Poj niam tuag lawm los zes cov me nyuam

Hmoob ntuj qub qab 20th April 2010, 1:13 am

Hmoob ntuj qub qab: Sponsor; Messages : 687
Date d'inscription : 2010-03-30

Post n°1

Poj niam tuag lawm los zes cov me nyuam

Hmoob ntuj qub qab 20th April 2010, 1:13 am

Xyoo 2004 kuv ib tug niam ntxawm kwv tij nchuav me nyuam tuag tim tsev kho mob Xaisettha, coj los pam nram zos tau 4 hnub tus poj niam no tsis lwj ntsej muag daj muaj qee lub caij ntsej muag tshiab khiv, tom qab muab coj mus zais tas tus txiv nco heev tus txiv mus pw tim ntxa nrog nws tau 3 hmos, tas ntawv tus poj niam no niaj hmo los zes nws tus ntxhais thiab tub ntxawg ua rau nkawv tsis tau luag li hmo twg yog txiv thiab cov hlob tsis nyob lawm ob tug me nyuam no yeej khiav mus nrog cov neeg nruab zos pw xwb.
Muaj ib hnub tus txiv mus tua qaib qus pom tus poj niam ua zem zuag ntawm pob ntoos tus txiv caum ceev ceev yog caum tau yuav coj los tsau quav nyuj ntag ces cia li pawv lawm thiab.
Muaj ib hnub tus txiv mus zov nyuj txog tim no ntsia sab tiv pom ib tug poj niam kwv lub kaus nyob ntawm tsob ntoo zoo li nws tus poj niam kiag nws khiav khiav mus puav ntes mus txog pawv lawm thiab.
Muaj ib hmos, kuv tus yawm yij thiab tus muam los Mes kuj los tsaus ntuj nkawv ncig mus noj mov tom kuv tus yawm yij thiab tus muam yau los txog ntawm kev ze tus poj niam tuag no tsev li 100 m nkawv taug kev los kaj li 8:00 PM nkawv ntsia ntawm nkawv ib sab uas puas laj kab muaj ib cov nroj cas pom tus poj niam uas tuag mus no nrog nkawv los tab sis nws los saum ntsis nroj puas sab laj kab tab sis nws fee rau sab laj kab tsis ntsia nkawv ,nkawv cia li los nrawm nroos ua ntej nkawv dhau plaws tus poj niam ntawv lub tsev ces nkawv tig ntsia no cas pom tus poj niam ntawv sawv xauj nkas rau hauv nws cov txiv tub lawm , cov txiv tub lawv tab tom noj mov ces kuv tus yawm yij thiab tus muam nkawv los txog tsev nkawv piav li ces kuv thiab 2 leej thiaj khiav mus xyuas no tsis pom dab tsi mas txias kawg li.

Thaum ub mas yog thaum ub tab sis twb yog xyoo 2004 lawm tseem muaj qees li ntawv thiab....

Liajntsu 21st April 2010, 9:34 am

Liajntsu

Liajntsu: Guest

Post n°2

Re: Poj niam tuag lawm los zes cov me nyuam

Liajntsu 21st April 2010, 9:34 am

Phoojywg Hmoob Ntuj Qub Qab,

Wow!!!! koj zaj dabneeg/Neejneeg no txaus ntshai tiag tiag thiab os. Kuv xav paub tias yog vim tus txujci dabtsi tej dab ntawd ho ua tau lintawd thiab.

Phoojywg kuv thov nug koj ua li koj nyob ntuj qub qab nyob ze rau lub thaj tsam los yog lub xeev twg thiab ua li koj yog cov ib txwm nrog Yawg Hlob Faiv Ntaj lawv los yog cov nrog YH VP. Koj yog ib tug txawj piav dabneeg thiab paub ntau yam heev. Kuv nyiam txhua yam koj tuaj piav nyob rau hauv no.

