Tub kev deb lub chaw tuaj nci ua si & kawm txuj kawm ci

Tub kev deb 15th August 2014, 10:00 am

Tub kev deb: Visitor; Messages : 37
Date d'inscription : 2012-09-15

Post n°1

Tub kev deb lub chaw tuaj nci ua si & kawm txuj kawm ci

Tub kev deb 15th August 2014, 10:00 am

Nyob zoo zoo cov me phooj ywg txhua leej.
Kuv yog Tub kev deb nyob ntuj deb kev ncua ntev, kuv tuaj nci xyuas pom nej hmoob tshav ntuj khaw zoo txuj, kuv tuaj pom nej txhua tus luag ntxhia, nej khaw peb li txuj ci.
Thov qhuas nej txhua tus uas muaj lub siab zoo qee lub sij hawm los qhia txhua yam rau peb kawm og.

Ntawm no yog Tub Kev Deb thov caw nej leej twg tuaj nrog nws tham lus ua si ncig xyua teb chaw thiab qhia kev noj nyob ntawm nej ntawm peb rau sawv daws paub, nej puas leej twg kam tuaj nro kuv ua phooj ywg qhia nej kev noj nyob kev ua laj ua kam rau kuv paub og?
Yog nej leej twg kam no thov tuaj teb rau hauv kuv chav no, ua tsaug.

Kawg no thov kom sawv daws nyob kaj lug. Sib ntsib dua.
Tus sau Tub kev deb Vietnam.

**koojziagkabzaug** 15th August 2014, 4:59 pm

koojziagkabzaug

koojziagkabzaug: Moderator; Messages : 3529
Date d'inscription : 2010-02-28

Post n°2

Re: Tub kev deb lub chaw tuaj nci ua si & kawm txuj kawm ci

koojziagkabzaug 15th August 2014, 4:59 pm

Nyob zoo Tub kev deb,

Ua tsaug koj tuaj deb tuaj xyuas peb lub zos Hmoob Tshav Ntuj
Uas peb ob peb leeg phooj ywg lauj zias peb lub caij los khaws Hmoob txuj

Zoo siab koj tseem hais lus qhuas txhawb peb siab nyob ruaj
Coob leej zoo phooj ywg rau siab tuaj tham txhij tham txhua

Rau lub zos nov kom peb muaj txhua yaj txuj
Thiaj li yuav coj peb mus rau lub neej tshav ntuj.

Koj xav nug peb kev noj haus, kuv tham me ntsis rau koj mloog txog peb kev noj haus thiab tswj hwm los yog kev tu tub ki.

Nyob Fab Kis teb.

Hnub no yog hnub so ces kuv tuaj nrog koj tham ua si me ntsis.
Tham txog peb kev noj haus nyob Fab kis teb mas kuj zoo hauj sim thiab:

Kev tu me tub me nyuam mas tseem hwv tias yog me nyuam lub teb chaws li xwb ces luag pab nyiaj tib si rau yus coj los yug lawv. Yam li pib suab tus me nyuam muaj 3 hlis hauv plab xwb ces luag yeej muab nyiaj tuaj yug txog ntua tus me nyuam ntawd muaj hnub nyug 20 xyoo.

Muaj ob tug me nyuam rov saud ces tus txiv los tus niam muaj cai los noj ib lub nyiaj hli zov cov me nyuam 3xyoo (ib tug 3xyoos, ces koj rov muaj dua los rov nyob dua yam muaj nyiaj hli ntxiv cov nyiaj me nyuam thiab).
Thaum tus poj niam suab me nyuam ntawd yuav so nws muaj cais so 6hli yam nws lub nyiaj hli tsis poob, dua li ntawd hnub twg nws nkees nws tseem muaj cai mus so mob nkeeg yam tsis xam thiab tsis poob nws lub nyiaj hli. Thaum tus poj niam los so, tus txiv taus so 15hnub los tu tus poj niam.

Kev mob nkeeg khaub thuas tej ib tug neeg ua hauj lwm muaj cai so 90hnub ntawm ib xyoos, yog muaj mob loj cov hnub so txog ntau xyoo los tag nrho ib sim neej tej no puav leej them nyiaj hli rau lawv tib si.

Kev ua hauj lwm, ib lis piam ua hauj lwm 35h them 38h. Ua ntau tshaj 35h ces yog them nqe tes tshaj, yog them nyiaj 25% los yog 50% ntxiv. Raws kev cai mas ib xyoos no muaj 5 lis piam so them nyiaj; tab sis tej tug kuj tau 6 lis piam ib xyoos.Thiab muaj 13hnub so ua hmoov them nyiaj tab sis zaum no peb muab ib hnub coj los ua hauj lwm pub rau cov laus ua nyob tom tsev laus lawm ces tshuav 12hnub xwb.

Yog yus khais tsev los yuav tsev nyob, kuj muaj nyiaj pab tib yam nyob ntawm yus lub nyiaj hli loj los me xwb.

Me nyuam kawm ntawv:

Txij 6-18xyoo mus ces thaum yuav pib kawm ntawv kuj muaj ib qho nyiaj tuaj pab yuav ntaub ntawv thiab khaub ncaws hnav (ib tug no $200)
Cov kawm qeb siab (universty) muaj nyiaj tseem hwv pab (Bourses d'état), nyob ntawm tsev neeg ntawd tau nyiaj ntau los tsawg. Cov tau ntau txog ntawm $ 4000 us/ib xyoo rau ib tug me nyuam.

Kev kho mob nkeeg mas tsis muaj qhov nyuaj siab los ntxhov siab txog li.Kev pw tsev kho mob luag them tag nrho, kuaj Dr. thiab yuav tshuaj noj yam tsis tau mus tse kho mob luag pab them 70%; dua li ces nyias muaj nyias ib qho chaw them ntxiv tuaj kom tag nrho, yus tus kheej tsis tau poob nyiaj kho yus li. Luag kho zoo heev. Li no yus tsis ua neej tuav plig rawv li thaum ub lawm. Zoo li yus yeej muaj niam muaj txiv yam yus tsis paub lawv....muaj kev tso siab heev.

Tim no kev pab ntawm nom tswv mas zoo heev lawm.

Yuav hais los mas peb lub teb chaws thiaj tseem Koom Tshas Maxiste tiag tiag li.
Vim cov company loj tau them se nyhav coj los faib rau cov pej xeem uas ho tau nyiaj tsawg dua.

Qhov poob qab yuav piv rau USA mas ua hauj lwm tsis tau nyiaj ntau npaum tid, luag tsis tsav yus hwj chim heev thiab hmoob nyob tsawg ces tsis lom zem thiab ua tsis tau hauj lwm directe rau hmoob li tid.
Thiab kev kawm ntawv nyuaj heev (cov programme) ces peb phaum hlob tuaj nyob tim no thiaj tsis tau kawm ntawv deb npaum cov mus USA. Tab sis cov me nyuam mas lawv kuj caum cuag lawm thiab.

Tab sis peb nyob tsawg los peb kuj sib hlub heev thiab.

Tub kev deb lub chaw tuaj nci ua si & kawm txuj kawm ci Sa408125

Nyob Fab Kis teb, sawv ntxov haus kas fes thiab noj mov ci xwb tsis noj mov.

Me qigtaub 16th August 2014, 5:13 pm

Me qigtaub

Me qigtaub: Developer; Messages : 194
Date d'inscription : 2011-09-09

Post n°3

Sib fim rau sab tebchaws tshav ntuj nrig

Me qigtaub 16th August 2014, 5:13 pm

Tub kev deb lub chaw tuaj nci ua si & kawm txuj kawm ci T

Tub kev deb wrote:Nyob zoo zoo cov me phooj ywg txhua leej.
Kuv yog Tub kev deb nyob ntuj deb kev ncua ntev, kuv tuaj nci xyuas pom nej hmoob tshav ntuj khaw zoo txuj, kuv tuaj pom nej txhua tus luag ntxhia, nej khaw peb li txuj ci.
Thov qhuas nej txhua tus uas muaj lub siab zoo qee lub sij hawm los qhia txhua yam rau peb kawm og.

Ntawm no yog Tub Kev Deb thov caw nej leej twg tuaj nrog nws tham lus ua si ncig xyua teb chaw thiab qhia kev noj nyob ntawm nej ntawm peb rau sawv daws paub, nej puas leej twg kam tuaj nro kuv ua phooj ywg qhia nej kev noj nyob kev ua laj ua kam rau kuv paub og?
Yog nej leej twg kam no thov tuaj teb rau hauv kuv chav no, ua tsaug.

Kawg no thov kom sawv daws nyob kaj lug. Sib ntsib dua.
Tus sau Tub kev deb Vietnam.

Tub kev deb lub chaw tuaj nci ua si & kawm txuj kawm ci Img_0314

cov ntxhais Hmoob ntau pob roj hmab

Tub kev deb lub chaw tuaj nci ua si & kawm txuj kawm ci Img_0315

kev cai qhib lub cha tso duab hauv ZosHmoob

Tub kevdeb.
Zoo siab uas koj tseem ntoj ncig tuaj txog rau sab teb chaws tshav ntuj no thiab, hais txog txoj kev tham pem ces yuav tham ywj siab li cas los tau raws li kuv xav, qhov yuav ua tsis tau ces yog txhob sib tawm tsam txoj kev sib ntxub ntxaug xwb, kev phoojywg yim nthuav dav yim zoo, cov npoj yaig hauv no los kuj nyob kev deb tuaj ib yam nkaus, txhua tus ces muaj caij laj laj mloog tej kev nyuaj siab ces khiav tuaj tauv pem thiab sib tham ib chim los ib tsam laug lub caij nyoog xwb, kuv nyob rau sab Mekas teb lub tebchaws av loj muaj kev vam-meej thiab kev lwjsiab ntau dua li qhov tib neeg xav. nyob rau rooj teb no muaj ntau yam rau yus kawm thiab yus mloog txhim kho tus kheej thiab, hnub no sab peb tebchaws yog hnub so tsis ntev dhau los lawm thaum lub 7 hli xiab muaj ib lub koobtsheej los uas yog Hmoob tsim nyob rau lub xeev Menisxaustas yog lub loj heev kuj pom neeg tuaj coob lwm lub tebchaws tuaj koom ntau dua hauv no yog muaj caij koj yuav tau ntoj tawg tuaj saib thiab tsam no Hmoob tsim tau ntau yam rau yus haiv neeg lawm.
Muaj ntau yam tham nrog koj tab sis cia muab xaus li no mam li ntsib koj dua.

