Txiv tseg koob hmoov rau Tub Ntxhais

- Nyob zoo os, Ib tsoom phooj ywg! Nkauj muam hmoob, Hlub hmov tshua suav daws; Nej puas hnov....Tej lauug piav li cas? Rau nej thaum niam txiv, Tseem muaj sia; Yav thaum ub....Kuv txiv paj zeb tau piav tseg tias, Txawm niam txiv muab hmoov li; Nej hais los tsi tseem ceeb....Qhov tseem ceeb tshaj, Yug tug kheej ntas; Xyaum zoo....Xyaum tsim txiaj, Ua laj kam rhi; Nquag pliag....Cheej kham, Dhia ki taw leeg; Lub ntuj kaj....Nrog ntuj sawv, Lub ntuj tsaus; Mam los tom teb los tsev....Txawj sib hlub, Txawj sib yoog; Txhob xam khib....Txhob xam txeem, Ua dab tsi? Sib pab nrwb nroog, Txhob tub sab, Txhob tub nyiag; Txhob twv txiaj yuam nqis....Txhob haus yeeb tshuaj, Txhob deev luag poj nruab paig; Txhob nyiag luag nyiaj qha pha....Txhob tho luag qab txhab, Txhob ua loj leeb ncig ntuj ploog teb; Mus tsheej hli....Lawm tsheej xyoo, Tsi paub muaj poj niam tub ntxhais, Nyob tom qab; Kev ua liaj teb cuab ntug dav....Tu kom zoo, Ces tau koob hmoov.

- Yog ntsia zoj, Tub nyab ntxhais vauv; Tub xeeb leej....Ntxhais xeeb ntxwv, Ceb muag zeeg; Plaub hau ntxhov phoov....Hnav ris tiab tsho dog dig, Zas plaub hau liab ntsuab daj xiav; Tsi tshua xyaum zoo....Tsi tsim txiaj pes tsawg, tsi tas ntiav; Fxiv coj xai tuaj sawv qab nteeg foom lug nyiaj nqee lug kub li os....Kuv twb pom dua lawm, Niam txiv twb tsi tau puv tsug; Tub vauv mag ntes xauv tes kaw nkuaj....Nyab ntxhais deev hluas nraug, Raug plaub ntug lawm; Nkim nyiaj dawb.

Hmoob ntuj qub qab wrote:Koojziagkabzaug,Liaj ntsuab, Lub paj ntshua nplaim thiab Cov Phooj ywg Nkauj muam Nraug nus

Kuv tus dab laug uas yog kuv niam tus Nus kwv tij nyias muaj nyias Pog yawg, tau tas sim neej rau hnub tim 22/04/2010 no kuv kuj tau ua hauv qhua mus hlub pam tau ob hnub tseem, tus dab laug no txawj qeej thiab paub khawv koob zoo thaum ub kuj ua Txoov kav pov tswj zos(Nais Npab), cov kwv tij neej tsa phooj ywg kuj tuaj saib tuaj xyuas coob ua npoj ntws , tua 3 tug nyuj sib nraus rau hnub sam sab (tshwm tshav) .
Hnub tim 25/04/2010 uas yog hnub Sunday tim ntuj qub qab thaum 4:00 PM peb coj mus zais (faus), mus txog tim ntxa muab txawb ntawm ib sab ntxa ob tug Tub muab lub hleb swb, nkawv xyuas nkawv txiv seb puas muaj neeg siab phem muab dab tsi tso rau nkawv txiv thiab muab txoj hluas khaub hlab liab uas khi ntawm tus ntiv tes nrab sab laug daws ces pom txhais tes laug ntawv daim tawv dawb lias qhwv, tus Tub thiaj tuav kiag hle hlo tau kiag daim tawv tes los zoo li cov hnab looj tes yas nyias nyias ntawv ntag tus Tub muab cia kiag hauv hnab tshos lawm , yog luag piav xwb mas tej zaum yuav ntseeg tsis tas tab sis kuv pom kiag ntawm kuv qhov muag thiab tau foob av rau kiag lawm os cov Phooj ywg.
Tej no ces cov laus hais tias yog tseg koob hmoov no. Kuv xeev xwm los laus li no tus dab laug no mas kuv pom kiag ntawm qhov muag, hos muaj ib tug mas hnov lawv piav tab sis kuv tsis pom tus no tuag ntev tau 15 xyoo no lawm cov Tub Nyab Ntxhais Vauv ua neej kuj zoo zuj zus tuaj tiag.

