Liajntsuab 7th October 2016, 9:17 pm
Me Qigtaub,
Hais txog koj lub topic no mas kuv xav thiab pom li no.
Zaum no yawg Obama mus ntsib Nplogliab yog ib qhov tsis zoo dabtsi kiag. Qhov zoo ces yog mus rau tsoom Neeg Nplog pom nws lub ntsej lub lub muag me ntsis xwb. Dhau li nws cov lus teb rau tsoom tub ntxhais los yeej tsis muaj kuab pestsawg li thiab. Qhov muaj kuab zog ces yog qhov nws kom lawv mus kawm ntawv kom txawj dua qub thiaj li pom deb xwb.
Qhov phem tshaj zaum no vim tias nws tseem mus TXHAWB NPLOG li koj hais pab nyiaj txog $90 lab/million rau 3 lub xyoo tom ntej no. Ua cas nws ho tsis tham txog nyob li kev Human Rights, kev quabyuam caij tsuj pejxeem nyob hauv Nplog kom pauv hloov. Txhais tau tias Obama txhawb Nplog txoj kev lim hiam tua neeg npog nroj ntsuab. Raws li muab saib los zaum no lub homphiaj ces Obama mus ces yog mus ntxias kom Nplog los npuab U.S. cog kev phoojwg thiab lawv yog ib tug TUBSAB uas yuav mus nyiag Nqos Nplog lub tebchaws xwb tiamsis nws twb tsis paub Nplog lub SIAB NTAIS NTUJ UAS ZOO SAB NRAUD TIAMSIS DUB SAB HAUV. Vim li no Thawj coj Filipeej Rodrigo Duterte pom U.S.A. tej siab ntsws tag nws thiaj li HAIS LUS SAIB TSIS TAUS tias Obama yog menyuam KAS TSAUB thiab tsis LEES TXAIS Yawg Obama zaum no.
Yog nej ua tib zoo saib cov tebchaws sab Asia thiab sab Middle Av Suab Puam lawv tig zujzus mus puab Suav thiab Russia tag lawm vim U.S. txoj kev coj tsis zoo thiab ua dabtsi los lam ua saum Daim tawv mus ntxias luag sib ntaus sib tua zoo li nkaus tim Iraq thiab Afghanistan los sis ua rau peb Hmoob npluav rogg Secret War/Vietnam War. Tej yam no yog ib yam ua qauv phem tsis zoo rau lwm lub tebchaws pom luag thiaj li TSIS NTSEEG nws txoj kev coj lawm.
Ib qhov ntxiv thiab nyob li lub tebchaws Philipine tamsim no tus Thawj Coj tabtom muab cov neeg ua luam Yajyeeb, luag Tshuaj tua povtseg kom tas mus. U.S.A. tsis pom zoo nws ua li thiab tseem yuav muab Yawg coj los hais plaub, nws thiaj li twv ntxhias kom U.S.A. nkag mus nrog nws hais. Kuv xav tias yog ib qhov zoo tswv8 vim tias yog yus lub tebchaws muaj cov neeg ua luam txhaum cai coob ces kawg yuav zoo nkaus li tim NPlog, Khabmeem, Nyablaj, Thaib thiab U.S. no ntag uas pom lawv sib tua tuag thiab rho riam tua pojniam menyuam tsheej pab. Qhov no yog ib qhov phem kawg nkaus uas lawv xav kom lawv lub tebchaws Philipine txhob muaj tej Neeg phem ntawd mus ntxiv lawm. Kuv tus kheej los yog kuv ua Nom thiab muaj tebchaws kav, kuv yuav coj ib yam li tus Thawj Philiphine ua ntawd thiab.
Home
