Nkauj Nraug sib pus mus dai tuag

Hmoob ntuj qub qab 22nd August 2011, 11:19 pm

Hmoob ntuj qub qab: Sponsor; Messages : 687
Date d'inscription : 2010-03-30

Post n°1

Nkauj Nraug sib pus mus dai tuag

Hmoob ntuj qub qab 22nd August 2011, 11:19 pm

Nyob zoo Koojziagkabzaug
Kev Nkauj Nraug thaum kawg tswv yim lawm kawg yuav txo txoj sia mus cia pab nkawv tu siab .

Paj Nyiag xeem Lis thiab Tub Huaj xeem Yaj tsis tsum phaj sib qaws ua txij nkawm vim Paj Nyiag yog niam tais, Paj Nyiag yog Tub Huaj txiv tus kwv poj niam tus niam hluas uas nkawv ob viv ncaus yog niam hlob niam yau yug (txiv ntxawm tus niam hluas) tab sis nkawv sib nyiam heev Tub Huaj twb los taij nws txiv kom cia nkawv sib yuav tab sis nws txiv tias tseem txom nyem cia lwm xyoo tso no ces nkawv thiaj tau txiav txim siab mus dai tuag saum pob tsuas thaum lawv mus pom nkawv twb tshuav pob txha lawm xwb, pab nkawv tu siab rau nkawv lub neej.
Nkawv ua piv txwv tias Tub Ntxhais sib nyiam lawm cia sib yuav txawm tsis tsum phaj los xij ...
Nkawv thiaj tsim nyog txwm Nkauj Nraug sib hlub tiag rau tiam no .

ibvuagdua 23rd August 2011, 12:49 pm

ibvuagdua

ibvuagdua: Member; Messages : 64
Date d'inscription : 2011-01-25

Post n°2

Re: Nkauj Nraug sib pus mus dai tuag

ibvuagdua 23rd August 2011, 12:49 pm

hmoobntujqubqab, Thiab SD.

Ua tsaug ntau uas koj coj tau Tub huaj thiab paj nyiag nkawv txoj kev nkauj nraug mus sib pus tuag ua ib ke, Tuaj qhia rau peb txhua tus paub...Zaj no tsi yog dab neeg li tej laus ib txwm piav rau me nyuam yau mloog lawm..

Nkawv 2 tus muaj txoj kev sib hlub loj hlob tsi sib tau zaum no nkawv tau sib pus mus tuag ua ke li nkawv txoj kev hlub, Tej zaum yuav yog lub hom phiaj uas nkawv xav cia lawm thiab nkawv txoj kev npau suav muaj nyob rau tiam neej no.

pab cov laus hlub tshua muaj kev txhawj xeeb thiab khuv xwm txog 2tus hluas heev tsi paub tias ib sijhuam yuav tshwm sim zoo li no..

Hmoob ntuj qub qab 23rd August 2011, 10:29 pm

Hmoob ntuj qub qab

Hmoob ntuj qub qab: Sponsor; Messages : 687
Date d'inscription : 2010-03-30

Post n°3

Re: Nkauj Nraug sib pus mus dai tuag

Hmoob ntuj qub qab 23rd August 2011, 10:29 pm

ibvuagdua wrote:hmoobntujqubqab, Thiab SD.

Ua tsaug ntau uas koj coj tau Tub huaj thiab paj nyiag nkawv txoj kev nkauj nraug mus sib pus tuag ua ib ke, Tuaj qhia rau peb txhua tus paub...Zaj no tsi yog dab neeg li tej laus ib txwm piav rau me nyuam yau mloog lawm..

Nkawv 2 tus muaj txoj kev sib hlub loj hlob tsi sib tau zaum no nkawv tau sib pus mus tuag ua ke li nkawv txoj kev hlub, Tej zaum yuav yog lub hom phiaj uas nkawv xav cia lawm thiab nkawv txoj kev npau suav muaj nyob rau tiam neej no.

pab cov laus hlub tshua muaj kev txhawj xeeb thiab khuv xwm txog 2tus hluas heev tsi paub tias ib sijhuam yuav tshwm sim zoo li no..

Nyob zoo ibvuagdua

Cov neeg txawj xav yeej hlub nkawv kawg li os , leej twg raug kev hlub thiaj paub txog os.
Nkawv mas thiaj yog txwm Nkauj Nraug txawj sib hlub tiag li yog tsis tuag mas nkawv yuav txawj ua neej sib hlub tiag li, pab hlub nkawv kawg li os

**MayPaj** 24th August 2011, 11:07 am

MayPaj

MayPaj: Spammer; Messages : 488
Date d'inscription : 2010-02-25

Post n°4

Re: Nkauj Nraug sib pus mus dai tuag

MayPaj 24th August 2011, 11:07 am

Vuag!!!! Tij laug aw!!! cas yuav mus txaus tu siab ua luaj li naj

Mus dai tuag li ntawv lawm es hauv duab yeeb puas yuav tau sib qaws ua txwj nkaum lawm os ntuj e!!! cas sim neej no yus tsuas hnov ua dab neeg xwb es zaum no nim muaj tiag tiag thiab no los? cas yuav pab hlub ob tug me nyuam ua luaj os, thaum ub nyob fab kis teb kuj muaj ob tug nkauj nraug niam thiab xiv tsis pub sij yuav, nkawv sib pus mus pw ua kev hauv ib lub tente, nkawv xuas lub tsheb tso pa roj ib hmos tuam yas tib si rau hauv lub tente, kom pa roj thawm hauv ces nkawv ob leeg sib khooj pw hauv, kaj ntug nkawv ob leeg tuag ua ke sib puag sib khawm pw li ntawv, thaum pompier nrhiav tau nkawv lawv mam ceeb toom rau cov niam thiab txiv tuaj zeem, yog ob tug me nyuam tiag, ces lawv sawv daws mam quaj, mam paub tias yog lawv kam nkawv sib yuav nsthe twb tsis zoo li ntawv, lawv txiav txim siab muaj faus ua ke kom nkawv nyob ib thaj chaw. Tu siab kawg.

Hmoob ntuj qub qab 24th August 2011, 9:44 pm

Hmoob ntuj qub qab

Hmoob ntuj qub qab: Sponsor; Messages : 687
Date d'inscription : 2010-03-30

Post n°5

Re: Nkauj Nraug sib pus mus dai tuag

Hmoob ntuj qub qab 24th August 2011, 9:44 pm

MayPaj wrote:Vuag!!!! Tij laug aw!!! cas yuav mus txaus tu siab ua luaj li naj

Mus dai tuag li ntawv lawm es hauv duab yeeb puas yuav tau sib qaws ua txwj nkaum lawm os ntuj e!!! cas sim neej no yus tsuas hnov ua dab neeg xwb es zaum no nim muaj tiag tiag thiab no los? cas yuav pab hlub ob tug me nyuam ua luaj os, thaum ub nyob fab kis teb kuj muaj ob tug nkauj nraug niam thiab xiv tsis pub sij yuav, nkawv sib pus mus pw ua kev hauv ib lub tente, nkawv xuas lub tsheb tso pa roj ib hmos tuam yas tib si rau hauv lub tente, kom pa roj thawm hauv ces nkawv ob leeg sib khooj pw hauv, kaj ntug nkawv ob leeg tuag ua ke sib puag sib khawm pw li ntawv, thaum pompier nrhiav tau nkawv lawv mam ceeb toom rau cov niam thiab txiv tuaj zeem, yog ob tug me nyuam tiag, ces lawv sawv daws mam quaj, mam paub tias yog lawv kam nkawv sib yuav nsthe twb tsis zoo li ntawv, lawv txiav txim siab muaj faus ua ke kom nkawv nyob ib thaj chaw. Tu siab kawg.

Me Nkauj Ntxawm e

Cov neeg muaj siab yeej pab txwm nkauj nraug no tu siab kawg li os, Niam txiv ob tog tsis paub tias nkawv yuav txov txoj sia yog paub mas lawv yeej cia nkawv sib yuav li lawm vim nkawv tas tswv yim lawm os.
Nkawv yuav ua nkawm me Niam txiv Noog ya luj lis ntxuaj tis thawv tho niam ntsis txiv plaub txiv hlub niam taub nas nkauj ntxawm e .
Lwm zaj mas yog dab neeg zaj no thiaj zaj nws piav yog tseeb li tseeb os.

koobpovtxuj 24th August 2011, 11:40 pm

koobpovtxuj

koobpovtxuj: Sponsor; Messages : 1318
Date d'inscription : 2010-04-05
Age : 64
Localisation : USA

Post n°6

Re: Nkauj Nraug sib pus mus dai tuag

koobpovtxuj 24th August 2011, 11:40 pm

Hmoob ntuj qub qab wrote:
Nyob zoo Koojziagkabzaug
Kev Nkauj Nraug thaum kawg tswv yim lawm kawg yuav txo txoj sia mus cia pab nkawv tu siab .

