Zaj lus qhia

hmoobleejtub 30th January 2012, 1:39 am

hmoobleejtub: Developer; Messages : 119
Date d'inscription : 2011-08-31

Post n°1

Zaj lus qhia

hmoobleejtub 30th January 2012, 1:39 am

Zaj lus qhia

Ib zej tsoom............. tig mloog lus qhia
lam khaws cia................ soj saib puas tshwm
txog zaj xwm.................... phwb kev ua neej
tub txhiaj txheej.............. cov saib hnub qub
tau los qhub................... hais raws nram no
sawv daws nco................ cim rau nruab plawv
tej xwm txawv..............yuav tshwm txawv tshaj
yog xyoo zaj................ muaj txoj hmoov dej
hli tom ntej................ ntawm lub hli plaub
tej lus saub................ ..tau phwb tawm los
av yuav nkos................ thiab cua yuav hlob
tej chaw nyob................ chaw noj chaw haus
npaj kom txaus................ los cia hauv tsev
ntsia tej kev................ . nws ua toj ntxhab
tsam av ntab................ .... toj pob ho xaub
qhia nej paub................ seb nej puas ntseeg
av yuav qeeg................ txawv dua txhua xyoo
yuav kom zoo................ txav deb pas ntsuab
thaum muaj suab................lub ntiaj teb deeg
ces av qeeg................ thiab dej yuav nphau
npaum ntuj vau...............faj foom tshoj theeb
tsis thaj yeeb................ ...rau kev mus los
tej lub zos.....................vaj tse siab siab
yim huab rhiab................ . rau kev phom sij
nrov thooj txhij............ txhua tus yuav ntsib
pib hli tsib................ ....mus rau hli cuaj
ntshe yuav muaj.................txom fav ntau yam
vim laj kam................ . sawv daws tsis muaj
neeg yuav quaj................rau txoj kev tshaib
nyob sab thaib................tuam ceeb koos thej
ua pas dej................ ..... li xyoo dhau los
raws li ntos...............tseem txaus ntshai dua
yog ntuj ua ................ .ntswj cua khaub lig
khiav poob plig ..............ceeb laj khiav dhau
hiav txwv nphau ...............fooj siv tshoj tim
yuav tsis dim................ ... yog twg nyob ze
sib txeeb npe................ ... los ua tswv kav
poob roj ntshav................ . kuj muaj ib cag
yog tsis dag................ .. raws tej lus saub
sib rob caub................ yog qhov yuav tshwm
cov thawj lwm................ coob tus yuav ploj
tuam thawj coj............... yuav nyob tsis ntev
vim neeg tsev.............. sawv sib nrhuav tshem
ntuj yuav lem................ . muaj kev sib faib
teb chaws thaib................ hnub tuaj pem toj
kev ua noj................ ..... npaj teb kom dav
thiaj txaus txav...............cov neeg nram tiaj
vim tsiv niaj................ hnub qub ntswj rov
txog caij sov................yuav sov tshaj plaws
ntswv nplaim taws................yam tsis xav pom
neeg sib nyom................ sib ntaus sib txeeb
tsis pheej xeeb................ li yav nram ntej
lam tig ntsej................mloog seb puas tseeb
nawb ib tsoom hmoob.

**koojziagkabzaug** 30th January 2012, 1:46 pm

koojziagkabzaug

koojziagkabzaug: Moderator; Messages : 3529
Date d'inscription : 2010-02-28

Post n°2

Re: Zaj lus qhia

koojziagkabzaug 30th January 2012, 1:46 pm

Nyob zoo HmoobLeejTub,

Wow...! Cas Niam Toj Txiv Toj yuav hais tau txaus ntshai ua luaj li...!
Lub ntuj tsis ruaj, lub teb tssi khov los leej neeg twb tsis txawj coj, tseem sib tsom tas zos twb tssi sib mloog, sib yoog kom lub nra txhob nyhav nyhav. Ua tsaug rau nws cov lus ceeb toom, vam tias ntau leej yuav tuaj nyeem nws cov lus fab seeb.

