Nyob zoo Passion,
Kuv rho tau tshuaj lawm, taig kis Saturday sawv ntxov kuv mam li xa tuaj rau nws.
Kuv xa ob tug txiv siav, ob peb tug taw nees thiab ib tug Biloba Gingko.
Tsob txiv siav, loj tuaj tuaj pov heev, nws cog rau tej qhov xu kev me ntsis tsam chob me nyuam. Thaum loj tuaj lawm mas hlob sai heev, niaj xyoo kuv txiav li ib txhais npab pov tseg...Vim kuv lub vaj me me li.
Tsob Biloba Gingko, yog kuv ua yub xwb, kuv tsis paub tias yog tsob niam los tsob txiv. Nws lam cog seb lwm hnub yog dab tsi...hahahaah...Cov lawv paub mas lawv ntsia tus ntoo lawv paub, tab sis kuv tseem tsis tau paub....hahahah...!
Tsob ntoo Biloba Gingko nov zoo tshuaj ntau yam heev.
Tsis tag li tseem ua ib tsob ntoo Tsa txhiaj meej thiab lawv cog rau ntawm qhov rooj Tsev teev Ntuj los yog Wat hauj sam, nws coj yus cov kev thov Ntuj mus ze Huab Tais Ntuj.
Hais txog qhov zoo tshuaj, cas zoo li kuv twb tau txhais ib zaug lawm, tab sis xyov nyob qhov twg, kuv nrhiav tsis tau lawm ces cia kuv mam li rov tuaj sau dua rau hauv nov; koj mam li tuaj nyeem xwb.
Tso Biloba Gingko los yog ntoo 40 lub txiaj (Thaum ub lawv muag kim heev)
Txiv siav, rau ntses noj thiab zoo ntau yam tshuaj, tshuaj cawm siav, tshuaj plawv nres.
Taw nees.
Passion, deb deb li, kuv lam xa seb nws cog puas ciaj. Yog tsis tau raws siab xav los xab niaj lwm xyoo peb ho mam rov sib faib dua cog mog.