Paj Nyiag xeem Lis thiab Tub Huaj xeem Yaj tsis tsum phaj sib qaws ua txij nkawm vim Paj Nyiag yog niam tais, Paj Nyiag yog Tub Huaj txiv tus kwv poj niam tus niam hluas uas nkawv ob viv ncaus yog niam hlob niam yau yug (txiv ntxawm tus niam hluas) tab sis nkawv sib nyiam heev Tub Huaj twb los taij nws txiv kom cia nkawv sib yuav tab sis nws txiv tias tseem txom nyem cia lwm xyoo tso no ces nkawv thiaj tau txiav txim siab mus dai tuag saum pob tsuas thaum lawv mus pom nkawv twb tshuav pob txha lawm xwb, pab nkawv tu siab rau nkawv lub neej.
Nkawv ua piv txwv tias Tub Ntxhais sib nyiam lawm cia sib yuav txawm tsis tsum phaj los xij ...
Nkawv thiaj tsim nyog txwm Nkauj Nraug sib hlub tiag rau tiam no .

Hmoob ntuj qub qab.
kuv mloog 2 tog niam txiv cov lus mas zoo li 2 tog niam txiv yeej tsis muaj kev txwv txiav dab tsi tab sis tsis to taub tias ua cas 2 tug nkauj nraug no ho cia li mua dai tuag li no lawm.tej zaum mas cov laus yeej muaj kev txwv txiav tsis pub nkawd sib yuav tab sis thaum zoo li no lawm ces lawv cov laus kuj zais tej lo uas yuav txhaum nom tswv kev cai lawm xwb.

Hmoob ntuj qub qab 25th August 2011, 3:21 am

Hmoob ntuj qub qab

Hmoob ntuj qub qab: Sponsor; Messages : 687
Date d'inscription : 2010-03-30

Post n°7

Re: Nkauj Nraug sib pus mus dai tuag

Hmoob ntuj qub qab 25th August 2011, 3:21 am

koobpovtxuj wrote:Hmoob ntuj qub qab.
kuv mloog 2 tog niam txiv cov lus mas zoo li 2 tog niam txiv yeej tsis muaj kev txwv txiav dab tsi tab sis tsis to taub tias ua cas 2 tug nkauj nraug no ho cia li mua dai tuag li no lawm.tej zaum mas cov laus yeej muaj kev txwv txiav tsis pub nkawd sib yuav tab sis thaum zoo li no lawm ces lawv cov laus kuj zais tej lo uas yuav txhaum nom tswv kev cai lawm xwb.

Koobpovtxuj

Li koj hais yog feem ntau lawm ua neeg nyob yeej tsis lam muaj neeg xav tuag yeej kawg tswv yim lawm thiaj txiav txim siab tuag tau .
Cov laus yeej hais tias tsis tsum phaj lawm tsis pub neb sib yuav li nawj yog yuav los teb chaws yuav hais yog li nkawv thiaj txiav txim siab tuag.
Nkawv yog ua ib tug qauv rau tej laus los tej niam tej txiv kom txhob txwv tej tub ntxhais.
Neeg ces tom qab muaj teeb meem lawm mam 9 tug paub li 8 tug paub li ces lig lig lawm .

Last edited by Hmoob ntuj qub qab on 25th August 2011, 3:26 am; edited 2 times in total

Hmoob ntuj qub qab 25th August 2011, 3:23 am

Hmoob ntuj qub qab

Hmoob ntuj qub qab: Sponsor; Messages : 687
Date d'inscription : 2010-03-30

Post n°8

Re: Nkauj Nraug sib pus mus dai tuag

Hmoob ntuj qub qab 25th August 2011, 3:23 am

Koojziagkabzaug,Me Nkauj Ntxawm,Koobpovtxuj

Mloog zaj yas suab no mas zoo li kho kho siab lawm tiag.

Nraug Liab Toj Siab 14th September 2011, 9:57 pm

Nraug Liab Toj Siab

Nraug Liab Toj Siab: Sponsor; Messages : 774
Date d'inscription : 2011-05-31
Age : 37
Localisation : Nyob ntawm koj ib sab.

Post n°9

Nkauj Nraug Sib Pus Mus Dai Tuag

Nraug Liab Toj Siab 14th September 2011, 9:57 pm

Nyob zoo os tij laug Hmoobntujqubqab, ua cas es yuav pab nkawm hluas nkauj hluas nraug no tu siab ua luaj li os, ua cas yuav pab hlub nkawv ua luaj li tiag, pab nkawv tu siab kawg nkaus li, vim tej laus tsis pub sib yuav raws li nkawv lub siab ntshaw.

Ntuj teb os..........leej muam Pajnyiag
Sib hlub tiag..........zoo npaum wb no
cas wb ho.........thiaj tsis sib tau
sib hlub dhau..........yuav ua li cas
hlub koj tas..........npaum li no tiag
nrug ib pliag..........siab yeej tsis kaj
Tub Huajyaj..........tus neeg koj hlub
txij ntua hnub.........wb tau sib hlub
txog niaj hnub..........tam sim no lawm
txog sij hawm.........yuav tuaj coj koj
ciav taij zoj..........kuv niam kuv txiv
lawv txawm siv..........txiav wb kev hlub
lawv tsis pub..........wb los sib yuav
hais txiav npluav..........tias tsis txwm phaj
Tub Huajyaj..........zoo li kuv no
tu siab nrho..........tias tag zaum no
es koj ho..........puas hlub kuv tiag
Lis Pajnyiag..........tus neeg kuv hlub
lawv tsis pub..........wb los sib tau
los sib sau..........ua txij nkawm ces
tig los es..........kuv hais koj mog
sim neej no..........yeej hlub koj tshaj
xav tsawg zaj..........los tws hau kev
thov koj cev..........koj txhais me tes
tuav kuv es..........wb mus ua ke
sib pus nce..........lawm sawm hauv tsua
muab txoj hlua..........khi wb caj dab
sib puag npab..........dai tuag ua ke
tseg lub cev..........rau cov laus quaj
hmoov tsis muaj..........nyob rau tiam no
ua siab tso..........lub ntiaj teb cia
wb txoj sia..........tu nrho lawm tiag
suav txij kiag.........hnub no lawm tov
yuav tsis ntxhov..........wb siab ntxiv lawm
kev txij nkawm..........wb tau ywj siab
pib dua tshiab..........nyob lwm lub ntuj
wb tus ntsuj..........mam li huab xyw
ya sib tw..........mus ua ib ke
sib puag nce...........lawm saum ntuj ntsuab
ua me huab..........me nag me cua
yog muaj dua.........lwm tiam tiag no
wb mam ho.........mus thov ntawv tshiab
mam thawj thiab rov fab lwm tiam mog leej me muam !

Ua cas es txoj kev hlub yuav muaj zog ua luaj li os lawv e?
Ua tsaug ntau.

Me qigtaub 16th September 2011, 6:39 pm

Me qigtaub

Me qigtaub: Developer; Messages : 194
Date d'inscription : 2011-09-09

Post n°10

Re: Nkauj Nraug sib pus mus dai tuag

Me qigtaub 16th September 2011, 6:39 pm

Hmoob ntuj qub qab wrote:
Nyob zoo Koojziagkabzaug
Kev Nkauj Nraug thaum kawg tswv yim lawm kawg yuav txo txoj sia mus cia pab nkawv tu siab .

Paj Nyiag xeem Lis thiab Tub Huaj xeem Yaj tsis tsum phaj sib qaws ua txij nkawm vim Paj Nyiag yog niam tais, Paj Nyiag yog Tub Huaj txiv tus kwv poj niam tus niam hluas uas nkawv ob viv ncaus yog niam hlob niam yau yug (txiv ntxawm tus niam hluas) tab sis nkawv sib nyiam heev Tub Huaj twb los taij nws txiv kom cia nkawv sib yuav tab sis nws txiv tias tseem txom nyem cia lwm xyoo tso no ces nkawv thiaj tau txiav txim siab mus dai tuag saum pob tsuas thaum lawv mus pom nkawv twb tshuav pob txha lawm xwb, pab nkawv tu siab rau nkawv lub neej.
Nkawv ua piv txwv tias Tub Ntxhais sib nyiam lawm cia sib yuav txawm tsis tsum phaj los xij ...
Nkawv thiaj tsim nyog txwm Nkauj Nraug sib hlub tiag rau tiam no .

