HMOOB TSAV NTUJ

Would you like to react to this message? Create an account in a few clicks or log in to continue.

google-site-verification: googlefbfddf59e706b96b.html

Home Portail Latest images Search
Search Query
Display results as : Posts Topics
Advanced Search
Register Log in

You are not connected. Please login or register

Search

Hmoob Catholique Forum

Caw nej txhua tus mus ncig xyuas Hmong Catholique Forum nias hauv daim duab :

Tebchaws Tshajntuj Sdc11210

Latest topics

» Ib tsoom Phoojywg Nej Nyob Licas lawm
by Liajntsuab 7th October 2019, 9:45 am

» NCIG XYUAS HMOOB NYAB LAJ TEB TSEEM UA LUB NEEJ NYOB TOJ SIAB
by Tub kev deb 3rd October 2019, 7:19 am

» Tshuaj Ntsuab
by PIJPAUJ 27th November 2018, 11:17 am

» NYOB ZOO OS
by cwjmemdub 10th October 2018, 9:37 pm

» TUS KAB MOB CANCER TXOV HMOOB LOS TAU ZE 600 TAWM XYOO & TSEEM YUAV MUAJ NTXIV
by Liajntsuab 13th April 2018, 11:57 am

» ***UA NEEB***
by shung 8th March 2018, 5:49 pm

» Neeb Saub ua rau neeg vwm
by shung 4th February 2018, 2:58 pm

» Xiong Chang
by koobpovtxuj 10th December 2017, 11:00 am

» Koobpovtxuj.
by koobpovtxuj 19th November 2017, 1:34 am

» kuv cov duab.
by koobpovtxuj 18th November 2017, 11:30 am

» KHAWV KOOB
by koobpovtxuj 30th September 2017, 4:29 pm

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

Top posters

Tebchaws Tshajntuj Bar

koojziagkabzaug

Tebchaws Tshajntuj Bar

Tebchaws Tshajntuj Bar

Tebchaws Tshajntuj Bar

Nraug Liab Toj Siab

Tebchaws Tshajntuj Bar

Hmoob ntuj qub qab

Tebchaws Tshajntuj Bar

Tebchaws Tshajntuj Bar

Hmong ntuj tshiab

Tebchaws Tshajntuj Bar

Tebchaws Tshajntuj Bar

Tebchaws Tshajntuj Bar

Tsev seev PajHuam

Tebchaws Tshajntuj Nraug_11

Hmong beauty nature

Tebchaws Tshajntuj Dsc08613

Compteur visitor

hnub 18/09/2010 los mus

5 posters

Go to page : 1, 2

Tebchaws Tshajntuj

Kaubkimyaj: Developer; Messages : 178
Date d'inscription : 2014-12-07

Post n°1

Tebchaws Tshajntuj

Kaubkimyaj 1st March 2015, 4:37 am

Roojteb no tshav ntuj nrig...............me fajsuab ya sib ntsig
Hmoob sib tham luag ntxhi...............zoo li lomzem kawg kiag
Tojroob txawm zoo xis siab..............dej tojsiab ntws ntshiabsi
Phoojywg Hmoob tuaj sibfim.............pauv tswvyim nthuav txujci

Roojteb no huab-cua lajntxiag.........txhua tsav paj tawg ntsa iab
Kwv tij txawj hais sib npliag............sib swm muaj kev haumxeeb
Tham lus tseeb kev vammeej...........ntau leej hais uasi khuav
Tso dag tso luag laug hnub.............tej tus tham lus tseemceeb

Hmoob ua neej sib nrug deb.............koom ntuj tsis koom teb
Hmoob kev txheeb caj ces..............tuav tseg Hmoob lub npe
Keebkwm tau hais cia tseg..............peb yog ib haiv Hmoob
Hnav ntau hom zoo tsoos................hais lus tsis sib thooj

Ntau txhiab xyoo keebpuam............Hmoob raug quab yuam
Txav zam mus nyob tojroob............pib ua neej rau yajsab
Neej poobqab kev vammeej............poob puavpheej ib haivneeg
Hmoob ua neej txom nyem..............raug cem ua neeg tojsiab

Last edited by Kaubkimyaj on 4th March 2015, 8:52 pm; edited 1 time in total

MayPaj: Spammer; Messages : 488
Date d'inscription : 2010-02-25

Post n°2

Re: Tebchaws Tshajntuj

MayPaj 2nd March 2015, 9:18 am

Tus sister kaubkimyaj koj txawj txawj sau pajhuam, poeme li kav tsij tuaj sau kom ntau me ntsis peb thiaj tau nyeem nawb...sau tau kho siab kawg li.

