Nej sawvdaws nrog xav seb yog vim tim tus dabtsi? Vim licas? Yog licas rau peb tsevneeg Hmoob lawm uas peb tsis muaj ib tug twg muaj cuabkav yuav mus daws tau peb ib tug Thawj Neeg tseemceeb uas hlub Hmoob, nws mus noj nplooj hmab nplooj ntsoo yug txoj sia thiab nyob hav zoov los tivthaiv nws tsavneeg tau ze li 40 lub xyoo. Zaum no peb cia nws rau Thaib Dub ncaug rov muab peb ib tug Thawj Neeg Tseem xa kiag rov rau tus Nplogliab uas yog peb tus Yeebncuab ib txwm ntxub ntxaug thiab tsimtxom peb los tau ze li 60 lub xyoo. Peb paub meej lawm tias peb tus kwvtij no tsis raug tua los yuav raug ntaus, tsis raug ntaus yuav raug kaw thiab hno tshuaj rau kom tuag yam tsis sai los ntev zog nws yuav tsis muaj txoj sia nrog peb nyob lawm. Kwvtij Hmoob, nej cov khavtheeb, khav txiv niajhnub ua plaub, sib ceg pem toj nram hav tias koj ntse tshaj kuv, kuv ntse tshaj koj ua cas tsis mus daws peb tus kwvtij Hmoob no kom dim qhov tuag. Nej puas txajmuag rau lub ntiajteb no zaum no ntxiv thiab uas yog ib qhov ua raug luag lwm haivneeg thiab peb tus Yeebncuab pom meej tseeb tias HMOOB TSIS SIB HLUB HMOOB, THIAB HMOOB TSIS MUAJ PEEVXWM HOS TXIJ NO LAWM TOD LWM HAIVNEEG YUAV HAJT SIS NTSHAI PEB. Peb tsis tsimnyog nrog luag lwm haivneeg ua neej nyob lub ntijajteb no mus ntxiv lawm os mog cov me kwvtij HMOOB TSIS SIB HLUB HMOOB.
Mus qhib nram no saib tau.
http://news.yahoo.com/thailand-deports-ex-resistance-leader-laos-123605214.html;_ylt=AwrBEiIX37RT_XUAd93QtDMD