ncig teb chaw ntsib poj ntxoog 2011

- Piav txuas ntxiv, Thaum niam tais; Paj kawm ploj lawm....Cov tom qab nrhiav kawg nkaug, Tsi tau li; Cov tom qab....Fiv yeem nyuj pov puag los cas? Tsov thiab poj ntxoog, Coj niam tais; Mus tsi dhau....Ntsuj zov nuj txeeg ntawd li, Mus ib hnub; Rov tshwm qhov qub....Mus ib hmos kaj ntug, Rov tshwm lub qab tsuas qub; Muaj ib hnub....Ob tug poj ntxoog, Yuav mus nyiag mov; Nram hmoob zog....Ob tug poj ntxoog, Muab ib rev nplooj suab; Rau niam tais....Paj kawm ntis ntsej muag zoo, Tsi pub tshem tawm li; Cas hnub ntawd....Txawm muaj ib tug zoo li, Poj ntxoog thiab; Txawm hais tias....Tshem koj rev nplooj mas, Pheej ntis dab tsi os; Niam tais paj kawm....Tshem kiag rev nplooj suab, Cas hnov suab dev; Caum raws tsem tsauj zi....Cas hnub ntawd, Tsaus ntuj zuag; Tsi pom ob niag poj ntxoog....Nqa mov los li, Tsi pom tsov los thiab; Hmo ntawd pw ib hmos kaj ntug....Tshaib plab heev, Niam tais paj kawm; Plos maub hav zoov....Ib hnub yuav luas tsaus ntuj, Cas rov los tshwm daim teb pob kws uas; Niam tais paj kawm....Mus nthua ntawd, Lub me nyuam tsev teb; Tsev pheeb suab....Tsi muaj dab tsi noj li, Pob kws cauj; Tab tom siav pib daj plhaub nyov....Ib co twb ntais tas lawm, Niam tais paj kawm; Maub tsaus ntuj xuas....Ntais tau ob peb lub, Tev noj pob kws nyoog; Tuav plab tshaib...Tsov twb muab niam tais paj kawm txiag, Muaj ib plab me nyuam ob hlis ntau lawm; Hnub tom qab....Niam tais paj kawm, Mam maub taug kev txog tom zog; Yawm txiv paj kawm lawv mam....Coj niam tais "Tsau quav nyuj" Ze kaum hnub, Ua neeb kho quas "Dab poj ntxoog" Muab tshuaj haus, Ntaus plab me nyuam tsov poob; Tug me nyuam ntawd....Ntsia zoo li, Tib neeg; Kuj tsi yog....Tib neeg, Kuj tsi yog; Me nyuam tsov thiab....Tom qab ntawd, Niam tais paj kawm; Mam muaj yawm txiv paj kawm me nyuam neeg....Yug tau peb leeg tub, Ob leeg ntxhais; Cov tub kawm ntawv tas:....Grade: 6, Nroog xeev khuam; Twb los ua kws qhia ntawv looj ceeb xyoo 1967 - 1970....Looj ceeb tawg thawj zaug, Thov zam txim ntau; Kuv yuav tsi hais lawv npe hauv no....Tsam muaj tug paub lawv, Lawv tsev neeg ntawd; Tuaj nyob teb chaws:....Canada....Tsi nyob teb chaws mes kas, Thaum kuv tseem me nyuam tub me; Kuv niam maiv....Nco ntsoov hais tias, Me tub aws; Mus ua si....Txog qab zeb, Qab ca qhuav qhawv; Twm plua tshauv tog....Txhob zaum nawb, Tsam zaum tau poj ntxoog chaw; Poj ntxoog coj li....Peb niam tais "Paj kawm ov" Kuv tseem nco ntsoov, Kuv niam zaj dab neeg ntawd; Txog niaj hnub no....Tug niam tais, Paj kawm ntawd; Los tuag looj ceeb lawm....Dab neeg, Xaus li no.

- Ntxiv ob peb los lug, Niam tais paj kawm; Hais qhia....Kuv niam tias, Thaum poj ntxoog; Nyob ze ntawd....Txawm pom tib neeg, Taug kev dua vuag; Tseev sib zog "Qw" Sib zog hu npaum cas? Yug lub suab, Tsi nrov; Tsi yeem li....Ib yam li, Qw nruab npau suav xwb; Yug taw tes....Co nplooj....Diaj ntoo, Tib neeg tsi pom li "Tab sis" Yog dev tom poj ntxoog tuag lawm, Qw nrov npas; Co nplooj....Diaj ntoo, Tib neeg pom; Qw tib neeg hnov....Poj ntxoog, Rev nplooj roog, Yog nplooj suab moj sab daj liab tsuas; Nplooj nroj....Nplooj Tauj, Nplooj nqeeb; Nplooj xyoob....Nplooj ntoo, Poj ntxoog tsi siv; Ntis ntsej muag, Poj ntxoog; Siv tib co nplooj suab ntawd xwb....Hom nplooj suab ntawd, Peb qub zog; Teb chaws poom xub....Ntug nroog xeev khuam muaj ntau, Hauv tej hav ciab; Hav thuv ntxooj nyog....Kuv niam lawv, Pheej de los pua zes qaib; Qaib ntes qe....Muaj ib hom suab, Yog suab qaib tshws; Nplooj zoo li....Nplooj npeb, Teb chaws mes kas; Mes kas cog tog vaj....Ncig tog tsev, Ntawm qhov rooj; Noog nyiam ua zes kawg.

