pajhuam nrhiav mekabnoog tuaj ploj dua twg lawm

Hmong ntuj tshiab wrote:

Nyob zoo os Hlub tag tiam

Nyob zoo os-----------------Hlub Tag ib Tiam
Nco kuv diam------------------nag los leej nus
Koj cov lus----------------puas yog hais tseeb
Tuaj sau teeb--------------------hais zoo luaj li

Hmoov dab tsi--------------kuv hnov koj moo
Ntuj rov ntxhoo----------------kua muag ho si
Zoo xws li-----------------ntuj rov qhib tshiab
Kho kuv siab------------------yuj laim li txias

Puas paub tias--------------kuv tseem nco koj
Ntsia me nroj----------------me tsuag tuag daj
Nco koj tshaj----------------tus neeg kuv hlub
Hmo thawm hnub-------------ntuj tsaus li nti

Tsa suab ntxhi---------------seev txog koj npe
Es koj ne!!------------------puas nco kuv thiab
Me nplooj siab-------------nyob ncua kev deb
Ib rooj teb--------------------ncav tsis sib cuag

Lub kua muag----------------thiaj si tawm los
Cov lus nto--------------------ua zaj ua ntxeev
Niaj hnub seev-----------nrog kab noog nyob
Lub siab mob-----------------yog kuv nco koj

Mov tsis noj-----------------los tsis nco tshaib
Nco me naib--------------neeg zoo nraug xwb
Koj kuv wb-------------------ntshe nco ib yam
Thiaj tuaj tham----------------xa xov nug moo

Kuv nyob zoo---------------thiab mas leej nus
Xa lo lus----------------------kuv lub suab tuaj
Tsa suab quaj--------------nrog lub suab xuav
Ua npau suav-------------nyob nrog koj nraim

Txij kuv ncaim-----------------los txog tav no
Kuv yeej nco------------------wb tej lus tham
Muaj qee tsam---------------kuv twb tsis nrug
Yog koj tug---------------nyob nrog nraim koj

Sawv nraim txoj--------------me kev hlub tiag
Qi muag kiag---------------twb pib npau suav
Kuv tau tuav----------------------koj ib sab tes
Yam me ntse----------------luam dej yuj yeev

Yeej tsis seev---------------txog leej twg kiag
Lub xub ntiag-----------------puag kuv sov so
Tsim dheev ho------------yog npau suav xwb
Kua muag twg---------ntxaum hauv ncoo tag

Vim koj ntag-------------------kuv thiaj zoo li
Hnub thawm hli----------------los zoo tib yam
Thiaj muab tham----------------ua lus xa moo
Luag hmoov zoo-----------niaj xyoo tsis ntev

Neej tws kev------------------tsis muaj tus pab
Txoj kev fab-------------------yuav ua cas luaj
Tsa suab quaj-----------tsis muaj neeg mloog
Me kab noog-------------------lam ua lub neej

Peem tsis tsheej--------------kho siab li khuav
Yam noog puav---------------ua neej dai npoo
Khuam siab loo-------------ncav ntuj tsis txog
Nyob tsheej tog----------------ncav av tsis tau

Kho siab dhau-----------------os hlub tag tiam
Wb keeb kiam------------------vim koj tuaj lig
Ntshe tsis tig----------------wb los tsheej cuab
Koj tsis muab--------------txoj kev hlub tseeb

Yuav khuam xeeb-----------tsis tsheej lub yig
Tos ntuj tig------------------cia kuv mam tuag
Ua nroj tsuag------------------mus ciaj me kab
Mam los pab---------------quaj qhib lub xyoo

Qhia koj loo----------------kom pau cog qoob
Me nus Hmoob---------------tus me neeg zoo
Ua qoob loo--------------------koj thiaj tau noj
Nyob nrog koj---------------xwb mog leej nus

Kuv cov lus-----------------hais txog kev hlub
Lub suab qhub-------------tham qhia koj meej
Kuv tus kheej-----------------ntsuj plig ya tuaj
Hmoov tsis muaj------------tsis tau nrog nyob

Lus siab mob-----------------vim koj tsis hlub
Quaj xa hnub---------------saib koj puas paub
Kab noog saub------------qhia koj lawm xwb
Cia kuv swb---------------------koj ua tus yeej

Kuv tus kheej-----------------tos koj lwm tiam
Los koom niam------------koom txiv yug dua
Thiaj tsis tshua------------koj lawm o smog./.