hmoobleejtub 31st January 2012, 12:29 am

hmoobleejtub

hmoobleejtub: Developer; Messages : 119
Date d'inscription : 2011-08-31

Post n°3

Re: Zaj lus qhia

hmoobleejtub 31st January 2012, 12:29 am

koojziagkabzaug wrote:

Nyob zoo HmoobLeejTub,

Wow...! Cas Niam Toj Txiv Toj yuav hais tau txaus ntshai ua luaj li...!
Lub ntuj tsis ruaj, lub teb tssi khov los leej neeg twb tsis txawj coj, tseem sib tsom tas zos twb tssi sib mloog, sib yoog kom lub nra txhob nyhav nyhav. Ua tsaug rau nws cov lus ceeb toom, vam tias ntau leej yuav tuaj nyeem nws cov lus fab seeb.

Nyob zoo Kzkz,

Nws puas xav tias tsam hem neeg ntshai os. Yog tsam hem neeg ntshai no ces muab nws tshem tawm. Tus sau tsis yog saub tab sis tsuas txhais raws saub tej lus hais xwb. Muaj thiab tsis muaj los thov s/d txhob ntaus nqi phem rau tus sau nawb.

**koojziagkabzaug** 31st January 2012, 1:23 pm

koojziagkabzaug

koojziagkabzaug: Moderator; Messages : 3529
Date d'inscription : 2010-02-28

Post n°4

Re: Zaj lus qhia

koojziagkabzaug 31st January 2012, 1:23 pm

Nyob zoo HmoobLeejTub,

Txhob muab tshem mog, tej lus Saub no yeej muaj tseeb, tab sis tej thaum mas yog txhais yuam kev rau lub caij lub nyoog xwb. Qhov yuav tswm sim mas yeej yuav muaj raws li tiag. Yam li thaum 1958-59 nyob rau Samneua, lawv Sawv Vaj, ua Niam Txiv, lawv tau hais tias: "Lwm hnub Niam txiv Fj Tim pem ceeb los txog mas Peb Hmoob yuav nyob tsev pom kev ci ntsa iab li mab li suav, hmo ntuj yuav pom ke ib yam li nruab hnub, ib leeg khwv txaus ib tse noj, yuav mus ib qho rau ib qho mas tsis tau taug ko taw, ya ib nta li tus noog xwb. Ces txawm muaj coob leej xav tias ntshe yog kiag tam sim ntawd, lawv thiaj li tsis ua liaj ua teb, muaj poj qaib niam npua mus tua noj ua Niam Txiv, muab nyiaj txiag pov tseg, muab tej daim pam kauv tso ya saum hauv tsua rau nram qab tsuas poob tuag tag. Tej lus no 50 xyoo tom qab muaj tseeb. Tab ssi lub caij ntawd lawv txhais tsis yog lub caij lawm, thiaj ua rau muaj kev puas tsuaj ntau. Tej lus Saub no yeej khev tab sis yus tsis paub lub caij twg xwb.

Ua tsaug rau nws zaj paj huam, yeej hais tau ntawd kawg li.

hmoobleejtub 1st May 2012, 4:50 pm

hmoobleejtub

hmoobleejtub: Developer; Messages : 119
Date d'inscription : 2011-08-31

Post n°5

Re: Zaj lus qhia

hmoobleejtub 1st May 2012, 4:50 pm

HLUAV TAWS NTSWV QAB AV TUAJ YOG IB YAM XWM QHIA TSEEB TIAS
YUAV MUAJ KEV NTXHEB NTXHOV RAU LUB 9 – 10 HLI XYOO 2012

Raws tsab xovxwm Thairat tau tshaj tawm tim 29 lub 4 hlis 2012. Saub Famthoos tau ntos txog qee yam npog uas tau tshwm nyob Phitsanulop thiab Lopbury. Nws yog ib yam xwm ua npog qhia tias tej zejzog nroog thiab xeev yuav muaj kev piamsij puas ntsoog. Pas ntshav yuav tshwm thiab yog ib yam xwm txaus ntshai tshaj ib txhiab npaug yav dhau los.

