Kuv mob hlab ntsws qhuav.

Nyob zoo kuv tsoom me phooj ywg txhua tus thov nej pab tswv yim los yog tshuaj ntsuab pub rau kuv tus mob.
Raws li kws kho mob tau hais rau kuv mas tam sim no kuv muaj tus mob hlab ntsws qhuav Dr tsis muaj peev xwm kho tau lawm.
Kuv txoj hlab ntsws los tshuam ntawm caj pas qhuav tsis ua hauj lwm lawm.
Noj mov haus dej ces dej thiab kua zaub mov nkag tau rau txoj hlab ntsws mus rau hauv lub ntsws thaum lub ntsws teev dej ntau ces kuv mob ntsws dej.lawv tsis muaj peev xwm kho tau txoj hlab ntsws kom zoo li qub thiab rov ua hauj lwm li qub lawm.
Yog li no kuv thov tsoom kwv tij phooj ywg sawv daws leej twg paub yam tshuaj dab tsi kho tau no ho pab qhia kuv paub.
Kuv yuav muaj lus ua nej tsaug ntau mog.

......Kwv koob pov as...Teb chaws no...Mes kas puas muaj hom tshuaj kua mis dawb...Npe hu ua...Pennysilyn g...Yog muaj hom ntawd...Thiaj kho tau os...Koj mus nrhiav yuav...Tom khw hmoob tshav puam qub tshiab zoo li muaj muag...Cov ntsiav...Los noj zoo...Cov kua mis...Txhaj los zoo..."Tab sis"...Siv sij hawm ntev zog nawb...Yav ntuj thaum teb chaws nplog...Kuv ua nai muam tub rog...Kho tau kab mob ntsws qhuav...Ces li...Kuv piav no xwb ov...Kwv koob pov aws.

Nyob zoo tij laug Xiongchang.
Kuv tsis yog mob ntsws qhuav ov yog txoj hlab ntsws los tshuam ntawm caj pas qhuav tsis ua hauj lwm lawm xwb.
Noj mov haus dej thiaj pheej nkag tau rau lub ntsws lawm ces thaum tsws teev dej ntau ces mob ntsws dej no naj.

Me tub Koobpovtxuj,

Yog Kws tshuaj tsis pom qab kho lawm no, kuv xav mas nws txhob mus yuav Hmoob tej tshuaj hwj huaj tim khw noj tsam ces lawv lam tau lam muab tseem nyuaj nws rau tom qab thiab. Vim ib ziag no mas hmoob tseem keej tshaj cov Scientifics lawm thiab.

Qhov kuv pom tias yuav zoo rau nws mas yog noj cov txiv GOJI nov. Txij thaum kuv nrhiav tau, kuv qhia rau sawv daws, muaj tus puav mob raum, twb npaj lim ntshav lawm xwb, lawv noj, lawv lub raum cia li rov qab ua hauj lwm lawm. Cov txiv Giji nov mas nws ua kom yus cov nqaij hlav tshiab mos hluas tuaj, nws kho tag nrho yus tej plawb plaw siab ntsws rau yus lub paj hlwb, tej nqaij tej leeg tib si. Tseem ua kom yus muaj zog, ntshav zoo ntxiv. Vim nws muaj hlau ntau. Koj noj taus ces cia li noj xwb, yog tsis nyiam noj los koj muab rhaub haus. Noj ib hnub li 20-30 lub xwb txhob noj tshaj. Kuv siv mas kuv noj li 15 lub xwb. Yog ib tug neeg tsis muaj mob mas noj li kaum tawm hnub tej mas yuav tseg ib ntus mam noj dua. Yog muaj mob mas ho noj ntev me ntsis kom tus mob zoo tso mam tso tseg lo nyaj tau. (nov kuv hais li kuv xav xwb, tsis tau paub zoo thiab).


Goji, yog ib tsob tshuaj tuaj nyob Suav teb, Tibet. Nws ua hmab tsawv, tuaj pos. Txi cov txiv liab liab, luaj li kuav txob quav tsuag.

Siv ua zaub noj:

Xyaw nqaij noj, tsaws qaib noj, xyaw zaub thaum yus ua mov noj.

Siv ua kob swm tshuaj haus:

- Xyaw kob swm tshuaj (Tea) haus.

NOJ UA TSHUAJ

Noj niaj hnub, ib hnub 1 zaug tom qab noj mov.
Thaj tsam li 20-30 lub, txhob siv dhau 30 lub,
vim nws kuj yog ib cov tshuaj muaj zog heev thiab.

Rhaub haus:

- Rhaub dej kom npau, tsuab ib txaum li 20-30 lub txiv tso rau hauv, rhaub ib pliag ces haus thiab noj cov txiv.

