Hmoob Cov Saub Tej Lus Ntos

PIJPAUJ 4th June 2011, 2:47 am

PIJPAUJ: Developer; Messages : 149
Date d'inscription : 2010-12-25

Post n°1

Hmoob Cov Saub Tej Lus Ntos

PIJPAUJ 4th June 2011, 2:47 am

Mloog Saub Ntsuab Xwm cov lus ntos nyob:

LaujLisNtosNtsuabXwmLus1.wmv

LaujLisNtosNtsuabXwmLus3.wmv

Last edited by koojziagkabzaug on 12th October 2012, 9:04 am; edited 4 times in total (Reason for editing : Make it easier for people to listen)

PIJPAUJ 4th June 2011, 4:05 am

PIJPAUJ

PIJPAUJ: Developer; Messages : 149
Date d'inscription : 2010-12-25

Post n°2

Re: Hmoob Cov Saub Tej Lus Ntos

PIJPAUJ 4th June 2011, 4:05 am

PIJPAUJ wrote:Mloog Saub Ntsuab Xwm cov lus nto nyob:

www.hmoob18xeem.com
Qhov #2. Cov lus kaw cia
Playlist zaj #30. SaubNtsuab Xwm Cov Lus Nto

Hmoob nyob Vib Nais & Sib Ncaim

PIJPAUJ 4th June 2011, 4:08 am

PIJPAUJ

PIJPAUJ: Developer; Messages : 149
Date d'inscription : 2010-12-25

Post n°3

Re: Hmoob Cov Saub Tej Lus Ntos

PIJPAUJ 4th June 2011, 4:08 am

Saub Vwj Pov Xyooj

The Message of God - Hmong part 1/3

The Message of God - Hmong part 2/3

The Message of God - Hmong part 3/3

**koojziagkabzaug** 5th June 2011, 5:21 pm

koojziagkabzaug

koojziagkabzaug: Moderator; Messages : 3529
Date d'inscription : 2010-02-28

Post n°4

Re: Hmoob Cov Saub Tej Lus Ntos

koojziagkabzaug 5th June 2011, 5:21 pm

PIJPAUJ wrote:Mloog Saub Ntsuab Xwm cov lus nto nyob:

www.hmoob18xeem.com
Qhov #2. Cov lus kaw cia
Playlist zaj #30. SaubNtsuab Xwm Cov Lus Nto

Nyob zoo Pijpauj,

Ua tsaug nws coj cov lus nov tuaj rau peb mloog, kuv xav mloog thiab tab sis zoo li mlooj tsis tshwm li, nws pab kho kom peb mloog tau seb lawv sawv saub, lawv hais dab tsi ntxiv thiab?

Ua tsaug.

PIJPAUJ 5th June 2011, 6:09 pm

PIJPAUJ

PIJPAUJ: Developer; Messages : 149
Date d'inscription : 2010-12-25

Post n°5

Re: Hmoob Cov Saub Tej Lus Ntos

PIJPAUJ 5th June 2011, 6:09 pm

koojziagkabzaug wrote:

PIJPAUJ wrote:Mloog Saub Ntsuab Xwm cov lus nto nyob:

www.hmoob18xeem.com
Qhov #2. Cov lus kaw cia
Playlist zaj #30. SaubNtsuab Xwm Cov Lus Nto

Nyob zoo Pijpauj,

Ua tsaug nws coj cov lus nov tuaj rau peb mloog, kuv xav mloog thiab tab sis zoo li mlooj tsis tshwm li, nws pab kho kom peb mloog tau seb lawv sawv saub, lawv hais dab tsi ntxiv thiab?

Ua tsaug.

Nyob zoo KZKZ,

Qhov ntawd yog Hmoob18xeem li xwb. Kuv tsis paub hais tias koj li audio player yog dab tsi. Raws saib lawv qhov audio player mas yog WINAMP, tab sis kuv yeej mloog tau tib si txawm kuv ho tsis muaj WINAMP.

Thaum yus click qhov link www.hmoob18xeem.com tag es nws coj yus mus txog lawm lub web site, scroll down kom mus pom ib lub orange/red rectangle.

Nyob hauv lub rectangle ntawd, muaj 3 qhov links. Yus mus click qhov link thij 2 (Cov lus kaw tau cia).

Thaum click tag ces nws mam coj yus rau lawv qhov audio playlist http://www.hmoob18xeem.com/audio/

Thaum yus mus txog lawv daim playlist lawm, yus mam xuas tus computer mouse scroll down daim list kom mus txog zaj 30 ces CLICK (NIAS)nws. Yog yus tsis scroll down es mus nias kiag zaj lus, ces nws tsua yuav tso qhov #1 rau yus mloog xwb. Yog mloog tsis tau, kuv mam muab theej tso hauv youtube.

PIJPAUJ 17th June 2011, 9:42 am

PIJPAUJ

PIJPAUJ: Developer; Messages : 149
Date d'inscription : 2010-12-25

Post n°6

Re: Hmoob Cov Saub Tej Lus Ntos

PIJPAUJ 17th June 2011, 9:42 am

Saub Nom Ntsuab

Ua ntej yuav muaj ib yam dab tsi tshwm sim nyob rau lub ntiaj teb no, twb yuav xub muaj ib tug qauv ua txoj hau kev. Tus qauv ntawd yog hais tias xeeb txawm chiv los ntawm leej tib neeg lub tswv yim xwb ces tib neeg yuav muab nws zwm rau hauv ntaub hauv ntawv zoo zoo tseg. Dhau li ntawd lawm ces tib neeg mam ho muab cov ntaub cov ntawv ntawd nthuav qhia rau ntiaj tog qaum pes ib pab ib pawg zuj zus kom txhua tus lees paub thiab yoog tau raws. Tab sis, tus qauv uas yog lub ntuj lub teb xeeb txawm chiv ces lub ntuj lub teb yuav tshoov kom tib neeg sawv ua saub. Ntxiv ntawd ces tej saub mam ua lub ntuj lub teb li ncauj li lus los muab tus xyw qauv tshaj ua lus faj lem rau ntiaj tog qaum pes mloog.

Thaum twg txog txheej txog tiam uas lub ntuj lub teb xav kom tib neeg hloov lawm ces lub ntuj lub teb yuav tshoj theeb tim tshoj kom muaj saub coob coob sawv los ntos lub ntuj lub teb tus qauv lus rau sawv daws paub. Thaum zoo li ntawd lawm mas yuav muaj saub coob saub ntau heev, tab sis cov saub ntawd tej ncauj tej lus ces muaj ntsi mus tib seem xwb. Nyob rau Los Tsua Teb mas Hmoob kuj muaj ntau tus saub uas sawv los hais lus faj lem ua ntej lub teb chaw yuav hloov kev tswj fwm. Tej tug saub kuj hais tau meej meej tseeb tseeb, tej tug kuj hais tau tsis tshua meej thiab tsis tshua tseeb; tej tug kuj muaj koob nto npe lug; tej tug kuj tsis muaj koob thiab tsis nto npe li. Nyob rau peb sab Moos Pham Teb ntawd ces Hlob Nom Ntsuab Yis Muas kuj suav tau hais tias yog ib tug saub lawm thiab ntag. Yog li ntawd, ntxiv no lawm nrad kuv yuav muab Nom Tsuab Yis Muas kev sawv saub thiab nws cov lus fajlem los hais me ntsis rau peb mloog.

Nom Ntsuab Yis Muas mas yog ib tug neeg liaj neeg teb uas cia li xwb tim sawv saub los ntawm kev zoo vwm. Nws yog neeg nyob rau lub zos Moj Sab, Moos Pham Teb uas ze rau lub Rooj Phu Biab, Xeev Kham, Tebchaws Los Tsua.

Raws li tham mas hais tias ua ntej Nom Tsuab yuav sawv saub ntawd, zoo li nws tsev neeg muaj me ntsi plaub nrog nws txiv tus niam yaus ces cov kwv tij txawm muab nws niam thiab nws tsev neeg cais mus nyob dua ib lub tsev tshiab lawm. Cia tus niam yau nyob hauv nws txiv lub tsev. Thaum ntawd yog lub caij luaj teb ntov ntoo. Txhia niaj txhia hnub mas Nom Ntsuab yeej nyob tus yees li tej neeg zej neeg zos thiab xwb. Tab sis, nyob nyob txog kiag rau hnub uas nws muab teb hlawv tas nrho ntawd. Tag kis kaj ntug uas noj tshais tas nrho ntawd ces nws txawm ua zam see, ntsis plaub hau npws loos, ho tsis mus ua teb li lawm lauj. Nws txawm muab nws rab niag qeej los tshuab luj laub, luj laub, lawm xwb. Nws pheej ua li ntawd tau 3 hnub nkaus tsis hais lus rau leej twg li. Nyob nyob ces nws muaj ib tug txiv ntxawm uas koom ib zog thiaj dua kev tuaj pom nws ua li ntawd. Tus txiv ntxawm ntawd hu ua Vam Yaj Muas no. Thaum Yawg Vam Yaj tuaj mus pom Nom Ntsuab pheej tshuab qeej lujlaub, lujlaub li ntawd es tsis mus ua dab tsi li lawm, nws thiaj yws Nom Ntsuab hais tias, “Yawg Nom, ua cas tsis mus nrog poj niam me nyuam ua liaj ua teb es pheej muab rab niag qeej los tshuab dab tsis li ko naj?” Nws tsis teb Yawg Vam Yaj dab tsis li. Nyob nyob ib pliag ces nws txawm nug cov neeg ib cig ntawm nws hais tias, “Nej puas paub kuv rab qeej nrov li cas?” Tsis muaj leej twg teb nws li. Nws thiaj rov hais tias, “Kuv rab qeej nrov hais tias, ‘yuav mus laub, yuav mus laub’ no laiv.” Tom qab tsis ntev ntawd ua cas nws txiv tus niam yau txawm mus yuav txiv lawm tiag. Thaum lawv tus niam yau mus yuav txiv lawm, ces Nom Ntsuab lawv mam tsiv rov los nyob hauv lawv lub qub tsev uas yog lawv txiv lub.