Lub 4 hlis 2012 no Famthoos tau ntsuav rau hauv Facebook txog dab tsi yuav tshwm sim nyob rau hauv lub teb chaws Thaib. Tsoom tub nrhiav xov hauv Thairath online thiaj li tau ntxig nug qhov tseeb. Famthoos uas yog ib tug tub lis ntaub ntawv hauv fai num saib txog tej hnub hli tau lees tias vim tau txhawj xeeb thiaj txiav siab muab tej xov xwm ntawd tso tawm kom tsoom lajmej pejxeem sawv daws hauv lub teb chaws txawj fajseeb rau qee yam kev cov nyom yuav tshwm sim.

Xoomkheaus Phitsanulop yog ib thaj chaw uas muaj livxwm txog haiv neeg yav dhau los, li Koosxim Asyubthabyas uas twb raug tsoo piamsij 2 zaug los ntawm haiv neeg Phabmab. Ua ntej li xwmtxheej kev puas ntsoog yuav tshwm, twb muaj dej tawm ntws nyob ntawm tus mlom Louamphoj Tous nyob hauv lub vav phab nas chees. Tab sis zaum no ho muaj hluav taws ntswv tawm kub tej chaw rau mlom tseem ceeb thiab tej mlom tau khiav tawm mus rau qhov twg tsis muaj leej twg paub, yog ib yam txaus chim siab rau cov ntseeg kev cai haujsam heev. Tswv ntuj yog tus tswj tej kev teev hawm, tej kev ntseeg kev cia siab ntawm haiv neeg, es ho muab tej twj uas yog qhov chaw cia siab rau pejxeem ntawd ua ploj mus lawm. Nws qhia tau meej tias qhov ntawd yog ib yam npog rau tsav neeg uas muaj kev pe hawm tej mlom ntawd kom paub fwbxwm fajseeb txog tias yuav muaj dab tsi tshwm sim. Famthoos thiaj ntseeg tias kev tshwm sim rau tej mlom ntawm tej qub nom qub tswv dhau los ntawd yog ib yam npog txaus ntshai.

Vim txij lub 5 hlis tim 15 txog rau lub 9 hlis tim 7, thiab 10 hli tim 10, cov hnub hli tseem ceeb yuav hloov chaw, thiaj yuav ntswj tau tej sab ntuj hnyav los aiv lub ntiaj teb. 1 hlis ua ntej ua qab ntawm lub 10 hli tej zaum yuav muaj xwm txheej tsis hais yam ntuj ua los sis tib neeg ua tshwm taus rau ntiaj teb tib neeg yam txaus ntshai. Yog ntuj ua ces yog moj lwg kaw cua ntswj, av qeeg toj xaub, dej laub, lawg tsoo, cua ntaus, tuam tsam nag xob nag cua, cua daj cua dub, thiab kab mob sib kis thiaj yog yam txaus txhawj txaus ntshai. Yog yam tib neeg ua, kev siv fwvxyeej sib tawm tsam, siv riam phom hoob pob sib ntaus sib tua, toj roob hauv hav ciaj nplaim taws, choj lov kev tu, yuav ua rau tib neeg ntsib kev txom nyem tuag tshaib tuag qhis.