Cia li noj qhuav:

-Muab ib qho li 20-30 lub los tsaug dej ib ob lwm, ces cia li noj, qab li txiv cawv qhuav.

Ua kua txiv haus:

-Muab tsau dej, muab zom ces ua kua txiv haus.

Goji zoo tshuaj:

- Tiv thaiv Cancer
- Tshuaj muaj zog, ntxiv ntshav
- Ua kom pob txha khov
- Thiv thaiv kab mob
- Tiv thaiv ntshav muaj roj
- Tiv thaiv hlab plawv txhaws
- Tiv thaiv quav hlau hauv cev, qaug zog (sab)
- Pab kev nyuaj siab thiab ntxhov siab
- tshuaj txiv neej, poj niam
- Tshuaj poj niam cev qhuav
- Tshuaj yuag
- Tshuaj tib thaiv Radioactivité (Nuclear)
- Pab qhov muag pom kev ntev ntev (thaum laus lawm)
- Tsis laus sai txhua yam ( Plawv, siab, raum, paj hlwb (tswv yim), cev nqaij, leeg, pob txha, hlab ntsha)


Yog yus cog tau, cia li de los ua zaub noj. Yog thaum txi ntau, de los tso txee kho cia noj ntev hli. Ziab qhua kuj tau.
Yuav qhuav nyob tsev muag khoom Suav.

Lawv muag ua txiv thiab muag ua tshuaj lub.

Cov Suav mas lawv saib hlob heev, yog ib hauv tshuaj tseem ceeb heev rau lawv.

Ua tsaug niam ntxawm txooj tub.
Cov txiv Goji koj hais no mas yog cov tseem nyoos mas tsis pon muaj tab sis cov qhuav lawm no nyob ntawm kuv lub zos no los yeej pom muaj tom tej taj laj muag tshuaj suav cia kuv mam li mus yuav los rhaub haus los yog coj los zom noj los tau.

Nyob zoo tus txiv ntxawm koobpovtxuj.

Zoo siab rov tuaj ntsib koj dua thiab,txiv ntxawm cia kuv nug kuv tus yuam yij thiab cov neeg ua kuv puab tias lawv txawj muab tshuaj ntsuab heev seb yog mob li koj mob no puas muaj tshuaj ntsuab kho tau thiab?. Yog kuv paub dab tsi no los mas qhia koj thiab. Cov txiv Goji no koj mus yuav tom taj laj shimhaw ntawm kev University xwb nws muaj ntau ntau kawg. Yog muab tshuaj ntsuab rau koj es koj puas yuav haus tau thiab mas txiv ntxawm vim koj hais rau kuv tias haus tsis tau dej no lawm ned. Mam li ntsib koj dua thiab shung vang

shung wrote:Nyob zoo tus txiv ntxawm koobpovtxuj.

Zoo siab rov tuaj ntsib koj dua thiab,txiv ntxawm cia kuv nug kuv tus yuam yij thiab cov neeg ua kuv puab tias lawv txawj muab tshuaj ntsuab heev seb yog mob li koj mob no puas muaj tshuaj ntsuab kho tau thiab?. Yog kuv paub dab tsi no los mas qhia koj thiab. Cov txiv Goji no koj mus yuav tom taj laj shimhaw ntawm kev University xwb nws muaj ntau ntau kawg. Yog muab tshuaj ntsuab rau koj es koj puas yuav haus tau thiab mas txiv ntxawm vim koj hais rau kuv tias haus tsis tau dej no lawm ned. Mam li ntsib koj dua thiab shung vang

Luag tsis pub kuv haus dej ntshiab xwb yog tshuaj ntsuab ces muab los zom kom mos ua kua me me nyeem nyeem haus me ntsis xwb yeej tau mas.
Me nyuam tseem mus yuav cov txiv tshuaj uas hais no lawm cia 1 pliag me nyuam los seb puas yuav tau li cas.

Tham qhia kuv cov phooj ywg txhua leej paub tias Hnub no kuv rov mus thaij fais fab dua Dr tias kuv txoj hlab ntsws pib ua hauj lwm me ntsis lawm kom txhob ntshai lawm.

koobpovtxuj wrote:Tham qhia kuv cov phooj ywg txhua leej paub tias Hnub no kuv rov mus thaij fais fab dua Dr tias kuv txoj hlab ntsws pib ua hauj lwm me ntsis lawm kom txhob ntshai lawm.

zoo siab tuaj pom koj qhia peb tias koj zoo zog lamw nawb Koobpovtxuj...lub caij nag yuav dua, lub caij no yuav los txg thov kom koj tsuas tau ntsib kev noj qab nyob zoo kom xyoo laus tawm xyoo tshiab koj nyob kaj siab lug.