Kuv tuaj sau tsab ntawv zoo zoo saum no rau nws ua ntej thaum kuv yuav mus ntev ntev, tsam nws nco nco kuv es tsis muaj neeg hais lus nplij nws lub siab thaum nws ntxhov siab, kuv thiaj sau tseg rau nws kom nws tau nyeem ....Los kuv piav dab neeg rau koj mloog ua ntej kuv yuav mus ntev nawd:Puag thaub ub od!!!!! txawm muaj ib tug pojniam Hmoob, niaj hnub sau ntawv hauv cab sab, thaum lub caij nws sau ntawv mas tseem yog Hmoob thawj thawj lub Forum uas tawm nyob Google , nws txoj kev thoob tsib, kev ntse , kev ncaj, sau ntawv du dais txhuag nws tes ntawv tsis tau sau ib lo lus tu siab rau leej twg , ua rau coob leej ntau tus tuaj xyuas nws, neeg coob tus tuaj xauj nws, luag xav raws, xav xyuas thiab xav nyeem, tiam sis feem coob yog cov ntshai nsthai tsa lub neej mom tsis xws nws lub ces yuav sau ntawv rau nws los tsam lam yuam kev lo lus siab nws ,ces luag tsuas raws tus pojniam Hmoob ntawv tsuav tau nyeem nws tej lus xwb los zoo siab lawm.
Nyob nyob, muaj ib hnub, txawm muaj ib tug me nyuam ntxhais Hmoob , tais tais caus, tiam sis siab ho zoo , niaj hnub quaj taug hauv tsev ua rau txhua leej txhua tus toog ntsej, ces niam thiab txiv thiaj xav tias yuav ib lub ordinateur rau nws, kom nws tau mus laug hnub me ntsis hauv cab sab thiaj tsis quaj quaj taug, ua rau txhua leej txhua tus toog toog ntsej. Ces txij hnub tus me ntxhais ntawv tau nws lub ordinateur ces thiaj tsis hnov nws lub suab quaj.
Niaj hnub tus me ntxhais ntawv pheej mus nrhiav "HMOOB" no hauv cab sab, nrhiav nrhiav txawm mus pom tus pojniam Hmoob thoob tsib cov ntawv, nws txawm pib nyeem, tus me ntxhais yim nyeem mas yim xav nyeem, cuag li tus pojniam Hmoob thoob tsib ntawv tej lus yog hlau nplaum, ib hnub yuav tsum tau mus nyeem ib lwm mas siab thiaj kaj, nws niaj hnub tuaj nyiag nyeem, qee zaus pom muaj tej tus neeg dog dig tuaj tawm tawm tsam, tseem cem cem thiab muab tus pojniam Hmoob thoob tsib ntawv lo lo rau tej phoojywg sau ntawv ua ke hauv cab sab, tus me ntxhais Hmoob mas nim nrog tus pojniam Hmoob thoob tsib ntawv mob siab ib zag ib zag cuag li twb yog luag cem tus me ntxhais Hmoob li lawm.
