qab lawm yeej tsis paub tsis pom txog 3 hmoob lub neej txom nyem yav ntuj qub qab li os, koj ua txiv muaj lus zoo muaj lus tseem ceeb los yeej meem tham tuaj, kuv ua tub yuav zoo siab thiab ua tsaug lees txais kawm koj ua txiv cov lus zoo txhua nqi.

Mam sib ntsib dua os txiv ntxawm, ua tsaug os.

xiongchang 23rd November 2013, 7:44 am

xiongchang

xiongchang: Moderator; Messages : 5005
Date d'inscription : 2012-04-16

Post n°381

Re: Saib Duab Teb Chaws Toj Siab Sab Xeev Khuam.

xiongchang 23rd November 2013, 7:44 am

......Nyob zoo....Hnub tshiab os?....Tub nraug liab....Toj siab aws?....Zoo siab kawg....Rov ntsib koj ua tub dua....Txhob xav li cas nawb mog....Kuv ua txiv ntawm nyob txawv teb chaws....{Hais sib - Hais nyav}....Xav kom hmoob zoo....Nce qeb vam meej sai....Tsi muaj leej twg?....Mob siab txog hmoob nawb....Yuav tsum yog....(Hmoob)....Mob siab hmoob zoo li....Yav ntuj thaum ub....Hlob vaj pov....Mob siab hmoob....Qhov twg?....Hmoob tsi paub....Hlob vaj pov....Cobqhia hmoob xwb os?....Yam twg?....Hmoob tsi txawj....Hlob vaj pov....Thov neeg thaib....Tuaj cob qhia hmoob ua....Txhob tog nom nplog....Nom nplog tsi hlub hmoob ov?...."Tab sis"....Tam sim no....Nej nyob...."Communist - Koom tshaj"....Txawv thaum peb nyob los mog....Ua tsi tau li....Hmoob siab xav nawb mog....Yuav tsum yog....Hmoob hlub hmoob tias?....Yog hmoob tsi hlub hmoob....Leej twg?....Ib nyuas muaj fwj chim....Rov quab yuam caij tsuj hmoob....Hmoob zoo tsi taug nawb mog....Me tub nraug liab...Toj siab aws....(Hmoob hlub hmoob)....Tsuas muaj hlob vaj pov coj hmoob xyoo 1961 - 1975....Nyob nroog looj ceeb....Kuv tug kheej xyoo 1979 - 1991....Nyob yeej vib nai....Ua txhua yam....Rau hmoob xwb lauv?....Dua li....Lwm tug hmoob coj txawv lawm mog...."Tab sis"....Hmoob tsi paub dab tsi li os?....{Hmoob khaws xyeem noj - Khaws xyeem siv - Tsi txog siav li os?}....Nyob zoo....Mam sis ntsib dua mog....Tub nraug liab toj siab aws?

Nraug Liab Toj Siab 24th November 2013, 4:49 am

Nraug Liab Toj Siab

Nraug Liab Toj Siab: Sponsor; Messages : 774
Date d'inscription : 2011-05-31
Age : 37
Localisation : Nyob ntawm koj ib sab.

Post n°382

Re: Saib Duab Teb Chaws Toj Siab Sab Xeev Khuam.

Nraug Liab Toj Siab 24th November 2013, 4:49 am

Nyob zoo 30 xyoo tshiab 6 koj os txiv ntxawm Xiongchang, tsis ua cas li os txiv ntxawm koj tej lus qhuab qhia txhua lo puav leej yog lus nyiaj lus kub tag nrho xwb os, tus luag tsis txheeb ze yus, tsis hlub yus mas txawm ntiav los luag yeej tsis kam tsa ncauj qhia thiab ntuas yus, kuv yuav nco ntsoov thiab ua tsaug ntau rau nws ua txiv tej lus zoo txhua nqi.

Tej zaum kuv yuav tsis tau tuaj li 1 week lawm, vim December2nd, 2013 no peb yuav noj 30 ces yuav tsis tau tuaj lawm os, khoom no mam yees duab tuaj post rau peb saib os txiv ntxawm.

Thov kom koj thiab tsev neeg nrog rau cov phooj ywg Hmoob Tshav Ntuj txhua tus tsuas tsib kev noj qab nyob zoo thiab lom zem txhua sij hawm.

Ua tsaug.

xiongchang 24th November 2013, 6:34 am

xiongchang

xiongchang: Moderator; Messages : 5005
Date d'inscription : 2012-04-16

Post n°383

Re: Saib Duab Teb Chaws Toj Siab Sab Xeev Khuam.

xiongchang 24th November 2013, 6:34 am

......AWb nyob zoo....Xyoo tshiab....Peb caug tom ntej no....Raug koj thiab os?....Tub nraug liab toj siab aws?....Ua dab tsi?....Xyuam xim nawb mog....Txhob ua dog dig....Txhob maub duj dig....Nploob dub....Ib leeg....Nawb mog....Ua dab tsi?....Mus muaj khub....Muaj pov thawj tim khawv os mog....Coj tug....Mloog tog....Saib meej....Xyuas tseeb....Txhob ua neeg....Pob ntseg sib....Nrov qhov twg?....Dhia qhov ntawd....Nawb mog....Nyob zoo....Mam sis ntsib dua mog?....Hnub tshiab tom ntej no mog.

Hmong ntuj tshiab 24th November 2013, 5:28 pm

Hmong ntuj tshiab

Hmong ntuj tshiab: Sponsor; Messages : 537
Date d'inscription : 2011-05-25

Post n°384

Re: Saib Duab Teb Chaws Toj Siab Sab Xeev Khuam.

Hmong ntuj tshiab 24th November 2013, 5:28 pm

Nraug Liab Toj Siab wrote:
Nroog Moos Cab

Tseem nco txog lub nroog moos cab

Nyob zoo os-----------------lub nroog moos cab
Nyob tom qab----------------lom zem xauv npo
Yeej tseem nco---------------nej txhua txhua tus
Nkauj muam nus------------yav puag nram ntej

Peb thiab nej------------------tseem yog me yau
Uas peb tau----------------------nyob ib zaug los
Lub me zos--------------------niam txiv yug peb
Dej qhov zeb-------------------peb ib txwm haus

Lub zos laus--------------------kev nyob kev noj
Peb thiaj loj-------------------tiav niam tiav txiv
Lub neej chiv-----------------nyob ua pab pawg
Teb chaws tawg-------------Peb thiaj tau ncaim

Mus nyob nraim-------------------rau ib rooj teb
Ncaim mus deb----------------rau ib ntxeev ntuj
Yam dav yuj------------mus nrhiav chaw tsaws
Peb sawv daws--------------txhua tus tau ncaim

Tseem xav nraim--------------nco vaj tsev thiab
Peb lub siab-----------------tseem xam muaj nej
Thaj teb nplej----------------hav nroj pwm tshis
Ntshe nros ntshis-------------tsis muaj tus nthua

Teb hav tsua------------------hav nqeeb hav tauj
Peb muab nrauj-----------------rau moos cab no
Los tseem nco-------------------qub zog toj siab
Lub ntuj tshiab----------------uas peb mus nyob

Neej pov plob----------------nws yeej txawv hlo
Moos cab no---------------------peb lub qub zog
Lawm nawb mog----------tsoom phooj ywg aw
Lub qub chaw-------------thaum peb tseem yau

Txawm nws tau------------hloov mus tag lawm
Vim sib hawm--------------dhau mus ntau xyoo
Tej xyoob ntoo---------------------los twb loj tas
Ib co mas--------------------ntshe ntov tas lawm

Muam nkauj ntxawm-------ntshe nws twb laus
Mus tsis taus------------------------kev li thaum i
Chaw ua si------------------thaum peb tseem me
Tej vaj tse----------------------peb ib txwm nyob

Ntshe twb nphob---------------ciaj hav quav poj
Hav zoov loj-----------------ciaj zoov nuj txeeg
Ib tsoom neeg---------------------peb nyob ua ke
Lawv los ntshe---------------nplua nuj tag lawm

Vim sib hawm-------------dhau mus lawm ntev
Tej me kev---------------------peb ib txwm thuv
Ciaj kev luv-------------------ntshe zoo dua qub
Yam lub hnub---------------------duab ci kaj zus