Cas zaj no yuav txaus tu siab ua luaj li yog lub neej tiam no tsis tau nyob ua kev tiag yeej xav tias puas yuav muaj ib lub ntuj tshiab twg yuav mus nyob, thaum kuv pom li no kuv rov xav txog Maivntxhais Lauj zaj nkauj lub ntsiab lus tias puas muaj ib lub ntuj tshiab qhov twg rau yus mus nyob. yog tias lub neej tsis sib tau zoo li no ua ib siab mus nyob twj ywm tso ob lub cev tseg zoo li no yuav zoo dua.

Nraug Liab Toj Siab 17th September 2011, 4:14 am

Nraug Liab Toj Siab

Nraug Liab Toj Siab: Sponsor; Messages : 774
Date d'inscription : 2011-05-31
Age : 37
Localisation : Nyob ntawm koj ib sab.

Post n°11

Re: Nkauj Nraug sib pus mus dai tuag

Nraug Liab Toj Siab 17th September 2011, 4:14 am

Me qigtaub wrote:

Hmoob ntuj qub qab wrote:
Nyob zoo Koojziagkabzaug
Kev Nkauj Nraug thaum kawg tswv yim lawm kawg yuav txo txoj sia mus cia pab nkawv tu siab .

Paj Nyiag xeem Lis thiab Tub Huaj xeem Yaj tsis tsum phaj sib qaws ua txij nkawm vim Paj Nyiag yog niam tais, Paj Nyiag yog Tub Huaj txiv tus kwv poj niam tus niam hluas uas nkawv ob viv ncaus yog niam hlob niam yau yug (txiv ntxawm tus niam hluas) tab sis nkawv sib nyiam heev Tub Huaj twb los taij nws txiv kom cia nkawv sib yuav tab sis nws txiv tias tseem txom nyem cia lwm xyoo tso no ces nkawv thiaj tau txiav txim siab mus dai tuag saum pob tsuas thaum lawv mus pom nkawv twb tshuav pob txha lawm xwb, pab nkawv tu siab rau nkawv lub neej.
Nkawv ua piv txwv tias Tub Ntxhais sib nyiam lawm cia sib yuav txawm tsis tsum phaj los xij ...
Nkawv thiaj tsim nyog txwm Nkauj Nraug sib hlub tiag rau tiam no .

Cas zaj no yuav txaus tu siab ua luaj li yog lub neej tiam no tsis tau nyob ua kev tiag yeej xav tias puas yuav muaj ib lub ntuj tshiab twg yuav mus nyob, thaum kuv pom li no kuv rov xav txog Maivntxhais Lauj zaj nkauj lub ntsiab lus tias puas muaj ib lub ntuj tshiab qhov twg rau yus mus nyob. yog tias lub neej tsis sib tau zoo li no ua ib siab mus nyob twj ywm tso ob lub cev tseg zoo li no yuav zoo dua.

Nyob zoo tij laug Hmoobntujqubqab, Me Qigtaub, Maivpaj, Koojziagkabzaug, thiab lwm tus phooj ywg.
Chav tsev no mas nkag los thaum twg los yeej pab hlub thiab pab tu siab ntau rau Tub Huaj Yaj & tus ntxhais Paj Nyiag Lis nkawv txoj kev hlub kawg li os!

Raws li kuv xav mas xav kom 2 tog niam txiv muab nkawv 2 lub cev(pob txha) coj mus khaws tseg cia los sis nrhiav chaw teem kom zoo tseg cia rau saum qhov chaw ntawv kom tsis txhob muaj tsiaj los kov tau, tsis li ntawv ces tsis ntev xwb nkawv lub cev yuav ploj tag mus lawm. Nej ho xav li cas?
Ua tsaug ntau os me muam Koojziagkabzaug qhov nws pab kho kuv zaj paj huam kom zoo thiab tshiab dua qub nawb mog.
Ua tsaug ntau.

Last edited by Nraug Liab Toj Siab on 17th September 2011, 5:42 am; edited 2 times in total

Nraug Liab Toj Siab 17th September 2011, 5:13 am

Nraug Liab Toj Siab

Nraug Liab Toj Siab: Sponsor; Messages : 774
Date d'inscription : 2011-05-31
Age : 37
Localisation : Nyob ntawm koj ib sab.

Post n°12

Nkauj Nraug Sib Pus Mus Dai Tuag

Nraug Liab Toj Siab 17th September 2011, 5:13 am

Tus sau: Tij laug Zibmes&piamthaj(tojsiab.com).

Txoj kev hlub..........thiab txoj kev ntshaw
tau ntawm taw..........tuav nyob ntawm tes
zoo no ces..........tsis xav pub plam
txoj kev vam..........thiab kev cia siab
nws yuav tshiab..........yam li paj nra
nws tsw ha.........npaum nkaus nplej caug
kev nkauj nraug..........thaum lawv sib nyiam
txiv thiab niam..........thov tsis txhob txwv
cov ua kwv..........thiab cov ua muam
qhov lawv ruam..........vim lawv tseem yau
lawv xav tau...........yog kev sib hlub
yog nej ntxub...........thiab nej los tav
qhov lawv xav...........ces yog kev tuag
kuv yuav luag...........zoo yam Tub Huaj
tus uas ruaj...........siab rau kev hlub
Muam Nkauj Hnub...........ho tsis ua tiag
yam Paj Nyiag..........thiab kwv Huaj Yaj
pom nkawv zaj..........dab neeg kev hlub
ua kuv lub............kua muag ntws tawm
cas tus cawm...........ho yuav tsis muaj
es Tub Huaj...........thiab Muam Paj Nyiag
thiaj tuag kiag...........ncaim peb mus lawm
yog sij hawm...........muab tig tau rov
es nkawv hnov..........xav hais lus qhia
tias ib txhia..........lawv txoj kev hlub
nws tseem dub...........tshaj li ntaub dub
tshaj dua hnub..........thaum lub ntuj tsaus
kuv tus laus...........twb ntsib los lawm
muaj tus cawm..........kuv ciaj hnub no
ua cas ho...........pab tsis tau nkawv
kuv lub plawv..........xav mas tu siab
thov tiam tshiab..........kom nkawv muaj hmoo
tau ntawv zoo...........los ua txij nkawm
kom hmoov sawm...........pub nkawv sib tau
los sib sau...........kom ciaj ib yig
thov ntuj tig...........txoj hmoov kom ncaj
kom lwm phaj..........pub nkawv lwm tiam
txhob pub piam..........thiab plam dhau mus
ho hais lus...........rau peb cov nyob
kom nej txhob..........ua ib yam nkawv
niam txiv lawv..........khwv khwv tu nej
neej tom ntej..........nej tseem tshuav deb
lub ntiaj teb...........pom tsis tau txhua
tej mab sua..........li kev vam meej
uas koj yeej..........tsis tau pom txog
tseg nawb mog..........txhob hais kev tuag
kev ua ntsuag..........tub thiab ntsuag kiv
niam thiab txiv.........lawv tsis xav tau
ho hais dhau..........rau zos pham dais
yog nej pais..........txog tsua pham thaus
muaj caij txaus..........ho nce mus saib
yuav qhia laib..........nkawv zaj dab neeg
ob tug neeg..........txoj kev sib hlub
ntawm tus Tub..........Huaj thiab Paj Nyiag
yeej muaj tiag.........tsis yog lam dag li nawb ib tsoom phooj ywg.

Thov txim ntawm tub huaj niam thiab txiv nrog rau paj nyiam niam thiab txiv. Kuv sau zaj paj huam no hais txog kev sib hlub los vim yeej muaj ua ntu zus los rau ntawm peb haiv hmoob. Es nej zam txim pub kuv thiab. yog lwm muaj dua tom ntej no thov sawv daws ho hais zoo rau tej me nyuam es lawv thiaj tsis tuag li nkawv. Hos tej me nyuam los yog thaum pom nyuaj lawm txhob xav txog kev tuag yuav tsum mus nrhiav kev pab. Txoj kev kho siab ces peb leej tib neeg yeej ntsib txhua tus nawb lawv. Ua tsaug

Last edited by Nraug Liab Toj Siab on 19th September 2011, 4:43 am; edited 1 time in total

ibvuagdua 18th September 2011, 11:54 am

ibvuagdua

ibvuagdua: Member; Messages : 64
Date d'inscription : 2011-01-25

Post n°13

Re: Nkauj Nraug sib pus mus dai tuag

ibvuagdua 18th September 2011, 11:54 am

Nyob zoo ibvuagdua

Cov neeg txawj xav yeej hlub nkawv kawg li os , leej twg raug kev hlub thiaj paub txog os.
Nkawv mas thiaj yog txwm Nkauj Nraug txawj sib hlub tiag li yog tsis tuag mas nkawv yuav txawj ua neej sib hlub tiag li, pab hlub nkawv kawg li os

*******************************************************************

hmoobntujqubqab.

nyob zoo rau koj, Txwm nkauj nraug mus sib pus tuag no mas...nrog nkawv tu siab heev li os, rau qhov nkawv txoj kev tws tsi muaj lub caij nyoog rau nkawv tau nyob sib hlub rau tiam neej no.leej twg yog tuag li no lawm ces yog swb txoj kev hlub lawm.