Thaum tej kwv tij thiab zej zog pom hais tias Nom Tsuab tsis tshua meej pem lawm, lawv txawm pib nrhiav neeb nrhiav yaig tuaj kho. Lawv nyuam qhuav npaj siab yuav mus nrhiav neeb nrhiav yaig xwb, nws txawm siv paub lawm thiab txawm siv hais rau lawv hais tias, “Nej lam ua xwb os. Kuv yeej tsis zoo os.” Lawv xav hais tias nws vwm lawm ces nws cov lus tsis tseem ceeb dab tsi lawm. Lawv txawm tsis quav ntsej nws li. Lawv yeej mus nrhiav neeb nrhiav yaig tas zaj tas zog tuaj kho ntag. Ua cas kho npaum twg los zoo li nws yeej tsis zoo li thiab tiag. Muaj ib zaug, lawv tab tom coj nws mus rau hauv ib yim kwv tij tso yuav neeb kho nws, nws txawm hais rau nws tus pojniam kom nws pojniam muab nws rab qeej nqa mus pov tseg lawm nram qab toj pob. Nws hais tias rab niag qeej ntawd yog qeej dab ntxwg nyoog xwb kom kav tsij nqa mus pov tseg sai li sai tau. Nyob nram lawv qab zog mas yeej muaj ib kab niag toj pob tu xywb plia ntag. Niam Nom Tsuab thiaj hais rau Nom Ntsuab hais tias, “Yawg Nom, koj rab qeej koj yuav los kim kim li kam yog ib choj nyiag diam, ces cia kuv nqa mus rau pem lawv es lwm hnub koj zoo mam rov mus nqa los.” Nom Tsuab tsis tseev li. Cuaj los yuav kom coj mus pov tseg, kaum los yuav kom coj mus pov tseg xwb xwb. Tus niam ua ua tsis tau tes ces thiaj muab rab niag qeej nqa rau nram qab zog lawm. Thaum nws mus txog nram qab zog, nws xav xav nws thiaj muab nyiag nqa twjywj los mus cia rau pem ib yim kwv tij lawm. Thaum Niam Nom Tsuab nyuam qhuav lem fias es yuav nqa rab qeej los mus cia lawm pem lawv xwb, Nom Tsuab twb paub lawm, thiab nws twb sawv tsees ua phob nuag yuav tuaj mus caum nws pojniam ntag no. Tab sis, cov kwv tij uas tuaj nyob zom zaws nrog nws ntawd txawm muab nws txhom pes ntiag cia lawm. Txij thaum ntawd los ces cov kwv tij txawm ntshai nyaj tsam nws lam mus ntau neeg zej zog li ub li no. Yog li ntawd, lawv thiaj txua tau ib rab cuab majmum los muab nws ko taw xauv cia.

Thaum lub sijhawm uas lawv tseem muab nws xaum ko taw nraim cia ntawd, mas nws yeej tsis cem, tsis chi, thiab tsis yws leej twg li. Nyob nyob nuaj qee tsam mas nws ua lub tobhau dov luj lam li yuav tuag tiag tiag thiab seev hais tias, “Nej cuab kuv li no hauv ntiaj teb ces faj tim fuab tais cuab Ntxwg Nyoog saum ntuj xwb ntag lau. Ntxwg Nyoog yuav tuag lau.” Lub sij hawm ua nws tseem raug cuab ko taw ntawd, yog muaj tej neeg mob hnyav tom tej lub zos ces nws yeej cia li qhia hais tias tug neeg mob mob li no tom lub zos tod ces yog tim li no lawm. Nej mus ua li no rau ces zoo. Lawv mus ua raws li nws hais rau. Ua ciav tus neeg mob ntawd txawm zoo lawm tiag tiag li thiab. Lawv muab nws cuab ko taw li ntawd tau 1 hlis nkaus ces nws thiaj rov meej pem tuaj. Thaum nws rov meej pem tuaj lawm mas neeg zej zog thiab neeg ntiaj tog qaum pes ho tig tuaj saib mob saib yaig ntawm nws ua nchuav ntws.

Lub sij hawm thaum nws saib yaig mas nws muab nws ob txhais tes tiag rau ntawm ib lub hauv caug, ces nws txawm qi muag thiab nyo hau nye lawm. Nws ua li ntawd thiab tshee tshee mus li 5 feeb xwb ces twb ho tig rov los hais qhia tus neeg uas tuaj saib mob saib yaig ntawd lawm. Nws hais rau luag hais tias koj tus neeg mob no mas yog tim muaj dab li no lawm ne, los puas hais tais nws raug dab poj ntxoog li no lawm. Nws qhia luag tas ces nws ho hais ntxiv rau luag tias nws twb phum rau lawm mas tus mob yuav zoo xwb kom tus tuaj saib ntawd tsis txhob txhawj tsis txhob ntshai. Txawm hais tias nws saib thiab phum li ntawd xwb los, tus neeg mob yeej cia li thum mob lawm tiag tiag li ntag. Tsis tau ua neeb ua yaig dab tsis kho ntxiv li lawm. Tus neeg mob txawm yuav nyob deb thiab nyob ze npaum li cas los nws phum rau xwb ces nws tus mob cia li zoo hlo li lawm.

Tom qab uas Nom Tsuab zoo vwm es nws ho sawv ciaj saub ntawd lawd, mas nws yeej tsis mus ua liaj ua teb li lawm. Nws tsua niaj hnub mus des zaub nyuj los pub nws tus heev nyuj lawm xwb. Tej neeg ntiaj tog qaum pes uas tuaj saib mob saib yaig ntawm nws ntawd yog leej twg tuaj saib tass es hlub nws los luag kuj ho pub me ntsis rau nws noj, tsis hlub los nws yeej tsis lam tsa ncauj los taij los thov los puas los txhem leej twg ib yam dab tsis li. Tsis tas li ntawd xwb, tej yoov uas tom nws mas nws tsua lawv xwb, tsis ntau li lawm; tej hiab uas tom nws los nws tsua phlws xwb, tsis tua li lawm. Nws yeej tsua coj ncaj ncaj ncees ncees thiab tsis txov ib txoj qhov twg li lawm.

Thaum nws niam tuag los nws yeej tsis pub tej kwv tij ua qeej ua nruag los puas ua pag ua xau dab tsis rau li. Nws tsua los muab ntawv yaj khaum ceeb khaum ua tau ib lub tsev nyiaj tsev kub zoo zoo hlawv rau nkaus xwb. Hlawv lub tsev ntawd tas rau ces cia li coj mus zais lawm. Txawm hais tias nws ua li ntawd los tha nws niam xwb, los nws tej me tub me nyuam thiab tej xeeb leej xeeb ntxwv yeej tsis ua ib tug dab ntub npau suav phem dab tsis li thiab.