( xaus li no )

PajYeebLaimKabNoog wrote:

hlubtastiam wrote:mekabnoog,kuv nim nrhiav koj qabntug dhau hauv ntuj,kuv tav nkhaus li tav nyuj kuv tseem nrhiav tsis tau koj tus ntsuj..kuv nim nrhiavkoj qabnrag dhau hauv nras ,kuv tav khaus li tav nas,kuv tseem tsis nrhiav tsis tau koj tus ntsuj mam.. wb yeej ibtxwm sibhlub, vim licas wb daim ntawv txij nkawm ho tsis sib rub,wb yeej ibtxwm sib nyiam, vim licas wb daim ntawv txij nkawm ho tsis tiam..tamsis no koj nyob sab ntujtwg, ntshe koj twb muaj coobleej ntau tus phoojywg..tamsis no koj nyob sabhnub tuaj los nyob sab hnub poob,nrhiav koj laus li no tsis hnov koj lub suab qhoob.. tav ntuj li no koj puas tseem nyob tos kuv, kuv tseem niajhnub nco nco koj lub siab khoob ntshuv xwb mog....

Nyob zoo os HlubTasTiam.Hnub no
yog hmoov dab tsi.cas kuv hnov koj moo.ua rau kuv lub ntuj rov ntxhoo. Es kuv kua muag ho si.Koj puas paub tias
kuv nco koj ua zaj ua ntxheev.kuv hnov me kabme noog seev los kuv nco nco koj Kuv hnov me ces xyoob ceg ntoo qoj los zoo xws koj xuav.Cas koj nim sawv nraim hauv kuv tus npau suav.Txij hnub kuv ncaim koj los txog tav no.Kuv yeej nco koj tsis muaj caij nrug.Kuv yeej xav ntsoov tias koj tseem yog kuv tug,Cas luag nim muaj hmoo.cas lub niam lub xyoo twb tsis ntev.cas zoo li mekabnoog nim nyob tsaus tsaus ntuj mus twg los yog lub neej tws kev.Cas luag hmoov nim zoo,ua dab tsi los muaj tus pab muaj tus tsoo.zoo li mekabmenoog.lam ua lub neej kho siab khuav zoo xws tsob qoob txawm dai npoo.Ncav ntuj los tsis txog ncav av los tsis tau.lam ua lub neej tsis muaj koj niaj hnub quaj niaj hnub npau .hlubtastiam.cas koj yuav tuaj lig.zaum no es wb yuav tsis tau tsheej cuab nyob koom yig.cia kuv mam tuag mus ua me kab quaj qheb xyoo.
cia kuv mam los quaj qhia koj ua qoob ua loo.tiam no wb hmoov tsis muaj.Cia kuv mam los ua tus me kab quaj xa hnub.cia kuv mam los quaj txhawb koj lub zog thaum tshav ntuj kub os mog
zoo siab uas ntsib koj dua.Ntshe yuav rov muab koj tshua mus tsis muaj hnub nres.Yog tsis hlub tsis tshua tsis txhob lam dag zes.Thaum kuv quaj ces koj cheem tsis tau.thaum kuv npau ces siav kawg tu.nco koj npaum no koj puas paub na hlubtastiam nplooj siab qab zib.