koojziagkabzaug

koojziagkabzaug: Moderator; Messages : 3529
Date d'inscription : 2010-02-28

Post n°3

Re: Tebchaws Tshajntuj

koojziagkabzaug 2nd March 2015, 1:11 pm

Nyob zoo Maypaj thiab Kaubkimyaj,

Tij laug Kaub Kim Yaj txawj hais lus paj
Yuav hais tau lo lus tsim nuj

Zoo siab txais tos nws tej lus ntos
Yuav cim cia rau nruab siab mus ib txhiab

Yuav cim cia mus thawm niaj
Yuav ris nws txiaj mus ntau tiam nawb mog tij laug.

noog kaub kim yaj

Hmoob ntuj qub qab

Hmoob ntuj qub qab: Sponsor; Messages : 687
Date d'inscription : 2010-03-30

Post n°4

Re: Tebchaws Tshajntuj

Hmoob ntuj qub qab 3rd March 2015, 3:49 am

Me leej muam MayPaj thiab niam tij koojziagkabzaug
Zoo siab tshaj plaws li uas Maypaj rov tuaj nrog peb kho peb lub zos Hmoob tshav ntuj kom zoo dua Hmongza vim hmongza muab peb tshem tawm tas du lug cia lawv nyob lawm xwb .
Zoo siab os Maypaj me neeg txawj ntse me neeg keej

Tebchaws Tshajntuj 10423810

Kaubkimyaj: Developer; Messages : 178
Date d'inscription : 2014-12-07

Post n°5

Re: Tebchaws Tshajntuj

Kaubkimyaj 3rd March 2015, 4:58 am

Uatsaug 3 leej zoo phoojywg....los tsham Tebchaws Tshavntuj
Lub chaws Hmoob ib leejtwg....tuaj lam cua thiab nthuav txuj
Zoohmo zoohnub Kaubkimyaj....tuaj lam hlwb sau lus pajhuam
Hais tshuam Hmoob Tshav Ntuj....Chaw khaw lus txujci Hmoob

Muaj txoj hmoo peb sib ntsib....tsis ciali nej tuaj txhawb dejsiab
Hmoob ntujtshiab hloov lawm....kev sib kawm yog lub homphiaj
Hmoob Tshav Ntuj tau teeb cia....Kev sibqhia txhawb haiv neeg
Kev sibntseeg nyob nruabsiab....lus tsim txiaj zwm ua mojkabsim

Neeg lajlim thiaj nyob ibtxhis....Hmoob txhuasim thiaj li pom
Tus tshajlij tuaj coj mus sibdhos....thom ua zaj rhawv ua kev
Tus txawj ntse coj mus leg....cob qhia Hmoob thoob ntiajteb
Rub Hmoob tes ce kev vammeej....Hmoob txhua leej mam zoo

Hmoob lub moo li cha tshwm....txawv keebkwm Hmoob txomnyem
Hmoob lub hlwb thiaj tsis phem....li lub neej tseem ua luag qhev
Hmoob tsheej haivneeg txawj-ntse....Nyob tau ua ke haumxeeb
Hmoob lub neej txawj sibhlub....li yog ibcaj ces ntujtsim thaum-ub

Last edited by Kaubkimyaj on 5th March 2015, 11:46 am; edited 2 times in total

koojziagkabzaug

koojziagkabzaug: Moderator; Messages : 3529
Date d'inscription : 2010-02-28

Post n°6

Re: Tebchaws Tshajntuj

koojziagkabzaug 3rd March 2015, 12:35 pm

Tij laug Kaub Kim Yaj thiab kwv Hmoob Ntuj qubqab,

Tij laug Kaub Kim Yaj,

ua tsaug rau nws tej lus qhuab yim nyeem mas yim muaj kuab
ua nploos rau nws tej lus ntuas yim mloog mas yim zoo qhuas

Kuv tsis txawj hais ces cia kuv tuaj ua ntxoov tes saib
Kuv tsis paub piv ces cia kuv mam tuaj xyuas nws li.

Kwv Hmoob Ntujqubqab,

Hmongza tsis yuav peb los peb twb los tsim tau vaj tse khov kho lawm ces yeej tsis nco lawv lawm thiab os. Nyob tod ces hais lus paj paws, sau tsis tsheej ib yam kom ntxaws. Nyob tod ces yus sau tau los lawv twb tsis pab khaws, lawv xav cia ces nyob, lawv xav tshem ces twb tsis xav txog yus lub sij hawm sau thiab nrhiav li ces kuv yeej tsis khuv xim lawv li lawm thiab. Nyob hauv Hmoob Tshav Ntuj peb tham txuj, nyob tod lawv tham npua tuaj kub qaib tuaj hniav xwb ces tshem peb tag lawm los kav liam os.