Hmoob ntuj qub qab 21st April 2010, 6:54 pm

Hmoob ntuj qub qab

Hmoob ntuj qub qab: Sponsor; Messages : 687
Date d'inscription : 2010-03-30

Post n°3

Re: Poj niam tuag lawm los zes cov me nyuam

Hmoob ntuj qub qab 21st April 2010, 6:54 pm

Liajntsu Yesterday at 3:34 pm
Phoojywg Hmoob Ntuj Qub Qab,

Wow!!!! koj zaj dabneeg/Neejneeg no txaus ntshai tiag tiag thiab os. Kuv xav paub tias yog vim tus txujci dabtsi tej dab ntawd ho ua tau lintawd thiab.

Phoojywg kuv thov nug koj ua li koj nyob ntuj qub qab nyob ze rau lub thaj tsam los yog lub xeev twg thiab ua li koj yog cov ib txwm nrog Yawg Hlob Faiv Ntaj lawv los yog cov nrog YH VP. Koj yog ib tug txawj piav dabneeg thiab paub ntau yam heev. Kuv nyiam txhua yam koj tuaj piav nyob rau hauv no.

Phooj ywg LiajNtsuab

Zaj kuv piav no tsis yog dab neeg yog tiag yog tseeb twb yog kuv tus niamntxawm kwv tij kiag.
Kuv lov? kuv nyob Tuam ceeb vees cam mas, qhia rau koj tias xyoo 1974-1975 kuv kawm ntawv nyob tsev kawm College Samthong hauv Moos cab tom qab ntawv kuv li nqes tuaj kawm High School thiab University hauv Vientiane. li no ces koj paub lawm.

**koojziagkabzaug** 21st April 2010, 10:22 pm

koojziagkabzaug

koojziagkabzaug: Moderator; Messages : 3529
Date d'inscription : 2010-02-28

Post n°4

Re: Poj niam tuag lawm los zes cov me nyuam

koojziagkabzaug 21st April 2010, 10:22 pm

Nyob zoo LuiajNtsu thiab Hmoob Ntujqubqab,

Wow...! Cas twb tsis nco pom neb tuaj tham ua plaub diab tsis puab caj qwb li rau qhov nov...!
Txaus ntshai ua luaj li, tej yam txawv txawv no mas xav tsis thoob li...Tu siab rau tus neeg nws tsis paub dab tsi, yog luag los ua rau nws tas txoj sia los nws tseem xav tias nws yog neej hos luag yog dab lawm...Ib yam li zaj Movie: "Les autres"

**MayPaj** 22nd April 2010, 7:40 am

MayPaj

MayPaj: Spammer; Messages : 488
Date d'inscription : 2010-02-25

Post n°5

Re: Poj niam tuag lawm los zes cov me nyuam

MayPaj 22nd April 2010, 7:40 am

Hmoob ntuj qub qab aw! koj tham tau txaus ntshai dhau li lawm os, ua li es tus txiv nim tau luag mus pw tim ntxa zov thiab ntag wowow! thawj zaug kuv hnov xwb ayiiiiii! rhiab pob tw dhau lawm lau Shocked

Tus txiv mas siab loj kawg li nawb, pom pojntxoog thuam twg los cas xav hais tias ntshe yog tus niam tseem khiav mus txhom thiab? kuv li mas kuv ho xav tias tus tuag ces lub cev lwj tas lawm tab sis tshuav tus ntsuj plig tseem ua npau suav tau rau yus pom nws xwb no, ntshe kuv yuav tsis tau luag mus pw tim toj ntxas zov li lau...yus tus neeg mas yuav tsis ua phem rau yus tab sis tej niag dab qus coob li coob tsam lam hem yus thiab ua phem rau yus. pale

**koojziagkabzaug** 22nd April 2010, 10:34 am

koojziagkabzaug

koojziagkabzaug: Moderator; Messages : 3529
Date d'inscription : 2010-02-28

Post n°6

Re: Poj niam tuag lawm los zes cov me nyuam

koojziagkabzaug 22nd April 2010, 10:34 am

Lubpajntshuanplaim,

Ib tug neeg yus hlub, tuag lawm mas yus yeej tsis ntshai li. Yus xav tias yog pom mas ntes kiag los tsau quav nyuj li Hmoob Ntujqubqab hais xwb tiag. Ntawm kuv mas qhov kuv ntshai yog tsam tus yus pom tsis yog yus tus neeg tiag, tab sis yog lwm tus ua txia ua xwb.

