kuv xav nug txog kev cai neeb me me os cov tij laug

[b]Kuv txiv ceg neeb yog neeb "nkos ntawv" no, ceg neeb no mas tshee heev tshaj li nwg yog neeb txwj neeb laus neeb poj koob yawm txwv, tiam sig kuv txiv xij ua tsi tau li kuj dhau 3 tug los xwb los mus lawm kuv txiv tsuas tshee tau 2 txog 3 thaj xwb ces twb ntsiag lawm rov ua tsi tau mas kuv txiv rov daj ntseg tsi taus yog thaum twg ua tau mas li taus xwb tsi paub xyov yuav ua cas li lawm os cos kwv tij kuv xav tau kev pab txhawb qhia ntawm nej sawv daws os, kuv zoo siab vim muaj nej cov ua ttij tseem pab txhawb tau lub website no hais los saum kev dab kev qhua os. kwv Ntxaij

Nyob zoo tus kws tij,

Hais txog neeb mas kuv kuj tsis tau hnov cov neeb koj hais ko dua thiab.  Tab sis tam li kuv xav xwb yuav tsis yog li koj hais, cov neeb tam sis no feem ntau yog nyob plawv yis ntuj xwb yog li leej twg choj mus tsis txog plawv yis ntuj ces tej zaum yuav pab tsis tau koj txiv thiab.  Koj muaj sij hawm no ho mus nyeej tij laug xiongchang wb cov lus tham txog neeb hauv tus ntxawm KZKZ no lub tsev khaws txuj thiab.  Thaum ub kuv los kuj ua tsis tsheej kuv ces neeb li thiab ces qhov kawg kiag cov qhuas mas li los qhia kom mus to lawv li cas rau li cas.  Yog koj nyob ze kuv no thiab tsis ua siab deb no ces tuaj ntsib kuv tej zaum kuv yuav pab tau koj thiab kwv tij. Tsis nqa dab tsis li tsuas nqa xyab nqa ntawv tuaj rau dab qhua xwb yeej tau kawg li lawm.  Shung