Tshwm tuaj mus--------tawm plaws npoo roob
Phooj ywg hmoob-------------nej puas zoo siab
Muaj daim tshiab--------------los twb xav hnav
Pluas zoo qav--------------------los yeej xav noj

Lub zog loj--------------------mus lawm zuj zus
Lo me lus------------------muab tham tawm tuaj
Cuag noj tshuaj-----------koom zaub mov nrog
Vim lub zog-------------------tsuas heev zuj zus

Cheem kev mus------------cuag poj cuag yawm
Kev txij nkawm-----------------yeej tsis xav dua
Yam nthwv cua-----------------tsuas los ib vuag
Poob kua muag------------thaum uas tham txog

Vim tias yog-------------------nco niam nco txiv
Nco tij viv-----------------------kwv tij txhua tus
Peb ncaim mus--------------los yeej nco ntsoov
Sij hawm hloov----------------zoo tam dej ntws

Lub siab ntsws-------------tsis txhob hloov xwb
Hauv lub hlwb----------------yeej tseem nco tau
Lub neej dhau------------------yav ntuj qub qab
Nyob moos cab---------------puag pem toj roob

Lub neej hmoob----------------yav ntuj thaum i
Nyob luag ntxhi------------muaj kev ywj pheej
Hmoob lub neej-----------nyob pem kaum hav
Ntuj yeej tshav----------------nyob kaj siab dua

Peb tseem tshua-----------------xav rov los saib
Tej qub qhaib------------------qub teb qub chaw
Kab lwj hlaw---------------------qab zeb qab ca
Tsov dais hma--------------txawm tsis muaj tag

Tsiaj nruab nrag--------tseem tshuav yeej noob
Me ntsuag xyoob----------tseem muaj txaus lov
Kab qos tsov---------------los ntshe tseem muaj
Nrhiav ua tshuaj----------yeej tseem nrhiav tau

Xyoob phua ncau--------tshuav ntau lub dawm
Ntsuag xyoob rawm---------los tseem muaj noj
Hav ncaim toj-----------tshuav thaj nyuag puav
Toj roob qhuav--------------nqha nroj nqha nrig

Muaj kooj txig----------------ya zom zaws thiab
Roob phuv npiab-------------kev tsheb liab vog
Kev to tog------------------mus lawm tsheej kab
Tej hav ntxhab------------------tuaj zab zi ncaug

Tej kev taug---------------------mus liaj mus teb
Ntshe caij tsheb-----------feem ntau lawm xwb
Tsis mob hlwb-----------------------li yav tag los
Cov lus ntos-----------------------mas tham li no

Leej twg nco--------------------mam rov los saib
Me paj ncaib------------------paj xyoob paj ntoo
Tseem tawg zoo-----------------li yav thaum ub
Lub neej qub-----------------hav zoov nuj txeeg

Ib tsoom neeg------------------tseem nyob ua ke
Noj sib ce---------------------thiab haus sib hlub
Ntau sib pub------------------muaj tsawg sib qiv
Muaj niam txiv-------------------sawv ua tus coj

Kev nyob noj---------------tsis tshaib tsis khwv
Muaj tsoom fwv--------------sawv kev thaj tsob
Lub neej nyob-------------pab Hmoob noj hnav
Ntuj tseem tshav---------rau Hmoob feem ntau

Txheej nom yau-------------------tom qab los no
Hloov siab hlo---------------------coj siab dav fo
Rau txheej no---------------txawv yav thaum ub
Muaj kev hlub----------sawv coj tsoom Hmoob

Nyob pem roob-----------------ti puag nram tiaj
Kev khwv nyiaj------------muaj txiag nplua nuj
Neej tshav ntuj------------rau Hmoob txhua leej
Txhua yim neej-----ntawm Hmoob sawv daws

Lub teb chaws--------------hloov pauv tag nrho
Tam sim no------------------.muaj ntau yam zoo
Thiaj hloov loo--------------ua teb chaws tshiab
Neej kaj siab----------------raws cuag pej xeem

Kev fab peem--------------Hmoob tej thawj coj
Txheej nom loj-----------------nrog rau nom me
Suav ua ke---------------------txij xya caum tsib
Nom tshiab pib----------------sawv los nrog kav

Qhib kev dav--------------------los txog hnub no
Ntuj ntxeev npho---------------ntiaj teb thiaj tig
Av thiaj nkig-------------------dej nyob li nphau
Peb ncaim tau--------------peb caug tawm xyoo

Los tseem nroo-----------------vim yog peb nco
Xav rov hlo--------------------los saib nplog teb
Daim av deb--------------------nyob ntuj es xias
Yeej xav tias------------------yuav los saib thiab
Npaj nyiaj txhiab-------------nyiaj pua txoj kev
Rov los tsev-----------------rau teb chaws nplog
Tseem xav txog---------------nej txhua tus mog
Peb los txog--------------------nej puas txais tos

Nej txhob nros------------thiab nej txhob ntshai
Txawm txoj cai---------------txais neeg rov qab
Txhob siab fab--------------ntshai peb ntau yam
Hnov luag tham-----------------tsis cuag peb los

Cov lus ntos-------------------tej zaum kuj muaj
Cuaj caum cuaj--------------ntawm ib feem pua
Lus moo cua--------------------tsis muaj lo tseeb
Yuav sib txeeb-----------------los kom sib ntsib

Nplooj siab ib--------------------peb tso nws cia
Tej mob ntxhia----------------yav ntuj thaum ub
Nplooj siab hlub---------------tus cev zoo dawb
Tseem ntxim tawb------thiab tseem ntxim hnia

Yeej tsis cia-----------------nws nyob nros ntshi
Zoo xws li-------------------neeg mob qaug txaj
Nco nws tshaj------------------qhov uas hais tau
Me nkauj yau--------------------pauv tsis tau koj

Peb ces noj--------------------mov qab li tshauv
Siab tsis pauv--------------------tseem ua nej tej
Me qub dej-------------------------cia rau koj wb
Cev nraug xwb----------------puas tas lawm los

Lub siab mos------------------tseem nyob li qub
Yav thaum ub----------------moos cab moos oo
Yeej tseem zoo------------tsis txawv thiab mog
Koj me pog-------------------puas nco peb thiab

Ntshe hloov siab------nrog nraug nplooj tsawb
Chaw sib tawb-----------------ntshe tsis nco qab
Zos moos cab---------------------cov lus cog cia
Tus mob ntxhia----------------ntoog mus ib sim

Ntshe yuav chim------------mus txog hnub tuag
Lub kua muag----------------------nej tsis tos so
Sim neej no---------------------tsis paub ua neeg
Nej puas tseem------------------cov lus no thiab

Neb nplooj siab--------------muab faus teem cia
Yeej tsis qhia---------------------rau neej paub li
Yuav tsis ntxhi--------------tham rau dab mloog
Tsam ho toog-----------------neej dab pob ntseg

Tej kwj deg--------------------ho yuav pob thiab
Tus qub ntxhiab-----------------ces ho yuav dua
Kev hmov tshua----------ntawm koj thiab nws
Neb siab ntsws--------------ho yuav xav txawv

Nws lub plawv-----------------ces ho yuav nres
Tus me ntses----------------------loj ces ho dim
Lub siab chim-------------------mob tag ib tiam
Tsheej txiv niam------------------los lwv tsis tau

Siab nraug yau--------------------nco koj xwb os
Thaum nws los----------------es neb mam tham
Muaj qee tsam---------------kuj tseem xav plhis
Kom tuaj tis----------------------ya mus hla roob

Siab nraug Hmoob---------tseem nco qub zaub
Cev paiv taub------------------yog koj qub mov
Puag tseem sov------------thiab os leej muam./.

( xaus li no )

Npaj qaib ua 30.

Last edited by Hmong ntuj tshiab on 1st December 2013, 6:43 pm; edited 2 times in total

Nraug Liab Toj Siab 24th November 2013, 7:55 pm

Nraug Liab Toj Siab

Nraug Liab Toj Siab: Sponsor; Messages : 774
Date d'inscription : 2011-05-31
Age : 37
Localisation : Nyob ntawm koj ib sab.

Post n°385

Re: Saib Duab Teb Chaws Toj Siab Sab Xeev Khuam.

Nraug Liab Toj Siab 24th November 2013, 7:55 pm

Nyob zoo txiv ntxawm Xiongchang, zoo siab thiab ua tsaug ntau 6 koj ua txiv cov lus zoo nawb mog.