Hmoob tug Me qigtaub

Tub kev deb 18th August 2014, 8:47 am

Tub kev deb

Tub kev deb: Visitor; Messages : 37
Date d'inscription : 2012-09-15

Post n°4

Re: Tub kev deb lub chaw tuaj nci ua si & kawm txuj kawm ci

Tub kev deb 18th August 2014, 8:47 am

Nyob zoo kzkz thiab qis taub, ua tsaug ntau rau neb tuaj tham, nej kev noj nyob rau kuv og.
Thaum kuv nyeem neb cov lus, ua rau kuv lub kuag muag poob, vim kuv tias cas kuv hos yug los rau sab ntuj no lawm, kheev lam kuv txawj txia los txawj plhi, ces yuav plhi hlo ua tus me kab yuj li yeev tuaj nrog nej nyob sib txig og.
Kheev lam kuv txawj plhi los txawj yaj, ntshe yuav yaj li yeev txia ua me kab npauj ya tuaj nrog nej nyob ua ke og.

Kzkz cas koj yuav tham txog nej tej kev noj nyob zoo li nej nyob yam twb tsi muaj dab tsi nyuaj li og, zoo li nej muaj kev vaj huam sib luag, tsi muaj ib tus siab ib tus qis li.
Nej tej kev noj kev haus txawv peb lawm ntau, yog muab hais mas tim peb no yeej pauv tsi tau ib qho li og.
Nyob rau sab ntuj no yeej muaj cov nyiaj uas pub rau tem me nyuam kawm ntawv thiab. Tiam sis ib xyoo ntawd tsuas tau 700000d los tshaj me ntsis tej xwb.
Tiam siv cov tseev lawv tsuas pub rau cov pluag pluag xwb, pub txij li cov me nyuam kawm qib 1 mus txog qib 9 cev tsi pub lawm. Txawm yuav pluag npaum cos los yog yus tus me nyuam tsum tau muab nyiaj los yuav ntaub ntawv sau thiab cov hauv paus ntawv kawm, es thiaj li tau kawm og.
Ho yog cov ua lawv hu tias nee muaj, los yog nplua nuj mas, lawv twb tsi faib cov ntawv kawm pub rau cov me nyuam li.
Yuav tsum muab nyiaj los yuav xwb.
Lawv xam cov neeg muaj los cov nee hu tias nplua nuj mas lawm xam ib tse neeg saib muaj tsaw leej. Lawv muab yus lub neej sau tas nrio tej qoob loo triaj txhu uas yus khwv ib cim coj los koom ua kev, xam muag ua nyiaj. Muab faib rau ib leeg tib neeg hauv ib tse neeg ntawd, ib tus taub neeg: 1 lub hli yog tau 400000d (tej zaum nej sab ntuj mas yog $5 tej) ces lawv muab xam tias tsev ntawd ua neeg muaj lawm.
Cov neeg huv tias ua neeg muaj, mas tsi tau daim ntawv ua neeg pluag ntawm cov tseem hwv lawm.
Ces cov ntawd yuav tau muab nyiaj los yuav ntaub ntawv rau tej mem tub me nyuam kawm og.
Thiab cov ua neeg muaj no mas yus mus kho mob kho nkeev hauv tsev tshuaj mas lawv tsi pab tshuaj pub dawb rau lawm. Yuav tsum tau muab nyiaj yuav tshuaj los kho yus tus mob, lawv yeej pub thiab tiam sis tsi yog cov tshua zoo pes tsawm lawm.
Li ntawd mas nyuaj kawg, yog yus tsi mua nyiaj ces yeej tu siab xwb.

Hais txov cov tub kawm ntawv ma, kawm tas qib 12, ces yeej so tas ntau lawm xwb, vim tsi muaj nyiaj mus kawm ntxiv lawm. Cov so ntawv tsi kawm, feem coob mas yog peb cov hmoob, vim ua neej txom nyem mus tsi taus kawm.
Yog lawv xav kawm qib siab mas ib lub hli yuav tsum muab nyiaj txog 800000d rau tsev kawm, mas thiaj tau mus kawm qib siab.
Yog twg tsi muaj nyiaj ces kawg so xwb.

Xyoo no kiag kuv muaj ib tus kwv nws mus kawm tas qib 12 li kuv hais ntawd, tam si no peb tsi muaj nyiaj xa nws mus kawm lawm, nws tu siab kawg li. Niam txiv los tsi txawj sib hlub thiab.
Peb cov ua tij los kuj txom nyem pab tsi tau nws.
Muab hais los mas tu siab tshaj plawg li.
Yuav thaum twg peb thiaj raws cuag nej og lawv. Sib ntsib dua.

Tub kev deb 25th August 2014, 11:16 am

Tub kev deb

Tub kev deb: Visitor; Messages : 37
Date d'inscription : 2012-09-15

Post n°5

Re: Tub kev deb lub chaw tuaj nci ua si & kawm txuj kawm ci

Tub kev deb 25th August 2014, 11:16 am

Nyob zoo cov phooj yws txhua leej tuaj hauv forum hmongtshavntuj no.
Kuv thov nej tuaj qhia saib nej tau tsawg xyoo lawm, thiab saib nej nyob rau lub teb chaws twg? Nej nyob yaj sab lo hauv nroog, Thov nej tuaj qhia kuv puas tau? Ua tsaug

koobpovtxuj 25th August 2014, 3:08 pm

koobpovtxuj

koobpovtxuj: Sponsor; Messages : 1318
Date d'inscription : 2010-04-05
Age : 64
Localisation : USA

Post n°6

Re: Tub kev deb lub chaw tuaj nci ua si & kawm txuj kawm ci

koobpovtxuj 25th August 2014, 3:08 pm

Tub kev deb wrote:Nyob zoo cov phooj yws txhua leej tuaj hauv forum hmongtshavntuj no.
Kuv thov nej tuaj qhia saib nej tau tsawg xyoo lawm, thiab saib nej nyob rau lub teb chaws twg? Nej nyob yaj sab lo hauv nroog, Thov nej tuaj qhia kuv puas tau? Ua tsaug

Kuv tsis tshua to tau koj lo lus tias (nej tau tsawg xyoo lawm)Yog koj nug tias nej tuaj ntawm Hmoob tshav ntuj no tau tsawg xyoo lawm no ces qhia koj tias nyias tuaj nyias 1 lub caij tab sis Hmoob tshav ntuj no qhib xyoo 2010 los lawm nawb.Hos yog koj nug tias nej muaj tsawg xyoo lawm no ces kuv muaj 55 xyoos lawm.Kuv yog neeg nyob nram nroog Teb chaws USA tuaj nawb.

Tub kev deb 31st August 2014, 11:26 am

Tub kev deb

Tub kev deb: Visitor; Messages : 37
Date d'inscription : 2012-09-15

Post n°7

Re: Tub kev deb lub chaw tuaj nci ua si & kawm txuj kawm ci

Tub kev deb 31st August 2014, 11:26 am

Nyob Txiv Ntxawm Koob pov, ua tsaug uas koj tseem tuaj qhia kuv thiab. Zoo sib hnub no tau paub koj og.
Twb yog kuv nug txog nej txhua tus ua tuaj hauv forum no saib nej muaj tsawg xyoo? thiab nyob rau lub teb chaws twg xwb? Thov nej txhua tus tuaj nrov kuv sib tham ua si kom peb sib paub og ua tsaug.

Liajntsuab 2nd September 2014, 2:05 pm

Liajntsuab

Liajntsuab: Sponsor; Messages : 809
Date d'inscription : 2011-12-04

Post n°8

Re: Tub kev deb lub chaw tuaj nci ua si & kawm txuj kawm ci

Liajntsuab 2nd September 2014, 2:05 pm

Nyob zoo Tub Kev Deb,

Zoo siab koj tuaj tsham nrog peb thiab. Txawm tias peb leeg nyob sab ntuj los kev sib ntsib hauv internet/cabsab nws yoojyim heev lawm os nawb. Kuv ua tij nyob U.S.A. thiab hos kuv los laus lawm lau!!! qee tsam tseem yog lawm txiv thiab os nawb.

Kuv xav nrog koj tham ntau yam txog Hmoob lub neej nyob nej lub tebchaws yog li no koj puas yuav nrog kuv tham tau thiab. Qhov tiag mas kuv pom peb cov kwvtij Hmoob nyob Cobtsib teb tim muaj teebmeem xav kom koj pab kuv cov lus mus hais rau lawv xwb. Yog koj kam thiab no teb kuv rov qab mam li muab cov ntsiab lus hais rau koj nawb.

Ua tsaug ntau koj tuaj tsham nrog peb thiab.