Invité 22nd April 2010, 4:58 pm

Invité

Invité: Guest

Post n°7

Re: Poj niam tuag lawm los zes cov me nyuam

Invité 22nd April 2010, 4:58 pm

koojziagkabzaug wrote:
Lubpajntshuanplaim,

Ib tug neeg yus hlub, tuag lawm mas yus yeej tsis ntshai li. Yus xav tias yog pom mas ntes kiag los tsau quav nyuj li Hmoob Ntujqubqab hais xwb tiag. Ntawm kuv mas qhov kuv ntshai yog tsam tus yus pom tsis yog yus tus neeg tiag, tab sis yog lwm tus ua txia ua xwb.

Ub niamlaus, koj tham txaus nsthai ua luaj, kuv ntshai tsam pom tsis yog yus tus neeg hos yog om miv xwb.......ayiiiiiiiii!!!! kuv khiav mus lwm hoob lawm tos kaj ntug mam rov tuaj nyeem Suspect

Hmoob ntuj qub qab 22nd April 2010, 7:22 pm

Hmoob ntuj qub qab

Hmoob ntuj qub qab: Sponsor; Messages : 687
Date d'inscription : 2010-03-30

Post n°8

Re: Poj niam tuag lawm los zes cov me nyuam

Hmoob ntuj qub qab 22nd April 2010, 7:22 pm

Lub me paj ntshua nplaim

Ab...! Txij nkawm ces thaum tsis muaj ib tug lawm nco nco nws heev yeej tsis hnov ntshai dab li nas.
Coj mus zais tim toj ntxas muaj ntau lub toj ntxas, tus txiv yeej pw kiag ntawm kwj ntxas kiag kuv nug nws tias koj mus pw li ntawv koj tsis ntshai lov? nws tias tsis muaj dab tsi li tsuas yog hnov kaj quaj xwb no, yeej xav kom sawv los muab nws txhom los tsau quav nyuj tab sis yeej tsis pom sawv li.
Tij laug, paub ob leej mus pw li ntawv lawm nug los yeej hais ib yam.

Liajntsu 23rd April 2010, 7:09 pm

Liajntsu

Liajntsu: Guest

Post n°9

Re: Poj niam tuag lawm los zes cov me nyuam

Liajntsu 23rd April 2010, 7:09 pm

Phoojywg Hmoob Ntuj Qub Qab,

Zoo siab koj ua tij/kwv tuaj teb kuv cov lus rov qab. Yog tus pojniam ntawd yog koj Niamntxawm ces koj yeej paub zoo heev. Kuv ntseeg tias koj tus kwv nkawv muaj kev sib hlub heev koj tus kwv thiaj tsis ntshai thiab nws thiaj kam mus pw tim ntxa ib hmos. Kuv hlub thiab pab nkawv 2 leeg tusiab heev li.

Yog xyoo 1974 koj hais ntawd kuv kawm Qib 3 xwb os thiab kuv nyob rau lub zos Phou Kang Loj ntawm Tshav dav hlaus Na Xou ntsia ntsoov saud. Tom qab tebchaws puas kuv khiav los nyob rau Lav 52 txog ntua xyoo 1984 mam li khiav tuaj. Hais txog nej cov tub kawm nyob rau nram Viang Chan lub tsev kawm ntawv nyob Dong Dok mas kuv paub coob leej os phoojywg.

Qhov kuv nug koj tias ua li koj yog cov kwvtij Hmoob sab twg ua ntej xyoo 75 mas lam nug kom sib paub xwb. Txawm peb kwvtij nyob tog twg los yog lub tebchaws twg puavleej yog kwvtij Hmoob tag nrho thiab peb yuav tau sib hlub os nawb tsis txhob sib cais li txheej thaum ub lawm. Tsuas yog muaj ib txhia neeg lawv lub siab tsis tau nthuav ntxeev thiab tsis pom kev deb thiaj tseem muab peb sib cais xwb.

zoo siab ntau os nawb.