Qab hli ntawm lub 12 hlis xyoo 2011 uas yog lub xyoo laus yuav xaus thiab lub xyoo tshiab yuav tawm. Cov tub tshaj txuj twb tau tshaj tawm tias xyoo 2012 no thaum lub 4 hlis txwm rau zaj xyoo, zaj hli, tej zaum yuav muaj av qeeg los sis yuav muaj kev tsis sib haum xeeb ntawm tsav neeg hauv lub teb chaws. Nrab hli ntawm lub 4 hlis twb tau muaj av qeeg nyob sab qab teb, muaj cua daj cua dub ntaus ntau lub xeev thiab tsav neeg cov daj cov liab muaj kev tsis sib haum xeeb cov nyom tsis hais hauv zej zog thiab kev tswj teb tswj chaw. Tau muaj nplaim taws ntswv tshwm hauv av tuaj yam tib neeg tsis tau ras txog. Txhua yam uas cov tub txawj rau fab hnub hli tau hais los yeej tsis viv vaim. Yog li kev mus tsham teb ncig chaw rau sab Asia yuav tsis tshua yooj yim nyob rau lub qab xyoo 2012 no
.

**koojziagkabzaug** 2nd May 2012, 1:54 pm

koojziagkabzaug

koojziagkabzaug: Moderator; Messages : 3529
Date d'inscription : 2010-02-28

Post n°6

Re: Zaj lus qhia

koojziagkabzaug 2nd May 2012, 1:54 pm

Nyob zoo HmoobLeejTub,

Ua tsaug rau nws cov lus ceeb toom rau peb Hmoob.
Muaj ntau yam txawv tshwm sim rau lub ntiaj teb, tseem muaj ntau yam tshwm sim rau Hmoob lub neej yam tsis tau muaj dua los.
Twb tsis hais lub ntuj yuav tig lub teb yuav rov, tab ntsia peb Hmoob lub neej xwb twb txaus ntshai lawm. Cia li tsis paub qhov phem qhov zoo li lawm, cia li muab cuab tam poj tub se xuam li mas pab sawv daws tu siab kawg li. Lub ntuj los tseem yuav rov, lub teb tseem yuav rais thiab es leej neej yuav ua li cas?

Lub ntuj yuav tshoj lub teb yuav tseem yuav tig, ua li peb Hmoob lub neej tseem yuav puas npaum li cas ntxiv?

hmoobleejtub 2nd May 2012, 4:51 pm

hmoobleejtub

hmoobleejtub: Developer; Messages : 119
Date d'inscription : 2011-08-31

Post n°7

Re: Zaj lus qhia

hmoobleejtub 2nd May 2012, 4:51 pm

koojziagkabzaug wrote:
Nyob zoo HmoobLeejTub,

Ua tsaug rau nws cov lus ceeb toom rau peb Hmoob.
Muaj ntau yam txawv tshwm sim rau lub ntiaj teb, tseem muaj ntau yam tshwm sim rau Hmoob lub neej yam tsis tau muaj dua los.
Twb tsis hais lub ntuj yuav tig lub teb yuav rov, tab ntsia peb Hmoob lub neej xwb twb txaus ntshai lawm. Cia li tsis paub qhov phem qhov zoo li lawm, cia li muab cuab tam poj tub se xuam li mas pab sawv daws tu siab kawg li. Lub ntuj los tseem yuav rov, lub teb tseem yuav rais thiab es leej neej yuav ua li cas?

Lub ntuj yuav tshoj lub teb yuav tseem yuav tig, ua li peb Hmoob lub neej tseem yuav puas npaum li cas ntxiv?

Nyob zoo os KZKZ,

Lus fajlem mas hais li ntawd, tejzaum nws yuav muaj li hais, tejzaum kuj yuav tsis muaj li hais. Tab sis lus fajlem yeej hais tias yam lig los tsis dhau 2 xyoos tom qab yuav tsum muaj xwm txheej txhwm ua rau daim map hauv lub teb chaws thaib tsuas tshuav phab qaum teb lawm xwb no. Kuv kuj pom ib tug nom tswv los tham txog qhov yuav tiv thaiv sab qabteb thaum muaj dej nyob tuaj yuav thaiv li cas vim yog dej nyab zaum tom ntej no mas yuav nyab siab txog 30 mev tob no. Yog muaj li tus nom tswv ntawd hais ces nws los yeej tsuas hais li tej lus fajlem hais thiab xwb.