Tij laug Hmoobntujtshiab, ua tsaug ntau 6 koj zaj paj huam thiab os. hnub no kuv hauj lwm ntau ces lam los hais nyob zoo 6 neb xwb os, mam sib ntsib dua lwm zaus nawb, bye bye.

Hmong ntuj tshiab 30th November 2013, 8:38 pm

Hmong ntuj tshiab

Hmong ntuj tshiab: Sponsor; Messages : 537
Date d'inscription : 2011-05-25

Post n°386

Re: Saib Duab Teb Chaws Toj Siab Sab Xeev Khuam.

Hmong ntuj tshiab 30th November 2013, 8:38 pm

Tso nws poob tom qab
Me nkauj Hmoob------------------------tus me neeg zoo
Ncaim koj loo------------------------tuaj mus lawm tiag
Thiaj tso kiag---------------------------koj nyob tom qab
Nyob nrog kab---------------------thiab nrog noog quaj

Kuv ncaim tuaj------------------------nyob rau thaib teb
Tuaj nyob deb-------------------------rau hauv thaib sab
Rov khiav ntab------------------------hla hiav txwv ntuj
Yam dav yuj---------------------mus nrhiav chaw tsaws

Peb sawv daws---------------------------ya dav hlau tuaj
Tsa suab quaj--------------------------nco koj kawg kiag
Ya ploj pliag---------------------------dua ib ntxeev ntuj
Nplooj siab yuj-----------------------nco koj tshaj plaws

Thaum tuaj tsaws----------------------rau mab dawb teb
Ncaim tuaj deb-----------------------txog ntuj nraum no
Pom txhua nrho------------------------luag lwm tus tuaj
Ho tsis muaj---------------------------koj nrog kuv nyob

Nplooj siab mob---------------------cuag rho riam hlais
Tsa ncauj hais-----------------------kwv txhiaj paj huam
Ntos cuam tshuam-------------------los hais tsis ntxaws
Tawm rooj plaws------------------tsuas pom mab dawb

Lawv sib tawb------------------------thiab lawv sib hnia
Cuag rho ntxhia-----------------------sib ntxais plij ploj
Siab xav zoj-----------------------------cas txawv ua luaj
Zaum no tuaj---------------------------poob rau nyav teb

Tuaj nyob deb----------------------------tag npaum li no
Cas yuav nco-------------------------koj tshaj txhua yam
Thiaj muab tham-----------------------txoj me kev tshua
Ncaim dua ncua-----------------------tsis hnov koj moo

Tuaj ntau xyoo-----------------------ntshe koj hnov qab
Ua luag nyab----------------------------muaj tub muaj ki
Luag ntxhawv ntxhi-------------------koj tej nqaws tiab
Tsis kho siab----------------------------li kuv lawm paub

Tsis hnov saub-----------------------------los txog tav no
Koj tsis nco---------------------------kuv lawm puas yog
Tsis see txog------------------------------kuv li lawm los
Thiaj tsis ntos----------------------------tsis nug kuv xov

Kuv tsis hnov-----------------------------koj ib tsab moo
Puas nyob zoo--------------------------lawm os tus hlub
Tej lus qhub------------------------------yav tas dhau los
Niaj hnub tos---------------------------seb puas rov ntsib

Ho tau pib-------------------------------tham kev sib nco
Tsheej tag hmo--------------------ntshe tham tsis dhuav
Kev npau suav---------------------------los tham tsis tag
Lus tso dag--------------------------------los yeej ib yam

Txoj kev tham----------------------ntshe tsis pov khawv
Ntuj yuas lawv---------------------------tus me kuv hlub
Txiv leej tub------------------------tseem nco koj ntsoov
Tsis tau hloov-------------------------------lub me siab li

Quaj dhawv dhi------------------------txog koj xwb tiag
Cas tib pliag--------------------------kuv ncaim mus deb
Ib rooj teb-------------------------------rau ib ntxeev ntuj
Lub siab yuj----------------------------ya mus nrhiav koj
Cuaj lub toj----------------------------dhau yim lub roob
Lub suab qhoob-------------------------tsuas seev hu koj
Mov tsis noj----------------------------los tsis nco tshaib
Seev me naib-------------------------------zoo li koj xwb

Koj lub hlwb-----------------------------puas xav ib yam
Ho tsis tham------------------------------xa xov nug moo
Kev nyob zoo--------------------------------li yav tas los
Qub zej zos------------------------nyob pem roob tsawb

Kev sib tawb---------------------------hais lus luag ntxhi
Hmo qaim hli-------------------------------ua ke kwv dej
Ua koj ntej-----------------------------tsis no nplooj siab
Huab zig niab------------------------lwg nrog zom zaws

Tseem sib raws---------------------------tuav tes ywb yi
Zoo xws li---------------------------me kab npauj npaim
Ya nrog nraim--------------------------ua npoj ntws mus
Tej me lus-----------------------------wb tham kheev hlo

Yeej tsis nco-----------------------txhawj txog kev hlub
Cov lus qhub---------------------------tham kev dai siab
Lus tseem ntsiab----------------------wb kuj tham txhua
Kev ua qhua-------------------------------los kuj cia siab

Lub xyoo tshiab------------------------nrog koj pov pob
Tuav tes nyob----------------------------ua ke zom zaws
Kev sib raws----------------------------nyob zos toj siab
Pom noog diab---------------------------sib tw ntxais paj

Noog haum vaj---------------------------ya ua tsheej pab
Pom kum sab---------------------------yuj ya tsheej npoj
Kuv thiab koj----------------------------wb mus teb yeeb
Tsis txhawj xeeb-------------------txog kev nkauj nraug

Tej kev taug-------------------------------ua ke tas hnub
Txoj kev hlub-----------------------yeej txaus siab tshaj
Yeej tsis daj------------------------tsuas hais qhov tseeb
Pem roob nqeeb-------------------------wb chaw sib tos

Qub zej zos-------------------------ntshe ciaj hav ntxhov
Yog kuv rov--------------------------puas yuav ntsib koj
Hos wb txoj-------------------------------me kev sib hlub
Yav thaum ub-------------------------tham ntuj tag hmo

Kuv tseem nco----------------------------tej lus koj qhub
Txoj kev hlub-----------------------nyob ntawm nej tsev
Kuv dua kev--------------------------koj suab luag ntxhi
Ntuj tsau hli---------------------------sawv ntawm ib sab

Tuav koj npab------------------------thiab hnia koj plhu
Koj mam hu-------------------------------tias koj tuaj los
Cov lus ntos------------------------tseem nco ntsoov cia
Zais tsis qhia----------------------------rau leej twg paub

Niaj hnub saub------------------------txog koj xwb mog
Tseem nco txog---------------------nyob tuaj nruab siab
Mus ib txhiab-------------------------tsis muaj hnub ploj
Kev nco koj---------------------------nyob txhua lub caij

Niaj hnub laij------------------------tuaj nrhiav koj xwb
Koj lub hlwb-----------------------puas tseem muaj kuv
Wb chaw thuj-------------------------ntshe ciaj hav nroj
Hais txog koj--------------------------puas nco kuv thiab

Me nplooj siab-----------------------nyob puag tom qab
Rau ib sab-------------------------------los ib ntxeev ntuj
Lub siab yuj--------------------------nrog huab nrog cua
Txoj kev tshua-----------------------mus txog hnub tuag

Lub kua muag-----------------------ntws cuag nag poob
Me nkauj hmoob------------------------tus me neeg zoo
Nco lub xyoo------------------------mus thawm lub niaj
Cev zeej txhiaj--------------------------zeej xeeb lig zoo

Puag koj loo--------------------------mus lub ntuj tshiab
Thiaj zoo siab---------------------------os me leej muam
Lus paj huam------------------------thov tsis txhob chim
Yeeb yog vim--------------------------koj poob tom qab

Kuv thiaj npab----------------------nyob lwj siab ntsuav
Li noog puav------------------------------ua neej dai taw
Tsis muaj chaw---------------------------li no lawm tiag
Lub xub ntiag----------------------------thiaj pw txias to

Seev tag hmo----------------------------tsis tuaj dab ntub
Vim tus hlub--------------------------poob puag tom qab
Lub siab fab---------------------------nco koj heev dhau
Thiaj li tau--------------------------muab los tham tawm