Eb phooj ywg sawv daws.kuv tsis paub sau paj huam nawb kuv tej lus yog lus seev xwb tijlaug hmoob ntujtshiab mas thiaj keej tiag tias li ua tsaug me tijlaug hmoob ntuj tshiab tus siab dawb uas koj tseem pab sau tau 1 zaj paj huam zoo heev pub rau hlubtastiam wb nawb mog.Tsis paub yuav pauj koj txiaj ntsig li cas os tsuas hais lo lus ua tsaug xwb mog es kom koj nyob kaj siab lug tau txhua yam li koj xav nawb mog tij laug hmoob ntuj tshiab..

kuv mepajyeeblaimkabnoog
npau suav toog los yog tiag lawm
pom koj tawm kuv zoo siab heev
koj txhob seev thiab koj txhob quaj
yog koj tuaj wb mam obleeg nyob
koj txhob mob kuv thiaj tsis txhawj
koj ua thawj ua kuv lub hnub
ntuj thaum ub vim tsis sib paub
kev sib ntsaub thiaj tsis sib tau
chim siab dhau txog niaj hnub no
hlub koj mog kuv me kabnoog
thov koj mloog thiab mloog kuv hais
kuv tsis cais wb ua lwm yam
thiaj tsis plam mus rau lwm qhov
kuv nyob nov tos koj lawm xwb
tsis khib dwb hais zoo rau luag
kuv yuav txuag lolus zoo rau koj
yam tsob nroj kuv yuav ywg dej
koj ua ntej kuv mam lawv qab
koj txhais npab cia rau kuv tuav
kuv yeej yuav ntshai koj tsis kam
koj txhob plam mus ua me kab
cia koj npab los rau kuv ncoo
me kabnoog kuv tsis pub koj ua
kuv mam puag thiab kuv mam hlub
kuv tsis ntxub thiab kuv tsis cem
txhua yam phem kuv tsis hais rau koj
kuv yuav coj wb taug kev ncajncees
yog koj lees ces kuv kaj siab
ntawm tus tshiab kuv tsis hais lawm mog....

PajYeebLaimKabNoog wrote:

Hmong ntuj tshiab wrote:

Nyob zoo os Hlub tag tiam

Nyob zoo os-----------------Hlub Tag ib Tiam
Nco kuv diam------------------nag los leej nus
Koj cov lus----------------puas yog hais tseeb
Tuaj sau teeb--------------------hais zoo luaj li

Hmoov dab tsi--------------kuv hnov koj moo
Ntuj rov ntxhoo----------------kua muag ho si
Zoo xws li-----------------ntuj rov qhib tshiab
Kho kuv siab------------------yuj laim li txias

Puas paub tias--------------kuv tseem nco koj
Ntsia me nroj----------------me tsuag tuag daj
Nco koj tshaj----------------tus neeg kuv hlub
Hmo thawm hnub-------------ntuj tsaus li nti

Tsa suab ntxhi---------------seev txog koj npe
Es koj ne!!------------------puas nco kuv thiab
Me nplooj siab-------------nyob ncua kev deb
Ib rooj teb--------------------ncav tsis sib cuag

Lub kua muag----------------thiaj si tawm los
Cov lus nto--------------------ua zaj ua ntxeev
Niaj hnub seev-----------nrog kab noog nyob
Lub siab mob-----------------yog kuv nco koj

Mov tsis noj-----------------los tsis nco tshaib
Nco me naib--------------neeg zoo nraug xwb
Koj kuv wb-------------------ntshe nco ib yam
Thiaj tuaj tham----------------xa xov nug moo

Kuv nyob zoo---------------thiab mas leej nus
Xa lo lus----------------------kuv lub suab tuaj
Tsa suab quaj--------------nrog lub suab xuav
Ua npau suav-------------nyob nrog koj nraim

Txij kuv ncaim-----------------los txog tav no
Kuv yeej nco------------------wb tej lus tham
Muaj qee tsam---------------kuv twb tsis nrug
Yog koj tug---------------nyob nrog nraim koj

Sawv nraim txoj--------------me kev hlub tiag
Qi muag kiag---------------twb pib npau suav
Kuv tau tuav----------------------koj ib sab tes
Yam me ntse----------------luam dej yuj yeev

Yeej tsis seev---------------txog leej twg kiag
Lub xub ntiag-----------------puag kuv sov so
Tsim dheev ho------------yog npau suav xwb
Kua muag twg---------ntxaum hauv ncoo tag

Vim koj ntag-------------------kuv thiaj zoo li
Hnub thawm hli----------------los zoo tib yam
Thiaj muab tham----------------ua lus xa moo
Luag hmoov zoo-----------niaj xyoo tsis ntev