Hmoobntujqubqab...Ntshe yuav tau kom ob tsev neeg ntawm ob tus nkauj nraug no, Mus muab nkawv cov pob txha khaws coj mus pw tso ua ib ke thom ib lub tsev zeb zzoo rau muab nkawv 2 daim duab teem cia rau thiab yuav tau sau nkawv txoj dab neeg rau, kom lub neej pem suab thiaj tau pom thiab thiaj paub os.

ibvuagdua 18th September 2011, 12:06 pm

ibvuagdua

ibvuagdua: Member; Messages : 64
Date d'inscription : 2011-01-25

Post n°14

Re: Nkauj Nraug sib pus mus dai tuag

ibvuagdua 18th September 2011, 12:06 pm

Nyob zoo ibvuagdua

Cov neeg txawj xav yeej hlub nkawv kawg li os , leej twg raug kev hlub thiaj paub txog os.
Nkawv mas thiaj yog txwm Nkauj Nraug txawj sib hlub tiag li yog tsis tuag mas nkawv yuav txawj ua neej sib hlub tiag li, pab hlub nkawv kawg li os

*******************************************************************

hmoobntujqubqab.

nyob zoo rau koj, Txwm nkauj nraug mus sib pus tuag no mas...nrog nkawv tu siab heev li os, rau qhov nkawv txoj kev tws tsi muaj lub caij nyoog rau nkawv tau nyob sib hlub rau tiam neej no.leej twg yog tuag li no lawm ces yog swb txoj kev hlub lawm.

Hmoobntujqubqab...Ntshe yuav tau kom ob tsev neeg ntawm ob tus nkauj nraug no, Mus muab nkawv cov pob txha khaws coj mus pw tso ua ib ke thom ib lub tsev zeb zzoo rau muab nkawv 2 daim duab teem cia rau thiab yuav tau sau nkawv txoj dab neeg rau, kom lub neej pem suab thiaj tau pom thiab thiaj paub os.

Me qigtaub 19th September 2011, 4:26 pm

Me qigtaub

Me qigtaub: Developer; Messages : 194
Date d'inscription : 2011-09-09

Post n°15

Re: Nkauj Nraug sib pus mus dai tuag

Me qigtaub 19th September 2011, 4:26 pm

ibvuagdua wrote:
Nyob zoo ibvuagdua

Cov neeg txawj xav yeej hlub nkawv kawg li os , leej twg raug kev hlub thiaj paub txog os.
Nkawv mas thiaj yog txwm Nkauj Nraug txawj sib hlub tiag li yog tsis tuag mas nkawv yuav txawj ua neej sib hlub tiag li, pab hlub nkawv kawg li os

*******************************************************************

hmoobntujqubqab.

nyob zoo rau koj, Txwm nkauj nraug mus sib pus tuag no mas...nrog nkawv tu siab heev li os, rau qhov nkawv txoj kev tws tsi muaj lub caij nyoog rau nkawv tau nyob sib hlub rau tiam neej no.leej twg yog tuag li no lawm ces yog swb txoj kev hlub lawm.

Hmoobntujqubqab...Ntshe yuav tau kom ob tsev neeg ntawm ob tus nkauj nraug no, Mus muab nkawv cov pob txha khaws coj mus pw tso ua ib ke thom ib lub tsev zeb zzoo rau muab nkawv 2 daim duab teem cia rau thiab yuav tau sau nkawv txoj dab neeg rau, kom lub neej pem suab thiaj tau pom thiab thiaj paub os.

Ntuj aw.... txoj kev hlub cas mob siab ua luaj li tiag, thaum kuv pom daim video nkawv ob lub cev uake kuv xav tias yog muaj li no tiag ces kom lawv leej twg muab ob lub cev no fuas uake ua ib qhov kev qhia rau ntiaj teb no tias nkawv sib taub lawm tiag. kuv yeej pom zoo ib yam thiab/

Hmoob ntuj qub qab 19th September 2011, 10:12 pm

Hmoob ntuj qub qab

Hmoob ntuj qub qab: Sponsor; Messages : 687
Date d'inscription : 2010-03-30

Post n°16

Re: Nkauj Nraug sib pus mus dai tuag

Hmoob ntuj qub qab 19th September 2011, 10:12 pm

Nraug Liab Toj Siab wrote:
Nyob zoo tij laug Hmoobntujqubqab, Me Qigtaub, Maivpaj, Koojziagkabzaug, thiab lwm tus phooj ywg.
Chav tsev no mas nkag los thaum twg los yeej pab hlub thiab pab tu siab ntau rau Tub Huaj Yaj & tus ntxhais Paj Nyiag Lis nkawv txoj kev hlub kawg li os!

Raws li kuv xav mas xav kom 2 tog niam txiv muab nkawv 2 lub cev(pob txha) coj mus khaws tseg cia los sis nrhiav chaw teem kom zoo tseg cia rau saum qhov chaw ntawv kom tsis txhob muaj tsiaj los kov tau, tsis li ntawv ces tsis ntev xwb nkawv lub cev yuav ploj tag mus lawm. Nej ho xav li cas?
Ua tsaug ntau os me muam Koojziagkabzaug qhov nws pab kho kuv zaj paj huam kom zoo thiab tshiab dua qub nawb mog.
Ua tsaug ntau.

Nyob zoo Nraug Liab Toj Siab

Lub siab xav mas yeej xav li koj ua kwv hais kawg li nawj tiam sis tsis paub ntawm niam txiv ob tog seb lawv puas kam ua li ntawv xwb vim tias yog ua tsev rau nyob lawm ne nkawv ho puas tau nyob ua ke lawm thiab no nas tsam ho cais nkawv lawm xwb es lawv thiaj tsis ua tsev rau nyob pob.

Hmoob ntuj qub qab 19th September 2011, 10:19 pm

Hmoob ntuj qub qab

Hmoob ntuj qub qab: Sponsor; Messages : 687
Date d'inscription : 2010-03-30

Post n°17

Re: Nkauj Nraug sib pus mus dai tuag

Hmoob ntuj qub qab 19th September 2011, 10:19 pm

Me qigtaub wrote:Ntuj aw.... txoj kev hlub cas mob siab ua luaj li tiag, thaum kuv pom daim video nkawv ob lub cev uake kuv xav tias yog muaj li no tiag ces kom lawv leej twg muab ob lub cev no fuas uake ua ib qhov kev qhia rau ntiaj teb no tias nkawv sib taub lawm tiag. kuv yeej pom zoo ib yam thiab/

Me qigtaub

Qhov zoo kom tsim nyog nkawv tuag ua ke no mas kawg muab faus ua ke li koj hais xwb tab sis Hmoob li mas tsuas hais qhov txhaum dab qhuas xwb naj...