**koojziagkabzaug** 24th April 2010, 12:33 am

koojziagkabzaug

koojziagkabzaug: Moderator; Messages : 3529
Date d'inscription : 2010-02-28

Post n°10

Re: Poj niam tuag lawm los zes cov me nyuam

koojziagkabzaug 24th April 2010, 12:33 am

Liajntsu wrote:Phoojywg Hmoob Ntuj Qub Qab,

Zoo siab koj ua tij/kwv tuaj teb kuv cov lus rov qab. Yog tus pojniam ntawd yog koj Niamntxawm ces koj yeej paub zoo heev. Kuv ntseeg tias koj tus kwv nkawv muaj kev sib hlub heev koj tus kwv thiaj tsis ntshai thiab nws thiaj kam mus pw tim ntxa ib hmos. Kuv hlub thiab pab nkawv 2 leeg tusiab heev li.

Yog xyoo 1974 koj hais ntawd kuv kawm Qib 3 xwb os thiab kuv nyob rau lub zos Phou Kang Loj ntawm Tshav dav hlaus Na Xou ntsia ntsoov saud. Tom qab tebchaws puas kuv khiav los nyob rau Lav 52 txog ntua xyoo 1984 mam li khiav tuaj. Hais txog nej cov tub kawm nyob rau nram Viang Chan lub tsev kawm ntawv nyob Dong Dok mas kuv paub coob leej os phoojywg.

Qhov kuv nug koj tias ua li koj yog cov kwvtij Hmoob sab twg ua ntej xyoo 75 mas lam nug kom sib paub xwb. Txawm peb kwvtij nyob tog twg los yog lub tebchaws twg puavleej yog kwvtij Hmoob tag nrho thiab peb yuav tau sib hlub os nawb tsis txhob sib cais li txheej thaum ub lawm. Tsuas yog muaj ib txhia neeg lawv lub siab tsis tau nthuav ntxeev thiab tsis pom kev deb thiaj tseem muab peb sib cais xwb.

zoo siab ntau os nawb.

Hahhaah...! LiajNtsu! Nws hais xyoo 1974 es puas yog nws nyeem yuam kev lawm?
Kuv saib zoo li Hmoob Ntujqubqab hais xyoo 2004 tsis sub...Oh! Kuv hnov lawv hais Phuv Kas Loj thiaj tab sis kuv tsis tau mus txog thiab nyob rau sab twg, nws hais li nov kuv mam nco tau zem zuag...

Poj niam tuag lawm los zes cov me nyuam Wfp121417

Cov neeg uas sib hlub hauv siab tuaj tiag li ob tug nkawm nov mas muaj tsawg nyob hauv ntiaj teb no. Pab tu siab heev uas tus sib sib hlub ntuj ho tsis nqus tes, teb ho nqus taw... Sad

Liajntsu 24th April 2010, 3:22 am

Liajntsu

Liajntsu: Guest

Post n°11

Re: Poj niam tuag lawm los zes cov me nyuam

Liajntsu 24th April 2010, 3:22 am

Koojziagkabzaug,

Wb tham lwm yam txog kev nyob txheej thaum ub lawm thiab os thiaj li hais txog xyoo 174 lawm na.

Yog lawm lub ntuj tsis muaj qhovmuag los yog nws tsis paub dabtsi thiaj li muab cov txij nkawm sib sib hlub faib lintawd. Hais txog kuv tuskheej thaum ub peb nyob rau lub zos uas kuv hais rau Hmoob Ntuj Qub Qab ntawd tom qab xyoo 75 peb cov neeg raug Nplogliab tso tshuaj lom mas neeg tuag sib laub sib lug ib hmos tej zaum tuag 2 mus rau i1 tug hos tsis pom qab ua qeej nruag li lawm ces cov menyuam me ciali muab kauv pam coj mus faus xwb. Npaum lintawd nyob tsheej tag hmo plis tseem los tom qaib ho muab qaib luag quaj QAUJ QAUJ no rau puag tom hav fab lawm yus twb tsis nco ntshai tseem sawv mus qw thiab tseem mus tso zis los yog plob ntuj teb tag hmo tsis nco ntshai. Kev ploj tuag yog tus neeg ntawd tsis txhob ua phem phem thiab tsis txhob lwj lwj tsis ntshai thiab os. Hos yog cov lwj lwj nplaig thiab qhovmuag tawm tag hos lub ntsejmuag phem phem heev no ib nyuag txias siab me ntsis.