Kom plawv nqawm------------------siab ntsws ho nqig
Tej ntsuj plig-----------------------------rov los puab cev
Siab ho ntev--------------------------tswj sia nrees nyob
Neej thaj tsob----------------------------nyob rooj teb no

Txawm yuav nco--------------------koj tshaj txhua yam
Niaj hnub tham--------------------------ntshe koj tsis tos
Yog kuv los--------------------------xyov puas ntsib koj
Txawm los ntoj-------------------nrhiav koj hauv nplog

Thaum los txog-----------------------------tsis zoo li qub
Yav thaum ub--------------------------tuav tes rwb rawv
Ntuj yuas lawv------------------------tus me ntxim hlub
Kua muag ntub-------------------------tej me hauv ncoo

Tsis muaj hmoo-----------------------ntshe tsis ntsib koj
Yog tuag ploj---------------------------seb puas sib ntsib
Nywj vag ib--------------------------nyob rau nruab dab
Tuav koj npab------------------------haus paj zaub quag

Rov tau puag-------------------------nyob kuv xub ntiag
Haus zaub qaig-----------------------li kab npauj npaim
Ya nrog nraim------------------------------ua ke ywj siab
Mus thawj thiab-------------------------xeeb rov los dua

Kom txhob tshua---------------------------koj li lawm os
Cov lus nto----------------------------------ces xaus li no
Yog koj nco-------------------------------ho nug kuv xov
Thaum kuv hnov----------------------koj lub moo lawm

Teem sij hawm-----------------------yeej yuav sib ntsib
Wb mam pib----------------------------nug neej nug tsav
Txoj kev dav---------------------------rau neej pem suab
Zoov puas ntsuab-----------------------nyob rau kuv sab

Tooj koj npab----------------------------thiab rub koj tes
Ntsuab kuv ces--------------------mam txhawb koj neej
Yog peem tsheej---------------------ho muaj qhov tseeb
Rub kev txheeb-------------------------tham txog kev ze

Nyob ua ke-------------------------------sib hwm sib pab
Neej nram qab-----------------------raws kom cuag luag
Zeem poj cuag-----------------------thiab ua yawm cuas
Pauj kev hluas------------------------rau ntuj thaum yau

Seb puas tau----------------------------ua me nyuam txiv
Lub neej chiv-------------------------ua me nyuam niam
Raws keeb kiam------------------------wb txoj kev hlub
Tej me tub--------------------------thiab cov me ntxhais

Thiaj tsis cais--------------------------nyob leeg sab ntuj
Neej tsim nuj-------------------------caum cuag ntiaj teb
Txawm nyob deb------------------------los yog nyob ze
Tau ua ke-----------------------------ces zoo xwb mog./.
( Xaus li no )

Last edited by Hmong ntuj tshiab on 1st December 2013, 6:22 pm; edited 2 times in total

xiongchang 1st December 2013, 4:06 am

xiongchang

xiongchang: Moderator; Messages : 5005
Date d'inscription : 2012-04-16

Post n°387

Re: Saib Duab Teb Chaws Toj Siab Sab Xeev Khuam.

xiongchang 1st December 2013, 4:06 am

......Hwb....hwb.... Sad

Tsi muaj lawm laus?...

....Xyov lwm tiam....Puas ntsib lawm os?....Phooj ywg!....Hmoob ntuj tshiab....Fab kis teb....Ua ib siab mog?....Txawm xa xov....Xa hmoo npaum twg?....Xyov puas ntsib lawm os?....Tam sim no....Kuv nyob kiag nroog...."Saint Paul, Minnesota"....Kuv ib tug....Qub hluas nkauj....Wb ua nkauj nraug nyob nroog looj ceeb xyoo 1967....Wb yeej sib nrhiav txog tav hno ntuj....Nrhiav tsi tau li....Tog nrhiav tau....Hnov hmoo tias?....Nws twb tuag lawm thaum....June 13, 2013....Nrog niam tij txawj pov....Kuv tug tub xeeb ntxwv ntawd mam qhia tias....Tug hluas nkauj ntawd....Tseem nco ntsoov nug kuv xov kawg nkaug li...."Tab tsi"....Lawv tsi paub tias?....Yog kuv no....Tug hluas nkauj ntawd....Yog kuv cov tub xeeb ntxwv....Tug niam tij....Tug niam hluas....Kuv mam thov tug tub xeeb ntxwv ntawd....Coj kuv kev mus saib....Tug hluas nkauj ntawd....Lub toj ntxas....Ntsia saib ib muag....Nqa ib rev paj pub nws lub toj ntxas....Ua kev hlub mco tshua xwb tias?....Phooj ywg!....Hmoob ntuj tshiab....Teb chaws Fab kis....Hwb....hwb.... Sad

.

xiongchang 1st December 2013, 8:56 am

xiongchang

xiongchang: Moderator; Messages : 5005
Date d'inscription : 2012-04-16

Post n°388

Re: Saib Duab Teb Chaws Toj Siab Sab Xeev Khuam.

xiongchang 1st December 2013, 8:56 am

......Suav daws....Tshwm sim yug....Los ua neeg....Ntiaj teb no....Txhua tug tub hluas nraug....Txhua tug txiv neej yawg....Txhua leej ntxhais hluas nkauj....Txhua leej poj niam....Pom ntses loj yuj lis....Qab pag dej ntshiab....Pom ib muag qab thu dej....Ploj ntais lawm....Kub siab lug....Ua npau suav toog....Xam pom zaum ob ntxiv....Yog li ntawd....Txhua sij hawm sawv ntxov....Txhua caij nyoog....Hnub ntseg zog....Yav tav su....Thaum hnub qaib hlo....Ntoj thuv see....Ob sab ntug pag dej....Du tas nrho...."Tab sis"....Pom zaum ntawd xwb....Tsi pom zaum ob lawm....Tug ntses loj ntawd....Xyov dua twg lawm....Khuv xim kawg nkaug....Nroo tas zaj....Seev tas zog....Nco ntsoov ntoj thuv....Ob sab ntug pag dej....Tas ib cim ntuj nag nqeg....Kev qawj qeeg... Du tas nrho....Tug hluas nkauj....Uas yug nyiam....Cim ntsej muag ntsoov cia....Tas tiam neej....Nkauj dua kab....Tug hluas nraug....Yug ntshaw....Cia siab tshaj plawg....Nraug dua kev.

Nraug Liab Toj Siab 7th December 2013, 3:33 am

Nraug Liab Toj Siab

Nraug Liab Toj Siab: Sponsor; Messages : 774
Date d'inscription : 2011-05-31
Age : 37
Localisation : Nyob ntawm koj ib sab.

Post n°389

Re: Saib Duab Teb Chaws Toj Siab Sab Xeev Khuam.

Nraug Liab Toj Siab 7th December 2013, 3:33 am

Nyob zoo xyoo tshiab rau neb 2 leeg tib si os Hmoobntujtshiab & txiv ntxawm Xiongchang ua tsaug uas neb tseem tau tuaj tham pem kom sov tsev thiab os. Zoo siab hnub no rov tau tuaj ntsib ntsib neb dua cia siab tias neb thiab tsev neeg yuav ntsib kev noj qab haus huv thiab lom zem raws lub xyoo tshiab.

Saib Duab Teb Chaws Toj Siab Sab Xeev Khuam. - Page 16 14588610

Saib Duab Teb Chaws Toj Siab Sab Xeev Khuam. - Page 16 14588610

Saib Duab Teb Chaws Toj Siab Sab Xeev Khuam. - Page 16 99222710

Nroog Phonesavanh niaj hnub no

Hmong ntuj tshiab 7th December 2013, 1:54 pm

Hmong ntuj tshiab

Hmong ntuj tshiab: Sponsor; Messages : 537
Date d'inscription : 2011-05-25

Post n°390

Re: Saib Duab Teb Chaws Toj Siab Sab Xeev Khuam.