Tiam sis tus pojniam Hmoob thoob tsib ntawv txawm sau tau ib co lus ncaj nraim mus tiv nkaus tus Hmoob liam npe cuav uas sau txog nws tus phoojywg txiv neej thiab nws , ces tus pojniam Hmoob thoob tsib thiaj teb tias
:" Oh! lod , nej niaj hnub tuaj pom peb sau ntawv hauv no, nej tsis tshwm ntsej tshwm muag, nej liam tias kuv tham kuv tus phoojywg no los? Kuv qhia rau nej nawd! Kuv niaj hnub tuaj sau ntawv, txhua yam kuv tus phoojywg peb sau ntawv mas kuv tus leej nkawm yeej pom thiab paub, kuv muab txhua zaus rau kuv tus leej nkawm saib thiab nyeem, nej tsis paub kuv tsis yog hom neeg zoo li nej xav, muaj phoojywg los yuav npog ntawm tus txiv qhov muag, kuv tus txiv thiab kuv wb ob leeg niaj hnub nyeem tej ntawv no, qhia li no rau nej xwb ces nej yeej paub lawm tsis tas hais ntau."Hob yaud!!! ua rau tus me ntxhais Hmoob mus nyeem tau mas nws nim qhuas qhuas qhuas qhuas!!!! nws xav twj ywm tias:
" Oiiiiib!!! cas sim neej no kuv tais caus ua luaj, kheev lam kuv muaj peev xwm npaum tus niam tais no xwb lauuuu!!!!!, ab cas xav txuas lus nrog tus niam tais ua luaj es yuav ua li cas ned? kav liam os , yus niag ruam ruam li, tsis muaj lus nrog tus niam tais ntawv txuas, vim luag sau ntawv muaj qab muaj hau thiab luag yog neeg ntse, luag tsis yog neeg sau ntawv khib khib dwb thiab qw qw taug li yus ces kav liam lauj, mam li ua siab tuaj nyeem xwb txaus siab lawm."Lub caij ntawv, tswv tsev hauv lub forum Hmoob txawm muab lub forum pauv dua tshiab, ces tus me ntxhais hmoob ntawv nrhiav nrhiav tsis pom tus niam tais cov ntawv tas, ploj tus niam tais moo lawm. Tus me ntxhais Hmoob txawm chim tau ib ntus, tiam sis tus me ntxhais Hmoob ho xav tias, kav liam mas tsis pom tus niam tais Hmoob tshaj lij lawm ces cia kuv sim maj mam xyaum mus sau ntawv hauv tswv zos lub forum tshiab es kuv sim xyaum sau ntawv kom du dais thiab ntxim nyiam npaum tus niam tais Hmoob thoob tsib, seb kuv ua puas tau rau txhua leej txhua tus nyiam thiab nid?
Thawj zaug tus me ntxhais ntawv nkag mus "enregistrer" Txawm tsis paub nrhiav npe, nrhiav nrhiav ntev loo thiaj nrhiav tau ib lub npe muaj ob lo lus xwb, ces thiaj login tau, tsis pom qab mus sau tog twg tuaj, tiam sis maj mam xyaum yoog cov luag ib txwm sau sau hauv, thawj zaug nws sau " HI" no rau huav ib lub topic mas tshee npaum nkaus li yuav ua ib thaj neeb, lub siab dhia pig poog, ob hnub tom qab nws rov mus xauj cas tsis muaj leej twg tuaj teb li nid? cia sim sau kom ntau zog seb puas muaj neeg tuaj teb? thiaj rov sau tias " HELLO, KUV TUAJ FAB KIS TEB TUAJ, TSIS PAUB SAU LUS MESKAS, PUAS MUAJ NEEG KOM NROG KUV THAM" yaid tau ob hnub tom qab rov tuaj na, cas pom ob peb leeg kuj tuaj sau, " Hi! Hello! thiab kuj muaj tus sau tias nyob zoo leej muam zoo siab ntsib koj tuaj deb deb puag fab kis teb tuaj hauv no" Me ntxhais Hmoob lub siab mas niam dhia pig poog dua, nws xav xav teb ces nws txawm sau ob peb lo ntxiv " Ua nej sawv daws tsaug os , kuv tuaj tshiab tsis tau paub neeg es nej yog leej twg? " Ob hnub tom qab rov tuaj tsis muaj neeg teb, tus me ntxhais Hmoob thiaj mam paub tias txhua tus neeg tuaj hauv lub forum ntawv mas yog neeg cuav, neeg khiav nkaum tuaj laug hnub xwb, tsis muaj tus yuav tuaj qhia yam tseeb thiab qhia txog luag tus kheej, txij hnub ntawv los nws niaj hnub tuaj saib lawv, nws kuj tsis qhia nws tus kheej rau leej twg paub li thiab.
