Qeej Hmoob

......Kev neeb yaig....Tso tsi tau tseeg....Yog dab neeb tshoj lawm os?..."Tab sis"...(.Hmoob kab lig - Cai cai coj)....Muaj ntau yam....Yuav tau txo....Kom yau dua qub....Vim muaj qee yam....Hmoob coj loj xov kem tsuab....Nyuj qua ntse zig nees....Coj ncaj nraim zoo dua os?....Muaj qee yam....Hmoob coj nkhaus....[Pheej coj li....Poj ua tseg - Yawm rhawv cia]

Tij laug xiong chang,

Yeej yog li koj ua tij hais mas. Neeb yaig ces yeej yog qhuas neeb los tshoj thiaj li txawj xwb os.. Lawm ua mas yeej tsis tau li. Peb nyob hauv no muaj ib cov poj niam hmoob mus kawm ua neeb no ces ua thiab ua ces niag poj hmoob ntawv cia li yuav vwm.  Txog qhov kawg ces niam pog ua siab muab tej niag cwj neeb cwj yaig sau pov tseg rau tawb khib nyiab lawm.  Niam pog thiaj li zoo lawm.

Tij laug xiongchang koj hais txog tso dab pob tawb nas, kuv tsis tau tso dua ib zaug li seb zoo li cas li. Kuv kuj xav tso thiab yog tias muaj neeg txawj qhia nas..

Hais txog kev cais hauj sam yeej yog ib qhov kev cais zoo kawg rau lwm haiv neeg coj tab sis yawg saub tsis phum mlom los yog kev cais hauv sam rau hmoob teev ned... Hmoob mas yawg saub phum kev neeb kev yaig rau hmoob teev thiab hmoob ua xwb.  Yog li hmoob thiab ua lub neej cov nyom dua lwm hais neeg.  Kwv shung

......Kwv ntxawg...."Shung"....Kuv piav li no....Dab pob tawb....Tsi yog....Lam hu nawb....Kwv ntxawg...."Shung"....Tug dab pob tawb tias tiag....Hu txog niam nkauj hnub qub....Nyob saum ntuj ntsuab - Huab tais - Xya leej ntxhais....Saum ntuj kag....Tuaj saib yaig xwb os?....(Yaj ceeb - Thov dag zog)....Tsi txawj hu....Hu tau dab toj ntxas....Tuaj ua neeb....Yog neeb ruam nawb....(lawv kaum ob - Tswm xyab hmoob - Nco pa los....Ntshawb lub tsho poj niam tshiab khiv ntag...Thaum yuav hu....Tawm rooj plawg nraum zoov....Nqa loo lub pob tawb nrog nraim vog....Pom ntsais tsia....Xya lub hnub qub....Saum ntuj ntag....Muab lub tsho poj niam looj kiag....Lub pob tawb....Thaum hu tas nrho....Lub pob tawb nyav zog lawm....Tsi sdib li....Thaum nyuam nqa tawm nraum zoov os?....Nug yam tseem ceeb xwb....Txhob nug dog dig....Tsi muaj laj thawj....Thaum ua tas....Yuav xa rov qab....Hlawv kaum ob tswm xyab....Kaum ob lub yaj khaum nyiaj kub....Kaum ob nplooj xov txheej....Xa rov qab os?

.....Ob leeg zaum ntawm ntug cub....Thob thaj tshauv ntug cub....Muaj dab tsi?....Dab pob tawb mam qhia paub os?....Dab tsi xiam poob....Tub sab nyiag....Ploj lawm....Dab pob tawb qhia....Ntawm ntug cub tshau....Tsi ploj - Tsi poob - Dab pob tawb....Co hau nto....Los ncaws hau....Dab pob tawb coj mus nrhiav ntag os?....Tug twg?....Tub sab nyiag lawm....Dab pob tawb ntaus tug neeg ntawd ntag os?....Thaum hu mas....Hais li no....Niam nkauj hnub qub....Koj nyob saum ntuj....Koj qhov muag luj....Zoo phem....Koj paub tas nrho....Muaj tseeb tias....Koj mam qhia nawb....Tsi muaj tseeb....Koj txhob hais nawb....Tsam ntiaj teb neeg....Ua plaub ntug loj os?....(Nyiag nyiaj - Yeej paub - Nyiag tsiaj txhu qaib npua - Yeej paub zoo os)....Poj ntxoog coj....Ua tsov lawm....Dab pob tawb....Xuas Npab kes kiag....Ntawm ntug cub os?....Kwv ntxawg...."Shung"

......Kwv ntxawg...."Shung"....Koj nkawm qhua neeb....(Txiv nraug suav - Ntxhais nkauj ntxawm - Txhiaj txiv mim)....Yog qhua neeb qaum ntuj os?....Kwv ntxawg...."Shung"....Nkawm qhuas neeb no....Nyob siab heev nawb....Kwv ntxawg...."Shung"