**koojziagkabzaug** 24th April 2010, 12:56 pm

koojziagkabzaug

koojziagkabzaug: Moderator; Messages : 3529
Date d'inscription : 2010-02-28

Post n°12

Re: Poj niam tuag lawm los zes cov me nyuam

koojziagkabzaug 24th April 2010, 12:56 pm

Liaj Ntsuab,

Kuv tseem tsis tau pom dua cov neeg uas lawv pam ntev ntev es lwj lwj ntawd ib zaug li. Vim thaum kuv xeev xwm lawm ces peb nyob nroog ntau lawm xwb. Kuv tsuas hnov tej laus tham me ntsis xwb. Kuj tu siab kawg li, yus tus neeg zoo zoo es ib hnub cia li lwj lwj phem phem, tsw tsw mas tsis xav kom Hmoob ua li ntawd ntxiv lawm. Vim yus hlub tus neeg ploj ntawd heev...

Liajntsu 24th April 2010, 5:40 pm

Liajntsu

Liajntsu: Guest

Post n°13

Re: Poj niam tuag lawm los zes cov me nyuam

Liajntsu 24th April 2010, 5:40 pm

Koojziagkabzaug,

Kuv mas pom ntau lawm tsiv saib kawg li yog koj siab me tsis txhob mus saib thiab tibneeg mas tsw muaj kuab heev li. Kuv tsis xav piav rau nej mloog txog cov neeg zoo lintawd, vim koj tham nws ces zoo li yog saib tsis taus nws lam muab nws lub koobmeej tham thiab.

Txoj kev muaj ib tug laus tas simneej muab ua dabqhuas ntev ntev es tsis muaj chaw cia kom lub cev txias mas lam ua lawm xwb tsis yog. Qhov zoo tshaj ib tug neeg nws lub cev yuav tsum zoo yog thaum coj mus zais tau qhov zoo chaw nws lub cev thiaj li zoo hos yog qhovmuag tej twb tawm tas lawm ces tsis zoo dabtsi.

**koojziagkabzaug** 25th April 2010, 11:24 am

koojziagkabzaug

koojziagkabzaug: Moderator; Messages : 3529
Date d'inscription : 2010-02-28

Post n°14

Re: Poj niam tuag lawm los zes cov me nyuam

koojziagkabzaug 25th April 2010, 11:24 am

LiajNtsuab,

Wow...! Ua cas Hmoob pheej cia neeg nyob ntev ntev li ntawd?
Es yog li ces cia li ua tsuag tsuag es muab zais kom yus tus neeg tseem zoo zoo es thiaj zoo saib thiab nws thiaj mus huv si. Muab cia ntev ntev li koj hais ces twb tsis yog yus tus neeg lawm...Thiab hlub yus tus neeg heev, tsis xav cia nws phem phem li ntawd...Kuv tseem tssi tau xav txog tej koj hais nov li...