Ib xyoos dhau mus, ua cas txawm rov pom ib tug pojniam Hmoob tshaj tshaj lij rov qab pib sau ntawv ntau zuj zus, tiam sis lub npe tsis yog lub qub thaum ub uas tus me ntxhais Hmoob pom los lawm, txawm hloov lawm, tus me ntxhais Hmoob txawm rov pib caum tus pojniam Hmoob Thoob tsib ntawv duav, tus me ntxhais Hmoob niaj hnub xav tias "
Ab!!! tus pojniam no puas yog tus thaum ub nid? cas kuj pom nws mus zaum puav tom Chat thiab nsthe tsis yog laub? tus thaum ub mas tsis mus CHAT sub nas ?" Ua li cas nyob nyob pheej pom tus pojniam Hmoob thoob tsib ntawv sau ntawv zoo zuj zus li qub tuaj, mus txog hoob twg yog muaj tus pojniam Hmoob ntawv lawm mas neeg yeej tuaj mus nyeem sib laub sib lug, tiam sis lub caij ntawv ces tus me ntxhais Hmoob kuj mus zeem tau phoojywg coob lawm thiab ces cia li tsis mus nrog tus niam tais txua lus li lawm, nkawv yeej nyob ua ke hauv ib lub vas sab xwb tab sis ib tug yeej tsis txuas lus nrog ib tug, vim tias tus niam tais mas yog neej tshaj lij hos tus me ntxhais mas yog neeg khib dwb, ces nyias sau ntawv raws nyiam feem.
Ob peb hlis tom qab, ua ciav tswv zos txawm xaiv ib co neeg mus ua thab ham zov nws qab vaj tsib taug tsev forum no ciav nws lam xaid tau tus pojniam Hmoob thiab tus me ntxhais Hmoob mus nyob koom ib lub vaj loog, ces tus me ntxhais Hmoob txawm rov qab pib zoo siab! :
Oiiib!!! kuv twb xav tias ua ib siab tsis paub tus pojniam Hmoob thoob tsib ntawv lawm no los cas tswv zos tseem xaiv tau wb los ua ib nkauj lamw thiab, oib oib oib, ntshe yuav tau tso tseg cov niag phoojywg khib dwb rov mus caum tus niam tais xwb lauj, vim yus lub hom phiaj yog tuaj kom tsim txiaj tsis yog tuaj khib dwb nad!!! Ces tus me ntxhais thiaj ua ib siab sau tau ib tsab ntawv xa ncaj nqha mus rau tus niam taus thoob tsib lub PM :
Hello!!!!! tus niamlaus! kuv zoo siab heev uas koj los koom peb lawm thiab kuv lub npe hu li no, es koj nyob fab kis teb thiab no koj puas kam qhia kuv seb koj yog leej twg, wb thiaj sib paub zoo tshaj nod, zoo siab tos txais koj nawd!Ua ciav tus me ntxhais niaj hnub mus xauj nws tsab PM los tsis pom tus niam atis teb tuaj li nid? nws txawm xav tias: "
Ab! nsthe tim kuv plees dhau lawm tus niam tais thiaj tsis kam teb kuv thiaj ntshe kuv tsis ntxim nyiam li ho! Me ntxhais hmoob twb ua ib siab lawm, cas ob peb hnub tom qab mam pom tus niam tais hmoob sthaj lij tsab PM teb tuaj tias: "
Nyob zoo me ntxhais, ua tsaug nws tseem tuaj txais tos kuv thiab, kuv tseem tsis tau paub sib dab tsi hauv no kiag, kuv lam tuaj xwb tsis paub kov lawv tej vaj tsev tshiab no, kuv zoo siab pom nws yog thawj tug thab ham los txais kuv, kuv zoo siab yuav los nrog nws ua thab ham thiab, tiam sis cia seb kuv puas yuav los ua tau nawd! kuv yog tus niam tais tuaj lub zos plawv teb nyob fab kis av loj tuaj, koj ned? zoo siab tau nstib nws hnub no" Ooooh!!!! tus me ntxhais hmoob mas zoo zoo zooooooo siab nim dhia dhia dhia, xav li cas los cas tus niam tais teb nws lawm tiag, ces kuj txhais tau tias tseem muaj kev cia siab yuav tau nrog tus niam tais ntawv hais lus thoob tsib tiag tiag li...hehehe!