MayPaj: Spammer; Messages : 488
Date d'inscription : 2010-02-25

Post n°7

Re: Tebchaws Tshajntuj

MayPaj 3rd March 2015, 1:17 pm

Hmoob ntuj qub qab wrote:Me leej muam MayPaj thiab niam tij koojziagkabzaug
Zoo siab tshaj plaws li uas Maypaj rov tuaj nrog peb kho peb lub zos Hmoob tshav ntuj kom zoo dua Hmongza vim hmongza muab peb tshem tawm tas du lug cia lawv nyob lawm xwb .
Zoo siab os Maypaj me neeg txawj ntse me neeg keej

Nyob zoo tij laug hmoob ntuj qub qab,

Wow koj daim duab kho siab kawg li , kuv muab save tso hauv computer lawm....kuv los zoo siab rov qab ntsib nej txhua tus uas tseem tsis tau ncaim hauv Hmoob Tshav Ntuj, sawv daws kuj tseem tuaj nyob txhij nyob txhua li qub mas zoo siab kawg.

Hais txog Hmongza, kuv mus tsis txog li lawm ces twb tsis paub xyov lawv hloov lawv li cas tas lawm....hahaha tij laug Hmoob ntuj qub qab, lawv muab nej tshem tas tus li lawm los yog lawv xauv qhov rooj lawm xwb na...thaum ub hmongza kuj yog ib qho chaw zoo rau sawv daws sib nug moo thiab kawm txuj, tiam sis tus neeg zoo lawv tsis pom txiaj ntsim, tus neeg tsab ntse lawv ho pom muaj nuj nqis, ces zaum no cia lawv muab sawv daws tshem mus, tus twg nyiam lawv lub tswv yim no mam mus zov, tsis nyiam los txhob mus mus lawm thiab, kev sib txhawb siab tsis yog tas rau Hmongza tseem tshuav ntau qhov chaw zoo dua, txhob tu siab txhob poob siab.

Kaubkimyaj: Developer; Messages : 178
Date d'inscription : 2014-12-07

Post n°8

Re: Tebchaws Tshajntuj

Kaubkimyaj 3rd March 2015, 2:17 pm

Zos Hmoob Tshav Ntuj zoo ntxim siab......Paj ntaub Hmoob nrhia txaij tshiab
Nkauj Hmoob txhua tus zoo ntxim hnia.....Zoo raws kev nyiam lawm tiag tiag
KoojZiagKabZaug yog tus tsim tseg cia....pub Hmoob phoojywg tuaj sib nrhiav
Nws yog tib neeg siab nkiag txujci siab....teeb tau zoo nkauj Hmoob nyiam

Kaubkimyaj xeebtshwm nyob Esxias........ya yuj lias mus nrhiav lub neej tshiab
Ncaim daim niam Av thiaj li kho kho siab...sawv tsham ntiajteb yog zoo hnub
Txoj hmoo coj ntsib Hmoob Tshav Ntuj.....xyuam taus plhu thiaj nqis los tsham
Sim pib tham lus tsis muaj seeb-suab......siab tsis npuab vim yog neeg qus

Lam sim hais lus txais cua teb qee tus....tsis swm neeg cuab hais zoo lus
kwv tog lawv uab yoog kev phooj ywg....hauv lub hlwb cuabxeeb pujteem
Lam tuaj ntxeem hais li yog paj huam......plawv tu ua ntshua tsis nrog cev
Ua siabntev vim kev nco tshua Hmoob....xav tsis thoob vim tsis txawj plhis

Nyob ibsim ntev li ib pliag ntshis xwb......tusiab twjywm yug los tiam no
Lub siab mob Hmoob lub neej poobqab....ua neej ib nta li puav daitaw
Txoj kev ntshaw hais tsis tawm li od......muab xav los txaus poob kuamuag
Tsoom phooj ywg Hmov thiab tshua.......Hmoob Tshav Ntuj yog lub suab luag

Last edited by Kaubkimyaj on 5th March 2015, 11:48 am; edited 2 times in total

Hmoob ntuj qub qab

Hmoob ntuj qub qab: Sponsor; Messages : 687
Date d'inscription : 2010-03-30

Post n°9

Re: Tebchaws Tshajntuj

Hmoob ntuj qub qab 3rd March 2015, 7:09 pm

Nyob zoo niam tij Koojziagkabzaug

Txij hnub nkag tsis tau Hmongza lawm ces yeej tsis mus xauj txog li , vim Hmongza yeej sau Hmoob kab lis kev cai thiab Hmoob tej tshuaj siv los yog tej yam muaj txiaj ntsim zoo khaws tseg tsis muaj ib qho yuav zoo khaws cia ua puav pheej.
tsuas tham lus paj paws sib cav sib ceg yam tsis muaj nuj nqis, yog li coob leej ntau tus tsis pom mus lawm.