Neej tws kev------------------tsis muaj tus pab
Txoj kev fab-------------------yuav ua cas luaj
Tsa suab quaj-----------tsis muaj neeg mloog
Me kab noog-------------------lam ua lub neej

Peem tsis tsheej--------------kho siab li khuav
Yam noog puav---------------ua neej dai npoo
Khuam siab loo-------------ncav ntuj tsis txog
Nyob tsheej tog----------------ncav av tsis tau

Kho siab dhau-----------------os hlub tag tiam
Wb keeb kiam------------------vim koj tuaj lig
Ntshe tsis tig----------------wb los tsheej cuab
Koj tsis muab--------------txoj kev hlub tseeb

Yuav khuam xeeb-----------tsis tsheej lub yig
Tos ntuj tig------------------cia kuv mam tuag
Ua nroj tsuag------------------mus ciaj me kab
Mam los pab---------------quaj qhib lub xyoo

Qhia koj loo----------------kom pau cog qoob
Me nus Hmoob---------------tus me neeg zoo
Ua qoob loo--------------------koj thiaj tau noj
Nyob nrog koj---------------xwb mog leej nus

Kuv cov lus-----------------hais txog kev hlub
Lub suab qhub-------------tham qhia koj meej
Kuv tus kheej-----------------ntsuj plig ya tuaj
Hmoov tsis muaj------------tsis tau nrog nyob

Lus siab mob-----------------vim koj tsis hlub
Quaj xa hnub---------------saib koj puas paub
Kab noog saub------------qhia koj lawm xwb
Cia kuv swb---------------------koj ua tus yeej

Kuv tus kheej-----------------tos koj lwm tiam
Los koom niam------------koom txiv yug dua
Thiaj tsis tshua------------koj lawm os mog./.

( xaus li no )

wowow..Tijlaug hmoobntujtshiab tus me muaj zoo txuj...Koj ma sau tau raws kiag li kuv xav ntagua koj tsaus os tus tijlaug ntujtshiab siab dawb.ua tsaug nws lub sij hawm uas muab los siv sau zaj pajhuam no pub pajyeeblaim nawb mog.koj niam koj txiv noj dab tsi yug es yuav yug tau tus me leej nus tshaj lij tag npaum ko na.PajYebLaim ces tsuas paub seev kev tu siab rau nej mloog xwb os tsis paub teeb lus dhos li nws na.zoo siab heev li os ua nws tsaug nawb mog .

Hmong ntuj tshiab wrote:

Zaj teb kab noog

Me kab noog-------------------leej muam paj yeeb
Cev zeej xeeb-------------------phim zeej zam zoo
Hnov koj nroo--------------------nug txog kuv npe
Niam txiv ne-------------------------noj dab tsi yug

Txawj teej tug-------------------sawv ntos txuj zoo
Twb tsis zoo-------------------muab tham qhia koj
Lam muab ncoj------------------qhia me ntsis xwb
Koj kuv twb----------------------paub tsis tau tseeb

Lam muab txheeb-------------hais qhia kom meej
Koj tus kheej--------------------xav paub txog kuv
Yeej tsis khuv-------------------hais qhia koj paub
Vim koj saub----------------------tau tsa ncauj nug

Kuv teej tug--------------------hais txog keeb kwm
Tau xeeb tshwm---------------sim los peem tsheej
Kuv tus kheej------------------xeeb los tshwm sim
Cev tsheej tsim---------------------los ua zeej keeb

Tau tshwm xeeb---------------------los ua tib neeg
Tsheej zeej txeeg------------------yug ua txiv neej
Kuv tus kheej--------------------tau tuav qauv txuj
Yam tsim nuj--------------------nco tau meej tseeb

Tuav ntawv teeb-----------Hmoob txuj txhua yam
Kom txhob plam-------------thiab txhob ploj mus
Peb teej tus---------------------uas yog Hmoob tug
Nrog pab pug---------------------cia ua puav pheej

Sau hais meej---------------rau Hmoob tsoom sim
Ua qauv cim-------------------txog txuj txhua yam
Thiaj muab tham--------------------ua lus paj paws
Qhia sawv daws----------------kom ho paub tseeb