Nom Ntsuab Yis mas tsis yog ib tug txiv neeb los txiv yaig uas muaj muaj koob los sis nto nto npe es yuav muaj thwjtim tub cig pawg pes lug rau ub rau no. Nws tsuas yog ib tug neeg liaj neeg teb ncaj ncees dog dig uas tau txais saub lub fwjchim xwb; yog li ntawd, nws tej lus fajlem mas tsis yog nws txhob txwm hais rau neeg ib pawg neeg twg mloog los sis ho muab nthuav qhia ib pab twg rau qhov twg li. Nws yog hais li uas muaj neeg siv nws lub qhov ncauj kom hais tawm xwb, thiab nws tsua hais thaum uas muaj neeg tuaj saib mob saib yaig ntawm nws xwb. Yog neeg tuaj saib mob saib yaig tas nrho es txawm sawv tsees mus tsev lawm, ces nws kuj tsis hais dab tsi li. Yog neeg saib mob saib yaig tas es tseem nyob tseem zaum tham pem me ntsi ntxiv, ces nws txawm pib hais nws cov lus fajlem tuaj ntag. Nws cov lus fajlem mas hais tso phlawv phluav thiab tus nrhawv nrho ua tej khwb khawv li no:

Muaj ib hnub os dav hlau yuav ya puv ntuj, ntuj dub tas. (thaum nws hais ntawd mas tsis tau muaj dav hlauv ntau li od.)
Muaj ib hnub os menyuam Hmoob yuav noj mov, yuav ntsia saum ntuj.
Muaj ib hnub os ntuj yuav tshau os tus tsis npam ces yuav nrog huab tais tshiab mus os, tus npam ces yuav nrog huab tais laus nyob yam tej xua uas luag muab vab tshaus tshau lau.
Muaj ib hnub os niam yuav tseg txiv, txiv yuav tseg niam; me tub menyuam yuav tseg niam tseg txiv, niam txiv yuav tseg me tub menyuam; nyias zoo zoo nyias siab, nyias yuav mus nyias.
Muaj ib hnub os ob tug zom zeb ua ke, los tug yuav mus tseg tug nyob.
Muaj ib hnub os Hmoob yuav quaj mov, mov yuav quaj Hmoob.
Muaj ib hnub os sawv daws yuav tau mus pw tej lub chaw zoo li tej lub zes npua.
Muaj ib hnub os sawv daws yuav tau mus haus tej tug dej luaj li tej tug zis nyuj.
Muaj ib hnub os 2-3 zog yuav mus nyob ua ib zog, 2-3 yig yuav mus nyob ua ib yig.
Muaj ib hnub os tus muaj yuav mus nyob lub tsev zoo li tus pluag, tus pluag yuav mus nyob lub tsev zoo li tus muaj; tus pluag yuav noj li tus muaj, tus muaj yuav noj li tus pluag.
Muaj ib hnub os txhua tus ib leeg yuav muaj ib lub tsheb.
Muaj ib hnub os lawg daj lawg dub luaj taub dag taub twg mas yuav ntau neeg tuag.
Muaj ib hnub os cov txivneej ntse yuav tuag tag os, ntshav ntws los mus mas menyuam npua 3 taus hla tsis dhau; tom qab ntawd ces tsua tshuav cov niag ruam ruam xwb, los cov poj niam tseem yuav sib txeeb cov ruam mas tseem yuav ua ib phaum rog thiab.
Muaj ib hnub os ntuj yuav tsau 7 hnub 7 hmo, poj niam muaj menyuam hauv plab yug me nyuam tom nplaig tus los tsis hnov; tsheej txiv neej qas yawg los ntshai ntshai nkag yuav lawm xwb. Nyias ntshai ntshai nyias tug tsis nco txhawj txog tug li lawm; tab txawm yog tej poj niam me nyuam los yeej tsis nco txhawj txog li lawm, tsua txhawj tus kheej lawm xwb. Thaum ntawd yog leejtwg nco thov ntuj mas tus ntawd thiaj dim.

Ncua sijhawm uas Nom Ntsuab Yis sawv saub ntawd nws hais tias yog sawv daws mloog thiab lees yuav nws ces:

Txhuv yuav txhawv rau sawv daws noj. (yuav tau txais kev pab ntev mus lawm tom ntej)
Ntaus ntais rau tshauv xwb los yuav ua tau zaub mov noj. (yuav muaj roj zeb ntsuam siv)

Vim yog sawv daws tsis mloog nws hais, tsis lees yuav nws, thiab tseem muab nws cuab cuab khi khi, es sawv daws thiaj tsis tau txais qhov koob hmoov uas nws tau hais. Qhov uas lawv muab nws cuab cuab khi khi ntawd mas txhaum nws cov dab saub lawm. Yog li ntawd nws thiaj yuav tau tuag mus. Ntu uas Nom Ntsuab yuav tuag nws hais tias, “Kuv yuav mus nrog kuv niam thiab kuv txiv nyob lau, ua neeg nyob kawg ncaj ncees. Thaum twg kuv rov mus nrog kuv niam kuv txiv nyob saum ntuj lawm ces zoo li rab riam uas rho hlo lawm ntag. Yuav ua dua neeg ces li ua hnab tshiab. Mus nrog faj tim huab tais tshiab nyob lau. Tsis noj mov ntiaj teb lawm. Yuav mus noj mov ceeb tsheej lawm xwb.” Nws hais li tas ces nws txawm pw xyab lias thiab tsis noj tsis haus li lawm. Nws yoo li ntawd tau 8 hnub nkaus ces thiaj ua rau nws txoj sia tu nrho lawm.

Nom Ntsuab Yis cov lus fajlem ces hais los xaus li no. Cov lus fajlem no mas yog hnov thiab piav los ntawm tus Txiv Ntxawm Nchaiv Siab Muas thiab lawv tej neeg txheeb neeg ze ib leeg qho me ntsi txuam. Txiv Ntxawm Nchaiv Siab mas txawm yog cov me nyuam yaus uas pheej mus mloog thiab nyob ib ncig ntawm Nom Tsuab thaum lub sijhawm uas nws vwm thiab ho sawv ciaj saub ntawd ntag.

PIJPAUJ 17th June 2011, 10:01 am

PIJPAUJ

PIJPAUJ: Developer; Messages : 149
Date d'inscription : 2010-12-25

Post n°7

Re: Hmoob Cov Saub Tej Lus Ntos

PIJPAUJ 17th June 2011, 10:01 am

SAUB NTXOOV DOOG

Yeeb Yam Piv Sab Sij Huam Neej Hmoob, Tus Sau: Laj Lim Hawj

Tshooj 1

1. Thaud muaj ib tug Saub yug txawm ua neeg nyob rau ntiaj teb.

2. Nws yug los ua neej nyob rau Tiaj Zeb Dawm Tsua.

3. Tus saub no muaj lub npe hu ua Saub Ntxoov Doog.

4. Saub Ntxoov Doog yug los ua neej nyob thiab kawm kev ua neej nyob ntiaj teb no ib yam nkaus li tsoom neeg nyob Tiaj Zeb Dawm Tsua. Nws yog ib tug kws hlau zoo thiab nws niaj hnub ntaus hlau, riam, taus, thiab txuas muag rau tsoom neeg Tiaj Zeb Dawm Tsua.

5. Tab sis nws kuj muaj tej txujci uas nws coj lwm lub ntuj lwm lub teb, lwm txheej lwm tiam uas nws tau nyob dua thiab tau kawm dua los lawm thiab. Nws nco qab txog tej txujci no ces ua rau nws txawj ntse thiab muaj hwv xyeej loj.

6. Tsoom neeg nyob Tiaj Zeb Dawm Tsua pom tias nws muaj txuj zoo thiab muaj hwv xyeej loj, lawv thiaj tuaj kom nws pab kho lawv tej kev mob kev nkees thiab qhuab ntuas lawv tej kev iab kev hiav.

7. Saub Ntxoov Doog ntseeg tias nws muaj hwv xyeej uas yuav txhim kho thiab qhuab qhia tau nws tus kheej thiab lwm tus. Nws ntseeg li ntawd ces nws txawm ua tau li hais.

8. Thaum tsoom neeg ib cheeb tsam pom tias Saub Ntxoov Doog muaj hwv xyeej kho tau nws tus kheej ces lawv tuaj kom nws kho lawv tej kev mob kev nkeeg thiab.

9. Saub Ntxoov Doog ntseeg tias leej tib neeg txhua leej txhia tus yog Ntuj Niam Ntuj Txiv me nyuam. Yog tias lawv ntseeg li ces lawv yuav muaj hwv xyeej li Ntuj Niam Ntuj Txiv thiab.

10. Nruab hnub hmo ntuj neeg tuaj vij, tuaj voog Saub Ntxoov Doog me tog vaj tog tsev puv tag nrho tos thiab thov kom nws kho nws cawm lawv.

11. Yib vim tsoom neeg tuaj vij tuaj voog li no tas hnub tas hmo, tsoom neeg Tiaj Zeb Dawm Tsua thiaj tau thov kom Saub Ntxoov Doog tawm hauv lub zos mus, rau qhov tsoom neeg zej zog tsis tau kev ua noj ua haus ywj siab li lawv lub siab nyiam.

12. Yog li Saub Ntxoov Doog thiaj li tau khiav mus nyob ua twj cuab rau nruab liaj nruab teb.

13. Tsoom neeg sawv daws kuj raws nws mus rau nruab liaj nruab teb thiab muab nws hu ua "Siv Yis" tus Saub uas cawm leej tib neeg tawm ntawm txoj kev tuag. Lawv ntseeg li ntawd ces nws kuj ua tau li rau lawv pom xyeem tiag thiab.

14. Cua daj cua dub, nag xob nag cua yov los npaum li cas los yeej tsis ntub Saub Ntxoov Doog thiab tsoom neeg nrog nws ib teev li.

15. Tus tom qab los hnov nws cov lus meej npaum li tus tom ntej; tus nyob deb los pom nws tseeb npaum li tus nyob ze. Nws ua lus pajlug thiab paj huam hais rau lawv xwb los lawv meej pem txhua yam nws hais.