Hmoob ntuj qub qab

Hmoob ntuj qub qab: Sponsor; Messages : 687
Date d'inscription : 2010-03-30

Post n°10

Re: Tebchaws Tshajntuj

Hmoob ntuj qub qab 3rd March 2015, 7:22 pm

MayPaj wrote:

Nyob zoo tij laug hmoob ntuj qub qab,

Wow koj daim duab kho siab kawg li , kuv muab save tso hauv computer lawm....kuv los zoo siab rov qab ntsib nej txhua tus uas tseem tsis tau ncaim hauv Hmoob Tshav Ntuj, sawv daws kuj tseem tuaj nyob txhij nyob txhua li qub mas zoo siab kawg.

Hais txog Hmongza, kuv mus tsis txog li lawm ces twb tsis paub xyov lawv hloov lawv li cas tas lawm....hahaha tij laug Hmoob ntuj qub qab, lawv muab nej tshem tas tus li lawm los yog lawv xauv qhov rooj lawm xwb na...thaum ub hmongza kuj yog ib qho chaw zoo rau sawv daws sib nug moo thiab kawm txuj, tiam sis tus neeg zoo lawv tsis pom txiaj ntsim, tus neeg tsab ntse lawv ho pom muaj nuj nqis, ces zaum no cia lawv muab sawv daws tshem mus, tus twg nyiam lawv lub tswv yim no mam mus zov, tsis nyiam los txhob mus mus lawm thiab, kev sib txhawb siab tsis yog tas rau Hmongza tseem tshuav ntau qhov chaw zoo dua, txhob tu siab txhob poob siab.

Nyob zoo me leej muam MayPaj
Txij Hmongza tsis pub peb nkag mus ces tij laug tsis mus xauj txog li lawm thiab, tij laug zoo siab tshaj plaws li uas hnub no nws rov los nrog niam tij Koojzaigkabzaug neb ob leej los txhim kho peb lub zos Hmoob tshav ntuj no kom zoo dua qub mus mog.

Tebchaws Tshajntuj 47058_10

xiongchang: Moderator; Messages : 5005
Date d'inscription : 2012-04-16

Post n°11

Re: Tebchaws Tshajntuj

xiongchang 4th March 2015, 4:48 am

......Hmong za....Lub vag cab sab....Qia dub heev li....Tsi pub suav daws nkag tau li os?....Kuv tsi tuaj nkag....Ib zaug txog tav ntuj no nas....Me muam may paj aws

Kaubkimyaj: Developer; Messages : 178
Date d'inscription : 2014-12-07

Post n°12

Re: Tebchaws Tshajntuj

Kaubkimyaj 4th March 2015, 9:05 am

Hajhajhaj...Kuv mus ntau lub zos...tabsis kuv tsis xyeej lawv leej twg li od tsoom phoojywg vim kuv ua niag neeg taug kev khaws taws qhuav qiv lwm tus tsev so tham pem xwb od nawb.

Kuv tsuas muaj nqa tes ua tus tswv zos tsaug "txawm lawv pub kuv so tsawg hnub xwb los yog txiaj yog ntsig phwj npluania rau kuv lawm yeej pauj tsis tau dab tsis rau lawv".

Ua ke ntawv, kuv kuj tsuas yog ncig tham pem xwb tsis tau muaj homphiaj yuav nthuav ib lub zoo tswv yim ces thiaj tsis tsa muaj tsev los kwbteem khaws lub tswvyim ntawv.

Nov yog Kaubkimyaj yuj saib Hmoob xwb od hajhajhaj....

xiongchang: Moderator; Messages : 5005
Date d'inscription : 2012-04-16

Post n°13

Re: Tebchaws Tshajntuj

xiongchang 4th March 2015, 9:48 am

......Yav tas lawm....Kuv nyiam ntaus ntawv....Qhia txog....Kev kawm ua txiv tsev zoo....Niam tsev tsim txiaj ncus....Muaj koob nto npe....Ncha hmoo lug....Ntiaj taug qaum peg...."Tab sis"....Lawv muab vag sab kaw lawm....Kuv nkag tsi tau....Kuv tso tseg....Ib xyoos ntau lawm os?....Vim lawv nyiam....Kev lom zem xwb nas....Lawv tsi nyiam....Kev xaivtxij nkawm zoo os?

