***UA NEEB***

Hmoob leej tub,

Kuv to taub nws hais, kuv tsis yog kom nws piav los qhia ua neeb yaig kiag. Yog kuv xav kom nws piav thua pais txog kev saib mob nkeeg, yog li cas thiaj yuav kho, los yog tej laus xav noj, los yog tim dab vaj dab tsev los dab qus...thc...Yog nws tsis zoo piav los tsis ua cas os nawb. Nov ces yog peb lam khaws tseg xwb, khaws tau li cas yuav li ntawd xwb.

nyob zoo koojziagkabzaug thiab cdov phooj ywg sawv daws.
zoo li kuv twb muab tau 1 daim phiaj neeb tuaj tso rau hauv lub zos hmoob tshav ntuj no lawm sub sav ua cas kuv tsis nco tias kuv muab tso rau lub topic twg lawm kuv tuaj nrhiav ntau lwm tsis pom lawm cia kuv mam li muab tuaj tso ntawm no rau nej sawv daws saib ntxiv.
daim phiaj neeb no yog lawv tsim tsa lub koom haum tsev ua neeb nyob yeej thoj nam zos vinai es lawv tsim daim phiaj neeb no los qhia rau cov txiv neeb txiv yaig sawv daws xwb.kuv tau daim phiaj neeb no tab sis kuv tsis muaj xwm yuav los qhia rau sawv daws tias qhov twg yog qhov twg li.thiab txoj kev neeb yog mus li cas li nawb tsuas yog coj tuaj tso rau sawv daws saib es nej xav paub no nej mam coj mus nug cov txiv neeb laus kom lawv qhia nej xwb.

Nyob zoo Koobpovtxuj,

Daim duab nov kuv nyuam qhuav pom thawj zaug nov xwb, ntshe tsis yog nws tuaj tso rau hauv nov.

Ua tsaug ntau nawb mog, me tub Koobpov. Zoo kawg nkaus, khuv xim uas nws tsis tau lawv cov lus piav rau peb kom ntxaw thiaj paub kev ua neeb zoo. Vim Hmoob muab lawv txoj kev ua neeb no ua ib qho Hwj huaj npog zais loj dhua lawm ces tshawb tssi tau lub ntsiab zoo los piv rau tej txuj ci muag pom thiab no. Lwm haiv neeg, lwm hom kev ntseeg, luag yeej npog zais cov hwj huaj, tab sis luag nthuav cov txheej txheem mas zoo li sawv daws paub lub ntsiab meej dua. Yam li Hmoob cov neeb mas txawm zoo thiab tssi zoo los yuav tsum ntseeg thiab hais tias "zoo" no mas thiaj li xwb...Ces kuj tsis muaj qhov txaus rau neeg lub siab xav paub...

Nyob zoo sawv daws thov los cuam tshuam nej txhua tus me ntsis. Kom nej txhob xav li cas rau kuv. hais txog peb hmoob txoj kev ua neeb ua yaig mas yeej yog zoo xws li ib tus cawm seej pab peb, tiam sis yog cov ua tsi tau paub tias lub ntuj thiab daim av yog leej twg ua tus tsim thiab leej twg ua tus tuav, mas lawv thiaj li saib txoj kev ua neeb zoo xws li ib tus cawm seej los pab kho lawv tej mob nkees kom zoo hlo. Vim lawv tsi muaj leej twg yuav los pab tau lawv lawm. Tiam sis yog cov uas paub tias leej tws yog tus tsim lub ntuj thiab daim av, thiab leej tws yog tus loj dua tas nrho, thiab leej Tswv uas tswj tas nrho tej me nas me noog me kab me ntsau thiab me huab me cua, tas txhia yam nyob huv tib si tsi hais nyob saum ntuj los ntiaj teb. thiab nws yog tus xub paub tom ntej tom qab. Mas lawv vam tus ntawd los pab lawv thiab khov lawv tej mob nkees kom zoo. Vim tus ntawd mas nws siab mas zoo tshaj tsi muaj leej twg yuav zoo cuag li. Nws yeej hlub sawv daws ib xws tsis xyeej tus muaj los tus pluag, txawm koj lub neej yuav txom nyem npaum twg los yog koj yeem tso koj lub neej rau nws kav ces koj yeej yuav nyob kaj lug xwb. Yog tias lawv muaj qhov twg hnyav siab los lawv yeej tsov lawv txoj kev nyuaj ntawd rau nws ces lawv yuav tsi txhawj npaum twg. Vim lawv tso siab rau nws lawm. Peb cov hmoob feem coob mas tseem tsis tau paub txog tus ntawd. Peb tseem vam txiv neeb txiv yaig los pab peb kho mob. Hos cov ua paub txog tus ntawd ces yeej muaj tsawg. Thaum kawg nog kom sawv daws nyiag ua raws li nyiam lub siab nyiam txhob thuam lwm tus, vim peb hmoob hu ua hmoob no ces hais tib xeem lus. Tiam sis txoj kev teev hawm no ces muab faib ua 2 txoj lawm. Nyiag muaj raws li nyiag lub hom phiaj. Thov kom muaj ib hnub twg peb sawv daws los koom tib txoj kev tau tib txoj lw xwb og. Nyob zoo

Nyob zoo Tub Hmoob,

Ua tsaug rau nws cov lus zoo lus thoob tsib.
Hais txog kev mob nkeeg thiab dab qhuas mas kuv pom tias Peb Hmoob muaj kev puas ntsoog thiab mob nyhav ntau tshaj luag lwm haiv neeg hauv ntiaj teb no. Tshwj xeeb peb cov uas tuaj nyob rau Fab Kis los yog Mes Liv Kas, vim peb tsis mob siab kho peb thiab tsis ntseeg Kws tshuaj, ces thaum mob loj tuaj ces luag kho tsis tau. Piv xam li pheej nyiam kom cia li ua khawv koob rau zoo kiag xwb, tsis mob siab noj tshuaj raws kws tshuaj hais, thaum twg mob nyhav lawm ces mam muab ntau txhiab ntau puas nyiaj mus thov lawv tuaj ua neeb kom zoo kiag xwb. Li no peb Hmoob thiaj muaj kev puas ntsoog loj thiab mob nyhav coob tshaj luag lwm haiv neeg.