Hmoob Suav teb nkauj tuag -----nkauj hauv ncoo

1. mus lawm npiaj xis mus xis saub, saub xis mus lawm paj qeeg txiv nraug nkauj tag.
2. hiav ntuj nris caj sis los , hiav teb nris caj sis voos, tub laj nraug yau ua tau caij nyus tos xxx txoj kev ploj tuag rov los txoos.
3. hiav ntuj nris caj sis voos , hiav teb nris caj sis los, tub laj nraug yau ua tau caij nyus tos xxx txoj kev ploj qaus rov los nyob.
4. xxx ua neej nyob ntiaj teb, raus tau txoj kev zaj nqeeb tsis muaj tuag, txoj kev zaj suv tsis muaj mob..
5. xxx ua neej nyob ntiaj nrus, raus tau txoj kev zaj nqeeb tsis muaj mob, txoj kev zaj suv tsis muaj tuag.
6. xxx ua neej nyob ntiaj teb, raus tau txoj kev zaj nqeeb tsis muaj mob, txoj kev zaj suv tsis muaj thau.
7. xxx ua neej nyob ntiaj nrag, raus tau txoj kev zaj nqeeb tsis muaj thau, txoj kev zaj suv tsis muaj tuag.
8. xxx lub ncauj te nqo nris ua noj, li nyog luaj qoob rov pem tsuag, ua tau yim neeg nroo ntws xws xob quaj.
9. xxx lub ncauj te nqo nris ua haus, li nyog luaj qoob rov nram hav, ua tau yim neeg nroo ntws xws xob zag.
10. xxx tes ua yws lias rov nus ncauj , ncauj ua yws lias rov nus cev. Xxx li nyog lub luaj qoob rov nram tiaj, xxx lub ncauj txhooj lias rov tsis hais, nus kwv nqis nus tij, nus neej rov nus tsav, xyoo no yuav qaus tag xxx lub zog rov puas niaj.
11. xxx tes ua yws lias rov nus ncauj , ncauj ua yws lias rov nus cev. Xxx li nyog lub luaj qoob rov nram loog, xxx lub ncauj txhooj lias rov tsis hais, nus kwv nqis nus tij, nus neej rov nus tsav, hnub no yuav qaus tag xxx lub zog rov puas xyoo.
12. leej tws tso noob mob, nkawm tws tso noob tuag. Ntxwg nyug nyob qaum ntuj, ntxwg nyug siab tsis zoo , ntxwg nyug tso tag zaj mob poob li ntua xxx teb nruab plab, xxx khaws tau zaj mob mob zus rov tsis kaj, zaj nkees nkees zus rov tsis zoo, xxx rog tag zaj mob zaj nkees sib puag nroo.
13. leej tws tso noob mob, nkawm tws tso noob tuag. Nqaj nyug nyob qaum lag, nqaj nyug siab tsis ncaj , nqaj nyug tso tag zaj mob poob li ntua xxx teb nruab plawv, xxx khaws tau zaj mob mob zus rov tsis zoo, zaj nkees nkees zus rov tsis kaj, xxx rog tag zaj mob zaj nkees sib puag ntsaj.
14. xxx khaws tau zaj mob mob zus rov tsis kaj, zaj nkees nkees zus rov tsis zoo, xxx rog tag zaj mob zaj nkees sib puag nroo. tes sib lig txaj , taw sib lig ncoo.
15. xxx khaws tau zaj mob mob zus rov tsis zoo, zaj nkees nkees zus rov tsis kaj, xxx rog tag zaj mob zaj nkees sib puag ntsaj. Tes sib lig ncoo, taw sib lig txaj.
16. tub laj nraug yau siab nyiaj nyob tsis zoo, nyiaj siab nyob tsis qab, coj xyab rov ntawm tes, qhwv txhuv nruab nqaws tsho, ntoj ntsaws mus txog txiv neeb lub qab plag, tsis pom tsem nuj rov tus tsi, pom tag txiv neeb thi siv tuj tej npoo txaj.
17. tub laj nraug yau siab nyiaj nyob tsis qab, nyiaj siab nyob tsis zoo, coj xyab rov ntawm tes, qhwv txhuv nruab nqaws tsho, ntoj ntsaws mus txog niam neeb lub plag tsev, tsis pom tsem nuj rov tus tsi, pom tag niam neeb thi siv tuj tej npoo lev.
18.txiv neeb tsa ncauj tis zus rov los hais : ntuj ntxov tsis tau ntxov, tub laj nraug yau koj yuav tuaj mus ua tus tsis? tub laj nraug yau tsa ncauj tis zus rov los hais: kuv siab nyiaj nyob tsis zoo, nyiaj siab nyob tsis qab, yuav tuaj thov tag txiv neeb lub zog nrog kuv mus xyuas xyab.
19. niam neeb tsa ncauj tis zus rov los hais : ntuj ntxov tsis tau ntau, tub laj nraug yau koj yuav tuaj mus ua li cas? tub laj nraug yau tsa ncauj tis zus rov los hais: kuv siab nyiaj nyob tsis zoo, nyiaj siab nyob tsis ntev, yuav tuaj thov tag niam neeb lub zog nrog kuv mus xyuas tsev.
20. txiv neeb tsa ncauj tis zus rov los hais : tub laj nraug yau muaj koj xyab rau kuv tuav, muaj koj txhuv rau kuv suav, muaj tais muj xab rov khwb nciab, muaj tais muj xua rov khwb zoo, khov zoj tsis khov zeeg, khov zoj zeeg peb lis zeeg, tsis pom tseem nuj rov tus tsi , pom tag tub laj nraug yau lub vaj lub tsev nruj duab nruj hlaus ploj qaus ntees.
21. niam neeb tsa ncauj tis zus rov los hais : tub laj nraug yau muaj koj xyab rau kuv tuav, muaj koj txhuv rau kuv suav, muaj tais muj xab rov khwb nciab, muaj tais muj xua rov khwb zoo, khov zoj tsis khov zeeg, khov zoj zeeg peb lis zeeg, tsis pom tseem nuj rov tus tsi , pom tag tub laj nraug yau lub vaj lub tsev nroj duab nruj hlaus ploj tuag ntees.

tsis tau tag , tau heev......yog xav paub ces kuv xov tooj yog 15820903159, cia siab peb hmong txuj ci ci zoo rau peb hmong lu neej taum tseem ua neej nyob

Tus sau:

kwmswm

china
Jeu 16 Juin 2016 - 6:40

Phooj ywg Kwm Swm,

Ua tsaug ntau rau koj zaj nkauj rau ncoo.

Yog koj muaj caij no thov koj tuaj Register rau hauv Hmoob Tshav Ntuj nov es ho tuaj sau nej txuj ci ntxiv rau peb tau nyeem tau siv mog.

Thov txim, ntev heev mam tuaj pom koj tsab ntawv, vim ib leeg xwb ces kov tsis yeej, thiaj li tsis tuaj saib vaj saib tsev li lawm.