Sib ntsib dua

Tub kev deb 23rd September 2014, 1:05 am

Tub kev deb

Tub kev deb: Visitor; Messages : 37
Date d'inscription : 2012-09-15

Post n°9

Re: Tub kev deb lub chaw tuaj nci ua si & kawm txuj kawm ci

Tub kev deb 23rd September 2014, 1:05 am

Nyob zoo hlob Liaj, koj tias koj laus lawm, ces cia kuv hu koj ua hlob xwb og yom, vim kuv muaj li 30 tawm xyoo xwb.
Hlob Liaj yog yam kuv pab tau ces kuv yuav txaus siab pab koj xwb tiam sis muaj ntau yam nyob rau peb teb chaw tsi zoo hais ntshe lam pab tsi tau koj xwb og. Thiab vim kuv tsi txawj tsi ntse li luas ntshe tsi muaj twg mloog xwb.
Ua tsaug koj tuaj qhia koj tus kheej rau kuv. Sib ntsib dua.

hmoobleejtub 23rd September 2014, 3:49 am

hmoobleejtub

hmoobleejtub: Developer; Messages : 119
Date d'inscription : 2011-08-31

Post n°10

Re: Tub kev deb lub chaw tuaj nci ua si & kawm txuj kawm ci

hmoobleejtub 23rd September 2014, 3:49 am

Tub kev deb wrote:Nyob zoo hlob Liaj, koj tias koj laus lawm, ces cia kuv hu koj ua hlob xwb og yom, vim kuv muaj li 30 tawm xyoo xwb.
Hlob Liaj yog yam kuv pab tau ces kuv yuav txaus siab pab koj xwb tiam sis muaj ntau yam nyob rau peb teb chaw tsi zoo hais ntshe lam pab tsi tau koj xwb og. Thiab vim kuv tsi txawj tsi ntse li luas ntshe tsi muaj twg mloog xwb.
Ua tsaug koj tuaj qhia koj tus kheej rau kuv. Sib ntsib dua.

Nyob zoo tub kev deb,

Nov yog ib tug txiv ntxawm los yog ib tug tij laug thiab, vam tias koj tuaj hauv no yog tuaj nrhiav tswv yim, tuaj xyaum qhov zoo. Peb txhua tus tuaj hauv no los puav leej yog tuaj sib qhia, sib cog kawm, sib pauv tswv yim. Peb ib leeg yeej muaj txawv ib yam txuj, ib leeg muaj zoo txawv lawm ib lub tswv yim. Li ntawd tej laus thiaj niaj txhis piv txoj lug tias, ib rab riag ntse tsa nqaij. Koj txawm nyob tojsiab tsis tau kawm dua ib tug ntawv los koj yeej muaj koj txoj kev txawj ntse hauv nruab thiab los koob taus koj lub neej. Kuv txawm yuav kawm dhau pes tsawg lub tsev kawm txuj, kawm dhau pes tsawg lub teb chaws los, yam kuv tsis paub yeej tseem tsis tau paub. Yog li ntawd s/d tuaj hauv no yog tuaj sib cog kawm. tuaj txog hauv no txawm tias s/d tham tsis muaj ib yam zoo khaws mus siv los txhob tag kev cia siab. Yam koj muaj uas xav tias tsim nyog yuav muab pub rau sawv daws kawm los txhob ntaus siab me, tham tso tshav plhuav. Tham li yus muaj cuab kav thiab tham yam nyob nruab nrab kom txhua leej txhua tus siv tau xwb ces yeej zoo heev li lawm.

Ntawm kuv tus kheej mas ho xav tias, kev tuaj sib tham laug sij hawm hauv no, kaum leej tham mas muaj ib leeg thiaj tham tau nkag yus kis, yus nyeem npaum cas los tsis nco nkees, nyeem txog twg totaub txog ntawd. Muaj ib txhia tham tsis muaj nrom, tham tsis muaj paus ntsis, tsis tham li muaj muaj li tham tabsis nyiam muab qhov tseeb mus tham ua qhov cuav thiab muab qhov cuav los tham ua qhov tseeb.

Kuv totsib koj cov lus zoo, nyob rau koj sab ntuj, vaj huam tsis sib luag, pumtob nyob saud thiab logcam nyob hauv, lo tseeb nej hais tsis tau, ntau zaus qhov cuav muab hais ua qhov tseeb los muaj. Txawm li cas los xij, muaj tej lub caij peb tham tau tso tshav, muaj tej lub caij peb tsuas ua nriav lus tham xwb los kom s/d totaub tias yog tua maum cuam daj raug txiv kau nawb.

Peb Hmoob yav ntuj thaum ub, twb tseem hais tsis tau lus li tiam no, tej laus thiaj hais tias suav hnov suav hlais nplaig. Tej laus yuav muaj ib txoj kam dab tsi tseem ceeb ces tsuas muab ua suab qeej suab raj suab ncas tshov kom sawv daws paub xwb, yeej hais tsis nyog ib los rau leej twg hnov li. Lub zwj ceeb no, ntuj qhib tau peb sawv daws tej qhov muag pom kev deb, qhib tau peb pob ntseg hnov lus tob, ntuj muab lub zim ntxwv zuaj tau los ua feeb ntxwv, ib leeg nyob ib sab ntuj los koj hais kuv hnov, kuv hais koj pom. Kom peb s/d paub tej laus cov lus txooj tias nplooj tsawb tsis yog npluag. Zaub ntsuab tsis txhob rov taw tuam ntuj. Kev sib tshab xo yog ib txog kev cawmtau tib neeg txoj sia, koj lam khaws kuv cov lus cia thiab hais rau ib zej tsoom tias peb txawm nyob ntuj twg los xij thov kom sawv daws tsis txhob pw dab ntub tos nyiaj los tsav, muaj tsawg tsis txaus siv, muaj ntau siv kom tas. Tsis hais tus leej tus twg thov kom tsis txhob tso dab ntub siab ntsws tsis txawj txob, muaj tsawg tsis txaus siv muaj ntau tsis txaus phob. Liaj teb yuav cuab kom loj yus poj lag tub yau thiaj tau nrog luag noj. Liaj teb yuav cuab kom dav, yus poj lag tub se thiaj muaj nrog luag hnav. Qoob lig ces tsis muaj hnab, neej lig ces yuav poob qab. Qoob lig ces tsis txi txiv, neej lig ces yuav raug luag piv. Sab sij huam ces yuav hais tsis muaj chaw txawb, tab sis looj me thawb ces hais li no: Quav yeeb tsis tau roj, quav poj qoob tsis siav, quav plhob ces plam qoob tsis kav xyoo, quav tshuaj ces yuav plam neej tsis nrog luag zoo

.

Liajntsuab 23rd September 2014, 11:25 am

Liajntsuab

Liajntsuab: Sponsor; Messages : 809
Date d'inscription : 2011-12-04

Post n°11

Re: Tub kev deb lub chaw tuaj nci ua si & kawm txuj kawm ci

Liajntsuab 23rd September 2014, 11:25 am

Tub kev deb wrote:Nyob zoo hlob Liaj, koj tias koj laus lawm, ces cia kuv hu koj ua hlob xwb og yom, vim kuv muaj li 30 tawm xyoo xwb.
Hlob Liaj yog yam kuv pab tau ces kuv yuav txaus siab pab koj xwb tiam sis muaj ntau yam nyob rau peb teb chaw tsi zoo hais ntshe lam pab tsi tau koj xwb og. Thiab vim kuv tsi txawj tsi ntse li luas ntshe tsi muaj twg mloog xwb.
Ua tsaug koj tuaj qhia koj tus kheej rau kuv. Sib ntsib dua.

Nyob zoo kwv Tub Kev Deb,

Zoo siab koj ua kwv tuaj teb kuv cov lus rov qab. Kuv ua tij yeej muaj hnub nyoog dua koj lawm tiag nawb ces koj yog kwv os.

Kuv tsis muaj ib yam dabtsi tseemceeb los sis ib yam haujlwm uas yuav txhaum txoj cai nyob rau nej lub tebchaws xav kom koj mus ua nawb. Yam kuv xav kom koj mus ua ntawd mas kuv pom tau tias peb ib cov kwvtij Hmoob nyob Cobtsib tebchaws tseem ua neej poob qab heev xws li tseem nyiam haus cawv heev. Haus cawv los twb tsis yog haus nyob hauv tsev xwb tseem mus haus nyob rau kiab khw pw hauv av zoo li tej tsiaj tuav rawv hwj cawv ntawm tes cia tus pojniam zaum tos. Haus Cawv li kuv hais los no tsis yog ib txoj kev pab yus lub neej mus rau txoj kev vammeej, nws yog ib txoj kev ua rau yus puas lub neej ntau tsav yam thiab tsim txom yus lub cev kom txoj siav luv xwb. Dej cawv yog ib yam tshuaj phomsij tshaj plaws ua rau tibneeg lub neej puas yog tias thaum koj muaj yees lawm.

Yog li no kuv ua tij xav kom koj muab kuv tej lus hais los saumtoj no coj mus tshaj tawm nyob rau tej TSIAB PEBCAUG los sis tej qhov chaw uas kwvtj Hmoob tuaj sib sau coob coob uake kom lawv paub thiab tseg txoj kev haus cawv tsis zoo no. Kom kwvtij Hmoob nco qab ntsoov tias peb Hmoob tseem tsis tau ua lub neej txog theem tau zoo mus pw tsaugzog haus dej cawv li ntawd, luag lwm haivneeg twb vammeej kawg lawm los luag tseem sib twv tas zaj tas zog rau txoj kev sib tw txoj kev vammeej. Hu ua Hmoob txomyem kuv pom tau tias kwvtij Hmoob Cobtsib yog cov raug txomnyem tshaj plaws xws li peb pom lawv mus tsoo roob pobzeb kom tiaj tus mam li mus ev av los txhub rau cog qoob loo. Yog li no yuav tau paub tusiab muab lub neej poob qab zwm rau hauv hlwb ua neej thiaj li tsis mus ua tej yam phem li kuv hais dhau los saud. Lus muaj ntau tseem xav hais tiamsis hnub no cia xaus li no.