Tij laug xiongchang

Koj zaj dab neeg txaus tshais ua luaj li thiab. Tej laug yeej hais tias yav ntuj thaum ub mas yeej muaj dab muaj tso heev li. Kuv niam tais yeej hais tias nws tau nrog yuam txiv mus rho hmuv ntawm tso lub cev. Hmoob cov hmuv ua hmoob cuab mas ho raug ntawm ncej puab thiab tha xwb, yuam txiv ua khawv koob kiag ces rho kiag xwb mas tshav yeej si laws. Txaus tshais kawg li thiab tij laug. kwv shung

- He....he.... Kwv ntxawg:....Shung....Kuv txiv paj zeb, Los piav li; Kuv niam maiv....Los piav li os, Cov laug caws phom tua tsov; Yog tsi muab qe....Ntxias poj ntxoog, Ces tsi mag tsov li; Yuav tau muab qe....Cuab ib qho deb tsawv li ntawd, Kaum tsib dag deb; Yam ze kawg....Kaum daj, Poj ntxoog ua ntej ntais; Poj ntxoog pom qe zoo nkauj....Poj ntxoog, Sib txeeb qe; Ib tug tau....Ib tug tsi tau, Sib caum; Sib txeeb qe....Tsi nco faj seeb tsov, Tsov ncaj nraim noj nqaij; Los tug tsiaj tsov tom ntawd....Phom thiaj nrov poog, Tam sim ntawd; Kuv txiv hais tias....Caws peb rab phom, Ntsis phom sib ntsuav; Ib rab tsi raug....Los ib rab raug, Koom tib txoj sab; Khi thooj nqaij....Los tug tsiaj ntawd, Cuab nta npuj; Los mag tib yam....Yog caws nta npuj, Muab lub hauv hmuv xyoob; Pleev tshuaj kuab tua nqaij....Thiaj tuag zoo, Tuag sai; Khiav mus tsi deb tuag lawm....Twb tsi hais zov tua tsov, Zov tua plis tom qaib xwb; Lub sij hawm plis yuav los ntawd mas....Dab ntuj tuaj tshua laum, Yuav tsaus zog; Tam sim ntawd li....Yuav kom tsov plis los sai tshaj plawg, Muaj txo siv ceeb txaij; Poj niam rig....Phuam txoom suab, Khi kiag tug tsiaj; Los thooj nqaij....Los tug qaib ntawd ntas, Tib pliag ntshig; Yug twb tsi tau nrhiav chaw zaum zoo....Twb nkag hnav los lawm no, Yog yug siab tawv txaus; Muab thooj nqaij....Los tug tsiaj ntawd, Kaws noj peb kaug tas nrho mas; Plis hma tsov khib kawg kiag....Los tam sim ntawd ntas, Yug twb npaj tsi tha kiag li no ov.