xiongchang 5th May 2012, 12:21 pm

xiongchang

xiongchang: Moderator; Messages : 5005
Date d'inscription : 2012-04-16

Post n°18

Re: Nkauj Nraug sib pus mus dai tuag

xiongchang 5th May 2012, 12:21 pm

- Nyob zoo os, Ib tsoom phooj ywg! Nkauj muam hmoob suav daws, Txawm nyob lub teb chaws twg? Yog tau pom, Tug me ntxhais; Paj nyiag lis....Tug huaj yaj nkawd, Lub neej kev nkauj nraug zoo; Tsi sib tau....vim niam txiv, Tsi pub nkawd; Sib yuav ua niam txiv txwj nkawm....Nkawd thiaj txiav txim siab zaum kawg, Sib pus tuag; Saum roob tsuas....Yam tu siab kawg kiag, Thaum pom dheev nkawd; Lub neej kev chim....Vim tej niam txiv, Tsi txawj xav; Tsi pub nkawd sib yuav ua niam txiv txwj nkawm....Kuv pom nkawd, Tej pob txha dawb vog; Kuv lub kua muag....Ntwg si poob nthav tam sim, Yog kuv nyob ze; Kuv tsi pub nkawd tuag....Txom nyem tas npaum, Kuv tseem nco txog; Xyoo 1970 - 1971....Kuv mus ua hauj lwm sab tsua dawb:...Pha Khao....Hmoob nqa kaus, Tuaj nqeg tsev zawj; Ntau tug ntxhais hmoob zoo nkauj yuav....Tug ntxhais tsi nyiam, Tsi yeem; Tsi kam yuav....Hmoob tug tub, Hmoob muab nyiaj xiab tus niam txiv neej nus ntau; Niam txiv neej nus....Pom nyiaj ntau tsaus muag, Tug ntxhais quaj thov npaum twg? Niam txiv neej nus yuam qeeg, Tug ntxhais tswv yim tas; Chim siab dhau....Yuav plam hluas nraug, Nyiag kev tawm de tshuaj kub tws nyuv noj; Tua tug kheej pov tseg....Tsi khuv xim siav, Cov ntxhais ntawd; cov viv ncaus; Paub kuv zoo....Thiaj dhia tuaj caum, Kom kuv mus pab cawm; Yog kuv tsi cawm....Ces kawg tuag, Kuv thiaj dhia mus cheem niam txiv ob tog; Ncua sij hawm.....Cawm lawv tug ntxhais, Kuv cawm ciaj; Rov ua neeg....Kuv cheem, Tsi pub yuam; Yog yuam tias....Tuag tias, Yog muaj siab nyiam ntshaw npaum; Twb muaj qhov ncauj mam tham....Yeej tsi lig, Lub sij hawm ntawd; Kuv tseem yog me nyuam tub hluas 16 xyoo....17 xyoo xwb, Uas cov twb tau sib yuav ua niam txiv txwj nkawm lawm; Cas ho tsi txawj sis hlub li....Thaum sib nyiam, Thiaj sib yuav ua niam txiv txwj nkawm; Thaum sib tau lawm....Cas ho muab nrauj tso tseg, Mus yuav dua tug tshiab; Puas tsim nyog....Ho yuav tug tshiab, Los tshem lub cuab yig; Kom kua muag poob nruab hnub hmo ntuj, Tsi qhuav ntawm plhu; Suav daws ua tib zoo xav nawb....Tug tsi sib tau, Twb xum tuag; Tug sib tawm lawm....Ho tsi txawj sis hlub mas hmoob.

xiongchang 5th May 2012, 12:47 pm

xiongchang

xiongchang: Moderator; Messages : 5005
Date d'inscription : 2012-04-16

Post n°19

Re: Nkauj Nraug sib pus mus dai tuag

xiongchang 5th May 2012, 12:47 pm

- Lub sij hawm xyoo 1986, Nyob yeej vib nai; Peb ib tug ntxhais xeeb ntxwv npe hu "Mais" Ntaj neeb yaj nkawd, Kuj noj tshuaj npaws liab tuag; Tib yam thiab...."Mais" Peb tug nus, Txiav tu nrho; Tsi pub mais....Yuav ntaj neeb yaj, Ntaj neeb yaj; Cov kwv tij....Tsi pub ntaj neeb yuav mais, Nkawd thiaj kaw kas xev tseg; Lub sij hawm ntawd....Kuv tawm ua hauj lwm sab nraum lawm, Kuv rov los txog; Tseem tab tom pam nkawd....Kuv thiaj hais, Kom coj nkawd mus faus ua ke; Tim rooj toj ntxas....Qaum khej: 2 Nrug ib dos, Ua ib ntxais; Tsi pub faus....Ib tug ib qho li, Ob tog niam txiv neej nus hais, Ntaj neeb yaj Thiab mais nkawd; Los yeej tuag tu siab kawgg nkaug li os "Hmoob aws" Yug tej ua niam, Ua txiv; Tej neej nus....Tsuas zeem tau txwv txiav, Tsi pub tub ntxhais sib yuav; Yug ho tsi paub yug....Yog yug raug rau txhais khau ntawd, Yuav zoo li cas? Twb tsi xav txog, Thaum yug tso; Mam txiav tub ntxhais; Pheej mus tib tias....Yog tub ntsuag ntsoj, Nkauj ntsuag nog; Niam txiv haus yeeb tshua....Txom nyem pluag, Kuv tug kheej kiag; Twb raug niam tais pog....Txiav kuv ib tug muam npaws, Cim peb caug xyoo 1972 xaus; Tsi pub wb sib yuav....Tug muam npaws ntawd, Chim siab dhau; Tsa hlo suab quaj tam sim....Nrog pog sib ceg, Ntawm tsav pob; Tib neeg sawv ntsia vij vog....Kuv ua ib siab mus tsev lawm, Tug muam npaws ntawd; raws qab tuaj saiib kuv tim tsev zog "Roob vaub kib ob peb zaug" Tug muam npaws ntawd, Ua hluas nkauj nyob txog xyoo 1996; Teb chaws mes kas....Pog tuag lawm, Mam yuav txiv; Ua hmoob niam yau....Thov cheem suav daws, Txhob txwv tiav tub ntxhais; Kev nkauj nraug....Hlub nco tshua nawb mog.

**koojziagkabzaug** 5th May 2012, 2:16 pm

koojziagkabzaug

koojziagkabzaug: Moderator; Messages : 3529
Date d'inscription : 2010-02-28

Post n°20

Re: Nkauj Nraug sib pus mus dai tuag

koojziagkabzaug 5th May 2012, 2:16 pm

Tij laug Xyooj Tsab,

Nws zaj kwv huam tu siab kawg li,
Ib txhia neeg mas nws tsuas xav txog nws tus kheej xwb, nws tsis xav txog luag.
Peb Hmoob thaum ub mas kev ua hluas txom nyem tshaj plaws li, lam sib yuav xwb tsis sib paub siab li vim tej kev cai nruj dhau, tus tsim txiaj mloog lus ces yeej nyiam hauv lub qhov muag xwb. Tus tawv ncauj thiab ib txhia niam txiv tso ces thiaj li tau ua nkauj ua nraug sib tham sib paub siab.
Lub zwj ceeb no ces nyob los tsuas teb, leej txiv thiab leej niam ho coj kiag tus ntxhais mus rau Hmoob Mes Kas, Hmoob Fab Kis laus los ho muag ntsej muag coj mus kiag seb lawv puas yuav, lam muab lo lus "yuav" los npog qhov muag xwb, yog "ntiav". Peb Hmoob mas tsis txawj ua lub neej nruab nrab li luag tej neeg vam meej, peb tsis haus yeeb mas luam yeeb twb tsis haus, haus tuaj mas haus kiag yaj yeeb lawm xwb...
Tej tub ntxhais sib nyiam mas tsis pub sib yuav li, yus ho xaiv tej tug niag twb tsis zoo li rau tej me nyuam yuav... Crying or Very sad

Thaum ua ntej teb chaws tawg, muaj ib yim hmoob ua neej muaj ntsis txom nyem, tus tub hlob txawm tham tau ib tug hluas nkauj xav yuav, tab sis leej niam thiab leej txiv tsis pub nws yuav. Tom qab no tus kwv ho xav yuav poj niam los nkawd tsis pub yuav thiab.
Lawv nyob tsev Hmoob pw txaj nruab, yog tib lub txaj tab sis phab ntsa kem. Muaj ib hmos, leej niam thiab leej txiv txawm tab tom tsim noob neej, ces tus tub hlob pw sab tod txawm sawv los hais rau nkawd tias:
Niam thiab txiv, peb leej twg xav yuav poj niam los neb tsis kam li, ua cas neb tseem yuav tsim tej yau ntxiv thiab. Neb cia li tsum, neb tsis yoom tsim cov kwv yau ntxiv lawm, neb txawm yug tau tej kwv yau ntxiv los yeej yuav txom nyem xwb.

Ces leej txiv tias tus tub ua siab nws lawm mas kom tag nrho 9 leeg tub ntawd los thov txim nws. Ces hu cov kwv tij tuaj, cia leej txiv hle ris kom cuaj leeg tub ntawd los yaim leej txiv tus YOB ib tug dhau ib tug.