Hmong ntuj tshiab 7th December 2013, 1:54 pm

Nroog Phonesavanh niaj hnub no[/quote]

Tiaj rhawv zeb qhov chaw tshua

Nyob zoo os----------------nroog tiaj rhawv zeb
Lub nroog peb---------------ua rog ntxhov nyho
Yeej tseem nco------------txhua txhua lub roob
Peb cov Hmoob------------------tej chaw sib tua

Tseem nco txhua----------------peb tej qub yeej
Hmoob ntau leej------------------tau tag txoj sia
Muaj ib txhia-----------------tseem ua neej nyob
Av thaj tsob------------------yav puag nram ntej

Peb thiab nej-----------------lub neej thaum yau
Uas peb tau----------------------nyob ib zaug los
Lub me zos---------------------yug peb thiab nej
Tej qub dej---------------------peb ib txwm haus

Lub zos laus--------------------kev nyob kev noj
Peb thiaj loj-------------------tiav niam tiav txiv
Lub neej chiv--------------ntuj puag nram ntxov
Teb chaws ntxhov-----------Peb thiaj tau ncaim

Mus nyob nraim-------------------rau ib rooj teb
Ncaim mus deb---------------nyob rau luag ntuj
Mus kawm txuj----------------nyob rau luag teb
Nej thiab peb------------------thiaj tau sib ncaim

Tseem xav nraim----------------nco vaj nco tsev
Ncaim tuaj ntev-------------tseem xam muaj nej
Thaj teb nplej----------------hav nroj pwm tshis
Tseg nros ntshis--------------tsis muaj tus nthua

Toj roob qhua----------------hav nqeeb hav tauj
Tau muab nrauj---------------rau tiaj rhawv zeb
Tso tej teb---------------------cog nplej pob kws
Vaj txiv lws-----------------------cog qij cog dos

Nrog lub zos-------------------thaj chaw dai siab
Lub ntuj tshiab----------------uas peb mus nyob
Neej pov plob----------------nws yeej txawv hlo
Rhawv zeb no-------------------peb lub qub zog

Lawm nawb mog--------tsoom phooj ywg aw!!
Tej qub chaw!!------------thaum peb tseem yau
Txawm nws tau------------hloov mus tag lawm
Vim sib hawm--------------dhau mus ntau xyoo

Tej xyoob ntoo--------------------los twb loj tag
Ib co mag--------------------suav ntov tag lawm
Ntau lub dawm-----------raug luag khawb nyiaj
Qee lub tiaj------------------ua chaw khawb kub

Hos tus hlub------------------ntshe nws twb laus
Mus tsis taus------------------------kev li thaum i
Chaw ua si------------------thaum peb tseem me
Tej vaj tse----------------------peb ib txwm nyob

Ntshe twb nphob-------------nyob ciaj quav poj
Hav zoov loj-----------------ciaj zoov nuj txeeg
Ib tsoom neeg---------------------peb nyob ua ke
Lawv los ntshe---------------nplua nuj tag lawm

Vim sib hawm-------------dhau mus lawm ntev
Tej me kev---------------------peb ib txwm thuv
Ciaj kev luv-------------------ntshe zoo dua qub
Yav thaum ub-------------------tsis tau thaj yeeb

Tseem sib txheeb----------------sib ntaus sib tua
Txeeb luaj pua-----------------teb chaws los kav
Tuav daim av---------------nroog tiaj rhawv zeb
Ua rau peb-----------------tsev me neeg Hmoob

Ploj tuag coob---------------nyob rau ntawm no
Raws li nco---------------------yav neej dhau los
Tau sau ntos--------------------cia tseg ua tshuaj
Daim av luaj-----------------muaj nqis cuag kub

Yam lub hnub---------------------duab ci kaj zus
Tshwm tuaj mus--------tawm plaws npoo roob
Phooj ywg Hmoob-------------nej puas zoo siab
Muaj daim tshiab--------------los twb xav hnav

Pluas zoo qav--------------------los yeej xav noj
Lub zog loj--------------------mus lawm zuj zus
Lo me lus------------------muab tham tawm tuaj
Cuag noj tshuaj-----------koom zaub mov nrog

Vim lub zog-------------------tsuas heev zuj zus
Cheem kev mus------------cuag poj cuag yawm
Kev txij nkawm-----------------yeej tsis xav dua
Yam nthwv cua-----------------tsuas los ib vuag

Poob kua muag------------thaum uas tham txog
Vim tias yog-----------------thaj chaw peb nyob
Neej thaj tsob--------------muaj niam muaj txiv
Muaj tij viv----------------------kwv tij txhua tus

Peb ncaim mus--------------los yeej nco ntsoov
Sij hawm hloov----------------zoo tam dej ntws
Lub siab ntsws-------------tsis txhob hloov xwb
Hauv lub hlwb----------------yeej tseem nco tau

Lub neej dhau------------------yav ntuj sib plam
Phoo xab vam------------------tej me hauv roob
Lub neej Hmoob----------------yav ntuj thaum i
Nyob luag ntxhi-------------muaj kev ywj pheej

Hmoob lub neej--------------sib koom noj hnav
Ntuj yeej tshav----------------nyob kaj siab dua
Peb tseem tshua-----------------xav rov los saib
Tej qub qhaib------------------qub teb qub chaw

Kab lwj hlaw---------------------qab zeb qab ca
Tsov dais hma--------------txawm tsis muaj tag
Tsiaj nruab nrag-----------tsis tshuav yeej noob
Me ntsuag xyoob----------tseem muaj txaus lov

Kab qos tsov---------------los ntshe tseem muaj
Nrhiav ua tshuaj----------yeej tseem nrhiav tau
Xyoob phua ncau--------tshuav ntau lub dawm
Ntsuag xyoob rawm---------los tseem muaj noj

Hav ncaim toj-----------tshuav thaj nyuag puav
Toj roob qhuav--------------nqha nroj nqha nrig
Muaj kooj txig------------------yuj ya tsheej pab
Toj roob ntxhab-----------------Av swb liab vog

Pob zeb ntog---------------mus lawm tsheej kab
Toj roob ntxhab----------------tuaj zab zi ncaug
Tej kev taug---------------------mus liaj mus teb
Ntshe caij tsheb-----------feem ntau lawm xwb

Tsis mob hlwb-----------------------li yav tag los
Cov lus ntos-----------------------mas tham li no
Leej twg nco--------------------mam rov los saib
Me paj ncaib------------------paj xyoob paj ntoo

Tseem tawg zoo-----------------li yav thaum ub
Lub neej qub-----------------hav zoov nuj txeeg
Ib tsoom neeg------------------tseem nyob ua ke
Noj sib ce---------------------thiab haus sib hlub

Ntau sib pub------------------muaj tsawg sib qiv
Muaj niam txiv-------------------sawv ua tus coj
Kev nyob noj---------------tsis tshaib tsis khwv
Muaj tsoom fwv--------------sawv cev thaj tsob

Lub neej nyob-------------pab Hmoob noj hnav
Ntuj tseem tshav---------rau Hmoob feem ntau
Txheej nom yau-------------------tom qab los no
Hloov siab hlo-------------------qhib kev dav fo

Rau txheej no------------------zoo dua thaum ub
Muaj kev hlub----------sawv coj tsoom Hmoob
Nyob pem roob-----------------ti puag nram tiaj
Kev khwv nyiaj------------muaj txiag nplua nuj

Neej tshav ntuj------------rau Hmoob txhua leej
Txhua yim neej---------------tsuas sib zog raws
Lub teb chaws--------------hloov pauv tag nrho
Tam sim no-------------------muaj ntau yam zoo

Thiaj hloov loo--------------ua teb chaws tshiab
Neej kaj siab----------------raws cuag pej xeem
Kev fab peem--------------Hmoob tej thawj coj
Txheej nom loj-----------------nrog rau nom me

Suav ua ke---------------------txij xya caum tsib
Nom tshiab pib----------------sawv los nrog kav
Qhib kev dav--------------------los txog hnub no
Ntuj ntxeev npho---------------ntiaj teb thiaj tig

Tshav ntuj nrig-----------rau Hmoob lawm ntau
Peb ncaim tau--------------peb caug tawm xyoo
Los tseem nroo-----------------vim yog peb nco
Xav rov hlo--------------------los saib nplog teb

Tiaj rhawv zeb------------nyob rau xeev khuam
Muaj lag luam----------------ntau yam zoo tshaj
Coob tus npaj---------------nyias yuav los nyias
Vam ntsoov tias--------------yuav los saib thiab

