Koj puas tau ntsib dua ib tug tib neeg qia dub, los sis tuaj txais koj nyiam lawm tsheej xyoo tsis them?

- He....he....Tib neeg cog zia, Yug twb pom nws muaj yam khoom ntawd; Yug mam qiv siv "Tab sis" Nws dag tias tas lawm, Luag hu tias "Tib neeg cuaj kaum" Tug tib neeg "Lwb nqis" Thaum tuaj txais mas, Hais lug yooj yim "Tab sis" Thaum them rov qab mas "Nyuaj kawg" Tej laug hais tias, Thaum nyiaj mus; Nyiaj luag ntxhi....Thaum nyiaj rov, Nyiaj dub muag txig; Cov neeg lwb nqis....Thaum nyob nruab deg "Tshua siav" Thaum cawm npo tau tawm nruab nqhuab "Tshua nuj" Tsi xav them tug tswv, Kuv muaj ib tug niam ntxawm; Ib tug muam kwv tij....Thaum peb khiav nplog teb, Nkawd leeg tias; Thov kuv hai cab nkawd hla dhau dej:....River Me kong....Nkawd mam them nqis ntaub ntawv txhua yam, Kuv hai dhau; Nkawd tsi kam them....Peb sib hais ob peb los lug "Nplua tawg" Tug muam ntawd, Coj nws tug tub "Es" Tuaj kawm ntawv tas:...Bachelor Science Engineering Designing Helicoter Cobra....Tau hauj lwm zoo kawg, Ib xuaj moos luag them $85.oo Dollars....Mus da dej poob deg tuag xyoo 2006, Lawm qhov ntawd....Txhais tau tias...."Npam -Khaum"

MayPaj wrote:

_ Koj puas tau ntsib dua ib tug tib neeg qia dub? qia dub npaum li cas tiag? nws coj li cas?

_ Puas tau muaj neeg tuaj txais koj nyiaj tsis them koj ? or thov koj nyiaj pub nws tag nws tsis nco koj txiaj ntsim?

Yog koj ntsib cov neeg zoo li no lawm, koj ho xav li cas thiab koj ho coj li cas thaum koj ntsib nws ? tuaj peb sib qhia tawm tswv yim. Vim hais tias ib txhia neeg yog nws txais koj nyiaj tsis them, ntev nws cia li ntxub yus los muaj, ib txhia ces tuaj thov yus nyiaj pab nws tas, thaum nws tau zoo, nws ua tus tsis paub yus li lawm. Txaus tu siab kawg.

Nyob zoo Maypaj.
Kuv yog neeg txom nyem thaum yau los lawm kuv pom cov neeg muaj nyiaj lawv yeej ntshai tsam yus mus qev txais lawv nyiaj yus them tsis taus.
Kuv pom tus neeg qia dub tshaj plaws yog kuv 1 tug niam ntxawm txiv ntxawm ntag.lawv txoj kev qia dub mas tham me ntsis rau nej li no.
Lawv cov neej tsa tuaj fab kis teb tuaj lawv yeej tsis mus coj los saib tsev li.lawv hais tias lawv yeej tsis muaj sij hawm yuav nrog neej tsa nyob thiab npaj tsis tau 1 pluag mov rau neej tsa noj li ces kav liam.neej tsa hu kiag kom mus tos neej tsa los saib nkawd los nkawd hais ub hais no xwb cia li tsis mus tos neej tsa los saib tsev li.
Nkawd muaj 1 tug ntxhais mus yuav txiv nkawd hais rau peb tias nkawd mas ntshai tsam tus ntxhais thiab tus vauv tuaj saib nkawd ho tuaj nrog nkawd pw hmo puav es yuav tau npaj zaub mov noj.nkawd mas txhawj tshaj plaws txog qhov ntxhais vauv tuaj saib nkawd.

Muaj ntau tus tuaj txais kuv nyiaj tab sis kuj them zoo rov tuaj rau kuv.xyoo 2000 muaj 1 tug kwv tij tuaj txais kuv nyiaj $600.00 xwb tab sis yeej tsis nco qab them kuv li xyoo 2009 kuv thiaj txiav txim siab nug nws tias yog nws tau nyiaj no thov nws ntxiv rov rau kuv.nws teb tias nws txais mus rau me nyuam siv xwb cia nws mam hais me nyuam them kuv tab sis yeej tsis them txog niaj hnub no.nws ntsib yus nws tseem ntxub yus.
Muaj 1 xyoos kuv yuav tau 20 hnab qhauv pub nyuj kom nyuj rog muaj 1 tug phooj ywj tuaj pom cia li tuaj txais 5 hnab mus sim seb nws cov nyuj puas rog nws mam li mus yuav los them kuv.tab sis lawm ncaj qha tsis xa xov pub kuv paub li.thaum kawg kuv tsis yug nyuj lawm ces tag li xwb.
Cov qhauv pub nyuj no 1 hnab yog $60.00 yog xam ua nyiaj ces raug $300.00 lawm thiab.

