Tham txog KEV UA SAUB (NEEG UA SAUB)

koojziagkabzaug wrote:

Liajntsu wrote:Maypaj thiab Koojziagkabzaug,

Kuv lam muab 2 lub topics no coj los tso rau neb seb ho xav licas puas tsimnyog tsim lawv los ntxiv peb tau tham uasi. Yog neb pom tias zoo ntxiv los mam li ntxiv rau nawb. Kuv tsuas xav li xwb. Ua tsaug ntau.

1. Tham txog KEV UA SAUB (NEEG UA SAUB)
2. Tham txog NPAUSUAV & TSHWM SIM MUAJ TSEEB

Nyob zoo LiajNtsu,

Yogh kawg, yog ib lub tswv yim zoo heev.
Kuv xav tias tej yam tshwm sim tseeb los cua, peb tsis paub meej ces peb muab tso rau hauv:

Story & Experience

https://hmoobtshavntuj.forumotion.com/story-experience-f7/

****************

Maypaj,

Yog nws khoom no pab ua ib Section speciale rau "Kab Kev Ntees". Vim Tij laug Hmoob Ntujqubqab kuj tso tau ntau yam tseem ceeb lawm thiab. Kuv khoom, tseem xav mus tshawb ntau yam tuaj tso ntxiv thiab. Li ntawd thiaj tsis sib xyaws rau lwm yam.

Ua tsaug.

- 21 Century, Txhob piav txog; Kev ntseeg saub....Yuav tsum tham txog, Yam noob neej niaj hnub pom ntawm qhov muag; Thiaj yog qhov tseeb....Saub tsi muaj paug, Tsi xaus ntsis; Xav hais li cas? Hais xwb, Tsi muaj pov thawj qhov twg; Lug saub....Yog neeg haub ntxias dag, Cov neeg ruam; Paub tsi meej....Pom tsi tseeb, Tsi muaj hnub; Tsi muaj hli....Tsi muaj xyoo, Tsi muaj sij hawm tshwm sim yam xwm txheej ntawd; Siab xav li cas? Kwv yees hais, Haub ntxias dag; Lwm tug ntseeg.

- Lug npau suav, Los tsi muaj tseeb; Qhov muaj xwm txheej tshwm sim tsawg.....Qhov tsi muaj ntau, Yog leej twg? Tham lug npau suav, Rais ua neeg vwm? Txuam yuaj nkag saub ntas.

Kwv Xyooj Tsab, peb lo lus "saub" txhais tias "ntsuav" lus askiv hu "prediction".

Yog hnov qaib saub ces yog muaj dav ya nruab ntug,
yog qaib tsauj ces yog qaib yuav nteg qe thiab qaib pom nab pom plis.

Tib neeg saub ces yog muaj kev npau suav pom lub neej tom ntej.
Yog tias peb tsis ua zoo saib ces lo lus "saub" no peb yuav txhais tias "vwm".

Tab sis yog yuav muab saib raws li livxwm uas peb tawg teb chaws tuaj mus nyob thoob plaws lub qab ntuj no. Ntsuab Xwm twb predicted ua ntej xyoo 1975 lawm. Tej lus nws Ntsuab Xwm prediction ntawd yeej tsis vivaim li. Luag cov teb chaws vam meej li USA, China thiab lwm lub teb chaws puav leej move raws tej lus saub xwb. Yog peb tsis saib lus saub tseem ceeb peb yuav tsis txawj npaj lub neej 10 xyoo tom ntej. Peb hmoobtsis muaj yajtsom, tsuas saub raws kev npau suav xwb. Tab sis luag lwm haiv neeg, luag muaj yajtsom, luag tsom tej hnub hli, hnub qub tias cov hnub hli ntawd txav, tig li cas nws muaj tej sab ntuj sib txheem thiab txhawb li cas luag mam predict raws tej hnub qub ntawd move xwb. Tej kev prediction ntawd yeej puav leej tsis viv vaim li mas peb yuav tau saib tej kev prediction no tseem ceeb thiab. Kuv thov txhawb Liajntsu lub tswv yim tias tsim nyog yuav tau muaj lub topic no los rau s/d los ntos txog yam yuav tshwm sim rau lub neej tom ntej. Tus ho tsis saib yam ntawd ua ib qho tseeb los kuj kav liam, yog leej twg ho saib tsim nuj los ho tau kawm kom paub yuav zoo dua li tsis muaj.

Tij laug HmoobLeejTub & tij laug Xyooj Tsab,

Hais txog cov Niam Toj, Txiv Toj sawv vaj, ua Saub, yeej muaj tseeb hais raug, tab sis qhov uas sawv daws pheej muab tis npe hu ua "vwm" no mas yog lawv pheej muab cov lus los yog qhov lawv pom ntawd txhais yuam kev lawm. Thiaj ua rau muaj kev kub ntxhov thiab tsis raws li lawv hais, lawv pom. Yam li xyoo 1958 nyob rau Xas Niam, cov sawv saub tau hais, 50 xyoo tom qab, muab xav los puav leej yog tib si. Tab sis thaum lub sij hawm 1957_58, 1959 ntawd lawv cia li xav tias ntshe yog kiag tam sim ntawd ces thiaj ua rau muaj kev piam sij loj heev. Yog txhob maj maj, tsuas hais tias yuav muaj yav tom ntej xwb, tsis paub tias ntev los luv, 10 xyoo, 100 xyoo los 1.000 xyoo tom ntej, tab sis yeej yuav muaj tshwm xwb no mas thiaj li yog.