Npaj nyiaj txhiab-------------nyiaj pua txoj kev
Rov los tsev-----------------rau teb chaws nplog
Tseem xav txog---------------nej txhua tus mog
Peb los txog--------------------nej puas txais tos

Nej txhob nros------------thiab nej txhob ntshai
Txawm txoj cai---------------txais neeg rov qab
Txhob siab fab--------------ntshai peb ntau yam
Hnov luag tham-----------------tsis cuag peb los

Cov lus ntos-------------------tej zaum kuj muaj
Cuaj caum cuaj--------------ntawm ib feem pua
Lus moo cua--------------------tsis muaj lo tseeb
Yuav sib txeeb-----------------los kom sib ntsib

Nplooj siab ib--------------------peb tso nws cia
Tej mob ntxhia---------------yav puag thaum ub
Nplooj siab hlub---------------tus cev zoo dawb
Tseem ntxim tawb------thiab tseem ntxim hnia

Yeej tsis cia-----------------nws nyob nros ntshi
Zoo xws li-------------------neeg mob qaug txaj
Nco nws tshaj------------------qhov uas hais tau
Me nkauj yau-------------------pauv tsis tau nws

Nplooj siab ntsws-------------npau suav los ntoj
Lub cev noj--------------------mov qab li tshauv
Siab tsis pauv-------------------tseem ua nws tej
Me qub dej------------------------cia rau nws wb

Cev nraug xwb----------------puas tas lawm los
Lub siab mos------------------tseem nyob li qub
Yav thaum ub---------------nyob phoo xab vam
Cev txiaj zam----------------phim cev zeej xeeb

Tus zeej keeb-----------------niaj hnub nco txog
Nws me pog----------------puas nco lawm thiab
Ntshe hloov siab------nrog nraug nplooj tsawb
Chaw sib tawb--------------nws puas nco lawm

Zos tim dawm---------------------cov lus cog cia
Tus mob ntxhia----------------ntoog mus ib sim
Ntshe yuav chim------------mus txog hnub tuag
Lub kua muag---------------------nws tsis tos so

Sim neej no---------------------tsis paub ua neeg
Nws puas tseem-----------------cov lus no thiab
Neb nplooj siab--------------muab faus teem cia
Yeej tsis qhia---------------------rau neej paub li

Yuav tsis ntxhi--------------tham rau dab mloog
Tsam ho toog-----------------neej dab pob ntseg
Tej kwj deg---------------------nws ho yuav pob
Tus qub mob---------------------ces ho yuav dua

Kev hmov tshua----------ntawm koj thiab nws
Neb siab ntsws--------------ho yuav xav txawv
Nws lub plawv-----------------ces ho yuav nres
Yam tus ntses----------------------loj ces ho dim

Lub siab chim-------------------mob tag ib tiam
Tsheej txiv niam------------------los lwv tsis tau
Siab nraug yau--------------------nco koj xwb os
Thaum nws los----------------es neb mam tham

Muaj qee tsam---------------kuj tseem xav plhis
Kom tuaj tis----------------------ya mus hla roob
Siab nraug Hmoob---------tseem nco qub zaub
Cev paiv taub----------------tseem yog qub mov

Puag tseem sov--------------thiab os leej muam
Nraug xeev khuam---------nco koj kawg nkaus
Yog tham txaus----------------ces kua muag los
Thov koj tos-----------------nws thiab os mog./.

( xaus li no )

Last edited by Hmong ntuj tshiab on 7th December 2013, 2:04 pm; edited 3 times in total

Hmong ntuj tshiab 7th December 2013, 1:56 pm

Hmong ntuj tshiab

Hmong ntuj tshiab: Sponsor; Messages : 537
Date d'inscription : 2011-05-25

Post n°391

Re: Saib Duab Teb Chaws Toj Siab Sab Xeev Khuam.

Hmong ntuj tshiab 7th December 2013, 1:56 pm

Nraug Liab Toj Siab wrote:Nyob zoo xyoo tshiab rau neb 2 leeg tib si os Hmoobntujtshiab & txiv ntxawm Xiongchang ua tsaug uas neb tseem tau tuaj tham pem kom sov tsev thiab os. Zoo siab hnub no rov tau tuaj ntsib ntsib neb dua cia siab tias neb thiab tsev neeg yuav ntsib kev noj qab haus huv thiab lom zem raws lub xyoo tshiab.

Nroog Phonesavanh niaj hnub no

xiongchang 8th December 2013, 6:54 pm

xiongchang

xiongchang: Moderator; Messages : 5005
Date d'inscription : 2012-04-16

Post n°392

Re: Saib Duab Teb Chaws Toj Siab Sab Xeev Khuam.

xiongchang 8th December 2013, 6:54 pm

......Zoo siab ua tsaug os?....Tub nraug liab toj siab aws?....Koj tso obdaim duab...."Phonesavanh"....Rau peb saib os?....Tub nraug liab toj siab aws?.....Zog npab nuaj....Ces zoo li....No xwb os?.....Nroog txawv teb chaws....Luag cais...."Block - Khoob"....Muaj kev tsheb tas nrho....Xov pos hlau quas nruab nrab....Ib leej tsev sab tom....Sab tom no....Luag tsi pub leej twg?....Txhob puab nce laj kab li os?....Tub nraug liab toj siab aws?....Kev tsheb....Ib kab mus....Ib kab los...."One Way....Nce toj nqeg hav....Phua plhawv hnub tuaj....Hnub poob....Thiaj hu tau tias?....Teb chaws zoo....Teb chaws vam meej os?

Nraug Liab Toj Siab 11th December 2013, 10:29 pm

Nraug Liab Toj Siab

Nraug Liab Toj Siab: Sponsor; Messages : 774
Date d'inscription : 2011-05-31
Age : 37
Localisation : Nyob ntawm koj ib sab.

Post n°393

Re: Saib Duab Teb Chaws Toj Siab Sab Xeev Khuam.

Nraug Liab Toj Siab 11th December 2013, 10:29 pm

Nyob zoo hnub tshiab 6 koj os txiv ntxawm Xiongchang, tsis ua cas mas txiv ntxawm lam tso 6 peb sawv daws tau saib ua si laug hnub laug hmo xwb os.

Saib Duab Teb Chaws Toj Siab Sab Xeev Khuam. - Page 16 Img_0110

Saib Duab Teb Chaws Toj Siab Sab Xeev Khuam. - Page 16 Img_0110

Saib Duab Teb Chaws Toj Siab Sab Xeev Khuam. - Page 16 Img_0111

Nraug Liab Toj Siab 11th December 2013, 10:41 pm

Nraug Liab Toj Siab

Nraug Liab Toj Siab: Sponsor; Messages : 774
Date d'inscription : 2011-05-31
Age : 37
Localisation : Nyob ntawm koj ib sab.

Post n°394

Re: Saib Duab Teb Chaws Toj Siab Sab Xeev Khuam.

Nraug Liab Toj Siab 11th December 2013, 10:41 pm

Saib Duab Teb Chaws Toj Siab Sab Xeev Khuam. - Page 16 Img_0112

Nraug Liab Toj Siab 11th December 2013, 10:49 pm

Nraug Liab Toj Siab

Nraug Liab Toj Siab: Sponsor; Messages : 774
Date d'inscription : 2011-05-31
Age : 37
Localisation : Nyob ntawm koj ib sab.

Post n°395

Re: Saib Duab Teb Chaws Toj Siab Sab Xeev Khuam.