Hmoob ntuj qub qab 25th April 2010, 7:29 pm

Hmoob ntuj qub qab

Hmoob ntuj qub qab: Sponsor; Messages : 687
Date d'inscription : 2010-03-30

Post n°15

Re: Poj niam tuag lawm los zes cov me nyuam

Hmoob ntuj qub qab 25th April 2010, 7:29 pm

Nyob zoo Liaj Ntsuab, Koojziagkabzaug thiab Lub paj ntshua nplaim

Liaj Ntshuab, koj tias xyoo 1974 koj kawm qib 3 xwb no koj yog kwv lawm tab sis wb hu ua Phooj ywg xwb vim tsis paub tias koj ho yog xeem dab tsi.
Ntawm yav nram ntej pam tuag ntev ntawv ua rau qhov muag thiab nplaig tawm ntawv vim tsis muaj tshuaj Formule hno thiaj ua rau neeg lwj heev, kuv tau mus ua txiv qeej tshuab qeej rau ntau tus ua lwj lwj ntawv thaum pam tas coj mus zais yus rov los tsev mas zoo li hnov tsw tus ntxhiab ntawv lawm 1-2 weeks nas.
Tsis muaj hleb rau cia li kwv rau saum tus nees mus li 30-50 nas this mas cov kua lwj nrog thiab ntub cov nroj ob sab mas cov neeg kwv ntawv cia li lo kua lwj li tiag.
Los rau tam sim no muaj hleb rau thiab muaj tshuaj hno kuj tsis tshua lwj lawm.

Liajntsu 25th April 2010, 10:08 pm

Liajntsu

Liajntsu: Guest

Post n°16

Re: Poj niam tuag lawm los zes cov me nyuam

Liajntsu 25th April 2010, 10:08 pm

Nyob zoo thiab Hmoob Ntuj Qub Qab,

Xyoo 1975 kuv muaj 11 xyoo os tej zaum ua li koj hais kuv yog kwv lawm. Ua li mas cia wb hu ua phoojywg xwb.

Txheej nim no nej yeej yog muaj tshuaj li koj hais lawm ua rau sawvdaws tsis tau kev nyuab siab heev li yaav ntuj thaum ub lawm. Nws yog ib qhov zoo kawg li. peb txoj kev qub thaum ub mas ua li koj hais cov uas kwv tus tuag ntawd mus faus tseem lo kua lwj thiab tsw phem dhau hos tsis tas li yog tus tuag ntawd muaj mob phem ces tseem kis tau rau cov tuaj pab los yog nws tsev neeg qees thiab.

**koojziagkabzaug** 26th April 2010, 8:56 am

koojziagkabzaug

koojziagkabzaug: Moderator; Messages : 3529
Date d'inscription : 2010-02-28

Post n°17

Re: Poj niam tuag lawm los zes cov me nyuam

koojziagkabzaug 26th April 2010, 8:56 am

Nyob zoo LiajNtsuab thiab Hmoob Ntujqubqab,

Mloog neb tham mas tu siab thiab txaus ntshai thiab. Yog vim li cas Hmoob ho yuav tsum cia tus qauv ntev ntev, phem phem yam tsis tu siab thiab hlub nws?

Txawm yuav ua tej kev cai los, kuv xav tias tsuas ua ob hnub xwb kuj tau lawm, yog tim li cas ho yuav tsum tso ntev tshaj thiab. Piv xam li tuag kiag ces thawj hnub qhuab ke, tsa nees, hnub ob ua qhua txws, hais xim, hnub peb sam sab kiag tsis tau lov?
Kuv xav mas tab 3 hnub xwb los twb yeej ntev zog lawm.
Thaum kuv yau, peb twb tsiv mus yav qab teb lawm, kuv hnov tej laus tham tias kuv ib tug phooj ywg yawg tseem nyob pem qub zog tuag, yog ib tug laus neeg ces lawv xam hnub nyug coj mus zais, lawv pam 10 hnub nkaus, mas lwj lwj uas cia li tsis muaj dab tsi lwj lawm, daim tawv cia li rov lau los qhwv pob txha lawm xwb mam coj mus sam sab...

Hmoob tej kev cai mas zoo kawg nkaus, tab sis yuav tsum xav txog tus qauv thiab yuv cov nyob tsam tej yoog ntsauv rtus qauv ho los ntsau zaub mov ces yus noj tau ua mob ua ntsaj, yus ho nqus tau cov pa lwj rau yus lub cev, yuav ua rau yus cov ntshav tsis huv...thc...

Poj niam tuag lawm los zes cov me nyuam PamTuag

Liajntsu 26th April 2010, 6:04 pm

Liajntsu

Liajntsu: Guest

Post n°18

Re: Poj niam tuag lawm los zes cov me nyuam

Liajntsu 26th April 2010, 6:04 pm

Kooj os Kooj aw!!!!!