Kuv chiv keeb--------------------niam txiv yug los
Tsuas noj qo--------------------ntxuag me zaub iab
Nyob toj siab---------------------lub neej pem roob
Tshwm yog Hmoob------------tsev neeg xeem vaj

Li muab tshaj-----------------------los qhia koj loo
Sawv los tsoo-------------------nrog ntos txhua fab
Hmoob txoj kab-----------------tshwm sim ua neej
Txheej dhau txheej-------------tiam dhau tiam los

Qoov sua ntos--------------Hmoob txuj txhua yam
Thiaj muab tham-----------------sau ua puav pheej
Kuj tsis keej-------------------tsuas xyaum sau tau
Teem ua phau---------------rau Hmoob tau nyeem

Kev fab peem-------------------yog khaws txuj cia
Kom tau qhia--------------tsoom Hmoob tsis paub
Kom to taub-----------------------coj mus siv xwb
Txhob mob hlwb--------------txog Hmoob tej txuj

Tsis tsaus ntuj----------------rau Hmoob tus kheej
Kom txhua leej-----------------paub ib yam nkaus
Tej hluas laus----------------kom txhob sib thuam
Hos cov ruam-------------------------los kuj siv tau

Cov uas yau------------------------pab tau cov hlob
Kom tsis txhob----------------ntsib kev nyuaj siab
Lus tseem ntsiab-------------------ho txawj ib yam
Muaj qee tsam---------------kom txhob pluag txuj

Neej tsim nuj-------------------------nyob tau ua ke
Txawm loj me----------------------kom sib to taub
Tej lus saub--------------------mloog tau nkag siab
Lus Hmoob tshiab----------------los txawj ib yam

Tej lus tham--------------------mas muaj ntau heev
Yuav tsis teev------------------qhia kom txhua npe
Suav ua ke--------------------yeej kawm tsis thoob
Peb tsoom Hmoob------------cov kawm tau txawj

Nws tsis thawj---------------------leej twg li lawm
Muab suav tawm----------------tsuas muaj ib nrab
Cov poob qab------------------tseem tsis tau txawj
Niaj hnub thawj----------------mus thov luag xwb

Kev mob hlwb---------------------ua neej tsaus nti
Zoo xws li---------------------------lub ntuj tsis kaj
Tsis paub npaj----------------------nws tus kheej li
Qi muag nti-------------------------ua neej plos xob

Tsuas lam nyob------------------ib hnub xam hnub
Tej niam tub---------------------twb tsis txawj hais
Txawm niam tais------------------yeej tsis paub hu
Tsev tsis tu--------------------vaj tsev ntxhov nyho

Twb tsis nco-----------------------nws yog leej twg
Ncauj cuag ntswg-------------------los hais tsis tau
Mob taub hau--------------------ces pos muag quaj
Txawm muaj tshuaj----------------los tsis paub siv

Peb thiaj chiv--------------------sawv los teeg txuj
Yam tsim nuj---------------------khaws txeeg ua ci
Tej tsim nqi-----------------------cia ua puav pheej
Coj Hmoob neej------------------rau yav pem suab

Hmoob kuj cuab----------puas yuav peem tshwm
Raws keeb kwm---------------yawm saub tau hais
Tej tub ntxhais----------------yuav tsum fab peem
Raws txheej txheem---------yawm saub tsim tseg

Tej teej teg-----------------------kev coj kev ntseeg
Rau tsoom neeg-----------nyob ntawm txhua haiv
Nyias yeej xaiv----------------muaj nyias hom zoo
Tau ntseeg loo-----------------muaj raws nyias tug

Thiaj coj pug----------------------ua kev tshaj xeeb
Nyias thiaj keeb-----------------hawm tsis sib xws
Kev tsis tws---------------------rau nyias haiv neeg
Txoj cai ntseeg--------------nyias muaj nyias tswv

Thiaj tsis txwv------------------kev cai teev hawm
Txoj kev kawm------------------tsis muaj caij xaus
Koj txawm laus------------------los yeej kawm tau
Kawm hauv phau-----------------yeej siv tau thiab