xiongchang: Moderator; Messages : 5005
Date d'inscription : 2012-04-16

Post n°14

Re: Tebchaws Tshajntuj

xiongchang 4th March 2015, 10:00 am

......Kev xyaum zoo....Tsim txiaj ncus....Txhob tog loj hlob tiav nkauj nraug....Xyaum thaum me....Noob nyoog peb plaub xyoos....Nce plaub tsib xyoos....Thaum loj hlob....Xya yim xyoo....(Paub siab - Paub qeg - Paub tab - Paub qab hau - Paub cai)....Kev tsim txiaj ncus....Kawm sij hawm....Me nyuam yaus....Txhob tog....Caij nyoog....Nco ntsoov tias....{Sij hawm luv - Txav zuj zug - Caij nyoog tsawg - Txav tshuj tshawg}....Cheem tsi tau....Dej tsi ntwg nce toj....Dej ntwg nqeg hav....Tshuam hiav ntxwv ntuj xwb.

xiongchang: Moderator; Messages : 5005
Date d'inscription : 2012-04-16

Post n°15

Re: Tebchaws Tshajntuj

xiongchang 4th March 2015, 3:41 pm

......Luag tej laug....Piav piv ntuj nrag tias....Noj ntsuag mog....Ntsuag ntaw pob mog....Ntsuag qab zib liaj....Noj nqog nplua npleev....Tsi laj nqog....Noj ntsuag laug sam leej - Ntsuag iab khhaub....Kev nthua nploj pob kws mog liab....Npej pob kws huam zoo....Nthua nplej pob kws laug....Nplj pob kws....Tsi huam lawm tas li ntawd....Kev cog dib taub....Tu thaum mog ab....Dib taub txi zoo os?....Nej leej twg?....Puas paub txog....Kev ua neej neeg nas yuam....Kev hiab vaj tshaus siv....Yuav tsum hiab ncau zooj....Hiab tau ntom dua....Txawj cuam ntug....Cuam tau zoo dua.

Kaubkimyaj: Developer; Messages : 178
Date d'inscription : 2014-12-07

Post n°16

Re: Tebchaws Tshajntuj

Kaubkimyaj 4th March 2015, 8:49 pm

Hmoob Tshav Ntuj....Hmoob khaws txuj
Xyaum kev sib hlub...xyaum kev haumxeeb
Khaws txujci tseeb.......khaws lus tsimnuj
Khaws kev cai qub...ceev tseg puavpheej

Hauv hmoob lubneej......Hmoob txhua txheej
Tej yau thiaj paub.......ua qauv yog Hmoob li
Puavpheej tsimnqi...yog kev chiv-pib lubneej
Txhua haiv neeg........yeej tuav tseg teejtug

Thiaj li muaj nphus....mus khav tau nrog luag
Hmoob kam qhuas....tias Hmoob yeej tsimnuj
Muaj zoo txuj..........nyob qhov twg los paub
Hmoob pajntaub.......kuj yog yam tseemceeb

Hais txog tibneeg.....kev vammeej hauv hlwb
Hmoob tsis tau swb.........kev kobxwb tshajlij
Hmoob tsim nyog..........muaj txwmsim sibtxij
Hmoob tijlim rasxeev.......xyaum ua neej mog

Last edited by Kaubkimyaj on 5th March 2015, 11:43 am; edited 1 time in total

koojziagkabzaug

koojziagkabzaug: Moderator; Messages : 3529
Date d'inscription : 2010-02-28

Post n°17

Re: Tebchaws Tshajntuj

koojziagkabzaug 5th March 2015, 12:37 am

Nyob zoo t(ij laug Xyooj Tsab thiab tij laug Kaub Kim Yaj,

Tij laug Xyooj Tsab,

Txhua los lus zoo nws tu hais los yog yuav coj Peb Hmoob mus rau lub neej khov
Txhua yam nws sau tseg yuav cia rau txhua leej tau ua hauv kev.

Kuv thov ua nws tsaug rau lub caij nyoog uas nws tuaj tso nws tej txuj ci rau peb paub.