Ua tsaug ntau mam li sib ntsib dua

**koojziagkabzaug** 23rd September 2014, 11:58 am

koojziagkabzaug

koojziagkabzaug: Moderator; Messages : 3529
Date d'inscription : 2010-02-28

Post n°12

Re: Tub kev deb lub chaw tuaj nci ua si & kawm txuj kawm ci

koojziagkabzaug 23rd September 2014, 11:58 am

Kwv Liaj Ntsuab thiab Tub kev deb,

Ua tsaug ntau kwv Liaj Ntsuab, nws cov lus nyiaj lus kub yuav qhuab qhia Peb Hmoob txawj ua neej kom nto ntuj; yog leej twg txawj mloog mas yuav coj tau nws lub neej mus rau kev tau zoo.

hmoobleejtub 23rd September 2014, 1:39 pm

hmoobleejtub

hmoobleejtub: Developer; Messages : 119
Date d'inscription : 2011-08-31

Post n°13

Re: Tub kev deb lub chaw tuaj nci ua si & kawm txuj kawm ci

hmoobleejtub 23rd September 2014, 1:39 pm

Liajntsuab wrote:

Tub kev deb wrote:Nyob zoo hlob Liaj, koj tias koj laus lawm, ces cia kuv hu koj ua hlob xwb og yom, vim kuv muaj li 30 tawm xyoo xwb.
Hlob Liaj yog yam kuv pab tau ces kuv yuav txaus siab pab koj xwb tiam sis muaj ntau yam nyob rau peb teb chaw tsi zoo hais ntshe lam pab tsi tau koj xwb og. Thiab vim kuv tsi txawj tsi ntse li luas ntshe tsi muaj twg mloog xwb.
Ua tsaug koj tuaj qhia koj tus kheej rau kuv. Sib ntsib dua.

Nyob zoo kwv Tub Kev Deb,

Zoo siab koj ua kwv tuaj teb kuv cov lus rov qab. Kuv ua tij yeej muaj hnub nyoog dua koj lawm tiag nawb ces koj yog kwv os.

Kuv tsis muaj ib yam dabtsi tseemceeb los sis ib yam haujlwm uas yuav txhaum txoj cai nyob rau nej lub tebchaws xav kom koj mus ua nawb. Yam kuv xav kom koj mus ua ntawd mas kuv pom tau tias peb ib cov kwvtij Hmoob nyob Cobtsib tebchaws tseem ua neej poob qab heev xws li tseem nyiam haus cawv heev. Haus cawv los twb tsis yog haus nyob hauv tsev xwb tseem mus haus nyob rau kiab khw pw hauv av zoo li tej tsiaj tuav rawv hwj cawv ntawm tes cia tus pojniam zaum tos. Haus Cawv li kuv hais los no tsis yog ib txoj kev pab yus lub neej mus rau txoj kev vammeej, nws yog ib txoj kev ua rau yus puas lub neej ntau tsav yam thiab tsim txom yus lub cev kom txoj siav luv xwb. Dej cawv yog ib yam tshuaj phomsij tshaj plaws ua rau tibneeg lub neej puas yog tias thaum koj muaj yees lawm.

Yog li no kuv ua tij xav kom koj muab kuv tej lus hais los saumtoj no coj mus tshaj tawm nyob rau tej TSIAB PEBCAUG los sis tej qhov chaw uas kwvtj Hmoob tuaj sib sau coob coob uake kom lawv paub thiab tseg txoj kev haus cawv tsis zoo no. Kom kwvtij Hmoob nco qab ntsoov tias peb Hmoob tseem tsis tau ua lub neej txog theem tau zoo mus pw tsaugzog haus dej cawv li ntawd, luag lwm haivneeg twb vammeej kawg lawm los luag tseem sib twv tas zaj tas zog rau txoj kev sib tw txoj kev vammeej. Hu ua Hmoob txomyem kuv pom tau tias kwvtij Hmoob Cobtsib yog cov raug txomnyem tshaj plaws xws li peb pom lawv mus tsoo roob pobzeb kom tiaj tus mam li mus ev av los txhub rau cog qoob loo. Yog li no yuav tau paub tusiab muab lub neej poob qab zwm rau hauv hlwb ua neej thiaj li tsis mus ua tej yam phem li kuv hais dhau los saud. Lus muaj ntau tseem xav hais tiamsis hnub no cia xaus li no.

Ua tsaug ntau mam li sib ntsib dua

Nyob zoo phooj ywg Liaj Ntsuab,

Koj tej lus tseem ceeb heev, tshuav ib qho uas khuam siab ntuv, yog kev zij pojniam, yuav ua cas s/d thiaj tseg tau txoj kev muab tej ntxhais zij npaum li ntes tsiaj ntes ntxuv los tua noj. Txoj kev sib yuav xav thov kom tso kev ywj siab rau ob tog tub thiab ntxhais, yog ob leeg yeem lawm mam sib yuav thiaj tau lub neej sov siab, yuav zoo dua li nyiag txhom yam ib tug tsis yeem. Pom ntaus zaus qhov cov tub cia li muab tej ntxhais zij yam tsis raug ntsej raug muag taug kev. Txawm tus ntxhais ntawd yuav quaj qw npaum twg los yeej tsis muaj leej twg kub siab khuv leej txog nws txoj kev quaj qwj ntawd li. Tej no, piv yam li peb txiv neej saib tej poj niam tsis rau lub sam xeeb. Yog peb txiv neej ua npaum no rau cov ntxhais, thaum cov ntxhais tsis txaus siab es lawv tig hlo mus qhau hau rau lwm tsav neeg ua yeeb ncuab tawm tsam peb lawm, peb yuav ua tsis nyog neeg zoo ib yam li thaum peb muab ib tug ntxhais tsis yeem nrog peb mus koom siav ua neej yuam nrog peb mus ua neej. Poj niam txiv neej, yog luag xav yuav yus lawm tsis tim yuav zij yuav cab npaum cab nyuj twm los chaws khiab.

Peb Hmoob txoj kev zijpoj niam nws yuam txoj cai Universal Declaration of Human Rights article 3,4,5, 9, 12, 16(2) and (3).
Yav tom ntej yog tus tub tus ntxhais twg tsis tso tseg txoj kev yuam lwm tus yuav ua poj niam ua txiv yam luag tsis txaus siab, tus raug yuam muaj cai foob rau nom tswv, yog nom tswv tsis muab kev tsom kwm, nom tswv yuav raug taus lub txim vim tsis muab kev tiv thaiv raws Universal Declaration of Human Rights.

Xav kom sawv daws tso tseg txoj kev quab yuam txij hnub no mus. txhob siv dev npua cai los txhom neeg taug kev kwv mus ua nyab lawm vim yuam UN txoj caij loj dhau.

xiongchang 23rd September 2014, 4:22 pm

xiongchang

xiongchang: Moderator; Messages : 5005
Date d'inscription : 2012-04-16

Post n°14

Re: Tub kev deb lub chaw tuaj nci ua si & kawm txuj kawm ci

xiongchang 23rd September 2014, 4:22 pm

......Thov zam txim ntau....Kuv yuav tham txog....Ib nqe lug me ntsis raws li....Kuv kawm ntawv....Yav ntuj thaum me nyuam tub....Noob nyoog nce xyoo kaum....Yog tsi paub npe tias....Luam mam hu tias....Yog tsi paub npe....Thiaj hu ua....{Phooj ywg!}....Yog paub npe lawm....Seb noob nyoog....Nyob qe twg?....Yog paj tij....Phaj kwv kwv....Txiv ntxawm....Txiv hlob....Phaj yawg....Yawg koob....Tug muam....Yog hluas nkauj....Me leej muam....Yog hluas nkauj....Yog paub npe lawm....Hu tuav nkaug npe....Zoo mloog dua....Niam tij....Niam ntxawm....Niam hlob....Pog....Pog koob....Lug nplog hais tias....(Xam nias - Npua - Pha xam - Kib lib nya - Npuam - Xab koos)

Liajntsuab 23rd September 2014, 4:41 pm

Liajntsuab

Liajntsuab: Sponsor; Messages : 809
Date d'inscription : 2011-12-04

Post n°15

Re: Tub kev deb lub chaw tuaj nci ua si & kawm txuj kawm ci

Liajntsuab 23rd September 2014, 4:41 pm

koojziagkabzaug wrote:

Kwv Liaj Ntsuab thiab Tub kev deb,

Ua tsaug ntau kwv Liaj Ntsuab, nws cov lus nyiaj lus kub yuav qhuab qhia Peb Hmoob txawj ua neej kom nto ntuj; yog leej twg txawj mloog mas yuav coj tau nws lub neej mus rau kev tau zoo.

Niamtij,

Twb yog kuv pom cov kwvtij Hmoob Cobtsib muaj ib txhia tseem coj li kuv hais ntawd thiaj li muab lus faj rau Tub Kev Deb coj mus qog qhia lawv xwb. Yeej yog yus muaj kev hlub tshua txog lawv vim peb yog ib Tsob Hmoob tiag thiaj li tsa ncauj hais.

Vam tias Tub Kev Deb yuav muab peb tej lus coj mus qog qhia ib tsoom kwvtij Hmoob txhua tus tau hnov.

**koojziagkabzaug** 23rd September 2014, 5:16 pm

koojziagkabzaug

koojziagkabzaug: Moderator; Messages : 3529
Date d'inscription : 2010-02-28

Post n°16

Re: Tub kev deb lub chaw tuaj nci ua si & kawm txuj kawm ci

koojziagkabzaug 23rd September 2014, 5:16 pm

Kwv Liaj Ntsuab,

Yog muab ntsia thiab xav zoo zoo mas kuj tu siab kawg thiab, tsis hais ntau, tab ntsia kiag qhov nws piav los saum toj no, tus txiv tuav rawv hwj cawv haus ua qaug zoj qaug zis rau tus niam nyob zaum tos mas twb yog tsis saib tug niam kiag li lawm; tus txiv no ces ho noj tsau haus qaug, tseg tus niad, tseem cia tus niam zaum tos thiab mas yog tsis txawj xav kiag li lawm. Kuj los txuas rau qhov tij laug Hmoob leej tub hais, poj niam nyiam tsis nyiam los tsuav yus xav yuav poj niam ces cia li muab zij los yuam yuav yus, coj los txog ces muab coj los ua nyuj thauj ua nees ev rau yus siv yam tus tsiaj coj los rau yus siv yam tsis saib nws li. Li nov mas yog ua neej rov qab lawm, tsis yog ua neej vam meej.