Txij hnub ntawv los nkawv txawm pib sib hu nyob hauv vas sab, nkawv ib tug nug ib tug moo, niam tais Hmoob los qhuab qhia tus me ntxhais zoo heev, me ntxhais los cia li ncawg ncawg niam tais Hmoob zoo li nws ib leej niam lawm, nkawv txawm pib ua viv ncaus, ib tug hais lus zoo rau ib tug, ib leeg plij ib leeg, ib tug pab ib tug. Ntev niaj ntau xyoo nkawv nyob ua ke tham luag tas hnub, tham zaj tas zaj tuaj txawm txiav txim siab sib hlub ua viv ncaus kom tag ib sim neej, txawm muaj hnub quaj los ob leej quaj, muaj hnub luag los ob leej luag, muaj hnub luag cem los ob leeg teb, muaj hnub luag thuam los ob leeg thaiv, muaj hnub luag liam los ob leeg tiv, ua rau coob leej ntau tus kev khib siab loj zuj zus , kev iab liam, kev npau, kev ntxub kuj tawm zuj zus tuaj rau ob tus niam ntxhais Hmoob thiaj txiav txim siab tias cia wb sib koom tes wb mus raws li lub ntuj daim av coj wb los ua viv ncaus, wb tuav tes khiav mus nrog Tswv Ntuj nyob lawm pem ceeb tsheej thiaj tsis muaj neeg tuaj nrhuav tau wb txoj kev phoojywg mus ib sim, zaum no tus niam tais los ua neej muaj muaj, vaj tse muaj txhij muaj txhua, tus me ntxhais los kawm tau niam tais lawm thab vaj tse los muaj txhij muaj txhua, tus me ntxhais loj zus laus zus kawm ntawv tiav , kuj kawm kiag tau niam tais thoob tsib lawm thiab, tiam sis yog lus hmoob ces paub tsis meej pes tsawg thiab tseem ib nyuag swb niam tais Hmoob txoj kev ntse.
Me ntxhais Hmoob: niamlaus tshaj lij yog kuv tus viv ncaus zoo,yog kuv ib tug angel thiab yog kuv pob nyiaj pob kub uas Tswv Ntuj muab tso rau ntawm kuv hauv kev ,ces kuv tau ntsib lawm yeej xav nrog ua ke zoo yam li ntsib txoj kev zoo tuaj nruab siab , niamlaus koj zoo li txoj kab hnub tuaj ci ntsa rau kuv thaum kuv nyob hauv ib lub hav tsaus pos huab nti tiag, cia kuv taug ib txoj kev nrog koj kom kuv tau luag mus kev nawb mog
Poj niam Hmoob thoob tsib : Kuv puas tsim nyog txais koj lub txiaj ntsim...? Koj hais tias kuv yog koj pob nyiaj, kuv hais rau koj tias koj yog kuv tus Ntshiab ( Ange Gardien) Koj hais tias kuv yog koj pob kub, kuv hais rau koj tias koj yog tus qheb kuv qhov muag rau txoj kev HLUB ...Kuv twb tu siab rau ntiaj teb NEEG lub siab Cas hnub no Tswv Ntuj tso koj los qheb kuv qhov muag rau ib lub ntuj tshiab Maypaj...kuv nrhiav nrhiav kuv twb tu siab tag... Cas hnub no Tswv Ntuj tso koj los ntsib kuv...Ua rau kuv rov pom lub ntiaj teb NEEG txoj kev ncaj. Kuv ua nws tsaug...Rau nws lub siab zoo rub kuv tes ntawm ncauj zag tsov lo...Nws los txhawb kuv lub zog...thaum kuv lub siab mob mob...Nws yog kuv qhov chaw vam khom, kuv qhov chaw so siab nawb mog...