Tij laug Kaub Kim Yaj,

Tij laug Kaub Kim Yaj txawj hais lus paj
Sau ua kwb keb nyeem tsis dhuav
qhia lub siab nthuav kev nyab xeeb
nyob haum xeeb rau kev thaj yeeb
Tsav lub neej nyob tsam txheej
peb txhua leej yuav nco nws lub hwj xyeej
yuav tshaj nws lub koob meej rau txhua leej hlob yau
yuav cim rau lub siab mus uib txhiab tsis pov tseg
Hnub tom ntej neeg yuav teev nws lub npe
thoob ntiaj teb txog nws kev tij lij
Ua yuam sij rau peb txhua leej kom coj lub neej vam meej no nawb...!

xiongchang: Moderator; Messages : 5005
Date d'inscription : 2012-04-16

Post n°18

Re: Tebchaws Tshajntuj

xiongchang 5th March 2015, 7:24 am

......Nyob zoo os?....Me muam kooj ziag kab zaug aws?....Kuv tug kheej no....Txoj hmoo me....[Niam tuag ntxov - Txiv tag tseg]....Tshuav tub ntsuag ntsoj kawm ntawv qeg....Caum tsi cuag....Luag tej hmoov zoo....Kuvtsi paub piav ntau nawb....Kuv piav tham li....Tej laug piav....Pab sij huam lug xwb mog.

Kaubkimyaj: Developer; Messages : 178
Date d'inscription : 2014-12-07

Post n°19

Re: Tebchaws Tshajntuj

Kaubkimyaj 5th March 2015, 1:20 pm

Tshav ntuj rau ntiajteb kajnrig-----suab Hmoob raj seev khosiab zim
Kwvtxhiaj lustaum hais sib phim----suab qwvnplooj xiv raws cua hliv
Suab ncas seev nruab qaim hli-----Nkauj nraug yajsab tham lus ntxhi
Lub ntuj tsim nrog Hmoob ibsim----nws yog Hmoob li qauv lw txujci

Fajceeb xeebsim los yog Hmoob---nco qab ntsoov sib txhawb mog
Neeg lub zog yog kev haumxeeb---lub ntsiabtseeb yog kev camhwm
Hmoob keebkwm yog kev kawm---poob tebchaws yog kev tawgtshwj
Zoo li tsiaj tsis muaj tus tswv-----raug luag txwv txwmsim kev ua neej

Hmoob txhua leej kuamuag si-----ua lub neej tsausntujnti thawj luag
Lub neej ntsuag tau plam haiv----yam li neeg poob ntaiv lov ceg
Tsawg tiam sawv tsis tau ntseg---Hmoob lub npe teeb tsis muaj chaw
Raug muab kaw neeg tsis paub---ua neeg ciajkhaub peem tsis ciaj neeg

Poob ciaj ua neeg khawsxyeem---tsis kam nyiajntxeem kom rov ciaj haiv
Ua neeg tubnkeeg kam yoo tshaib---ua ntxoovtes saib luag tua Hmoob
Tuag yuav tu noob mus ciav haiv---lawm ploj qab ntais tsis tig saibqab
Xyaum mus ua li miv poob ntab----xum txaj muag mus thov luag noj.

Kaubkimyaj: Developer; Messages : 178
Date d'inscription : 2014-12-07

Post n°20

Re: Tebchaws Tshajntuj

Kaubkimyaj 10th March 2015, 10:00 pm

Hmoob Ntuj Tshav zoo lajlim....khaws Hmoob txujci thoob ntuj
Ntsig txog hnub Kaubkimyaj.....thov xyuammeej los sawv tshaj
Nthuav lus zaj ua pajhuam......tham mus txuam Hmoob lub neej
Ntau tshoj-txheej txomnyem...raug lus cem ua tsob neeg phem

Raug lem yuam ua luag qhev...them nqi se ntawm kev ciajsia
Hmoob txomnyeej nyiaj kub.....coj Hmoob tub mus them se
Coj Hmoob ntxhais mos me......mus txhaws nuj yuam nqi
Leej niam-txiv kuammuag si.....tsaus ntuj nti hauv lub neej

Hmoob txhua leej tusiab nrho...thiaj mus nyo hau luag tsuj
Hauv qabntuj tsis muaj neej.....tsis muaj cawmseej qhov twg
Tsis muaj tus yog phoojywg.....pab txhawb Hmoob txoj cai
Neeg ntau haiv muab Hmoob....siv ua lajkab thaiv luag txojsia

Hmoob nco ntsoov cia mog......nws vim Hmoob tsis koomsiab
Raug luag haub luag ntxias......Hmoob thiaj kam rov sib tua
Hmoob tau tua Hmoob tuag.....xeeb tshwm muaj kev comviab
Kev khibsiab tsis zam txim.......khaws chim tsis paub tus txhaum

Last edited by Kaubkimyaj on 12th March 2015, 11:00 am; edited 1 time in total

koojziagkabzaug

koojziagkabzaug: Moderator; Messages : 3529
Date d'inscription : 2010-02-28

Post n°21

Re: Tebchaws Tshajntuj

koojziagkabzaug 11th March 2015, 3:12 pm

Tij laug Kaaub Kim Yaj aw!