Qhov tseem ntsiab----------peb yog neeg Hmoob
Neeg txawj coob-----------------txhob cia siab rau
Koj kawm tau--------------------ces kav tsij kawm
Coj mus cawm-----------------------koj lub caij siv

Txawm niam txiv----------------yog luag thov koj
Sawv tsees ncoj----------------ces luag thiaj qhuas
Txawm laus hluas--------------los luag thiaj hwm
Koj koob tshwm-------------ces luag qhuas xwb./.
( xaus li no )

hlubtastiam wrote: mekabnoog koj puas tseem tos
lo lus mos koj tsis teb kuv
siab khoob ntshuv tu siab twjywm
hmoov tsis tshwm wb tsis sib tau
thov txhob npau thiab txhob tu siab
mam thawj thiab li koj hais mog
kua muag nrog cia kuv mam ris
mus ib txhis kom txhob raug koj
nce hauv toj cia kuv ib leeg
ib sim neeg tos ntsoov koj xwb
koj lub hlwb tsis npuab kuv lov?
yam tais mov koj tsis xav cev diav
kuv txoj siav yeej khi rau koj
ua siab loj los wb sib hlub
muab nyuj dub los hu koj plig
lub cuabyig koj ua tus tuav
yog koj tshuav yam twg xav tau
txhob siab yau kuv mam li peem
maj mam ntxeem los txhawb rau koj
ntawm kev noj thiab ntawm kev hnav
cia koj kav wb mam sib qhia
kuv tsis cia koj nyob ib leeg
thov koj ntseeg mog me kabnoog
koj puas yoog raws li kuv hais
txhua pluas tshais cia koj los nta
qhia ncaj qha kom koj to taub
neej sib ntsaub thiab sib txhawb zog
koj tuaj txog ho xav licas os mekabnoog

zoo li koj tu tu siab rau kuv es kuv ruam tas lawm
sau tsis tau li lawm. thov koj zamtxim nawb nawb.

xiongchang wrote:......Me kab noog...Cas tseem tuaj nug...Li ko nas lov?...Phooj ywg!...Me kab noog...Tog koj ntev niaj...Ntau lub xyoo...Koj tsi yuav...Tog koj ua npau suav toog...Ntxias deev dua toj...Dag dua dawm...Koj xav ntxias...Saw ko taw...Daim ntaub tiag...Ko taw nram qhov rooj...Nws paub zoo tias...Koj Tsi yuav...Muab twm laij liag...Pes tsawg xyoo...Twm laug tas...Vim koj muab nyuj laj...Tog ntsev nkoog...Muab nees khi...Tog zaub hlav...Nyuj nqhis npaum twg?...Tsi tso nyuj...Yaim nplooj ntse...Tsi tso nees noj zaub...Kev ua ib sim nkauj xwb...Yam luag tog...Ntev kawg...Tiav nkauj kiag...Teeb nkauj rog...Koj tsi yuav...Luag yuav rawm nrhiav chaw sov...Nrau cuam...Seb kub puas chob...Nqaij puas to...Qhov puas ntuag...Lauj kaub mov...Ua siav lawm...Yog tsi noj...Yuav txiag...Tsi qab lawm...Yuav tau noj...Luag tej laug hais tias...Yam khoom noj...Yog tsi noj...Yuav lwj tsw...Yog tsi kawm...Tsi nco qab tas...Puas yog li ntawd.

xiongchang wrote:......Yam lub taig...Tshuaj khib...Yog tsi tuav...Txhob txua qws txob...Yog txua qws txob...Yuav tau tuav nraim...Yog tsi tuav nraim...Taig tshuaj khib...Yuav ntsuj plaus plav...Tiab tsho hnav...Yog tsi hnav...Tsi tas yuav...Khuam dai cia...Ntsuj plaus plav...Yam txoj kev tsi taug...Yog tsi taug...Yuav tuaj nroj fab loos...Txoj kev tsheb...Yog tsi khiav...Kev tsi ntaug...Yam rab phom...Tsi tua...Yuav ntxig hws...Tua tsi nrov...Tsev tsi rauv tawg...Yuav nploj nphob zuav...Ib hnub tom ntej.