Ua cas tseem tuaj tso tej yam tsiv saib ua luaj rau hauv no thiab na lod? Peb twb tuaj nyob txawv tebchaws ntev heev lawm pom lintawd ces ua rau ib ce xob xob thiab rhiab qhovmuag heev li os me Kooj.

Hmoob txoj kev cai uas pheej muab tej neeg laus ua kev cai ntev ntev mas yog vim li nram no:

1. Tos hnub zoo caij nyoog tej tubki tom qab thiaj ua neej zoo
2. Xam hnub kom tsis txhob sib tshooj ( faus rau ib hnub uas cov twb tuag ua ntej es muab faus ib lub vasthib ua pivtxwv li tias tus tuag ua ntej muab faus hnub tim 10, lub 4 hlis ces tus tuag tom qab tsi pub los rau hnub tim 10 lub 4 hlis thiab. Yog koj muab los ib hnub sib raws li ces cov laus hais tias tsam ua TSHOOJ XAB TSHOOJ NEES. Muaj ib cov kwvtij xws li tau ploj tuag ces pheej tuag 2 leeg uake cov zoo li yog lawv hu tias TSHOOJ XAB TSHOOJ NEES.
3. Nrhiav tsis tau tsiaj
4. Lwm yam kev covnyom

Hmoob ntuj qub qab 26th April 2010, 7:17 pm

Hmoob ntuj qub qab

Hmoob ntuj qub qab: Sponsor; Messages : 687
Date d'inscription : 2010-03-30

Post n°19

Re: Poj niam tuag lawm los zes cov me nyuam

Hmoob ntuj qub qab 26th April 2010, 7:17 pm

Liajntsu Today at 1:04 am
Kooj os Kooj aw!!!!!

Ua cas tseem tuaj tso tej yam tsiv saib ua luaj rau hauv no thiab na lod? Peb twb tuaj nyob txawv tebchaws ntev heev lawm pom lintawd ces ua rau ib ce xob xob thiab rhiab qhovmuag heev li os me Kooj.

Hmoob txoj kev cai uas pheej muab tej neeg laus ua kev cai ntev ntev mas yog vim li nram no:

1. Tos hnub zoo caij nyoog tej tubki tom qab thiaj ua neej zoo
2. Xam hnub kom tsis txhob sib tshooj ( faus rau ib hnub uas cov twb tuag ua ntej es muab faus ib lub vasthib ua pivtxwv li tias tus tuag ua ntej muab faus hnub tim 10, lub 4 hlis ces tus tuag tom qab tsi pub los rau hnub tim 10 lub 4 hlis thiab. Yog koj muab los ib hnub sib raws li ces cov laus hais tias tsam ua TSHOOJ XAB TSHOOJ NEES. Muaj ib cov kwvtij xws li tau ploj tuag ces pheej tuag 2 leeg uake cov zoo li yog lawv hu tias TSHOOJ XAB TSHOOJ NEES.
3. Nrhiav tsis tau tsiaj
4. Lwm yam kev covnyom

Nyob zoo Liaj Ntsuab thiab Kooj ziag kab zaug

Hmoob qhov pam ntev ces yog li koj ua phooj ywg hais no los mas thiaj tau pam ntev , tab sis tam sim no ntev heev tsuas txij 5 hnub los xwb pov tseg lawm.
Ntawm xaiv hnub nyoog tsam tshooj ntawv yog xaiv rau cuab kwv tij ntawv tag txhua leej mas yuav ntev heev thiaj yuav tsis tshooj, yuav tsum xaiv hnub nyoog ntawm yus pog yus yawg yus niam yus txiv kiag xwb kom txhob tshooj xwb ces tau lawm yog xam tej kwv tij tej pog yawg kwv tij txhua leej mas ntev heev li yuav ua tsis nyog.