Nraug Liab Toj Siab 11th December 2013, 10:49 pm

Saib Duab Teb Chaws Toj Siab Sab Xeev Khuam. - Page 16 Img_0113

Saib Duab Teb Chaws Toj Siab Sab Xeev Khuam. - Page 16 Img_0114

xiongchang 12th December 2013, 7:29 am

xiongchang

xiongchang: Moderator; Messages : 5005
Date d'inscription : 2012-04-16

Post n°396

Re: Saib Duab Teb Chaws Toj Siab Sab Xeev Khuam.

xiongchang 12th December 2013, 7:29 am

......Aub nyob zoo....Hnub tshiab thiab os?....Tub nraug liab toj siab aws?....Zoo siab uas koj tso ob daim duab ntxhais hluas nkauj....Tuaj pebsaib os?....Daim xaus hauv qab....Ob tug ntxhais ntawd....Ntxim hlub kawg li os?....Tog nraug hmoob laug...."U.S.A"....Yuav tuag nyoog....Los tsim nyog kawg nkaug li os?....Daim saum toj....Kuj ntim nyiam kawg kiag....Tog nraug hmoob laug...."U.S.A"....Ua npau suav toog....Kuj siab lawg....Tuav maum theeb tas li....Cpv ntxhais nkauj hmoob los tsuas....Ntxim tawb txhua tug tas nrho....Thov qhuas txhawb nqa....Cov ntxhais nawb mog....Yog nraug hmoob laug...."U.S.A"....Los txog tim nej....Kom cov ntxhais raus siab ntso kaus....Kom hnab ris....Hnab tshos du lug....Txhob seem nyiaj rov qab....Niam hlob nyob...."U.S.A"....Los nrauj tas....Ntxhais nkauj hmoob nplog....Los plam tas....Suav cwj ntas....Ob tog plam....(Siab qhuav roj - Plawv qhuav ntshav)....Nraug hmoob laug...."U.S.A"....Tuag nyoog kiag....Ntxhais nkauj hmoob los tsuas....Ob ceg daim nqaij ob nti....hab....hab....

....Txhob hlub kiag....Vim lawv khav muaj nyiaj...."Dollars"....Ua plaum pliag....Rhuav tshem tub hluas nraug hmoob nplog....Siab ntsws plawv lwj tas....Cov tub hluas....Yij meem rau siab ntso kawm ntawv....Txhob tub nkeeg....Txhim kho suav daws lub neej kom zoo mog....Ob daim duab do hau....Yog nom tswv hauj lwm....Cog nyom xyoob ntoo....Txhim teb kho chaw....Toj roob hauv peg ntsuab siab....Txhob cia neeg txawv teb chaws tuaj pom....Luag txob thuam cem laiv?....Tub nraug liab toj siab aws?....Nyob zoo....Xyoo tshiab....Ib hlis ntuj hmoob.....NYob zoo....Xyoo tshiab ntiaj teb....Neeg nkaum hnub tom ntej xyoo 2014....Mam sis ntsib dua mog.

xiongchang 12th December 2013, 11:02 am

xiongchang

xiongchang: Moderator; Messages : 5005
Date d'inscription : 2012-04-16

Post n°397

Re: Saib Duab Teb Chaws Toj Siab Sab Xeev Khuam.

xiongchang 12th December 2013, 11:02 am

......Tub nraug liab toj siab aws?....Tsim nyog nom tswv nplog xam pom txog....Hom phiaj txhim teb kho chaws....Toj roob hauv peg....Cog nyom ntsuab xiab....Cog xyoob ntoo....Nplooj hlav doog nkawv zoo li....Ob daim duab no....Nyom tuag tas....Xyoob ntoo do dug zoo li....Tib neeg do hau....Txawm tsi muaj ntuj nag yug....Tawv pag dej nqug dej....Saum tej ncov roob....Tso kais dej....Ywg nqeg hav....Ywg nyom hlav ntsuab xiab....Nroj tsuag....Xyoob ntoo....Hlav nplooj doog nkawv....Ciaj hav txiv yeem mog....Ciaj Txiv yeem laug....Zoov nuj txeeg....Tswm nyog....Nom tswv tsim tsa...."Qhab nab - Koos paj maib - Cog nroj tsuag - Xyoob ntoo _ hauv dej - Hauv hav - Tsi pub - Tib neeg - Luaj txov ntov pov tseg"....Yog leej twg?...."Hla ciam - Nam nrim - Yuam cai - Luaj txov ntov - Raug teem txim - Raws txoj cai"....Nej lub zog....(Ban na)....Tib yam nkaug....Tub nraug liab toj siab aws?

xiongchang 12th December 2013, 11:50 am

xiongchang

xiongchang: Moderator; Messages : 5005
Date d'inscription : 2012-04-16

Post n°398

Re: Saib Duab Teb Chaws Toj Siab Sab Xeev Khuam.

xiongchang 12th December 2013, 11:50 am

......Tub nraug liab toj siab aws?....Kuv piav qhia....Koj ua tub li no....Tso nej tej tub ntxhais kawm ntawv txhua tug....Txhob ntshaw noj ntxhais zog....Tso ntxhais kawm ntawv siab....Yog tub kawm ntawv zoo....Los tib yam nkaug....Lub neej tom ntej no....Yav pem suab....Tsi zoo li....Nej phaum lawm....Pauv hloov zuj zug....Tsi nyob qhov qub lawm...."Luav tsi pw - Luav qub zes nawb"....Kuv tug ntxhais hlob....Tam sim no....Tseem kawm ntawv...."College"....Xyoo rau...."University Of Minnesota - Science Engineering"....Tam sim no....Noob nyoog neeg nkaum peb xyoos txwm....Ntsej muag - Plaj plhu zoo li....Tug ntxhais koj tso duab nram qab kawg...."Tug tuav lub kaus txaij liab"....Tsi txawv tug ntxhais ntawd ntsej muag li o?...."Tab sis"....Kuv tug ntxhais ntawd....Tsi kam tso duab tawm...."Internet"....Nws tseem zoo li....Lub paj tshiab....Nyuam qhuav rua ncauj nthuav nyov xwb....Tsi muaj kab npauj....Ntab muv nkawj daiv ntsuav li os?....Tug ntxhais kawm ntawv zoo....(Tshaj lij)....Npaj kawm ntawv siab....Tsi tham hluas nraug....Tsi nyiam tawm ncig ua si....Cuav zej taug zog....Tsi pub leej twg pom ntsib....Txog caij kawm ntawv....Tawm rooj plawg....Nkag nplho hauv tsheb....Tsav tsheb ncaj qha kawm ntawv....Txog caij lawb ntawv....Tawm tsev kawm ntawv....Nkag plawg hauv tsheb....Tsav tsheb ncaj nraim txog ntua tsev....Tsi tawm ncig ua si....Tsi nyiam koom...."Party"....Dhia daj luag....Ntuj teb tas hmo....Tug ntxhais kawm ntawv siab txhua tug....Coj tib yam li....Kuv tug ntxhais....Tam sim no....Cov kawm ntawv tas...."High School Diploma"....Yuav txiv lawm....Coj txawv os?....Tub nraug liab toj siab aws?

xiongchang 13th December 2013, 8:31 am

xiongchang

xiongchang: Moderator; Messages : 5005
Date d'inscription : 2012-04-16

Post n°399

Re: Saib Duab Teb Chaws Toj Siab Sab Xeev Khuam.

xiongchang 13th December 2013, 8:31 am

......Tub nraug liab toj siab aws?....Kuv ntsia tug ntxhais twg?....Ntiv tes puv ntoob li....(Yas kab tsib ntsuab)....Tug ntxhais ntawd....Cev ntaj ntsug.... (Zoo txhua yam - Phim txhua tsav)....Tug ntxhais twg?....Coj nplhaib lawm....Tug ntxhais ntawd....Muaj tswv qhaib....(Tham tsi tau - Zes tsi laib)....Ntiv nplhaib....Yog khoom cim....Tug nkauj nyab....Sia siv ceeb txaij....Muaj txiv lawm....Tug tsi tav siv ceeb...(Tseem yog nkauj xwb)....Hmoob tsi paub dab tsi?....Hmoob lam coj nplhaib....Muab siv ceeb....Ntoo phuam txoom suab....Hmoob yuam kev lawm os?....(Tug txiv neej - Looj nplhaib ntiv tes lawm)....{Muaj tswv qhaib....Muaj poj niam}....Tham tsi tau....Tham txhaum poj niam....Tug ntiv tes do dug....Tsi looj nplhaib....Tsi muaj dab tsi?....Txiv neej....Poj niam....Tham tau....Tsi txhaum plaub os?....Nyob teb chaws...."U.S.A"....Txoj cai cim....Tib neeg li ntawd....Nyob teb chaws...."U.S.A"....Tsiaj txhu xws li...."Dev - Tshws miv"....Muaj hlua pauv....Ntawm caj dab....Muaj npe....Muaj tswv lawm....Tug twg?....Caj dab....Do dug....Tsi muaj hlua pauv....Tug ntawd....Tsi tau muaj tswv yuav nas....Tub nraug liab toj siab aws?....Cov ntxhais....Coj nplhaib hauv no....Muaj tswv tas tug.