Muaj cov neeg mus sab teb chaws tid, kuj tham tias cov txiv neej haus dej haus cawv, twv txiaj yuam pov, tsis pab poj niam kuj muaj coob kawg li thiab no. Yam lub teb chaws txom nyem tshaj mas haj yam tsis sib pab khwv kom zoo, tseem yuav siv kev cai caij tsuj kom yus siab zog vim luag twb tsuj yus heev los tseem muaj tus qes tshaj los rau yus tsuj thiab.

Tau tus poj niam tsis raws kev cai (Hmong Nyab laj )

Tus poj niam puas tau raug ntes [ Hmong nyab laj ]

Ntes Tus Hluas Nkauj Ua Poj Niam - Hmoob Nyob Lai Chau Nyab Laj Teb

HMONG TV - HMOOB NYAB LAJ ZIJ POJ NIAM

Liajntsuab 23rd September 2014, 6:43 pm

Liajntsuab

Liajntsuab: Sponsor; Messages : 809
Date d'inscription : 2011-12-04

Post n°17

Re: Tub kev deb lub chaw tuaj nci ua si & kawm txuj kawm ci

Liajntsuab 23rd September 2014, 6:43 pm

[quote="hmoobleejtub"]

Liajntsuab wrote:

Tub kev deb wrote:Nyob zoo hlob Liaj, koj tias koj laus lawm, ces cia kuv hu koj ua hlob xwb og yom, vim kuv muaj li 30 tawm xyoo xwb.
Hlob Liaj yog yam kuv pab tau ces kuv yuav txaus siab pab koj xwb tiam sis muaj ntau yam nyob rau peb teb chaw tsi zoo hais ntshe lam pab tsi tau koj xwb og. Thiab vim kuv tsi txawj tsi ntse li luas ntshe tsi muaj twg mloog xwb.
Ua tsaug koj tuaj qhia koj tus kheej rau kuv. Sib ntsib dua.

Nyob zoo kwv Tub Kev Deb,

Zoo siab koj ua kwv tuaj teb kuv cov lus rov qab. Kuv ua tij yeej muaj hnub nyoog dua koj lawm tiag nawb ces koj yog kwv os.

Kuv tsis muaj ib yam dabtsi tseemceeb los sis ib yam haujlwm uas yuav txhaum txoj cai nyob rau nej lub tebchaws xav kom koj mus ua nawb. Yam kuv xav kom koj mus ua ntawd mas kuv pom tau tias peb ib cov kwvtij Hmoob nyob Cobtsib tebchaws tseem ua neej poob qab heev xws li tseem nyiam haus cawv heev. Haus cawv los twb tsis yog haus nyob hauv tsev xwb tseem mus haus nyob rau kiab khw pw hauv av zoo li tej tsiaj tuav rawv hwj cawv ntawm tes cia tus pojniam zaum tos. Haus Cawv li kuv hais los no tsis yog ib txoj kev pab yus lub neej mus rau txoj kev vammeej, nws yog ib txoj kev ua rau yus puas lub neej ntau tsav yam thiab tsim txom yus lub cev kom txoj siav luv xwb. Dej cawv yog ib yam tshuaj phomsij tshaj plaws ua rau tibneeg lub neej puas yog tias thaum koj muaj yees lawm.

Yog li no kuv ua tij xav kom koj muab kuv tej lus hais los saumtoj no coj mus tshaj tawm nyob rau tej TSIAB PEBCAUG los sis tej qhov chaw uas kwvtj Hmoob tuaj sib sau coob coob uake kom lawv paub thiab tseg txoj kev haus cawv tsis zoo no. Kom kwvtij Hmoob nco qab ntsoov tias peb Hmoob tseem tsis tau ua lub neej txog theem tau zoo mus pw tsaugzog haus dej cawv li ntawd, luag lwm haivneeg twb vammeej kawg lawm los luag tseem sib twv tas zaj tas zog rau txoj kev sib tw txoj kev vammeej. Hu ua Hmoob txomyem kuv pom tau tias kwvtij Hmoob Cobtsib yog cov raug txomnyem tshaj plaws xws li peb pom lawv mus tsoo roob pobzeb kom tiaj tus mam li mus ev av los txhub rau cog qoob loo. Yog li no yuav tau paub tusiab muab lub neej poob qab zwm rau hauv hlwb ua neej thiaj li tsis mus ua tej yam phem li kuv hais dhau los saud. Lus muaj ntau tseem xav hais tiamsis hnub no cia xaus li no.

Ua tsaug ntau mam li sib ntsib dua

Nyob zoo phooj ywg Liaj Ntsuab,

Koj tej lus tseem ceeb heev, tshuav ib qho uas khuam siab ntuv, yog kev zij pojniam, yuav ua cas s/d thiaj tseg tau txoj kev muab tej ntxhais zij npaum li ntes tsiaj ntes ntxuv los tua noj. Txoj kev sib yuav xav thov kom tso kev ywj siab rau ob tog tub thiab ntxhais, yog ob leeg yeem lawm mam sib yuav thiaj tau lub neej sov siab, yuav zoo dua li nyiag txhom yam ib tug tsis yeem. Pom ntaus zaus qhov cov tub cia li muab tej ntxhais zij yam tsis raug ntsej raug muag taug kev. Txawm tus ntxhais ntawd yuav quaj qw npaum twg los yeej tsis muaj leej twg kub siab khuv leej txog nws txoj kev quaj qwj ntawd li. Tej no, piv yam li peb txiv neej saib tej poj niam tsis rau lub sam xeeb. Yog peb txiv neej ua npaum no rau cov ntxhais, thaum cov ntxhais tsis txaus siab es lawv tig hlo mus qhau hau rau lwm tsav neeg ua yeeb ncuab tawm tsam peb lawm, peb yuav ua tsis nyog neeg zoo ib yam li thaum peb muab ib tug ntxhais tsis yeem nrog peb mus koom siav ua neej yuam nrog peb mus ua neej. Poj niam txiv neej, yog luag xav yuav yus lawm tsis tim yuav zij yuav cab npaum cab nyuj twm los chaws khiab.

Peb Hmoob txoj kev zijpoj niam nws yuam txoj cai Universal Declaration of Human Rights article 3,4,5, 9, 12, 16(2) and (3).
Yav tom ntej yog tus tub tus ntxhais twg tsis tso tseg txoj kev yuam lwm tus yuav ua poj niam ua txiv yam luag tsis txaus siab, tus raug yuam muaj cai foob rau nom tswv, yog nom tswv tsis muab kev tsom kwm, nom tswv yuav raug taus lub txim vim tsis muab kev tiv thaiv raws Universal Declaration of Human Rights.

Xav kom sawv daws tso tseg txoj kev quab yuam txij hnub no mus. txhob siv dev npua cai los txhom neeg taug kev kwv mus ua nyab lawm vim yuam UN txoj caij loj dhau.
[/quote

Hmoob leejtub,

Yog li koj hais lawm os. Txoj kev zij pojniam li lawv tseem niajhnub coj no li peb pom hauv internet ntawd mas yog txheej qub qub puag thaum ub tej laus coj lawm xwb. Tos thaum ub tej laus ho coj tej niag cai zij pojniam li ntawd los vim yog muaj ib txhia pojniam lawv pheej ua cai thiab ces yog yus tsis zij nws tsis kam nrog yus los li thiab no. TIANSIS nyob rau tiam21 no tej tub thiab ntxhais lawv tsis txajmuag thiab coj li qub lawm, qee zaus tej ntxhais tseem yog cov xub rub tej tub tes ua ntej lawm thiab hehehe yog li no thov kom tsoom Hmoob tsis hais nyob lub tebchaws twg yuav tsun tso tseg txoj niag cai qub qub zij pojniam ntawd. Nyob rau tiam los yog txheej no twb tsis hais tej pojniam uas yus zij los nrog yus ua neej hais kiag cov uas nws zoo siab hlo nrog yus los ua neej ntawd ib txhia twb tseem khiav tawm ntawm yus qees mus lawm. Txoj kev ua neej yuav tsun yog 2 leeg sib nyiam tiag tiag thiab sib hlub kawg siab kawg ntsws thiaj li ua neej sov siab tag ib simneej thiab thiaj muaj lub zog los khwv yam tsis nco qab khuvxim yus lub dagzog. Yog sawvdaws totaub li wb tham no ces yeej yuav tso taus tseg tej yam tsis zoo li wb tham dhau los no.

xiongchang 23rd September 2014, 7:05 pm

xiongchang

xiongchang: Moderator; Messages : 5005
Date d'inscription : 2012-04-16

Post n°18

Re: Tub kev deb lub chaw tuaj nci ua si & kawm txuj kawm ci

xiongchang 23rd September 2014, 7:05 pm

......Kuv ntsia hmoob zov kev txhom zij luag tej ntxhias....Yuav ua poj niam....Hmoob cai tsiaj txhu xwb....Tsi yog neeg paub cai ntiaj teb...."No Human Right"....Yog tsiaj txhu quab yuam....Ntiaj teb Ua neej neeg....(caj nceeg - Pheej xeeb)

Liajntsuab 24th September 2014, 3:08 pm

Liajntsuab

Liajntsuab: Sponsor; Messages : 809
Date d'inscription : 2011-12-04

Post n°19

Re: Tub kev deb lub chaw tuaj nci ua si & kawm txuj kawm ci

Liajntsuab 24th September 2014, 3:08 pm

[b]Niamtij Koojziagkabzaug,

Yeej txaus tusiab heev li os nawb hais txog koj cov vdo zij pojniam ntawd na Embarassed

. Peb muaj ib txhia neeg tsis yog ua neej tiag lawv ib txhia yog ua neeg xwb tus yuav hlub los hlub hos tus tsis xav hlub thiaj li muab tso yoojyim li ntawd. Muab hais los txog ntawm peb txivneej ho pheej zij pojniam li ntawd los vim yog tim nej cov pojniam thiab ne Very Happy

. Yog vim licas kuv ho hais li ntawd? Rau qhov tias feem ntau ntawm pojniam Hmoob mas txawm tias nws nyiam yus tas siab tas ntsws tsis hais kam deev los yog kam yuav yus los nws YEEJ TSEEM UA CAI TSIS KAM KIAG THIAB

yuav tsum tos txog ntua txivneej ib nyuag YUAM CAI los sis RUB TES ZIJ KIAG mas mam li kam Embarassed

Hmoob thiaj li muaj cov dabneeg hais tias NEJ ZIJ NEJ KUV QUAJ KUV thiab cov hais tias thaum Niamtais caum qab lawm nws lam quaj quaj xwb nraug Vauv yuam kev lawm nws tseem qhia tias NIAM YUAV YOG YOG TXOJ NRAM KO LI OS kom lawv ho coj nws khiav dim thiab. Hos thaum zij mas quaj da quaj da los sis tseem tau muab txhom ev mam li coj tau los txog tsev tiamsis LOS PW NTSIAG TO TAGKIS TXAWM SIV LUAG NYAV LAWM Laughing

. Thaum zoo li no lawm txivneej sim TAU thiab paub pojniam lub TSWV8 TSWV9 lawm ces thiaj li dhau los mus ua zoo li ib qhov niag kev cai lawm.