Nyob zoo txiv ntxawm koobpovtxuj

Kuv los tib yam thiab tiag, tsis muaj hmoov txais nyiaj li; txais mas yeej tsis them li koj nug ces zoo li koj hais ntag. Kuv tus hlob fav neeb nws txais ib 1000 kis nyiaj txiaj laus rau ib tus hlob ces tsis them kom tag rau hlob fav neeb ces zoo li yog them ib nrab xwb. Tiam sis nws tsis ua twj ywm ho nws tseem hais tias hlob fav neeb tsis txawj siv es yawg muab pub kuv siv xwb no ces hlov fav teb yawg tias yog kuv tseem muab nyiaj txais ib zaug rau koj thiab mas kom kuv tuag kiag...... Kev txias nyiaj mas tsis zoo txais kiag li ho yog leej twg tuaj txais nyiaj mas xum cia li muaj 100-200 pub rau xwb mas thiaj li tsis muaj dub muag yav tom tej.

Txiv ntxawm tej laus hais tias nyob teb chaw nplog es peb cov neeg muaj2 nyiaj es pheej txais nyiaj rau s/d siv es txog thaum kawg luag tsis muaj nyiaj them cem cia li to kev muaj tua los yog hno tshuaj rau ces tuag tag ces nyiaj tag. Kev txais nyiaj nyiaj mas txawm nyob teb chaw no los yav ntuj qub qab los yeej tsis zoo txais li os. shung

......Ha...ha... Luag tej laug...Ib txwm piv ntuj nrag lug tias...Thaum luag tuaj qiv txais...Nyiaj mus luag ntxhi...Thaum nyiaj rov qab...Cuag tshuav luag nuj nqis...Xyoo ib cuaj xya ib...Kuv ib tug kwv tij...Tuaj txais nyiaj...Peb caug tsib txhiab kis...Ua peb ntsug luam...Txwm peb hlis...Nws mam ntxiv tuaj no...Twb tshaj xya hli lawm...Tsi pom nqa nyiaj tuaj...Kuv mus nug...Cuag kuv tshuav nws nqis...tseem hais dub muag txig...Cuag tub qaug nws...Kuv xav zoj...Kaum tsib txhiab kig xwb...Tsi pluag kuv ib zaug...Kuv ua siab tsi nug ntxiv lawm...Xuam pub dawb kiag...Kuv hais tias...Lwm tiam koj mam ua tsiaj los them kuv nqis...Ces tas li ntawd...Txog ntua xyoo 1973...Xyov nws xav li cas?...Mam coj ib tug kwv tij...Tuaj ua ib rawg ntxuag thov...Thiab nqa nyiaj tuaj ntxiv..."Tab sis"...Kuv hais tias...Kuv twb muab xuam pub nws lawm...Kuv tsi yuav...Lwm tiam nws mam los ua npua nyuj twm nees them nqis...Nws tug txiv ntxawm...Muab yawg cem ib pluag txaus nkaug...Nws tug txiv ntxawm...Tsi pub ua npua nyuj twm nees...Them nuj nqis...Nws tug txiv ntxawm rho nyiaj los ntxiv...Rau kuv tam sim ntawd...os kuv tsi yuav...Kuv tsi kam txais...Nws tug txiv ntxawm nyuaj siab kawg...Quaj ib pluag thov kom...Kuv txais nyiaj...Txhov cia nws tij laug tub...Ua tsiaj los them nuj nqis...Ua li ntawd mas...Txom nyem dhau lawm...Yuav them tsawg zaug mam tas...Kuv hais tias...Yog nws thov hwv lawm...Kuv mam zam rau...Nws tug tub ntawd...Txij hnub ntawd los...Nws tug txiv ntxawm kom...Kuv muaj hauj lwm dab tsi?...Kom nws tug tub ntawd...Tuaj pab ua...Kom tas nuj nqis...Kuv tsi leeg...Kuv hais tias...Kuv twb xuam pub...Nws tug ntawd lawm...Yuav li ntawd xwb...Vim txiv neej yawg...Hais lug...Tsi nco lug...Yuav tau ua tsiaj them lwm tiam...Nws tug txiv ntxawm tsi kam kiag...Kuv mam ua siab txais kaum tsib txhiab kis...Xuam neeg nkaum txhiab kis pub dawb kiag.

....Kuv xav zoj...Peb caug tsib txhiab kis...Tsi pluag kuv ib zaug...Yog nug ntau...Tseem ua yeeb ncuab tom ntej...Xuam pub dawb kiag zoo dua...Kom txaj muag...Txog hnub kawg...Nws tug txiv ntxawm paub...Thiaj coj tuaj ua...Ib rawg ntxuag thov kuv li...Hais saum toj no...Txoj kev txais nyiaj mas...Tsi zoo txais...Yog yug muaj nyiaj...Xum pub dawb zoo dua...Kom lwm zaug...txhob tuaj txais ntxiv lawm.