Muaj cov mem toj sawv raws suam av, suam tej chaws leej twg nyob ncaj mem toj ces thiaj li tshoj tus ntawd pom lub neej pem suab. Tsis yog vwm, yeej yuav muaj tiag tab sis tsis paub tias yuav mus li cas rau li cas thiab ua li cas xwb.

HmoobLeejTub,

Kuv tsim tau ib lub Topic rau Saub cov lus ntos lawm, nws muaj dab tsi no ces coj tuaj tso rau hauv nov:

https://hmoobtshavntuj.forumotion.com/t641-saub-hmoob-cov-lus-ntos#6200

Ua tsaug.

Tijlaug Xyooj Tsab,

Nws yog peb tij, nws noj thawj dia mov, xav thov nws tuaj tham kwv huam rau peb mloog puas tau?

Thov ua tsaug.

- Kuv nyeem keeb kwm 6.400 xyoo dhau lawm, Nyob suav teb yav ntuj thaum ub, Luag yeej sawv saub; Ib yam li hmoob ntas....Tab sis tug tib neeg, Sawv saub ntawd; Tsi yog neeg ruam dog dig....Luag yog neeg ntse, Muaj zeem muag; Xauj xam pom deb kawg ncua....Txog lub hom phiaj, Yuav npaj tom ntej zoo li cas? Luag twb npaj tiav tas txhua tsav yam, Lub zog tib neeg ne; Nyiam coob npaum li cas? Puas thooj siab koom ntsws, Moj them nqag kab; Txog qib twg? Suav daws puas tuaj yeem tuag, Muab txoj sia tam kiag; Ciaj suav daws nyob sib pab txhawb nqa lub teb chaws....Txhim kho kom vam meej, Muaj kev ncaj nceeg txaus; Yog tsi yeej....Es swb ne, Suav daws puas yeem tuag ua ke; Luag tej laug hais tias....Npav tuag li nce nkoj, Kav xyeem lub sij hawm; Uas suav daws ntseeg tuag nthi ua.....Yog thaum yeej ib qhov, Yeeb ncua tab tom ntshai tuag; Ntsuj plig tsi puab cev....Kav tsij ntaus tua rhuav tshem ceev nrooj, Tsi pub yeeb ncuab theem taw; Sab laj ntaus tswv yim tau....Tib pliag ntsig, Txeeb yeej tas tsheej ntsuj teb chaws; Txeeb tau khoom dab tsi? Faib niam txiv pej xeem, koob pheej ncaj nceeg; Tsi saib dej ua ntu....Tsi saib tib neeg ua plhu, Txawm kem txheeb ze; Luag xaiv tug....Tib neeg muaj cuab kav ntaus thawj dawg, Muaj peev xwm ua ntej ntais; Tsi ntshai tuag....Suav daws pom ntawm qhov muag ua tug coj....Muaj hlwb zoo, Muaj tswv yim tshaj lij; Npaj hom phiaj ua neej....Qhov tseem ceeb tshaj plawg, yog kev ncaj nceeg; Luag tsi zoo li....Peb haiv hmoob, Thaum yuav tuag; Thawb luag mus....Thaum tau noj, Yug fuas txeeb ua ntej; Tau npe zoo....Suav daws ris, Tau npe phem....Suav daws leeg txim txhaum, Yog tau nom; faib suav daws ua....dej siab ntsws, Tswj teb tuav chaws tom ntej; Peb hmoob mas....Kuv tsi nyiam, Yeej ib nyuas qhov; Ces nkaum pw tsaus zog....Tsi mus ntxiv lawm, Luag npaj tau dag zog txaus; Luag rov tuaj dua.....Hmoob swb ib qho, Tso kaum qhov pov tseg; Hmoob tuag ib tug....Swb ib lub roob, hmoob tuag ob tug; Khiav kaum lub hav....Tsi zov li, Thaum luag xwj paub hmoob qaug qeb; Luag txhij peeb zeej tuav nias tsam ceev nrooj....hmoob muaj riam phom zoo npaum cas? Tso pov tseg tas, Peem yuav siav xwb; Hmoob lub tswv yim ua rog 6.400 xyoo dhau lawm....Coj txog niaj hnub no, Ib co ua; Ib co lauj rhuav tshem....Vim ntshaw nyiaj txiagg nplua nuj, Xav tau nom loj; raug yeeb ncuab.....Haub ntxias dag, Ua mej txwv; Rov tua hmoob....Hmoob keeb kwm, Ib txwm coj li no; Txog niaj hnub no....Tsi pov tseg, Hmoob yuav ua cas? Yeej yeeb ncuab, Yog hais tias; Peb tau zaum ua ke....Tham tim ntse, Hais tim muag; Tso tej nywj phem no....Pov tseg mas, Kuv thiaj kam nrog suav dawg ua; Yog tsi li mas....txawm cab caj dab tu, Los kuv tsi ua lawm; Vim kuv twb ntsib dua....Npua tshom tas, Dev tub nkeeg; Dhia ob tuam plo khaws noj xwb.