Thov kom txij no lawm tod nej cov Niamtsev yuav tau cob qhia tej me ntxhais tsis txhob coj li cov laus lawm nawb. Tiamsis ua li kuv hais rau Hmoobleejtub uas txheej hluas nimno lawv pauv lawm ntau heev yog lawv tsis yeem koj txhob lam kov ib ntsis plhu liab thiab tau plaub nawb. Hos peb txivneej mas yog tus pojniam uas yus tsis nyiam lam tuaj txhom zij peb ua rau nej mas kawg tes lov thiab mag ncaws los sis ua lwm yam kom dim xwb xwb li lau Very Happy

koj seb tim peb Ameslika no twb muaj ib tug me tub hluas es pog laus yuav tim Nplog tuaj raug dai tuag tsis ntev los no lawm ne. Ua tsaug rau nej cov pojniam siab zoo os nawb Very Happy

Ua tsaug ntau[/b]

**koojziagkabzaug** 25th September 2014, 12:56 am

koojziagkabzaug

koojziagkabzaug: Moderator; Messages : 3529
Date d'inscription : 2010-02-28

Post n°20

Re: Tub kev deb lub chaw tuaj nci ua si & kawm txuj kawm ci

koojziagkabzaug 25th September 2014, 12:56 am

Nyob zoo kwv Liaj Ntsuab,

Txawm yog ib cov txiv neej xav tias poj niam ces lam ua cai los ua plhu xwb; tsuav yus kov kiag ces yeej muag luav no xwb ces thaum lub sij hawm uas teb chaws Nplog tsis tau tawg (1975), nyuam qhuav tsum tsov rog, ob tog los koom tes kav teb chaws, nyob Nplog teb hmoob nyias tseem muaj nyias phom, lawv tsis tau sau phom rov qab; nyob Nas Xus, kuv muaj ib tug niam hluas, ib yawg yog cov neeg niaj hnub nyob ua ke, cav muaj plhus nyiag nkag los zaum kiag ntawm kuv niam hluas lub txaj uas muaj ib tug me nyuam ntxhais nrog nws pw. Kuv niam hluas kom nws khiav nws tsis khiav, nws cev tes loo xuas kuv niam hlua, kuv niam hluas tsis thawb nws tes, cev loo tes mus thau loo rab phom M16 pem hauv ncoo, sawv tseem zaum nta loo muas txwv, taw phom rau yawg hauv siab, yawg cia li xiam xiam ntsev thaub qab tawm tij ywm lawm xwb.

Tub kev deb lub chaw tuaj nci ua si & kawm txuj kawm ci M1611

Kuv hais ncaj, luag txawm ua cai thiab tsis ua los yus yuav tib zoo hais, tib zoo coj li neeg es txhob ua li luag yog tsiaj tsis muaj hlwb xav. Nej txhob muab cov ntxhais ntug zos piv rau nkauj nruab zog, txhob muab nkauj liam piv rau nkauj tsim txiaj, txhob khav tias yus rab yuav kav tau ntuj yus tso zis tsis dhau yus lub ntug cub, txhob khav tias yus yog txiv neej ces yus yuav siv cai dev npuas los yuam poj niam deev, yus txiv neej tsuas muaj tus ob ceg xwb lub tswv yim puas ntse tshaj tus poj niam raug luag lem.

Hmoob coj cai dev npau, ntuj thiaj nplua, ua rau Hmoob tsis muaj chaw cob cuab; vim Hmoob tsis hwm qhov uas Hmoob tawm los, Hmoob muab poj niam siv ua dev ua npuas los ua nuj nqes thom. Raws cov video saud mas tsis pom ib tug twg yuav pab tus ntxhais li, tab nws tus phooj ywg, tus viv ncaus los leej niam kiag twb tsis muaj cai ib nyuag pab tus ntxhais li; tab sis qhua taum ob cag twb tsis hais cov txheeb ze mas muaj cai pab tus tub tag nrho. Tej no yog muab xav zoo zoo mas Peb Hmoob yog siab dev npua, tsis yog siab ntsws neeg, sawv daws txawm yuav qe muag nti cia luag muab tus ntxhais yuam ntawm sawv daws xub ntiag. Tej no tsis yog cai ib qho li.

Cov txiv neej lam tau lam ntsia luag tej ntxhais, xav yuav tus twg ces cia li ntho tes cab xwb, twb tsis nug tus ntxhais seb nws puas tau npaj siab yuav txiv, npaj siab tsa lub neej cia li muab luag yuav. Tus niag dem dawg ntshij los ywj mus zij luag tej nxhais zoo lo yuam li. Tub qaug neeg tshaj, Hmoob siv cai dev npua, uas Hmoob kawg yuav haus luag kua xwb. Tsis xav tias tsam tus ntxhais ntawd tseem muaj lub hom phiaj xav kawm txuj, tseem tshua txoj hauj lwm zoo yua ua, cia li muab luag rub los yuav, los txog yus tsev mas yuav kom nyo haus rau yus tswj kav xwb; ntau zaud mas niag txiv tib tug ruam ntsuav xwb tsis kav khav tsuj tsis pub tus poj niam hais ib los li Evil or Very Mad

Xav los mas txiv neej Hmoob tsis yog tuaj ntawm neeg tuaj ntawm NTUJ tuaj, yog tuaj ntawm dab tuaj xwb thiaj li muaj peev xwm tsim tus uas nrog yus faib txoj sia.

Hais los lawm ces yuav hais kom tag, kom tshab tsis tseg lus thiab tsis rov hais ntxiv lawm.
Txiv neej Hmoob mas khav tias ntse thiab muaj cai no RUAM tshaj qhov RUAM lawm. Tsis paub tias yus yuav hais lus mos lus muag rau yus tus poj niam, tus yus hlub kom nws zoo siab, kaj siab nws thiaj li xav nrog yus ua niam txiv, nws tej chaw mos thiaj tsis qhuav qhawv rau yus. Txiv Neej Hmoob ua neej rov qab lawm, yuav tau poj niam los mas tsuas paub cem, yuam cuag yuam tshis hla dej, tsis hlub li. Tsis hais noj haus, hauj lwm, lo lus yeej cem thiab nias tas li xwb. Ua rau tej poj niam tu tu siab, cia lub cev rau tus txiv siv li ib qho khoom xwb kav liam li, tsis muab lub siab, qhov ntshaw rau ntawm kev niam txiv li lawm, ua li no mas zoo li COV TXIV NEEJ HMOOB NO TWB TSIS YOG UA PAUM CIAJ LI, UA PAUM TUAG XWB TAB SIS LAWV CAV ZOO SIAB TIAS LAWV MAS NTSE TSHAJ TAU TSUJ NTHI TUS POJ NIAM HAIS TSIS TAU IB LOS LI. NYIAJ TXIAG LOS NWS TUAV TAG NRHO, LUS LOS CIA NWS HAIS XWB THIAJ YOG, XAV NROG POJ NIAM PW THAUM TWG CES RUB LOO XWB, PW TAG UAS TSIS TAUS LAWM CES TSIS QUAV NTSEJ POJ NIAM LI. POJ NIAM NYOB TOS THAUM TWG NWS XAV SIV POJ NIAM XWB; POJ NIAM TSIS MUAJ CAI YUAV KOV NWS TIAS HNUB NO TSIS YOG NWS XAV NROG POJ NIAM PW TAB SIS YOG TUS POJ NIAM XAV NROG NWS PW LI. TUS POJ NIAM MAS TSIS MUAJ CAI YUAV XAV TAU IB YAM LI, YUAV TSUM NYOB LI IB QHOV KHOOM TSIS MUAJ SIA RAU NTAWD RAU TUS TXIV SIV NKAUS XWB. Hmoob nej, noj txhij xav txhua es nej puas tu siab? Niaj hnub cem poj niam ntshaw qau loj, tab sis twb yog yus tus me dhau es yus ntshaw kom luag li zawm xwb los tseem muab luag cem lo rau ub rau no. Pab nej tu siab kawg. Luag mab sua, luag tsis RUAM li Peb Hmoob, luag hlub luag tej poj niam, chaw pom kev los tej poj niam zoo siab hlo nrog yus ua neej, chaw tsaus ntuj los ob leeg zoo siab ces sib txhawb ua neej. Peb Hmoob siv cai dev npua xwb, thaum poj niam tus siab dhau thiab tsis muaj qhov niaj hnub xav nrog yus ua niam txiv, ib ce qhuav tag no ces ho mus deev hluas nkauj yuav dua niam yau. Tsis yog ntse ib qho li, yog ruam tshaj qhov ruam lawm xwb.