- Kuv piav ib zaj ntxiv, Lub hauv xyoo 1973; Kuv nyaib tom:....GM: 23, Mus nkag pawg pua; Phom loj 106 m/m....Peb mus nyob qub yeej thab hawm, Saum roob zoo; Yav nruab hnub....Peb nce nyob saum khaib, Yuav tsaus ntuj:....5:00 PM; Peb khiav nqeg mus pw puag nram qab roob lawm....Lub nqaj roob ntawd, Nqha taw kaj lug; Yav hmo ntuj qaim hli nrig....Pom deb li:...50 Meter....Muaj ib tug tsov txaij nplooj suab, Loj luaj nkaug; Tug ncaim nees....Los thav nees, Pheej los nyas; Soj tom peb tas li....Peb muab kej lub tej caws plis, Plis los noj koom poom; Mag plis tuag....Peb ho muab lub tem caws ntawm plis, Puas sem los noj plis; Mag puas sem tuag....Peb muab lub tem caws puas sem cia, Tsov los noj puas sem; Mag tsov tuag "Tab sis" Cov lub tem ntawd, Yog kuv caws; Kuv muab lub kej lov dam kiag....Xuas hau koob dig tshau, Cov nplaum tawm tas; Mam muab ntaub nplaum pav zoo li qub....Ntxig hauv lub tem, Thaum tsov los rub lauj zog; Thooj nqaij los tug tsiaj ntawd....Nta plam plawg, Nrov poog tamsim ntawd; Tsov thiaj dhia tsi dhau ua....Tsov txiv ntswg, Qhov ncauj khis ntsoog tas nrho; Tuag kiag ntawd....Tog luag tej laug hais tias, Tsov siab nyoog "Yeej muaj tseeb - Tsi dag li os" Yog yuav noj siab tsov mag, Xuas lauj kaub hau; Thiaj tau noj nawb....Yog ci mas, Tsi tau noj li laus; Txhiab daj dhuv....Ntsia zoo li "Siav" Xuas riam hlas, Ntshav txia txev ntwg yaws si laim; Ci kub nyiab tas....Mam hlais, Los ntshav si lawg xwb os; Txawm hau los....Tsi muaj tswv yim hau, Xuas riam hlais tej daim me; Xuas riam ki no....Zaws ntshav tawm tas, Hau thiaj siav; Tau noj ov? Tua tau tsov, Nco ntsoov saib; Yog plaub nti....Thiaj yog tsov tias, Yog tsib nti; Tsi yog tsov xya....Yog tib neeg tuag, Poj ntxoog tsa sawv ua tsov xwb nawb; Kuv twb pom dua lawm os....Ob txhais tes, Ob txhais taw; Tsib nti tas nrho....Yog tib neeg tuag, Poj ntxoog tsa sawv ciaj tsov; Yog plaub nti tas nrho....Thij tseem tsov xya os.

- Hmoob poj ntxoog tsa ua tsov, Lwm yam tsov; Yog tsov ib puas feem pua xya "Tab sis" Tsov nplooj suab, Kaum tsib feem pua; Yog poj ntxoog....Tsa sawv ua tsov os, Pub thawj poj ntxoog tsa ua mos lwj; Liab hawj....Yog tib neeg, Peem tsheej ua liab; Liab ntxawg....Tsi txia ua liab, Xyooj dais; Tuag lawm....Poj ntxoog, Tsa ua dais; Kuv txiv paj zeb hais tseg tias....Me tub nawb, Tseev kwv tij txheeb; Yawm yij....Yawm dab, Neej tsa ntsuab ze; Phooj ywg zoo....Luag ntsia yug poj niam zoo nkauj ntxim nyiam, Luag tuaj haub yaum caw caum raws "Twj kum - Nyuj qus - Sai" Tseg txhob mus nawb, Luag yuav mus; Los luag mus luag....Tua tau tsi nplua nuj os, Caum raws twj kum; Luag muab yug txi dab teb chaws....Caum raws nyuj qus, Sib txeeb kub; Ua kub tshuaj....Caum raws sai, Sib txeeb kub dig pob cos hlua; Sib txeeb tsib ua tshuaj....Kev yos hav zoov, Yuav mus; Yg ib leeg....Txhob yaum coob leej, Luag siab phem; Luag tua yug pov tseg....Yuav yug poj niam os, Cov ug nov; Yog txiv paj zeb qhia tseg....Rau kuv os, Kwv ntxawg:....Shung.

- Kuv tug kheej no, Thaum me nyuam yau; Plaub tsib xyoos....Txog ntua noob nyoog, Kaum cuaj xyoos txwm; Yuav poj niam tas....Lub hauv xyoo 1974, Mam hnov hais ncha pob ntseg; Cov tub kwv tij; Haub ntxias....Kuv txhua yam li ov? "Tab sis" Kuv tsi qaug quav, Rau leej twg? Kuv thiaj khiav dim "Kev tuag" Yog ruam li, Me nyuam teb chaws no; Kuv tuag ntxov....Txawm kwv tij npaum twg? Luag siab phem nawb, Luag haub yaum ntxias dag; Txhua tsav yam "Tab sis" Yug tswj nreeg "Tug kheej" Tsi qaug quav, Tsi ntseeg leej twg? Yug ntseeg "Tug kheej xwb" Yam ntseeg, Tsuas ntseeg niam txiv xwb os; Dhau niam txiv lawm....Nyob twb ywm zoo dua, Tsi tau mus; Tsi tuag ib zaug....Yog xav mus, Seb yug puas ua taug txiv; Mus yug ib leeg....Yam yug nyiam, Tsi qhia leej twg? "Paub" Yam yug ntshaw, Tsi tham qhia; Leej twg? "Hnov" Yam yug cia siab "Kaw ncauj zoo" Tog luag pom, Yug los lawm; Tog luag paub "Yug ua tiav tas" Tsi tog leej twg? Tsi thawj tug twg? Luag hais tias "Tib neeg ntse - Muaj tswv yim" [Tshaj lij]