Home
kwvtij Hmoob,
Yog vim tus dabtsi thiab nej xav li cas lawm tuaj nyob rau lub tebchaws vammeej yam zoo tsis xyaum mus ua ho pheej tseem yuav mus haus yajyeeb thiab lwm yam tshuaj muaj yees ua dabtsi. Nej haus yeeb haus tshuaj ho zoo thiab pab tau nej tus dabtsi? Yam uas kuv/peb pom nej cov haus yeeb tshuaj tau txais ntawd ces yog kev liamsij, ntsejmuag daj nce yeeb tag luag saib ib muag xwb yeej paub tias koj yog neeg haus yeeb tshuaj, kaus hniav daj, plaubhau ntxhov poog thiab ris tsho khub khawv tsis tu, tes taw lo yeeb dub nciab noj mov luag twb tsis xav pub nej mus koom, ua lub neej poob qab raws tsis cuag lwm tus, ua rau tej menyuam poob ntsejmuag thiab tau lub npe phem txawm luag muaj tub ntxhais zoo los luag tsis pub nej yuav thiab tham, thiab lwm yam kev phem ntau ntau ntxiv.
Ua neeg nyob yog tuaj txog tebchaws vammeej lawm tseem haus yajyeeb thiab haus tshuaj lwm yam ces NOJ TSHUAJ LOM YUS NTXOV TUAG UA NTEJ ZOO DUA li ua neej nyob mog kwvtij Hmoob haus yeeb tshuaj. Lub me ntiajteb no zoo nkauj heev ua cas tsis xyaum zoo mus khwv nyiaj kom tau ntau coj mus ncig lub me ntiajteb no kom txhua, muas noj muas haus thiab hnav kom txhij txhua thaum tag yus txoj sia lawm thiaj li tsimnyog yug los ua neeg ib zaug rau hauv lub ntiajteb no. Ua neej nyob txoj sia luv heev hli tsis ntev xyoo tsis ntau tos nco yus twb laus tag twb yuav tuag mus uas zoo nkaus li KOB NAG LOS IB VUAG DUA XWB ua cas Nej yuav tsis paub xav li. Txoj me kev haus yeebtshuaj tsuas yog nyob lub tsev qub, niajhnub pw lub chaw qub, nyob txomnyem ntsuav zoo li tus neeg raug txim xwb yog vim li cas koj/nej ho mus xaiv txoj kev no taug os cov me kwvtij Hmoob HAUS YEEB HAUS TSHUAJ.
Nco ntsoov tej yeebtshuaj no yog luag cov Neeg Phem MUAB COJ LOS LOM NEJ KOM NEJ PW TSAUGZOG TSIS TXHOB NCO QAB NROG LUAG SIB TW UA NEEJ XWB, thov muab tso tseg txij hnub no mus nawb mog. Tej lus kuv hais no yog hais rau peb txhua tus Hmoob tsis hais nyob lub tebchaws twg vim yog kuv muaj kev hlub kev tshua nej thiab pab khuvxim nej lub neej nrog rau tej menyuam thiaj li tau cem tau hais nej hnyav lawm, tiamsis yog nej txawj mloog ces yuav tsis chim rau kuv thiab.
Kawg no thov kom lub ntuj pab tej tub ceevxwm kom lawv muab tau tej neeg ua luam yeebtshuaj no ntes kom tau tag coj mus kaw tsis muaj hnub dim peb Hmoob thiaj li yuav tau nyob kaj siab lug tsis pom tej neeg Haus Yeeb thiab uas nyob tsis sib phim nrog peb thiab NRHIAV TEEBEMEM PUAS KOOB NPE rau peb ntxiv mus lawm.
http://shrdo.com/index.php/suabhmong-news/2400-2-2-million-worth-of-opium-found-in-barrow-county
Yog vim tus dabtsi thiab nej xav li cas lawm tuaj nyob rau lub tebchaws vammeej yam zoo tsis xyaum mus ua ho pheej tseem yuav mus haus yajyeeb thiab lwm yam tshuaj muaj yees ua dabtsi. Nej haus yeeb haus tshuaj ho zoo thiab pab tau nej tus dabtsi? Yam uas kuv/peb pom nej cov haus yeeb tshuaj tau txais ntawd ces yog kev liamsij, ntsejmuag daj nce yeeb tag luag saib ib muag xwb yeej paub tias koj yog neeg haus yeeb tshuaj, kaus hniav daj, plaubhau ntxhov poog thiab ris tsho khub khawv tsis tu, tes taw lo yeeb dub nciab noj mov luag twb tsis xav pub nej mus koom, ua lub neej poob qab raws tsis cuag lwm tus, ua rau tej menyuam poob ntsejmuag thiab tau lub npe phem txawm luag muaj tub ntxhais zoo los luag tsis pub nej yuav thiab tham, thiab lwm yam kev phem ntau ntau ntxiv.
Ua neeg nyob yog tuaj txog tebchaws vammeej lawm tseem haus yajyeeb thiab haus tshuaj lwm yam ces NOJ TSHUAJ LOM YUS NTXOV TUAG UA NTEJ ZOO DUA li ua neej nyob mog kwvtij Hmoob haus yeeb tshuaj. Lub me ntiajteb no zoo nkauj heev ua cas tsis xyaum zoo mus khwv nyiaj kom tau ntau coj mus ncig lub me ntiajteb no kom txhua, muas noj muas haus thiab hnav kom txhij txhua thaum tag yus txoj sia lawm thiaj li tsimnyog yug los ua neeg ib zaug rau hauv lub ntiajteb no. Ua neej nyob txoj sia luv heev hli tsis ntev xyoo tsis ntau tos nco yus twb laus tag twb yuav tuag mus uas zoo nkaus li KOB NAG LOS IB VUAG DUA XWB ua cas Nej yuav tsis paub xav li. Txoj me kev haus yeebtshuaj tsuas yog nyob lub tsev qub, niajhnub pw lub chaw qub, nyob txomnyem ntsuav zoo li tus neeg raug txim xwb yog vim li cas koj/nej ho mus xaiv txoj kev no taug os cov me kwvtij Hmoob HAUS YEEB HAUS TSHUAJ.
Nco ntsoov tej yeebtshuaj no yog luag cov Neeg Phem MUAB COJ LOS LOM NEJ KOM NEJ PW TSAUGZOG TSIS TXHOB NCO QAB NROG LUAG SIB TW UA NEEJ XWB, thov muab tso tseg txij hnub no mus nawb mog. Tej lus kuv hais no yog hais rau peb txhua tus Hmoob tsis hais nyob lub tebchaws twg vim yog kuv muaj kev hlub kev tshua nej thiab pab khuvxim nej lub neej nrog rau tej menyuam thiaj li tau cem tau hais nej hnyav lawm, tiamsis yog nej txawj mloog ces yuav tsis chim rau kuv thiab.
Kawg no thov kom lub ntuj pab tej tub ceevxwm kom lawv muab tau tej neeg ua luam yeebtshuaj no ntes kom tau tag coj mus kaw tsis muaj hnub dim peb Hmoob thiaj li yuav tau nyob kaj siab lug tsis pom tej neeg Haus Yeeb thiab uas nyob tsis sib phim nrog peb thiab NRHIAV TEEBEMEM PUAS KOOB NPE rau peb ntxiv mus lawm.
http://shrdo.com/index.php/suabhmong-news/2400-2-2-million-worth-of-opium-found-in-barrow-county