Hmoob ntuj qub qab'
Tej no mas tsis paub tias yog koob hmoov los yog mob nkeeg li lawm.tej tug mas yuav yog koob hmoov tej tug mas kuj yog mob nkeeg xwb.
Kuv pom kiag ntawm qhov muag yog kuv niam tais thiab yawm txiv kiag ntag.
xyoo 1990 peb nyob yeej thoj nam vinai kuv pog uas tus yug kuv yawm txiv tau tag sim neej peb muab los ua kev cai dab qhuas hmo qhua txws kuv pog txhais tes daim tawv tes cia li su li lub hnab looj tes es yus muab tshuab tib lub su pauv dawb paug tab sis tsis tau tu.tas cov tub cov nyab sawv daws mus plws li cas los tsis hle li.
tau 1 hmos tag kis twb yog hnub yuav coj mus sam sab lawm kuv niam tais mus nyiav nyiav ces txawm 1 nyuag plws no cas hle hlo tu nrho los nrog 5 tug rau tes huv si zoo zoo nkauj li lub hnab looj tes ntag kuv niam tais thiab yawm txiv nkawd muab khaws cia ua cas tsis ntev kuv txawm tuaj USA lawm kuv niam tais thiab yawm txiv nkawd tseem nyob ces nkawd mas mob ciaj xeeb cawv xwv tsis muaj hnub zoo li muab nyiaj txiag coj mus kho mob tag wb yog ntxhais yog vauv xa nyiaj mus kho nkawd tej mob tau 4 lub xyoo los yeej tsis zoo li.xyoo 2004 kuv yawm txiv thiab niam tais yau ho xam phaj ua ke hos cia niam tais hlob nws xam phaj nrog nws tus tub lawv sawv daws puav leej xam phaj tau huv si tseem tos npe tawm ces tuaj lawm xwb.cia li tuag tim qhov tsua lawm.hos kuv niam tais hlob mas nws ho tuaj nws ces nws twb tuaj txog USA no ua ntej lawm yawm txiv mam tuag tim vaj loog tsua.txij li ntawd los niam tais yau yog tus nrog yawm txiv xam phaj ua ke ces nws ho khaws lub hnab tes ntawd cia thiab nqa tuaj txog USA no ces niam tais yau ho mob ciaj xeeb cawv xwv li kuv niam tais hlob thiab yawm txiv nkawd lawm thiab.lub caij tuaj txog USA no mas kuj tseem muaj tub sab tuaj nyiag niam tais hlob nyiaj 1 zaug hos niam tais yau los nws tus ntxhais vauv ho muab nws nyiaj tom Bank nyiag du lug tab sis ho paub tias yog ntxhais vauv nyiag mus rho lawm.thaum zoo li no ces txawm muab lub hnab tes ntawd rau leej twg los leej twg kuj cia li tsis xav khaws li lawm.thiaj ua neeb xa lub hnab tes no mus rau pog pem txwv koob teb tag ces 2 tug niam no thiaj li zoo zuj zus los lawm tab sis twb mob ntev dhau thiab tub sab ntxhais vauv twb muab nyiaj nyiag tag lawm.

- Ntshe lawv twb tsi paub txog tias, Luag tug tuag; Twb tsi txaus siab....Qhov muab luag tawv ntiv tes hle os, Qhov tau mob; Twb yog luag rau txim ntas....Cav qhuas tau koob hmoov, Yog xav tau koob hmoov; Ces xyaum zoo....Tsim txiaj ncus, Nquag pliag; Cheej kham....Dhia ki taw leeg, Qaib qua; Nrog qaib sawv....Npua ntsaj, Nrog npua mus; Moos nrov....Nrog moos dhia, Ntuj kaj; Nrog ntuj dhia....Ntuj tsaus, Mam pw tsaus zog; Ces tau koob hmoov xwb os....Tsi tas tog, Niam txiv tej tawv nti tes hle li os; Kuv tsuas pom peb hmoob vwm....Thiaj hais li ntawd xwb os.