Hais txog ntawm Hmoob ces koj ntsias thaum twg rov qab nyob txom nyem li yav thaum peb tawg teb chaws es nom tswv muab tso poob rau tom qab lawm ces tejzaum yeej yuav rov txawj sib hlub me ntsis lawm los mas. Thaum ntawd mas txoj kev sib nrauj sib tso yuav tsawg me ntsis lawm. Tib neeg ces yog thaum nyias xav tias txawm tsis muaj tus tod los yus nyob tau yus lawm no ces, nyias khav khav nyias ces txoj kev sib nrauj sib tso thiaj pheej muaj li koj ua muam txhawj xeeb xwb. Cov neeg uas yam lub hnub twb dai dhuam tim npoo ntuj lawm los tseem tsis saib lub cuab yeej cuab tam tseem ceeb es tseem ho qi muag mus khaws cov me nkauj mog uas twb rov muab tej qhov ntuj tsim ntawd xaws dua tshiab lawm ces, tsis ntev li los mas, tsuas pab tuam choj rau lawv hla hiav txwv xwb. Thaum lawv hla dhau lawm ces kawg txoj kev ntshav siab yeej raws cuag xwb. Tsis pom dej dag siab tsis nqig, cia nyias phov nyias kom txaus, nyias mam txhawj qhia nyias tus kheej thiaj tsis qig lus os. Yus ho muab lawv txhawj heev dhau hwv los ib pliag yus tej ntshav ho siab ces yuav ua rau noj tsis qab thiab laiv.

Kuv pom ib tug txiv yawg Hmoob nws muaj li 55 xyoos lawm. Nws tus pojniam tau muab nws tso tseg los ze li 7 lub xyoo no lawm. Kuv pheej pom nws taug kev duj duam, ntau zaus wb kuj raug ua hauj lwm uake. Kuv nug nws tias, cas nyob ib leeg xwb tsis muaj pojniam pab ntim su rau nws li nws ho pheej tsis mus yuav ib tug los nrog nws nyob? Nws teb rau kuv tias, koj aw laus tav no lawm, txawm mus yuav tau ib tug los los xyov luag puas yuav sov siab nrog yus ua neej. Tsis li ntawd los yus puas yuav kav tau lawv ntev npaum twg, nyob tsam los yug tau yus tej me nyuam twb tsis tau paub nrhiav noj nrhiav haus ces yus twb ho yuav muab tso tseg ua luag tub puab rooj puab ntsa. Kav liam, lam nyob tiv kev txom nyem kom txog hnub tsis muaj yus, thiaj li tsim nyog yuav mus nrog yus tus niam nkauj txhav qaib pw koom ib tug kwj ntxa. Kuv pom nws hais li ntawd tas, nws ua lub kua muag poob nthav. Ua cas kuv lub kua muag cia li nrog nws poob thiab tiag. Koj nyeem kuv cov lus no ces thov koj txhob poob kua muag nawb kooj.

xiongchang 8th May 2012, 2:49 pm

xiongchang

xiongchang: Moderator; Messages : 5005
Date d'inscription : 2012-04-16

Post n°8

Re: Zaj lus qhia

xiongchang 8th May 2012, 2:49 pm

- Luag hais tias, Cov khaub zeeg cua ntuj; Yog ntxwj nyoog....Thiab vaj yes xus nkawd, Sib txeeb lub ntiaj teb no kav; Nkawd hais tsi haum xeeb....Nkawd siv fwj chim, Sib ntsuas zog; Seb leej twg? Heev tshaj plawg, Thiaj los raug noob neej vaj tsev pob zuav tas... scratch