Tij laug xiongchang

Yog laug ho thov dhau heev lawm los yuav tau yuav thiab vim nws pom nws kev txaum tiag tiag lawm nws thiaj li rov tuaj thov yus. Tij laug ua neej nyob mas xum pub zoo dua qhov yus txais rau, ua li no mas pub tag ces nws tsis kam tuaj txais yus ntxiv lawm.

Kuv kuj tau txais nyiaj rau sawv daws thiab tias sim tus them los them ho tus cia li la mees li lawm los muaj thiab. Yus yeej tsis zoo nug li thiab las... Ho tus txais yus nyiaj los twb tsis lam hais ib los lus rau yus tias kuv tshuav koj nyiaj tias sim tsis txawm peem es koj ua siab loj nawb. Cia li tsiag to li lawm, yeej tsis kam ntsib yus li lawm ho hu xov tooj los tsis hu li lawm thiab. Kuv xav rau kuv tus kheej mas tej zaum yus tsis muaj hmoov txais nyiaj li. Tshes yuav tsis kam txais nyiaj rau leej twg li lawm laud..... shung

......Ha...ha... Kwv ntxawg...Shung...Tsi paub li tias...Ho zoo dhau...Los luag saib...Tsi khuab qhov muag...Tsi kamtxais qiv...Los tau Npe..."Qia dub - Cuaj khaum"...Tso quav nquab nthuab...Los txhaum neej..."Tso zig nruab deg - Los txhaum zaj"...Kuv xav hais tias...Tug tib neeg...Tsi nco txiaj ntsig...Los yawm saub...Yeej pom lawm...Yawm saub mam nco txiaj ntsha...Kuv xav li ntawd xwb os...Kwv ntxawg...Shung.

Tij laug kuv sim xa ib daim ntawm rau koj siab nas tias sim kuv ua tsis tau li es tshe muaj dab tsi tsis yog lawm os ua cas... shung

......Kwv ntxawg...Shung...Muaj qee zaum...Kuv xa tsi tau li os...Nyob rau tom..."Tib neeg txoj kev sib hlub Sib nyiam"...Thaum ntaus tas...Xa ntau zaug...Tsi tau li os.

shung wrote:Nyob zoo txiv ntxawm koobpovtxuj

Kuv los tib yam thiab tiag, tsis muaj hmoov txais nyiaj li; txais mas yeej tsis them li koj nug ces zoo li koj hais ntag. Kuv tus hlob fav neeb nws txais ib 1000 kis nyiaj txiaj laus rau ib tus hlob ces tsis them kom tag rau hlob fav neeb ces zoo li yog them ib nrab xwb. Tiam sis nws tsis ua twj ywm ho nws tseem hais tias hlob fav neeb tsis txawj siv es yawg muab pub kuv siv xwb no ces hlov fav teb yawg tias yog kuv tseem muab nyiaj txais ib zaug rau koj thiab mas kom kuv tuag kiag...... Kev txias nyiaj mas tsis zoo txais kiag li ho yog leej twg tuaj txais nyiaj mas xum cia li muaj 100-200 pub rau xwb mas thiaj li tsis muaj dub muag yav tom tej.

Txiv ntxawm tej laus hais tias nyob teb chaw nplog es peb cov neeg muaj2 nyiaj es pheej txais nyiaj rau s/d siv es txog thaum kawg luag tsis muaj nyiaj them cem cia li to kev muaj tua los yog hno tshuaj rau ces tuag tag ces nyiaj tag. Kev txais nyiaj nyiaj mas txawm nyob teb chaw no los yav ntuj qub qab los yeej tsis zoo txais li os. shung

NYob zoo Chung.
Thaum peb nyob vinai kuv muaj 1 tug kwv tij txais 4000 Bath nyiaj rau 1 tug kwv tij Hmoob tsab quav yeeb coj mus ua luam.
Tau ntev heev tsis them tuaj li ces kuv tus tij laug yuav tuaj USA nws kom Hmoob tsab them rau nws ces Hmoob tsab hais tias kuv tsis muaj nyiaj them koj li ces cia lwm hnub kuv tuag kuv mam li los ua 1 tug tsiaj rau koj tua noj xwb.ces tom qab no Hmoob tsab los kuj tuaj nrog peb nyob USA no ua ke thiab.xyoo 2008 kuv tus tij laug ntawd tuag Hmoob tsab mam li muab tau $200.00 tuaj yuav 1 tug npua tua them kuv tij laug xwb.kev txais nyiaj ces luag tej laus 1 txhis hais tias thaum nyiaj mus nyiaj luag ntxhi.thaum nyiaj los nyiaj dub muag txig no los yeej muaj tiag.