ua tsaug tij laug Shung!
Kuv ua kwv zoo siab uas koj tseem pab qhuab qhia kuv kuv twb tau nyeem tij laug xiongchang neb cov lus hais txog neeb yais lawm thiab muab ntau qhov yog li kuv txiv heev, nug koj hais li ko xwb kuv ua kwv twb zoo siab xav coj kuv txiv tuaj ntsib koj lawm tiam sis kuv nyob Viet Nam tej zaum yuav tsib tsi tau koj os tij laug, txawm ntsib tsi tau los tsuav koj tug ua tij pab tham qhia kuv tug ua kwv kom tau taub kuj yog pab lawm, hais txog ntawm kuv txiv mas kuv muab hais li no rau koj ua tij: kuv txiv daj ntseg tau 2 xyoos los lawm nwg pheej tsi taus li twb ua tsi tau dab tsi kiag peb cov niam tub kuj rhiav neeb yais ntau heev lawm ua muaj 40-50 thaij neeb li thiab kuj coj mus kho mob nram Ha Noi, tiam sis cov doctor lawv hais tias yog mob leukemia, lawv hais tias kho tsi tau thiab tsi thev ntev txog 1 xyoo tiam sis peb coj kuv txiv los tsev kho neeb yais twb tau 2 xyoos tav lov lawm teb zaum doctor lawv hias tsi yog, rau qhov txij thaum ua neeb es txiv neeb saib tshwm tias kuv txiv yuav ua neeb no ces peb npaj tag siab tag ntsws los rau nyiaj txiag los kho qhov ntawv lawv muab kuv txiv cov qhua neeb tshau los ces kuv txiv ua tau lawm tiam sis tos puv 12 thaj mam dai "seej khab" no ces kuv txiv ua tau 2 thaj xwb rov ua tsi tau lawm ces peb ho hu dua tug txiv neeb tuaj ho tsau dua ces kuv txiv twb ua tau 12 thaj, peb twb hu tug los xwb no tuaj dai "seej khab" tag, ces kuv txiv ua tau 3 thaj ntxiv xwb txawm ntsiag to lawm ua tsi tau kiag kuv txiv rov tsi taus hlo li, ces rov kho npaum twg los tsi tau, tug los xwb no kkawg kev nwg thiaj tu hmoo peb rov mus rhiav dua tug tuaj tug los xwb no yog hmoob xyooj nwg txawj kawg li nwg tuaj ua ces nyiam qhuav txheev qhua twb tau tag ces kuv txiv twb tshee cuag ua neeb lawm ces nwg ua tib zoo txo kuv txiv cov qhua neeb los tag ces kuv txiv ua tau lawm rhia neeb ceev thiab siab kawg li tshee tseem haj yam heev thiab, nwg teem kuv txiv ua puv 12 thaij mam dai "seej khab" no ces kuv txiv rov ua tau 2 thajj xwb twb nttsiag to lawm thiab sij hawm no kuv txiv haj yam nkees heev lub plawv dhia ceev heev daj ntseg heev dua tuaj peb thiaj coj kuv txiv mus txhab ntshav pem tsev kho mob, kho tau 2 hnub doctor lawv hais tiag kom rov los tsev kho li no xwb yeej kho tsi tau tu qab tug mob no, no ces peb rov los tsawv neeb kho, kuv txiv ua tib zoo tsawv ceg neeb tag mam tsawv xeem tag mam tsawv txiv neeb puav leej tau 3 tsaw khov kho, ceg neeb mas yog peb tug yawm koob hu "yawm siab", tag mam tsawv xeem tau xeem Yaj, tsawv txiv neeb ces rov tau tug txiv neeb tuaj ua thawj thaj ua ntej es ua tsi tiav ntawv, peb thov thov nwg kuj kam tuaj thiab tiam sis ua tsi tau li lawm.
ua ntej ntawv peb kuj ua ntau thaj puav leej neeb tsawv tib si xwb tsi lam yog hu dog dig li thaj neeb no mas fim lim tiag tiag li tsi pom qab kho li cas li lawm os tij laug.
me kwv thov hias me me txog ntawm ceg neeb uas peb tug yawg koob "yawm Siab" ntawv ceg neeb no kuv kuj tsi tau taub yog ces neeb dab tsi tiam sis nwg ceg neeb siab thiab leej heev tshaj plaws li, hnov cov laus piav tias nwg tsa 81 tug thawj tim, thiab nwg cuam txiab neeb mus dhos tug mob lub caj dab... thaum nwg tseem nyob ntawv, nwg ceg neeb no thaum xub thawj tsi muaj leej twg yuav los nqus tau nwg ua neeb li kawg rau qhov nwg mam xav nwg, nwg ua nwg tau xwb vim cov laus hais tiag ceg neeb no tsi muaj 1 tug xwb fwb twg yuav muaj ceg neeb siab li nwg, nwg tuag tau 10 xyoo no lawm, peb thiaj xav tias yog li ntawv puas yuav yog tsi muaj leej twg yuav tsa tau kuv txiv ceg neeb no yog li ntawv ntsai yuav mus nqa peb  "Yawm Siab"  ib qho twj neeb los rau kuv txiv ua saib puas yuav tau no tiam sis kuj tsi tau paub li cas thiab vim poob siab kho tag li lawm.
tij laug aw tham ntau zog lawm txhob xav li cas rau kwv nawb! ua tsaug tij laug Shung
Kwv Ntxaij.

Nyob zoo tus kwv npawg,

Luag teg laug yeej piv ntuj nrag lus tias yog leej twg tsis tau mob neeb no ces txhob rawm tuag no, tej no muaj tseeb los mas. Ua neeg nyob yog mus ntsib kws kho mob es tsis pom tus mob dab tsi li ces yog tim ntsuj tim plig los yog neeb yaig lwm yam lawm. Yog ua neeb ua yaig tsis zoo raws li lub siab xav ces yuav tau coj mus ntsib kws kho mob xwb. Peb nyob lub teb chaw meslikas no los yeej ua ib yam li kuv hais no.

Txhob nyuaj siab mog kwv npawg, tsis paub tias koj yuav nyob teb chaw tsab nsib thiab. Yog muaj siab cia saus tias hu xov tooj tuaj es mam li pab saib rau koj los yeej tau kawg thiab. Kuv ceg neeb no los kuj zoo li koj tham thiab. Kuv cov qhua neeb mas coj kuv mus saib ib lub tsuas neeb zuj zus nto plaws rau plawv yis ntuj. Kuv mam li ua neeb mus tos li cov qhuas los qhia. Yog li tiam neeb tam sim no feem ntau yog los saum plawv yis ntuj los ntau lawm xwb mog.