**koojziagkabzaug** 8th May 2012, 11:40 pm

koojziagkabzaug

koojziagkabzaug: Moderator; Messages : 3529
Date d'inscription : 2010-02-28

Post n°9

Re: Zaj lus qhia

koojziagkabzaug 8th May 2012, 11:40 pm

Nyob zoo tij laug HmoobLeejTub thiab tij laug Xyooj Tsab,

Tu siab rau Hmoob lub neej, kuv ntsia ntsoov cov uas ua ntej teb chaws Nplog tawg, nyob pem zos Hmoob txom txom nyem, cua pob txha tag mas pov rau dev dev yeej tsis kaws li lawm, vim kaws du dhau tsis tshua dab tsi rau dev kaws li. Tab sis zaum no qhov muag nyuam qhuav pib nqhuab xwb txawm siv muab vaj tseg, niam tub txiv nyuag mus pauv nkauj mog ob ceg me, muab tas vaj tas tsev mus pauv tej tug me nyuam 17 xyoo tuaj puag ua neej. Tus kheej zoo siab vim yuav tau lub neej tshiab, tab sis yus ntsia mas pab nws tu siab, vim nyuam qhuav noj mov ntxuag kuam cej kuam xua dua kiag xwb twb tsis tau tuag, txawm siv tsab ua neeg nplua nuj, muab nyiaj txiag los yuav neeg tsim, tsuas khav nws cov nyiaj xwb, tus mos los yau nws lawm 40 xyoo, tseem kam yuav nws kom tau nws pob nyiaj, niam hlob los muab nyiaj los lwv xwb, yog tsis yuav nws cov nyiaj ces cia nyias mus nyias, tu siab kawg. Neeg muab nyiaj ua huab tais, cov nyiaj ntawd puas muaj siab muaj ntsws rau yus txoj kev hlub tiag? Cov nyiaj ntawd puag puag sov?

Last edited by koojziagkabzaug on 9th May 2012, 1:51 pm; edited 1 time in total

xiongchang 9th May 2012, 9:18 am

xiongchang

xiongchang: Moderator; Messages : 5005
Date d'inscription : 2012-04-16

Post n°10

Re: Zaj lus qhia

xiongchang 9th May 2012, 9:18 am

- Hwb....hw.... Sad

Tsi paub li os, Ntuj dub; Ntuj qas nciab....Lub ntiaj teb, Tsaus qas nti? Lub ntuj fa, Lub ntiaj teb lam; Ntshe txog lub caij npam....Hmoob lub neej yuav liam dua zaum tshiab, Thiaj muab cuaj txiaj; Cuab tam vaj tsev.... Poj niam tubn txhais taig muag tas, Tau me ntsis nyiaj; Coj mus yuav niam nkauj mog ab....Yog niam nkauj kub kaws, Kav cos pliav; Tuaj tshum ob peb nyuag hnub....Niam nkauj kub kaws, Muab vaj tsev hlawv ciaj hluv tas; Tsi pom dej dag....Siab tsi nqis, Kuv mas pab tu siab kawg li os; Thaum ub tej laug hais dab neeg....Tam sim no:....Ntaub yaj - Ntxhoo lauj nkawd, Twb muaj ua; Yeeb yajkiab kiag.....Suav daws saib:....internet You tube....Los tsi zeem li, Cia ua txog kawg; Siab thiaj nqis os.

Sponsored content

HMOOB TSAV NTUJ

Search

Hmoob Catholique Forum

Latest topics

Top posters

Tsev seev PajHuam

Hmong beauty nature

Compteur visitor

Zaj lus qhia

Zaj lus qhia

Re: Zaj lus qhia

Re: Zaj lus qhia

Re: Zaj lus qhia

Re: Zaj lus qhia

Re: Zaj lus qhia

Re: Zaj lus qhia

Re: Zaj lus qhia

Re: Zaj lus qhia

Re: Zaj lus qhia

Re: Zaj lus qhia

Similar topics

Similar topics

Search Query

Display results as : Posts Topics
Advanced Search