16. Ces Saub Ntxoov Doog txawm hais rau tsoom neeg sawv daws tias "Nyob hauv ntiaj teb no, leej tib neeg txhua leej txhia tus muaj txawm fab hwv xyeej uas yuav ua rau nws noj xeeb nyob xeeb los sis mob ntsaj, kev muaj thiab kev pluag, kev ywj pheej thiab kev ua cev qhev. Peb yog tus tswj txhua yam hais no, tsis yog lawv tswj peb."

17. Ib tug tub qoob tub loo txawm teb tias "Nws yooj yim rau koj, rau qhov koj yog Saub; vim tswv ntuj muab lub fwj chim rau koj; koj tsis tau khwv noj khwv haus li peb neeg ntiaj teb."

18. Saub Ntxoov Doog thiaj teb tias "Thaud muaj ib tsav kab nyob hauv qab thu dej.

19. Dej ntws ntsiag to hla nyuag kab hlob kab yau, kab zoo kab phem, kab muaj kab pluag yam tsis xaiv cuab xaiv tus li...dej tsuas ntws dej lawm xwb...tsis paub dab tsi txog tsav kab deg no.

20. Tab sis tsav kab deg no mas ntshai dej heev; lawv tsuas npuab pob zeb tas sim neej li xwb...tsis muaj cuab kav tso tes li.

21. Muaj ib hnub, ib tug kab Deg thiaj hais tias "Kuv dhuav txoj kev npuab pob zeb no hwv lawm; txawm tias kuv tsis pom xyeem ntawm kuv qhov muag los kuv tso siab tias tus niam dej no paub tias nws ntws lawm qhov twg. Yog li kuv yuav tso tes es cia dej tshoob kuv mus.

22. Cov kab deg sawv daws luag thiab hnyos tias "Niag ruam! Koj tso tes ces dej yuav muab koj ntsawj mus tsoo pob zeb pob tsua tuag xwb los po!"

23. Tab sis tus kab dej ntawd tsis mloog lawv hais ces nws cia li tso tes loo; dej thiaj muab nws ntsawj ua nws kiv pes lees mus tsoo pob zeb pob cav tiag, tab sis ib me npliag xwb dej muab nws nqa kiag rau saum nplaim dej lawm ua rau nws tsis tsoo pob zeb pob cav lawm. Nws siv dej ua nws zog, nws maub dej ua nws kev, ces nws ua luam dej mus los yam tsis ntshai dej lawm. Vim nws paub tias dej yog nws zog...dej tsis quab yuam nws.

23. Cov kab dej uas tseem npuab pob zeb hauv qab thu dej thiaj qw tias "Saib seb! Saib seb, zaum no peb pom xyeem ntawm peb qhov muag lawm lauj! Ib tug kab dej zoo ib yam li peb xwb cia li txawj ya nrog dej lawm. Ntshe yog ntuj ua xwb lauj! Ntshe yog ntuj tso nws los cawm peb xwb lauj!"

24. Tus kab dej uas tau tso tes nrog dej plau lawm thiaj qw tias "Kuv tsis yog Saub uas ntuj tso los cawm nej. Kuv yog ib tus kab dej zoo ib yam li nej xwb. Dej yov zoo siab txhawb nqa peb txhua txhia tus kom peb dim txoj kev nyob npuab pob zeb hauv qab thu mus tas txheej tas tiam. Nws tsuas yog yov kom peb tso siab rau nws xwb. Peb lub luag hauj lwm thiab lub hom phiaj ntawm peb kev ua neej tiam no yog qhov peb yov tau tso tes plau nrog dej mus nrhiav nuj nqes rau peb lub neej.

25. Tab sis cov kab dej hauv qab thu tsis mloog nws hais li; lawv tsuas hu ntxiv tias "Yawm Saub, pab peb os, Yawm Saub, pab peb os!" Ces lawv nyob npuab lawv pob zeb pob cav li qub; lawv tsis kam tso tes mus li. Tos lawv rov tig ntsia ces tus kab dej saum nplaim dej twb ploj lawm.

26. Cov kab dej hauv qab thu dej tsis pom qab ua li cas; lawv tsuas yog muab tus kab dej uas tau tso tes plau nrog dej lawm tham ua dab neeg saub los txog niaj hnub nyem no xwb."

27. Saub Ntxoov Doog pom tias tsoom neeg sij tsis tso nws tseg li...ib hnub neeg tsuas tuaj coob zuj zus ntxiv xwb. Lawv quab yuam kom nws kho lawv yam tsis tu ncua li. Kom nws cawm lawv, qhia lawv, kawm rau lawvv, thiab nyob lawv lub neej rau lawv.

28. Ces muaj ib hnub Saub Ntxoov Doog thiaj mus ib leeg rau puag tim roob thiab nws thov ntuj.

29. Nws hais rau ntuj niam ntuj txiv tias "Aub! ntuj niam ntuj txiv, kuv tsis muaj peev xwm yov pab tau cov neeg no lawm. Kuv pab ib leeg, muaj 10 leej tuaj ntxiv, kuv pab tau 10 leej, muaj 100 leej tuaj ntxiv. Thov koj txhob rau txim rau kuv; cia kuv rov mus nyob ua kws ntaus hlau li qub xwb."

30. Ces tam sim ntawd txawm muaj ib lub suab hais lus rau nws tias "Koj txhob ua raws li kuv siab nyiam; koj ua raws li koj siab nyiam mog. Koj siab nyiam li cas, kuv siab yov nyiam li ntawd thiab. Koj cia li rov mus nyob raws koj lub siab nyiam thiab mus nyob ua lub neej kaj siab lug mog."

31. Thaum Saub Ntxoov Doog tau hnov lub suab no tas lawm, nws zoo siab heev ces nws thiaj li maj zeeg rov los mus fim tsoom neeg uas tuaj nyob tos nws kho mob. Saub Ntxoov Doog hais rau lawv tias "Kuv txiav txim siab tsis kho tsis cawm nej ntxiv lawm!"

32. Tsoom neeg sawv daws ua suab ntsiag to tau ib me pliag...tsis ntseeg tias Saub Ntxoov Doog yuav tseg tsis kho thiab tsis cawm lawv ntxiv lawm.

33. Saub Ntxoov Doog hais ntxiv rau lawv tias "Yog tias nej mus hais rau ntuj niam ntuj txiv tias nej mas xav ua neej nyob raws li ntuj niam ntuj txiv lub siab nyiam es ntuj niam ntuj txiv qhia nej ua neej no nej puas ua raws li ntuj niam ntuj txiv hais?

34. Tsoom neeg sawv daws teb zom zaws tias "Peb ua raws li ntuj niam ntuj txiv hais. Txawm tias peb yov raug tsim txom li cas los peb yov zoo siab...yog tias ntuj niam ntuj txiv kom peb ua naj."

35. "Peb yov zoo siab tuag ua ntuj niam ntuj txiv txoj hauj lwm!", lawv qw ntxiv.

36. "Ua li nej yov ua li cas" Saub Ntxoov Doog nug tsoom neeg sawv daws, "Yog tias ntuj niam ntuj txiv hais kom nej cia li nyob zoo siab lug, nyob kaj siab lug thiab noj xeeb nyob xeeb no nej yov ua li cas?"

37. Ces tsoom neeg cia li nyob ua ntuj teb ntsiag to li lawm xwb...tsis muaj leej twg ua ib suab li!

38. Saub Ntxoov Doog thiaj hais ntxiv rau tsoom neeg sawv daws tias "Nyob hauv peb txoj kev ua neej, peb yov pom thiab yov xaiv yam uas peb yov tau kawm paub nyob hauv peb tiam neej no. Hnub no kuv tau kawm paub li no lawm yog li kuv yov tsum tau tso nej tseg, cia nej taug nej txoj kev raws li nej siab xaiv thiab siab nyiam."

39. Hais li ntawd tas rau tsoom neeg sawv daws ces Saub Ntxoov Doog cia li rov los mus nyob ua kws ntaus hlau li nws ib txwm tau ua los lawm.

Tshooj 2

40. Xyoo 1975, ntuj fav teb lam, ntuj qeeg teb nchuav, zej tsoom Hmoob tau thoj nam tawg rog los rau Thaib teb.

41. Saub Ntxoov Doog kuj tau nrog zej tsoom Hmoob thoj nam los txog rau Thaib teb thiab.

42. Hmoob poj niam txiv neej, leej hlob nyuag yau, leej tub nyuag ntxhais, los nyob ua pliaj liab vog. Niaj hnub quaj thov ntuj kom ntuj pab Hmoob dim txoj kev txom nyem thiab txoj kev tsim txom ntawm ntawm Thaib.

43. Cov coj dab, kuj fiv dab ntuj dab teb, dab niam dab txiv, dab teb dab chaw, tseev kom pab Hmoob dim txoj kev txom nyem, txoj kev ua luag cev qhev thiab raug luag tsim txom.

44. Cov ntseeg Vaj Tswv kuj niaj hnub thov Vaj Tswv tseev kom pab Hmoob dim txoj kev txom nyem, txoj kev ua luag cev qhev thiab txoj kev raug luag tsim txom. Lawv sij hais tias "Thov ces koj yov tau txais; khob ces qhov rooj yov qheb; txom nyem ces Vaj Tswv yov hlub."