Hais qhia koj tias saum 12 tsua neeb tsua yaig nws muaj nws huab tais neeb kav ho nce rau plawv yis ntuj nws muaj nws huab tais neeb saib lawm mog. Tam li kuv paub xwb mas cov neeb ua nyob txij li 12 lub tsua neeb mus rau yim txwv ntuj ces zoo li lawv mus tsis tau rau plawv yis ntuj nawb mog. Kuv tsis paub tias so koj txiv puas muaj neeb los tsis muaj ces yuav qhia tsis tau dab tsi pub koj thiab. Kuv yuav mus hauj lwm ces lwm hnub mas li ntsib koj dua os kwv npawg. Shung

zoo siab tij laug Shung!
koj hias yog kawg li os, kuv txiv mas tej zaum kuj muaj neeb tiag thiab vim rau qhov nwg cov npau suav thiab ob peb thaj ua ntej nwg puav leej tshee tau dhia tau rooj neeb.
tij laug yog li yog hu xov tooj rau koj ib lub sij hawm twg hum caij tim nej ntawm peb es koj puas kam pab saib tug xyab rau kuv txiv os, yog tsi zoo ua li ntawv los tsi ua cas hos yog tau no thov koj tug number phone yom.
kwv Ntxaij

Nyob zoo tus kwv npawg Ntxaij Yaj,

Zoo siab koj tseem xav kom kuv pab koj thiab, ua tsaug ntau7. Koj nyob deb lawm los tsis ua li cas mas pab koj saib thiab seb koj txiv puas muab qhua neeb thiab yog muaj no ho yog los li cas rau li cas. Koj hu kuv tus xov tooj tau (651) 726-4118 thaum li 7-8 teev sawv ntxov tim koj ko ces yog tim peb li 7-8 teev tsaus ntuj thiab. Mam li nrog koj tham. shung

Nyob zoo tus kwv npawg,

Kuv hais rau koj tias txhob nyuaj siab os mog ib leeg nyob ib rooj ntug lawm ces tsis paub yuav pab koj dab tsi, tab sis kuv hais rau koj paub tias koj txiv yeej muaj qhua neeb tiag nawb mog.  Koj txiv caj ceg neeb yog neeb theev sam 300 txuj 300 ci xwb os mog.  Cov nkauj txawm 300 txuj tub txawv 300 ci no thiab nyob plawv yis ntuj xwb.  Dua li koj txiv cov neeb nyob tag nrho hauv 12 lub tsua neeb tsua yaig hauv tooj nchais txoov siv yis xwb.  Koj txiv muaj hauv sam nrog nws thiab.  Koj mus nrhiav tus txiv neeb ua muaj cov neeb hu ua  neeb theev sam 300 txuj 3oo ci no tuaj ua neeb thiab mus to koj txiv cov neeb xwb ces tau lawm....  Kuv tsis paub tias nyob teb chaw nyab laj puas muaj leej twg txawj cov neeb no tab sis nyob rau teb chaw nplog yuav leej puav ua cov neeb no thiab.  Nyob meslikas teb no muaj coob thiab.  Muaj lus nug dab tsi no hu kuv tau os..   Shung


Tus kwv npawg ntxaij yaj, Koj mus nrhiav cov txiv neeb li tus niam tais no ces thiaj li pab tau koj txiv os...

https://www.youtube.com/watch?v=ykgG2U8GJTk

Tij luag Shung ua tsaug koj ntau heev os!
koj tseem muaj lub siab dawb pab kuv tag npaum li no, kuv tseem mus kawm ntawv pem tsev kawm university lawm muaj ntsis deb tsev thiab 2 hnub tom ntej no kuv mam mus tsev nug cov laus cas tej zaum peb teb chaws kuj muaj thiab os tij laug vim kuv kuj pom ob peb tug niam tais kuj ua neeb ib yam tug niam tais koj tso video kuv saib no thiab.
yog li ntawv tsam no kuj lig lawm thiab cia tag kis rau kuv mam hu rau koj os tij laug, thov koj pab dawb tiag tiag li xwb qa koj txiaj ntsig xwb os tij laug.
kwv thov koj lub nick facebook puas tau os!
kwv Ntxaij