......Kwv ntxawg...."Shung"....Nkawm qhua neeb....{Txiv nraug suav - Neeg yaj ceeb os}....(Ntxhais nkauj ntxawm - Txhiaj txim mim - Nkauj hnub qub - Saum qaum ntuj os)....Kwv ntxawg...."Shung"

Tij laug xiongchang,

Koj hais yog lawm os...Txiv nraug suav thiab nim nkauj hnub qub nkawv yeej nyob siab heev li. Yog leej twg tsis muaj nkawm qhua no ces mus tsis txog li. Nyob siab heev li os.. kwv shung

......Kwv ntxawg...."Shung"....Qhov kuv paub txog....Nkawm qhua neeb no....Kuv yuav tau....Ib daim yeeb yaj kiab....(Movies - China)....Nkawm qhua neeb....Txiv nraug suav....Yog neeg yaj ceeb....Tog nkauj ntxawm....Txhiaj txiv mim....Nkauj hnub qub....Nyob qaum ntuj os?....Kwv ntxawg...."Shung"

Tij laug xiongchang,

Kuv kuj nco tau tias tau siab lawm thiab tab sis ntej heev lawm. Raws li kuv pom suav thiab thaib muab coj los qhia mas txiv nraug suav yeej yog neeg yaj ceeb li koj ua tij hais ho niam nkauj hnub qub txhiaj txiv mim mas nws yog neeg yeej ceeb nyob saum ntuj es nyob saum lub hnub qub. Kuv tsis nco zoo lawm tab sis thaib hais tias txiv nraug suav no muaj zoo txuj zoo ci heev ces nws pheej nrho hneev tua 9 lub hnub qub saum ntuj. Nws tua zoo li poob lawm 8 lub lawm ces niam nkauj txhiaj txiv mim thiaj li nqis los. Thaum los txog hauv ntiaj teb no ces zoo li nkawm cia li sib nyiam lawm. Nkawv thiaj li nrov mus saum ntuj lawm. No yog ib qhov dab neeg suav hais tseg xwb. Kwv shung

......Yeej mus raws nraim li....Koj hais mas....Kwv ntxawg...."Shung"

Tij laug xiongchang,

Kuv coj neeb kuj nyiam hais kwv huam pub kub mloog kawg li thiab. Saum lub hnub qub ua nraug suav thiab txhiaj txiv mim nkawv nyob mas zoo nkauj kawg li tiag tij laug. Nyob hauv ntiaj teb no tsis muaj ib qhov yuav zoo nkauj li ntawv li. Kuv mus txog ib lub tsua neeb ces kuv tsis ceev faj ces neeg yeej ceeb pom kuv tuaj mus ces lawv tuaj muab kuv puav tua. Lawv tuaj coob7 kawg tuaj puav tau kuv ces lawv hias kuv tias peb mas ntxub neeg yaj ceeb li koj kom kawg nkaus. Peb yuav muab koj tua kom koj tuag mus. Ntxub cov neeg yaj ceeb li koj kom es tseem yuav tuaj mus kawm txuj kawm ci hauv yeej ceeb thiab. Kuv nrog lawm sib cam sib ceg, kuv hais tias kuv yog neeg dawb neeg huv. Kuv tuaj no yog tuaj ncaj tuaj ncees tsis yog yuav tuaj nrhiav plaub nrhiav ntuj rau leej twg. No ces pab niag neeg yeeb ceeb ntawv txawm swb kuv lawm ces kuv tsuas hnov lawm yws zom zaws tias cas yuav ntxub cov niag neeg yaj ceeb li kuv no ua luaj es ua cas nyob yaj ceeb no yuav coj phem ua luaj li. Kuv los kuv lawm. kuv tsim los kuv pheej xav tias xyov yog ua li cas li es lawv yuav mus chim heev ua luaj rau kuv. Kwv shung

......Kwv ntxawg...."Shung"....Ib lub ntuj....Txawv ib yam lawm os?....Yog luag tsi paub zoo....Yuav tau ceev faj zoo....Saib qab hau zoo dua os?....Piv txwv li....Peb tuaj nyob....U.S.A....Txog tav ntuj no....Tseem muaj teeb meem qeeg....Yug tuav xov xeeb....Tsi tau luag li os?....Kwv ntxawg...."Shung"

Tij laug xiongchang yeej yog li koj ua tij hais mas nyob txog qhov twg los yuav tau ua zoo saib. Yog tsis ua zoo siab yuav raug teeb meem ho... kwv shung

......Nyob txog qhov twg?....(Xyuam xim - Ua zoo saib - Saib meej - Xyuas tseeb tso)....Mam nyob nawb....Yog tsi li ntawd....Muaj teeb meem....Hais daws tsi tau os?....Kwv ntxawg...."Shung"