Me qigtaub 26th April 2016, 1:16 pm
nyob zoo Liaj Ntsuab.
Hais txog 30 tus neeg nplog ntes tau ntawm mas kuv ntseeg tias lam muab los hais kom lom zem xwb, raws li zaj dab neeg no mas kuj txaus luag thiab, yog twb ntes tau 30 leej muaj riam phom yog pab tsim kev kub ntxov cas lawv ho ntes tau, lawv twb muaj riam phom thiab muaj tsheb tsav mas kuv xav tias lawv pab no tsis yog ib pab ruam lam taug kev plaws tes sis taug kev los yog caij cov tsheb khaub hlab los yog cov tsheb muam npua tsheej pab rau ub rau no, yog cov tsim kev kub ntxov li no lawm lawv tsis yog pab neeg ruam npaum li es lawv lub tsheb roj tag es mus khuj lwm tus lub tsheb tsav mus ntxiv. Dab dabneeg no mas hais tau ntxim li hais tso dag tso luag xwb, yog lawv lawv ntes tau ib pab li no mas yeej muab thaij duab tso tawm tab sis tej no lam hais kom cov neeg tsis muaj hlwb thiaj li ntseeg xwb. Raws li kuv xav mas thaum lawv hmov tias Thaib hais xov xwm tias yog neeg nplog tsis txaus siab rau suav es thiaj li tua suav xwb, lawv muab zaj no los hais kom neeg lwm teb chaws thiaj tseem mus tshaj rau hauv Nplog xwb.
Kuv nyuam qhuav los tau ob lub lim tiam no xwb, thaum kuv nyob tim mas yeej muaj cov neeg nplog hais tab meeg tias kev kub ntxov nyob rau ntu nruab nrab txoj kev Vangvieng rau Xalas Phujkhu mas muaj cobfab tua tsheb heev tsis tau luag taug li. lub 1 hlis xiab kuv tau mus pem xeev thawj zaug lawv tua tsheb kuv rov los mus Moosloob qhov kuv pom yog cov tubrog nplog taug kev thiab lawv zov tej ntu kev tau ntu kev ntawm xalas phujkhu rau pem dawm ntxee hlo rau qaum Nabcav, lub dawm mus rau sab tiaj nras, kuv tsis paub txog dab tsi kuv tseem tau hais tias cas npog yuav ruam ua luaj li es cia cov kooluam ris phom taug kev thiab cov tub rog zov kev ua ntu zus yuav ua rau lwm haiv neeg saib haiv neeg nplog qis tshaj plaws vim tsis paub kev fajseeb hlo li. kuv mus txog rau Mooloob lawv thiaj qhia rau kuv tias lawv tua tsheb nram qau Kasxim. thaum kuv pom li no yeej qhia rau kuv tias nplog tej haujlwm qaub pob ntseg thiab ruam tshaj plaws.
Tog muab piv txwv li kuv yog pab tsim kev kub ntxov, kuv thiab kuv pab yuav tsis lam kwv phom taug kev tsheej pab ua rau cov tubrog nplog thiab cov kooluam pom, kuv yuav nyob nkaum twj ywm seb lub chaw twg yog lub chaw kuv ua haujlwm xwb, kuv ntseeg tias cov tua tsheb yog cov kooluam thiab cov tubrog uas kwv phom zov kev thiaj yog cov tua tsheb xwb. Hais txog kev tua tsheb leej twg thiaj muaj phom AK47 los tua tsheb nrog rau tej plav tooj tshiab tshiab? leej twg thiaj nyob raws kev? yog mus saib ob qhov li no xwb twb paub tias yog nplog tuag nplog xwb tsis tag liam rau cov neeg nyob hav zoov.
Nplog twb hais rau ntiaj teb lawm tias tsis muaj neeg nyob hav zoov lawm. Nplog lub teb chaws kam neeg cia li kaj siab lub mus tshaj tsis muaj teeb meem lawm. Tsam no nom tswv nplog yuav hais li cas rau ntiaj teb no? Nom tswv nplog tsis muaj lub tswv yim los qhia rau ntiaj teb lawm ces lawv thiaj tau tshwm lub tswv vim tias ntes tau 30 tus tsim kevkub ntxov hauv Moos mev, xeev Veescas kom ntiaj teb nyab xeeb zaj no xav mas tuaj dab ros rau tus tawm lub tswv yim rau xovxwm no.