Hmoob txoj kev lim hiam uas tsis paub hlub neej, tsuas paub ua qhov lim hiam sib foom xwb...Tu siab kawg, hnov tej yam zoo li no.

xiongchang 6th May 2012, 12:59 pm

xiongchang

xiongchang: Moderator; Messages : 5005
Date d'inscription : 2012-04-16

Post n°21

Re: Nkauj Nraug sib pus mus dai tuag

xiongchang 6th May 2012, 12:59 pm

- Nyob zoo os, Tug me zoo kwv aws; Thov zam txim nawb....Yog kev pauv tswv yim, Pauv kev xav; Pauv kev xyaum.....Pauv kev kawm, Pauv kev txhim kho; Pauv kev hloov....Kev ua neej, Txhob ntshai tsam; Luag tsi paub yug....Tug kheej nawb, Tsuas ntshai tsan; Yug tsi paub luag....Lwm tug lub siab nyiam, Lub siab ntshaw; Yug txiav luag kev....Thaum ntawd, Yuav ua cas?, Yug tsuas zeem tau txwv; Tub ntxhais.....Txoj kev nyiam, Txoj kev ntshaw; Txoj kev cia siab....Tab sis, Yug ho tsi paub; Thaum yug hluas....Kuv tug kheej mas, Suav txij li; Kuv yuav poj niam kiag....Yuav tu muaj tub, Yuav yug muaj ntxhais; Ib hnub luag loj hlob zuj zug.....Luag yuav taug, Yug txoj keb; Yug ua luag txiv....Ua luag niam, Yuav coj li cas? Txhua tug tub ntxhais, Nyiam kev ywj siab; Ntsahw kev ywj pheej....Yug tawm tsam, Yog tawm tsam dab tsi? Yug tawm tsam, Kom muaj kev ywj siab; Kom muaj kev ywj pheej....Yug tawm tsam, Rau yug xwb; Tsi pub tub ntxhais....Muaj ob txoj kev no, Tsi tas tawm tsam nawb; Kuv puam xeeb....Xya yug tau, Lawv loj hlob; Tiav nkauj nraug....Yog niam txiv tog ntxhais, Txwv txiav; Tsi pub nws tug ntxhais....Tham kuv tug tub, Ua kuv phem qhov twg? Niam txiv tog tub, Txwv txiav; Tsi pub nws tug tub....Tham kuv tug ntxhais, Yog tim qhov twg? Wb twb tsi tau, Muaj dua caub; Tseg dua nco....Ntswj dua khob, Lov dua xaws; Kuv tug kheej....Kuv poj niam, Twb tsi tau ua tub sab; Tsi tau ua tub nyiag....Haus yeeb tshuaj, Daj ntseg lig; Tsi tau tub nkeeg....Pw tsheej hnub, Thov leej twg noj; Thov leej twg haus....Qiv leej twg hnav, Txais luag nyiaj siv; Tsi them rov qab....Tub ntxhais, Lub neej; Yog tub ntxhais lub....Txhob muab piv, Rau peb cov ua niam txiv lub neej; Vim kuv tug muam npaws....Raug pog txwv, Tsi pub yuav kuv; Vim kuv txoj hmoo phem....Thov tiam ntawv los yug rau, Ob tsev neeg; Haus yeeb tshuaj....Kuv txiv xya, Kuv niam yug; Nkawd tuaag ua ntej lawm....Thaum kuv noob nyoog, Ib xyoos ntau; Kuv tsi paub nkawd lub neej....Kuv niam saws, Kuv txiv tu loj hlob; Los haus yeeb thiab....Plaub tug xyaum liam, Yog lawv xwb; Kuv twb tsi liam nev....Kuv xyaum zoo, Tsim txiaj ncus; Kuv loj hlob....Kawm ntawv tiav tas, Grade: 6; Kuv nrhiav hauj lwm ua khov kho....Tau npe nom, Nce qib siab zuj zug; Yam phem....Tsi zoo, Kuv tsi xyaum; Kuv xyaum yam zoo....Kom muaj koob nto npe, Ncha hmoo lug; Ntiaj taug qaum peg....Kev ua neej, Kuv pom niam txiv lub neej zoo li ntawd; Kuv tu siab kawg....Kuv txaj muaag heev, Cas yuav tiam ntawv phem ua luaj; Los poob ob tsev neeg....Kuv twb hais kas xev, Mus qhuab ntuag; Ib tug nus kwv tij nyob teb chaws nplog xyoo 1995....Tu tau tub zoo nraug, Yug tau ntxhais zoo nkauj; Luag nyiam kawg....Txiv tsi haus yeeb, Niam haus yeeb; Luag xav yuav....Luag tib niam txiv, Tsi xyaum zoo; Kuv poj niam....Xa nyiaaj pab, Ua vaj tsev zoo; Xa khaub ncaws rau hnav....Kom niam txiav txim siab yoo yeeb, Ib xyoos tom qab 1997; Yeeg duab xa tuaj wb saib....Niam yoo tau yeeb rog npig, Zoo nkauj rhib; Tub yuav nyab dua; Ntxhais yuav txiv tas....Kev ua neej nyob, Yuav tau xyaum zoo; Tsim txiaj ncus....Txawm tsi nplua nuj, Los ua neej xws luag; Muaj zoo vaj tsev nyob....Yuav tsheb tshiab, Iav tsau nti tsav tawm rooj; Ces zoo kawg nkaug.

xiongchang 6th May 2012, 1:50 pm

xiongchang

xiongchang: Moderator; Messages : 5005
Date d'inscription : 2012-04-16

Post n°22

Re: Nkauj Nraug sib pus mus dai tuag

xiongchang 6th May 2012, 1:50 pm

- Peb hmoob, Yuav tau pauv hloov; Lub tswv yim....Txwv txiav, Tub ntxhais lub neej; Kev nkauj nraug zoo....Hlub nco tshua, Yog tsi pub yuav; Thaum nkawd chim siab....Sib pus tuag, Ho zoo li cas? Thaum nkawd tuag, Mam xav txog "Lig" Suav txij li:...July 26, 1971....Kuv sawv ua hau zog, Cov muam kwv tij; Cov ntxhais kwv tij....Cov kwv, Kwv tij; Cov tub kwv tij....Yeej raug txwv txiav coob tug li, Kuv tug kheej; Raug niam tais pog....Txwv tsi pub, Tug muam npaws; Wb sib yuav....Thaum kuv ua hauj lwm, Sab tsua dawb:....Pham khao....Cov niam txiv yuam ntxhais yuav txiv, Nraug vauv muab nyiaj tus xiab qab rooj ntau; Niam txiv pom nyiaj ntau "Tsaus muag" Xav tias zaum no, Yuav xaws nab ntim; Nrhiav hub rau....Faus av ntas lauv? Tsi xav txog, Tug ntxhais "Txoj sia" Tu khwv npaum cas? Thiaj loj hlob tiav nkauj ntsug, Tsuas xav saum nyiaj; Ntxhai tsi nyiam....Ntxhais tsi kam yuav, Ntxhais tsi yeem; Ntxhais quaj thov pe npaum cas....Tsuas zeem tau yuam nias qeeg, Kom yuav xwb zoo li; Tam sim no....Hmoob nplog yuam ntxhais, Yuav hmoob mes kas laug ntas; Yug ntxhais ua luam....Tsi yog yug "Ua neeg" Txawm tsi txum phaj, Los kawg ib tug nyuas npua "Peb cheej - Peb taus" Txo nra, Nce rooj; Muab nkawd....Txis ua niam txiv, Kom nkawm zoo siab; Nkawd lub siab nqis....Tsim nyog nkawm, Tshwm sim yug; Ua ib zaug neeg....Lub neej yuav zoo, Thiab tsi zoo; Yog nkawd lub....Tsi yog niam txiv lub, Txhob muab nkawd cheem; Txhob muab nkawd txiav li....Cov laug ruam, Pam thawj ntaus ntoo; Tsuas pom yug....Tsi pom luag, Kev nkauj nraug zoo; Hlub nco tshua....Kuv tug kheej, Tuaj nyob thaib teb 13 xyoo; Kuv kawm tiav....Human Right....Kev ua nkauj nraug, Kev ua neej neeg; Kev ua niam txiv:...Coj tub ntxhais zoo li cas?, Saum tsiaj txhu ne; Coj li cas? Yog yuav tuaj noj, Txawm tua kiag; Txhob tsim txom tsiaj zoo li....Cov tso qaib sib ncaws, Qhov muag dig tas; Kaug ncauj lov dam tas....Ntshav liab vog, Pav chais; Pav riam me....Kav ko taw, Tso sib ncaws; Tso nyuj sib nraus....Mag tsheej niag kub, Nqaij ntuag ntshav nrog; Tsa taw hlo, Tuag kiag ntawm chaw; Tso twn tsoo pam thawj, Taub hau tawg; Ntshav ntswg ri sua tam sim ntawd....Twm mam tuag, Peb hmoob; Yog ib haiv neeg....Siab phem tshaj plawg, Lim hiam kawg nkaug; Ntais ntuj tsim txom lwm tug....Txia ntshav tas zog li, Tog hmoob tsi muaj teb chaws; Cuaj leeg ua tsev....Ib tug rho riam txuas taus ntov ncej tse, Kom zuav vau; Lam lub npe....kawm ntawv siab, Ib txhia ua mej txwv; Rau yeeb ncuab....Lauj rhuav tshem, Tua haiv hmoob zoo li; Yav tas lawm....Ntshai tsam tsi tau nom loj, Tsi tau thooj ntau; Tseem nyo hau qeeg....Thawj yeeb ncuab, Muab yug zob saw hlau; Ib hnub hov peb puas rab txuas....Nplog muab hlais pub ntses, Fwb nab qa dev kiag; Peb haiv hmoob 15 feem pua....Yog cov ntxeev siab, Tuaj yeeb ncuab tog; Rov tua hmoob xwb.