Cas nws yuav txawj qhua tis txawj qhub ua luaj li lauj! Ua tsaug os, cas nws nim hais zoo tis zoo los kuv me laj lim tswv yim tsawg es twb tsis txawj teb nws ib los kom tsim nyog nws tej lus muaj tsim os. Txawm nws tuaj sau, tsis muaj tus teb los nws ua siab loj es nws txhob qaug zog tuaj ntoj peb lub zos Hmoob tshav Ntuj mog.

xiongchang: Moderator; Messages : 5005
Date d'inscription : 2012-04-16

Post n°22

Re: Tebchaws Tshajntuj

xiongchang 11th March 2015, 3:54 pm

.....Nyob zoo....Tsoom phooj ywg!....Nkauj muam hmoob....Hlub hmov tsua suav daws....Lub neej niaj hnub no....Yog ua zoo xav txog....Tu siab zuj zug lawm os?....Yug tsoom phooj ywg!....Qub tub rog....Ua hauj lwm ua ke....Yav tas dhau lawm....Suav hnub ncaim lawm....Suav nyoog ploj ntsej muag zuj zug....Tsi muaj tawg leej lawm....Kuv ncaim xeev....{Michigan}....Tsi xyoos txwm nkaug....March 6, 2010....March 6, 2015....Tsoom phooj ywg!....Ploj lawm coob tug kawg li....Ze zuj zug txog....Yug lawm os?....Tsoom phooj ywg!....Nkauj muam hmoob....Hlub hmov tshua suav daws....Suav daws zaum twb ywm hauv tsev....Tsi tawm ncig....Hav zoov nuj txeeg....Ntsia zoo li....Tseem tsaus nti ntsuab xiab....Nkag plawg tom ntug kev ntsia mas....Cov ntoo laug....Nkoj cag paws lug....Ntoo mog yub ntoo loj hlob tuaj laum xwb....Luag tej laug....Piav sab sij huam tias....{Nplooj zeeg - Zoov kaj - Muaj tseeb tias os}

Kaubkimyaj: Developer; Messages : 178
Date d'inscription : 2014-12-07

Post n°23

Re: Tebchaws Tshajntuj

Kaubkimyaj 11th March 2015, 10:08 pm

koojziagkabzaug wrote:

Tij laug Kaaub Kim Yaj aw!

Cas nws yuav txawj qhua tis txawj qhub ua luaj li lauj! Ua tsaug os, cas nws nim hais zoo tis zoo los kuv me laj lim tswv yim tsawg es twb tsis txawj teb nws ib los kom tsim nyog nws tej lus muaj tsim os. Txawm nws tuaj sau, tsis muaj tus teb los nws ua siab loj es nws txhob qaug zog tuaj ntoj peb lub zos Hmoob tshav Ntuj mog.

Txhob khuamxeeb phoojywg Koojziagkabzaug....tsuas tim kaubkimyaj tshajlij tsis txaus
Kaubkimyaj ib txwm xeebsim yeemthaj sib pab...vim haiv Hmoob haj tseem poob qab
Phajtshab xyuam tsis tshwm txhawb vas-sab....tsis raws xav vim txawj tsis nto mog
Lub dagzog yuav tsis nco nkees tsis khuvxim.....tsis tau xam txiajntsim thiab meejmom
Vim tsuas xav txog haiv Hmoob kev txomnyem...lub npe phem ua neeg tsis muaj haiv
Plam kev tsimthaij txhawb Hmoob vammeej........Hmoob lub neej tog ti qab hiavtxwv
Hmoob hlob yau kev khwv tsis muaj hnub so......menyuam Hmoob khaubhlabnyho od
Hmoob ua neej tav ntuj no los tsis txog twg......Txoj kev khwv yog cawm tau txoj sia
Ua zoo saib yeej txaus tusiab tiag peb Hmoob....Peb muaj coob tsis muaj tus txawj ntse
Hmoob yog lub npe ntawm Hmoob txhua yam.....yog li cia txhob xam txoj me kev khib
Kaubkimyaj thiaj tuaj chivpib kom Hmoob ras......xav pom Hmoob ncoo sau los ua ib pab
Txawj sib txhawb sib nqa kom Hmoob pom kev...tsis pes tsawg ntev Hmoob ho vammeej
Ntawv yog kev muaj yeej Hmoob Tshav Ntuj......Nws yuav tseemceeb tshaj nyiaj thiab kub