PajYeebLaimKabNoog wrote:



Eb...HLUBTASTIAM.. Cas hnub no tsis pom koj tuaj.
es puas yog koj tseem mus zaum quaj.Cas hnub no tsis pom koj tshwm
Ntshe yog koj mus zaum quaj twj ywm.Es leej twg ua koj npau
hnub no koj thiaj mob taub hau.es leej twg ua koj ntsoos es hnub no koj
thiaj hnoos hnoos,Koj tej lus hais tsis muaj tseeb
cas kuv nim tos tos koj tav no os ntshe yuav ua rau koj muaj kev txhawj
xeeb,kuv nim ua hnub ua hmo nriav.cas nyuam qhuav rov pom
los koj twb yuav xuas kev khiav.Ntshe kuv yuav nkim zog tos koj.Tsam no
tus me duab tshav ntuj twb ci yuav ploj,Ntshe
yuav nkim kuv lub zog tos ua mob ntxiag,tab sis ntshe kuv tsis yog tus
koj hlub tiag os,hnub no lub ntuj kaj ci ntsa tshiab tshiab
es koj tseem mus hais lus sov lawm leej twg nplooj siab os HLUBTASTIAM?

MUS LAWM MOG UA TSAUG OS TXHUA YAM ....

PAJYEEBLAIMKABNOOG...............

hlubtastiam wrote:

PajYeebLaimKabNoog wrote:



Eb...HLUBTASTIAM.. Cas hnub no tsis pom koj tuaj.
es puas yog koj tseem mus zaum quaj.Cas hnub no tsis pom koj tshwm
Ntshe yog koj mus zaum quaj twj ywm.Es leej twg ua koj npau
hnub no koj thiaj mob taub hau.es leej twg ua koj ntsoos es hnub no koj
thiaj hnoos hnoos,Koj tej lus hais tsis muaj tseeb
cas kuv nim tos tos koj tav no os ntshe yuav ua rau koj muaj kev txhawj
xeeb,kuv nim ua hnub ua hmo nriav.cas nyuam qhuav rov pom
los koj twb yuav xuas kev khiav.Ntshe kuv yuav nkim zog tos koj.Tsam no
tus me duab tshav ntuj twb ci yuav ploj,Ntshe
yuav nkim kuv lub zog tos ua mob ntxiag,tab sis ntshe kuv tsis yog tus
koj hlub tiag os,hnub no lub ntuj kaj ci ntsa tshiab tshiab
es koj tseem mus hais lus sov lawm leej twg nplooj siab os HLUBTASTIAM?

MUS LAWM MOG UA TSAUG OS TXHUA YAM ....

PAJYEEBLAIMKABNOOG...............

http://1.bp.blogspot.com/-8Mqubfqv0sI/T8L0MLo5DQI/AAAAAAAABR0/7x0udg4AkMI/s1600/user_350045_user_350045_132406072600_03_54.jpgkuv mekabnoog tus kuv nco
tos kuv tsis xav tuaj los kuv tauv tsis taus kuv lub kuamuag nrog.
kuv tuaj pom luag tejnim hais luag ntxhi
kuv nyob ibleeg nrog lub kua muag si
kuv nim mus nrhiav thoobzej zog los tsis pomkoj tuaj kuv thiaj li mus zaum tsaws quaj
uacas luag yuav muab wb ua nyuj cais ntsev nees cais zaub
kuv quaj/nco npaum no los koj tsis lees paub
uacas luag yuav muab wb ua nees caiszaub nyujcais ntsev
kuv nrhiav npaumtwg los tsistau koj kuv thiaj mus quajdhujdhev,thxuayamkev nyuajsiab cia kuv ibleeg ev
vim npaj tau qws txob luag nyiag tshuaj khib lawm
lubqhov txhab kev hlub kevnco thiaj tsis paub nqawm
mekabnoog thov koj txhob khi nyuj tos zaub hlob
kom kuv lub siab thiaj li tsis hnov mob
kuv yeej tsis dag koj kom xiam sij hawm
xyov koj mus ploj dua roojteb twg lawm
kuv nim nrhiav2 koj qabntug dhau hauv ntuj tavnkhaus li cuag tav nyuj.
kuv twb taug tsis tau koj tus neev taw tsuj
kuv nim nrhiav2 koj qabnras dhau hauv nras tav nkhaus li tav nas
yogvim licas koj tseem haistias yog kuv dag no mas?kuv tseem niajhnub tos thiab nrhiav koj mog
thov koj tsis txhob qaug zog ..