45. Xyoo dhau lawm xyoo tuaj, Hmoob nyob luag qab xib tes xib taw li qub tsis pauv, txoj kev txom nyem tsis ploj.

46. Saub Ntxoov Doog los nyob ntsiag to, ib lo tsis yws, ib suab tsis quaj. Nyob xyiv fab loo ua nws lub neej tawg rog. Nws tsis cem tsis liam leej twg rau Hmoob txoj kev txom nyem. Nws tsis ntxub cov neeg uas tsim txom Hmoob.

47. Thaib ntaus nws sab plhu xis tas los nws cwb sab plhu laug rau Thaib ntau ntxiv thiab.

48. Hmoob pem toj nram hav npuaj hauv siab ntsuag qees kom sawv daws cia li muab Thaib tsuj, los Saub Ntxoov Doog ua siab txias txias cheem Hmoob tseg xwb.

49. Hmoob muab Saub Ntxoov Doog cem ua dev ua npua tsis muaj chaw rau thiab hais tias "Cas koj tw yog saub, koj ho tsis pab Hmoob thiab koj ho tsis muab Thaib tsuj?"

50. Saub Ntxoov Doog teb tias "Kuv lub fwj huam tsis yog fwj huam pab Hmoob kom dim ntawm Thaib kev tsim txom; kuv lub fwj huam yog fwj huam tswj fwm kuv tus kheej kom noj xeeb nyob xeeb thiab ua lub neej kaj siab lug nyob txhua lub sim ceeb thiab kom txhua txhia tus Hmoob pom thiab kawm paub li ntawd. Yog tias peb nyias tswj fwm tau nyias tus kheej ces peb yov muaj txoj kev noj xeeb nyob xeeb txhua lub sij hawm, txawm tias luag yov tsim txom peb".

51. Tsoom Hmoob hnyos zom zaws tias "Zoo li koj ces tsuas ntxim Thaib muab koj tsuj xwb lauj!" Muaj ib tug txiv neej laus ib nrab neej txawm hnyos ntxiv tias "Tos peb Hmoob tsis muaj teb muaj chaw nyob los vim cov me neeg zoo li no tiag!"

52. Saub Ntxoov Doog sawv ua ruam nrawm nroos rov los tsev lawm, ib suab tsis nroo ib lo tsis yws.

53. Muaj ib tug tub hluas caum Saub Ntxoov Doog qab mus txog tsev thiab hais rau Saub Ntxoov Doog tias "Yawg hlob, koj twb yog tus muaj fwj huam thiab muaj txuj muaj ci, ua cas koj tsis siv koj li fwj huam thiab txuj ci tiv thaiv koj ntawm cov Hmoob thiab cov Thaib no? Ua cas koj cia koj tus kheej rau cov neeg no hiam thiab quab yuam zoo li no.?"

54. Saub Ntxoov Doog teb tias "Kev khib xeeb khib siab yov coj tsis tau leej tib neeg mus rau txoj kev ntshiab. Txoj kev khib siab tsuas yog yov ua rau leej tib neeg lub neej piam sij puas ntsoog mus ntxiv xwb. Qhov koj thiab kuv yov tau sib tham thiab kawm paub txog hnub no yov yog txoj kev zam. Zam txim txhaum rau txhua tus uas tau ua txhaum ua tsis zoo rau koj thiab rau kuv!"

55. Tus tub hluas txawm hais ntxiv tias "Yog tias lwm tus los sis lwm haiv neeg ua rau yus tsis muaj kev thaj yeeb no yus puas yov zam tau lub txim rau tus ntawd?"

56. Saub Ntxoov Doog teb tias "Koj zam txim rau lwm tus ces yog koj zam txim rau koj tus kheej. Yog koj muaj kev khib siab nyob hauv koj lub siab ces tam li koj tsim txom koj tus kheej. Qhov koj tsim txom koj tus kheej ntawd haj tseem phem dua li lwm tus tsim txom koj."

57. Tus tub hluas hais ntxiv tias "Yog tias luag muab peb teb peb chaw txeeb tas, muab peb vaj peb tsev txeeb tas, muab peb kwv peb tij ua tawg npoj tag thiab muab peb poj tub se ua dev ua npua thiab tua tuag tas no peb tseem yov zam txim rau lawv thiab los?"

58. Saub Ntxoov Doog hais tias "Tus twg yog tus koj ntxub tshaj, tus twg yog tus koj chim rau tshaj, tus ntawd yog tus koj yov tau zam txim rau; tus twg yog tus tau ua phem tshaj rau koj, tus ntawd yog tus koj yov tau zam txim rau. Thaum kawg, tus zam txim yov yog tus yeej, tus ua txhaum yov yog tus swb. Luag ua phem rau koj, koj nrhiav kev ua phem pauj, qho no tsis yog txoj kev daws teeb meem hauv ntiaj teb no. Hnub no cia wb kawm paub li no."

59. Tus tub hluas txawm nug Saub Ntxoov Doog ntxiv tias "Kuv yog neeg ntiaj teb, kuv yov ua li cas tswj tau kuv lub siab los mus zam lub txim txhaum rau cov neeg uas tau ua phem thiab ua txaum rau kuv lawm?"

60. Saub Ntxoov Doog hais ntxiv tias "Koj yog ib leej neeg ntiaj teb; koj yog ntuj niam ntuj txiv ib leeg zoo xeeb zoo ki. Yog koj nco txog tias koj yog ntuj niam ntuj txiv li zoo xeeb thiab lees paub tias koj yog ntuj niam ntuj txiv ib leeg me nyuam yog li koj muaj fwj huam li ntuj niam ntuj txiv thiab ces koj yov tswj tau koj lub siab los mus zam txim txhaum rau txhua leej txhua tus uas tau ua txhaum rau koj lawm, txawm tias tej txim txhaum ntawd yov loj npaum li cas los xij. Rau qhov ntuj niam ntuj txiv lub keeb kwm yeej yog keeb kwm zam. Nco ntsoov tias, koj zam txim rau lwm tus ces yog koj zam txim rau koj thiab rau Hmoob."

61. Tus tub hluas txawm hais ntxiv tias "Koj pab qhia kuv kom kuv rov paub txog kuv lub keeb kwm kev ua neej thiab kom kuv tswj fwm tau kuv tus kheej es kuv thiaj li yov ua neej nyob xeeb zoo li koj mog yawg hlob."

62. Saub Ntxoov Doog teb tias "Kuv yov zoo siab pab taw kev qhia koj, tab sis koj yog koj tus thawj xib fwb. Txhua tsav txhia yam uas koj xav paub, xav tau thiab xav muaj yeej ib txhid txawm muaj nrog koj. Koj yov nrhiav tej no nyob sab nraud tsis tau, tab sis koj yov nrhiav tau nyob hauv koj tus kheej."

63. Saub Ntxoov Doog hais ntxiv tias "Tib neeg ntiaj teb sij mus nrhiav nyiaj txiag, txuj ci, dej cawv, thiab lwm yam kev lom zem uas lawv xav tias muaj nyob sab nraud los ua kom lawv tus kheej zoo siab...yam tsis nco qab thiab tsis paub tias tej txhiam xws uas yov ua tau rau leej tib neeg muaj kev zoo siab ntawd tsuas muaj nyob hauv lawv lub cev zeem xeeb, nplooj siab nplooj ntsws, los puas hauv lawv tus kheej xwb. Yog li txhiab niaj puas xyoo, leej tib neeg thiaj nrhiav tsis tau txoj kev zoo siab thiab txoj kev nyob kaj siab lug. Thaum kawg thiaj ua rau leej tib neeg txhua leej txhia tus chim siab thiab tu siab txog lawv lub neej tiam no tias lawv tsis muaj lub neej zoo thiab ua tsis tau lub neej raws li lawv siab nyiam thiab siab xav." Hais li ntawd tag ces Saub Ntxoov Doog txawm nkag dua hauv nws lub tsev lawm.

64. Tus tub hluas muab Saub Ntxoov Doog cov lus qhia xav mus xav los, nws thiaj li muab cwj mem kais ua zaj cia rau leej tib neeg tau siv ua tshuaj lawm yav tom ntej.

Tshooj 3

65. Xyoo 1980, nplooj tsis zeeg zoov tsis kaj. Cov teb chaws vam meej nyob sab hnub poob qhib kev dav fo tos Hmoob thiab muab lub cib fim rau Hmoob tuaj mus tsim dua lub neej tshiab nyob rau ncua niam ntuj uas ntsej hnov muag tsis pom.

66. Zej tsoom Hmoob tawg rog sau npe xam phaj zom zaws tuaj mus nrhiav dua neej tshiab ua thiab nrhiav dua kev qhua taug.

67. Saub Ntxoov Doog kuj xyiv fab loo nrog zej tsoom Hmoob sau npe xam phaj thiab.

68. Cov coj dab kuj fiv yeem ntuj yeem teb pab kom phaj xam tau tuaj mus txawv teb chaws rau qhov sawv daws tiv tsis taus txoj kev txom nem nyob rau Thaib qab xib tes xib taw lawm.