Liajntsu 29th April 2010, 1:44 pm

Liajntsu

Liajntsu: Guest

Post n°20

Re: Poj niam tuag lawm los zes cov me nyuam

Liajntsu 29th April 2010, 1:44 pm

Phoojywg Hmoob Ntuj Qub Qab,

Yog li koj hais lawm os. Kuv txiv qhia kuv li koj hais thiab.

Ua tsaug vam tias koj tus ua tij yuav tuaj ntau yam txog Hmoob tej kablis kev cai rau hauv no qhia rau peb s/d.

Hmoob ntuj qub qab 30th April 2010, 12:16 am

Hmoob ntuj qub qab

Hmoob ntuj qub qab: Sponsor; Messages : 687
Date d'inscription : 2010-03-30

Post n°21

Re: Poj niam tuag lawm los zes cov me nyuam

Hmoob ntuj qub qab 30th April 2010, 12:16 am

Nyob zoo Liaj Ntsuab

Tsis pes tsawg xyoo xwb twb laus zus lawm, leej twg muaj dab tsi coj tuaj qhia peb sawv daws paub, kom hnub qab nram ntsis seb tej xeeb leej xeeb ntxwv puas khaws tau yam puav mus siv nas.
Yog yus paub tsis qhia leej twg ces txog hnub mus yug coj mus huv si ces tsis muaj neeg nrog yus khaws tau nas.

Liajntsu 1st May 2010, 5:00 pm

Liajntsu

Liajntsu: Guest

Post n°22

Re: Poj niam tuag lawm los zes cov me nyuam

Liajntsu 1st May 2010, 5:00 pm

Phoojywg Hmoob Ntuj Qub Qab,

Yog li koj hais. Txheej laus thaum ub lawv paub dabtsi mas lawv tsis kam qhia lwm tus tsuas yog muaj qee tus thiaj li qhia xwb hos peb txheej nimno sawvdaws feem coob txawj xav zog tej laus lawm peb ua siab dawb paug qhia ntshe yog yam yus tsis paub xwb. Peb ua neej nyob zoo li kob nag los ib vuag dua xwb twb yuav dhau mus muab xav los tusiab kawg vim yus tsim tsis tau ib yam tseemceeb cia ua puavpheej tseg rau yus tej menyuam los yog yus haivneeg tau saib ua dabmuag tseg.

Mam sib ntsib dua.

Sponsored content

HMOOB TSAV NTUJ

Search

Hmoob Catholique Forum

Latest topics

Top posters

Tsev seev PajHuam

Hmong beauty nature

Compteur visitor

Poj niam tuag lawm los zes cov me nyuam

Poj niam tuag lawm los zes cov me nyuam

Re: Poj niam tuag lawm los zes cov me nyuam

Re: Poj niam tuag lawm los zes cov me nyuam

Re: Poj niam tuag lawm los zes cov me nyuam

Re: Poj niam tuag lawm los zes cov me nyuam

Re: Poj niam tuag lawm los zes cov me nyuam

Re: Poj niam tuag lawm los zes cov me nyuam

Re: Poj niam tuag lawm los zes cov me nyuam

Re: Poj niam tuag lawm los zes cov me nyuam

Re: Poj niam tuag lawm los zes cov me nyuam

Re: Poj niam tuag lawm los zes cov me nyuam

Re: Poj niam tuag lawm los zes cov me nyuam

Re: Poj niam tuag lawm los zes cov me nyuam

Re: Poj niam tuag lawm los zes cov me nyuam

Re: Poj niam tuag lawm los zes cov me nyuam

Re: Poj niam tuag lawm los zes cov me nyuam

Re: Poj niam tuag lawm los zes cov me nyuam

Re: Poj niam tuag lawm los zes cov me nyuam

Re: Poj niam tuag lawm los zes cov me nyuam

Re: Poj niam tuag lawm los zes cov me nyuam

Re: Poj niam tuag lawm los zes cov me nyuam

Re: Poj niam tuag lawm los zes cov me nyuam

Re: Poj niam tuag lawm los zes cov me nyuam

Similar topics

Similar topics

Search Query

Display results as : Posts Topics
Advanced Search