xiongchang 6th May 2012, 4:07 pm

xiongchang

xiongchang: Moderator; Messages : 5005
Date d'inscription : 2012-04-16

Post n°23

Re: Nkauj Nraug sib pus mus dai tuag

xiongchang 6th May 2012, 4:07 pm

- Yog las mav? Me muam kooj ziag, Kab zaug aws; Thaum kuv pom dheev thawj zaug xwb....Kuv lub kua muag, Poob nthav tam sim li os; Kuv yeej xav tsi tas....Xav tsi thoob li os, Cas tej laug no; Tsi txawj xav? Ntshe lawv tseem xav raws kev chim, Kev nplua tawg; Thiaj tsi khaws nkawd....Cov pob txha, Hu nkawd ob tug ntsuj plig; Nqa mus faus....puag nram tiaj nrag....Kuv pom nkawd, Kuv tseem nco txog; Ib tug phooj ywg! Lub npe hu "Lauj tuam" January 16, 1971 Lawv raug xa mus kawm teb chaws nplog, Yav qab teb lawm; Lawbv yog tub rog:....Commando....Peb nyob ua ke, Lub yeej kaw tib neeg raug txim:....Pham qhom....Pha Khao....Thaum lawv mus dhau lawm, Hmoob tuaj nqeg tsev zawj "Lauj tuam tug hluas nkauj yuav lawm" Tug hluas nkauj, Mus ua hmoob poj niam tau; Ib hlis kaum tsib hnub....Lauj tuam tug hluas nkauj, Nco lauj tuam heev; Txiav txim siab de tshuaj noj tuag lawm....Lauj tuam lawv, Mus kawm peb hlis; Kaum tsib hnub tas....Lauj tuam lawv rov los txog"....Pha Khao....April 30, 1971, Peb suav daws hais zom zawg tias; Lauj tuam as....Pab koj tu siab os, Nej nce dav hlau dhau plawg; Ces hmoob tuaj nqeg tsev zawj koj tug hluas nkauj yuav lawm....Koj tug hluas nkauj, Mus ua hmoob poj niam; Ib hlis kaum tsib hnub....Nco koj heev, De tshuaj noj tuag lawm; Lauj tuam hnov dheev....Lauj tuam chim siab dhau, Nthos nkaug phom; Tua tug kheej tam sim ntawd....Peb suav daws sib pab cheem lauj tuam, Txhob tua tug kheej; Peb txeeb tau phom cia....Hmo ntawd lauj tuam quaj ib hmos, Kaj ntug txoog; Tsi noj tshais....Lauj tuam nrhiav tsi tau phom, Peb muab zais lawm; May 1, 1971 Hnub ntawd lauj tuam ploj lawm, Ib hnub tseem, Suav daws xav tias; Ntshe lauj tuam....Mus yos ua si, Tham hluas nkauj lawm; Hnub ob....Hnub peb, Hnub plaub; Hnub tsib....Hnub rau tsaus ntuj, Tsi pom lauj tuam los; Suav daws mam nrhiav nug....Txhua lub zog hmoob, Tsi pom lauj tuam tshwm qhov twg li; Mam mus nug....Ib tug hluas nkauj hmoob muas, Npe hu ua Rwm muas" Nyob zog moj sab; Roob kub nyiab....Rwm qhia tias....May 1, 1971 Thaum sawv ntxov, Kaj ntug txoog; Rwm mus ris dej ua tshais....Rwm pom lauj tuam ib leeg, Dhia rhau sas ntwg taug kev; Nqa ib txoj hluas yas ntawm tes....Dhau zog moj sab lawm, Peb mus nug; Tom zog hav tauj ncauj ke....Mus phav kheb, Lub zog hmoob ntawd; Tsi pom lauj tuam....Suav daws nrhiav kawg tswv yim, Tau ob as thiv tom qab; Hmoob zog hav tauj mam tuaj hais tias....Hmoob dua txoj kev ntawd, Yoov ntsuab ya ntog nqeeeg; Cuag ib xub muv....Los ib xub ntab li:....May 21, 1971 Kuv raug xa ua hauj lwm, Puag pem yeej npoos loom lawm; Lawv cov nyob....Mam txhij tas nrho; Pab tub rog:....Commando 115 leeg nrog peb cov:....Section: 2....Military Police And Police 48 leej, ua laj kab vis nrhiav txog tom hav zuaj; Cas yoov coob ua luaj li....Mam nyas mus saib, Lauj tuam muab hlua khi saum ntsis ntoo khi caj pas; Dhia los mus dai tuag....Lauj tuam twb lwj tas, Caj dab tu poob qab ntoos; Suav daws mam muab phuam pav qhov ntswg khawb qhov....Xuas pas nyom lauj tuam poob hauv qhov, Muab lauj tuam faus ntav roob; Mam fi xov rau lauj tuam tsev neeg....Tso lauj tuam plig, Thaum kuv mus ua hauj lwm; Pem yeej npoos loom lawm:....May 29, 1971, Hmoob zov kev txhom zij ntes; Maiv kiab....Thaum sawv ntxov, Maiv kiab mus ris dej ua tshais; Hmoob coj dhau plawg ntug zog....Maiv kiab muab quav dag hmoob, Hmoob ntseeg; Hmoob tso tes....Maiv kiab dim plawg, Dhia tom ntug kev; De tshuaj noj tuag tas kig ntawd lawm....June 19, 1971 Hmoob zov kev txhom zij ntes, Maiv npib yuav; Thaum kaj ntug txoog....Maiv npib mus ris dej tim ntug zog, Ua tshais; Hmoob coj dhau plawg ntug zog....Maiv npib chim siab heev, Muab quav zig dag; Hmoob ntseeg....Hmoob tso tes dim plawg, Dhia tom ntug kev; De tshuaj kuab tws nyuv noj tuag tas kis nkawd lawm....Kuv Zaj dab neeg nov; Yog ib zaj dab neeg....Tu siab kawg nkaug, Ib xyoos tuag ob tug hluas nkauj; Lub xyoo ntawd....Kuv ob tug hluas nkauj....Raug hmoob txhom zij ntes yuav, Noj tshuaj tuag tas nrho; Kuv tu siab tshaj plawg....Cuag lub ntiaj teb no, Tshuav kuv ib leeg nyob xwb; Kuv niaj hnub nce saum rooj tsuas ncig ua si txog....Maiv kiab, Maiv npib; Peb tej chaws zaum tham....Sib khawm, Sib puag; Sib tawb ua si....Tej nplooj peb lov pua chaw zaum lwj tas, Kuv txiav txim siab; De tshuaj noj tuag....Tua tug kheej pov tseg, Kuv dej tshuaj noj plaub zaug, kuv xav tias; Tsi yog tuaj tham hluas nkauj....Yog nom xa; Tuaj ua hauj lwm; Rau lub teb chaws; Kuv tuag no....Yuav poob ntsej muag heev, Thaum xav dheev txog; Muab tshuaj nti pov tseg....Txawm nco nkawdnpaum twg? Lo uv zoo tshaj, Kuv thov nyaib hauj lwm rov looj ceeb; Thov mus kawm deb kawg kiag.....Seb puas hnov qab nkawd.