69. Cov ntseeg Vaj Tswv kuj niaj hnub txhos caug thov Vaj Tswv kom cia li tau tuaj mus txawv teb chaws xwb, rau qhov lawv ntseeg tias Vaj Tswv yeej muaj ib thaj av uas Vaj Tswv tau cog lus rau lawv lawm.

70. Hmoob me pa xyab pa ntawv thiab pa tswm ciab ncho nto ntuj ces Ntuj Niam Ntuj Txiv kuj dauv muag los ntsia Hmoob lub neej tawg rog nyob ntiaj teb.

71. Saub Ntxoov Doog nyob kaj siab lug, ib tus xyab tsis hlawv, ib ntshuas ntawv tsis txaug, thiab ib tus tswm ciab tsis taws.

72. Tsis ntev dhau los, cov phaj xam tau ces tsa suab hlo ua ntuj tsaug thiab qab siab ntsuav rov los mus khee nyiaj qab nas yuav qaib yuav npua pauj yeem thiab pauj Vaj Tswv txiaj ntsim.

73. Cov paj xam poob ces chim siab xav tuag; pab niam tub txiv nyuag sib ceg liab muag ntsuav rov los tsev--ntsoos npaum daum raug xub.

74. Cov tsis khuv tuaj mus txawv teb chaws ces niaj hnub tso hem thawj xyav txog nyav noj neeg nyob ntuj sab nraud.

75. Muaj qee pawg tseem cav tias Vaj Hmoob yuav sawv hlub Hmoob. Kom Hmoob nyob tos Vaj Hmoob sawv hlub Hmoob.

76. Muaj ib cov cav tias Hmoob Vaj twb dua Amelikas lawm. Kom sawv daws cia li lawv Hmoob Vaj qab.

77. Hmoob niaj hnub sib cav sib ceg liab muag ntsuav; nyias khav nyias zaj, tsis muaj kev haum xeeb thiab kev meej pem txog ruam kev tom ntej.

78. Tag kis uas Saub Ntxoov Doog yov sawv kev tuaj mus txawv teb chaws, muaj ib tus tub hluas txawm nug Saub Ntxoov Doog tias "Yawg hlob, koj yog tus muaj zoo xeeb, txawm zoo yim, ua ntej koj yov mus, koj qhia qhov tseeb txog kev yov mus ua lub neej tshiab nyob ntuj sab nraud rau nyuag yaus paub saib?"

79. Saub Ntxoov Doog txawm teb tias "Thaum mus ces yov mus tam nyuj kub. Thaum rov ces yov rov tam nyuj cab."

80. "Koj txhob zoo siab rau lub nkoj uas nyuam qhuav yov sawv kev ntawm ntug hiav txwv mus rau ruab niam dej hiav txwv, rau qhov nws haj tseem yov ntsib cua daj cua dub thiab nag xob nag cua."

81. "Tab sis, koj yov zoo siab rau lub nkoj uas twb yov los nres, rau qhov nws twb dim ntawm cua daj cua dub thiab nag xob nag cua los lawm."

82. Tus tub hluas txawm nug ntxiv tias "Ua li, kuv ib zaj txuj tsis muaj, ib fab ci tsis paub...kuv yov ua cas mus nrog luag twv txuj twv ci lawm ntuj sab nraud? Kuv yuav ua li cas mus nrog luag sib twv ua neej tau?

83. Saub Ntxoov Doog teb tias "Nyob hauv ntiaj teb no, txawv teb chaws ces txawv neeg thiab txawv huab txawv cua. Tab sis, tus keejkhwm kev nrhiav noj nrhiav haus tsis txawv."

84. "Hauv qab ntuj no, koj nco ntsoov tias yog koj xav muaj noj ces kawg rau siab ntso lub luag nroj, yog koj xav muaj hnav ces kawg rau siab ntso lub luag av."

85. "Txawm koj yuav nyob laj fab los sis nyob thoob fab, txawm koj yov yog neeg tawv dawb los tawv daj, yog koj tsis tseb koj yeej yov tsis tau sau; koj cog nplej ces koj sau nplej, koj cog pob kws ces koj sau pob kws. Tus keejkhwm no tsis pauv."

86. "Niaj hnub no koj tsuas yog pluag lub cib fim xwb, koj tsis pluag tswv yim thiab kev tij lim."

87. Tus tub hluas txawm nug Saub Ntxoov Doog ntxiv tias "Ua li, kuv mus nyob ntuj sab nraud, kuv yov mus ua lub neej Hmoob li kuv poj yawm txwv koob ib txhis ua los lawm los kuv yov mus ua lub neej raws poj Mab yawm Suav?"

88. Saub Ntxoov Doog teb tias "Hmoob tej laus niaj txhis piv txoj lus tias 'Poob luag ntuj yoog luag txuj, Nyob luag teb xyaum luag ci.'"

89. "Koj mus nyob luag ntuj ces koj yov tau yoog luag tus cwj pwm; koj thiaj li yov nrhiav tau noj tau haus thiab koj lub neej thiaj li yov vam meej li luag."

90. "Tab sis, nco ntsoov tias koj yog Hmoob; koj lub keeb kwm yog Hmoob...txawm tias koj yov mus siv luag toj yug yaj, siv luag tais rau ntxhai, siv luag lus hais zaj, siv luag xaiv hais cai, los koj yov txhob nrauj koj keeb kwm mog." Hais li ntawd tas ces Saub Ntxoov Doog thiaj sawv kev tuaj mus txawv teb chaws lawm.

**koojziagkabzaug** 17th June 2011, 10:28 am

koojziagkabzaug

koojziagkabzaug: Moderator; Messages : 3529
Date d'inscription : 2010-02-28

Post n°8

Re: Hmoob Cov Saub Tej Lus Ntos

koojziagkabzaug 17th June 2011, 10:28 am

Nyob zoo Pijpauj,

Nws tuaj lov! zoo siab rov ntsib nws hnub no.
Pijpauj, nws puas kam tso ib tug Avatar rau nws lub npe kom haib haib nab?

Kuv mloog tau Hmoob 18 xeem lawm os. Ua tsaug.

Ua tsaug nws tso Saub Ntxoov Doog cov lus rau peb nyeem. Yeej hais tau zoo kawg nkaus...Ua li nws puas paub, Saub Ntxoov Doog mus txawv teb chaws lawm no nws mus nyob rau qhov twg thiab nws ho ua neej li cas lawm? Cas yuav txawj hais ntau yam zoo ua luaj li...?

PijpaujG 20th June 2011, 11:05 am

PijpaujG

PijpaujG: Guest

Post n°9

Re: Hmoob Cov Saub Tej Lus Ntos

PijpaujG 20th June 2011, 11:05 am

Nyob zoo os KZKZ,

Zoo siab ntau uas tau tuaj ntsib nws. Cia siab hais tias nws yuav noj qab nyob zoo thiab nyob nyab xeeb.

Kuv tsis paub xyov yuav tso dab tsi thiaj zoo es thiaj tsis tso.

Hais txog Saub Ntxoov Doog los kuv kuj tsua yog mus tshawb pom hauv Internet tawm los xwb. Tus neeg kiag kuv yeej tsis paub txog li thiab. Thov txim ntau uas teb tsis tau ib yam lus kom ntxim nws siab li nawb mog.

**koojziagkabzaug** 22nd June 2011, 9:42 am

koojziagkabzaug

koojziagkabzaug: Moderator; Messages : 3529
Date d'inscription : 2010-02-28

Post n°10

Re: Hmoob Cov Saub Tej Lus Ntos

koojziagkabzaug 22nd June 2011, 9:42 am

Nyob zoo Pijpauj,

Hnub no los los nag nyob kuv lub teb chaws,
kuv xav txog Pijpauj kuv me phooj ywg uas ploj lawm

Hnub no cua tshuab nyob kub lub zos
Kuv nco txog kuv me phooj uas kuv rov pom

Ces kuv xa zaj nkauj nov tuaj rau nws
Mloog ua chaw nco txog wb kev phooj ywg

สุดใจฝัน: พงษ์สิทธิ์ คำภีร์

PIJPAUJ 18th July 2011, 6:29 pm

PIJPAUJ

PIJPAUJ: Developer; Messages : 149
Date d'inscription : 2010-12-25

Post n°11

Re: Hmoob Cov Saub Tej Lus Ntos

PIJPAUJ 18th July 2011, 6:29 pm

Nyob zoo os KZKZ,

Ua tsaug uas nws sau tau lus rub siab heev li, thiab tseem tso tau zaj nkauj kho kho siab. Dhau li ntawd lawm kuj ua tsaug rau nws daim AVATAR. Kuv nyiam kawg li.

Hnub no nyob rau ntawm peb mas sov tshaj plaws
Tab sis txoj kev sov ntawd piv tsis tau nws tej lus sov siab.

Nyob nrog cov huab cua sov sov vaum vaum mas nqhis dej txiag heev,
Tab sis tseem nqhis dej tsis npaum nqhis nws tej lus laj siab.