Hmong ntuj tshiab 15th December 2013, 8:15 pm

Hmong ntuj tshiab

Hmong ntuj tshiab: Sponsor; Messages : 537
Date d'inscription : 2011-05-25

Post n°400

Re: Saib Duab Teb Chaws Toj Siab Sab Xeev Khuam.

Hmong ntuj tshiab 15th December 2013, 8:15 pm

Nraug Liab Toj Siab wrote:

Tsab ntawv xa moo rau nkauj Hmoob

Tiaj rhawv zeb-------------------------yav pem toj roob
Cov zos Hmoob---------------------nyob nrog zeb tsua
Tej me cua---------------------------nyob tuaj txias zias
Kab nqos vias----------------------twb quaj ntsho nrooj

Lub suab nplooj------------------------nrov xiv li nqiab
Huab zig niab------------------------lwg nrog tsig tsuag
Tsaus ntuj zuag---------------------me noog taus txuas
Suab noog ncuas--------------------quaj zom pes zaws

Sib xyaw daws-------------------------puag tim laj roob
Me nplooj xyoob-------------nplooj ntoos zeeg tshaws
Kev txiav taws--------------------------nyob du lwb lug
Cov muaj tug-----------------tham luag ntxhawv ntxhi

Ntuj tsus hli---------------------------suab raj seev yees
Txoj kev plees--------------------nyob nraim hauv siab
Me paj iab---------------------------nyob tawg nra paug
Txog peb caug-----------------------hnav zam liab vog

Ntoj mus txog------------------hluas nkauj hluas nraug
Tham nrov yaug---------------------pov pob zom zaws
Kev sib raws--------------------------hais lus luag nyav
Kuv muab xav---------------------mas ntxim siab tshaj

Yeej tsis daj-----------------------tsuas hais qhov muaj
Me paj tshuaj------------------------tawg dawb pes vog
Tseem nco txog-------------------------yav tas dhau los
Hmoob lub zos------------------------nyob pem toj siab

Huab zig niab-----------------------lwg nrog zom zaws
Sib xyaw daws-------------------------tej cua txias zias
Me txiv nplias--------------------------thiab tej txiv pos
Nyob ntug zos--------------------------twb siav daj vog

Tseem xav txog--------------------------de txiv pos noj
Kuv thiab koj------------------------------wb mus ua ke
Sib yaum de-------------------------------coj los sib faib
Nram tshav qaib---------------------tiag leej muam zoo

Me paj ntoo-------------------------------tawg ntsa li iab
Suab noog diab---------------------yeej quaj zom zaws
Peb sawv daws----------------------sib yaum pauv zog
Tseem xav txog--------------------------ua ke cog nplej

Tej ntug dej---------------------------puag nram kwj ha
Hnov suab ncha----------------------nrov kho siab zim
Sab puag tim-------------------------Hmoob tej kev tav
Siab tseem xav--------------------thaum nrog nej nyob

Lub siab mob-----------------------npaum dej kub hlab
Yuav rov qab -------------------------los nrhiav koj dua
Rau ntuj ncua----------------------------tej me qub tsev
Peb tej kev-----------------------------------ua liaj ua teb

Thiaj muab ntxheb--------------------nthuav kuv lo lus
Xa los mus---------------------------hais qhia koj lawm
Kuv tuaj kawm--------------------rau txawv teb chaws
Nej sawv daws----------------------nyob puag tom qab

Txhob ua nyab------------------------tos kuv thiab mog
Thaum los txog------------------------thiaj tsis lwj siab
Lub xyoo tshiab-------------------------thiaj li lom zem
Nco puag pem-----------------------zos dawm cua hlob

Wb mus nyob-------------------------puag nram nej teb
Lub suab ntxheb----------------------hais seev yuj yees
Kwv txhiaj plees--------------------nrog suab lus taum
Thaum koj zaum------------------ntawm kuv xub ntiag

Cua tuaj ntxiag--------------------------ib cev txias zias
Siab yuj lias---------------------------tsis xav sib ncaim
Xav nrog nraim-----------------------koj nyob xwb tiag
Ib me pliag-------------------------yuav ncaim mus deb

Ib rooj teb------------------------------rau ib ntxeev ntuj
Lub siab yuj-------------------------xav quaj dhawv dhi
Kua muag si-----------------------------ntws los suj sim
Yeeb yog vim------------------------txoj me kev kawm

Thiaj tau tawm----------------------ncaim koj tuaj mus
Hmoob leej nus-------------------tseem cim koj ntsoov
Tsis tau hloov------------------------------lus me siab li
Qi muag nti--------------------------lam tuaj lawm xwb

Kuv lub hlwb----------------------tseem nyob nrog koj
Hos wb txoj------------------------------me kev sib hlub
Zoo li qub---------------------------tsis muaj yam hloov
Cia siab ntsoov------------------------rau koj xwb mog

Tej lus cog---------------------------nco txog hnub tuag
Tau sib cuag-----------------------mam tham qhia paub
Txoj kev haub---------------------yeej muaj qhov tseeb
Thiaj muab teeb----------------------hais ua kwv huam

Lus cuam tshuam--------------------kom koj nkag siab
Txog xyoo tshiab-------------------mam sau ntawv los
Cov lus ntos--------------------------------los xaus li no
Thov koj nco------------------------tus neeg ncaim mus

Hmoob leej nus-----------------------ces muaj koj xwb
Koj kuv wb---------------------txhob ntseeg luag tham
Thiaj tsis plam--------------------------mus rau lwm tus
Koj cov lus----------------------------kuv tseem cim cia

Tsis tau qhia---------------------------rau leej twg paub
Mam li saub--------------------------rau koj xwb tiag./.
Xaus li no

Sponsored content

HMOOB TSAV NTUJ

Search

Hmoob Catholique Forum

Latest topics

Top posters

Tsev seev PajHuam

Hmong beauty nature

Compteur visitor

Saib Duab Teb Chaws Toj Siab Sab Xeev Khuam.

Re: Saib Duab Teb Chaws Toj Siab Sab Xeev Khuam.

Re: Saib Duab Teb Chaws Toj Siab Sab Xeev Khuam.

Re: Saib Duab Teb Chaws Toj Siab Sab Xeev Khuam.

Re: Saib Duab Teb Chaws Toj Siab Sab Xeev Khuam.

Re: Saib Duab Teb Chaws Toj Siab Sab Xeev Khuam.

Re: Saib Duab Teb Chaws Toj Siab Sab Xeev Khuam.

Re: Saib Duab Teb Chaws Toj Siab Sab Xeev Khuam.

Re: Saib Duab Teb Chaws Toj Siab Sab Xeev Khuam.

Re: Saib Duab Teb Chaws Toj Siab Sab Xeev Khuam.

Re: Saib Duab Teb Chaws Toj Siab Sab Xeev Khuam.

Re: Saib Duab Teb Chaws Toj Siab Sab Xeev Khuam.

Re: Saib Duab Teb Chaws Toj Siab Sab Xeev Khuam.

Re: Saib Duab Teb Chaws Toj Siab Sab Xeev Khuam.

Re: Saib Duab Teb Chaws Toj Siab Sab Xeev Khuam.

Re: Saib Duab Teb Chaws Toj Siab Sab Xeev Khuam.

Re: Saib Duab Teb Chaws Toj Siab Sab Xeev Khuam.

Re: Saib Duab Teb Chaws Toj Siab Sab Xeev Khuam.

Re: Saib Duab Teb Chaws Toj Siab Sab Xeev Khuam.

Re: Saib Duab Teb Chaws Toj Siab Sab Xeev Khuam.

Re: Saib Duab Teb Chaws Toj Siab Sab Xeev Khuam.

Re: Saib Duab Teb Chaws Toj Siab Sab Xeev Khuam.

Re: Saib Duab Teb Chaws Toj Siab Sab Xeev Khuam.

Re: Saib Duab Teb Chaws Toj Siab Sab Xeev Khuam.

Re: Saib Duab Teb Chaws Toj Siab Sab Xeev Khuam.

Re: Saib Duab Teb Chaws Toj Siab Sab Xeev Khuam.

Re: Saib Duab Teb Chaws Toj Siab Sab Xeev Khuam.

Similar topics

Similar topics

Search Query

Display results as : Posts Topics
Advanced Search