kuv tseem nrhiav koj xwb os...pg" alt=""/>

xiongchang wrote:......Kev ua neej nyob ntiaj teb no...Luag tej laug...Piv ntuj nrag lug tias..."Tej laug - Tsi nyiam - Tej hluas - Sib nyiam heev"...Kuv ntsib ib zaug...January 6, 1972...Cim peb caug xaus xyoo...Hnub xiab ib...Yog kuv tug hluas nkauj thib: 7...Lub sij hawm ntawd...Kuv tau hnub qub: 2...Vim niam txiv tsi xyaum zoo...Qhia ncaj tias...Yog haus yeeb...Txawm yug txawj ua neej...Khwv muaj nyiaj...Los luag tsi paub...Luag xav tias..."Ntshe yug xyaum liam li...Tej laug...Wb pov pob rau hnub nkaug...Niam tais..."Pog tuaj muab wb khoom thim tas...Rub loo hluas nkauj tes...Cab qhe nram tsev lawm...Thaum mus txog...Tawm plawg rov tuaj dua...Ntsib kuv zaum kawg...Kuv cheem nam pog...Niam tais pog...Hais li no...Tub yog koj yuav...Peb tug ntxhais...Peb txua com koj kwv kiag...Lo lug txua com...Txhais tau tias...Luag muab muag tuag kiag...Tsi xam lawm...Kuv ua ib siab tso tseg...Tug hluas nkauj ntawd...Cem quaj taw nkis tias...Pog...Koj siab phem dhau...Koj tsi pub...Kuv yuav nws...Koj txhob cia siab tias...Koj yuav tau kuv nqaij noj...Hnub twg?...koj tuag...Kuv mam yuav txiv...Yog koj tsi tuag...Txawm ua nkauj laug...Pes tsawg xyoo...Los yeej ua...Tug hluas nkauj ntawd...Txiav txim siab...Tsi yuav txiv txog ntua xyoo 1996...Pog tuag...Mam yuav txiv...Teb chaws mes kas no...Lub neej ntawd...Yog ib lub neej tu siab kawg...Yog leej twg?...Raug txiav kev nkauj nraug zoo...Thiaj paub txog nawb...Tseev ob leeg sib nyiam npaum twg?...Luag txiav tu nrho...Kuv nrauj ncua...Kuv niam ceg neej tsa...Los txog niaj hnub no...Kuv tsi ntoj...Kuv tsi khiav lawm...Kum yuav lwm cuab xeem hmoob..."Sib tw nrog luag ua neej neeg"...Seb leej twg zoo dua.

hlubtastiam wrote:mekabnoog,kuv nim nrhiav koj qabntug dhau hauv ntuj,kuv tav nkhaus li tav nyuj kuv tseem nrhiav tsis tau koj tus ntsuj..kuv nim nrhiavkoj qabnrag dhau hauv nras ,kuv tav khaus li tav nas,kuv tseem tsis nrhiav tsis tau koj tus ntsuj mam.. wb yeej ibtxwm sibhlub, vim licas wb daim ntawv txij nkawm ho tsis sib rub,wb yeej ibtxwm sib nyiam, vim licas wb daim ntawv txij nkawm ho tsis tiam..tamsis no koj nyob sab ntujtwg, ntshe koj twb muaj coobleej ntau tus phoojywg..tamsis no koj nyob sabhnub tuaj los nyob sab hnub poob,nrhiav koj laus li no tsis hnov koj lub suab qhoob.. tav ntuj li no koj puas tseem nyob tos kuv, kuv tseem niajhnub nco nco koj lub siab khoob ntshuv xwb mog....