koojziagkabzaug 2nd September 2012, 11:25 pm
Nyob zoo tij lauj Xyooj Tsab,
Ua tsaug ntau rau nws qhia peb cog qoob cog loo. Yeej yog li nws hais, yog Peb Hmoob lim xeeb nquag plias, txog caij dob yuav dob, txog caij nthua yuav nthua ces ntshe Peb Hmoob twb tsis ua neej txom nyem lo roj li lawm. Kuv pom cov Hmoob Thaib, uas lawv txawj yoog. Tau muaj 20 xyoo los no xwb, tam sim niaj hnub no, lawv lub neej hloov lawm ntau heev, lawv ua liaj ua teb, cog txiv ntooo, cog zaub, cog qoob, cog paj li luag pej kum neeg lawm, yog ib ruam deb kawg nkaus rau keeb kwm Hmoob. Tab sis tshua peb cov kwv tij Hmoob Nplog, qhov muag tseem tsis tau pom kev deb, tseem tsaug zog tsis rua muag, tseem niaj hnub tu siab rau yus txoj hmoov, txoj kev txom nyem uas twb yog yus tsis kam qheb qhov muag, yus xav kom nyiaj poob saum ntuj los rau yus siv dawb xwb. Hais txog cov Hmoob Cob Tsib teb, lawv sib zog kawg, tab sis yog lawv lub teb chaws thiab cov haiv neeg loj hauv lawv lub teb chaws tsis qheb kev dav rau haiv Hmoob, lawv thiaj li tau lub neej txom nyem. Tab sis hais rau lawv, kom lawv txhob tag kev cia siab, Tswv Ntuj Yawm saub tsim lub ntiaj teb rau txhua leej nyob, txawm luag saib tsis taus yus, ciav cais yus los nej ua siab loj mog, muaj ib hnub twg ntuj yuav tig ko diav los rau nej tuav li luag tej thiab. Vim lub ntuj no tsis yog tsim los rau cov neeg muaj hwj chim, muaj suab npe xwb, tsim los rau tus muaj tus pluag, tus ruam tus ntse, tus hlob tus yau tib si. Kuv tseem hnov moo paj moo cua tias nej nyob Cob Tsib teb mas neeg Cob Tsib txeev muab nej ntaus, lam tau lam ntau nej ua dog dig, nej ev zaub mus nrtam khw mas lawv ua yam saib tsis taus nej, muab nej tej zaub ntxeev mus ntxeev los, kom lwj tag tsis yuav, thaum tsaus ntuj mam thom kom nej muab muag pov tseg rau lawv xwb. Qhov nov yog ib qho txov nej Hmoob, tab sis ua siab loj os nawb mog.