Last edited by Kaubkimyaj on 12th March 2015, 10:41 am; edited 1 time in total

koojziagkabzaug

koojziagkabzaug: Moderator; Messages : 3529
Date d'inscription : 2010-02-28

Post n°24

Re: Tebchaws Tshajntuj

koojziagkabzaug 12th March 2015, 12:54 am

Tij laug Xyooj Tsab thiab tij laug Kaub Kim Yaj,

Tij laug Xyooj Tsab,

Peb yug los ua neeg, tsis yuav nyob mus ib txhiab nrog ib txhi, yog los hla lub ntiaj teb ib pliag ntshis xwb mog. Nws yog ib tug txiv neej coj tog, coj zoo haum ob tog poj niam txiv neej, nws lub neej tau ua ntau yam zoo rau lub ntiaj teb muaj nqes; nws yuav zoo siab rau nws tus kheej. Peb yuav nyob rau luag vam khom mus rau luag nco, peb yuav nyob rau luag qhuas mus rau luag tshua thiaj tsim nyog peb ua ib sim neej. Ib sim neej tsis ntev, yus tsuas tos yav tom qab xwb yav tom ntej ces yog ib ntsais muag dhau, rov xav twb nco tsis tau lawm os nawb mog. Peb tuaj tau 40 lub xyoo rau cov teb chaws Hnub Poob, peb twb ploj tag lawm 2 phaum neeg, twb los rau phaum 3 ib kuag lawm tiag. Tsis ntev tsis ntau ntxiv ces cov uas paub thiab pom kev txom nyem tawg teb chaws 1975 twb ploj tag, yuav nrhiav keeb kwm ces tsis muaj tus paub tseeb thiab pom lawm lauj!

Tij laug Kaub Kim Yaj,

Tus neeg thoob tsib tog nrog ces pom Peb Hmoob txoj kev rau luag txwv nyom
Tus neeg tsis paub tab ces tseem ntaus nthab ntau tsev mus pauv ncej qab

Tus neeg zoo ces nws zoo tshaj los tseem yuav nrhiav kev kom nws haiv neeg tawg paj
Tus neeg phem ces tsuas ntsia ntsoov luag txoj hauv kev yuav muab txov tseg

Tij laug Kaub Kim Yaj txais tau lub noob zoo los tseb rau hauv toj hauv pes
Yuav ua rau Peb Hais Hmoob dim txoj kev lag ntseg

Tij laug Kaub Kim Yaj coj tau hauv kuab muaj tsuas tuaj tsuag
Yuav tuaj kho tau Peb Hmoob dim ntawm txoj kev dig luag

Hnub no kuv khaws tau nws ib los lus nyiaj
Yog los lus yuav coj Peb Haiv Hmoob mus rau kev tsim txiaj

Hnub no kuv hnov nws ib lo lus kub
Yog lo lus yuav coj Peb Haiv Hmoob tsim txiaj thoob ntuj

Kuv thov nqa tes ua nws tsaug
Thov kom nws muaj txoj sia ntev dhawv nyob dawb hau nres caug

Kuv thov nco nws lub txiaj lub ntsig
Thov kom Tswv Ntuj txhais tes ntshiab huv los roos nws mus ib sid.

xiongchang: Moderator; Messages : 5005
Date d'inscription : 2012-04-16

Post n°25

Re: Tebchaws Tshajntuj

xiongchang 12th March 2015, 8:16 am

......Nyob zoo....Hnub tshiab....Thursday March 12, 2014 AM....Sawv ntxov os?....Zoo siab....Ua tsaug....Me muam kooj ziag kab zaug aws?....Txoj kev zoo....Kev haum xeeb....Moj them nqag kab....thooj siab - Koom ntsws....Nyob ib txhiab....Kav ib txhis....Tsi muaj hnub ploj mog....Yog leej twg?....Coj tau lo lug....{Moderator}....Thiaj coj tau haiv hmoob....(Vam meej - Nce qeb)

Sponsored content

Sponsored content

Post n°26

Re: Tebchaws Tshajntuj

Sponsored content

Go to page : 1, 2

Similar topics

» TEBCHAWS LOSTSUAS LOS KOS NPE RAU TEBCHAWS RUSSIA LOS TSIM 2 QHOV CHAW UA NUCLEAR/TSHUAJ UA HOOBPOB LOJ
» HMOOB LUB TEB CHAWS
» Hmong Lub Tebchaws
» TEBCHAWS LOSTSUAS MUAJ KEV KUB NTXHOV NTAU YAM TSHWM TUAJ THIAB UA RAU MUAJ NEEG PUAS TXOJ SIA
» Tub kev deb lub chaw tuaj nci ua si & kawm txuj kawm ci

Current date/time is 26th April 2024, 4:26 am