Huab cua sov
Huab cua kub
ces peb yuav nraim nruj nroos rau
Qhov chaw ntxoov ntxoo
Thiab qhov chaw txias.

Neeg siab sov
Neeg siab hlub
ces peb yuav tuaj txoos ntshiag to
Nws tej tsev xa moo
Tuaj mus tsev khaws txuj cia.

PIJPAUJ 13th September 2011, 8:46 am

PIJPAUJ

PIJPAUJ: Developer; Messages : 149
Date d'inscription : 2010-12-25

Post n°12

Re: Hmoob Cov Saub Tej Lus Ntos

PIJPAUJ 13th September 2011, 8:46 am

Niam Ntawv Yaj Soob Lwj cov lus ntos.

**koojziagkabzaug** 13th September 2011, 3:58 pm

koojziagkabzaug

koojziagkabzaug: Moderator; Messages : 3529
Date d'inscription : 2010-02-28

Post n°13

Re: Hmoob Cov Saub Tej Lus Ntos

koojziagkabzaug 13th September 2011, 3:58 pm

Nyob zoo Pijpauj,

Ua tsaug rau nws cov lus ntos nov. Zoo heev.

Ua li nws puas muaj lwm yam Lus Saub ntxiv?
Kuv xav mloog lawv tej lus thoob tsib nov heev.

Ua tsaug ntau.

**koojziagkabzaug** 14th September 2011, 2:17 am

koojziagkabzaug

koojziagkabzaug: Moderator; Messages : 3529
Date d'inscription : 2010-02-28

Post n°14

Re: Hmoob Cov Saub Tej Lus Ntos

koojziagkabzaug 14th September 2011, 2:17 am

PIJPAUJ wrote:Mloog Saub Ntsuab Xwm cov lus nto nyob:

www.hmoob18xeem.com
Qhov #2. Cov lus kaw cia
Playlist zaj #30. SaubNtsuab Xwm Cov Lus Nto

Nyob zoo PijPauj,

Hais txog teeb meem kho ntawv Hmoob, Hloov Ntawv Hmoob uas tus YAWG uas hais ntawm Tom 1 yuav luag tas.

Tej tug neeg tseeb ceeb muaj hwj chim meej mom hais luv khov kho...Cas los mom luag txheej...Pab nws tu siab heev...Nws hais tias: TXIV PLIG NYIAJ POV LAWV TSIS YOG XAV TUAJ PAB HMOOB, TXHAWB HMOOB; YOG LAWV XAV TUAJ CAB HMOOB QHOV NTSWG MUS UA YES XUS KEV CAI XWB. TUS YAWG NO KHAV HEEV...TAB SIS NWS YUAV KHAV HAV NYOM XWB. VIM YUAV TSIS MUAJ PEEV XWM LOS UA IB YAM DAB TSI. NWS COV LUS UAS NWS HAIS NO, NWS KHAV TIAS NWS NTSE HEEV...TAB SIS NWS TWB TSIS TAU NYEEM, SAIB TXIV PLIG NYIAJ POV COV PHAU NTAWV UAS NWS KHAWS HMOOB TEJ TXUJ CIA. NWS TSEEM KHAWS TAG NRHO HMOOB TEJ KEV CAI DAB QHUA MUS RAU TXUJ CI TIB SI CIA KOM COV YUAV UA DAB TSIS PAUB DAB LOS TAU NTHUAV NTAWV LOS UA DAB. YAM TWB TSSI TAU MUAJ DUA IB TUG HMOOB MUAJ PEEV XWM UA. YOG TIM LI CAS YUAV TSIS NCO LUAG TEJ TSHAV NTUJ UAS LUAG MUAB TAG NRHO LUAG LUB CUAB TAM, LUB NEEJ LOS TXHAWB PEB HMOOB. TXIV PLIG NYIAJ POV TSIS YOG MUAB NWS LUB CUAB TAM LOS SIV RAU PEB HMOOB XWB; NWS TSEEM SIV NWS COV NUS MUAG, KWV TIJ, TXHEEB ZE TEJ CUAB TAM TAG NRHO THIAJ TUAJ KOOB TAU PEB ME NYUAM HMOOB KAWM NTAWV NYOB NPOG TEB THIAB UA COV NTAWV KHAWS HMOOB TXUJ...TU SIAB KAWG...SAWV DAWS COJ LI NO XWB. ZAUM NO TAG TXIV PLIG NYIAJ POV LAWM CES HMOOB TEJ NTAWV YUAV ROV PLOJ MUS...KHAV KHAV LI TAB SIS YUAV TSIS MUAJ IB PHAU NTAWV TSHWM DUA NTXIV LAWM....

**koojziagkabzaug** 14th September 2011, 3:49 pm

koojziagkabzaug

koojziagkabzaug: Moderator; Messages : 3529
Date d'inscription : 2010-02-28

Post n°15

Re: Hmoob Cov Saub Tej Lus Ntos

koojziagkabzaug 14th September 2011, 3:49 pm

PIJPAUJ wrote:

Niam Ntawv Yaj Soob Lwj cov lus ntos.

PIJPAUJ 20th September 2011, 8:50 am

PIJPAUJ

PIJPAUJ: Developer; Messages : 149
Date d'inscription : 2010-12-25

Post n°16

Re: Hmoob Cov Saub Tej Lus Ntos

PIJPAUJ 20th September 2011, 8:50 am

koojziagkabzaug wrote:

Nyob zoo Pijpauj,

Ua tsaug rau nws cov lus ntos nov. Zoo heev.

Ua li nws puas muaj lwm yam Lus Saub ntxiv?
Kuv xav mloog lawv tej lus thoob tsib nov heev.

Ua tsaug ntau.

Nyob zoo KoojZiagKabZaug,

Kuv mus ncig ncig pom es thiaj coj tuaj rau sawvdaws sib cog mloog.

Cov lus fajlem uas yog Soob Lwj cov no kuv theej tau ib co cia thiab, tsua yog tsis tau muab tso xwb. Cov uas hais los ntawm Kuam Tooj Lis los muaj, ho cov uas hais los ntawm Lauj Lis los muaj. Cia ib ntus saum no kuv muab theej ua mp3 tso kuv mam muab tso rau peb mloog.

Hais txog ntawm tej neeg txawj neeg ntse uas nyias tawm nyias tswv yim ces yeej yog li nws hais. Tam sim no mas peb yuav txiav txim tsis tau rau leej twg, tab sis lub sij hawm yeej yuav qhia tau peb hais tias tej lawv ua ntawd tseeb thiab cuav li cas.

PIJPAUJ 20th September 2011, 8:41 pm

PIJPAUJ

PIJPAUJ: Developer; Messages : 149
Date d'inscription : 2010-12-25

Post n°17

Re: Hmoob Cov Saub Tej Lus Ntos

PIJPAUJ 20th September 2011, 8:41 pm

Mloog zaj hauv qab no ua ntej tso mam nrhiav dua ntxiv.

[youtube][/youtube]

[youtube][/youtube]

[youtube][/youtube]

Zaum no nyaj yuav ua hauj lwm lawm laub. Thov txim ntau uas qhov sab tsis ua hauj lwm li siab xav.

Last edited by PIJPAUJ on 21st September 2011, 7:43 am; edited 1 time in total (Reason for editing : Video tsis ua haujlwm)

**koojziagkabzaug** 21st September 2011, 12:01 am

koojziagkabzaug

koojziagkabzaug: Moderator; Messages : 3529
Date d'inscription : 2010-02-28

Post n°18

Re: Hmoob Cov Saub Tej Lus Ntos

koojziagkabzaug 21st September 2011, 12:01 am

Nyob zoo Pijpauj,

Daim video nov tsis work es! Lawv sau tias ntev dhau lawm no. Tab sis zaum no Youtube twb ua txog 1h diam sub nav, ntshe yog muaj teeb meem dab tsi lawm. Koj xav tso audio xwb mas koj tso rau lub site 4shared kuj tau, nws ntev li cas los tso tau thiab yooj yim dua.

http://www.4shared.com/

PIJPAUJ 21st September 2011, 4:16 pm

PIJPAUJ

PIJPAUJ: Developer; Messages : 149
Date d'inscription : 2010-12-25

Post n°19

Re: Hmoob Cov Saub Tej Lus Ntos

PIJPAUJ 21st September 2011, 4:16 pm

Saub Txwj Nruag:

[youtube][/youtube]

PIJPAUJ 23rd September 2011, 9:26 pm

PIJPAUJ

PIJPAUJ: Developer; Messages : 149
Date d'inscription : 2010-12-25

Post n°20

Re: Hmoob Cov Saub Tej Lus Ntos

PIJPAUJ 23rd September 2011, 9:26 pm

Lis Hauj Hmoob ntos Saub Ntsuab Xwm cov lus fajlem:

[youtube][/youtube]

[youtube][/youtube]

[youtube][/youtube]

**koojziagkabzaug** 25th September 2011, 4:28 pm

koojziagkabzaug

koojziagkabzaug: Moderator; Messages : 3529
Date d'inscription : 2010-02-28

Post n°21

Re: Hmoob Cov Saub Tej Lus Ntos

koojziagkabzaug 25th September 2011, 4:28 pm

Nyob zoo Pijpauj,

Ua tsaug uas nws tseem muab Saub cov lus ntos no los ua Youtube kom peb tau mloog yooj yim dua. Kuv nyiam Saub tej luv ntos heev, vim nws muaj cov ntsiab lus zoo thiab tej tseem lus. Kuv mloog kom paub lus Hmoob zoo dua ntxiv xwb.