Nyob zoo tus kwv npawg ntxaij yaj,

Zoo siab koj tuaj nyeem kuv cov lus thiab. Yog mus tsev es ho ua tsis tau qhov twg no rov tuaj qhia kuv. Kuv mam li qhia koj dua tias yuav mus nce tsua neeb li cas thiaj mus txog thiab thiaj li yuav mus to tau. Koj puas muaj FACEBOOK thiab yog muaj no nrog kuv huav facebook los tau tib yam es koj thiaj li tsis poob nyiaj. Shung

ua tsau tij laug Shung uas koj tseem los txais tos thiab pab kuv!
kuv lub facebook hu Ntxaij Yaj no yog tias tau no koj qhia koj lub tag kis kuv xav nrog koj tham me ntsis yom tij laug.
peb lub teb chaws thiab peb haiv neeg hmoob tim no tseem poob qab heev tsi hais technology los yog tej vaj huam thiab kev cai dab qhuas os tij laug.
yog li tij laug hnub no koj mus ua num zoo nawb kuv mus pw lawm tag kis pom kev yog hu tau no kuv hu tuaj nrog koj tham pem os tij laug Shung!
kwv Ntxaij.

nyob zoo tij laug Shung!
ua li eg koj twb pab saib rau kuv txiv lawm yom! koj hais tias kuv txiv muaj me ntsis hauj sam nrog thiab no yog li ntawv puas yuav kho dab tsi ntxiv thiab los yog tos 1 tug txiv neeb theev sam 300txuj 300ci tuaj xwb kuj tau lawm os tij laug.
kwv Ntxaij

Nyob zoo kwv npawg ntxaij yaj,

Kuv hais qhia koj tias koj mus nrhiav ib tug txiv neeb ua nws ua neeb theev sam tuaj mus to koj txiv cov neeb rau koj txiv thiaj li tau os.....! Tsis tas yuav kho dab tsi ntxiv lawm. Yog thaum twg tos tau koj txiv cov neeb los lawm es tus xib hwb tuaj tsa lub thaj nrab ces nws mas li ua neeb kho koj txiv thiab mus luag cov neeb los rau saum thaj xwb ces tau lawm. Yog tus txiv neeb ua neeb txwv zeej txwv txoob xwb ces mus tsis txog ntawm tus hauj sam nyob li ces yuav to tsis tau koj txiv ces neeb saub rau koj txiv li.

Koj txiv cov qhuas neeb muaj li ntawm no:

1.  Qhuas neeb txwv zeej txwv txoob.
2.  Nkawm neeb hauj sam
3.  Nkawm neeb xob
4.  NKawm neeb yum vaj kuab iab yum vaj kuab daw.
5.  Nkauj ntxawv peb puas (300) txuj tub ntxawv peb puas (300) ci

Koj mus rov mus saib daim phiaj neeb ua tus txiv ntxawm koobpovtxuj coj tuaj tso hauv hmoob tshav ntuj no, Koj txiv cov qhua neeb puav leej nyob tag ntawm 12 lub tsua neeb tsua yaig xwb ho Nkawm neeb hauj sam  thiaj li nyob ntawm lub tsuas neeb ua hu ua yim txwv ntuj tsua tu nraum ua yog  tus huab tais neeb tooj chai txooj siv yis nyob es koj pom yog ib lub roob loj7 nyob ib sab.  Cov 300 txuj 300 ci mas nyob pem plawv yis ntuj lawm.

Txawm li cas los yog koj mus nrhiav tau tus txiv neeb ua neeb theev sam tuaj ces nws yeej paub tias neeb nyob rau qhov twg mus rau qhov twg.  Yog tsis nkag siab qhov twg no sau ntawv tuaj rau kuv thiab. Kuv twb mus saib pom koj hauv FACEBOOK lawm.   Koj puas yog tus hnav lub tso khuam daim nyiaj tawg paj? Koj txawj qeej thiab puas yog?.  Shung

nyob zoo tij laug Shung!
ua tsaug koj txhua yam, tej yam koj hais tag ntawv kuv piav rau niam thiab txiv, tej txiv ntxawm, txiv hlob lawv puav leej xav tiag yog li koj hias xwb no yog li ntsai yuav tau mus tos ib tug txiv neeb theev sam tuaj xwb os tij laug.
tab sis tam sim no peb kuj tsi tau pom thiab paub leej twg muaj li, cia peb mam nug luag tej seb puag muaj twg paub os tij laug.
kuv lub FACEBOOK ces yeej yog lub koj pom ko mas!
yog li tij laug muaj dab tsi tsi paub los ntsai tseem yuav nug koj ntau os.
nyob zoo tij laug. kwv Ntxaij