koojziagkabzaug 5th March 2011, 10:42 am
Hlub 1000 Npaug
Tsab xo no,
zaj nkauj no,
thov muab xa mus rau,
cov kwvtij Hmoob ntsuag nos,
nyob yav ntuj qub qab,
uas peem txoj sia,
peem lub neej Hmoob,
peem kev txom nyem,
ua tiag ntxeem mog.
Xa mus rau cov nyob txawv teb chaws,
uas mus peem kev txawj ntse,
peem kev noj kev haus,
peem kev los txhim kho Hmoob,
Nej peem txog txij twg lawm os,
Puas rau siab os.
Cov nyob tom qab,
tuav txoj sia,
noj nplooj hmab nplooj ntoos,
nyob tos nej,
tos npaum li nroj tsuag tos kob nag,
thaum twg nej mam li tsim os Hmoob.
Cov me Hmoob ntsuag nos,
ua lub neej tsaus ntuj,
lub neej txom nyem,
tsis muaj niam muaj txiv txhawb,
tsis muaj leejtwg cev tes los plhws thiab hlub.
Yog vim txoj hmoo,
los yog vim tsis txawj sib hlub,
os Hmoob.
Tiam no thiaj raug faib,
mus puv yim meem teb.
Ua cas yug los ua ib zaug neej ua Hmoob,
tsis muaj chaw roos txoj sia,
ua lub neej tsaus ntuj,
lub neej txom nyem noj haus,
txom nyem chaw nyob chaw roos,
txom nyem siab ntsws ua luaj.
Tsis muaj ib thaj chaw,
yuav hu ua tsev os cov me Hmoob ntsuag nos.
Peem tiag peem tiag os cov me Hmoob ntsuag nos.
Txoj hauv kev yog kawm kom txawj,
coj ncaj ncees,
sib hwm sib hlub,
thiab nej tsab peev xwm xwb os,
cov me Hmoob Ntsuag nos e.
Ua tsaug rau tus sau zaj no.
Home