HAIS NCAJ, YOG HMOOB TSIS HLOOV HMOOB TUS CWJ PWM, HMOOB YUAV KHAUM MUS TXOG LUB CAIJ UAS HMOOB TU NOOB HAUV NTIAJ TEB NO MUS.

Liajntsuab 25th September 2014, 9:13 am

Liajntsuab

Liajntsuab: Sponsor; Messages : 809
Date d'inscription : 2011-12-04

Post n°21

Re: Tub kev deb lub chaw tuaj nci ua si & kawm txuj kawm ci

Liajntsuab 25th September 2014, 9:13 am

[code]Nyob zoo sawv ntxov Niamtij KZKZ,

Wow!!!! kuv mas nyiam cov pojniam uas ua tau li koj tus Niam hluas ntawd kawg nkaus. Kuv xav kom peb tej pojniam Hmoob coj tau li ntawd txhua tus es cov txivneej tsis coj cai thiaj li SAIB TAUS nej nawb. Kuv pom ntau los nyob rau hauv kuv lub neej thiab hnov tham yeej muaj ib co txivneej coj dev npua cai li koj ua tij hais ntawd thiab yeej tsimnyog kawgkiag uas cov pojniam paubtab li nej qee tus yuav tau sawv los tithaiv. Yog txoj cai lawm os nawb thiab kuv txhawb nej lub zog 100% rau cov txivneej yuam cai. Tiamsis ho txhob chim thiab tusiab tag tag rau peb txivneej txhua tus, thov nej cem los ho cem cov uas ua phem rau nej xwb vim peb feem ntau tsis coj li ntawd. Nyob rau peb sab tebchaws tim no muaj qee tus pojniam cov uas KAWM TXAWJ XWB TSIS NTSE mus sau xovxwm tias TXIVNEEJ HMOOB PHEM THIAB NTAUS POJNIAM, qhov no yog ib qho yuam kev loj ua rau lwm haivneeg saib tsis taus yus tsavneeg. Luag lwm haivneeg los yeej muaj cov txivneej phem li ib txhia txivneej Hmoob thiab tiamsis luag tej pojniam muaj kev txawj ntse luag tsis luaj zus li ib txhia pojniam Hmoob kuv hais los ntawd.

Naimtij, koj puas tseem nco tau kuv zaj dabneeg thaum i kuv qhia nej tom Hmongza txog tus txivneej Hmoob uas nws pojniam thiab tus ntxhais caij tsheb kaujvab sib nqe ntog tus pojniam vau tsoo nws qhov ncauj to los tshav nrog taw to es tus txiv tsis los rub tes hlub thiab pab so ntshav hos tseem cem tus pojniam tias tsis saib zoo thiaj ua lintawd no es tus txiv tseem yuav luag muab tus pojniam ncaws rau peb ntsia thiab, ua rau tus pojniam quaj twjywm hos pom me kuamuag tawm ntws sis los mas kuv hlub nwstiag tiag li os. Thaum ntawd kuv twb txav ze zog yog lam ntaus no ces kuv yuav mus thaiv no tiamsis kuv saib tus txiv nruj nrujces ntsh nws txajmuag thiab thiaj li tsis ntaus. Kuv mas ntxub cov txivneej uas coj li tus ntawd tshaj. Tus pojniam kuv hais ntawd zoo nkauj xis neeg ntxim hlub kawg thiab hov.

Kuv tuskheej kiag ua neej laus li no twb tsis tau ntaus koj Niam Ntxawm ib khaujtsiav los sis ib tawg ncuav, txhua yam yuav ua dabtsi los yuav tsum yog 2 leeg pom zoo mam li ua. Tsuas yog muaj qee zaus thaum tsis sib totaub thiaj li sib cav me ntsis xwb. Kuv li kuv xav tias yus tus pojniam zoo tam li yus txoj sia vim muaj nws ua tus txhawb yus lub zog lub neej thiaj tsheej neeg, yog li no kuv muab nws saib muaj nujnqis tsis lam pub nws lub meejmom qis. Yus pojniam yog yus tsis hlub thiab saib tsis taus nws lawm luag lwm tus yuav saib tsis taus nws ces thaum zoo li no yus puag nws pw los yeej tsis sov lawm. Txoj kev ua neej yuav tsum yog 2 LEEG SIB SAIB TAUS THIAB SIB HLUB ua ntej yuav ua dabtsi thiaj li mus tau zoo os.

Muab zaj nkauj nram no pub koj ua tij mloog. Thov ua tsaug ntau rau koj cov lus thiab lub sijhawm os nawb.2014-09-25[/code]
https://www.youtube.com/watch?v=fYPr1zR6b0Q

Liajntsuab 25th September 2014, 9:15 am

Liajntsuab

Liajntsuab: Sponsor; Messages : 809
Date d'inscription : 2011-12-04

Post n°22

Re: Tub kev deb lub chaw tuaj nci ua si & kawm txuj kawm ci

Liajntsuab 25th September 2014, 9:15 am

Nyob zoo sawv ntxov Niamtij KZKZ,

Wow!!!! kuv mas nyiam cov pojniam uas ua tau li koj tus Niam hluas ntawd kawg nkaus. Kuv xav kom peb tej pojniam Hmoob coj tau li ntawd txhua tus es cov txivneej tsis coj cai thiaj li SAIB TAUS nej nawb. Kuv pom ntau los nyob rau hauv kuv lub neej thiab hnov tham yeej muaj ib co txivneej coj dev npua cai li koj ua tij hais ntawd thiab yeej tsimnyog kawgkiag uas cov pojniam paubtab li nej qee tus yuav tau sawv los tithaiv. Yog txoj cai lawm os nawb thiab kuv txhawb nej lub zog 100% rau cov txivneej yuam cai. Tiamsis ho txhob chim thiab tusiab tag tag rau peb txivneej txhua tus, thov nej cem los ho cem cov uas ua phem rau nej xwb vim peb feem ntau tsis coj li ntawd. Nyob rau peb sab tebchaws tim no muaj qee tus pojniam cov uas KAWM TXAWJ XWB TSIS NTSE mus sau xovxwm tias TXIVNEEJ HMOOB PHEM THIAB NTAUS POJNIAM, qhov no yog ib qho yuam kev loj ua rau lwm haivneeg saib tsis taus yus tsavneeg. Luag lwm haivneeg los yeej muaj cov txivneej phem li ib txhia txivneej Hmoob thiab tiamsis luag tej pojniam muaj kev txawj ntse luag tsis luaj zus li ib txhia pojniam Hmoob kuv hais los ntawd.

Naimtij, koj puas tseem nco tau kuv zaj dabneeg thaum i kuv qhia nej tom Hmongza txog tus txivneej Hmoob uas nws pojniam thiab tus ntxhais caij tsheb kaujvab sib nqe ntog tus pojniam vau tsoo nws qhov ncauj to los tshav nrog taw to es tus txiv tsis los rub tes hlub thiab pab so ntshav hos tseem cem tus pojniam tias tsis saib zoo thiaj ua lintawd no es tus txiv tseem yuav luag muab tus pojniam ncaws rau peb ntsia thiab, ua rau tus pojniam quaj twjywm hos pom me kuamuag tawm ntws sis los mas kuv hlub nwstiag tiag li os. Thaum ntawd kuv twb txav ze zog yog lam ntaus no ces kuv yuav mus thaiv no tiamsis kuv saib tus txiv nruj nrujces ntsh nws txajmuag thiab thiaj li tsis ntaus. Kuv mas ntxub cov txivneej uas coj li tus ntawd tshaj. Tus pojniam kuv hais ntawd zoo nkauj xis neeg ntxim hlub kawg thiab hov.

Kuv tuskheej kiag ua neej laus li no twb tsis tau ntaus koj Niam Ntxawm ib khaujtsiav los sis ib tawg ncuav, txhua yam yuav ua dabtsi los yuav tsum yog 2 leeg pom zoo mam li ua. Tsuas yog muaj qee zaus thaum tsis sib totaub thiaj li sib cav me ntsis xwb. Kuv li kuv xav tias yus tus pojniam zoo tam li yus txoj sia vim muaj nws ua tus txhawb yus lub zog lub neej thiaj tsheej neeg, yog li no kuv muab nws saib muaj nujnqis tsis lam pub nws lub meejmom qis. Yus pojniam yog yus tsis hlub thiab saib tsis taus nws lawm luag lwm tus yuav saib tsis taus nws ces thaum zoo li no yus puag nws pw los yeej tsis sov lawm. Txoj kev ua neej yuav tsum yog 2 LEEG SIB SAIB TAUS THIAB SIB HLUB ua ntej yuav ua dabtsi thiaj li mus tau zoo os.

Muab zaj nkauj nram no pub koj ua tij mloog. Thov ua tsaug ntau rau koj cov lus thiab lub sijhawm os nawb.
https://www.youtube.com/watch?v=fYPr1zR6b0Q

Niam Tsev Yog Lub POV HAUM

**koojziagkabzaug** 25th September 2014, 12:55 pm

koojziagkabzaug

koojziagkabzaug: Moderator; Messages : 3529
Date d'inscription : 2010-02-28

Post n°23

Re: Tub kev deb lub chaw tuaj nci ua si & kawm txuj kawm ci

koojziagkabzaug 25th September 2014, 12:55 pm

Kwv Liaj ntsuab,

Ntsia coob leej poj niam hmoob txom nyem dhau lawm ces thiaj hais tau lus nchav zog lawm, thov zam lub txheej.