Ua tsaug rau nws lub siab zoo nawb mog.

PIJPAUJ 26th September 2011, 7:13 am

PIJPAUJ

PIJPAUJ: Developer; Messages : 149
Date d'inscription : 2010-12-25

Post n°22

Re: Hmoob Cov Saub Tej Lus Ntos

PIJPAUJ 26th September 2011, 7:13 am

koojziagkabzaug wrote:

Nyob zoo Pijpauj,

Ua tsaug uas nws tseem muab Saub cov lus ntos no los ua Youtube kom peb tau mloog yooj yim dua. Kuv nyiam Saub tej luv ntos heev, vim nws muaj cov ntsiab lus zoo thiab tej tseem lus. Kuv mloog kom paub lus Hmoob zoo dua ntxiv xwb.

Ua tsaug rau nws lub siab zoo nawb mog.

Tsuav nws nyiam mloog ces kuv yeej hajyam yuav nrhiav ntxiv tuaj xwb.

Vim tej kev cia_siab rau cov lus saub zoo li no, es Hmoob thiaj muaj ntau txhiab ntau puas tug raug ploj raug tuag lossis raug txomnyem ntsuav nyob havzoo havtsuag tsis tus ncua los txog niajhnub nimno.

**koojziagkabzaug** 26th September 2011, 2:16 pm

koojziagkabzaug

koojziagkabzaug: Moderator; Messages : 3529
Date d'inscription : 2010-02-28

Post n°23

Re: Hmoob Cov Saub Tej Lus Ntos

koojziagkabzaug 26th September 2011, 2:16 pm

Pijpauj,

Yog kawg, Saub cov lus ntos mas muaj kev plhom sij ntau heev rau Peb Hmoob. Yam li peb tus Cawm Seej twb los dhau lawm, TWB YOG NAIS PHOO VAJ POV ntag los Hmoob tseem twb tssi zeem, tsis suav li. Hmoob tseem npau suav tos dua ib tug nqes saum Ntuj los cawm Hmoob. Hmoob tseem npau suav txog yuav ua tswj kav ib lub teb chaws uas Hmoob twb swb rau Suav puag txheej tshoj thaum ub lawm. Thiaj li ua rau Hmoob poob rau kev txom nyem ploj tuag lawm ci tub. Saub cov lus ntos nov mas tsis yog tias yuav tsis muaj, tsis tseeb, yeej muaj thiab tseeb. Tab sis yog lub neej tom ntej, lub neej yuav hloov li hais ntawd xwb, tsis yog tias lub zwj ceeb no kiag yuav cia li hloov kiag li ua khawv koob mas yuav muaj tsis taus.

Qhov kuv nyiam mloog lawv cov lus mas yog kuv xav kawm lawv cov ntsiab lus los hais xwb. Yam li Phou Thène no lawv hu ua: Theej kaj pej xeem...Hahahah...!

PIJPAUJ 27th September 2011, 4:30 am

PIJPAUJ

PIJPAUJ: Developer; Messages : 149
Date d'inscription : 2010-12-25

Post n°24

Re: Hmoob Cov Saub Tej Lus Ntos

PIJPAUJ 27th September 2011, 4:30 am

koojziagkabzaug wrote:

Pijpauj,

Yog kawg, Saub cov lus ntos mas muaj kev plhom sij ntau heev rau Peb Hmoob. Yam li peb tus Cawm Seej twb los dhau lawm, TWB YOG NAIS PHOO VAJ POV ntag los Hmoob tseem twb tssi zeem, tsis suav li. Hmoob tseem npau suav tos dua ib tug nqes saum Ntuj los cawm Hmoob. Hmoob tseem npau suav txog yuav ua tswj kav ib lub teb chaws uas Hmoob twb swb rau Suav puag txheej tshoj thaum ub lawm. Thiaj li ua rau Hmoob poob rau kev txom nyem ploj tuag lawm ci tub. Saub cov lus ntos nov mas tsis yog tias yuav tsis muaj, tsis tseeb, yeej muaj thiab tseeb. Tab sis yog lub neej tom ntej, lub neej yuav hloov li hais ntawd xwb, tsis yog tias lub zwj ceeb no kiag yuav cia li hloov kiag li ua khawv koob mas yuav muaj tsis taus.

Qhov kuv nyiam mloog lawv cov lus mas yog kuv xav kawm lawv cov ntsiab lus los hais xwb. Yam li Phou Thène no lawv hu ua: Theej kaj pej xeem...Hahahah...!

Nws hais yog lawm! Saub yeej hais ua pajlug ntau xwb. Yog peb yuav tos kom tshwmsim rawsnraim li saub hais ces yeej yuav muaj tsawg, lospuas ntsib kev txomnyem ntau xwb.

Ib zaj dabneeg yeej muaj ib ob lolus uas peb muab khaws siv nrog kev ua neej nraim xwsli TSOV DIGMUAG XUAS NTIV QHIAV, ZAB NTXIAS TSOV NOOBQES HLAIS, NTSIB XAU, DAIM(QHOV) TWG LOS PLIS...

Tsis tas li ntawd xwb, yog mloog cov dabneeg qub qub puag thaum ub mas peb tseem kawm tau tej lolus txawv txawv li koj tau hais ntawd ntag, xwsli PHWJ TOB, MEEJ XYOB, TSUAM XEEB,THIV MEEM...tej

**koojziagkabzaug** 27th September 2011, 6:54 am

koojziagkabzaug

koojziagkabzaug: Moderator; Messages : 3529
Date d'inscription : 2010-02-28

Post n°25

Re: Hmoob Cov Saub Tej Lus Ntos

koojziagkabzaug 27th September 2011, 6:54 am

Nyob zoo Pijpauj,

Yog kawg, nws hais yog kawg li...Muaj dab neeg hais los yeej yog tau muaj tej yam ua yuam kev ua ntu zus los thiaj muab ua dab neeg hais kom neeg ho khaws coj mus daws lawv kev. Tab sis neeg tsis xav mloog tej lus faj seeb ces thaum poob zoo lawm mam li xav txog ces lig lawm. Ua li nws cov lus no kuv tseem rtsis tau paub thiab laiv...Yog txhais li cas no? Nws pab qhia rau peb yuad...Hhahahah...! Thiab nws pab nrhiav teb lus uas peb tsis nco qab lawd tuaj rau peb ho tau siv thiab yuad. Thaum i kuv mus mloog lawv ua kav ke ntees, kuv thiaj rov paub lo lus "YUAS, NRUAM " no. Yog kuv tsis mus mloog lawv ua kev cai ces kuv twb tsis paub thiab...

PHWJ TOB, MEEJ XYOB, TSUAM XEEB,THIV MEEM...=...?

Sponsored content

HMOOB TSAV NTUJ

Search

Hmoob Catholique Forum

Latest topics

Top posters

Tsev seev PajHuam

Hmong beauty nature

Compteur visitor

Hmoob Cov Saub Tej Lus Ntos

Hmoob Cov Saub Tej Lus Ntos

Re: Hmoob Cov Saub Tej Lus Ntos

Re: Hmoob Cov Saub Tej Lus Ntos

Saub Vwj Pov Xyooj

Re: Hmoob Cov Saub Tej Lus Ntos

Re: Hmoob Cov Saub Tej Lus Ntos

Re: Hmoob Cov Saub Tej Lus Ntos

Re: Hmoob Cov Saub Tej Lus Ntos

Re: Hmoob Cov Saub Tej Lus Ntos

Re: Hmoob Cov Saub Tej Lus Ntos

Re: Hmoob Cov Saub Tej Lus Ntos

Re: Hmoob Cov Saub Tej Lus Ntos

Re: Hmoob Cov Saub Tej Lus Ntos

Re: Hmoob Cov Saub Tej Lus Ntos

Re: Hmoob Cov Saub Tej Lus Ntos

Re: Hmoob Cov Saub Tej Lus Ntos

Re: Hmoob Cov Saub Tej Lus Ntos

Re: Hmoob Cov Saub Tej Lus Ntos

Re: Hmoob Cov Saub Tej Lus Ntos

Re: Hmoob Cov Saub Tej Lus Ntos

Re: Hmoob Cov Saub Tej Lus Ntos

Re: Hmoob Cov Saub Tej Lus Ntos

Re: Hmoob Cov Saub Tej Lus Ntos

Re: Hmoob Cov Saub Tej Lus Ntos

Re: Hmoob Cov Saub Tej Lus Ntos

Re: Hmoob Cov Saub Tej Lus Ntos

Re: Hmoob Cov Saub Tej Lus Ntos

Similar topics

Similar topics

Search Query

Display results as : Posts Topics
Advanced Search