**koojziagkabzaug** 7th May 2012, 12:11 am

koojziagkabzaug

koojziagkabzaug: Moderator; Messages : 3529
Date d'inscription : 2010-02-28

Post n°24

Re: Nkauj Nraug sib pus mus dai tuag

koojziagkabzaug 7th May 2012, 12:11 am

Nyopb zoo tij laug Xyooj Tsab,

Tu siab kawg, tej kwv huam no,
Tu siab rau Peb Hmoob lub neej yug tub ntxhais los ua luam,
Txiv neej tsa hwj chim siv hwj chim los siv poj niam yam tsis muaj nqes, yam li poj niam tsis yog neeg, poj niam yog ib yam khoom siv. Ib lub teb chaws, ib haiv neeg twg tsis saib poj niam rau lub sam xeeb mas haiv neeg ntawd vam meej tsis taus, tsuas noj nyog nyob nyog kom txhob tu noob xwb.

Thaum 1970-71, muaj ob niam tub, tus ntxhais tias hluas nkauj lawm, lawv muab zij yuav, tus ntxhais twb nrog lawv mus nyob tau ob peb hnub, nws khiav, lawv ntes nws, nws khiav ceev heev ces lawv muaj peeb xwm cuab vas li tus tsiaj rau nws, muab nws vas tau li ib tug tsiaj tsiv tom neeg, muab nws chua ua ob ceg ntshua kiag, leej niam tseem coj nws tuaj xaws nram Hopital Mahosot, Vees cam. Tej yam zoo li no los los lus tias "yog lawv poj niam" lawm ces lawv yeej muaj cai ua. Los lus tias" muab tshoob" lawm ces lawv ua tuag los yog lawv dab, ciaj los yog lawv neeg. Peb Hmoob mas txawj quaj kawg, tab sis lub kua muag tsis yog lub kua muag tuaj hauv lub siab ntsws tuaj, yog lub kua muag lim hiam tsim neeg xwb. Yus tej me nyuam yug ntawm yus lub cev los, luag tsis hlub los yus yuav tsum hlub, yus tseem yog thawj tug uas muab rau luag tsim ntag.

Ib qho, Hmoob tej kev cai, yog muab tib zoo xav mas txaus ntshai heev. Yam li tus ntxhais, lam tias ua tshoob no tab sis twb yog muab PAM CIAJ xwb. Nim muab tsoos laus (thaum mus ua neej laus tuag, neej tsa tsheem mus tshawb seb puas hnav tej uas neej tsa muab), muab ncauj tsiag, noj qaib qhe tsiaj (piv rau tus qaib hauv qhua), qaib ntim su, lub kaus, thaum tawm hauv niam txiv tsev mus yuav tsum hnav niam txiv cev tsoos tsho, sawv kev mus tsis pub tig rov qab (mus li tus tuag, nim cav hais tias yog tig rov qab ces nqa niam txiv tej koob hmoob mus lawm, tsam neej nus nyob khwv tsis tau noj. Yog ua cas hos yuav cia tus ntxhais mus tes dawb tes nplig, nws tej koob hmoov twb tssi pub nqa, tseem muab nws sau nyiaj, ntaim nyiaj, nplua nyiaj kom txaus siab hlo thiab?)....thc...

Ua tsaug ntau rau nws tej lus tim khawv, nws yeej meem tuaj sau txhua yam txog Hmoob lub neej yav dhau los, txawm yog lub neej niaj hnub tsis muaj qab haus los yog ib qho zoo yuav khaws tseg ua Hmoob keeb kwm.

xiongchang 7th May 2012, 9:19 pm

xiongchang

xiongchang: Moderator; Messages : 5005
Date d'inscription : 2012-04-16

Post n°25

Re: Nkauj Nraug sib pus mus dai tuag

xiongchang 7th May 2012, 9:19 pm

- Nyob zoo os, Me muam kooj ziag; Kab zaug aws....Kuv tug kheej yeej pauv hloov ntau yam lawm, Thaum kuv niam lawv; Yeej piav qhia tias....Tug qaib txi xwm kab, Tsi pub ntxhais noj; Tsam ntxhais....Coj plig nyiaj, Plig kub; Plig qoob loo....Plig tsiaj txhu lawm, Tab sis thaum kuv tuaj nyob thaib teb kaum peb xyoos; Kuv ntsia luag tej....Muaj ntxhais vauv, Muaj nkauj muam yawm yij; Ntxhais vauv xa nyiaj niam tais yawm txiv siv....Tsin tu ncua, Luag tej muaj nkauj muam yawm yij; Yuav txog ib cim peb caug....Nkauj muam yawm yij, Xa nyiaj pub nus nyab siv; Yuav qaib npua hu plig peb caug....Yug tug tsi muaj nkauj muam yawm yij mas, Ntsia luag siv nyiaj noj nqaij xwb hov; Tu siab kawg....Yug lub ncauj tsi hais, Lub kua muag poob, Kuv tug hlub wb; Muaj peb leeg tub....Ob tug ntxhais, Tug qaib txi xwm kab; Wb pub tub ntxhais noj ib yam ua li....Luag tej laug hais, Xyov liaj yuav ntsuab zeg twg? Zoov yuav ntsuab ntsuj twg? Kuv poj niam wb hlub ib yam nkaug, Tsi tseg ib tug; Thaum ntxhais yuav txiv los....Khoom phij cuam txhua yam ntxhais nyiam ntshaw, Rau ntxhais vauv nqa ua neej; Kuv yeej hais peb tug tub lawm....Yog ib hnub tej ntxhais tas sim neej, Kom peb tug tub txhob nug txog tej ntawd lawm; Kev hlub nkauj muam....Txhob ntaim noj haus, Tej muam los txhob coj li tej laug lawm; Thiaj yog nkauj muam nraug nus....Sib hlub tias, Txhob coj li cov laug; Mus tsib nuj nqis....Yog ib qho lim hiam heev li, Kuv tsi muaj muam; Cov muam kwv tij tas sim neej....Lawv tso neeg, Tuaj hu mus ua txiv dab laug qaij kaus; Los kuv tsi kam....Kuvnug zoj lub neej xwb, Twb tu siab kawg; Kuv lub kua muag poob nthav....Quaj plhw tej tub nyab, Me tub xeeb leej; Me ntxhais xeeb ntxwv....Ib tug dhau ib tug zug, Vim kuv tug kheej; Yog tub ntsuag....Kuv niam tuag, Kuv txiv tuag ntxov; thaum kuv noob nyoog....Ib xyoos ntau, dab laug tua ob tug npua; Pam kuv txiv....Kuv poob nyob nqis npua, Ib choj rau kis nyiaj dawb; Dab laug thiaj muab kuv muag rau....Ntxhais vauv hlob, Tu ua tub lub qab xyoo 1955; Lub neej ntawd....Kuv tseem tu siab kawg, Kuv los kiav xeem ua hmoob tsab xyoo 1955; Txog tav no ntuj os....Me muam kooj ziag, Kab zaug aws; Tham ntau.....Lub kua muag ntwg lawm, Ces tsum li no; Lwm zaug mam tham dua nawb.

Sponsored content

HMOOB TSAV NTUJ

Search

Hmoob Catholique Forum

Latest topics

Top posters

Tsev seev PajHuam

Hmong beauty nature

Compteur visitor

Nkauj Nraug sib pus mus dai tuag

Nkauj Nraug sib pus mus dai tuag

Re: Nkauj Nraug sib pus mus dai tuag

Re: Nkauj Nraug sib pus mus dai tuag

Re: Nkauj Nraug sib pus mus dai tuag

Re: Nkauj Nraug sib pus mus dai tuag

Re: Nkauj Nraug sib pus mus dai tuag

Re: Nkauj Nraug sib pus mus dai tuag

Re: Nkauj Nraug sib pus mus dai tuag

Nkauj Nraug Sib Pus Mus Dai Tuag

Re: Nkauj Nraug sib pus mus dai tuag

Re: Nkauj Nraug sib pus mus dai tuag

Nkauj Nraug Sib Pus Mus Dai Tuag

Re: Nkauj Nraug sib pus mus dai tuag

Re: Nkauj Nraug sib pus mus dai tuag

Re: Nkauj Nraug sib pus mus dai tuag

Re: Nkauj Nraug sib pus mus dai tuag

Re: Nkauj Nraug sib pus mus dai tuag

Re: Nkauj Nraug sib pus mus dai tuag

Re: Nkauj Nraug sib pus mus dai tuag

Re: Nkauj Nraug sib pus mus dai tuag

Re: Nkauj Nraug sib pus mus dai tuag

Re: Nkauj Nraug sib pus mus dai tuag

Re: Nkauj Nraug sib pus mus dai tuag

Re: Nkauj Nraug sib pus mus dai tuag

Re: Nkauj Nraug sib pus mus dai tuag

Re: Nkauj Nraug sib pus mus dai tuag

Similar topics

Similar topics

Search Query

Display results as : Posts Topics
Advanced Search