Me ntxhais Hmoob: Koj yeej tsim nyog txais txhua yam txiaj ntsim mas niamlaus , vim twb yog muaj koj es kuv thiaj paub hais tias hauv forum qub no tseem muaj txoj kev cia siab thiab tsis yog kuv tuaj poob phem yog kuv tuaj poob rau hauv kev internet zoo xwb, kuv twb tu siab tias internet ntshe tsuas muaj kev phem xwb txhob tuaj lawm los vim sib cuag tsis tau es internet kuj yog peb neeg ntiaj teb txoj kev sib fi txuj thiab sib fi xov. Koj yog tus muab txiaj ntsim ntau tshaj rau kuv hos qhov kuv muaj muab rau koj kuv thiaj yog tus tsis tsim nyog txais vim kuv yog neeg me me ntsuag nos twm zej tib neeg twb tsis pom kuv yog lawv dawm kuv ko taw. Kuv zoo li ib lub paj tuaj tshiab zoo nkauj nyob rau hauv ib co npoo av qhuav ,kuv xav tias nsthe yuav peem tawg tsis tau vim tus hlob tus yau tuaj dua kev luag qab xib taws tsuj lub paj tsis tseg tiam sis hnub no ho muaj kzkz dua kev nws nyiam nws ho khawb coj mus cog ywg dej rau ces lub paj siav loj lub paj mam pib nthuav, kuv ces twb ua ntuj tsaug tsis tseg rau ib tug neeg siab zoo li niamlaus , txawm kuv tsis muaj dab tsi pauj koj txiaj ntsim los kuv yuav thov ua koj khub taug ib txoj kev zoo li ob viv ncaus nkauj Yaj taug kev xyaw ib pab Tshis tuaj mus cuag tus Zoo Tswv zov Yaj xwb ces zoo kuv lub siab hlo mus kom txog hnub ncaim lub ntiaj teb no. Peb ua neej nyob txhua hnub peb txawm pom kev los zoo li peb dig muag xuas dub , peb mus ncaj qhov twg ces peb kov qhov ntawv es xuas taug kev, yog hnub twg peb ntsib ib tug neeg pom kev los tuav peb tes ces zoo li peb pom kev zuj zus.... niamlaus kuj yog ib tug zoo niam tuav peb tes mus rau txoj hauv kev ncaj. Tos hnub no niamlaus ho pom muaj NEEG ncaj nyob ntiaj teb los vim niamlaus txawj saib tib neeg lub siab tuaj tsis yog saib tib neeg txoj kev ntse uas muaj neej mom siab. Qhov niamlaus pom tseeb ces tsuas yog tus neeg hais lus thiab sau ntawv Thoob tsib thiaj tseem neeg ntse thiab ncaj ncees.
Pojniam Hmoob thoob tsib :Nws mas...! Yuav txawj hais ua luaj li...May! Lub TXIAJ NTSIM yog nws li, txoj kev ZOO yog nws tug... Luag tsis pom NWS, vim luag ntsia qhov ci ci...Luag tsis paub tias qhov ci tsis yog KUB. Lub POB ZEB uas cov txhim tsev muab pov tseg, txia ua lub pob zeb TXHEEM TSEV. Ib tug NEEG zoo luag txawm luam, txawm xuab los yeej yuav nto MOO. Ib tug NEEG thoob tsib, txawm luag yuav muab nws txo los nws yeej muaj MEEJ MOM. Ntau zaud thaum kuv tag kev cia siab, Tswv Ntuj ua kom nws tuaj hais lus rau kuv...Nws cawm tau kuv lub siab kaj thaum kuv chim siab tshaj...Ntau zaud nws tias tuaj nrog kuv sau ntawv tag mus pw tsaug zog...Kuv tsis hais ib los rau nws paub hlo...Hnub no kuv hais rau nws tias: Tswv Ntuj tsim WB los thooj siab koom ntsws, vim hnub kuv chim nws paub, hnub nws chim kuv mloog tau...Ces kuv UA Ntuj TSAUG...