Kuv hais, tsis yog yuav hais tag nrho txiv neej hmoob, tab sis yeej yog ib feem coob coj tsis zoo thiaj ua tau ib txoj cai tsis zoo rau tsoom Hmoob taug los txog niaj hnub no. Haiv neeg twg tsis hwm poj niam, caij tsuj poj niam mas haiv neeg ntawd tsis vam meej taus ib zaug; vim poj niam tsis yog zog tab, lam tso lub npe zog tab xwb, poj niam thev dua txiv neej thiab poj niam ntse thiab muaj tswv yim zoo heev. Yog tsis yuav poj niam tswv yim, poj niam kev pab ces zoo nkaus li tus neeg muaj ib txhais ko taw xwb, yuav caum tsis tau luag tej uas muaj zoo tes zoo taw.

Kuv pom tej tug poj niam hmoob muaj peev xwm, muaj laj lim, ua nom tshauv rau mab sua hwm tab sis ntawm Peb Hmoob mas nws nyob tom tsev mov, zaum nram qhov rooj xwb, cov txiv neej tsis hais lus rau nws li, muaj sab laj mas nws tsis tau nrog lawv zaum rooj sib txig li, nws zaum tom qab xwb. Tu siab kawg Peb Hmoob tsis hloov uas thaum twg xav txog ces yuav lig lawm. Ntiaj teb no tsis muaj ib cov poj niam zoo npaum poj niam hmoob los tiam cov txiv neej hmoob ntxiv lawm.

Muaj ob niam txiv, muaj ib xyoos tim peb los te dej khov qhov txhua chaw tag, ob niam txiv tawm rooj, tus niad cia li luam kiag ntog, tus txiv tsis los tsa, tseem hais tias: "aub! yaud, koj mas rhuav plhu heev, khiav deb deb tsam txaj muag!" Ces cia luag pej kum mam los tsa tus niad sawv xwb; twb tsis hais tias yus ua txiv es yuav qawm lias yus tus poj niad qhoob lawd, plhws seb puas raug nws qhov twg; yus yog tus txiv, yus tseem khiav rau luag mam los tsa yus tus neeg ces tsis yog tus ntog ntawd txaj muag hos yog yus tus tsis pab luag thaum muaj kev plhom sij txaj muag xwb. Yog txawj xav mas yog li ntawd.

Muaj ib yawg, ntau nws poj niam ces poj niam khiav tawm nraum zoo, tseem caum mus ntau poj niam ntxiv thiab, txawm muaj ob yawg neeg ej kum los txog ntawd, hais rau yawg hmoob tias, koj muaj peev xwm diam txhob ntau poj niam, los ntau kuv; ces yawg neeg pej kum ntawd txawm nam zog los tuav nkaus yawg hmoob caj dab tshos; aib yawg hmoob tus kwv pom yawg pej kum tua yawg tij laug dab tshos ces khiav loo mus nqa rab riam tuaj nkaug kiag yawg neeg pej kum. Thaum kawg ces ob kwv tij tau mag nkuaj tib si. Tej yam zoo li no mas tsim nyog yuav thim xav me ntsis es tsis txhob yuav xav txog yus tus txiv neej lub hwj chim xwb. Yuav ntsia luag pej kum neeg vam meej seb luag coj li cas luag thiaj vam meej taus.

Liajntsuab 25th September 2014, 2:44 pm

Liajntsuab

Liajntsuab: Sponsor; Messages : 809
Date d'inscription : 2011-12-04

Post n°24

Re: Tub kev deb lub chaw tuaj nci ua si & kawm txuj kawm ci

Liajntsuab 25th September 2014, 2:44 pm

Niamtij KZKZ.

Tsis muaj dabsi os nawb, koj ua tij ua siab loj yeej tsimnyog nej cov ua Niam npau taws thiab chim lawm vim peb ib txhia txivneej lam yog tau meejmom Txivneej xwb tiamsis nws lub hwjchim thiab tus mojyam yeej coj tau li tej pojniam uas tsis paub qabhau.

Nimno Hmoob muaj tej xovtooj cua mloog ntawm xovtooj nta ntau lub thiab pojniam txivneej sawvdaws tuaj tawm suab kuv mloog mus mloog los zoo li nej pojniam feem ntau tseem coj tau tog dua tsis lam tuaj hais tej niag lus tsis raug ntsej raug muag rau tsheej 2-3 phav leej neeg mloog. Yeeb vim li no ib txhia pojniam tsis tsheej haj thiaj li kav xyeem mus deev hluas. Tsis hais tus pojniam los yog tus txivneej paub cai thiab hwm nws tuskheej thiab nws haivneeg nws hais dabtsi yeej yog dabsi. Nyob rau peb tiam no kuv pom tau tias sawvdaws yeej pauv lawm ntau tsuas yog tshuav ib txhia neeg uas ua neej tsis ruamuag saib lub ntiajteb thiaj tseem coj li yav thaum ub lawm xwb. Kuv ntseeg thiab pom tias peb Hmoob lub neej yuav pauv zujzus mus rau qhov zoo tiamsis kuv ho muaj ib qhov txhawj tias yog peb yuav nrog Mab Dawb nyob lub niag tebchaws ywjsiab ywj ntsws li no mus ces ntshe Hmoob lub neej yuav liam tag mus vim tej ntxhais uas kawm txawj xwb tsis ntse ntawd yuav khiav mus caum lwm haivneeg tag li kuv ib txwm pheej hais los rau nej.

2 tug txivneej uas koj hais los saud ces tsis txawv tus kuv hais ib qho hlo li thiab, pab tusiab ra cov pojniam uas muab lawv lub neej txoj sia pub rau tej tug txivneej zoo li ntawd los ua neej nyob rau tiam no.

Ua tsaug ntau heev koj los nrog kuv pauv tswv8 ua rau kuv pom nej pojniam txoj kev xav ntau zog tuaj.

Tub kev deb 26th September 2014, 6:03 am

Tub kev deb

Tub kev deb: Visitor; Messages : 37
Date d'inscription : 2012-09-15

Post n°25

Re: Tub kev deb lub chaw tuaj nci ua si & kawm txuj kawm ci

Tub kev deb 26th September 2014, 6:03 am

Nyob zoo cov phooj ywg txhua leej, zoo siab ntau uas nej tuaj tham txhua yam los qhia peb cov hmoob og.
Tij laus Liaj thov ua tsaug rau koj cov lus og nawb.
Peb cov hmoob nyab laj teb, feem coob mas tseem tsi tau hloov tej dej cawv ntawd li.
Nyob rau hauv peb lub zos kiag, muaj ib nkawm niam txiv laus lawm muaj 2 txwm tub nyab, ob tus tub ntawd txeev pheej haus haus cawv, ces tus kwv cia li tuag lawm, tshuav tus tij los tus tij pheej haus cwb thiab ces tau 2 xyoos tom qab tus tij kuj tuag lawm thiab, nyem no tshuav nkawd 2 niam txiv laus mus rau ib tus me nyuam yau lawm xwb.
Muab xav mas txau tu siab kawg, kuj pab hlub nkawm niam laus ntawd kawg, tiam sis neeg mas tsi xyaum zoo li.
Koj hais lawv ntau zaug ces lawv yeej ntxub koj lawm.
Nyob peb sab ntuj mas hais txog cov neeg tuag dej tuag cawv mas twb muaj ntau tus lawm.
Yog peb cov hmoob nkaus xwb.

Thov ua tsaug rau nej txhua tus tseem muab dej siab txhawb peb thiab, thov kom nej nyob kaj lug kaj nrig ua yam twg tau yam ntawd.

Sponsored content

HMOOB TSAV NTUJ

Search

Hmoob Catholique Forum

Latest topics

Top posters

Tsev seev PajHuam

Hmong beauty nature

Compteur visitor

Tub kev deb lub chaw tuaj nci ua si & kawm txuj kawm ci

Tub kev deb lub chaw tuaj nci ua si & kawm txuj kawm ci

Re: Tub kev deb lub chaw tuaj nci ua si & kawm txuj kawm ci

Sib fim rau sab tebchaws tshav ntuj nrig

Re: Tub kev deb lub chaw tuaj nci ua si & kawm txuj kawm ci

Re: Tub kev deb lub chaw tuaj nci ua si & kawm txuj kawm ci

Re: Tub kev deb lub chaw tuaj nci ua si & kawm txuj kawm ci

Re: Tub kev deb lub chaw tuaj nci ua si & kawm txuj kawm ci

Re: Tub kev deb lub chaw tuaj nci ua si & kawm txuj kawm ci

Re: Tub kev deb lub chaw tuaj nci ua si & kawm txuj kawm ci

Re: Tub kev deb lub chaw tuaj nci ua si & kawm txuj kawm ci

Re: Tub kev deb lub chaw tuaj nci ua si & kawm txuj kawm ci

Re: Tub kev deb lub chaw tuaj nci ua si & kawm txuj kawm ci

Re: Tub kev deb lub chaw tuaj nci ua si & kawm txuj kawm ci

Re: Tub kev deb lub chaw tuaj nci ua si & kawm txuj kawm ci

Re: Tub kev deb lub chaw tuaj nci ua si & kawm txuj kawm ci

Re: Tub kev deb lub chaw tuaj nci ua si & kawm txuj kawm ci

Re: Tub kev deb lub chaw tuaj nci ua si & kawm txuj kawm ci

Re: Tub kev deb lub chaw tuaj nci ua si & kawm txuj kawm ci

Re: Tub kev deb lub chaw tuaj nci ua si & kawm txuj kawm ci

Re: Tub kev deb lub chaw tuaj nci ua si & kawm txuj kawm ci

Re: Tub kev deb lub chaw tuaj nci ua si & kawm txuj kawm ci

Re: Tub kev deb lub chaw tuaj nci ua si & kawm txuj kawm ci

Re: Tub kev deb lub chaw tuaj nci ua si & kawm txuj kawm ci

Re: Tub kev deb lub chaw tuaj nci ua si & kawm txuj kawm ci

Re: Tub kev deb lub chaw tuaj nci ua si & kawm txuj kawm ci

Re: Tub kev deb lub chaw tuaj nci ua si & kawm txuj kawm ci

Similar topics

Similar topics

Search Query

Display results as : Posts Topics
Advanced Search